၂၀၂၆ ခုနှစ် ဗုဒ္ဓဟူး/ ရာဟု သားသမီးများအတွက် ကံကြမ္မာ အဟော

ဗုဒ္ဓဟူး ရာဟု သားသမီးများရဲ့ မိမိတို့ရဲ့ အသက်အပိုင်းစအခြား ၁၁၊ ၁၉၊ ၂၇၊ ၃၅၊ ၄၃၊ ၅၁၊ ၅၉၊ ၆၇၊ ၇၅၊ ၈၃၊ ၉၁ ထိုနှစ်တွေမှာ ကြုံတွေ့ရစေမယ့် ကံကြမ္မာ အစိတ်အပိုင်းများ။
စီးပွားရေး အလုပ်အကိုင် ။ ။ ယခုနှစ်မှာ ဗုဒ္ဓဟူး ရာဟု သားသမီးများ အနေဖြင့် အလုပ်အကိုင် စီးပွားရေးနဲ့ ပတ်သတ်ပြီး ကံ၊ ဉာဏ်၊ ဝီရိယအားထုတ်ရမည့် နှစ်ဖြစ်တယ်။ စီးပွားရေး အနည်းငယ် ခက်ခဲမှုတွေလည်း ဖြစ်လာတတ်ပါတယ်။ လုပ်သမျှအရာမထင်ပဲ ရှိနေမယ်။ ဟိုလိုလို ဒီလိုလိုနဲ့ အချိန်တွေ ကုန်နေတတ်ပါတယ်။ ဟိုဟာလုပ်ရကောင်းနိုး ဒီဟာလုပ်ရကောင်းနိုး ဖြစ်နေတတ်ပါတယ်။ လူရောစိတ်ပါ ပင်ပန်းနေမည် စိတ်နဲ့လူ မကပ်တာတွေ ဖြစ်ပေါ်လာမည်။ လုပ်ငန်းသစ်တွေလည်း ပေါ်လာစေတတ်ပါတယ်။ အကြံအစည်သစ်တွေ ပေါ်လာစေမယ်။ စပ်တူလုပ်ငန်းတွေ လုပ်လို့ရစေတတ်ပါတယ်။ လုပ်ငန်းတွေမှာ အပြိုင်အဆိုင်လေးတွေတော့ ရှိနေတတ်ပါတယ်။ အကြီးအကဲ အထက်လူကြီးတွေနဲ့ ပတ်သက်ပြီး အကူအညီကို ရရှိလာတတ်ပါတယ်။ အနောက်တောင်အရပ်ကနေ လာဘ်ဝင်လာစေတတ်ပါတယ်။ လုပ်ငန်းပိုင်းတွေမှာတော့ အပြိုင်အဆိုင်တွေ များနေစေတတ်ပါတယ်။ လူမှုရေးအတိုက်အခံတွေ ပေါ်လာစေတတ်ပါတယ်။ အရောင်းအဝယ် လုပ်ငန်း လုပ်နေတဲ့သူတွေအတွက် အဆင်ပြေစေမယ်။ တိုးချဲ့လုပ်ကိုင် ရစေတတ်ပါတယ်။ လုပ်ငန်းတွေကို ငွေရင်းနှီးမြှုတ်နှံရသော အလုပ်တွေ ရှောင်ပါ။ ငွေရှာရတာလွယ်သလောက် ငွေကုန်စရာတွေလည်းပေါ်မည်။ ကျန်ဖန်ပြီး ငွေထွက်နေမယ်။ ငွေချေးအာမခံတာတွေ မပြုလုပ်ရ။ ပြန်တောင်းရ ခက်ခဲတာတွေဖြစ်မယ်။ အလုပ်မှာအပြိုင် အဆိုင် အတိုက်အခိုက်တွေပေါ်မည်။ လုပ်သမျှလည်း မထင်ပေါ်တာ အရာမရောက်တာတွေလည်း ကြုံတွေ့ရတတ်ပါတယ်။ အကြီးအကဲကူညီမစမယ်၊ စပ်တူရှယ်ယာလုပ်ငန်းတွေအကျိုးပြုမယ်။ အဆိုးအကောင်း ဒွန်တွဲနေတဲ့နှစ် ဖြစ်တယ်။ စက်ပစ္စည်းတွေဝင်မယ်။ အရောင်းအဝယ်သမားတွေ ရောင်းအားအတက်အကျတွေ ရှိနေမယ်။ ခရီး ထွက်ရကိန်းတွေကြုံရမယ်။ လူမျိုးဘာသာ မတူသူတွေ ကူညီပေးတတ်တယ်။ အဖိုးတန်ပစ္စည်းတွေ ဝင်လာတတ်ပါတယ်။ ဘာသာရေး သာသနာရေး လုပ်ငန်းများလည်း လုပ်ကိုင်ရတတ်တယ်။ အိုးအိမ် အသစ်ဆောက်ရတာတွေ အိမ်ပြင်ရတတ်ပါတယ်။
အိမ်ပြောင်း အလုပ်ပြောင်း ရတာတွေလည်း ဖြစ်ပေါ်တတ်ပါတယ်။ ဝန်ထမ်းဆို အပြိုင်အဆိုင်များမယ်။ စီးပွားဖြစ်နှေးတတ်ပါတယ်။ အတိုက်အခိုက်တွေများမယ်။ အလုပ်မှာ စိတ်မပျော်ပဲ ရှိမယ်။ လူမုန်းများနေမည်။ အရာရာသတိထားပါ။ လူမျိုးခြား ဘာသာခြားတွေရဲ့ ကူညီမစမှုတွေ ရရှိနေမယ်။ မိတ်ဆွေကောင်း အပေါင်းအသင်းကောင်းတွေတွေ့မယ်။ မြေကိစ္စ အမွေကိစ္စ မိသားစုကိစ္စ စိတ်ညစ်နေရတတ်ပါတယ်။ ကိုယ့်အားကိုယ် ကိုးပါ။ သူများအားကိုးရင် မိမိပြန်ပြီးဒုက္ခရောက်တတ်ပါတယ်။ ယခုနှစ်မှာ အနည်းငယ်လူပင်ပန်း စိတ်ပင်ပန်းမှုတွေရှိနေတတ်ပါတယ်။ လုပ်ငန်းထစ်ငေါ့တာ ခက်ခဲတာတွေရှိနေပါမယ်။ လာဘ်ပိတ်စေမယ်။ သတိထားပါ။ အလုပ်မှာ အကြီးအကဲ အထက်လူကြီးတွေရဲ့ ကူညီမစမှုတွေကိုရမယ်။
တပေါင်း တန်ခူး ကဆုန်လတွင် ငွေကြေးလာဘ်လာဘရွှင်ပါမည်။ အလုပ်အကိုင်များ မဆင်ပြေစီးပွားရေးတိုးတတ် အကျိုးခံစားခွင့်များ ရရှိနိုင်မည့်နှစ်ဖြစ်သည်။ လူပျိုအပျိုဖြစ်လျှင် အချစ်ရေးစန်းပွင့်တဲ့နှစ်ဖြစ်ပြီး အနောက်အရပ်ကချစ်သူတွေ့တတ်ပါမည်။ အချစ်ရေးအဆင်ပြေ အိမ်ထောင်ရေးအဆင်ပြေတဲ့နှစ်ဖြစ်မည်။ တစ်ခုသတိထားရမှာက အချစ်ကိုမယုံလွယ်ပါနှင့်။ သူတစ်ပါးကြောင့် သားသမီးကြောင့် မျက်နှာပျက် အရှက်ရတတ်ခြင်း စွပ်စွဲပြောဆိုခံရခြင်းများ ခံရတတ်ပါသည်။ ကွဲကွာခဲ့သော အိမ်ထောင်ဘက် ချစ်သူနှင့် ပြန်လည်အဆင်ပြေ ပေါင်းဖက်ရတတ်ပါသည်။
ထီး ဖိနပ် အထည်သစ်တွေဝင်မယ်။ ရွှေအထွက် ရှိနေတတ်ပါတယ်။ ဘဝတသက်တာမှာ ကိုယ့်ဒူးကိုယ်ချွန်ရပ်တည် ကြိုးစားရပါမယ်။ မိသားစု ညီအကိုမောင်နှမ အားကိုးလို့မရပါ။ လက်အောက်ငယ်သားတွေတော့ အကူအညီတွေ ရရှိလာစေတတ်ပါတယ်။ စက်ပစ္စည်းတွေ ဝင်လာစေတတ်ပါတယ်။ လူမျိုးခြားအကူအညီတွေ ရရှိလာစေတတ်ပါတယ်။ ယခုနှစ်မှာ စီးပွားရေး စတင်လုပ်ဆောင်မည်ဆိုပါက အကျိုးပေးမယ့် လုပ်ငန်းတွေ မှာ အင်္ဂါ၊ တနင်္ဂနွေနံ လုပ်ငန်းများ လုပ်ကိုင်ပါက အကျိုးပေးပါတယ်။ ဆန်၊ ဆီ၊ ဆား၊ ဆေး၊ စားသောက်ကုန် စက်မူလုပ်ငန်းများ၊ အိုး၊ အိမ်နှင့်ပတ်သက်သောလုပ်ငန်း၊ ဥယျာဉ်၊ ခြံမြေလုပ်ငန်းများ အီလက်ထရောနစ်ပစ္စည်းအရောင်း အဝယ် အထည်အလိပ် ဓာတ်ဆီဒီဇယ်လုပ်ငန်း ထမင်းဆိုင် နိုင်ငံခြားနဲ့ ဖက်စပ်လုပ်ငန်းတွေက အကျိုးများစေတတ်ပါတယ်။ အကျိုးအမြတ်ရမယ်။ အောင်မြင်ပါလိမ့်မယ်။ ယခုနှစ်မှာဆိုရင် စီးပွားရေးနဲ့အတူ ဘာသာရေး ကုသိုလ်ရေး ကောင်းမှုတစ်ခုနေ့စဉ်ပြုပါ။ ဘာသာရေးအားနည်းလေ မိမိကံတရားညှိုးနွမ်းလေ ဖြစ်လာစေတတ်ပါတယ်။ ထို့ကြောင့်ဘာသာရေး ပိုအလေးထားပါ။ ဆန်၊ဆီ၊ဆေးလှူတာ၊ ခိုစာ၊ ခွေးစာ၊ ငှက်စာကျွေးတာတွေ အမြဲပြုလုပ်ပါ။
ငွေကြေး ။ ။ ငွေကြေးကံအနေနှင့် ငွေဝင်ပြီး ကျွေးတင်နေတတ်ပါတယ်။ လက်ထဲမှာ ငွေမမြဲပဲ ဖြစ်စေတတ်ပါတယ်။ ငွေရှာရလွယ်နေတတ်ပါတယ်။ ငွေကုန်စရာတွေလည်း ပေါ်လာတတ်ပါတယ်။ ငွေအဝင်အထွက်တွေ များနေတတ်ပါတယ်။ ရစရာရှိတာတွေ‌ရော ပေးစရာရှိတာတွေပါ။ ခက်ခဲနေမည်။ ငွေအတွက်ပူပင်ရတာမျိုးလည်း ရှိနေမည်။ လာဘ်လာဘတွေလည်း ပိတ်နေတတ်တယ်။ ငွေစုပါ ငွေဝင်လာရင် လုပ်ငန်းတိုးချဲ့ပါ။ ဒါနကောင်းမှုပြုပါ။ ငွေကိုချွေတာပြီး သုံးရန် လိုစေတတ် ငွေချေးတာ အာမခံတာ အထူးရှောင်ပါ။ ငွေလူလိမ်ခံရတတ်ပါတယ်။ ငွေကြေးက မမြဲတတ်သောကြောင့် ငွေနဲ့ရင်းတဲ့အလုပ်တွေ ဖြတ်လမ်းစီးပွားရေးတွေ ရှောင်ပါ။ ထီကံလည်း အားနည်းနေမည်။ ငွေကံကောင်းစေရန် မိုးလင်းတာနဲ့ လာဘ်နှိုးလာဘ်ပွင့်ဂါထာကို မနက်ည သက်စေ့ သို့ ၁၀ ခေါက်ရွတ်ပါ။ ခိုစာ ခွေးစာ ငှက်စာကျွေးပါ။
လူမှုရေး ။ ။ လူမှုရေး အနည်းငယ် ပြဿနာလေးတွေ ရှိနေတတ်ပါတယ်။ အတိုက်အခံအခြေအတင်လေးတွေ စကားပြောရတတ်ပါတယ်။ သူတပါး မကောင်းပြောဆိုတာ စွတ်စွဲတာတွေ ခံရတတ်ပါတယ်။ လူယုံထားလို့မရပါ။ မိသားစုကိစ္စ မြေကိစ္စ အမွေကိစ္စလိုမျိုးတွေ စကားများရတတ်ပါတယ်။ အမျိုးသမီးတစ်ဦးနဲ့လည်း စကားများရတာတွေ ဖြစ်ပေါ်လာတတ်ပါတယ်။ အားနာမှုကြောင့် ဒုက္ခရောက်စေတတ်ပါတယ်။ လက်အောက်ငယ်သား ကိုယ့်ကိုကိုယ်ပဲ အားကိုးပါ။ သူတပါးအားမကိုးပါနှင့် စိတ်လိုက်မာန်ပါ ပြုမူပြောဆိုတာတွေ ရှောင်ပါ။ အမှုအခင်း ပြဿနာလေးတွေ ဖြစ်လာတတ်ပါတယ်။ အမှုမဖြစ်အောင်နေပါ။ ဖြစ်လျှင် အရှုံးများစေတတ်ပါတယ်။ စေတနာကောင်း စိတ်ကောင်းထားပါ။ ဘာသာရေး ပိုလုပ်ပါ။ သူများပြဿနာ ဝင်ဖြေရှင်းတာတွေ မပြုလုပ်ရ စေတနာအမှား ဖြစ်တတ်သောကြောင့် သတိထားရှောင်ပါ။ တနင်္လာနံပါတဲ့နေ့သားတွေ သောကြာနံ နံပါတဲ့နေ့သားတွေနဲ့ စကားပြောဆိုတာ သတိထားပါ။ လူမုန်းများတတ်တယ်။ အစွတ်စွဲခံရတတ်တယ်။ အရာရာကို သတိနဲ့ပြောဆိုနေထိုင်ပါ။ လူမှုရေးအတိုက်အခံတွေ ကင်းစေရန် တံမျက်စည်း ခြေသုတ်ဝတ် အမြဲလှူ အန္တရာယ်ကင်းဂုဏ်တော်တွေ နေ့စဉ်ရွတ် လူနတ်ဗြဟ္မာတွေ နေ့စဉ်မေတ္တာပို့ မေတ္တာသုတ်ရွတ် လူသွားလမ်းတွေ အမြဲလိုသန့်ရှင်းရေး ပြုလုပ်ပါ ကံတက်စေမည်။
ကျန်းမာရေး ။ ။ ကျန်းမာရေးမှာဆိုရင် မကြာခဏ ချူချာနေတတ်ပါတယ်။ ရောဂါထူပြောနေမည်။ တစ်ခုပြီးတစ်ခု ဖြစ်လာမည်။ ဆေးထိုးဆေးသောက်ရတာ ဆေးခန်းပြရတာတွေလည်း ဖြစ်ပေါ်လာတတ်ပါတယ်။ အကြောတက်တာ အစာအိမ်လေအောင့်တာ ဦးခေါင်းမကြည်တာ ညောင်းညာကိုက်ခဲတာ သွေးအားနည်းတာ သွားနာတာ သွေးပေါင်းအတက်အကျတွေ ဖြစ်ပြီးမူးမောတာ ချောင်းဆိုး ရင်ကျပ်တာ ရာသီအကူးအပြောင်း ဖျားနာတာတွေ နှလုံးအားနည်းပြီး ရင်တုန်တာ ဖြစ်ပေါ်နေတတ်ပါတယ်။ အကုန်ဖြစ်မယ်လို့တော့ မဆိုလိုပေ။ တစ်ခုမဟုတ်တစ်ခု ဖြစ်ပေါ်လာတတ်ပါတယ်။ သတိထားရန်တော့ လိုမည်။ အသေးစား အက်စီးဒန့်လိုရှိစေမည်။ အသက်အန္တရာယ်ရှိစေတတ်တယ်။ သတိထားရန်လိုစေမည်။ သတိထားပါ။ မိမိမွေးနံထောင့်မှာ ဖျာလှူ ရေလှူတာ ဆေးလှူတာ ငါးလွှတ်ပါ။ ငှက်လွှတ်ပြီးဆုတောင်းပါ။ ဘာသာရေးပိုလုပ်ပါ။
အိမ်ထောင်ရေး ။ ။ ယခုနှစ် အိမ်ထောင်ရေးမှာဆိုရင် မကြာခဏတော့ စိတ်ညစ်စရာတွေ ရှိနေတတ်ပါတယ်။ ပြဿနာလေးတွေ ဖြစ်ပေါ်နေတတ်ပါတယ်။ ရန်ပေါ်နေမည်။ တခါတရံတော့ မိမိအိမ်ထောင်ဖက်ရဲ့ အကျိုးပြုမှုကိုလည်း ရရှိစေတတ်ပါတယ်။ တစ်ယောက်နှင့်တစ်ယောက် စိတ်တိုင်းမကျတာ နားလည်မှုတွေလွဲနေတာ အလိုမကျတာတွေ ဖြစ်ပေါ်နေပါမယ်။ အိမ်ထောင်ရေးမှာ ကြားလူဝင်နှောင့်ယှက်တာတွေ အိမ်ထောင်ရေးအဖျက်အဆီး အနှောင့်အယှက်တွေကြုံလာပါမယ်။ စီးပွားရေး အဆင်မပြေနေတဲ့ အချိန်တွေမှာ အိမ်ထောင်ရေးဇယားရှုပ်တာ အပျော်အပါးလိုက်စားပါက နာမည်ဂုဏ်သိက္ခာ ကျဆင်းတတ်သလို တတ်လာမယ့် အညွန့်ပြန်ကျိုးမယ်။ အသောက်အစား ရှိပါက အိမ်ထောင်ရေးရန်ပေါ်တတ်ပါတယ်။ အိမ်ထောင်ရေး ဇယားရှုပ်တာ အထူးရှောင်ပါ။ ရှုပ်ထွေးမှုတွေ ဖြစ်ပေါ်တတ်ပါတယ်။ ထိုသို့ပြုလုပ်မိပါက မမျှော်လင့်ထားတဲ့ ပြဿနာတွေဖြစ်လာတတ်ပါတယ်။ ကွဲစေပြတ်စေမည်။ စီးပွားပျက်တတ်တယ်။ ဂုဏ်သိက္ခာ ကျဆင်းတတ်သောကြောင့် သတိထားဆင်ခြင်ရန်လိုအပ်ပါမည်။ အိမ်ထောင်ရေးမှာ ဆိုးတူကောင်းဖက်တိုင်ပင်ပြီး လက်တွဲမှသာ အဆင်ပြေစေတတ်ပါတယ်။ ကုသိုလ်ရေးအတူလုပ် ဘာသာရေး အတူလုပ် စီးပွားရေး တိုင်ပင်ပြီး လက်တွဲပါ။ အပျော်အပါး အသောက်အစားတွေ ရှောင်ပါ။ အဆင်ပြေလာပါလိမ့်မည်။
အချစ်ရေး ။ ။ ယခုနှစ်အတွင်း အချစ်ရေး အဆင်ပြေတာတွေရှိသလို မပြေတာတွေလည်း ရှိနေတတ်ပါတယ်။ အဆိုးအကောင်းတွေနဲ့ ဒွန်တွဲနေပါမည်။ ငယ်ရွယ်သူတွေ အချစ်ရေး စန်းပွင့်နေတတ်ပါတယ်။ ချစ်သူရတတ်ပါတယ်။ အချစ်ရေးက အထင်နဲ့အမြင်လွဲမှားစေတာ အလိမ်အညာတွေ ပေါ်လာမယ်။ အချိန်ယူပြီး လေ့လာလက်ခံပါ။ လက်ရှိချစ်သူ ရှိနေသူတွေကတော့ အချစ်ရေးဂတောက်ဂဆတွေ အချစ်ရေး ပြဿနာတွေ အနည်းငယ်ရှိနေတတ်ပါတယ်။ မကြာခဏ စိတ်ဆိုးစိတ်ကောက် စကားများနေရတာတွေ ရှိနေတတ်ပါတယ်။ တခါတရံ သဝန်တို စိတ်မချတာ အထင်အမြင်လွဲမှားတာတွေ နားလည်မှုလွဲမှားတာတွေ ရှိနေတတ်ပါတယ်။ စိတ်တိုင်းမကျ အလိုမကျတာတွေလည်း ရှိနေတတ်ပါတယ်။ တခါတလေ ရှေ့တိုးရအခက် နောက်ဆုတ်ရအခက် တွေဝေနေတတ်တယ်။ သံယောဇဉ်တော့ မပြတ်ပါ။ အခန့်မသင့်ရင် ကွဲစေပြတ်စေတာတွေ ဖောက်ပြန်ခံရတာတွေ ကြုံလာရတတ်တယ်။ မိမိချစ်သူကြောင့် စိတ်ပင်ပန်းရစေမည်။ ဘဝမှာ ရည်းစားဦးပြိုကွဲခြင်း အိမ်ထောင်ဦးပြိုကွဲခြင်းများ ကြုံရတတ်ပါတယ်။ ဇာတာရှင်သည် အချစ်ရေးနှင့်ပတ်သက်ပြီး မကြာခဏတော့ ပြဿနာလေးတွေရှိနေပေမယ့် ရန်ဖြစ်လိုက် ပြန်ချစ်လိုက်ရှိနေတတ်ပါတယ်။ ယခုနှစ် တွင်အိမ်ထောင်ကျကိန်း ရှိနေပါတယ်။ ယူမယ်ဆို ယူလို့ရပါတယ်။ ယခုနှစ်အချစ်ရေးက ဂတောက်ဂဆလေးတွေနဲ့ ဖြတ်သန်းရတတ်ပါတယ်။ ချစ်သူနှစ်ဦးကြားမှာ အဖျက်အစီးတွေ ဝင်လာစေတတ်ပါတယ်။ အချစ်ရေး ဇယားရှုပ်တာ အပျော်အပါး လိုက်စားပါက မတည်မြဲနိုင်ပါ။
ပညာရေး ။ ။ ယခုနှစ်မှာပညာရေးနှင့် ပတ်သက်ပြီး ရပ်တန့်နေတတ်ပါတယ်။ တွေဝေနေတာမျိုးတွေလည်း ရှိနေတတ်ပါတယ်။ သင်တန်းတက်ရကိန်းတွေလည်း ပေါ်လာတတ်ပါတယ်။ တက်ပါ။ မိမိအတွက် အကျိုးပြုစေတတ်ပါတယ်။ ပညာရေးကို ရပ်တန့်မနေသင့်ပါ။ လတ်တလော ပညာရေးထစ်ငေါ့တာ ပညာရေး တစ်ပိုင်းတစ်စတွေ လွဲချော်တာတွေလည်း ရှိနေမည်။ ပညာတတ်လေ ဘဝလမ်းခရီး အောင်မြင်လေဖြစ်ပါမယ်။ ပညာဖြင့် အသက်မွေးဝမ်းကြောင်းပြုရင်လည်း အကျိုးပေးပါမည်။ ပညာရေးကို ဝီရိယ အားစိုက်ထုတ်ကြိုးစားပါ။ ဘဝမှာ ပညာရေးကနံပါတ်၁ စီးပွားရေးက နံပါတ်၂၊ အချစ်ရေးက နံပါတ်၃နေရာမှာထားပြီး ဘဝအတွက်ကြိုးစားအားထုတ်ပါက အောင်မြင်တိုးတက်လာပါလိမ့်မည်။ ပညာရေးကို အဖျက်တွေ ဝင်လာစေတတ်ပါတယ်။ အချစ်ရေးကြောင့် ပညာရေး ထိခိုက်တတ်သလို အပေါင်းအသင်းမှားတာ အပျော်အပါး မက်မှုတွေကြောင့် ပညာရေး ထိခိုက်တတ်စေတယ်။ ပညာရေးနှင့် ပတ်သက်ပြီး ကံ၊ ဉာဏ်၊ ဝီရိယ၊ အားစိုက်ထုတ်ရမယ့် သူမျိုးဖြစ်တယ်။ အတန်းပညာပြီးဆုံးရင်လည်း အတတ်ပညာ ဘာသာစကားဆိုင်ရာ ကွန်ပျူတာနဲ့ဆိုင်တဲ့ ပညာမျိုးတွေ လေ့လာပါ သင်ယူပါ ဘဝအတွက် အထောက်အကူဖြစ်စေလိမ့်မည်။
ဒီနှစ်အတွင်း အကျိုးပေးဂဏန်းအနေနဲ့ ။ ။ ၃၊ ၅၊ ၇၊ ၁ ထိုဂဏန်းတွေက တစ်နှစ်ပတ်လုံး အကျိုးပြုစေပြီး ထီထိုးတာမျိုး တစ်ခြားသောကိစ္စတွေမှာ အသုံးပြုခြင်းဖြင့် ကံကောင်းစေပါလိမ့်မည်။
အကျိုးပေးအရောင် ။ ။ ဒီနှစ်အတွင်းမှာ ကံဇာတွေပွင့်ပြီး အကျိုးပေးအရောင်အနေနဲ့က နီညိုရောင်၊ အညို၊ ပန်းရောင်၊ အနီပွင့်၊ အနီရောင်၊ အနက်ပွင့်၊ ခရမ်းရောင်တွေဖြစ်ပါတယ်။
အရေးကြီးသော စကား အရေးကြီးသော လုပ်ငန်းကိစ္စတွေ ခရီးကိစ္စတွေ အကြောင်းအရာတွေမှာ ဝတ်ဆင်ပြီး ပြုလုပ်ပြောဆို ဆောင်ရွက်ခြင်းဖြင့် ကံပွင့်စေမည်။
ရှောင်ရန် ။ ။ ဒီတစ်နှစ်ပတ်လုံး အမဲ ဝက်သား ကိတ်မုန့် ကော်ဖီ အဖြူရောင် အပြာရောင် ရှောင်ပါ။ အပျော်အပါးလိုက်စားတာ လောင်းကစားပြုလုပ်တာ သူ့အသက်သတ်တာရှောင်ပါ။ ထိုအရာတွေ ဝတ်ဆင် စားသောက်ခြင်း အထူးရှောင်ရပါမည်။
**ဒီနှစ်အတွက် မိမိတို့အနေနဲ့ အရေးကြီးသော အကြောင်းကိစ္စ အဝဝ ပြုလုပ်ပြောဆိုရာမှာ** အောင်မြင်ဖို့အတွက် အကောင်းဆုံး အကျိုးပေးနေ့တွေမှာ အင်္ဂါနေ့ တနင်္ဂနွေနေ့နဲ့ နေ့တွေဖြစ်ပါတယ်။ အင်္ဂါနေ့ အတွင်းမှာ အကောင်းဆုံးအချိန်ဖြစ်တဲ့ မုဆိုးရွှေအိုးရကိန်း အချိန်ဖြစ်တဲ့ ညနေ၃း၀၀မှ ၆း၀၀အတွင်းနဲ့ ပုဏ္ဏား နတ်သမီး ရကိန်းအချိန်ဖြစ်တဲ့ မနက် ၁၀း၄၉မှ ၁း၁၂အတွင်း နဲ့ တနင်္ဂနွေနေ့ အကောင်းဆုံးအချိန်ဖြစ်တဲ့ မုဆိုးရွှေအိုးရကိန်း အချိန်ဖြစ်တဲ့ ၁၀း၄၉မှ ၁း၁၂အတွင်း ပုဏ္ဏား နတ်သမီး ရကိန်းအချိန်ဖြစ်တဲ့ မနက်၆း၁၀မှ ၈း၂၄ ထို အချိန်တွေမှာ အရေးကြီးသော အလုပ်ကိစ္စ အကြောင်းအရာရာ ကိစ္စအဝဝ ပြုလုပ်ပြောဆိုရာမှာ သော်လည်းကောင်း ခရီးကိစ္စတွေ သွားလာတာ မျိုးတွေမှာသော်လည်းကောင်း ထိုအချိန်တွေမှာ ပြုလုပ်ပြောဆို လုပ်ကိုင်ဆောင်ရွက်ခြင်းဖြင့် အောင်မြင်မှုတွေ ရရှိစေပါမည်။
ဘဝတစ်သက်တာမှာ ဘုမ္မိအရပ်က အနောက်မြောက်အရပ်ဖြစ်ပါတယ် ထိုအရပ်မှာ စီးပွားရှာတာ ခရီးထွက်တာ အိမ်ဆောက်တာ အိမ်မျက်နှာလှည့်ပြီး ဆောက်လုပ်တာ လှေကားထားတာ အထူးရှောင်ပါ။
ဘဝတစ်သက်တာအတွက် အကျိုးပေး ရတနာ ။ ။ ရွှေ မြကျောက်တို့က မိမိတို့ရဲ့ အကျိုးပေး ရတနာတွေပဲ ဖြစ်ပါတယ်။

ယတြာ ။ ။ ဒီနှစ် တစ်နှစ်လုံးမှာ မိမိတို့အနေနဲ့ ကံဇာတာပွင့်လန်းစေရန် ကံကောင်းမှုတွေ ရရှိစေရန် ပြုလုပ်ရမည့် ကောင်းမှုကံ ယတြာ အင်္ဂါနေ့မနက် (၉း၄၅) တွင် စပါယ်၈ကုံ ဇီးထန်းလျှက် အာရုံဆွမ်း မိမိအိမ်ဘုရားတွင်လှူပါ။ တစ်ပတ်တခါလှူပြီး မိမိလိုရာဆုတောင်းပါ။ လာဘ်ပွင့်လာဘ်နှိုးဂါထာတွေ အမြဲရွတ် ဘုရားရင်ပြင် ဘုရားစောင်းတန်း အမြဲသန့်ရှင်းပါ။ လူဝတ်လဲတာမျိုး တံတားခင်းတာမျိုးတွေ ပြုပါ။ သရဏဂုံပုတီးစိပ်ပါ။ ကံကောင်းစေမည်။
အညံ့ပပျောက်ရန် ။ ။ ဒီနှစ် တစ်နှစ်လုံးမှာ မိမိတို့အနေနဲ့ ကံအညံ့တွေ ပပျောက်စေရန်အတွက် မည်သည့်နေ့ မဆို ကိတ်မုန့် ၇ ချပ်ကို လမ်းဘေးခွေးကျွေးပြီး ငါ့မှာရှိတဲ့မကောင်းတဲ့ အညံ့အားလုံး ပါသွားစေဟုပြောပြီး ကျွေးပါ။ တစ်လတစ်ခါ နှစ်ခါ ညနေပိုင်းမှာကျွေးပါ။ ငှက်လွှတ် လူဝတ်လည်းတာ ဘာသာရေးအထူးပြုလုပ်ပေးပါ။ အညံ့ပျောက်စေမည်။