၂၀၂၆ ခုနှစ် စနေသားသမီးများအတွက် ကံကြမ္မာ အဟော

စနေသားသမီးများအတွက် မိမိတို့ရဲ့ အသက်အပိုင်းအခြား ၁၅ ၂၃ ၃၁ ၃၉ ၄၇ ၅၅ ၆၃ ၇၁ ၇၉ ၈၇။ ထိုနှစ်တွေမှာ ကြုံတွေ့ရစေမယ့် မိမိတို့ရဲ့ ကံကြမ္မာ အစိတ်အပို,င်းများ။
စီးပွားရေး ၊အလုပ်အကိုင်။ ။စနေ သားသမီးတွေရဲ့ ယခုနှစ်အတွက် အလုပ်အကိုင် စီးပွားရေးမှာဆိုရင် လုပ်ငန်းတွေ အဆင်ပြေတာတွေရှိသလို မပြေတာလေးတွေလည်း ရှိနေတတ်ပါတယ်။ နာမည်ကောင်းရမယ်။ လူအထင်ကြီးတော့ ခံရတတ်ပါတယ်။ ယခုနှစ်မှာ အကြံအစည်ကောင်းတွေလည်း ပေါ်လာတတ်တယ်။ ရင်းနှီးမြှုတ်နှံမှုတွေ မလုပ်ပါနှင့် လက်ရှိလုပ်ငန်းတွေကိုပဲ တိုးတက်အောင် လုပ်ဆောင်ပါ။ စီးပွားရေးမှာ ပြိုင်ဆိုင်မှုတွေနဲ့ ရင်ဆိုင်နေရတတ်ပါတယ်။ တခါတရံ လုပ်ငန်းထစ်ငေါ့တာ ခက်ခဲတာ လွဲချော်တာတွေ ဖြစ်လာစေတတ်တယ်။ တခါတလေ အရှုံးပေါ်တာမျိုးတွေလည်း ဖြစ်လာတတ်ပါတယ်။ အားမရှော့ပဲ ဆက်ကြိုးစားပါ။ မကြာခင်အဆင်ပြေလာပါလိမ့်မယ်။ လုပ်သလောက်အရာမထင် စီးပွားတက်မလိုနဲ့ မတက်ပဲရှိနေမယ်။ နာမည်ကြီး ထမင်းငတ်ဖြစ်နေတတ်တယ်။ ဖြတ်လမ်းစီးပွားရေး မလုပ်ပါနဲ့ မိမိဒုက္ခရောက်စေမည်။ စီးပွားပျက်တတ်ပါတယ်။ အရောင်းအဝယ် လုပ်နေသူတွေလည်း အရောင်းအဝယ်သင့်မယ် ထင်သလောက်အမြတ်မကျန်ပဲ ရှိနေမည်။ တခါတရံ ပြိုင်ဆိုင်မှုတွေများတာ အမြတ်နည်းစေတတ်တယ်။ စီးပွားရေး အနည်းငယ် ခက်ခဲစေတတ်။ လူမျိုးခြား ဘာသာခြားတွေ ကူညီမှု ရစေမယ် မိတ်ဆွေအပေါင်းအသင်းများထံမှ အကူအညီများရရှိမည်။ ဝန်ထမ်းများ အလုပ်နေရာ ပြောင်းရွှေ့ချင်စိတ်တွေ ပေါ်လာတတ်ပါတယ်။ မကောင်းသေးပါ။ ပြောင်းရင် လက်ရှိထက်ပို ဆိုးစေတတ်ပါတယ်။ သည်းခံပြီးလုပ်ပါ။ တစ်ပိုင်တစ်နိုင် ကိုယ်ပိုင်လုပ်ငန်းလေးတွေ လုပ်ပါတွဲလုပ်ပါ။ အလုပ်ထဲတွင် စိတ်မဝင်စားဘဲဖြစ်နေမည်။ အလုပ်နှင့်ပတ်သက်ပြီး စိတ်ညစ်စရာပေါ်မယ်။ အတိုက်အခံတွေ ပြိုင်ဆိုင်တာတွေ များနေမယ်။ ခရီးသွားရတတ်သည်။ သွားလျှင်ကောင်းသည် အဆက်အသွယ် ကောင်းများရရှိခြင်း လုပ်ငန်းနေရာ တိုးချဲ့ရခြင်းများကြုံမည်။
အလုပ်နှင့်ပတ်သက်ပြီး အကြီးအကဲ အထက်လူကြီးနှင့် အဆင်မပြေတာ အလုပ်မှာ လူပင်ပန်းစိတ်ပင်ပန်းမှုတွေ ရှိနေတတ်ပါတယ်။ အလုပ်ကိစ္စတွေနှင့် ပတ်သက်ပြီး လူမော စိတ်မောရှိစေတတ်ပါတယ်။ ခရီးကိစ္စတွေ ပေါ်လာတတ်ပါတယ်။ ကိုယ်တိုင်မဟုတ်တောင် အဖော်အပေါင်းနဲ့ လိုက်သွားရစေတတ်ပါတယ်။ နိုင်ငံရပ်ခြားနှင့်ပတ်သက်သော ကိစ္စများအဆင်ပြေမည်။
ယခုနှစ်မှာ အထည်လုပ်ငန်း ဒီဇိုင်နာလုပ်ငန်းများ ဓာတ်ဆီ ဒီဇယ်လုပ်ငန်းများ ထမင်းဆိုင် နိုင်ငံခြားနဲ့ ဖက်စပ်လုပ်ငန်းများ။ အတတ်ပညာ ဉာဏ် ပညာပိုင်း ပညာရေးနဲ့ ပတ်သက်တဲ့လုပ်ငန်း ပွဲရုံ ပွဲစားလုပ်ငန်းတွေ မြေယာလုပ်ငန်း၊ ပဲလုပ်ငန်း၊ မွေးမြူရေးလုပ်ငန်းများ လုပ်ကိုင်ပါကအဆင်ပြေမည်။ ရင်နှီးမြုတ်နှံတာတွေ ရှော့ပါ။ ပုံမှန်လေးပဲ သွားနေပါ။ စနေနံ ကြာသပတေးနံတွေနဲ့ အရောင်းအဝယ်လုပ်ပါ။ အကျိုးများစေတတ် နိုင်ငံခြားခရီး အဆင်ပြေမည်။ စပ်တူလုပ်ငန်း ရှယ်ရာလုပ်ငန်းများ မလုပ်ပါနှင့်အဆင်မပြေနိုင်ပါ။ လူလိမ်ခံရတတ်သည်။ မြောက်အရပ် အရှေ့တောင်အရပ်တွေကို ခရီးသွားတာရှောင်ပါ။ စီးပွားရှာတာရှောင်ပါ။ ရွှေအဝင်အထွက်ရှိနေမယ်။ မိမိအိမ်မှာ လူဝင်လူထွက်တွေ များနေတတ်ပါတယ်။ ကောင်းမှု အလှူအတန်းလေးတွေလည်း ပြုရစေမည်။ ကိုယ့်အားကိုယ် ကိုးပြီးစီးပွားရှာပါ။ သူတပါးအားမကိုးပါနှင့် အားကိုးမိက မိမိပဲပြန်ဒုက္ခရောက်စေတတ်တယ်။ စက်ပစ္စည်းပျက်တာ ပြင်တာတွေ ရှိနေမယ်။ သတိထားပါ။ မိတ်ဆွေကောင်းရမယ်။ ဆရာကောင်းတွေ့မယ်။ အသိပညာသစ်တွေရမည်။ ယခုနှစ်မှာ စီးပွားရေး အလုပ်အကိုင်ကို ကံဉာဏ် ဝီရိယအားစိုက်ထုတ် ကြိုးစားမှသာ အောင်မြင်မှုရစေမည်။ စီးပွားရေးနဲ့အတူ ဘာသာရေး ကုသိုလ်ရေး ယှဉ်တွဲလုပ်ပါ။ ကောင်းမှုတခု နေ့စဉ်ပြုပါ။ ခွေးစာ ငှက်စာကျွေးပါ။ လပြည့်လကွယ် သက်သတ်လွတ်စား ဘုရားခန်း နေအိမ်အမြဲသန့်ရှင်းအောင်ထားပါ။ သက်ကြီးပူဇော်ပါ။ ကံတရားရဲ့ထောက်အပံ့ကောင်းတွေ ရရှိလာမှာဖြစ်ပါတယ်။
အချစ်ရေး အိမ်ထောင်ရေး မတည်ငြိမ် ဗျာများရတဲ့ အချိန်ဖြစ်မည်။ အဆင်မပြေ ပဋိပက္ခများ ကြုံတွေ့ ရတတ်မည်။ လူမူရေးပြဿနာများ ငွေအတွက် ချစ်သူခြင်းအဆင်မပြေမှု အိမ်ထောင်ဘက်၏ ရန်လိုမူ သူတပါးနှင့်ခိုက်ရန်ပြဿနာ ကြုံတွေ့ရခြင်းများ။ မတော်တဆ သွေးထွက်သံယိုဖြစ်ခြင်း၊ အချုပ်အနှောင်ခံရတတ်ခြင်း၊ လက်အောက်ငယ်သား တော်လှန်ခြင်း၊ ရန်ငြိုးရန်စရှာတတ်ခြင်းများ။ ပြဿနာများဖြေရှင်းရခြင်း စက်ပစ္စည်း ထွက်တတ် ပျက်တတ်ခြင်း ကြုံတွေ့တတ်ပါမည်။
ငွေကြေး ။ ။ ငွေကြေးကံအနေနှင့် ငွေ ရလွယ်ကုန်လွယ် ဖြစ်နေတတ်ပါတယ်။ ငွေရှာရတာလွယ်ကူပြီး လက်ထဲမှာ ငွေမမြဲပေ။ ငွေကုန်စရာတွေလည်း ပေါ်လာတတ်ပါတယ်။ ဆီလိုအပေါက်ရှာပြီး ငွေထွက်နေတတ်ပါတယ်။ တခါတရံ ငွေအတွက်ပူပင်ရတာတွေ ရှိလာတတ်ပါတယ်။ ရစရာရှိတာတွေကော ပေးစရာရှိတာတွေကော ခက်ခဲစေတတ်ပါတယ်။ ငွေကိုချွေတာပြီး သုံးရန် လိုစေတတ် ငွေချေးတာ အာမခံတာ အထူးရှောင်ပါ။ ငွေလူလိမ်ခံရတတ်ပါတယ်။ ငွေကြေးက မမြဲတတ်သောကြောင့် ငွေနဲ့ရင်းတဲ့အလုပ်တွေ ဖြတ်လမ်းစီးပွားရေးတွေ ရှောင်ပါ။ ငွေကအဖက်ဖက်ကနေ ငွေဝင်လမ်းတွေ ရှာဖွေနိုင်မှ မြဲစေမည်။ ထီကံကောင်းမယ်။ ထီပေါက်ကိန်း ရှိပါတယ်။ အကျိုးပေးဂဏန်း ၇ ၅ ၄ ဖြစ်ပါတယ်။ ငွေကံကောင်းစေရန် လာဘ်ပွင့် လာဘ်နှိုးဂါထာတွေရွတ်ပါ။ ခိုစာ ခွေးစာ ငှက်စာကျွေးပါ။
လူမှုရေး ။ ။ လူမှုရေး အနည်းငယ် စိတ်ညစ်စရာတွေ ရှိနေတတ်ပါတယ် သူတပါးမကောင်းပြောဆိုတာ ခံရစေတတ် အကြီးအကဲအထက်လူကြီးပိုင်းနဲ့ အဆင်မပြေတာတွေ အထက်လူကြီးကြောင့် စိတ်ညစ်ရစေတတ် အားနာမှုကြောင့် ဒုက္ခရောက်စေတတ်ပါတယ်။ လက်အောက်ငယ်သား မိမိညီအကို မောင်နှမတွေကြောင့်လည်း စကားအခြေအတင် ပြောရစေတတ်ပါတယ်။ ကိုယ့်ကိုကိုယ်ပဲ အားကိုးပါ။ သူတပါးအားမကိုးပါနှင့် စိတ်လိုက်မာန်ပါ ပြုမူပြောဆိုတာတွေ ရှောင်ပါ။ အိမ်တွင်းရေးပိုင်းတွေ ပူပင်ရစေတတ်တယ်။ အတိုက်အခံအခြေအတင်တွေ ပြောနေရစေမည်။ မိမိစိတ်သဘော မတွေ့စေပဲ စိတ်ညစ်ရစေတတ်ပါတယ်။ စေတနာကောင်း စိတ်ကောင်းထားပါ။ ဘာသာရေး ပိုလုပ်ပါ။ သူများပြဿနာ ဝင်ဖြေရှင်းတာတွေ မပြုလုပ်ရ။ စေတနာအမှား ဖြစ်တတ်သောကြောင့် သတိထားရှောင်ပါ။ သောကြာနံပါတဲ့နေ့သားတွေ အင်္ဂါနံပါတဲ့နေ့သားတွေနဲ့ စကားပြောဆိုတာ သတိထားပါ။ အိမ်တွင်းရေး ပြဿနာတွေလည်း ပေါ်လာတတ်တယ်။ စိတ်ကိုအေးအေးထားပြီး ဖြေရှင်းပါ။ သွားတိုက်ဆေး သွားတိုက်တံ တံမျက်စည်း ခြေသုတ်ဝတ်အမြဲလှူပါ။ အန္တရာယ်ကင်းဂါထာတွေနေ့စဉ်ရွတ်ပြီးဆုတောင်းပါ။ ကံအညံ့ပျောက်စေမည်။
ကျန်းမာရေး ။ ။ ကျန်းမာရေးမှာဆိုရင် အကြောတက် အာရုံကြောအားနည်းတာ ဦးခေါင်းမကြည်တာ ဆီး မျက်စိ အစာအိမ်လေအောင့်တာမျိုး။ သွေးအားနည်းပြီး မူးမောတာ ခြေလက် ထိခိုက်ဒါဏ်ရာ ရတာတွေ ချောင်းဆိုး ရင်ကျပ်တာ ဖြစ်ပေါ်နေတတ်ပါတယ်။ ဖြစ်ပြီးသားရောဂါ ပြန်ဖြစ်လာတာမျိုးလည်း ကြုံရတတ်ပါတယ်။ အကုန်ဖြစ်မယ်လို့တော့ မဆိုလိုပေ တခုမဟုတ်တခု ဖြစ်ပေါ်လာတတ်ပါတယ်။ သတိထားရန်တော့ လိုစေမည်။ အသက်ကြီးပိုင်းတွေ ကျန်းမာရေးပိုင်းတွေမှာ သွေးတိုးတာ အစားမှားတာ အစာအိမ်ရောဂါ မျက်စိအားနည်းတာ ချော်လဲတာ ခြေလက်တွေ လေးလံထိုင်းမှိုင်းတာမျိုးတွေ ဖြစ်စေပြီး ဆေးရုံဆေးခန်းပြရစေမည်။ ကျန်းမာရေးအတွက် ရေလှူ ဆေးလှူ ငှက်လွှတ်ပြီးဆုတောင်းပါ ဘာသာရေးပိုလုပ်ပါ။
**အိမ်ထောင်ရေး ။ ။ ယခုနှစ် အိမ်ထောင်ရေးမှာဆိုရင် မအေးချမ်းပဲ ရှိနေမည်။ မိမိအိမ်ထောင်ဘက်နှင့် မကြာခဏ စကားများရတတ်သည်။ ဂတောက်ဂဆတွေ ဖြစ်ပေါ်နေတတ်ပါတယ်။ တစ်ယောက်နှင့်တစ်ယောက် စိတ်တိုင်းမကျတာ နားလည်မှုတွေလွဲနေတာ အလိုမကျတာတွေ မကြာခဏဖြစ်ပေါ်နေပါမယ်။ လက်အောက်ငယ်သား သားသမီးရှိက သားသမီး ကြောင့်စိတ်ညစ်ရတတ်သည်။ အခန့်မသင့်ရင် အိမ်ထောင်ကွဲကိန်း ပျက်ကိန်းပေါ်လာတတ်ပါတယ်။ တစ်ယောက်နဲ့တစ်ယောက် အကြည်ဓာတ်တွေ လျှော့နည်းနေစေတတ်ပါတယ်။ အိမ်ထောင်ရေးမှာ ကြားလူဝင်နှောင့်ယှက်တာတွေ အိမ်ထောင်ရေးအပျက်အစီး အနှောင့်အယှက်တွေကြုံလာပါမယ်။
စီးပွားရေး အဆင်မပြေနေတဲ့ အချိန်တွေမှာ အိမ်ထောင်ရေး ဇယားရှုပ်တာ အပျော်အပါးလိုက်စားပါက နာမည်ဂုဏ်သိက္ခာ ကျဆင်းတတ်သလို တတ်လာမယ့် အညွန့်ပြန်ကျိုးမယ်။ အမျိုးသမီး အဖျက်အဆီးတွေ အမျိုးသား အဖျက်တွေ ကြုံတွေ့ရတတ်ပါတယ်။ အသောက်အစား ရှိပါက အိမ်ထောင်ရေးရန်ပေါ်တတ်ပါတယ်။ အိမ်ထောင်ရေး ဇယားရှုပ်တာ အထူးရှောင်ပါ ရှုပ်ထွေးမှုတွေဖြစ်ပေါ်တတ်ပါတယ်။ ထိုသို့ပြုလုပ်မိပါက မမျှော်လင့်ထားတဲ့ ပြဿနာတွေဖြစ်လာတတ်ပါတယ်။ စီးပွားပျက်တတ်တယ်။ ဂုဏ်သိက္ခာ ကျဆင်းတတ်သောကြောင့် သတိထားဆင်ခြင်ရန်လိုအပ်ပါမည်။ အိမ်ထောင်ရေးမှာ ဆိုးတူကောင်းဖက်တိုင်ပင်ပြီး လက်တွဲမှသာ အဆင်ပြေစေတတ်ပါတယ်။ ကုသိုလ်ရေးအတူလုပ် ဘာသာရေး အတူလုပ် စီးပွားရေး အတူတိုင်ပင်ပြီး လက်တွဲပါ။ အပျော်အပါး အသောက်အစားတွေ ရှောင်ပါ။ အဆင်ပြေလာပါလိမ့်မည်။
အချစ်ရေး။ ။ယခုနှစ်အတွင်း အချစ်ရေး အနည်းငယ် စိတ်ညစ်စေရတတ်ပါတယ်။ အဆင်ပြေတာတွေရှိသလို မပြေတာတွေလည်း ရှိနေတတ်ပါတယ်။ မိမိချစ်သူကြောင့် စိတ်ပင်ပန်းရစေမည်။ အချစ်ရေးမအေးချမ်းပဲ ရှိနေမည်။ အချစ်ရေးဂတောက်ဂဆတွေ များနေမယ်။ ငယ်ရွယ်သူတွေ အချစ်ရေး ကံမကောင်းသေးပါ လက်ရှိချစ်သူနှင့် မကြာခဏ စိတ်ဆိုးစိတ်ကောက် စကားများနေရတာတွေ ရှိနေတတ်ပါတယ်။ အလိမ်အညာခံရတာ မိမိချစ်သူရဲ့ ဥပက္ခာ ပုခြင်းခံရတတတတယ်။ တခါတရံ အထင်အမြင်လွဲမှားတာတွေ နားလည်မှုလွဲမှားတာတွေ ရှိနေတတ်ပါတယ်။ စိတ်တိုင်းမကျ အလိုမကျတာတွေလည်း ရှိနေတတ်ပါတယ်။ တခါတလေ ရှေ့တိုးရအခက် နောက်ဆုတ်ရအခက် တွေဝေနေတတ်တယ်။ မိမိဘဝတသက်တာမှာ အချစ်ရေးက ကံခေတတ်သူ ဖြစ်တတ်ပါတယ်။ အချစ်ရေးမတည်မြဲနိုင်ပါ။ ရည်းစားဦးပြိုကွဲခြင်း အိမ်ထောင်ဦးပြိုကွဲခြင်းများ ကြုံရတတ်ပါတယ်။ ယခုနှစ် တွင်အိမ်ထောင်ကျကိန်း ရှိနေပါတယ်။ မသင့်တော်သေးပါ။ ငယ်ရွယ်စဉ် အိမ်ထောင်ကျပါက ပြန်ကွဲတတ်ပါတယ်။ အိမ်ထောင်မတည်မြဲနိုင်ပါ ယခုနှစ်အချစ်ရေးက စိတ်ညစ်စရာ ပူပင်မှုလေးတွေနှင့် ဖြတ်သန်းရတတ်ပါတယ်။ ချစ်သူနှစ်ဦးကြားမှာ အဖျက်အဆီးတွေ ဝင်လာစေတတ်ပါတယ်။ အချစ်ရေး ဇယားရှုပ်တာ အပျော်အပါး လိုက်စားပါက မတည်မြဲနိုင်ပါ။
အချစ်ရေးကံကောင်းစေရန် နှင်းဆီနီ ၁၀ ပွင့် အမြဲလိုလှူ ချစ်သူနှစ်ဦးရဲ့ ဓာတ်ပုံကို မျက်နှာချင်းဆိုင်ကော်နှင့်ကပ်ပြီး၊ အပ်ချဉ်ကြိုးနှင့် ၁၀ ပတ်ရစ်ပြီး ဓာတ်ဗူးထဲကိုထည့်ပါ။ အမျိုးသမီးပုံကို အောက်ဘက်ကထား မေတ္တာသုတ် ၁၀ခေါက်ရွတ်ပြီးဆုတောင်းပါ။
ပညာရေး ။ ။ ယခုနှစ်မှာပညာရေးနှင့် ပတ်သက်ပြီး ကောင်းမွန်ပါမည်။ အသိပညာသစ် အတတ်ပညာသစ်တွေရမယ်။ ပြည်တွင်း ပြည်ပအတတ်ပညာရပ်တွေ သင်ကြားရစေမည်။ ဆရာကောင်း သမားကောင်းတွေ့ရမယ်။ လတ်တလော ပညာရေးထစ်ငေါ့တာ ပညာရေး တစ်ပိုင်းတစတွေ လွဲချော်တာတွေလည်း ရှိနေပေမယ့် မကြာခင်ပြန်လည် ကောင်းမွန်လာပါမည်။ ပညာတတ်လေ ဘဝလမ်းခရီး အောင်မြင်လေဖြစ်ပါမယ်။ ပညာဖြင့် အသက်မွေးဝမ်းကြောင်း ပြုရင်လည်း အကျိုးပေးပါမည်။ ပညာရေးကို ဝီရိယ အားစိုက်ထုတ်ကြိုးစားပါ။ ဘဝမှာ ပညာရေးကနံပါတ် ၁ စီးပွားရေးက နံပါတ်၂ အချစ်ရေးက နံပါတ်၃ နေရာမှာထားပြီး ဘဝအတွက်ကြိုးစားအားထုတ်ပါက အောင်မြင်တိုးတက်လာပါလိမ့်မည်။ ပညာရေးကို အဖျက်တွေ ဝင်လာစေတတ်ပါတယ်။ အချစ်ရေးကြောင့် ပညာရေး ထိခိုက်တတ်သလို အပေါင်းအသင်းမှားတာ အပျော်အပါး မက်မှုတွေကြောင့် ပညာရေး ထိခိုက်တတ်စေတယ်။ ပညာရေးနှင့် ပတ်သက်ပြီး ကံ ဉာဏ် ဝီရိယ အားစိုက်ထုတ်ရမယ့် သူမျိုးဖြစ်တယ်။ အတန်းပညာပြီးဆုံးရင်လည်း အတတ်ပညာ ဘာသာစကားဆိုင်ရာ ကွန်ပျူတာနဲ့ဆိုင်တဲ့ ပညာမျိုးတွေ လေ့လာပါ။ သင်ယူပါ။ ဘဝအတွက် အထောက်အကူဖြစ်စေလိမ့်မည်။
ဒီနှစ်အတွင်း အကျိုးပေးဂဏန်းအနေနဲ့ ။ ။ ၅၊၇၊ ၄ ထိုဂဏန်းတွေက တစ်နှစ်ပတ်လုံး အကျိုးပြုစေပြီး ထီထိုးတာမျိုး တစ်ခြားသောကိစ္စတွေမှာ အသုံးပြုခြင်းဖြင့် ကံကောင်းစေပါလိမ့်မည်။
အကျိုးပေးအရောင် ။ ။ ဒီနှစ်အတွင်းမှာ ကံဇာတွေပွင့်ပြီး အကျိုးပေးအရောင်အနေနဲ့က အနက်ပွင့်အနက်ရောင် နက်ပြာရောင် အဝါရောင် အဝါပွင့် ကာလာအရင့်ရောင်တွေ ဖြစ်ပါတယ်။ အရေးကြီးသော အရေးကြီးသော စကား အရေးကြီးသော လုပ်ငန်းကိစ္စတွေ ခရီးကိစ္စတွေ အကြောင်းအရာတွေမှာ ဝတ်ဆင်ပြီး ပြုလုပ်ပြောဆို ဆောင်ရွက်ခြင်းဖြင့် ကံပွင့်စေမည်။
ရှောင်ရန် ။ ။ ခေါင်းပေါင်း၊ ဦးထုပ်၊ လက်ကိုင်အိတ် များကိုအနီရောင် အပြာရောင် နီညိုရောင် ဝတ်ဆင်အသုံးပြုခြင်း အထူးရှောင်ရပါမည်။ ရှောက်သီးသုပ်၊ လိမ္မော်သီး၊ လျှားဇောင်းလက်ပက် စားသုံး အသုံးပြုခြင်းရှောင်ပါ။
**ဒီနှစ်အတွက် မိမိတို့အနေနဲ့ အရေးကြီးသော အကြောင်းကိစ္စ အဝဝ ပြုလုပ်ပြောဆိုရာမှာ** အောင်မြင်ဖို့အတွက် အကောင်းဆုံး အကျိုးပေးနေ့တွေမှာ ကြာသပတေးနေ့နဲ့ စနေနေ့ နေ့တွေဖြစ်ပါတယ်။ ထိုနေ့အတွင်းမှာ အကောင်းဆုံးအချိန်ဖြစ်တဲ့ မုဆိုးရွှေအိုးရကိန်း အချိန် ကြာသပတေးနေ့ မနက်၈း၂၅မှ ၁၀:၄၈ နဲ့ စနေနေ့အတွက် နေ့လည် ၁း၁၃မှ ၃း၃၆အတွင်းနဲ့ ပုဏ္ဏား နတ်သမီး ရကိန်းအချိန်ဖြစ်တဲ့ ကြာသပတေးနေ့၃း၃၇မှ၆း၀၀နာရီ နဲ့ စနေနေ့ မနက်၈း၂၅မှ ၁၀:၄၈ထို အချိန်တွေမှာ အရေးကြီးသော အလုပ်ကိစ္စ အကြောင်းအရာရာ ကိစ္စအဝဝ ပြုလုပ်ပြောဆိုရာမှာ သော်လည်းကောင်း ခရီးကိစ္စတွေ သွားလာတာ မျိုးတွေမှာသော်လည်းကောင်း ထိုအချိန်တွေမှာ ပြုလုပ်ပြောဆို လုပ်ကိုင်ဆောင်ရွက်ခြင်းဖြင့် အောင်မြင်မှုတွေ ရရှိစေပါမည်။
ဘဝတစ်သက်တာမှာ ။ ။ ဘုမ္မိအရပ်က မြောက်အရပ်ဖြစ်ပါတယ်။ ထိုအရပ်မှာ စီးပွားရှာတာ ခရီးထွက်တာ အိမ်ဆောက်တာ အိမ်မျက်နှာလှည့်ပြီး ဆောက်လုပ်တာ လှေကားထားတာ အထူးရှောင်ပါ။
ဘဝတစ်သက်တာအတွက် အကျိုးပေး ရတနာ။ ။ နီလာကျောက်တို့က မိမိတို့ရဲ့ အကျိုးပေး ရတနာတွေပဲ ဖြစ်ပါတယ်။ အမြဲလို ဝတ်ဆင် အသုံးပြုခြင်းဖြင့် ကံဇာတာ ပွင့်လန်းစေတတ်ပါတယ်။
ယတြာ ။ ။ ဒီနှစ် တစ်နှစ်လုံးမှာ မိမိတို့အနေနဲ့ ကံဇာတာပွင့်လန်းစေရန် ကံကောင်းမှုတွေ ရရှိစေရန် ပြုလုပ်ရမည့် ကောင်းမှုကံ ယတြာ အနေနဲ့က စနေနေ့မနက် (၉း၄၅) တွင် နှင်းဆီ၁၀ပွင့် ထောပတ်ထမင်း ပေါင်မုန့်ထောပတ်သုတ် ၁ပွဲကို မိမိအိမ်ဘုရားတွင်လှူပါ။ တစ်လတခါ စနေထောင့်မှာ ထီးဖြူအသေး၁၂ လက် လှူပါ။ မိမိလိုရာဆုတောင်းပါ။ မိုးလင်းတာနဲ့ လာဘ်ပွင့်လာဘ်နှိုးဂါထာတွေရွတ် အန္တရာယ်ကင်းဂါထာတွေရွတ် မေတ္တာများများပို့ ဘာသာတရား အထူးကိုင်းရှိုင်းပါ။ ငါးပါးသီလမြဲအောင်ထိန်းပြီး ပြုမူပြောဆို နေထိုင်ရန် လိုအပ်ပါလိမ့်မည်။
အညံ့ပပျောက်ရန် ။ ။ စနေနေ့ညနေပိုင်းတွင် သခွားသီး ၁လုံးမှာ မိမိနာမည်ရေး အိမ်နောက်ဖေးဘက်မှာ ငါ့ဒါဏ်နင်ခံ ငါ့မှာရှိတဲ့မကောင်းတဲ့ အညံ့အားလုံးပါသွားစေဟုပြောပြီး နင်းပါ တစ်လနှစ်ကြိမ်ပြုလုပ်ပါ။ ဘာသာရေး အထူးပြုလုပ်ပေးပါ၊ လူသွားလမ်းတွေရှင်း သီလမြဲပါ ပုတီးစိပ်ပါ ကောင်းမှုတွေနဲ့ ဖြတ်သန်းပါ ကံအညံ့ပျောက်စေပြီး ကံကောင်းစေပါလိမ့်မည်။