၂၀၂၆ ခုနှစ် တနင်္ဂနွေ သားသမီးများအတွက် ကံကြမ္မာ အဟော

မိမိတို့အသက်အပိုင်းအခြား ၈၊ ၁၆၊ ၂၄၊ ၃၂၊ ၄၀၊ ၄၈၊ ၅၆၊ ၆၄၊ ၇၂၊ ၈၀၊ ၈၈ ထိုနှစ်အတွင်းမှာ ကြုံတွေ့ရမယ့် မိမိရဲ့ ကံကြမ္မာ အစိတ်အပိုင်းများ။
စီးပွားရေး အလုပ်အကိုင်။ ။ ဒီနှစ်အလုပ်အကိုင် စီးပွားရေးအနေနှင့် လုပ်ငန်းသစ် အလုပ်ကိုင်သစ်များ တိုးချဲ့လုပ်ကိုင်ရကိန်းရှိသည်။ အလုပ်အပြောင်းအလဲ အိမ်နေရာအပြောင်း နေရာသစ် ပေါ်လာစေတတ် ဝန်ထမ်းဆို ဌာနအသစ်ပြောင်းရတာ ဖြစ်ပေါ်လာစေတတ်ပါတယ်။ ရာထူးကောင်း လစာကောင်းတွေ ရစေအံ့။ လုပ်ငန်းသစ် စလုပ်မည်ဆိုပါကလည်း အကျိုးပြုစေမည်။ အရောင်းအဝယ် လုပ်ငန်းလုပ်နေသူတွေ အဆင်ပြေနေမယ်။ အမြတ်အစွန်းတွေ ရနေတတ်ပါတယ်။ ထိုသို့လုပ်ကိုင်နေစဉ် ကာလအတွင်း လုပ်ငန်းထဲတွင် အပြိုင်အဆိုင် အတိုက်အခံပေါ်တတ်သည်။ စိုးရိမ်စရာမရှိပါ မကြာခင်ကာလတွင် ပြန်လည် အဆင်ပြေသွားပါလိမ့်မည်။ လုပ်ငန်းစီးပွား တက်လာစေမည်။ အတိုက်အခံများကြားတွင် အောင်မြင်နေမည်။ မိတ်ဆွေအပေါင်းအသင်းများထံမှ အကူအညီများရရှိမည်။ ယခုနှစ်မှာ စီးပွားရေး အလုပ်အကိုင်နှင့် ပတ်သက်ပြီး တခါတလေ တချို့လတွေမှာဆိုရင် အခက်အခဲတွေ၊ အဆင်မပြေမှုတွေနဲ့ ကြုံတွေ့နေရတတ်တယ်။
တနင်္လာသားသမီးတွေက ဒီနှစ်မှာ ကံ၊ ဉာဏ်၊ ဝီရိယအားစိုက်ထုတ်ပြီး ကျိုးစားမှသာ အဆင်ပြေမယ်။ တခါတရံ အလုပ်အကိုင်လေးတွေလွဲချော်တာ၊ ထစ်ငေါ့နေတာတွေ၊ ငွေကုန်စရာတွေ ရှိနေတတ်ပါတယ်။ မကြာခင်အဆင်ပြေလာမည်။ လုပ်ငန်းသစ် အလုပ်ကိုင်သစ်များ တိုးချဲ့လုပ်ကိုင်ရကိန်းရှိသည်။ အလုပ်ထဲတွင် အောင်မြင်မှုတွေ ရနေမယ်။ အလုပ်နှင့်ပတ်သက်ပြီး ခရီးသွားရတတ်သည်။ လုပ်ငန်းမှာ အကြီးအကဲ အထက်လူကြီးတွေနှင့် အဆင်မပြေတာတွေ ရှိနေစေတတ်ပါတယ်။ အလုပ်ပြောင်းချင်စိတ်တွေ ပေါ်လာတတ်တယ်။ ကိုယ်ပိုင် တစ်ပိုင်တစ်နိုင်လုပ်ငန်းတွေ လုပ်ပါ။ အဆက်အသွယ် ကောင်းများရရှိခြင်း လုပ်ငန်းနေရာ တိုးချဲ့ရခြင်းများကြုံမည်။ နိုင်ငံရပ်ခြားနှင့်ပတ်သက်သော ခရီးကိစ္စများ အဆင်ပြေမည်။ အထူးသဖြင့် ရေကြောင်းခရီးနှင့် ပတ်သက်သော ကိစ္စများ အဆင်ပြေမည်။ သွပ် သံ သစ်တွေဝင်မယ်။ အိမ်သစ်ဝင်မယ်၊ ရွှေဝင်မယ်၊ ရေတွင်းရေကန်တူးရတတ်တယ်။ စက်ပစ္စည်းတွေဝင်လာမယ်။ လက်အောက်ငယ်သား အကျိုးပြုစေမယ်။ ရာထူးလစာတိုးမယ်။ မင်္ဂလာပြုရစေတာ အလှူဒါနပြုရတတ်ပါတယ်။ ဘာသာရေး ဆိုင်ရာပစ္စည်းတွေ ဝင်လာမယ်။ ရတနာပစ္စည်းတွေ ဝင်စေမယ်။ ရေတွင်း ရေကန် ဆောက်ရစေတတ်တယ်။
ယခုနှစ်မှာ ရေလုပ်ငန်း ရွှေ ရတနာလုပ်ငန်း လျှပ်စစ်ပစ္စည်း ဝပ်ရှော့ ၊ ဟော်တယ်နဲ့ ခရီးသွားလာရေးလုပ်ငန်းများ သွပ် သံ သစ်လုပ်ငန်းတွေ ဆန် ဆီ ဆေး စားသောက်ကုန် ဈေးရောင်းတာ စက်ပစ္စည်းနဲ့ပတ်သက်တဲ့အလုပ်တွေ လုပ်ကိုင်ပါကအဆင်ပြေမည်။ စပ်တူလုပ်ငန်း ရှယ်ရာလုပ်ငန်းများ စပ်တူလုပ်ငန်းများ သတိထားပြုလုပ်ပါ။ စက်ပစ္စည်းအသစ်တွေဝင်ပါမည်။ သုံးစွဲနေသော စက်ပစ္စည်းတွေ ရုတ်တစ်ရက် ပျက်စေတတ်တယ်။ ယခုနှစ်တွင် အလုပ်တွေပြန်လည် ကောင်းမွန်လာပါမည်။ လုပ်ငန်းစတင်လုပ်ကိုင်မည့်သူများ မိမိလုပ်ငန်း အောင်မြင်မှုရရှိမည့် အချိန်ကာလဖြစ်သည်။ အနောက်အရပ် အရှေ့အရပ်တွေမှာ ခရီးသွားလာတာ စီးပွားရှာတာတွေ ရှောင်ပါ။ ကြာသပတေးနံပါတဲ့သူ တနင်္လာပါတဲ့ နေ့သားသမီးတွေကို သတိထားရှောင်ပါ။ သောကြာသားသမီး ဗုဒ္ဓဟူး သားသမီးတွေနဲ့ တိုင်ပင်တာ လုပ်ငန်းဆောင်ရွက်တာ အကူအညီတောင်းတာမျိုးဆို အဆင်ပြေစေမည်။
တပို့တွဲ တပေါင်းလတွေမှာ အကြီးအကဲ ကျန်းမာရေးညံ့တတ်သလို မိမိကိုယ်တိုင်လည်း ညံ့စေမည်။ တန်ခူးလ ကဆုန်လ ပြာသိုလတွေမှာ စိတ်ညစ်စရာလေးတွေ များနေမယ်။ ပြဿနာလေးတွေ တစ်ခုပြီးတစ်ခုကြုံရတတ်တယ်။ အိမ်နေရာ အလုပ်နေရာ အပြောင်းအလဲတွေလည်း ဖြစ်ပေါ်လာစေတတ်ပါတယ်။ ကောင်းမှု ကုသိုလ်တွေ အလှူဒါနတွေကတော့ အနည်းငယ် ပြုရတတ်ပါတယ်။ လက်အောက်ငယ်သားတွေ အကျိုးပြုမယ်။ ခရီးကိစ္စတွေပေါ်မယ်။ ကောင်းမှုတွေပြုရတတ်တယ်။ စိတ်ဖိစီးမှုတွေတော့ များနေတတ်ပါတယ်။ စီးပွားရေးမှာ ဘာပဲလုပ်လုပ် ပြိုင်ဆိုင်မှုတွေတော့ ရှိနေမယ်။ စိတ်ကိုအေးချမ်းစွာထားပြီး လုပ်ကိုင်ပါ။ စီးပွားရေးနဲ့အတူ ယခုနှစ်မှာ ကောင်းမှုတခု နေ့စဉ်ပြုပါ။ စီးပွားရေးနဲ့အတူ ဘာသာရေး ကုသိုလ်ရေး ယှဉ်တွဲလုပ်ပါ။ ခိုစာ ခွေးစာ ငှက်စာကျွေးပါ။ ကံတရားရဲ့ အထောက်အပံ့ကောင်းတွေကို ရရှိလာပါမည်။
ငွေကြေး ။ ။ ဒီနှစ်မှာ ငွေကြေးပိုင်း အနေနှင့် ငွေဝင်မယ်။ ငွေစုပါ ငွေကုန်စရာတွေလည်း ပေါ်လာတတ်ပါတယ်။ ငွေရှာရတာ လွယ်ကူမယ်။ ငွေဝင်ပြီး တခါတရံလက်ထဲမှာ ငွေမမြဲတာတွေ ရှိစေမည်။ သူတစ်ပါးအတွက် ငွေကြေးကုန်စေတာ မိမိရဲ့ မိသားစု အသိုင်းအဝိုင်းကို အထောက်အပံ့ပေးနေရစေတတ်ပါတယ်။ ငွေက အဝင်ရော အထွက်ပါ များနေတတ်တယ်။ ငွေကို ချွေတာသုံးရန် ပါသည်။ ငွေချေးတာ အာမခံတာ အထူးရှောင်ပါ။ ဖြတ်လမ်းနည်းနဲ့ စီးပွားရေး မလုပ်သင့်ပါ။ အိမ်တွင်းရေး အတွက်လည်း ငွေကုန်တတ်ပါတယ်။ ဧပြီလပိုင်း မေလပိုင်းတွေမှာ ငွေလိမ်ခံရတာ ငွေအထွက်များနေမယ်။ သတိထားပါ။ ငွေကံကောင်းစေရန် လာဘ်ပွင့်ဂါထာ နေ့စဉ်ရွတ် တနင်္လာနေ့တိုင်း ရေနွေးကြမ်းနဲ့ လ္ဘက်သုတ်ကပ်လှူပြီး ငွေအတွက် ဆုတောင်းပါ။
လူမှုရေး။ ။အတိုက်အခံလေးတွေ ရှိနေတတ်ပါတယ်။ မိတ်ဆွေတွေနဲ့ လမ်းခွဲရစေတတ်တယ်။ အကြီးအကဲ အထက်လူကြီးပိုင်းကြောင့် စိတ်ညစ်ရတတ်ပါတယ်။ အလုပ်မှာလည်း စိတ်ဖိစီးမှုများနေတတ်ပါတယ်။ မိသားစုရေးအတွက် ပူပင်စရာတွေ ရှိမယ်။ တစ်ခါတစ်ရံ အတိုက်အခံ အခြေအတင်လေးတွေ စကားပြောရတတ်တယ်။ ငွေအတွက် စကားများရတတ်တယ်။ ဒီနှစ်အတွင်းမှာ ကြာသပတေးနံပါတဲ့ နေ့သားတွေ တနင်္လာနံပါတဲ့နေ့သားတွေနဲ့ စကားပြောဆိုတာ လုပ်ငန်းလုပ်တာ အထူးသတိပြုပါ။ စိတ်လိုက်မာန်ပါ ပြုမူပြောဆို လုပ်ကိုင်တာတွေ ရှောင်ပါ။ စေတနာကောင်းကောင်းထား စိတ်ကောင်းကောင်းမွေးပါ။ အကျိုးပေးလာပါမယ်။ ဘာသာရေးပိုလုပ်ပါ လူသွား လမ်းရှင်း မြေဖို့တာမျိုး တံမျက်စည်းလှူတာမျိုးတွေ အမြဲလို ပြုလုပ်ပြီး ဆုတောင်းပါ။
အိမ်ထောင်ရေး။ ။ ယခုနှစ် အိမ်ထောင်ရေးမှာဆိုရင် အနည်းငယ် အညံ့ပိုင်းတွေ ကြရောက်နေမည်။ မိမိအိမ်ထောင်ဖက်ကြောင့် စိတ်ညစ်ရတတ်တယ်။ ပြဿနာတွေ အမြဲလိုဖြစ်နေမည်။ မိမိအိမ်ထောင်ဘက်နှင့် မကြာခဏ စကားများရတတ်သည်။ ဂတောက်ဂဆတွေ ဖြစ်ပေါ်နေတတ်ပါတယ်။ အကြီးအကဲ ပိုင်းနဲ့ပတ်သက်ပြီး လင်မယား စကားများရတတ်သည်။ တစ်ယောက်နှင့်တစ်ယောက် စိတ်တိုင်းမကျတာ နားလည်မှုတွေလွဲနေတာ အလိုမကျတာတွေ မကြာခဏဖြစ်ပေါ်နေပါမယ်။ အိမ်ထောင်ရေးမှာ ကြားလူဝင်နှောင့်ယှက်တာတွေ အိမ်ထောင်ရေးအပျက်အစီး အနှောင့်အယှက်တွေ ကြုံလာပါမယ်။ အခန့်မသင့်ရင် အဆင်မပြေ ပြတ်တတ်တယ်။
စီးပွားရေး အဆင်ပြေနေတဲ့အချိန်တွေမှာ အိမ်ထောင်ရေးဇယားရှုပ်ခြင်း အပျော်အပါးလိုက်စားပါက နာမည်ဂုဏ်သိက္ခာ ကျဆင်းတတ်သလို တတ်လာမယ့် အညွန့်ပြန်ကျိုးမယ်။ အမျိုးသမီး အဖျက်အဆီးတွေ အမျိုးသား အဖျက်တွေ ကြုံတွေ့ရတတ်ပါတယ်။ အသောက်အစား များတဲ့အတွက်လည်း အိမ်ထောင်ရေးရန်ပေါ်တတ်ပါတယ်။ အိမ်ထောင်ရေးမှာ ယခုနှစ်အတွင်း အဆင်မပြေမှုတွေ များနေတတ်ပါတယ်။ မိမိမှာအိမ်ထောင်ရှိပါကလည်း စန်းပွင့်နေတဲ့ ကာလဖြစ်တဲ့အတွက် အိမ်ထောင်ရေး ရှုပ်ထွေးမှုတွေဖြစ်ပေါ်တတ်ပါတယ်။ ထိုသို့ပြုလုပ်မိပါက မမျှော်လင့်ထားတဲ့ ပြဿနာတွေဖြစ်လာတတ်ပါတယ်။ စီးပွားပျက်တတ်တယ်။ ဂုဏ်သိက္ခာ ကျဆင်းတတ်သောကြောင့် သတိထားဆင်ခြင်ရန်လိုအပ်ပါမည်။ အိမ်ထောင်ရေးမှာ ဆိုးတူကောင်းဖက်တိုင်ပင်ပြီး လက်တွဲမှသာ အဆင်ပြေစေတတ်ပါတယ်။ ကုသိုလ်ရေးအတူလုပ် ဘာသာရေး အတူလုပ် စီးပွားရေး တိုင်ပင်ပြီး လက်တွဲပါ။ အပျော်အပါး အသောက်အစားတွေ ရှောင်ပါ။ အဆင်ပြေလာပါလိမ့်မည်။
အချစ်ရေး။ ယခုနှစ်အတွင်း ငယ်ရွယ်သူတွေအနေနှင့် အချစ်ရေးမှာစန်းတော့ပွင့်နေပါလိမ့်မည်။ စိတ်မတည်ငြိမ်မှုတွေတော့ ဖြစ်နေတတ်တယ်။ အချစ်ရေး မိမိအား စိတ်ဝင်စားနေသူတွေလည်း ရှိနေတတ်ပါတယ်။ ဆုံးဖြတ်ရခက်ခဲနေပါလိမ့်မည်။ ချစ်သူရှိပါက မမျှော်လင့်ပဲ အိမ်ထောင်ကြစေမည်။ မင်္ဂလာပြုရစေတတ်တယ်။ လက်ထပ်ရန်အတွက်တော့ တွေဝေနေတာမျိုး ဖြစ်နေတတ်တယ်။ အရမ်းတွေဝေမနေပါနဲ့ အဆင်ပြေသွားပါလိမ့်မယ်။ အိမ်ထောင်ပြုမည်ဆိုလည်း ပြုလို့ရစေပါမယ်။ လက်ရှိ ချစ်သူရှိပါက ချစ်သူနှင့် မကြာခဏ စိတ်ဆိုးစိတ်ကောက် စကားများနေရတာတွေ ရှိနေတတ်ပါတယ်။ ရန်ဖြစ်လိုက် ပြန်ချစ်လိုက်ရှိနေမယ်။ တခါတရံ အထင်အမြင်လွဲမှားတာတွေ နားလည်မှုလွဲမှားတာတွေ ရှိနေတတ်ပါတယ်။ စိတ်တိုင်း မကျအလိုမကျတာတွေလည်း ရှိနေတတ်ပါတယ်။ သဝန်တိုမှု စိတ်မချမှုတွေလည်း ရှိနေတတ်ပါတယ်။ ချစ်သူနှင့် မကြာခဏတော့ ပြဿနာလေးတွေရှိနေပေမယ့် ရန်ဖြစ်လိုက် ပြန်ချစ်လိုက်ရှိနေတတ်ပါတယ်။
ကျန်းမာရေး ။ ။ ကျန်းမာရေးပိုင်းမှာ အနည်းငယ် ချူချာနေစေတတ်ပါတယ်။ အကြီးအမားတော့ မဟုတ်ပါ။ အကြောတက်တာ အာရုံကြောအားနည်းစေတာ မူးမောတာ ဦးခေါင်းမကြည်တာ အစားမှားတာ အစာအိမ်လေအောင့်တာတွေ သွေးအားနည်းတာ ရာသီအကူးအပြောင်းဖျားနာတာတွေ ဖြစ်လာတတ်ပါတယ်။ ခြေလက်ထိခိုက်ဒဏ်ရာရတတ်ပါတယ်။ သတိထားပါ။ ဆေးထိုးဆေးသောက်လုပ်ရတာ ဆေးခန်းပြရတာတွေ ရှိလာတတ်ပါတယ်။ စိုးရိမ်စရာမရှိပါ။ ကျန်းမာရေးအတွက် ဆေးလှူ ရေလှူ လမ်းခင်းပြီး ဆုတောင်းပါ။
ပညာရေး ။ ။ ယခုနှစ်မှာပညာရေးနှင့် ပတ်သက်ပြီး အနည်းငယ် အားစိုက် ကြိုးစားရမယ့် နှစ်ဖြစ်တယ်။ ခက်ခဲမှုလေးတွေတော့ ကြုံရတတ်တယ်။ အသိပညာသစ် အတတ်ပညာသစ်တွေရမယ်။ ဆရာကောင်းသမားကောင်းတွေရမယ်။ ပညာရေး ထစ်ငေါ့တာ လွဲချော်တာတွေလည်း ရှိနေလာမယ်။ သင်တန်း တက်ရကိန်းတွေလည်း ပေါ်လာတတ်ပါတယ်။ နည်းပညာပိုင်းတွေ ဘာသာစကားဆိုင်ရာ သင်တန်းတွေလည်း အကျိုးပြုစေတတ်ပါတယ်။ ပညာရေးမှာ အဖျက်အဆီး အတားအစီးတွေလည်း ဖြတ်ကျော်ရတတ်ပါတယ်။ ပညာရေး ဆုံးခန်းတိုင်အောင် သင်ကြားရန်တော့ လိုစေမည်။ ပညာတတ်မှသာ ဘဝအတွက် အထောက်အကူပြုစေတတ် ကံ၊ ဉာဏ်၊ ဝီရိယအားစိုက်ထုတ် ကြိုးစားရန်လိုပါလိမ့်မည်။
***ဒီနှစ်အတွက် မိမိတို့အနေနဲ့ အရေးကြီးသော အကြောင်းကိစ္စ အဝဝ ပြုလုပ်ပြောဆိုရာမှာ အောင်မြင်ဖို့အတွက် အကောင်းဆုံး အကျိုးပေးနေ့တွေမှာ သောကြာနေ့ ဗုဒ္ဓဟူးနေ့တွေဖြစ်ပါတယ်။ ထိုနေ့အတွင်းမှာ အကောင်းဆုံးအချိန်ဖြစ်တဲ့ မုဆိုးရွှေအိုးရကိန်း အချိန်ဖြစ်တဲ့ သောကြာနေ့ မနက် ၁၀:၄၉ မှ နေ့လည် ၁း၁၂ အတွင်းနဲ့ ဗုဒ္ဓဟူးနေ့အတွက် မနက် ၆း၁၀ မှ ၈း၂၄ နေ့လည် ၁း၁၃ မှ ၃း၃၆ အတွင်းမှာ အရေးကြီးသော အလုပ်ကိစ္စ အကြောင်းအရာရာ ကိစ္စအဝဝ ပြုလုပ်ပြောဆိုရာမှာသော်လည်းကောင်း ခရီးကိစ္စတွေ သွားလာတာမျိုးတွေမှာ သော်လည်းကောင်း ထိုအချိန်တွေမှာ ပြုလုပ်ပြောဆို လုပ်ကိုင်ဆောင်ရွက်ခြင်းဖြင့် အောင်မြင်မှုတွေ ရရှိစေပါမည်။
အကျိုးပေးအရောင် ။ ။ ဒီနှစ်အတွင်းမှာ မိမိရဲ့ ကံဇာတာကို ပွင့်လန်းစေမည့် အကျိုးပေးအရောင်မှာတော့ အပြာပွင့် အပြာရောင်၊ ခဲပွင့်ခဲရောင်၊ ရွှေဝါရောင် အစိမ်းပွင့် အစိမ်းရောင်တွေ အကျိုးပေးပါမည်။ အရေးကြီးသော အကြောင်းအရာတွေမှာ ဝတ်ဆင်ပြီး ပြုလုပ်ပြောဆို ဆောင်ရွက်ခြင်းဖြင့် ကံပွင့်စေမည်။
ဒီနှစ်အတွင်းမှာ အကျိုးပေးဂဏန်းအနေနဲ့က ၄ ၆ ၃ ၂ ဖြစ်စေပြီး မိမိလိုသောနေရာတွေမှာ အသုံးပြုရန်အတွက် အကျိုးပြုဂဏန်းတွေဖြစ်စေမည်။
ဘဝတစ်သက်တာမှာ။ ။ ဘုမ္မိအရပ်က အနောက်တောင်အရပ်ဖြစ်ပါတယ်။ ထိုအရပ်မှာ စီးပွားရှာတာ ခရီးထွက်တာ အိမ်ဆောက်တာ အိမ်မျက်နှာလှည့်ပြီး ဆောက်လုပ်တာ လှေကားထားတာ အထူးရှောင်ပါ။
ဘဝတစ်သက်တာအတွက် အကျိုးပေး ရတနာ ။ ။ ပုလဲ၊ ပယင်း၊ အဖြူရောင်ကျောက်တို့က မိမိတို့ရဲ့ အကျိုးပေး ရတနာတွေပဲ ဖြစ်ပါတယ်။ တစ်သက်တာအတွက် ဝတ်ဆင် ထားခြင်းဖြင့် ကံပွင့်စေမည်။
ရှောင်ရန် ။ ။ အနက်ရောင်၊ အဖြူရောင်၊ အနီရောင်၊ ဝတ်စားဆင်ရင်အသုံးပြုခြင်း ရှောင်ပါ။
ဒီနှစ် တစ်နှစ်လုံးမှာ မိမိတို့အနေနဲ့ ကံဇာတာပွင့်လန်းစေရန် ကံကောင်းမှုတွေ ရရှိစေရန် ပြုလုပ်ရမည့် ကောင်းမှုကံ ယတြာ အနေနဲ့က သောကြာနေ့နဲ့ ဗုဒ္ဓဟူးနေ့မနက် (၉း၄၅)တွင် လ္ဘက်သုပ်နှင့် သစ်သီးတစ်ပွဲ မိမိအိမ်ဘုရား သို့ လိုအပ်သောနေရာတွေမှာလှူပါ။ မရှိဆင်းရဲသော သက်ကြီးပိုင်းတွေ လှူဒါန်းပေးကမ်းခြင်းပြုပါ။ မိမိအိမ်အဝင်ဝ အခန်းဝမှာ သစ်သားဆွဲလည်း ချိတ်ဆွဲထားခြင်း အမြဲပြုပါက ကံကောင်းခြင်းတွေ ပိုင်ဆိုင်လာမည်။
အညံ့ချေရန်အတွက် မကောင်းသော ကံ နိမိတ်အကြောင်းအရာတွေ ပျောက်စေရန်အတွက်။ မည်သည့်နေ့မဆို ညနေပိုင်းမှာ ဘဲဥကျော်ပြီး ထမင်းနှင့်နယ်ကာ လမ်းဘေးခွေးကျွေးပြီး မိမိမှာရှိတဲ့ မကောင်းတဲ့အညံတွေ ပပျောက်ပါစေဟု ပြောပြီးကျွေးပါ။ တစ်လတစ်ခါ ပုံမှန်ကျွေးပါ။