၂၀၂၆ ခုနှစ် အင်္ဂါသားသမီးများအတွက် ကံကြမ္မာ အဟော

မိမိတို့အသက်အပိုင်းအခြား ၈၊ ၁၆ ၊ ၂၄၊ ၃၂၊ ၄၀၊ ၄၈၊ ၅၆၊ ၆၄၊ ၇၂၊ ၈၀၊ ၈၈
ထိုနှစ်အပိုင်းအခြားမှာ ကြုံတွေ့ရစေမယ့် ကံကြမ္မာ အစိတ်အပိုင်းများ။

အလုပ်အကိုင် စီးပွားရေး။ ။ ယခုနှစ်အတွက် အင်္ဂါ သားသမီးတွေရဲ့ အလုပ်အကိုင် စီးပွားရေးမှာဆိုရင် အကောင်းအဆိုး
ဒွန်တွဲနေတတ်ပါတယ်။ အဆင်ပြေတဲ့လတွေ ရှိသလို မပြေတာတွေလည်း ရှိနေတတ်ပါတယ်။ ကံ၊ ဉာဏ်၊ ဝီရိယ အားစိုက်ထုတ်
ကြိုးစားရန် လိုစေတတ်တယ်။ လုပ်ငန်းတစ်ခု လုပ်ကိုင်ရကိန်းရှိသည်။ တိုးတက်အောင်မြင်မယ်။ လုပ်ငန်းသစ်တွေတိုးချဲ့
လုပ်ကိုင်ရစေမည် အကြံအစည်သစ်တွေပေါ်မယ်။ လုပ်ငန်းက တနယ်တကြေးသို့ သွားရောက်လုပ်ကိုင်ရသော လုပ်ငန်းလည်း
ဖြစ်တတ်သည်။ အလုပ်ကိစ္စနှင့် ပတ်သက်ပြီး စိတ်ဖိစီးမှုတွေတော့ ရှိတေတ်ပါတယ်။ အလုပ်တွေမှာ ပြိုင်ဆိုင်မှုတွေ ရှိနေမယ်။
မိမိပတ်ဝန်းကျင်တွင် မိမိအား မကောင်းကြံသူများ ရှိနေတတ်သည်။ သတိထားပါ။ အလှူအတန်းပြုလုပ်ရခြင်း
ငွေအစုလိုက်အပုံလိုက် ဝင်ခြင်း မသင့်မြတ်သူတွေနဲ့လည်း ပြန်လည်သင့်မြတ်ခြင်း အိမ်ပြင်ရခြင်း အိမ်သစ်ဝင်ခြင်းများ
ပြုလုပ်ရတတ်ပါတယ်။ ဝန်ထမ်းဆို ရာထူးလစာတိုးပါမည်။ အထက်လူကြီး ကူညီမှု ရရှိနေတတ်ပါတယ်။ မိမိရဲ့မိသားစု
အသိုင်းအဝိုင်းကိုရော အကူအညီပေးနေရတတ်ပါတယ်။ အပြိုင်အဆိုင်အတိုက်အခံ အလွန်များသောကာလဖြစ်သည်။ မနာလိုသူတွေ
ရန်လိုသူတွေများပြား နေတတ်ပါတယ်။ လုပ်ငန်းတွေမှာ အတိုက်အခံတွေ များနေပြီး စိတ်ညစ်စရာတွေရှိမယ်။
အလုပ်ပြောင်းချင် ထွက်ချင်စိတ်တွေ ပေါ်နေတတ်ပါတယ်။ အရာရာသည်းခံပြီး ပြုလုပ်ပြောဆိုနိုင်မှရစေမည်။
ဒီနှစ်အတွင်းမှာ မိမိစိတ်တွေတည်ငြိမ်မှုမရှိပဲ စိတ်နဲ့လူ မကပ်စေပဲ ရှိနေမည်။ စိတ်ညစ်စရာတွေတော့ တစ်ခုပြီးတစ်ခု
ပေါ်လာ ကြုံလာရစေတတ်ပါတယ်။

ဝန်ထမ်းဆို အလုပ်ထွက်ချင် အလုပ်ပြောင်းချင်စိတ်တွေပေါ်နေမယ်။ လုပ်ငန်းတွေ ထစ်ငေါ့တာ ခက်ခဲတာတွေရှိနေမယ်။
အလုပ်မှာလူပင်ပန်း စိတ်ပင်ပန်းမှုတွေ ဖြစ်ပေါ်နေတတ်ပါတယ်။ ရန်စကားများပြောရတတ်သည်။
အောက်လူဒုက္ခပေးတတ်တယ်။ ရာထူးတွေ လစာတွေတော့ တိုးလာမည်။ သူတစ်ပါးအတွက် သက်သေ လိုက်ပေးရတတ်သည်။
လူမျိုးခြား ဘာသာခြားတွေ အကူအညီပေးမယ်။ စပ်တူရှယ်ရာလုပ်ငန်းများ လုပ်ကိုင်ရတတ်သည်။ သူတစ်ပါးအတွက်
အကူအညီ ပေးလိုက်ရခြင်းကြောင့် ငွေများကုန်ဆုံးသွားတတ်သည်။ တစ်ပိုင်တစ်နိုင် ကိုယ်ပိုင်လုပ်ငန်းတွေ ပြုလုပ်နိုင်မှ
ပိုအဆင်ပြေစေမည်။

မကြာမီ ကာလအတွင်း စီးပွားတက်ခြင်းကြုံမည်။ စီးပွားရေးလုပ်ငန်း လုပ်မည်ဆိုပါက စနေနံ တနင်္လာနံ
သောကြာနံ လုပ်ငန်းများအကျိုးပေးသည်။ အထည်၊ ထီး၊ ဖိနပ်နာရီ ရောင်းဝယ်ရေးလုပ်ငန်းများ၊ ကား၊
ခြံ၊ ကျောက်၊ ရောင်းဝယ်ရေးလုပ်ငန်း၊ ကုန်စုံ၊ ကုန်ခြောက်လုပ်ငန်းများ အကျိုးပေးသည်။ သွပ်၊သံ၊သစ်
လုပ်ငန်း ဟော်တယ်နဲ့ခရီးသွားလုပ်ငန်း တွေက အကျိုးပြုနေစေမည်။ စနေသားသမီး တနင်္လာသားသမီးများနှင့်
လုပ်ငန်းလုပ်ကိုင်ပါက အဆင်ပြေမည်။ ထိုနံသားသမီးတွေကို အကူအညီတောင်းရင်လည်း အဆင်ပြေစေတတ်ပါတယ်။ ထီး၊
ဖိနပ်၊ နာရီ အထည်အလိပ်တွေဝင်မယ်။ အိမ်ပြင်ရတတ်ပါတယ်။ အိမ်သစ်ဝင်လာစေတတ်တယ်။ ခရီးမကြာခဏ
ထွက်ကိန်းပေါ်နေမယ်။ ခြေနှစ်ချောင်းဝင်မယ်။ ခြံ ကား ကျောက်ဝင်မယ်။ လူမျိုးခြားဘာသာခြားတွေရဲ့
ကူညီမစမှုကိုရရှိပါမယ်။ သွပ် သံ သစ်တွေဝင်မယ်။ အိမ်ပိုင် ကားပိုင်ဖြစ်မယ်။ ထီပေါက်စေမည်။
ခရီးကိစ္စတွေပေါ်လာမယ်။ ခရီးသွားလျှင်ကောင်းသည်။ ပြည်တွင်းပြည်ပခရီးတွေ ထွက်ရမယ်။ လူချစ်လူခင်
ပေါနေတတ်ပါတယ်။ စန်းပွင့်နေစေတတ်ပါတယ်။ အလှူအတန်းပြုရတတ်တယ်။ မိမိရဲ့ မိသားစု အသိုင်းအဝိုင်းကိုလည်း
အကူအညီပေး နေရစေတတ်ပါတယ်။

ကဆုန် ဝါခေါင် တန်ဆောင်မုန်းလများတွင် ကြာသပတေး တနင်္လာနေ့သားများကြောင့် အလုပ်စီးပွား
တိုးတတ်အဆင်ပြေနိုင်ပါမည်။ အရောင်းအဝယ်လုပ်ငန်း လုပ်ကိုင်နေသူတွေ အဆင်ပြေနေမယ်။ ရင်းနှီးပြီးလုပ်တဲ့အရာတွေ
အမြတ်ရမယ်။ သိုလှောင်ထားတဲ့အရာတွေ အမြတ်ရစေတတ်ပါတယ်။ စနေနံ တနင်္လာနံလုပ်ငန်းတွေနဲ့
အရောင်းအဝယ်တွဲလုပ်ပါ။ အောင်မြင်စေမယ် အကျိုးအမြတ်လည်း ရလာစေတတ်ပါတယ်။ ဆရာသမား၊ အကြီးအကဲ
မစမယ်။ စက်ပစ္စည်းထွက်မယ်။ ပျောက်တတ်ပါတယ်။ လူမှုရေး အတိုက်အခံတွေများစေတတ်ပါတယ်။ အရှေ့မြောက်အရပ်
အနောက်အရပ်တွေကို ခရီးသွားခြင်း စီးပွားရှာခြင်းရှောင်ပါ။ တနင်္ဂနွေနံ ကြာသပတေးနံပါသော သူတွေ
အထူးသတိထားနေပါ။ ဝန်ထမ်းဆို ယခုလက်ရှိအလုပ်မှာ အဆင်မပြေလည်း ထွက်လို့ရတယ်။ ပြောင်းလို့ရတယ်။

လုပ်ငန်းသစ် စလုပ်ရင်လည်း အောင်မြင်မယ်။ ကိုယ်ပိုင် လုပ်ငန်းတွေကို တပိုင်တနိုင်လုပ်ငန်းတွေ ဦးစားပေးလုပ်ပါ။
အလှူဒါနများလုပ်ပါ၊ ဘာသာရေးပိုလုပ်ပါ။ ကောင်းမှုတစ်ခု နေ့စဉ်ပြုပါ။ စီးပွားရေးတွေ
ကောင်းမွန်လာပါမည်။ ဘုရားခန်း သန့်ရှင်းအောင်ထားပါ။ ပန်း ရေချမ်း ဆီမီး မပြတ်စေနဲ့။ သတ္တဝါတိုင်းကို
အစာကျွေးပါ။ အဓိဌာန်ဝင် ပုတီးစိပ်ပါ။ ကံတရားရဲ့ အထောက်အပံ့တွေကြောင့် ကံကောင်းမှုတွေ
ရရှိလာစေတတ်ပါတယ်။

ငွေကြေး ။ ။ ငွေကြေးကံအနေနှင့် ငွေဝင်မယ်။ ငွေကံကောင်းနေတတ်ပါတယ်။ ငွေရလွယ်ကူနေတတ်ပါတယ်။
ငွေရှာရလွယ်နေတတ်ပါတယ်။ သို့ပေမယ့် မိမိကံအရ ငွေကုန်စရာတွေလည်း ပေါ်လာတတ်ပါတယ်။ ငွေအဝင်အထွက်တွေ
များနေတတ်ပါတယ်။ အကြောင်းအမျိုးမျိုးကြောင့်ကုန်နေမယ်။ လောင်းကစား ပြုလုပ်သူတွေ အရှုံးပေါ်မည်။
တစ်ခါတစ်ရံ ငွေဝင်ပြီး လက်ထဲမကျန်စေတာမျိုး ကြွေးတင်တာမျိုးတွေ ရှိလာစေမည်။ ငွေစုပါ ငွေဝင်လာရင်
လုပ်ငန်းတိုးချဲ့ပါ။ ဒါနကောင်းမှုပြုပါ။ ငွေကိုချွေတာပြီး သုံးရန် လိုပါမယ်။ ငွေချေးတာ အာမခံတာ
အထူးရှောင်ပါ။ ငွေလူလိမ်ခံရတတ်ပါတယ်။ ဖြတ်လမ်းစီးပွားရေးတွေ ရှောင်ပါ။ ထီကံကောင်းမယ်။ ထီပေါက်ကိန်း
ရှိပါတယ်။ အကျိုးပေးဂဏန်း ၇ ၂ ၆ ဖြစ်ပါတယ်။ ငွေကံကောင်းစေရန် အနက်ရောင်အိတ်ကိုဆောင်
လာဘ်နှိုးဂါထာရွတ် လစဉ် ဘုရားထံငွေလှူပါ။ ထိုငွေများလာသောအခါ သက်ကြီးပူဇော်တာ ရေလှူ မီးလူတာ
လိုအပ်သောနေရာတွေ အစာရေစာ ရှားပါသူကို ပေးကမ်းပါ။ ကံကောင်းမှုတွေ ဖြစ်စေမည်။

လူမှုရေး ။ ။ လူမှုရေး ဒီနှစ်အတွက် ရန်များနေမည်။ အနည်းငယ် ပြဿနာလေးတွေ ရှိနေတတ်ပါတယ်။
အတိုက်အခံအခြေအတင်လေးတွေ စကားပြောရတတ်ပါတယ်။ သူတပါး မကောင်းပြောဆိုတာ စွတ်စွဲတာတွေ ခံရတတ်ပါတယ်။
လူယုံထားလို့မရပါ။ လက်အောက်ငယ်သား ညီအကိုမောင်နှမတွေနဲ့ စကားများရတာတွေ မိသားစုကိစ္စ မြေကိစ္စ
အမွေကိစ္စလိုမျိုးတွေ စကားများရတတ်ပါတယ်။ အမျိုးသမီးတစ်ဦးနဲ့လည်း စကားများရတာတွေ
ဖြစ်ပေါ်လာတတ်ပါတယ်။ အားနာမှုကြောင့် ဒုက္ခရောက်စေတတ်ပါတယ်။ လက်အောက်ငယ်သား မိမိညီအကို
မောင်နှမတွေကြောင့်လည်း စကားအခြေအတင် ပြောရစေတတ်ပါတယ်။ ကိုယ့်ကိုကိုယ်ပဲ အားကိုးပါ
သူတပါးအားမကိုးပါနှင့် စိတ်လိုက်မာန်ပါ ပြုမူပြောဆိုတာတွေ ရှောင်ပါ။ အမှုအခင်း ပြဿနာလေးတွေ
ဖြစ်လာတတ်ပါတယ်။ အမှုမဖြစ်အောင်နေပါ ဖြစ်လျှင် အရှုံးများစေတတ်ပါတယ်။ စေတနာကောင်း
စိတ်ကောင်းထားပါ။ စိတ်လိုက်မာန်ပါ ပြုမူပြောဆိုတာ ရှောင်ပါ။ ဘာသာရေး ပိုလုပ်ပါ။ သူများပြဿနာ
ဝင်ဖြေရှင်းတာတွေ မပြုလုပ်ရ စေတနာအမှား ဖြစ်တတ်သောကြောင့် သတိထားရှောင်ပါ။
တနင်္ဂနွေနံပါတဲ့နေ့သားတွေ ကြာသပတေး နံပါတဲ့နေ့သားတွေနဲ့ စကားပြောဆိုတာ သတိထားပါ။ အိမ်တွင်းရေး
ပြဿနာတွေလည်း ပေါ်လာတတ်တယ်။ စိတ်ကိုအေးအေးထားပြီး ဖြေရှင်းပါ။ အမြဲလို အန္တရယ်ကင်းဂါထာတွေရွတ်
သရဏဂုံရွတ် လူသွားလမ်းတွေရှင်း ငှက်လွှတ်ပြီးဆုတောင်း။

ကျန်းမာရေး ။ ။ ကျန်းမာရေးမှာဆိုရင် အနည်းငယ် ချူချာနေတတ်ပါတယ်။ ဦးခေါင်းမကြည်တာ
အကြောတက်တာ အာရုံကြောအားနည်းတာ အိပ်မပျော်စေတာ ညောင်းညာကိုက်ခဲတာ သွေးအားနည်းတာ
သွေးပေါင်းအတက်အကျတွေ ဖြစ်ပြီးမူးမောတာ၊ လေရောဂါ အစာအိမ်လေအောင့်တာ ချောင်းဆိုး ရင်ကျပ်တာ
ရာသီအကူးအပြောင်း ဖျားနာတာတွေ နှလုံးအားနည်းပြီး ရင်တုန်တာ ဖြစ်ပေါ်နေတတ်ပါတယ်။
အကုန်ဖြစ်မယ်လို့တော့ မဆိုလိုပေ တစ်ခုမဟုတ်တခု ဖြစ်ပေါ်လာတတ်ပါတယ်။ သတိထားရန်တော့ လိုစေတတ် အသေးစား
အက်စီးဒန်လို့ပေါ်မယ်ဖြစ်စေမယ် သတိထားပါ။ ကျန်းမာရေးအတွက် ရေလှူတာ ဆေးလှူတာ ငါးလွှတ်ပါ။
ငှက်လွှတ်ပြီးဆုတောင်းပါ ဘာသာရေးပိုလုပ်ပါ။

အိမ်ထောင်ရေး။ ။ ယခုနှစ် အိမ်ထောင်ရေးမှာဆိုရင် ပြဿလေးတွေ ရှိနေမည်။ စကားများနေရတာ အတိုက်အခံ
အခြေအတင်တွေ ပြောနေရစေတတ်ပါတယ်။ မိသားစု ညီအကိုမောင်နှမ အတွက်သော်လည်းကောင်း သားသမီးရှိက
သားသမီး ကြောင့်စိတ်ညစ်ရတတ်သည်။ မိမိအိမ်ထောင်ဖက်ရဲ့ အကျိုးပြုမှုကိုလည်း ရရှိစေတတ်ပါတယ် ။
အဆင်ပြေတဲ့အခါလည်း ရှိသလို မပြေတာတွေလည်း ရှိနေတတ်ပါတယ်။ တခါတရံတော့ ဂတောက်ဂဆတွေ
ဖြစ်ပေါ်နေတတ်ပါတယ် တစ်ယောက်နှင့်တယောက် စိတ်တိုင်းမကျတာ နားလည်မှုတွေလွဲနေတာ အလိုမကျတာတွေ
ဖြစ်ပေါ်နေပါမယ်။ အိမ်ထောင်ရေးမှာ ကြားလူဝင်နှောင့်ယှက်တာတွေ အိမ်ထောင်ရေးအပျက်အစီး
အနှောင့်အယှက်တွေကြုံလာပါမယ်။

အိမ်ထောင်ရေးဇယားရှုပ်တာ အပျော်အပါးလိုက်စားပါက နာမည်ဂုဏ်သိက္ခာ ကျဆင်းတတ်သလို
တတ်လာမယ့်အညွန့်ပြန်ကျိုးမယ်။ အသောက်အစား ရှိပါက အိမ်ထောင်ရေးရန်ပေါ်တတ်ပါတယ်။ အိမ်ထောင်ရေး
ဇယားရှုပ်တာ အထူးရှောင်ပါ။ ရှုပ်ထွေးမှုတွေ ဖြစ်ပေါ်တတ်ပါတယ်။ ထိုသို့ပြုလုပ်မိပါက မမျှော်လင့်ထားတဲ့
ပြဿနာတွေဖြစ်လာတတ်ပါတယ်။ စီးပွားပျက်တတ်တယ်။ ဂုဏ်သိက္ခာ ကျဆင်းတတ်သောကြောင့်
သတိထားဆင်ခြင်ရန်လိုအပ်ပါမည်။ အိမ်ထောင်ရေးမှာ ဆိုးတူကောင်းဖက်တိုင်ပင်ပြီး လက်တွဲမှသာ
အဆင်ပြေစေတတ်ပါတယ်။ ကုသိုလ်ရေးအတူလုပ် ဘာသာရေး အတူလုပ် စီးပွားရေး တိုင်ပင်ပြီး လက်တွဲပါ အပျော်အပါး
အသောက်အစားတွေ ရှောင်ပါ အဆင်ပြေလာပါလိမ့်မည်။ မိမိအိမ်ထောင်ဖက်ကြောင့် စိတ်ပူရစေတာ
စိတ်ညစ်ရစေတာကြုံရတတ်သဖြင့် နှစ်ဦးနှစ်ဘက် ညှိနှိုင်းတိုင်ပင်ပြီး လက်တွဲနိုင်မှ တည်မြဲမည်။ အခန့်မသင့်ရင်
ကွဲစေပြတ်စေတတ်ပါတယ်။

အချစ်ရေး။ ။ ယခုနှစ်အတွင်း အချစ်ရေးမှာဆိုရင် ငယ်ရွယ်သူတွေ အချစ်ရေး စန်းပွင့်နေတတ်ပါတယ်။
ကံကောင်းနေပါမည်။ ချစ်သူမရှိပါက ချစ်သူရတတ်ပါတယ်။ လူချစ်လူခင်တွေလည်း ပေါများနေတတ်ပါတယ်။
အချစ်ဟောင်းကိုစွန့်ပြီး အချစ်သစ်သို့ ကူးပြောင်း ကာလဖြစ်နေမည်။ လက်ရှိချစ်သူ ရှိနေသူတွေကတော့ အချစ်ရေး
ဂတောက်ဂဆတွေ အချစ်ရေး ပြဿနာတွေ အနည်းငယ်ရှိနေတတ်ပါတယ်။ မကြာခဏ စိတ်ဆိုးစိတ်ကောက်
စကားများနေရတာတွေ ရှိနေတတ်ပါတယ်။ ရန်ဖြစ်လိုက် ပြန်ချစ်လိုက်ရှိနေမယ်။ တခါတရံ သဝန်တို စိတ်မချတာ
အထင်အမြင်လွဲမှားတာတွေ နားလည်မှုလွဲမှားတာတွေ ရှိနေတတ်ပါတယ်။ စိတ်တိုင်းမကျ အလိုမကျတာတွေလည်း
ရှိနေတတ်ပါတယ်။ ချစ်သူကြောင့် ပျော်ရွှင်စရာအချိန်တွေလည်း ရှိလာတတ်ပါတယ်။ ချစ်သူထံမှ လက်ဆောင်ပစ္စည်းတွေ
ရတတ်ပါတယ်။ စိတ်နှစ်ထားသူတွေက ပင်ပန်းစေမည်။ တခါတလေ ရှေ့တိုးရအခက် နောက်ဆုတ်ရအခက် တွေဝေနေတတ်တယ်။
သံယောဇဉ်တော့ မပြတ်ပါ။ ယခုနှစ် တွင်အိမ်ထောင်ကျကိန်း ရှိနေပါတယ်။ ယူမယ်ဆို ယူလို့ရပါတယ်။
ချစ်သူနှစ်ဦးကြားမှာ အဖျက်အဆီးတွေ ဝင်လာစေတတ်ပါတယ်။ အချစ်ရေး ဇယားရှုပ်တာ အပျော်အပါး
လိုက်စားပါက မတည်မြဲနိုင်ပါ။ အချစ်ရေးကံကောင်းစေရန် မွှေးသောပန်းတွေလှူပါ။ မေတ္တာများပို့ မေတ္တာပို့
စာကလေးတွေမကြာမကြာ အစာကျွေးပြီးဆုတောင်း။

ပညာရေး ။ ။ ယခုနှစ်မှာပညာရေးနှင့် ပတ်သက်ပြီး ရပ်တန့်နေတတ်ပါတယ်။ တွေဝေနေတာမျိုးတွေလည်း
ရှိနေတတ်ပါတယ်။ သင်တန်းတက်ရကိန်းတွေလည်း ပေါ်လာတတ်ပါတယ်။ မတက်ဖြစ်စေပဲ ကြန့်ကြာနေမည်။
စိတ်မပါသလိုဖြစ်နေမည်။ လူမှုရေးပိုင်းတွေ စီးပွားရေးပိုင်းတွေကို စိတ်နှစ်နေမှုကြောင့် ပညာရေးအားနည်းနေမည်။
ပညာရေးကို ရပ်တန့်မနေသင့်ပါ။ လတ်တလော ပညာရေးထစ်ငေါ့တာ ပညာရေး တစ်ပိုင်းတစ်စတွေ လွဲချော်တာတွေလည်း
ရှိနေပေမယ့် မကြာခင်ပြန်လည် ကောင်းမွန်လာပါမည်။ ပညာတတ်လေ ဘဝလမ်းခရီး အောင်မြင်လေဖြစ်ပါမယ်။
ပညာဖြင့် အသက်မွေးဝမ်းကြောင်းပြုရင်လည်း အကျိုးပေးပါမည်။ ပညာရေးကို ဝီရိယ အားစိုက်ထုတ်ကြိုးစားပါ။
ဘဝမှာ ပညာရေးကနံပါတ်၁ စီးပွားရေးက နံပါတ်၂ အချစ်ရေးက နံပါတ်၃ နေရာမှာထားပြီး
ဘဝအတွက်ကြိုးစားအားထုတ်ပါက အောင်မြင်တိုးတက်လာပါလိမ့်မည်။ အတန်းပညာပြီးဆုံးရင်လည်း အတတ်ပညာ
ဘာသာစကားဆိုင်ရာ ကွန်ပျူတာနဲ့ဆိုင်တဲ့ ပညာမျိုးတွေ လေ့လာပါ။ သင်ယူပါ။ ဘဝအတွက် အထောက်အကူဖြစ်စေလိမ့်မည်။

ရှောင်ရန်။ ။ အမဲသား၊ ဝက်သား၊ အာလူး၊ အရက်၊ အုန်းရေ၊ အနီရောင်၊ အဝါရောင် ရှောင်ပါ။
လောင်းကစားပြုလုပ်တာ အိမ်ထောင်ရေးဇယားရုပ်တာ ထိုအရာတွေကို ဝတ်ဆင်အသုံးပြုခြင်းဖြင့်
ကံဇာတာမှေးမှိန်စေပြီး ပူပင်မှုတွေ ကြုံတွေ့ရစေတတ်တယ်။

အကျိုးပေးအရောင်။ ။အဖြူရောင်၊ အနက်ရောင် နက်ပြာ ခဲရောင် အပြာရောင်တွေဖြစ်ပါတယ်။
အရေးကြီးသော လုပ်ငန်းကိစ္စ အရေးကြီးသောစကား ခရီးကိစ္စတွေ သွားလာရာမှာ ဝတ်ဆင်အသုံးပြုခြင်းဖြင့်
ကံဇာတာပွင့်လန်းစေပါလိမ့်မည်။

အကျိုးပေးဂဏန်း ။ ။ ၂ ၇ ၆ ၁ ထိုဂဏန်းတွေကို ဒီနှစ်အတွင်းမှာ အသုံးပြုခြင်းဖြင့်
အကျိုးများစေပါလိမ့်မည်။

ဘဝတစ်သက်တာအတွက် အကျိုးပေး ရတနာ။ ။ စိန်၊ ဂါးနက်ကျောက်၊ အဖြူရောင် ကျောက်တို့က မိမိတို့ရဲ့ အကျိုးပေး
ရတနာတွေပဲ ဖြစ်ပါတယ်။ တစ်သက်တာအတွက် ဝတ်ဆင် ထားခြင်းဖြင့် ကံပွင့်စေမည်။

ဒီနှစ်အတွက် မိမိတို့အနေနဲ့ အရေးကြီးသော အကြောင်းကိစ္စ အဝဝ ပြုလုပ်ပြောဆိုရာမှာ အောင်မြင်ဖို့အတွက်
အကောင်းဆုံး အကျိုးပေးနေ့တွေမှာ တနင်္လာနေ့နဲ့ စနေနေ့ တွေဖြစ်ပါတယ်။ ထိုနေ့အတွင်းမှာ
အကောင်းဆုံးအချိန်ဖြစ်တဲ့ မုဆိုးရွှေအိုးရကိန်း အချိန်ဖြစ်တဲ့ တနင်္လာနေ့ နေ့လည်၁း၁၃ မှ ညနေ ၃း၃၆အတွင်းနဲ့
စနေနေ့အတွက် နေ့လည် ၁း၁၃မှ ၃း၃၆အတွင်းနဲ့ ပုဏ္ဏား နတ်သမီး ရကိန်းအချိန်ဖြစ်တဲ့ တနင်္လာနေ့နဲ့ စနေနေ့
မနက်၈း၂၅မှ ၁၀:၄၈ထို အချိန်တွေမှာ အရေးကြီးသော အလုပ်ကိစ္စ အကြောင်းအရာ ကိစ္စအဝဝ
ပြုလုပ်ပြောဆိုရာမှာ သော်လည်းကောင်း ခရီးကိစ္စတွေ သွားလာတာ မျိုးတွေမှာသော်လည်းကောင်း ထိုအချိန်တွေမှာ
ပြုလုပ်ပြောဆို လုပ်ကိုင်ဆောင်ရွက်ခြင်းဖြင့် အောင်မြင်မှုတွေ ရရှိစေပါမည်။

ဘဝတစ်သက်တာမှာ။ ။ ဘုမ္မိအရပ်က အနောက်အရပ်ဖြစ်ပါတယ်၊ ထိုအရပ်မှာ စီးပွားရှာတာ ခရီးထွက်တာ အိမ်ဆောက်တာ
အိမ်မျက်နှာလှည့်ပြီး ဆောက်လုပ်တာ လှေကားထားတာ အထူးရှောင်ပါ။

ယတြာ ဒီနှစ် တစ်နှစ်လုံးမှာ မိမိတို့အနေနဲ့ ကံဇာတာပွင့်လန်းစေရန် ကံကောင်းမှုတွေ ရရှိစေရန် ပြုလုပ်ရမည့်
ကောင်းမှုကံ ယတြာ အနေနဲ့က တနင်္လာနေ့နဲ့ စနေနေ့နေ့မနက် (၉း၄၅)တွင် ကြာဇံကျော်တစ်ပွဲ သို့ ကြက်သွန်ကျော်
ထန်းလျှက်တစ်ပွဲ မိမိအိမ်ဘုရားမှာအမြဲလိုလှူပါ။ ငွေထီး၉လက် တနင်္လာထောင့်မှာ တလတစ်ခါလှူ လိုရာဆုတောင်း။
လမ်းဘေးတောင်းရမ်းသူကို လှူဒါန်းပေးကမ်းခြင်းပြုပါ။ မိမိအိမ်အဝင်ဝ အခန်းဝမှာငွေ ကြယ်လေးတွေ
ချိတ်ဆွဲထားခြင်း အမြဲပြုပါက ကံကောင်းခြင်းတွေ ပိုင်ဆိုင်လာမည်။

အညံ့ပပျောက်ရန် ။ ။ဒီတစ်နှစ်ပတ်လုံး မိမိတို့ကံ အညံ့တွေ ပျောက်စေရန်အတွက် မည်သည့်နေ့ မဆို အာလူးဟင်းနဲ့
ထမင်းနှင့်နယ်ပြီး လမ်းဘေးခွေးကျွေးပြီး ငါ့မှာရှိတဲ့မကောင်းတဲ့ အညံ့အားလုံးပါသွားစေဟုပြောပြီး
ကျွေးပါ။ တစ်လတစ်ခါနှစ်ခါ ကျွေးပါ။ လမ်းပြင်ပါ ဘာသာရေးအထူး ပြုလုပ်ပေးပါ။ အညံ့ပျောက်စေမည်။
အမြဲလို လူသွားလမ်း ဘုရားရင်ပြင် ဘုရားစောင်းတန်း သန့်ရှင်းပါ။ ကံအညံ့ပျောက်စေမည်။