၂၀၂၆ ခုနှစ် စနေသားသမီးများအတွက် ကံကြမ္မာ အဟော

စနေသားသမီးများ မိမိတို့ရဲ့ အသက်အပိုင်းအခြား ၁၃၊ ၂၁၊ ၂၉၊ ၃၇၊ ၄၅၊ ၅၃၊ ၆၁၊ ၆၉၊ ၇၇၊ ၈၅။ ထိုနှစ်တွေမှာ ကြုံတွေ့ရစေမယ့် မိမိတို့ရဲ့ ကံကြမ္မာ အစိတ်အပိုင်းများ။
စီးပွားရေး အလုပ်အကိုင် ။ ။ ဒီနှစ်အလုပ်အကိုင် စီးပွားရေးအနေနှင့် စနေ သားသမီးတွေက ဒီနှစ်မှာ ကံ ဉာဏ် ဝီရိယ အားစိုက်ထုတ် ကြိုးစားရမယ့် နှစ်ဖြစ်တယ်။ စီးပွားတက်မလိုနဲ့ အဆင်မပြေမှုတွေ ရှိလာမယ်။ လုပ်ငန်းသစ် အလုပ်ကိုင်သစ်များ တိုးချဲ့လုပ်ကိုင်ရကိန်းရှိသည်။ အလုပ်အပြောင်းအလည်း အိမ်နေရာအပြောင်းပေါ်မယ်။ နေရာသစ် ရောက်စေတတ်တယ်။ ဝန်ထမ်းဆို ဌာနအသစ်ပြောင်းရတာ အလုပ်အပြောင်း ဖြစ်ပေါ်လာစေတတ်ပါတယ်။ အလုပ်နဲ့ပတ်သက်ပြီး လူပင်ပန်း စိတ်ပင်ပန်းမှုတွေတော့ ရှိနေတတ်ပါတယ်။ ပြိုင်ဆိုင်မှု မနာလိုမှုတွေ များနေမည်။ လုပ်သလောက်မထင်ပေါ် အရာမရောက်ပဲ ရှိနေတတ်ပါတယ်။ လက်ရှိလုပ်နေတဲ့ လုပ်ငန်းတွေ အရှုံးပေါ်တာမျိုးတွေလည်း ဖြစ်ပေါ်လာတတ်ပါတယ်။ အားမရှော့ပဲ ဆက်လုပ်ပါ။ မကြာခင်အဆင်ပြေလာပါမည်။ လုပ်ငန်းသစ် စလုပ်မည်ဆိုပါကလည်း အကျိုးပြုစေမည် အရောင်းအဝယ် လုပ်ငန်းလုပ်နေသူတွေ အဆင်ပြေနေမယ်။ ရောင်းအားအတက်အကြနဲ့ရှိနေမည်။ ထိုသို့လုပ်ကိုင်နေစဉ် ကာလအတွင်း လုပ်ငန်းထဲတွင် အပြိုင်အဆိုင် အတိုက်အခံပေါ်တတ်သည်။ ဒီနှစ်အတွင်းမှာ မိမိရဲ့စိတ်တွေ တည်ငြိမ်မှုမရှိပဲ စိတ်နဲ့လူ မကပ်စေပဲ ရှိနေမည်။ စိတ်ကိုအေးစွာထားပြီး လုပ်ငန်းစီးပွားပြုလုပ်ရန် လိုနေမည်။
ဝန်ထမ်းများ ရာထူးလစာကောင်းတွေ တိုးတက်တာ ရတာတွေ ရှိစေမည်။ အလုပ်မှာ လူရောစိတ်ပါ ပင်ပန်းနေမည်။ အလုပ်အပြောင်း အရွှေ့တွေ ပေါ်လာစေမည်။ အလုပ်မှာ အကြီးအကဲ အထက်လူကြီး ဖိအားပေးခံရစေတတ်ပါတယ်။ ယခုနှစ်မှာ စီးပွားရေးအလုပ်အကိုင်နှင့် ပတ်သတ်ပြီး တခါတလေ တချို့လတွေမှာဆိုရင် အခက်အခဲတွေ၊ အဆင်မပြေမှုတွေနဲ့ ကြုံတွေ့နေရတတ်တယ်။ စိတ်ဓာတ်မကျပဲ ဆက်လုပ်ပါ။ လုပ်ငန်းမှာ အကြီးအကဲ အထက်လူကြီးတွေနှင့် အဆင်မပြေတာတွေ ရှိနေစေတတ်ပါတယ်။ ကိုယ်ပိုင် တစ်ပိုင်တစ်နိုင်လုပ်ငန်းတွေ လုပ်ပါ။ အဆက်အသွယ် ကောင်းများရရှိခြင်း လုပ်ငန်းနေရာ တိုးချဲ့ရခြင်းများကြုံမည်။ နိုင်ငံရပ်ခြားနှင့်ပတ်သက်သော ကိစ္စများအဆင်ပြေမည်။ အထူးသဖြင့် ရေကြောင်းခရီးနှင့် ပတ်သက်သော ကိစ္စများ အဆင်ပြေမည်။ သွပ် သံ သစ်တွေဝင်မယ်။ အိမ်သစ်ဝင်မယ်။ ရွှေဝင်မယ်။ ရေတွင်းရေကန်တူးရတတ်တယ်။ စက်ပစ္စည်းတွေဝင်လာမယ်။ လက်အောက်ငယ်သား အကျိုးပြုစေမယ် မင်္ဂလာပြုရတာ သို့ အလှူဒါနပြုရတတ်ပါတယ်။ ဘာသာရေး ဆိုင်ရာပစ္စည်းတွေ ဝင်လာမယ်။ ကောင်းသောဝင်လာခြင်းဖြစ်စေတတ်။
ယခုနှစ်မှာ ရေလုပ်ငန်း ရွှေ လျှပ်စစ်ပစ္စည်း ဝပ်ရှော့ လ္ဘက်ရည်ဆိုင် အလှပြင်ပစ္စည်း ဟော်တယ်နဲ့ ခရီးသွားလာရေးလုပ်ငန်းများ။ သစ်လုပ်ငန်းတွေ စားသောက်ကုန် ဈေးရောင်းတာ စက်ပစ္စည်းနဲ့ ပတ်သက်တဲ့အလုပ်တွေ လုပ်ကိုင်ပါကအဆင်ပြေမည်။ စပ်တူလုပ်ငန်း ရှယ်ရာလုပ်ငန်းများ စပ်တူမလုပ်ပါနှင့် လူလိမ်ခံရတတ်သည်။ ဆန်ဆီဆေးဆား ရောင်းဝယ်ရေးလုပ်ငန်းများ၊ စက်ပစ္စည်းနှင့်ပတ်သက်သော လုပ်ငန်းများ လုပ်ကိုင်ပါက အဆင်ပြေနိုင်ပါသည်။ စက်ပစ္စည်းအသစ်တွေဝင်ပါမည်။ ယခုနှစ်တွင် အလုပ်တွေကြိုးစားအားထုတ်ရှာနိုင်မှ အဆင်ပြေစေမည်။ အနောက်အရပ် အရှေ့အရပ်တွေမှာ ခရီးသွားလာတာ စီးပွားရှာတာတွေ ရှောင်ပါ။
မင်္ဂလာ သို့မဟုတ် အလှူဒါနတွေလည်း ပြုရတတ်ပါတယ်။ လက်အောက်ငယ်သားတွေ အကျိုးပြုမယ်။ ခရီးကိစ္စတွေပေါ်မယ်။ ကောင်းမှုတွေပြုရတတ်တယ်။ စိတ်ဖိစီးမှုတွေတော့ များနေတတ်ပါတယ်။ စီးပွားရေးမှာ ဘာပဲလုပ်လုပ် ပြိုင်ဆိုင်မှုတွေတော့ ရှိနေမယ်။ စိတ်ကိုအေးချမ်းစွာထားပြီး လုပ်ကိုင်ပါ။ မိမိအိမ်မှာရှိတဲ့ ထီးစုတ် ဖိနပ်စုတ် နာရီစုတ်တွေရှိရင် စွန့်ပြစ်ပါ။ ခိုးကိန်း မီးကိန်းပေါ်မယ်။ အထူးသတိရှိပါ။ စီးပွားရေးနဲ့အတူ ယခုနှစ်မှာ ကောင်းမှုတစ်ခု နေ့စဉ်ပြုပါ။ စီးပွားရေးနဲ့အတူ ဘာသာရေး ကုသိုလ်ရေး ယှဉ်တွဲလုပ်ပါ။ အမြဲလို ရေလှူ ဆေးလှူ ငှက်လွှတ် ခွေးစာ ငှက်စာကျွေးပါ။ ကံတရားရဲ့ အထောက်အပံ့ကောင်းတွေကို ရရှိလာပါမည်။ လုပ်ငန်းလုပ်နေစဉ်အတွင် အမြဲလို လာဘ်ပွင့် ဂါထာ အန္တရာယ်ကင်းဂါထာတွေရွတ်ပြီး ဆုတောင်း။
ငွေကြေး ။ ။ ဒီနှစ်မှာ ငွေကြေးပိုင်း အနေနှင့် ငွေဝင်ပြီး ငွေမစုမိပဲ ရှိနေမည်။ ငွေရှာရတာ လွယ်နေစေတတ်။ ငွေဝင်ပြီး တခါတရံလက်ထဲမှာ ငွေမမြဲတာတွေ ငွေကုန်စရာတွေလည်း ပေါ်လာတတ်ပါတယ်။ အကြောင်းအမျိုးမျိုးနဲ့ ငွေကုန်စရာတွေပေါ်နေမည်။ ငွေကို ချွေတာသုံးရန် လိုစေတတ်။ ငွေချးတာ အာမခံတာ အထူးရှောင်ပါ။ ငွေလူလိမ်ခံရတတ်ပါတယ်။ သတိရှိပါ။ ဖြတ်လမ်းစီးပွားရေး မလုပ်သင့် လောင်းကစားရှောင်ပါ။ အိမ်တွင်းရေး ကျန်းမာရေး အတွက်လည်း ငွေကုန်စေတတ် သူတပါးအတွက် ကူညီထောက်ပံ့ပေးရတာတွေ ရှိလာစေတတ်တယ်။ ငွေကိုအကြောင်းပြုပြီး စိတ်ညစ်ရစေတတ်ပါတယ်။ ငွေကရှာဖွေနိုင် စုဆောင်းနိုင်မှ အဖက်ဖက်ကနေရှာနိုင်မှသာ ငွေကံကောင်းမည်။ ငွေကံကောင်းစေရန် တနင်္လာနေ့တိုင်း ရေနွေးကြမ်းနဲ့ လ္ဘက်သုတ်ကပ်လှူပြီး ငွေအတွက် ဆုတောင်းပါ။
**လူမှုရေး ။ ။ လူမှုရေး အနည်းငယ် အတိုက်အခံလေးတွေ ရှိနေတတ်ပါတယ်။ လူမျိုးခြား ဘာသာမတူ ဒုက္ခပေးနေတတ်ပါတယ်။ သတိရှိပါ။ အကြီးအကဲ အထက်လူကြီးပိုင်းကြောင့် စိတ်ညစ်ရတတ်ပါတယ်။ အိမ်တွင်းရေး ရန်ပေါ်တာတွေ ရှိစေတတ်ပါတယ်။ မြေကိစ္စ အမွေကိစ္စ မိသားစုကိစ္စသော်လည်းကောင်း စကားများရတာတွေ ရှိစေတတ်တယ်။ အလုပ်မှာလည်း စိတ်ညစ်ရစေတတ်တယ်။ အိမ်တွင်းရေးအတွက် ပူပင်စရာတွေ ရှိနေစေတတ် ကြာသပတေးနံပါတဲ့ နေ့သားတွေ တနင်္လာနံပါတဲ့နေ့သားတွေနဲ့ စကားပြောဆိုတာ လုပ်ငန်းလုပ်တာ အထူးသတိရှိရန်လိုစေတတ်တယ်။ အမှုအခင်းပြဿနာလေးတွေဖြစ်တတ်ပါသည်။ ဖြစ်လျှင် မိမိဘက်ကအရှုံးရှိတတ်တယ်။ သတိထားရှောင်ပါ။ စိတ်လိုက်မာန်ပါ ပြုမူပြောဆို လုပ်ကိုင်တာတွေ ရှောင်ပါ။ စေတနာကောင်းကောင်းထား စိတ်ကောင်းကောင်းမွေးပါ။ လိုအပ်သော အကျိုးပေးလာပါမယ်။ ဘာသာရေးပိုလုပ်ပါ။ သမ္ဗုဒ္ဓေကို တနေ့ ၃၇ ခေါက်ရွတ်ပါ။ အမြဲလို ဘုရားခန်း နေအိမ် လူသွားလမ်းတွေ သန့်ရှင်းရေးလုပ် မိဘအဝတ်အစားလျှော်ပါ။ မေတ္တာပွားပါ။ အညံ့ပျောက်စေမည်။
အိမ်ထောင်ရေး ။ ။ ယခုနှစ် အိမ်ထောင်ရေးမှာဆိုရင် အဆင်ပြေတဲ့အခါလည်း ရှိသလို မပြေတာလေးတွေလည်း ရှိနေတတ်ပါတယ်။ အိမ်ထောင်ရေး ပြဿနာတွေလည်း ဖြစ်ပေါ်စေတတ်တယ်။ မိမိအိမ်ထောင်ဘက်နှင့် မကြာခဏ စကားများရတတ်သည်။ ဂတောက်ဂဆတွေ ဖြစ်ပေါ်နေတတ်ပါတယ်။ အကြီးအကဲပိုင်း ကြောင့်စိတ်ညစ်ရတတ်သည်။ တစ်ယောက်နှင့်တစ်ယောက် စိတ်တိုင်းမကျတာ နားလည်မှုတွေလွဲနေတာ အလိုမကျတာတွေ ဖြစ်ပေါ်လာတတ်ပါတယ်။ အိမ်ထောင်ရေးမှာ ကြားလူဝင်နှောင့်ယှက်တာတွေ အိမ်ထောင်ရေးအဖျက်အဆီး အနှောင့်အယှက်တွေ ကြုံလာပါမယ်။ သတိထားရှောင်ပါ။ အိမ်ထောင်ရေး ဇယားရှုပ်တာ အပျော်အပါးလိုက်စားပါက နာမည်ဂုဏ်သိက္ခာ ကျဆင်းတတ်သလို တတ်လာမယ့်အညွန့်ပြန်ကျိုးမယ်။ အခန့်မသင့်ရင် ကွဲစေပြတ်စေမည်။ အသောက်အစား ရှိသူဖြစ်ပါက အိမ်ထောင်ရေး ရန်ပေါ်တတ်ပါတယ်။ အိမ်ထောင်ရေး ရှုပ်ထွေးမှုတွေ ဖြစ်ပေါ်တတ်ပါတယ်။ ထိုသို့ပြုလုပ်မိပါက မမျှော်လင့်ထားတဲ့ ပြဿနာတွေဖြစ်လာတတ်ပါတယ်။ စီးပွားပျက်တတ်တယ်။ ဂုဏ်သိက္ခာ ကျဆင်းတတ်သောကြောင့် သတိထား ဆင်ခြင်ရန်လိုအပ်ပါမည်။ အိမ်ထောင်ရေးမှာ ဆိုးတူကောင်းဖက်တိုင်ပင်ပြီး လက်တွဲမှသာ အဆင်ပြေစေတတ်ပါတယ်။ ကုသိုလ်ရေးအတူလုပ် ဘာသာရေး အတူလုပ် စီးပွားရေး အတူလက်တွဲ တိုင်ပင်ပြီး လက်တွဲပါ။ အပျော်အပါး အသောက်အစားတွေ ရှောင်ပါ။ အဆင်ပြေလာပါလိမ့်မည်။
အချစ်ရေး ။ ။ ယခုနှစ်အတွင်း အချစ်ရေးမှာ ငယ်ရွယ်သူတွေအနေနှင့် စိတ်မတည်ငြိမ်မှုတွေ ဖြစ်နေတတ်တယ်။ အချစ်ရေးစန်းပွင့်မယ်။ မိမိအား စိတ်ဝင်စားနေသူတွေလည်း ရှိနေတတ်ပါတယ်။ ချစ်သူမရှိသူတွေက ချစ်သူရတတ်ပါတယ်။ အချစ်ရေးမှာ အလိမ်အညာတွေနဲ့ ကြုံရတတ်သဖြင့် သတိထားရှောင်ရန်သင့်စေမည်။ မိမိချစ်သူကြောင့် စိတ်ညစ်ရစေတာ စိတ်ပင်ပန်းရစေတာမျိုးတွေ ရှိနေတတ်ပါတယ်။ အချစ်ရေးပိုင်းမှာ ဇယားရှုပ်တာတွေလည်း ရှိလာတတ်ပါတယ်။ ချစ်သူရှိပါက လက်ထပ်ရန်အတွက်တော့ တွေဝေနေတာမျိုး ဖြစ်နေတတ်တယ်။ အိမ်ထောင်ပြုမည်ဆိုလည်း ပြုလို့ရပါတယ်။ လက်ရှိ ချစ်သူရှိပါက ချစ်သူနှင့် မကြာခဏ စိတ်ဆိုးစိတ်ကောက် စကားများနေရတာတွေ ရှိနေတတ်ပါတယ်။ တခါတရံ အထင်အမြင်လွဲမှားတာတွေ နားလည်မှုလွဲမှားတာတွေ ရှိနေတတ်ပါတယ်။ စိတ်တိုင်း မကျအလိုမကျတာတွေ သဝန်တိုမှု စိတ်မချမှုတွေလည်း ရှိနေတတ်ပါတယ်။ မကြာခဏတော့ ပြဿနာလေးတွေရှိနေပေမယ့် ရန်ဖြစ်လိုက် ပြန်ချစ်လိုက်ရှိနေတတ်ပါတယ်။ ယခုနှစ် တွင်အိမ်ထောင် ကျကိန်းရှိနေပါတယ်။ သင့်တော်တဲ့နှစ်တွေ ဖြစ်တဲ့အတွက် အိမ်ထောင်ပြုလို့ရပါတယ်။ ယခုနှစ်အချစ်ရေးက အဆင်ပြေတာတွေရှိသလို မပြေတာတွေလည်း ရှိနေတတ်ပါတယ်။ အနည်းငယ်ပူပင်မှုလေးတွေနဲ့ ဖြတ်သန်းရစေတတ်ပါတယ်။
ကျန်းမာရေး ။ ။ ကျန်းမာရေးပိုင်းမှာ အနည်းငယ် ချူချာနေစေတတ်ပါတယ်။ နှလုံးအားနည်းပြီး ရင်တုန်တာ မူးမောတာ ဦးခေါင်းမကြည်တာ အကြောတက်တာမျိုးတွေ၊ သွေးအားနည်းတာ ရာသီအကူးအပြောင်း ဖျားနာတာတွေ ဖြစ်လာတတ်ပါတယ်။ အသေးစားအက်းစီးဒန့်လို ရှိစေမည် ခြေလက်ထိခိုက်တတ်တာ ရုတ်တရက်ရောဂါထဖြစ်စေတာတွေ ဖြစ်ပေါ်တတ်ပါတယ်။ သတိထားရန်လိုစေမည်။ ရောဂါတစ်ခုပြီးတစ်ခုတော့ဖြစ်နေမည်။ ဆေးထိုးဆေးသောက်လုပ်ရတာ ဆေးခန်းပြရတာတွေ ရှိလာတတ်ပါတယ်။ အသက်ကြီးပိုင်းတွေ ကျန်းမာရေးညံ့နေမည်။ မူးမောရင်တုန်တာ အကြောအားနည်းတာ ဦးခေါင်းမကြည်တာ ဖျားနာတာတွေဖြစ်စေမည်။ ဆေးရုံဆေးခန်းရောက်စေတတ်တယ်။ ကျန်းမာရေး ဂရုစိုက်ရန် လိုအပ်နေပါမည်။ အမြဲလို ငှက်လွှတ် ငါးလွှတ် လှူ ဆေးလှူပါ မွေးနံထောင့်မှာ အခင်းလှူပြီးဆုတောင်းပါ။
ပညာရေး ။ ။ ယခုနှစ်မှာပညာရေးနှင့် ပတ်သက်ပြီး အားနည်းနေမည်။ စိတ်ပါဝင်စားမှု မရှိပဲ ရှိနေမည်။ လတ်တလောပညာရေး ထစ်ငေါ့တာ လွဲချော်တာတွေလည်း ရှိနေပေမယ့် မကြာခင် ပြန်လည်ကောင်းမွန်လာပါမည်။ ပညာတတ်လေဘဝလမ်းခရီး အောင်မြင်လေဖြစ်ပါမယ်။ ပညာဖြင့် အသက်မွေးဝမ်းကြောင်းပြုရင်လည်း အကျိုးပေးပါမည်။ သင်တန်း တက်ရကိန်းတွေလည်း ပေါ်လာတတ်ပါတယ်။ သို့ပေမယ့် မတက်ဖြစ်ပဲ ကြန့်ကြာနေစေတတ်ပါတယ်။ နည်းပညာပိုင်းတွေ ဘာသာစကားဆိုင်ရာ သင်တန်းတွေလည်း တယ်။ ပညာရေးမှာ အဖျက်အဆီး အတားအစီးတွေလည်း ဖြတ်ကျော်ရတတ်ပါတယ်။ ပညာရေး ဆုံးခန်းတိုင်အောင် သင်ကြားရန်တော့ လိုစေမည် ပညာတတ်မှသာ ဘဝအတွက် အထောက်အကူပြုစေတတ်တယ်။ ပညာရေးပိုင်းကို ယခုနှစ်မှာ ကံ ဉာဏ် ဝီရိယအားစိုက်ထုတ် ကြိုးစားရန်လိုပါလိမ့်မည်။ ပညာရေးအကြောင်းအမျိုးမျိုးနဲ့ စိတ်မပါသလို ဖြစ်နေပါမည်။ တခြားသောအကြောင်းအရာတွေ စိတ်နှစ်နေမှုကြောင့် ပညာရေးခက်ခဲစေမည်။ ထို့အတွက် အားစိုက်ထုတ်ကြိုးစားမှသာ အဆင်ပြေစေမည်။
***ဒီနှစ်အတွက် မိမိတို့အနေနဲ့ အရေးကြီးသော အကြောင်းကိစ္စ အဝဝ ပြုလုပ်ပြောဆိုရာမှာ အောင်မြင်ဖို့အတွက် အကောင်းဆုံး အကျိုးပေးနေ့တွေမှာ သောကြာနေ့ ဗုဒ္ဓဟူးနေ့တွေဖြစ်ပါတယ်။ ထိုနေ့အတွင်းမှာ အကောင်းဆုံးအချိန်ဖြစ်တဲ့ မုဆိုးရွှေအိုးရကိန်း အချိန်ဖြစ်တဲ့ သောကြာနေ့ မနက် ၁၀:၄၉မှ နေ့လည် ၁း၁၂ အတွင်းနဲ့ ဗုဒ္ဓဟူးနေ့အတွက် မနက် ၆း၁၀မှ ၈း၂၄ နေ့လည် ၁း၁၃မှ ၃း၃၆အတွင်းမှာ အရေးကြီးသော အလုပ်ကိစ္စ အကြောင်းအရာရာ ကိစ္စအဝဝ ပြုလုပ်ပြောဆိုရာမှာသော်လည်းကောင်း ခရီးကိစ္စတွေ သွားလာတာ မျိုးတွေမှာသော်လည်းကောင်း ထိုအချိန်တွေမှာ ပြုလုပ်ပြောဆို လုပ်ကိုင်ဆောင်ရွက်ခြင်းဖြင့် အောင်မြင်မှုတွေ ရရှိစေပါမည်။
အကျိုးပေးအရောင် ။ ။ ဒီနှစ်အတွင်းမှာ မိမိရဲ့ ကံဇာတာကို ပွင့်လန်းစေမည့် အကျိုးပေးအရောင်မှာတော့ အပြာပွင့် အပြာရောင်၊ ခဲပွင့်ခဲရောင်၊ ငွေရောင် ရွှေဝါရောင် အစိမ်းပွင့် အစိမ်းရောင်တွေ အကျိုးပေးပါမည်။ အရေးကြီးသော အကြောင်းအရာတွေမှာ ဝတ်ဆင်ပြီး ပြုလုပ်ပြောဆို ဆောင်ရွက်ခြင်းဖြင့် ကံပွင့်စေမည်။
ဒီနှစ်အတွင်းမှာ အကျိုးပေးဂဏန်း အနေနဲ့က ၄ ၆ ၃ ၂ ဖြစ်စေပြီး မိမိလိုသောနေရာတွေမှာ အသုံးပြုလို့ရစေပါမည်။ အကျိုးပြုဂဏန်းတွေဖြစ်စေမည်။
ဘဝတစ်သက်တာမှာ ။ ။ ဘုမ္မိအရပ်က မြောက်အရပ်ဖြစ်ပါတယ်။ ထိုအရပ်မှာ စီးပွားရှာတာ ခရီးထွက်တာ အိမ်ဆောက်တာ အိမ်မျက်နှာလှည့်ပြီး ဆောက်လုပ်တာ လှေကားထားတာ အထူးရှောင်ပါ။
ဘဝတစ်သက်တာအတွက် အကျိုးပေး ရတနာ။ ။ နီလာ အနက်ရောင်ကျောက် တို့က မိမိတို့ရဲ့ အကျိုးပေး ရတနာတွေပဲ ဖြစ်ပါတယ်။ တစ်သက်တာအတွက် ဝတ်ဆင် ထားခြင်းဖြင့် ကံပွင့်စေမည်။
တနင်္ဂနွေသက်ရောက်
ရှောင်ရန်။ ။ လက်စွပ်၊ ဆွဲကြိုး၊ ရင်ထိုးများတွင် ပုလဲ၊ ပတ္တမြားဖြင့် ဝတ်ဆင်ခြင်း အဖြူရောင်၊ အနီရောင်၊ ဝတ်စားဆင်ရင်အသုံးပြုခြင်း ရှောင်ပါ။ ယုန်သား၊ လက်ဖက်သုပ်၊ စားခြင်းရှောင်ပါ။
ဒီနှစ် တစ်နှစ်လုံးမှာ မိမိတို့အနေနဲ့ ကံဇာတာပွင့်လန်းစေရန် ကံကောင်းမှုတွေ ရရှိစေရန် ပြုလုပ်ရမည့် ကောင်းမှုကံ ယတြာ အနေနဲ့က သောကြာနေ့နဲ့ ဗုဒ္ဓဟူးနေ့မနက် (၉း၄၅)တွင် လ္ဘက်သုပ်နှင့် သစ်သီးတစ်ပွဲ ရေနွေးကြမ်း မိမိအိမ်ဘုရားမှာ အမြဲလှူပါ။ ဘာသာရေး ကောင်းမှု နေ့စဉ်ပြုပါ။ ငှက်လွှတ်တာ မရှိဆင်းရဲသော သက်ကြီးပိုင်းတွေ လှူဒါန်းပေးကမ်းခြင်းပြုပါ။ မိမိအိမ်အဝင်ဝ အခန်းဝမှာ သရက်ရွက်၁၀ရွက် ချိတ်ဆွဲထားခြင်း အမြဲပြုပါက ကံကောင်းခြင်းတွေ ပိုင်ဆိုင်လာမည်။ စိတ်ကိုအေးစွာထားပြီး တရားထိုင်ခြင်း ဒါနသီလတွေပြုလုပ်ခြင်းဖြင့် ကံကောင်းစေမည်။
အညံ့ချေရန်အတွက် မကောင်းသော ကံ နမိတ်အကြောင်းအရာတွေ ပျောက်စေရန်အတွက်။ မည်သည့်နေ့မဆို ညနေပိုင်းမှာ ဘဲဥကျော်ပြီး ထမင်းနဲ့နယ် လမ်းဘေးခွေးတွေ အစာကျွေးပြီး ငါ့မှာရှိတဲ့ မကောင်းတဲ့အညံတွေ ပပျောက်ပါစေဟု ပြောပြီးကျွေးပါ။ တစ်လတစ်ခါ ပုံမှန်ကျွေးပါ။ မိမိအိမ်မှာရှိသော ထီးစုတ် ဖိနပ်စုတ် နာရီစုတ် အထည်စုတ်တွေ အကုန်စွန့်ပါ ရှိနေရင် လာဘ်ပိတ်စေမည်။ ကောင်းမှုတစ်ခု နေ့စဉ်ပြုပါ။ အလှူအတန်းတွေပြုလုပ်ပါ။ မရှိဆင်းရဲသူ ပေးကမ်းစွန့်ကျဲခြင်း အဓိဌာန်ဝင် ပုတီးစိပ်ပါ။ ကံအညံ့ပျောက်စေမည်။