၂၀၂၆ ခုနှစ် သောကြာ သားသမီးများအတွက် ကံကြမ္မာ အဟော

သောကြာသားသမီးများအတွက် မိမိတို့ရဲ့အသက်အပိုင်းအခြား ၈ ၁၆ ၂၄ ၃၂ ၄၀ ၄၈ ၅၆ ၆၄ ၇၂ ၈၀ ၈၈။ ထိုနှစ်တွေမှာ ကြုံတွေ့ရစေမယ့် ကံကြမ္မာ အစိတ်အပိုင်းများ။
စီးပွားရေး အလုပ်အကိုင် ။ ။ ယခုနှစ်အတွင်းသောကြာ သားသမီးတွေရဲ့ စီးပွားရေး အလုပ်အကိုင်တွေမှာဆိုရင် လု ပ်ငန်းပိုင်းတွေ တိုးတက်လာပါမယ်။ လုပ်ငန်းသစ် အလုပ်ကိုင်သစ်များ တိုးချဲ့လုပ်ကိုင်ရကိန်းရှိသည်။ အကြံအစီသစ်တွေပေါ်မယ်။ လုပ်ငန်းတွေ တိုးတက်ကောင်းမွန်လာမယ်။ လုပ်ငန်းပိုင်းတိုးချဲ့ရမယ်။ အိမ်ပြင်ရတာ အိမ်ပြောင်း အိမ်သစ်ဝင်တာတွေ ရှိလာတတ်ပါတယ်။ အလုပ် ဌာန အိမ်နေရာနှင့် ပတ်သက်ပြီး အပြောင်းအလည်းတွေ ဖြစ်ပေါ်လာတတ်ပါတယ်။ လုပ်ငန်းထဲတွင် အပြိုင်အဆိုင် အတိုက်အခံပေါ်တတ်သည်။ စိုးရိမ်စရာမရှိပါ အတိုက်အခံများကြားတွင် အောင်မြင်နေမည်။ လူပင်ပန်းတာနဲ့ စိတ်ပင်ပန်းမှုတွေ များနေတတ်ပါတယ်။ စိတ်ကူးအကြံအစီတွေ အကောင်အထည်ဖော်လို့ရစေမည်။ ကိုယ်ပိုင်လုပ်ငန်း လုပ်နေသူတွေ စီးပွားရေးကောင်းမွန်နေမည်။ ဝန်ထမ်းများ အလုပ်နေရာ ပြောင်းရွှေ့ရတတ်သည်။ ရာထူးလစာတွေ တိုးတက်လာစေမည်။ အလုပ်တွေမှာ စိတ်မပါသလို ဖြစ်ပေါ်နေတတ်ပါတယ်။ လုပ်ငန်းသစ် စတင်ပြီးလုပ်မည်ဆိုပါက လည်းအောင်မြင်နိုင်ပါတယ်။ အကျိုးပေးပါမည်။ အလုပ်နှင့်ပတ်သက်ပြီး ခရီးသွားရတတ်သည်။ သွားလျှင်ကောင်းသည်။ အဆက်အသွယ် ကောင်းများရရှိခြင်း လုပ်ငန်းနေရာ တိုးချဲ့ရခြင်းများကြုံမည်။ နိုင်ငံရပ်ခြားနှင့်ပတ်သက်သော ကိစ္စများ ခက်ခဲထစ်ငေါ့နေမည်။ ရေကြောင်းခရီးနှင့် ပတ်သက်သော ကိစ္စများအဆင်ပြေမည်။ လုပ်ချင်တာကို ရဲရဲသာလုပ်ပါ။ အောင်မြင်ဖို့ အနေအထား ကောင်းတွေဖြစ်လာ စေမည်။ ဥစ္စာပစ္စည်းများ ကျပျောက်ခြင်း အခိုးခံရခြင်း အပြိင်အဆိုင်အတိုက်အခံများပေါခြင်း ကျန်းမာရေးညံ့ခြင်း လေနာ ရင်နာ ဝမ်းနာ မတော်တဆထိခိုက်နာ မျက်စိရောဂါ လေဖြတ်ခြင်း အသက်အန္တရာယ် စိုးရိမ်ရခြင်းများ ကြုံတွေ့တတ်ပါသည်။ လူမျိုးကွဲများနှင့် ပြဿနာခိုက်ရန်ကြုံခြင်း လူမျိုးကွဲကြောင့်ဘဲ အလုပ်အကိုင် အခွင့်အလမ်းများ တိုးတတ်အဆင်ပြေစေပါမည်။ အိမ်ထောင်ရေး မတည်ငြိမ်နိုင် လင်မယားခြင်း ကွာရှင်းလမ်းခွဲရတတ်ပါသည်။ အနေအထိုင် အသွားအလာဆင်ခြင်ရမည့် နှစ်ဖြစ်သည်။
ရွှေဝင်မယ် ရေတွင်းရေကန်တူးရတတ်တယ်။ ဝန်ထမ်းဆို ရာထူးလစာတိုးမယ်။ မင်္ဂလာပြုရတာ အလှူဒါနပြုရတာတွေ ရှိလာတတ်ပါတယ်။ ခြံ ကား ကျောက် ခြေနှစ်ချောင်းဝင်မယ်။ အကြီးအကဲ အထက်လူကြီးပိုင်းတွေရဲ့ ကူညီမစမှုကို ရရှိစေတတ်ပါတယ်။ အိမ်ပြင် အိမ်ပြောင်း အလုပ်ပြောင်း ပြုရတတ်ပါတယ်။ ဘာသာရေးဆိုင်ရာပစ္စည်း ဘုရားဆင်းတုတော် ဘုရားဓာတ်ပုံတွေဝင်လာရင် ကံကောင်းစေမည်။ ယခုနှစ် စီးပွားရေး လုပ်မည်ဆိုပါက ရွှေလုပ်ငန်း ရေ ဝပ်ရှော့ လျှပ်စစ်ပစ္စည်း အရောင်းအဝယ် လ္ဘက်ရည်ဆိုင် လူသုံးကုန်ပစ္စည်း၊ ကား ကျောက် ကုန်ရောင်ကုန်ဝယ် ကုန်စုံဆိုင် ငါး ကွမ်းယာ အရောင်းအဝယ်လုပ်ငန်းတွေ လုပ်ကိုင်ပါကအဆင်ပြေမည်။ သွပ်သံသစ် ရောင်းဝယ်ရေးလုပ်ငန်းများ၊ ဟိုတယ်နှင့် ခရီးသွားလာရေးလုပ်ငန်းများ အဆင်ပြေမည်။ စပ်တူလုပ်ငန်း ရှယ်ရာလုပ်ငန်းများ မလုပ်ပါနှင့်အဆင်ပြေနိုင်ပါသည်။
ယခုနှစ်တွင် အလုပ်တွေ ပြန်လည်ကောင်းမွန်လာပါမည်။ လုပ်ငန်းစတင်လုပ်ကိုင်မည့်သူများ မိမိလုပ်ငန်း အောင်မြင်မှုရရှိမည့် အချိန်ကာလဖြစ်သည်။ ကိုယ်ပိုင်လုပ်ငန်းတွေ တစ်ပိုင်တစ်နိုင်လုပ်ငန်းတွေ လုပ်ပါ။ ကိုယ်ပိုင်လုပ်ငန်းကသာ စီးပွားဖြစ်မြန် ချမ်းသာလွယ်စေတတ်ပါတယ်။ မြောက်အရပ် အရှေ့တောင်အရပ်မှာ စီးပွားမရှာသင့် ရှောင်ရပါမည်။ စီးပွားရေးနဲ့အတူ ဘာသာရေး ကုသိုလ်ရေး ယှဉ်တွဲလုပ်ပါ။ ကောင်းမှုတစ်ခု နေ့စဉ်ပြုပါ။ ခိုစာ ခွေးစာ ငှက်စာကျွေးပါ။ လပြည့်လကွယ် သက်သတ်လွတ်စား ဘုရားခန်း နေအိမ်အမြဲသန့်ရှင်းအောင်ထားပါ။ ကံတရားရဲ့ထောက်အပံ့ကောင်းတွေ ရရှိလာမှာဖြစ်ပါတယ်။
ငွေကြေး။ ။ငွေကြေးကံအနေနှင့် ငွေရှာရလွယ်နေတတ်ပါတယ်။ လာဘ်ဝင်လာမယ်။ ရစရာရှိတာတွေလည်း ပြန်ရမယ်။ ပေးစရာရှိတာတွေလည်း အကုန်အဆင်ပြေ သွားပါလိမ့်မည်။ ငွေဝင်လမ်းတွေ ပွင့်လန်းလာစေမည်။ ထီကံကောင်းနေမည်။ တခါတရံ ငွေအဝင်အထွက်တွေ များနေတတ်ပါတယ်။ ငွေဝင်ပြီး လက်ထဲမမြဲပဲ ရှိနေတတ်ပါတယ်။ ငွေကို အဖက်ဖက်ကနေရှာဖွေနိုင်ရင် ပိုပြီး အဆင်ပြေစေမည်။ ငွေစုပါ။ ငွေဝင်လာရင် ရွှေစုပါ။ လုပ်ငန်းတိုးချဲ့ပါ ဒါနကောင်းမှုပြုပါ။ ငွေကုန်စရာတွေလည်း ပေါ်လာတတ်ပါတယ်။ ငွေကိုချွေတာပြီး သုံးပါ။ ငွေချေးတာ အာမခံတာ အထူးရှောင်ပါ။ ငွေလူလိမ်ခံရတတ်ပါတယ်။ ငွေနဲ့ရင်းတဲ့အလုပ်တွေ သတိထားလုပ်ပါ။ ဖြတ်လမ်းစီးပွားရေးတွေ ရှောင်ပါ။ ငွေကံကောင်းသောနှစ်ဖြစ်တဲ့အတွက် အဖက်ဖက်ကနေ ငွေရှာနိုင်ရင် ချမ်းသာလွယ်စေမည်။ ငွေဝင်လမ်းတစ်ခုထဲဆို ငွေမမြဲစေပါ။ ထီကံကောင်းမယ် ထီပေါက်ကိန်း ရှိပါတယ်။ အကျိုးပေးဂဏန်း ၂ ၁ ၄ ဖြစ်ပါတယ်။ ငွေကံကောင်းစေရန် မနက်မိုးလင်းတာနဲ့ လာဘ်နှိုးဂါထာကို မနက်ည ၁၀ ခေါက်ရွတ်ပါ။ ကြံရည်တစ်ခွက်လှူ ခိုစာ ခွေးစာ ငှက်စာကျွေးပြီး ဆုတောင်းပါ။
လူမှုရေး ။ ။ လူမှုရေး အနည်းငယ် စိတ်ညစ်စရာတွေ ရှိနေတတ်ပါတယ်။ အတိုက်အခံအခြေ အတင်လေးတွေ စကားပြောရတတ်ပါတယ်။ မြေကိစ္စ အမွေကိစ္စ မိသားစု ကိစ္စကြောင့် အတိုက်အခံစကားပြောရတာ ပေါ်လာတတ်တယ်။ အမျိုးသမီးတစ်ဦးနဲ့လည်း စကားများရတာတွေ ဖြစ်ပေါ်လာတတ်ပါတယ်။ လူမျိုးခြား ဒုက္ခပေးမည်။ သတိရှိပါ။ အားနာမှုကြောင့် ဒုက္ခရောက်စေတတ်ပါတယ်။ လက်အောက်ငယ်သား မိမိညီအကို မောင်နှမတွေကြောင့်လည်း စကားအခြေအတင် ပြောရစေတတ်ပါတယ်။ ကိုယ့်ကိုကိုယ်ပဲ အားကိုးပါ သူတပါးအားမကိုးပါနှင့် စိတ်လိုက်မာန်ပါ ပြုမူပြောဆိုတာတွေ ရှောင်ပါ။ စေတနာကောင်း စိတ်ကောင်းထားပါ။ ဘာသာရေး ပိုလုပ်ပါ။ သူများပြဿနာ ဝင်ဖြေရှင်းတာတွေ မပြုလုပ်ရပါ။ စေတနာအမှား ဖြစ်တတ်သောကြောင့် သတိထားရှောင်ပါ။ အင်္ဂါနံပါတဲ့နေ့သားတွေ စနေနံပါတဲ့နေ့သားတွေနဲ့ စကားပြောဆိုတာ သတိထားပါ။ အမြဲလို နေအိမ် ဘုရားခန်း သန့်အောင်ထား လူသွားလမ်းတွေရှင်း အန္တရာယ်ကင်း ဂုဏ်တော်တွေရွတ်ပြီး ဆုတောင်း။
ကျန်းမာရေး ။ ။ ကျန်းမာရေးမှာဆိုရင် အကြီးအမား ရောဂါမရှိပေမယ့် အနည်းငယ်စီတော့ ဖြစ်စေမည်။ နှလုံးအားနည်းပြီး ရင်တုန်တာ ဦးခေါင်းမကြည်တာ ညောင်းညာကိုက်ခဲတာမျိုး။ သွေးအားနည်းပြီး မူးမောတာ သွေးသားမမှန်တာ သွားနာတာ၊ အစာအိမ်လေအောင့်တာ ချောင်းဆိုး ရင်ကျပ်တာ ရာသီအကူးအပြောင်း ဖျားနာတာတွေ ဖြစ်ပေါ်နေတတ်ပါတယ်။ ဖြစ်ပြီးသားရောဂါ ပြန်ဖြစ်လာတာမျိုးလည်း ကြုံရတတ်ပါတယ်။ အကုန်ဖြစ်မယ်လို့တော့ မဆိုလိုပေ တစ်ခုမဟုတ်တစ်ခု ဖြစ်ပေါ်လာတတ်ပါတယ်။ အသက်ကြီးပိုင်းတွေ နှလုံး သွေးတိုး အစာအိမ်ရောဂါတွေဖြစ်စေပြီး ချူချာစေတတ်တယ်။ သတိထားရန်တော့ လိုစေမည်။ ကျန်းမာရေးအတွက် ဆေးလှူ ရေလှူ မွေးနံထောင့်မှာ ရောင်စုံယပ် ၆ ချောင်းလှူပါ ငါးလွှတ်ပါ ငှက်လွှတ်ပြီးဆုတောင်းပါ ကျန်းမာရေး အညံ့ကင်းစေမည်။
အိမ်ထောင်ရေး ။ ။ ယခုနှစ် အိမ်ထောင်ရေးမှာဆိုရင် အိမ်ထောင်ရေး ရန်ပေါ်နေတတ်ပါတယ်။ အတိုက်အခံ အခြေအတင်တွေ ပြောနေရစေတတ်ပါတယ်။ မိမိအိမ်ထောင်ဘက်နှင့် အဆင်ပြေတဲ့အခါရှိသလို မပြေတာတွေလည်း ရှိနေတတ်ပါတယ်။ ဂတောက်ဂဆတွေ ဖြစ်ပေါ်နေတတ်ပါတယ်။ သဝန်တို စိတ်မချတာတွေ၊ တစ်ယောက်နှင့်တစ်ယောက် စိတ်တိုင်းမကျတာ နားလည်မှုတွေလွဲနေတာ အလိုမကျတာတွေ မကြာခဏဖြစ်ပေါ်နေပါမယ်။ မိသားစု ညီအကိုမောင်နှမ အတွက်သော်လည်းကောင်း သားသမီးရှိက သားသမီး ကြောင့်စိတ်ညစ်ရတတ်သည်။ အိမ်ထောင်ရေးမှာ ကြားလူဝင်နှောင့်ယှက်တာတွေ အိမ်ထောင်ရေးအဖျက်အစီး အနှောင့်အယှက်တွေကြုံလာပါမယ်။
စီးပွားရေး အဆင်ပြေနေတဲ့အချိန်တွေမှာ အိမ်ထောင်ရေးဇယားရှုပ်တာ အပျော်အပါးလိုက်စားပါက နာမည်ဂုဏ်သိက္ခာ ကျဆင်းတတ်သလို တတ်လာမယ့်အညွန့်ပြန်ကျိုးမယ်။ အိမ်ထောင်ရေး ဇယားရှုပ်တာ အထူးရှောင်ပါ။ ရှုပ်ထွေးမှုတွေ ဖြစ်ပေါ်တတ်ပါတယ်။ ထိုသို့ပြုလုပ်မိပါက မမျှော်လင့်ထားတဲ့ ပြဿနာတွေဖြစ်လာတတ်ပါတယ်။ စီးပွားပျက်တတ်တယ်။ ဂုဏ်သိက္ခာ ကျဆင်းတတ်သောကြောင့် သတိထားဆင်ခြင်ရန်လိုအပ်ပါမည်။ အခန့်မသင့် အိမ်ထောင်ကွဲစေတာမျိုးတွေ ကြုံရတတ်သဖြင့် သတိထားဖို့တော့ လိုစေမည်။ အိမ်ထောင်ရေးမှာ ဆိုးတူကောင်းဖက်တိုင်ပင်ပြီး လက်တွဲမှသာ အဆင်ပြေစေတတ်ပါတယ်။ ကုသိုလ်ရေးအတူလုပ် ဘာသာရေး အတူလုပ် စီးပွားရေး တိုင်ပင်ပြီး လက်တွဲပါ အပျော်အပါး အသောက်အစားတွေ ရှောင်ပါ အဆင်ပြေလာပါလိမ့်မည်။
အချစ်ရေး ။ ။ ယခုနှစ်အတွင်း အချစ်ရေး စန်းပွင့်နေတတ်ပါတယ်။ ငယ်ရွယ်သူတွေ အချစ်ရေး ကံကောင်းလာပါမယ်။ ချစ်သူမရှိသေးသူများ ချစ်သူရစေတတ်တယ်။ အချစ်ဟောင်းကိုစွန့်ပြီး အချစ်သစ်သို့ ကူးပြောင်းကာလဖြစ်တယ်။ လက်ရှိချစ်သူရှိနေရင်တောင် မိမိကို စိတ်ဝင်စားနေသူတွေ ရှိနေမည် ရွေးချယ်ရ ခက်ခဲစေတာမျိုးတွေ ကြုံရစေမည်။ လက်ရှိချစ်သူ ရှိနေသူတွေကတော့ အိမ်ထောင်ကျတတ်ပါတယ်။ တခါတလေ အချစ်ရေးဂတောက်ဂဆတွေ အချစ်ရေး ပြဿနာတွေ အနည်းငယ်ရှိနေတတ်ပါတယ်။ မကြာခဏ စိတ်ဆိုးစိတ်ကောက် စကားများနေရတာတွေ ရှိနေတတ်ပါတယ်။ ရန်ဖြစ်လိုက် ပြန်ချစ်လိုက်ရှိနေမယ်။ တခါတရံ သဝန်တို စိတ်မချတာ အထင်အမြင်လွဲမှားတာတွေ နားလည်မှုလွဲမှားတာတွေ ရှိနေတတ်ပါတယ်။ စိတ်တိုင်းမကျ အလိုမကျတာတွေလည်း ရှိနေတတ်ပါတယ်။ တခါတလေ ရှေ့တိုးရအခက် နောက်ဆုတ်ရအခက် တွေဝေနေတတ်တယ်။ သံယောဇဉ်တော့ မပြတ်ပါ။ ချစ်သူနှစ်ဦးကြားမှာ အဖျက်အစီးတွေ ဝင်လာစေတတ်ပါတယ်။ အချစ်ရေး ဇယားရှုပ်တာ အပျော်အပါး လိုက်စားပါက မတည်မြဲနိုင်ပါ။ မိမိချစ်သူကြောင့်တော့ အနည်းငယ် စိတ်ပင်ပန်းရစေမည်။
ပညာရေး ။ ။ ယခုနှစ်မှာပညာရေးနှင့် ပတ်သက်ပြီး ရပ်တန့်နေတတ်ပါတယ်။ တွေဝေနေတာမျိုးတွေလည်း ရှိနေတတ်ပါတယ်။ ပညာရေးကို ရပ်တန့်မနေသင့်ပါ။ လတ်တလော ပညာရေးထစ်ငေါ့တာ ပညာရေး တစ်ပိုင်းတစ်စတွေ လွဲချော်တာတွေလည်း ရှိနေမည်။ ပညာရေးကို ဝီရိယ အားစိုက်ထုတ်ကြိုးစားပါမှ အောင်မြင်မည်။ သင်တန်းတက်မလိုနဲ့ မတက်ဖြစ်ပဲ ရှိနေမည်။ မိမိကိုယ်တိုင်လည်း ပညာရေးကို စိတ်မပါသလို ဖြစ်နေမည်။ တခြားသောအကြောင်းအရာတွေကို စိတ်နှစ်နေမှုတို့ကြောင့် ပညာရေး အားနည်းနေမည်။ ဘဝမှာ ပညာရေးကနံပါတ်၁ စီးပွားရေးက နံပါတ်၂ အချစ်ရေးက နံပါတ်၃ နေရာမှာထားပြီး ဘဝအတွက် ကြိုးစားအားထုတ်ပါမှ အောင်မြင်တိုးတက်လာပါလိမ့်မည်။ ပညာရေးကို အဖျက်တွေ ဝင်လာစေတတ်ပါတယ်။ ကျန်းမာရေး အချစ်ရေးကြောင့် ပညာရေး ထိခိုက်တတ်သလို အပေါင်းအသင်းမှားတာ အပျော်အပါး မက်မှုတွေကြောင့် ပညာရေး ထိခိုက်တတ်စေတယ်။ ပညာရေးနှင့် ပတ်သက်ပြီး ကံ ဉာဏ် ဝီရိယ အားစိုက်ထုတ်ရမယ့် သူမျိုးဖြစ်တယ်။ အတန်းပညာပြီးဆုံးရင်လည်း အတတ်ပညာ ဘာသာစကားဆိုင်ရာ ကွန်ပျူတာနဲ့ဆိုင်တဲ့ ပညာမျိုးတွေ လေ့လာပါ။ သင်ယူပါ။ ဘဝအတွက် အထောက်အကူဖြစ်စေလိမ့်မည်။
ဒီနှစ်အတွင်း အကျိုးပေးဂဏန်းအနေနဲ့။ ။ ၂၊ ၄၊ ၁ ထိုဂဏန်းတွေက တစ်နှစ်ပတ်လုံး အကျိုးပြုစေပြီး ထီထိုးတာမျိုး တစ်ခြားသောကိစ္စတွေမှာ အသုံးပြုခြင်းဖြင့် ကံကောင်းစေပါလိမ့်မည်။
အကျိုးပေးအရောင် ။ ။ ဒီနှစ်အတွင်းမှာ ကံဇာတွေပွင့်ပြီး အကျိုးပေးအရောင်အနေနဲ့က အဖြူပွင့် အဖြူရောင်၊ အစိမ်းပွင့် အစိမ်းရောင် ခဲပွင့် ခဲရောင် ငွေရောင် ရွှေဝါရောင်တွေဖြစ်ပါတယ်။ အရေးကြီးသော အရေးကြီးသော စကား အရေးကြီးသော လုပ်ငန်းကိစ္စတွေ ခရီးကိစ္စတွေ အကြောင်းအရာတွေမှာ ဝတ်ဆင်ပြီး ပြုလုပ်ပြောဆို ဆောင်ရွက်ခြင်းဖြင့် ကံပွင့်စေမည်။
ရှောင်ရန်။ ။ဇီးယို ကျောက်ကျော လက်ဖက်၊ သင်္ဘောသီးသုပ်စားခြင်းရှောင်ပါ။ မိမိ‌အိပ်စက်ရာကုတင်ခေါင်းရင်းတွင် နာရီ ဆင်အရုပ် သံလိုက်အိမ်မြောင် ထားခြင်းရှောင်ပါ။ အဝါရောင် နီညိုရောင် အသုံးပြုခြင်းရှောင်ပါ။
**ဒီနှစ်အတွက် မိမိတို့အနေနဲ့ အရေးကြီးသော အကြောင်းကိစ္စ အဝဝ ပြုလုပ်ပြောဆိုရာမှာ** အောင်မြင်ဖို့အတွက် အကောင်းဆုံး အကျိုးပေးနေ့တွေမှာ တနင်္လာနေ့နဲ့ ဗုဒ္ဓဟူးနေ့ နတွေဖြစ်ပါတယ်။ တနင်္လာနေ့ အတွင်းမှာ အကောင်းဆုံးအချိန်ဖြစ်တဲ့ မုဆိုးရွှေအိုးရကိန်း အချိန်ဖြစ်တဲ့ နေ့လည် ၁း၁၃မှ ၃း၃၆အတွင်းနဲ့ ပုဏ္ဏား နတ်သမီး ရကိန်းအချိန်ဖြစ်တဲ့ ဗုဒ္ဓဟူးနေ့ မုဆိုးရွှေအိုးရကိန်း အချိန်ဖြစ်တဲ့ မနက် ၆း၁၀မှ ၈း၂၄နာရီ နဲ့ ပုဏ္ဏား နတ်သမီး ရကိန်းအချိန်ဖြစ်တဲ့ ညနေ၃း၃၇မှ ၆း၀၀အတွင်း ထိုအချိန်တွေမှာ အရေးကြီးသော အလုပ်ကိစ္စ အကြောင်းအရာရာ ကိစ္စအဝဝ ပြုလုပ်ပြောဆိုရာမှာ သော်လည်းကောင်း ခရီးကိစ္စတွေ သွားလာတာ မျိုးတွေမှာသော်လည်းကောင်း ထိုအချိန်တွေမှာ ပြုလုပ်ပြောဆို လုပ်ကိုင်ဆောင်ရွက်ခြင်းဖြင့် အောင်မြင်မှုတွေ ရရှိစေပါမည်။
ဘဝတစ်သက်တာမှာ ဘုမ္မိအရပ်က အရှေ့တောင် အရပ်ဖြစ်ပါတယ်။ ထိုအရပ်မှာ စီးပွားရှာတာ ခရီးထွက်တာ အိမ်ဆောက်တာ အိမ်မျက်နှာလှည့်ပြီး ဆောက်လုပ်တာ လှေကားထားတာ အထူးရှောင်ပါ။
ဘဝတစ်သက်တာအတွက် အကျိုးပေး ရတနာ ။ ။ စိန် နီလာ ကျောက်က မိမိတို့ရဲ့ အကျိုးပေး ရတနာတွေပဲ ဖြစ်ပါတယ်။ ထိုရတနာတွေကို ဝတ်ဆင် ထားခြင်းဖြင့် ကံဇာတာပွင့်လန်းစေပါမည်။
ယတြာ ။ ။ ဒီနှစ် တစ်နှစ်လုံးမှာ မိမိတို့အနေနဲ့ ကံဇာတာပွင့်လန်းစေရန် ကံကောင်းမှုတွေ ရရှိစေရန် ပြုလုပ်ရမည့် ကောင်းမှုကံ ယတြာ တနင်္လာနေ့နဲ့ ဗုဒ္ဓဟူးနေ့မနက်တွင် ရွှေပန်း ကံ့ကော်ပန်းတို့ကို လှူပါ။ လ္ဘက်တစ်ပွဲ အမြဲလှူ ကန်စွန်းရွက်ကျော်နဲ့ ဆွမ်းကပ်ပါ။ ဆွမ်းလောင်းပါ။ မိမိအိမ်ဘုရားတွင်လှူပါ။ တစ်ပတ်တခါလှူပြီး မိမိလိုရာဆုတောင်းပါ။ ကောင်းမှုတစ်ခု နေ့စဉ်ပြု စားအသောက်ရှားပါးသူ အဝတ်အထည်ရှားပါးသူ ပေးလှူ နာမကျန်းသူကို ဆေးဝါးလှူပြီး ဖြတ်သန်းပါ ကံကောင်းမှုတွေ ရရှိစေမည်။
အညံ့ပပျောက်ရန် ။ ။ ဒီနှစ် တစ်နှစ်လုံးမှာ မိမိတို့အနေနဲ့ ကံအဆိုးအညံ့တွေ ပပျောက်စေရန်အတွက် မည်သည့်နေ့ မဆို ညနေပိုင်းတွင် ဆိတ်သားဟင်းကို ထမင်းကြမ်းနှင့်နယ်ပြီး လမ်းဘေးခွေးကျွေးပါ။ ငါ့မှာရှိတဲ့မကောင်းတဲ့ အညံ့အားလုံး ပါသွားစေဟုပြောပြီး ကျွေးပါ။ ဘာသာရေးအထူးပြုလုပ်ပေးပါ။ ကောင်းမှုတွေနဲ့ ဖြတ်သန်းပါ။ ပုတီးစိပ်ပါ။ ကံအညံ့ပျောက်စေမည်။