၂၀၂၆ ခုနှစ် ဗုဒ္ဓဟူး/ ရာဟု သားသမီးများအတွက် ကံကြမ္မာ အဟော

မိမိတို့အသက်အပိုင်းအခြား ၁၄၊ ၂၂၊ ၃၀၊ ၃၈၊ ၄၆၊ ၅၄၊ ၆၂၊ ၇၀၊ ၇၈၊ ၈၆ ထိုနှစ်တွေမှာ ကြုံတွေ့ရစေမယ့် ကံကြမ္မာ အစိတ်အပိုင်းများ။
စီးပွားရေး အလုပ်အကိုင် ။ ။ ဒီနှစ်အလုပ်အကိုင် စီးပွားရေးအနေနှင့် ဗုဒ္ဓဟူး ရာဟုသားသမီးတွေက ဒီနှစ်မှာ နာမည်ကောင်းရလာမယ်။ လူအထင်ကြီးခံရတတ်ပါတယ်။ စီးပွားတက်လာမယ်။ အကြံကောင်းတွေ ပေါ်လာမယ်။ စိတ်ကူးအကြံအစည်တွေ အကောင်းအထည်တန်းဖော်လို့ ရစေတတ်ပါတယ်။ လုပ်ငန်းသစ် အလုပ်ကိုင်သစ်များ တိုးချဲ့လုပ်ကိုင်ရကိန်းရှိသည်။ အလုပ်ထဲတွင် အောင်မြင်မှုတွေ ရနေမယ်။ အလုပ်နှင့်ပတ်သက်ပြီး ခရီးသွားရတတ်သည်။ လုပ်ငန်းသစ် အလုပ်ကိုင်သစ်များ တိုးချဲ့လုပ်ကိုင်ရကိန်းရှိသည်။ အလုပ်အပြောင်းအလည်း အိမ်နေရာအပြောင်း တွေဖြစ်မယ်။ ဝန်ထမ်းဆို ဌာနအသစ်ပြောင်းရတာ ဖြစ်ပေါ်လာစေတတ်ပါတယ်။ လုပ်ငန်းသစ် စလုပ်မည်ဆိုပါကလည်း အကျိုးပြုစေမည်။ အရောင်းအဝယ် လုပ်ငန်းလုပ်နေသူတွေ အဆင်ပြေနေမယ်။ အမြတ်အစွန်းတွေ ရနေတတ်ပါတယ်။ ထိုသို့လုပ်ကိုင်နေစဉ် ကာလအတွင်း လုပ်ငန်းထဲတွင် အပြိုင်အဆိုင် အတိုက်အခံပေါ်တတ်သည်။ စိုးရိမ်စရာမရှိပါ။ မကြာခင်ကာလတွင် ပြန်လည် အဆင်ပြေသွားပါလိမ့်မည်။ လုပ်ငန်းစီးပွား တက်လာစေမည်။ အတိုက်အခံများကြားတွင် အောင်မြင်နေမည်။ အောက်လက်ငယ်သားများထံမှ အကူအညီများရရှိမည်။ ဝန်ထမ်းများ ရာထူးလစာကောင်းတွေ တိုးတက်တာ ရတာတွေ ရှိစေမည်။ လူပင်ပန်းတာနဲ့ စိတ်ဖိစီးမှုတွေ များနေတတ်ပါတယ်။ အလုပ်ပြောင်း နေရာပြောင်းတွေ ဖြစ်လာမည်။ ယခုနှစ်မှာ စီးပွားရေးအလုပ်အကိုင်နှင့် ပတ်သတ်ပြီး တခါတလေ တချို့လတွေမှာဆိုရင် အခက်အခဲတွေ၊ အဆင်မပြေမှုတွေနဲ့ ကြုံတွေ့နေရတတ်တယ်။ လုပ်ငန်းမှာ အကြီးအကဲ အထက်လူကြီးတွေနှင့် အဆင်မပြေတာတွေ ရှိနေစေတတ်ပါတယ်။ ဝန်ထမ်းဆို အလုပ်ပြောင်းချင်စိတ်တွေ ပေါ်လာတတ်တယ်။ ကိုယ်ပိုင် တစ်ပိုင်တနိုင်လုပ်ငန်းတွေ လုပ်ပါ။ အဆက်အသွယ် ကောင်းများရရှိခြင်း လုပ်ငန်းနေရာ တိုးချဲ့ရခြင်းများကြုံမည်။ ရပ်ဝေးနှင့်ပတ်သက်သော ကိစ္စများအဆင်ပြေမည်။ အထူးသဖြင့် ရေကြောင်းခရီးနှင့် ပတ်သက်သော ကိစ္စများ အဆင်ပြေမည်။ သွပ် သံ သစ်တွေဝင်မယ်။ အိမ်သစ်ဝင်မယ်။ ရတနာ ရွှေဝင်မယ်။ ရေတွင်းရေကန်တူးရတတ်တယ်။ စက်ပစ္စည်းတွေဝင်လာမယ်။ လက်အောက်ငယ်သား အကျိုးပြုစေမယ်။ ရာထူးလစာတိုးမယ်။ မင်္ဂလာပြုရတာ သို့မဟုတ် အလှူဒါနပြုရတတ်ပါတယ်။ ဘာသာရေး ဆိုင်ရာပစ္စည်းတွေ ဘုရားဆင်းတုတော် အဝင်ရှိမည်။ ဝင်လာမယ်။ ကောင်းသောဝင်လာခြင်းဖြစ်တယ်။ ဧည့်သည်များ မကြာခဏလာစေတတ်တယ်။
ယခုနှစ်မှာ ရေလုပ်ငန်း၊ ရွှေ၊ လျှပ်စစ်ပစ္စည်း၊ ဝပ်ရှော့၊ လ္ဘက်ရည်ဆိုင်၊ အလှပြင်ပစ္စည်း၊ ဟော်တယ်နဲ့ ခရီးသွားလာရေးလုပ်ငန်းများ၊ သစ်လုပ်ငန်းတွေ စားသောက်ကုန် ဈေးရောင်းတာ စက်ပစ္စည်းနဲ့ပတ်သက်တဲ့အလုပ်တွေ လုပ်ကိုင်ပါကအဆင်ပြေမည်။ စပ်တူလုပ်ငန်း ရှယ်ရာလုပ်ငန်းများ စပ်တူလုပ်ငန်းတွေ သတိနဲ့ ပြုလုပ်ပါ။ လူလိမ်ခံရတတ်သည်။ ဆန်၊ဆီ၊ဆေး၊ဆား၊ ရောင်းဝယ်ရေးလုပ်ငန်းများ၊ စက်ပစ္စည်းနှင့်ပတ်သက်သော လုပ်ငန်းများ လုပ်ကိုင်ပါက အဆင်ပြေနိုင်ပါသည်။ ထွက်ထားသော စက်ပစ္စည်း စက်ပစ္စည်းအသစ်တွေ ပြန်ဝင်ပါမည်။ ယခုနှစ်တွင် အလုပ်တွေပြန်လည် ကောင်းမွန်လာပါမည်။ လုပ်ငန်းစတင်လုပ်ကိုင်မည့်သူများ မိမိလုပ်ငန်း အောင်မြင်မှုရရှိမည့် အချိန်ကာလဖြစ်သည်။ အနောက်အရပ် အရှေ့အရပ်တွေမှာ ခရီးသွားလာတာ စီးပွားရှာတာတွေ ရှောင်ပါ။ သောကြာသားသမီး၊ ဗုဒ္ဓဟူး၊ သားသမီးတွေထံ အကူအညီတောင်းတာ တိုင်ပင်တာမျိုးတွေ ပြုလုပ်ပါက အဆင်ပြေစေမည်။
တပို့တွဲ တပေါင်းလများတွင် ငွေကြေးအတွက် စကားများ ရန်ဖြစ်ရခြင်း မိခင် ဖခင်ကျန်းမာရေးညံ့တတ်ခြင်း ဆွေမျိုးသားချင်းများကြောင့် စိတ်သောက ရောက်ရတတ်ပါတယ်။ တန်ခူး ကဆုန် ပြာသိုလမှာ သားသမီး ဆွေမျိုး လက်အောက်ငယ်သားများကြောင့် အမှုအခင်းပြဿနာများ ဖြေရှင်းရတတ်မည်။ အိုးအိမ်နေရာ အလုပ်ရွေ့ပြောင်းရတတ်သည်။ သူခိုးအခိုးခံရခြင်း မီးအန္တရာယ်ပေးခြင်း စသည်ကိစ္စတွေ ကြုံရတတ်တယ်။ သတိရှိဖို့လိုနေမည်။
အလှူဒါနတွေလည်း ပြုရတတ်ပါတယ်။ လက်အောက်ငယ်သားတွေ အကျိုးပြုမယ်။ ခရီးကိစ္စတွေပေါ်မယ်။ ကောင်းမှုတွေပြုရတတ်တယ်။ စိတ်ဖိစီးမှုတွေတော့ များနေတတ်ပါတယ်။ စီးပွားရေးမှာ ဘာပဲလုပ်လုပ် ပြိုင်ဆိုင်မှုတွေတော့ ရှိနေမယ်။ စိတ်ကိုအေးချမ်းစွာထားပြီး လုပ်ကိုင်ပါ။ စီးပွားရေးနဲ့အတူ ယခုနှစ်မှာ ကောင်းမှုတစ်ခု နေ့စဉ်ပြုပါ။ စီးပွားရေးနဲ့အတူ ဘာသာရေး ကုသိုလ်ရေး ယှဉ်တွဲလုပ်ပါ။ ခိုစာ ခွေးစာ ငှက်စာကျွေးပါ။ ကံတရားရဲ့ အထောက်အပံ့ကောင်းတွေကို ရရှိလာပါမည်။
ငွေကြေး ။ ။ ဒီနှစ်မှာ ငွေကြေးပိုင်း အနေနှင့် ငွေဝင်မယ်။ ငွေကံကောင်းနေမယ်။ ငွေစုပါ။ ငွေရှာရတာ လွယ်နေမယ်။ ငွေဝင်လာရင် ရွှေစုတာ လုပ်ငန်းတိုးချဲ့တာတွေ လုပ်ပြီး အလှူဒါနပြုလုပ်ပါ။ တခါတရံလက်ထဲမှာ ငွေမမြဲတာတွေ ရှိမယ်။ ငွေသုံးများမှု သူတစ်ပါးအတွက် ထောက်ပံ့ပေးမှုတွေကြောင့် ငွေအထွက်များမယ်။ စည်းကမ်းတစ်ကျသုံးတာ ငွေယိုပေါက်တွေ ထိန်းနိုင်မှ ငွေကျန်စေမည်။ ငွေကို ချွေတာသုံးရပါမည်။ ငွေချေးတာ အာမခံတာ အထူးရှောင်ပါ။ ဖြတ်လမ်းစီးပွားရေး မလုပ်သင့် ငွေကုန်စရာတွေလည်း ပေါ်လာတတ်ပါတယ်။ အိမ်တွင်းရေး အတွက်လည်း ငွေအကုန်အကျများနေမည်။ ထီကံကောင်းနေမည်။ ထီထိုးပါ အကျိုးပေးဂဏန်း ၆.၄.၃ ဖြစ်ပါတယ်။ ငွေကံကောင်းစေရန် တနင်္လာနေ့တိုင်း ရေနွေးကြမ်းနဲ့ လ္ဘက်သုတ်ကပ်လှူပြီး လာဘ်ပွင့်ဂါထာရွတ် ငွေအတွက် ဆုတောင်းပါ။
လူမှုရေး ။ ။ လူမှုရေး အနည်းငယ် အတိုက်အခံလေးတွေ ရှိနေတတ်ပါတယ်။ လူမျိုးခြား ဘာသာမတူ ဒုက္ခပေးနေတတ်ပါတယ်။ သတိရှိပါ။ အကြီးအကဲ အထက်လူကြီးပိုင်းကြောင့် စိတ်ညစ်စေရတတ်တယ်။ အိမ်တွင်းရေး ရန်ပေါ်တာတွေ ရှိစေတတ်ပါတယ်။ မြေကိစ္စ အမွေကိစ္စ မိသားစုကိစ္စသော်လည်းကောင်း စကားများရတာတွေ ရှိတတ်ပါတယ်။ အလုပ်မှာလည်း စိတ်ညစ်ရတတ်ပါတယ်။ မိသားစုရေးအတွက် ပူပင်စရာတွေ ရှိနေရတတ်ပါတယ်။ ကြာသပတေးနံ ပါတဲ့နေ့သားတွေ တနင်္လာနံပါတဲ့နေ့သားတွေနဲ့ စကားပြောဆိုတာ လုပ်ငန်းလုပ်တာ အထူးသတိရှိရန်လိုစေမည်။ အလုပ်မှာ အထက်လူကြီးကြောင့် စိတ်ညစ်ရစေတတ်ပါတယ်။ စိတ်လိုက်မာန်ပါ ပြုမူပြောဆို လုပ်ကိုင်တာတွေ ရှောင်ပါ။ စေတနာကောင်းကောင်းထား စိတ်ကောင်းကောင်းမွေးပါ။ လိုအပ်သော အကျိုးပေးလာပါမယ်။ ဘာသာရေးပိုလုပ်ပါ။ သမ္ဗုဒ္ဓေကို တနေ့ ၃၇ ခေါက်ရွတ်ပါ။
အိမ်ထောင်ရေး ။ ။ ယခုနှစ် အိမ်ထောင်ရေးမှာဆိုရင် အဆင်ပြေတဲ့အခါလည်း ရှိသလို မပြေတာလေးတွေလည်း ရှိနေတတ်ပါတယ်။ မိမိအိမ်ထောင်ဘက်နှင့် မကြာခဏ စကားများရတတ်သည်။ ဂတောက်ဂဆတွေ ဖြစ်ပေါ်နေတတ်ပါတယ်။ အိမ်ထောင်ဖက်အပေါ် သဝန်တို စိတ်မချမှုတွေ ရှိနေမည်။ တစ်ယောက်နှင့်တစ်ယောက် စိတ်တိုင်းမကျတာ နားလည်မှုတွေလွဲနေတာ အလိုမကျတာတွေ မကြာခဏဖြစ်ပေါ်နေပါမယ်။ တစ်ခါတစ်ရံလည်း မိမိအိမ်ထောင်ဖက်ရဲ့ အကျိုးပြုမှုကိုလည်း ခံရတတ်ပါတယ်။ အိမ်ထောင်ရေးမှာ ကြားလူဝင်နှောင့်ယှက်တာတွေ အိမ်ထောင်ရေးအပျက်အစီး အနှောင့်အယှက်တွေ ကြုံလာပါမယ်။ သတိထားရှောင်ပါ။ စီးပွားရေး အဆင်ပြေနေတဲ့အချိန်တွေမှာ အိမ်ထောင်ရေးဇယားရှုပ်တာ အပျော်အပါးလိုက်စားပါက နာမည်ဂုဏ်သိက္ခာ ကျဆင်းတတ်သလို တတ်လာမယ့်အညွန့်ပြန်ကျိုးမယ်။ အမျိုးသမီး အဖျက်အဆီးတွေ အမျိုးသားတွေ အဖျက်ကြုံတွေ့ရတတ်ပါတယ်။ အသောက်အစား အပျော်အပါး ရှိပါက အသောက်အစား များတဲ့အတွက်လည်း အိမ်ထောင်ရေးရန်ပေါ်တတ်ပါတယ်။ အိမ်ထောင်ရေးမှာ ယခုနှစ်အတွင်း ရန်ဖြစ်လိုက် ပြန်ချစ်လိုက် ရှိနေတတ်ပါတယ်။ မိမိမှာအိမ်ထောင်ရှိပါကလည်း စန်းပွင့်နေတဲ့ ကာလဖြစ်တဲ့အတွက် အိမ်ထောင်ရေး ရှုပ်ထွေးမှုတွေဖြစ်ပေါ်တတ်ပါတယ်။ ထိုသို့ပြုလုပ်မိပါက မမျှော်လင့်ထားတဲ့ ပြဿနာတွေဖြစ်လာတတ်ပါတယ်။ စီးပွားပျက်တတ်တယ်။ ဂုဏ်သိက္ခာ ကျဆင်းတတ်သောကြောင့် သတိထားဆင်ခြင်ရန်လိုအပ်ပါမည်။ အိမ်ထောင်ရေးမှာ ဆိုးတူကောင်းဖက်တိုင်ပင်ပြီး လက်တွဲမှသာ အဆင်ပြေစေတတ်ပါတယ်။ ကုသိုလ်ရေးအတူလုပ် ဘာသာရေး အတူလုပ် စီးပွားရေး တိုင်ပင်ပြီး လက်တွဲပါ။ တစ်ယောက်နဲ့တစ်ယောက် အရှော့ပေးပြီး နေထိုင်ပါ အေးချမ်းလာမည်။
အချစ်ရေး ။ ။ ယခုနှစ်အတွင်း အချစ်ရေးမှာ ငယ်ရွယ်သူတွေအနေနှင့် စိတ်မတည်ငြိမ်မှုတွေ ဖြစ်နေတတ်တယ်။ အချစ်ရေးစန်းပွင့်မယ်။ မိမိအား စိတ်ဝင်စားနေသူတွေလည်း ရှိနေတတ်ပါတယ်။ ငယ်သူတွေ ရုတ်တစ်ရက် အိမ်ထောင်ကျစေမည်။ မင်္ဂလာသတင်းတွေ ကြားရတတ်ပါတယ်။ မင်္ဂလာပြုရတတ်ပါတယ်။ ချစ်သူထံမှ လက်ဆောင်ပစ္စည်းတွေလည်း ရတတ်ပါတယ်။ အိမ်ထောင်ပြုမည်ဆိုလည်း ပြုလို့ရစေပါမယ်။ လက်ရှိ ချစ်သူရှိပါက ချစ်သူနှင့် မကြာခဏ စိတ်ဆိုးစိတ်ကောက် စကားများနေရတာတွေ ရှိနေတတ်ပါတယ်။ ရန်ဖြစ်လိုက် ပြန်ချစ်လိုက်ရှိနေမယ်။ တခါတရံ အထင်အမြင်လွဲမှားတာတွေ နားလည်မှုလွဲမှားတာတွေ ရှိနေတတ်ပါတယ်။ သဝန်တိုမှု စိတ်မချမှုတွေလည်း ရှိနေတတ်ပါတယ်။ မိမိချစ်သူ အိမ်ထောင်ဖက်က အကျိုးပေးနေ့နံဆိုရင် အိမ်ထောင်ရေးသာယာပြီး အကျိုးမပေးနေ့နံဆိုရင် အိမ်ထောင်ရေးပူပင်ရတတ်ပါတယ်။ ဇာတာရှင်သည် အချစ်ရေးနှင့်ပတ်သက်ပြီး ကံကောင်းတတ်တတ်သူဖြစ်ပါတယ်။ ချစ်သူနှင့် မကြာခဏတော့ ပြဿနာလေးတွေရှိနေပေမယ့် ကြီးကြီးမားမား ပြဿနာမရှိပါ။ ယခုနှစ်တွင် အိမ်ထောင် ကျကိန်းရှိနေပါတယ်။ သင့်တော်တဲ့ နှစ်တွေဖြစ်တဲ့ အတွက် အိမ်ထောင်ပြုလို့ရပါတယ်။ အချစ်ရေးကံကောင်းစေရန် မေတ္တာပို့ပါ။ မေတ္တာပွားပါ။ မွှေးသောပန်းတွေလှူပါ။ သတ္တဝါလေးတွေအစာကျွေးပြီး ဆုတောင်းပါ။
ကျန်းမာရေး ။ ။ ကျန်းမာရေးပိုင်းမှာ အနည်းငယ် ချူချာနေစေတတ်ပါတယ်။ ကြီးကြီးမားမား ရောဂါတော့မဖြစ်ပါဘူး။ မူးမောတာ အာရုံကြောအားနည်းတာ ဦးခေါင်းမကြည်တာ အစားမှာတာ အစာအိမ်လေအောင့်တာ အကြောတက်တာ နှလုံးအားနည်းပြီး ရင်တုန်တာ ရာသီအကူးအပြောင်း ဖျားနာတာတွေ ဖြစ်လာတတ်ပါတယ်။ ခြေလက်ထိခိုက်ဒဏ်ရာရတတ်သဖြင့် သတိထားပါ။ ဆေးထိုးဆေးသောက်လုပ်ရတာ ဆေးခန်းပြရတာတွေ ရှိလာတတ်ပါတယ်။ စိုးရိမ်စရာမရှိပါ။ အသက်ကြီးပိုင်းတွေ အကြောရောဂါ မူးမောစေတာ အကြောအားနည်းစေတာ သွေးပေါင်အတက်အကြတွေ ရှိနေတတ်ပါတယ်။
ပညာရေး ။ ။ ယခုနှစ်မှာပညာရေးနှင့် ပတ်သက်ပြီး အားနည်းနေမည်။ အသိပညာသစ် အတတ်ပညာသစ်တွေရမယ်။ လတ်တလောပညာရေး ထစ်ငေါ့တာ လွဲချော်တာတွေလည်း ရှိနေမည်။ စိတ်မပါသလိုဖြစ်နေမည်။ သင်တန်း တက်ရကိန်းတွေလည်း ပေါ်လာတတ်ပါတယ်။ နည်းပညာပိုင်းတွေ ဘာသာစကားဆိုင်ရာ သင်တန်းတွေလည်း အကျိုးပြုပါတယ်။ ပညာရေးမှာ အဖျက်အဆီး အတားအဆီးတွေလည်း ဖြတ်ကျော်ရတတ်ပါတယ်။ ပညာရေး ဆုံးခန်းတိုင်အောင် သင်ကြားရန်တော့ လိုစေမည်။ ပညာတတ်မှသာ ဘဝအတွက် အထောက်အကူပြုမည်။ ကံ ဉာဏ် ဝီရိယ အားစိုက်ထုတ် ကြိုးစားရန်လိုပါလိမ့်မည်။
***ဒီနှစ်အတွက် မိမိတို့အနေနဲ့ အရေးကြီးသော အကြောင်းကိစ္စ အဝဝ ပြုလုပ်ပြောဆိုရာမှာ အောင်မြင်ဖို့အတွက် အကောင်းဆုံး အကျိုးပေးနေ့တွေမှာ သောကြာနေ့ ဗုဒ္ဓဟူးနေ့တွေဖြစ်ပါတယ်။ ထိုနေ့အတွင်းမှာ အကောင်းဆုံးအချိန်ဖြစ်တဲ့ မုဆိုးရွှေအိုးရကိန်း အချိန်ဖြစ်တဲ့ သောကြာနေ့ မနက် ၁၀:၄၉မှ နေ့လည် ၁း၁၂အတွင်းနဲ့ ဗုဒ္ဓဟူးနေ့ အတွက် မနက် ၆း၁၀မှ ၈း၂၄ နေ့လည် ၁း၁၃မှ ၃း၃၆အတွင်းမှာ အရေးကြီးသော အလုပ်ကိစ္စ အကြောင်းအရာရာ ကိစ္စအဝဝ ပြုလုပ်ပြောဆိုရာမှာသော်လည်းကောင်း ခရီးကိစ္စတွေ သွားလာတာ မျိုးတွေမှာသော်လည်းကောင်း ထိုအချိန်တွေမှာ ပြုလုပ်ပြောဆို လုပ်ကိုင်ဆောင်ရွက်ခြင်းဖြင့် အောင်မြင်မှုတွေ ရရှိစေပါမည်။
အကျိုးပေးအရောင် ။ ။ ဒီနှစ်အတွင်းမှာ မိမိရဲ့ ကံဇာတာကို ပွင့်လန်းစေမည့် အကျိုးပေးအရောင်မှာတော့ အပြာပွင့် အပြာရောင်၊ ခဲပွင့်ခဲရောင်၊ ငွေရောင်၊ ရွှေဝါရောင်၊ အစိမ်းပွင့် အစိမ်းရောင်တွေ အကျိုးပေးပါမည်။ အရေးကြီးသော အကြောင်းအရာတွေမှာ ဝတ်ဆင်ပြီး ပြုလုပ်ပြောဆို ဆောင်ရွက်ခြင်းဖြင့် ကံပွင့်စေမည်။
ဒီနှစ်အတွင်းမှာ ထီဂဏန်း အကျိုးပေး ဂဏန်း။ ။ ၄၊ ၆၊ ၃၊ ၂ ဖြစ်စေပြီး မိမိလိုသောနေရာတွေမှာ အသုံးပြုလို့ရစေပါမည် အကျိုးပြုဂဏန်းတွေဖြစ်စေမည်။
ဘဝတစ်သက်တာမှာ ။ ။ ဘုမ္မိအရပ်က အနောက်မြောက်အရပ်ဖြစ်ပါတယ်။ ထိုအရပ်မှာ စီးပွားရှာတာ ခရီးထွက်တာ အိမ်ဆောက်တာ အိမ်မျက်နှာလှည့်ပြီး ဆောက်လုပ်တာ လှေကားထားတာ အထူးရှောင်ပါ။
ဘဝတစ်သက်တာအတွက် အကျိုးပေး ရတနာ ။ ။ ရွှေ၊ မြ၊ တို့က မိမိတို့ရဲ့ အကျိုးပေး ရတနာတွေပဲ ဖြစ်ပါတယ်။ တစ်သက်တာအတွက် ဝတ်ဆင် ထားခြင်းဖြင့် ကံပွင့်စေမည်။
ရှောင်ရန်။ ။ ဘဲဥ၊ အမဲသား၊ အဆီများတဲ့အစားအစာ၊ အနက်ရောင်၊ အဖြူရောင်၊ အနီရောင်၊ ဝတ်စားဆင်ရင်အသုံးပြုခြင်း လောင်းကစားပြုလုပ်ခြင်း အပျော်အပါးလိုက်စားခြင်း ရှောင်ပါ။
ဒီနှစ် တစ်နှစ်လုံးမှာ မိမိတို့အနေနဲ့ ကံဇာတာပွင့်လန်းစေရန် ကံကောင်းမှုတွေ ရရှိစေရန် ပြုလုပ်ရမည့် ကောင်းမှုကံ ယတြာ အနေနဲ့က သောကြာနေ့နဲ့ ဗုဒ္ဓဟူးနေ့မနက် (၉း၄၅)တွင် လ္ဘက်သုပ်နှင့် သစ်သီးတစ်ပွဲ ရေနွေးကြမ်း မိမိအိမ်ဘုရားမှာ အမြဲလှူပါ။ မရှိဆင်းရဲသော သက်ကြီးပိုင်းတွေ လှူဒါန်းပေးကမ်းခြင်းပြုပါ။ မိမိအိမ်အဝင်ဝ အခန်းဝမှာ သရက်ရွက်၁၀ရွက် ချိတ်ဆွဲထားခြင်း အမြဲပြုပါက ကံကောင်းခြင်းတွေ ပိုင်ဆိုင်လာမည်။ ဘာသာတရား ဒါနသီလတွေပြုလုပ်ပါ။ ကံကောင်းစေမည်။
အညံ့ချေရန်အတွက် မကောင်းသော ကံ နိမိတ်အကြောင်းအရာတွေ ပျောက်စေရန်အတွက် မည်သည့်နေ့မဆို ညနေပိုင်းမှာ ဘဲဥ ၆ လုံး သက်ကြီးပိုင်း မရှိသူကို ပေးပြီး မိမိမှာရှိတဲ့ မကောင်းတဲ့အညံတွေ ပပျောက်ပါစေဟု ပြောပြီးကျွေးပါ။ တစ်လတစ်ခါ ပုံမှန်ပေးပါ။ မိမိအိမ်မှာရှိသော ထီးစုတ်၊ ဖိနပ်စုတ်၊ နာရီစုတ်၊ အထည်စုတ်တွေ၊ အကုန်စွန့်ပါ ရှိနေရင် လာဘ်ပိတ်စေမည်။ အဓိဌာန်ဝင် ပုတီးစိပ်ပါ။ ကံအညံ့ပျောက်စေမည်။