၂၀၂၆ ခုနှစ် ကြာသပတေးသားသမီးများအတွက် ကံကြမ္မာ အဟော

မိမိတို့အသက်အပိုင်းအခြား ၁၂၊ ၂၀၊ ၂၈၊ ၃၆၊ ၄၄၊ ၅၂၊ ၆၀၊ ၆၈၊ ၇၆၊ ၈၄၊ ၉၂ ထိုနှစ်တွေမှာ ကြုံတွေ့ရမယ့် မိမိတို့ရဲ့ ကံကြမ္မာ အစိတ်အပိုင်းများ။
စီးပွားရေး အလုပ်အကိုင် ။ ။ ဒီနှစ်အလုပ်အကိုင် စီးပွားရေးအနေနှင့် ကြာသပတေး သားသမီးတွေက ဒီနှစ်မှာ စီးပွားတက်လာမယ်။ အကောင်းအဆိုးတွေ ဒွန်တွဲနေတဲ့နှစ်ဖြစ်ပါတယ်။ အကြံကောင်းတွေ ပေါ်လာမယ်။ အကောင်းအထည်တန်းဖော်လို့ ရစေတတ်ပါတယ်။ လုပ်ငန်းသစ် အလုပ်ကိုင်သစ်များ တိုးချဲ့လုပ်ကိုင်ရကိန်းရှိသည်။ ဒီနှစ်မှာ ဘာပဲဖြစ်ဖြစ် နှစ်ကြိမ်နှစ်ခါဖြစ်မယ်။ ဘာပဲဝင်ဝင် နှစ်ကြိမ်နှစ်ခါဝင်မယ်။ ဘာပဲလုပ်ရလုပ်ရ နှစ်ကြိမ်နှစ်ခါ ပြုလုပ်ရတတ်ပါတယ်။ တစ်ကြိမ်တစ်ခါတည်း မပြီးပြတ်ပဲ ဖြစ်တာတွေ ကြုံရတတ်ပါတယ်။ အလုပ်ထဲတွင် အောင်မြင်မှုတွေ ရနေမယ်။ အလုပ်နှင့်ပတ်သက်ပြီး ခရီးသွားရတတ်သည်။ အလုပ်အပြောင်းအလည်း အိမ်နေရာအပြောင်း နေရာသစ် ပေါ်လာစေတတ်ပါတယ်။ ဝန်ထမ်းဆို ဌာနအသစ်ပြောင်းရတာ ဖြစ်ပေါ်လာစေတတ်ပါတယ်။ အလုပ်နဲ့ပတ်သက်ပြီး လူပင်ပန်း စိတ်ပင်ပန်းမှုတွေတော့ ရှိနေတတ်ပါတယ်။ လုပ်ငန်းသစ် စလုပ်မည်ဆိုပါကလည်း အကျိုးပြုစေမည်။ အရောင်းအဝယ် လုပ်ငန်းလုပ်နေသူတွေ အဆင်ပြေနေမယ်။ အမြတ်အစွန်းတွေ ရနေတတ်ပါတယ်။ ထိုသို့လုပ်ကိုင်နေစဉ် ကာလအတွင်း လုပ်ငန်းထဲတွင် အပြိုင်အဆိုင် အတိုက်အခံပေါ်တတ်သည်။ စိုးရိမ်စရာမရှိပါ။ မကြာခင်ကာလတွင် ပြန်လည် အဆင်ပြေသွားပါလိမ့်မည်။ လုပ်ငန်းစီးပွား တက်လာစေမည်။ အတိုက်အခံများကြားတွင် အောင်မြင်နေမည်။ ဝန်ထမ်းများ ရာထူးလစာကောင်းတွေ တိုးတက်တာ ရတာတွေ ရှိစေမည်။ လူပင်ပန်းတာနဲ့ စိတ်ဖိစီးမှုတွေ များနေတတ်ပါတယ်။ ယခုနှစ်မှာ စီးပွားရေးအလုပ်အကိုင်နှင့် ပတ်သတ်ပြီး တခါတလေ တချို့လတွေမှာဆိုရင် အခက်အခဲတွေ၊ အဆင်မပြေမှုတွေနဲ့ ကြုံတွေ့နေရတတ်တယ်။ လုပ်ငန်းမှာ အကြီးအကဲ အထက်လူကြီးတွေနှင့် အဆင်မပြေတာတွေ ရှိနေစေတတ်ပါတယ်။ ဝန်ထမ်းဆို အလုပ်ပြောင်းချင်စိတ်တွေ ပေါ်လာတတ်တယ်။ ကိုယ်ပိုင် တစ်ပိုင်တစ်နိုင်လုပ်ငန်းတွေ လုပ်ပါ။ အဆက်အသွယ် ကောင်းများရရှိခြင်း လုပ်ငန်းနေရာ တိုးချဲ့ရခြင်းများကြုံမည်။
တပို့တွဲ တပေါင်းလများတွင် ငွေကြေးအတွက် စကားများ ရန်ဖြစ်ရခြင်း မိခင် ဖခင်ကျန်းမာရေးညံ့တတ်ခြင်း ဆွေမျိုးသားချင်းများကြောင့် စိတ်သောက အပူသင့်တတ်ခြင်း တန်ခူး ကဆုန် ပြာသိုလမှာ သားသမီး ဆွေမျိုးလက်အောက်ငယ်သားများကြောင့် အမူအခင်းပြဿနာများဖြေရှင်းရတတ်မည်။ အိုးအိမ်နေရာ အလုပ်ရွေ့ပြောင်းရတတ်သည်။ သူခိုးအခိုးခံရခြင်း မီးအန္တရာယ်ပေးခြင်း ချစ်သူတွေ့လျှင်လဲ မလွတ်လပ်သောချစ်သူမျိုးနှင့် ကြုံတွေ့တတ်ပါမည်။
နိုင်ငံရပ်ခြားနှင့်ပတ်သက်သော ကိစ္စများအဆင်ပြေမည်။ အထူးသဖြင့် ရေကြောင်းခရီးနှင့် ပတ်သက်သော ကိစ္စများ အဆင်ပြေမည်။ သွပ်၊ သံ၊ သစ်တွေဝင်မယ်၊ အိမ်သစ်ဝင်မယ်၊ ရွှေဝင်မယ်။ ရေတွင်းရေကန်တူးရတတ်တယ်။ စက်ပစ္စည်းတွေဝင်လာမယ်။ လက်အောက်ငယ်သား အကျိုးပြုစေမယ်။ ရာထူးလစာတိုးမယ်။ မင်္ဂလာပြုရတာ သို့ အလှူဒါနပြုရတတ်ပါတယ်။ ဘာသာရေး ဆိုင်ရာပစ္စည်းတွေ ဝင်လာမယ်။ ကောင်းသောဝင်လာခြင်းဖြစ်စေတတ် တစ်စုံတစ်ဦး ကလေးမွေးသော အသံကြားရပါက ကံကောင်းမယ် လာဘ်ဝင်စေမည်။
ယခုနှစ်မှာ ရေလုပ်ငန်း ရွှေ လျှပ်စစ်ပစ္စည်း ဝပ်ရှော့ လ္ဘက်ရည်ဆိုင် အလှပြင်ပစ္စည်း ဟော်တယ်နဲ့ ခရီးသွားလာရေးလုပ်ငန်းများ သစ်လုပ်ငန်းတွေ စားသောက်ကုန် ဈေးရောင်းတာ စက်ပစ္စည်းနဲ့ ပတ်သက်တဲ့အလုပ်တွေ လုပ်ကိုင်ပါကအဆင်ပြေမည်။ စပ်တူလုပ်ငန်း ရှယ်ရာလုပ်ငန်းများ စပ်တူမလုပ်ပါနှင့် လူလိမ်ခံရတတ်သည်။ ဆန်၊ ဆီ၊ ဆေး၊ ဆား ရောင်းဝယ်ရေးလုပ်ငန်းများ၊ စက်ပစ္စည်းနှင့်ပတ်သက်သော လုပ်ငန်းများ လုပ်ကိုင်ပါက အဆင်ပြေနိုင်ပါသည်။ စက်ပစ္စည်းအသစ်တွေဝင်ပါမည်။ ယခုနှစ်တွင် အလုပ်တွေပြန်လည် ကောင်းမွန်လာပါမည်။ လုပ်ငန်းစတင်လုပ်ကိုင်မည့်သူများ မိမိလုပ်ငန်း အောင်မြင်မှုရရှိမည့် အချိန်ကာလဖြစ်သည်။ အနောက်အရပ် အရှေ့အရပ်တွေမှာ ခရီးသွားလာတာ စီးပွားရှာတာတွေ ရှောင်ပါ။
အလှူဒါနတွေလည်း ပြုရတတ်ပါတယ်။ လက်အောက်ငယ်သားတွေ အကျိုးပြုမယ်။ ခရီးကိစ္စတွေပေါ်မယ်။ ကောင်းမှုတွေပြုရတတ်တယ်။ စိတ်ဖိစီးမှုတွေတော့ များနေတတ်ပါတယ်။ စီးပွားရေးမှာ ဘာပဲလုပ်လုပ် ပြိုင်ဆိုင်မှုတွေတော့ ရှိနေမယ်။ စိတ်ကိုအေးချမ်းစွာထားပြီး လုပ်ကိုင်ပါ။ မိမိအိမ်မှာရှိတဲ့ ထီးစုတ်၊ ဖိနပ်စုတ်၊ နာရီစုတ်တွေရှိရင် စွန့်ပြစ်ပါ။ လာဘ်ပိတ်စေတတ်ပါတယ်။ စီးပွားရေးနဲ့အတူ ယခုနှစ်မှာ ကောင်းမှုတစ်ခု နေ့စဉ်ပြုပါ။ စီးပွားရေးနဲ့အတူ ဘာသာရေး ကုသိုလ်ရေး ယှဉ်တွဲလုပ်ပါ။ ခိုစာ ခွေးစာ ငှက်စာကျွေးပါ။ ကံတရားရဲ့ အထောက်အပံ့ကောင်းတွေကို ရရှိလာပါမည်။
ငွေကြေး ။ ။ ဒီနှစ်မှာ ငွေကြေးပိုင်း အနေနှင့် ငွေဝင်မယ် ငွေကံကောင်းလာမယ်။ ငွေစုပါ။ ငွေရှာရတာ လွယ်နေစေတတ်တယ်။ ငွေဝင်ပြီး တခါတရံလက်ထဲမှာ ငွေမမြဲတာတွေ ငွေကုန်စရာတွေလည်း ပေါ်လာတတ်ပါတယ်။ ငွေကို ချွေတာသုံးပါ။ ငွေချးတာ အာမခံတာ အထူးရှောင်ပါ။ ဖြတ်လမ်းစီးပွားရေး မလုပ်သင့် အိမ်တွင်းရေး အတွက်လည်း ငွေကုန်တတ်ပါတယ်။ သူတပါးအတွက် ကူညီထောက်ပံ့ပေးရတာတွေ ရှိလာစေတတ်။ ငွေသုံးများနေ အသုံးအစားမတတ်မှုကြောင့် ငွေကြေးခက်ခဲမှုတွေလည်း ရှိလာစေတတ်ပါတယ်။ ထီကံကောင်းနေမည်။ ထီထိုးပါ။ အကျိုးပေးဂဏန်း ၆.၄.၃ ဖြစ်ပါတယ်။ သောကြာနေ့ ဗုဒ္ဓဟူးနေ့တွေမှာ ထီထိုးပါ ကံကောင်းစေမည်။ ငွေကံကောင်းစေရန် တနင်္လာနေ့တိုင် ရေနွေးကြမ်းနဲ့ လ္ဘက်သုတ်ကပ်လှူပြီး ငွေအတွက် ဆုတောင်းပါ။
လူမှုရေး ။ ။ လူမှုရေး အနည်းငယ် အတိုက်အခံလေးတွေ ရှိနေတတ်ပါတယ်။ အကြီးအကဲ အထက်လူကြီးပိုင်းကြောင့် စိတ်ညစ်စေရတတ်ပါတယ်။ အိမ်တွင်းရေး ရန်ပေါ်တာတွေ ရှိစေတတ်ပါတယ်။ မြေကိစ္စ အမွေကိစ္စ မိသားစုကိစ္စသော်လည်းကောင်း စကားများရတာတွေ ရှိမယ်။ အလုပ်မှာလည်း စိတ်ညစ်ရတတ်တယ်။ မိသားစုရေးအတွက် ပူပင်စရာတွေ ရှိနေမယ်။ ကြာသပတေးနံပါတဲ့ နေ့သားတွေ တနင်္လာနံပါတဲ့နေ့သားတွေနဲ့ စကားပြောဆိုတာ လုပ်ငန်းလုပ်တာ အထူးသတိရှိရန်လိုစေတတ် စိတ်လိုက်မာန်ပါ ပြုမူပြောဆို လုပ်ကိုင်တာတွေ ရှောင်ပါ။ ငွေအတွက် စကားများရတတ်တယ်။ အမျိုးသမီး တစ်ဦးအတွက် စိတ်ညစ်ရစေတတ်ပါတယ်။ စေတနာကောင်းကောင်းထား စိတ်ကောင်းကောင်းမွေးပါ။ လိုအပ်သော အကျိုးပေးလာပါမယ်။ ဘာသာရေးပိုလုပ်ပါ။ အများသုံးလမ်းတွေ သန့်ရှင်းပါ။ တံမျက်စည်းလှည်းပါ။ အဌာနမေတံဂါထာ သမ္ဗုဒ္ဓေကို တနေ့ ၃၇ ခေါက်ရွတ်ပါ။
အိမ်ထောင်ရေး ။ ။ ယခုနှစ် အိမ်ထောင်ရေးမှာဆိုရင် အေးချမ်းမှု အားနည်းနေပါမည်။ အဆင်ပြေတဲ့အခါလည်း ရှိသလို မပြေတာလေးတွေလည်း ရှိနေတတ်ပါတယ်။ မိမိအိမ်ထောင်ဘက်နှင့် မကြာခဏ စကားများရတတ်သည်။ ဂတောက်ဂဆတွေ ဖြစ်ပေါ်နေတတ်ပါတယ်။ တစ်ယောက်နှင့်တစ်ယောက် စိတ်တိုင်းမကျတာ နားလည်မှုတွေလွဲနေတာ အလိုမကျတာတွေ မကြာခဏဖြစ်ပေါ်နေပါမယ်။ အိမ်ထောင်ရေးမှာ ကြားလူ ဝင်နှောင့်ယှက်တာတွေ အိမ်ထောင်ရေး အပျက်အစီး အနှောင့်အယှက်တွေ ကြုံလာပါမယ်။ သတိထားရှောင်ပါ။ မိမိအိမ်ထောင်ဖက်ကြောင့် စိတ်ညစ်ရစေမည် ပူပင်ရစေတတ်ပါတယ်။ စီးပွားရေး အဆင်မပြေနေတဲ့ အချိန်တွေမှာ အပျော်အပါးလိုက်စားပါက နာမည်ဂုဏ်သိက္ခာ ကျဆင်းတတ်သလို တတ်လာမယ့်အညွန့် ပြန်ကျိုးမယ်။ အမျိုးသမီးအဖျက်အဆီးတွေ အမျိုးသား အဖျက်တွေ ကြုံတွေ့ရတတ်ပါတယ်။ အသောက်အစား များတဲ့အတွက်လည်း အိမ်ထောင်ရေး ရန်ပေါ်တတ်ပါတယ်။ အိမ်ထောင်ရေးမှာ ယခုနှစ်အတွင်း အဆင်မပြေမှုတွေ များနေတတ်ပါတယ်။ မိမိမှာအိမ်ထောင်ရှိပါကလည်း စန်းပွင့်နေတဲ့ ကာလဖြစ်တဲ့အတွက် အိမ်ထောင်ရေး ရှုပ်ထွေးမှုတွေဖြစ်ပေါ်တတ်ပါတယ်။ ထိုသို့ပြုလုပ်မိပါက မမျှော်လင့်ထားတဲ့ ပြဿနာတွေ ဖြစ်လာတတ်ပါတယ်။ စီးပွားပျက်တတ်တယ်။ ဂုဏ်သိက္ခာ ကျဆင်းတတ်သောကြောင့် သတိထားဆင်ခြင်ရန်လိုအပ်ပါမည်။ အိမ်ထောင်ရေးမှာ ဆိုးတူကောင်းဖက် တိုင်ပင်ပြီး လက်တွဲမှသာ အဆင်ပြေစေတတ်ပါတယ်။ ကုသိုလ်ရေးအတူလုပ် ဘာသာရေး အတူလုပ် စီးပွားရေး တိုင်ပင်ပြီး လက်တွဲပါ။ အပျော်အပါး အသောက်အစားတွေ ရှောင်ပါ။ အဆင်ပြေလာပါလိမ့်မည်။
အချစ်ရေး ။ ။ ယခုနှစ်အတွင်း အချစ်ရေးမှာ ငယ်ရွယ်သူတွေအနေနှင့် စိတ်မတည်ငြိမ်မှုတွေ ဖြစ်နေတတ်တယ်။ အချစ်ရေးစန်းပွင့်မယ် မိမိအား စိတ်ဝင်စားနေသူတွေလည်း ရှိနေတတ်ပါတယ်။ ဆုံးဖြတ်ရခက်ခဲစေတာ ရွေးချယ်ရခက်ခဲစေတာမျိုးတွေရှိနေမယ်။ အချစ်ဟောင်းမှ အချစ်သစ်သို့ ကူးပြောင်းကာလဖြစ်တယ်။ အချစ်ရေး ဇယားရှုပ်တာတွေလည်း ရှိလာတတ်ပါတယ်။ ချစ်သူမရှိသူတွေ ချစ်သူရစေမည်။ ချစ်သူရှိပါက အဆင်မပြေမှုတွေကြုံရပါလိမ့်မယ်။ လက်ထပ်ရန်အတွက်တော့ တွေဝေနေတာမျိုး ဖြစ်နေတတ်တယ်။ အရမ်းတွေဝေမနေပါနဲ့ အဆင်ပြေသွားပါလိမ့်မယ်။ အိမ်ထောင်ပြုမည်ဆိုလည်း ပြုလို့ရစေပါမယ်။ လက်ရှိ ချစ်သူရှိပါက ချစ်သူနှင့် မကြာခဏ စိတ်ဆိုးစိတ်ကောက် စကားများနေရတာတွေ ရှိနေတတ်ပါတယ်။ ရန်ဖြစ်လိုက် ပြန်ချစ်လိုက်ရှိနေမယ်။ တခါတရံ အထင်အမြင်လွဲမှားတာတွေ နားလည်မှုလွဲမှားတာတွေ ရှိနေတတ်ပါတယ်။ စိတ်တိုင်း မကျအလိုမကျတာတွေလည်း ရှိနေတတ်ပါတယ်။ သဝန်တိုမှု စိတ်မချမှုတွေလည်း ရှိနေတတ်ပါတယ်။ ချစ်သူနှင့် မကြာခဏတော့ ပြဿနာလေးတွေရှိနေပေမယ့် ရန်ဖြစ်လိုက် ပြန်ချစ်လိုက်ရှိနေတတ်ပါတယ်။ အချစ်ရေးဇယားရှုပ်တာ အထူးရှောင်ပါ။ ယခုနှစ်တွင် အိမ်ထောင်ကျကိန်းရှိနေပါတယ်။ နားလည်မှုနဲ့ သစ္စာရှိစွာ ဖြတ်သန်းဖို့တော့ လိုနေမည်။
ကျန်းမာရေး ။ ။ ကျန်းမာရေးပိုင်းမှာ အနည်းငယ် ချူချာနေစေတတ်ပါတယ်။ ဦးခေါင်းမကြည်တာ အာရုံကြောအားနည်းတာ နှလုံးအားနည်းပြီး ရင်တုန်တာ မူးမောတာ ဦးခေါင်းမကြည်တာ အစားမှားတာ အစာအိမ်လေအောင့်တာ အကြောတက်တာ သွေးအားနည်းတာ ရာသီအကူးအပြောင်း ဖျားနာတာတွေ ဖြစ်လာတတ်ပါတယ်။ ခြေလက်ထိခိုက်တတ်တာ ဖြစ်ပေါ်တတ်ပါတယ်။ သတိထားရန်လိုစေတတ်တယ်။ အသက်ကြီးပိုင်းတွေ မကြာခဏ မူးမောစေတာ အကြောအားနည်းတာ ချောင်းဆိုးရင်ကျပ်တာလေးတွေ ဖြစ်ပေါ်နေပါလိမ့်။ ဆေးထိုးဆေးသောက်လုပ်ရတာ ဆေးခန်းပြရတာတွေ ရှိလာတတ်ပါတယ်။ ကျန်းမာရေး ဂရုစိုက်ရန် လိုအပ်နေပါမည်။
ပညာရေး ။ ။ ယခုနှစ်မှာပညာရေးနှင့် ပတ်သက်ပြီးကောင်းမွန်ပါမည်။ အသိပညာသစ် တတ်ပညာသစ်တွေရမယ်။ ဆရာကောင်းသမားကောင်းတွေရမယ်။ ပညာရေး ထစ်ငေါ့တာ လွဲချော်တာတွေလည်း ရှိနေပေမယ့် မကြာခင် ပြန်လည်ကောင်းမွန်လာပါမည်။ ပညာတတ်လေ ဘဝလမ်းခရီး အောင်မြင်လေဖြစ်ပါမယ်။ ပညာဖြင့် အသက်မွေးဝမ်းကြောင်းပြုရင်လည်း အကျိုးပေးပါမည်။ သင်တန်း တက်ရကိန်းတွေလည်း ပေါ်လာတတ်ပါတယ် နည်းပညာပိုင်းတွေ ဘာသာစကားဆိုင်ရာ သင်တန်းတွေလည်း အကျိုးပြုစေတတ် ပညာရေးမှာ အဖျက်အစီး အတားအစီးတွေလည်း ဖြတ်ကျော်ရတတ်ပါတယ်။ ပညာရေး ဆုံးခန်းတိုင်အောင် သင်ကြားရန်တော့ လိုစေမည်။ ပညာတတ်မှသာ ဘဝအတွက် အထောက်အကူပြုပါမယ်။ ကံ ဉာဏ်ဝရိယအားစိုက်ထုတ် ကြိုးစားရန်လိုပါလိမ့်မည်။
***ဒီနှစ်အတွက် မိမိတို့အနေနဲ့ အရေးကြီးသော အကြောင်းကိစ္စ အဝဝ ပြုလုပ်ပြောဆိုရာမှာ အောင်မြင်ဖို့အတွက် အကောင်းဆုံး အကျိုးပေးနေ့တွေမှာ သောကြာနေ့ ဗုဒ္ဓဟူးနေ့တွေဖြစ်ပါတယ် ထိုနေ့အတွင်းမှာ အကောင်းဆုံးအချိန်ဖြစ်တဲ့ မုဆိုးရွှေအိုးရကိန်း အချိန်ဖြစ်တဲ့ သောကြာနေ့ မနက် ၁၀:၄၉မှ နေ့လည် ၁း၁၂အတွင်းနဲ့ ဗုဒ္ဓဟူးနေ့အတွက် မနက် ၆း၁၀မှ ၈း၂၄ နေ့လည် ၁း၁၃မှ ၃း၃၆အတွင်းမှာ အရေးကြီးသော အလုပ်ကိစ္စ အကြောင်းအရာရာ ကိစ္စအဝဝ ပြုလုပ်ပြောဆိုရာမှာသော်လည်းကောင်း ခရီးကိစ္စတွေ သွားလာတာ မျိုးတွေမှာသော်လည်းကောင်း ထိုအချိန်တွေမှာ ပြုလုပ်ပြောဆို လုပ်ကိုင်ဆောင်ရွက်ခြင်းဖြင့် အောင်မြင်မှုတွေ ရရှိစေပါမည်။
အကျိုးပေးအရောင် ။ ။ ဒီနှစ်အတွင်းမှာ မိမိရဲ့ ကံဇာတာကို ပွင့်လန်းစေမည့် အကျိုးပေးအရောင်မှာတော့ အပြာပွင့် အပြာရောင်၊ ခဲပွင့်ခဲရောင်၊ ရွှေဝါရောင် အစိမ်းပွင့် အစိမ်းရောင်တွေ အကျိုးပေးပါမည်။ အရေးကြီးသော အကြောင်းအရာတွေမှာ ဝတ်ဆင်ပြီး ပြုလုပ်ပြောဆို ဆောင်ရွက်ခြင်းဖြင့် ကံပွင့်စေမည်။
ဒီနှစ်အတွင်းမှာ အကျိုးပေးဂဏန်းအနေနဲ့ ။ ။ ၄ ၆ ၃ ၂ ဖြစ်စေပြီး မိမိလိုသောနေရာတွေမှာ အသုံးပြုလို့ရစေပါမည်။ အကျိုးပြုဂဏန်းတွေဖြစ်စေမည်။
ဘဝတစ်သက်တာမှာ ။ ။ ဘုမ္မိအရပ်က အရှေ့မြောက်အရပ်ဖြစ်ပါတယ်။ ထိုအရပ်မှာ စီးပွားရှာတာ ခရီးထွက်တာ အိမ်ဆောက်တာ အိမ်မျက်နှာလှည့်ပြီး ဆောက်လုပ်တာ လှေကားထားတာ အထူးရှောင်ပါ။
ဘဝတစ်သက်တာအတွက် အကျိုးပေး ရတနာ ။ ။ ဥဿဖရား အဝါရောင်ကျောက်တို့က ဝတ်ဆင် ထားခြင်းဖြင့် ကံပွင့်စေမည်။
တနင်္ဂနွေသက်ရောက်ရှောင်ရန်။ ။ ဒီတစ်နှစ်ပတ်လုံး ဘဲဥ၊ အချိုဓာတ်များတဲ့အစားအစာ၊ အုန်းရည် ၊ အနက်ရောင်၊ အဖြူရောင်၊အနီရောင်၊ ဝတ်စားဆင်ရင်အသုံးပြုခြင်း အိမ်ထောင်ရေးဇယားရှုပ်တာ အပျော်အပါးအသောက်အစား ရှောင်ပါ။
ဒီနှစ် တစ်နှစ်လုံးမှာ မိမိတို့အနေနဲ့ ကံဇာတာပွင့်လန်းစေရန် ကံကောင်းမှုတွေ ရရှိစေရန် ပြုလုပ်ရမည့် ကောင်းမှုကံ ယတြာ အနေနဲ့က သောကြာနေ့နဲ့ ဗုဒ္ဓဟူးနေ့မနက် (၉း၄၅) တွင် လ္ဘက်သုပ်နှင့် သစ်သီးတစ်ပွဲ မိမိအိမ်ဘုရား သို့ လိုအပ်သောနေရာတွေမှာလှူပါ။ မရှိဆင်းရဲသော သက်ကြီးပိုင်းတွေ လှူဒါန်းပေးကမ်းခြင်းပြုပါ။ မိမိအိမ်အဝင်ဝ အခန်းဝမှာ သစ်သားဆွဲလည်း ချိတ်ဆွဲထားခြင်း အမြဲပြုပါက ကံကောင်းခြင်းတွေ ပိုင်ဆိုင်လာမည်။ အမြဲလို ဒါနသီလ ကောင်းမှုတွေနဲ့ရှင်သန်ပါ။ စိတ်ကောင်းစေတနာကောင်းထားပါ။ မိဘအပေါ် ကောင်းကျိုးပြုပါ။ အရာရာအဆင်ပြေလာစေမည်။
အညံ့ချေရန်အတွက် မကောင်းသော ကံ နမိတ်အကြောင်းအရာတွေ ပျောက်စေရန်အတွက် မည်သည့်နေ့မဆို ညနေပိုင်းမှာ ဘဲဥကျော်ပြီး ထမင်းနှင့်နယ်ကာ လမ်းဘေးခွေးကျွေးပြီး မိမိမှာရှိတဲ့ မကောင်းတဲ့အညံ့တွေ ပပျောက်ပါစေဟု ပြောပြီးကျွေးပါ။ တစ်လတစ်ခါ ပုံမှန်ကျွေးပါ။ ဘာသာရေး ကောင်းမှုနေ့စဉ်ပြုပါ။