၂၀၂၆ ခုနှစ် ဗုဒ္ဓဟူး/ ရာဟု သားသမီးများအတွက် ကံကြမ္မာ အဟော

ဗုဒ္ဓဟူး၊ ရာဟု သားသမီးများ မိမိတို့ရဲ့အသက် အပိုင်းအခြား ၁၂၊ ၂၀၊ ၂၈၊ ၃၆၊ ၄၄၊ ၅၂၊ ၆၀၊ ၆၈၊ ၇၆၊ ၈၄၊ ၉၂ ထိုနှစ်တွေမှာ ကြုံတွေ့ရစေမယ့် မိမိတို့ရဲ့ ကံကြမ္မာ အစိတ်အပိုင်းများ။
စီးပွားရေး အလုပ်အကိုင်။ ။ ယခုနှစ်အတွင်း ဗုဒ္ဓဟူး ရာဟု သားသမီးတွေရဲ့ စီးပွားရေး အလုပ်အကိုင်တွေမှာဆိုရင် လုပ်ငန်းသစ် အလုပ်ကိုင်သစ်များ တိုးချဲ့လုပ်ကိုင်ရကိန်းရှိသည်။ အကြံအစည်သစ်တွေပေါ်မယ်။ လုပ်ငန်းတွေ တိုးတက်ကောင်းမွန်လာမယ်။ နာမည်ကောင်းတွေ ရလာမယ်။ ဂုဏ်သတင်းကျော်ဇောလာပါမယ်။ လူအထင်ကြီးခံရစေတတ်ပါတယ်။ လုပ်ငန်းပိုင်းတိုးချဲ့ရမယ်။ အိမ်ပြင်ရတာ အိမ်သစ်ဝင်တာတွေ ရှိလာတတ်ပါတယ်။ တနင်္ဂနွေနံနှင့် ပတ်သက်ပြီး အပြောင်းအလည်းတွေ ဖြစ်ပေါ်လာတတ်ပါတယ်။ လုပ်ငန်းထဲတွင် အပြိုင်အဆိုင် အတိုက်အခံပေါ်တတ်သည်။ စိုးရိမ်စရာမရှိပါ။ အတိုက်အခံများကြားတွင် အောင်မြင်နေမည်။ မိတ်ဆွေအပေါင်းအသင်းများထံမှ အကူအညီများရရှိမည်။ အလှူမင်္ဂလာ ပြုရကိန်းပေါ်လာပါမည် ဝန်ထမ်းများ အလုပ်နေရာ ပြောင်းရွှေ့ရတတ်သည်။ လုပ်ငန်းအဆင့်တိုးတက်မယ်။ ရာထူးလစာတွေ တိုးတက်လာစေမည်။ လုပ်ငန်းသစ် စတင်ပြီးလုပ်မည်ဆိုပါက လည်းအောင်မြင်နိုင်ပါတယ်။ အကျိုးပေးပါမည်။ လုပ်ငန်းနေရာအသစ် အပြောင်းရှိမည်။ ခရီးသွားရတတ်သည်။ သွားလျှင်ကောင်းသည်။ အဆက်အသွယ် ကောင်းများရရှိခြင်း လုပ်ငန်းနေရာ တိုးချဲ့ရခြင်းများကြုံမည်။ နိုင်ငံရပ်ခြားနှင့်ပတ်သက်သော ကိစ္စများအဆင်ပြေမည်။ အထူးသဖြင့် ရေကြောင်းခရီးနှင့် ပတ်သက်သော ကိစ္စများအဆင်ပြေမည်။ လုပ်ချင်တာကို ရဲရဲသာလုပ်ပါ။ အောင်မြင်ဖို့ အနေအထား ကောင်းတွေဖြစ်လာ စေမည်။
ရွှေဝင်မယ် ရေတွင်းရေကန်တူးရတတ်တယ်။ ဝန်ထမ်းဆို ရာထူးလစာတိုးမယ်။ မင်္ဂလာပြုရတာ အလှူဒါနပြုရတာတွေ ရှိလာတတ်ပါတယ်။ ခြံ၊ ကား၊ ကျောက်၊ ခြေနှစ်ချောင်းဝင်မယ် အကြီးအကဲ အထက်လူကြီးပိုင်းတွေရဲ့ ကူညီမစမှုကို ရရှိစေတတ်ပါတယ်။ အိမ်ပြင် အိမ်ပြောင်း အလုပ်ပြောင်း ပြုရတတ်ပါတယ်။ ဘာသာရေးဆိုင်ရာပစ္စည်း အဆောင်လို လက်ဖွဲ့လို ရောက်လာခဲ့ရင် စီးပွားတက်မည်။ သေချာဆောင်ပါ။ တစ်စုံတစ်ဦး ကလေးမွေးတဲ့အသံကြားရင် လာဘ်ဝင်စေမည်။ ယခုနှစ် စီးပွားရေး လုပ်မည်ဆိုပါက ရွှေလုပ်ငန်း၊ ရေ၊ ဝပ်ရှော့၊ လျှပ်စစ်ပစ္စည်း၊ အရောင်းအဝယ်၊ လ္ဘက်ရည်ဆိုင်၊ ကား၊ ကျောက်၊ ကုန်ရောင်းကုန်ဝယ်၊ ကုန်စုံဆိုင်၊ ငါး၊ ကွမ်းယာ၊ အရောင်းအဝယ်လုပ်ငန်းတွေ လုပ်ကိုင်ပါကအဆင်ပြေမည်။ သွပ်၊သံ၊သစ် ရောင်းဝယ်ရေးလုပ်ငန်းများ၊ ဟိုတယ်နှင့် ခရီးသွားလာရေးလုပ်ငန်းများ အဆင်ပြေမည် စပ်တူလုပ်ငန်း ရှယ်ရာလုပ်ငန်းများ သတိနဲ့လုပ်ပါ။ လူလိမ်ခံရတတ်သည်။ အရောင်းအဝယ်လုပ်ငန်းတွေ ရောင်းအားကောင်းနေမည်။ အမြတ်အစွန်းတွေလည်း ရရှိနေတတ်ပါတယ်။
ယခုနှစ်တွင်အလုပ်တွေ ပြန်လည်ကောင်းမွန်လာပါမည်။ လုပ်ငန်းစတင်လုပ်ကိုင်မည့်သူများ မိမိလုပ်ငန်း အောင်မြင်မှုရရှိမည့် အချိန်ကာလဖြစ်သည်။ ကိုယ်ပိုင်လုပ်ငန်းတွေ တစ်ပိုင်တစ်နိုင်လုပ်ငန်းတွေ လုပ်ပါ။ ကိုယ်ပိုင်လုပ်ငန်းကသာ စီးပွားဖြစ်မြန် ချမ်းသာလွယ်စေတတ်ပါတယ်။ အနောက်တောင်အရပ် အရှေ့တောင်အရပ်မှာ စီးပွားယခုနှစ်မှာ မရှာသင့် ရှောင်ရပါမည်။ လုပ်ငန်းပိုင်းတွေမှာ တစ်ချို့လတွေမှာ ခက်ခဲမှုတွေ အဆင်မပြေမှုတွေလည်း ကြုံလာရတတ်တယ်။ မကြာခင် ပြန်အဆင်ပြေလာပါလိမ့်မည်။ စီးပွားရေးနဲ့အတူ ဘာသာရေး ကုသိုလ်ရေး ယှဉ်တွဲလုပ်ပါ ကောင်းမှုတစ်ခု နေ့စဉ်ပြုပါ။ ခိုစာ ခွေးစာ ငှက်စာကျွေးပါ။ လပြည့်လကွယ် သက်သတ်လွတ်စား ဘုရားခန်း နေအိမ်အမြဲသန့်ရှင်းအောင်ထားပါ။ ကံတရားရဲ့ အထောက်အပံ့ကောင်းတွေ ရရှိလာမှာဖြစ်ပါတယ်။
ငွေကြေး ။ ။ ငွေကြေးကံအနေနှင့် ငွေ ရှာရလွယ်နေတတ်ပါတယ်။ လာဘ်ဝင်လာမယ်။ ငွေဝင်လာပါမယ်။ ရစရာရှိတာတွေလည်း ပြန်ရမယ်။ ပေးစရာရှိတာတွေလည်း အကုန်အဆင်ပြေသွားပါလိမ့်မည်။ တခါတရံ ငွေအဝင်အထွက်တွေ များနေတတ်ပါတယ်။ ငွေစုပါ ငွေဝင်လာရင် ရွှေစုပါ။ လုပ်ငန်းတိုးချဲ့ပါ။ ဒါနကောင်းမှုပြုပါ။ ငွေကုန်စရာတွေလည်း ပေါ်လာတတ်ပါတယ်။ ငွေကိုချွေတာပြီး သုံးပါ။ ငွေချေးတာ အာမခံတာ အထူးရှောင်ပါ။ ငွေလူလိမ်ခံရတတ်ပါတယ်။ ငွေကြေးက မမြဲတတ်သောကြောင့် သတိနဲ့သုံးပါ။ ငွေဝင်လမ်းတွေရှာပါ။ လောင်းကစားပြုလုပ်တာ အာမခံတာ အထူးရှောင်ပါ။ ထီကံကောင်းမယ်။ ထီပေါက်ကိန်း ရှိပါတယ်။ အကျိုးပေးဂဏန်း ၂ ၁ ၄ ဖြစ်ပါတယ်။ ငွေကံကောင်းစေရန် ဒိဝါတပတိဂါထာ ရွှေဖြစ်ငွေဖြစ်ဂါထာကို မနက်ည ၁၀ခေါက်ရွတ်ပါ။ ခိုစာ ခွေးစာ ငှက်စာကျွေးပါ။
လူမှုရေး ။ ။ လူမှုရေး အနည်းငယ် စိတ်ညစ်စရာတွေ ရှိနေတတ်ပါတယ်။ အတိုက်အခံအခြေအတင်လေးတွေ စကားပြောရတတ်ပါတယ်။ လူယုံထားလို့မရပါ။ မြေကိစ္စ အမွေကိစ္စ မိသားစု ကိစ္စကြောင့် အတိုက်အခံစကားပြောရတာ ပေါ်လာတတ်တယ်။ အမျိုးသမီးတစ်ဦးနဲ့လည်း စကားများရတာတွေ ဖြစ်ပေါ်လာတတ်ပါတယ်။ အားနာမှုကြောင့် ဒုက္ခရောက်စေတတ်ပါတယ်။ လူမျိုးခြား ဘာသာခြားတွေနဲ့ အဆင်မပြေဖြစ်မယ်။ စကားများ ရစေတတ်ပါတယ်။ ကိုယ့်ကိုကိုယ်ပဲ အားကိုးပါ။ သူတပါးအားမကိုးပါနဲ့။ စိတ်လိုက်မာန်ပါ ပြုမူပြောဆိုတာတွေ ရှောင်ပါ။ အမှုအခင်း ပြဿနာလေးတွေ ဖြစ်လာတတ်ပါတယ်။ စေတနာကောင်း စိတ်ကောင်းထားပါ။ ဘာသာရေး ပိုလုပ်ပါ။ သူများပြဿနာ ဝင်ဖြေရှင်းတာတွေ မပြုလုပ်ရ စေတနာအမှား ဖြစ်တတ်သောကြောင့် သတိထားရှောင်ပါ။ အင်္ဂါနံပါတဲ့နေ့သားတွေ စနေနံပါတဲ့နေ့သားတွေနဲ့ စကားပြောဆိုတာ သတိထားပါ။ အိမ်တွင်းရေး အိမ်ထောင်ရေး ပြဿနာတွေလည်း ပေါ်လာတတ်တယ်။ စိတ်ကိုအေးအေးထားပြီး ဖြေရှင်းပါ။
ကျန်းမာရေး ။ ။ ကျန်းမာရေးမှာဆိုရင် နှလုံးအားနည်းပြီး ရင်တုန်တာ ဦးခေါင်းမကြည်တာ ညောင်းညာကိုက်ခဲတာ သွေးအားနည်းပြီး မူးမောတာ သွေးသားမမှန်တာ သွားနာတာ အစာအိမ်လေအောင့်တာ ချောင်းဆိုး ရင်ကျပ်တာ ရာသီအကူးအပြောင်း ဖျားနာတာတွေ ဖြစ်ပေါ်နေတတ်ပါတယ်။ အသက်ကြီးပိုင်းတွေ သွေးတိုးနှလုံး အစားမှားပြီး ကျန်းမာရေး ညံ့နေတတ်ပါတယ်။ ဖြစ်ပြီးသားရောဂါ ပြန်ဖြစ်လာတာမျိုးလည်း ကြုံရတတ်ပါတယ်။ အကုန်ဖြစ်မယ်လို့တော့ မဆိုလိုပေ တခုမဟုတ်တခု ဖြစ်ပေါ်လာတတ်ပါတယ်။ သတိထားရန်တော့ လိုစေမည်။ ကျန်းမာရေးအတွက် ဆေးလှူ၊ ရေလှူပါ၊ ငါးလွှတ်ပါ၊ ငှက်လွှတ်ပြီးဆုတောင်းပါ။ ဘာသာရေးပိုလုပ်ပါ။
အိမ်ထောင်ရေး ။ ။ ယခုနှစ် အိမ်ထောင်ရေးမှာဆိုရင် အိမ်ထောင်ရေး ရန်ပေါ်နေတတ်ပါတယ်။ မိမိအိမ်ထောင်ဘက်နှင့် အဆင်ပြေတဲ့အခါရှိသလို မပြေတာတွေလည်း ရှိနေတတ်ပါတယ်။ ဂတောက်ဂဆတွေ ဖြစ်ပေါ်နေတတ်ပါတယ်။ သဝန်တို စိတ်မချတာတွေ တယောက်နှင့်တယောက် စိတ်တိုင်းမကျတာ နားလည်မှုတွေလွဲနေတာ အလိုမကျတာတွေ မကြာခဏဖြစ်ပေါ်နေပါမယ်။ မိသားစု ညီအကိုမောင်နှမ အတွက်သော်လည်းကောင်း သားသမီးရှိက သားသမီး ကြောင့်စိတ်ညစ်ရတတ်သည်။ အိမ်ထောင်ရေးမှာ ကြားလူဝင်နှောင့်ယှက်တာတွေ အိမ်ထောင်ရေးအပျက်အစီး အနှောင့်အယှက်တွေကြုံလာပါမယ်။
စီးပွားရေး အဆင်ပြေနေတဲ့အချိန်တွေမှာ အိမ်ထောင်ရေးဇယားရှုပ်တာ အပျော်အပါးလိုက်စားပါက နာမည်ဂုဏ်သိက္ခာ ကျဆင်းတတ်သလို တတ်လာမယ့်အညွန့်ပြန်ကျိုးမယ်။ အမျိုးသမီး အဖျက်အဆီးတွေ အမျိုးသား အဖျက်တွေ ကြုံတွေ့ရတတ်ပါတယ်။ အသောက်အစား ရှိပါက အိမ်ထောင်ရေးရန်ပေါ်တတ်ပါတယ်။ အိမ်ထောင်ရေး ဇယားရှုပ်တာ အထူးရှောင်ပါ။ ရှုပ်ထွေးမှုတွေ ဖြစ်ပေါ်တတ်ပါတယ်။ ထိုသို့ပြုလုပ်မိပါက မမျှော်လင့်ထားတဲ့ ပြဿနာတွေဖြစ်လာတတ်ပါတယ်။ စီးပွားပျက်တတ်တယ်။ ဂုဏ်သိက္ခာ ကျဆင်းတတ်သောကြောင့် သတိထားဆင်ခြင်ရန်လိုအပ်ပါမည်။ အိမ်ထောင်ရေးမှာ ဆိုးတူ ကောင်းဖက်တိုင်ပင်ပြီး လက်တွဲမှသာ အဆင်ပြေစေတတ်ပါတယ်။ ကုသိုလ်ရေးအတူလုပ် ဘာသာရေး အတူလုပ် စီးပွားရေး တိုင်ပင်ပြီး လက်တွဲပါ။ အပျော်အပါး အသောက်အစားတွေ ရှောင်ပါ။ နားလည်မှုနဲ့ သစ္စာရှိစွာ ဖြတ်သန်းနိုင်ပါမှ အဆင်ပြေလာပါလိမ့်မည်။
အချစ်ရေး ။ ။ ယခုနှစ်အတွင်း အချစ်ရေး စန်းပွင့်နေတတ်ပါတယ်။ ငယ်ရွယ်သူတွေ အချစ်ရေး ကံကောင်းလာပါမယ်။ ချစ်သူမရှိသေးသူများ ချစ်သူရစေတတ်တယ်။ လက်ရှိချစ်သူ ရှိနေသူတွေကတော့ အိမ်ထောင်ကျတတ်ပါတယ်။ အထီးကျန်နေသူတွေ အချစ်သစ်ပေါ်စေမည်။ အဆက်အသွယ်ပြတ်နေသူတွေ အဆက်အသွယ်ရစေမည်။ တခါတလေ အချစ်ရေးဂတောက်ဂဆတွေ အချစ်ရေး ပြဿနာတွေ အနည်းငယ်ရှိနေတတ်ပါတယ်။ မကြာခဏ စိတ်ဆိုးစိတ်ကောက် စကားများနေရတာတွေ ရှိနေတတ်ပါတယ်။ ရန်ဖြစ်လိုက် ပြန်ချစ်လိုက်ရှိနေမယ်။ တခါတရံ သဝန်တို စိတ်မချတာ အထင်အမြင်လွဲမှားတာတွေ နားလည်မှုလွဲမှားတာတွေ ရှိနေတတ်ပါတယ်။ စိတ်တိုင်းမကျ အလိုမကျတာတွေလည်း ရှိနေတတ်ပါတယ်။ ဘဝမှာ ရည်းစားဦးပြိုကွဲခြင်း အိမ်ထောင်ဦးပြိုကွဲခြင်းများ ကြုံရတတ်ပါတယ်။ မိမိအတွက် အကျိုးပေးနေ့နံကိုသာ ရွေးချယ်ရန်လိုအပ်ပါတယ်။ ဇာတာရှင်သည် အချစ်ရေးနှင့်ပတ်သက်ပြီး မကြာခဏတော့ ပြဿနာလေးတွေရှိနေပေမယ့် ရန်ဖြစ်လိုက် ပြန်ချစ်လိုက်ရှိနေတတ်ပါတယ်။ ယခုနှစ် တွင်အိမ်ထောင်ကျကိန်း ရှိနေပါတယ်။ ယူမယ်ဆို ယူလို့ရပါတယ်။ ယခုနှစ်အချစ်ရေးက ဂတောက်ဂဆလေးတွေနဲ့ ဖြတ်သန်းရတတ်ပါတယ်။ ချစ်သူနှစ်ဦးကြားမှာ အဖျက်အစီးတွေ ဝင်လာစေတတ်ပါတယ်။ အချစ်ရေး ဇယားရှုပ်တာ အပျော်အပါး လိုက်စားပါက မတည်မြဲနိုင်ပါ။ အချစ်ရေးကံကောင်းစေရန် မေတ္တာများများပို့ မေတ္တာပွားပါ မွှေးသောပန်းတွေလှူ ငှက်ကလေးတွေ သတ္တဝါလေးတွေ အစာကျွေးပြီး ဆုတောင်း။
ပညာရေး။ ။ ယခုနှစ်မှာပညာရေးနှင့် ပတ်သက်ပြီး ရပ်တန့်နေတတ်ပါတယ်။ တွေဝေနေတာမျိုးတွေလည်း ရှိနေတတ်ပါတယ်။ ပညာရေးကို ရပ်တန့်မနေသင့်ပါ။ လတ်တလော ပညာရေးထစ်ငေါ့တာ ပညာရေး တစ်ပိုင်းတစ်စတွေ လွဲချော်တာတွေလည်း ရှိနေပေမယ် ပညာတတ်လေ ဘဝလမ်းခရီး အောင်မြင်လေဖြစ်ပါမယ်။ ပညာဖြင့် အသက်မွေးဝမ်းကြောင်းပြုရင်လည်း အကျိုးပေးပါမည်။ ပညာရေးကို အားစိုက်ထုတ်ကြိုးစားပါ။ ဘဝမှာ ပညာရေးကနံပါတ်၁ စီးပွားရေးက နံပါတ်၂ အချစ်ရေးက နံပါတ်၃ နေရာမှာထားပြီး ဘဝအတွက်ကြိုးစားအားထုတ်ပါက အောင်မြင်တိုးတက်လာပါလိမ့်မည်။ ပညာရေးကို အဖျက်တွေ ဝင်လာစေတတ်ပါတယ် အချစ်ရေးကြောင့် ကျန်းမာရေး ပညာရေး ထိခိုက်တတ်သလို အပေါင်းအသင်းမှားတာ အပျော်အပါး မက်မှုတွေကြောင့် ပညာရေး ထိခိုက်တတ်စေတယ် ပညာရေးနှင့် ပတ်သက်ပြီး ဒီနှစ်မှာ အားနည်းနေမည်။ တခြားသောအကြောင်းအရာတွေ စိတ်နှစ်နေမှုကြောင့် ပညာရေးခက်ခဲမှုတွေ ရှိနေမည်။
အကျိုးပေးဂဏန်းအနေနဲ့။ ။ ၂၊ ၄၊ ၁ ထိုဂဏန်းတွေက တစ်နှစ်ပတ်လုံး အကျိုးပြုစေပြီး ထီထိုးတာမျိုး တစ်ခြားသောကိစ္စတွေမှာ အသုံးပြုခြင်းဖြင့် ကံကောင်းစေပါလိမ့်မည်။
အကျိုးပေးအရောင် ။ ။ ဒီနှစ်အတွင်းမှာ ကံဇာတွေပွင့်ပြီး အကျိုးပေးအရောင်အနေနဲ့က အဖြူရောင်၊ အစိမ်းရောင် ခဲရောင် ငွေရောင် ဖြူမှိုင်းသောအ‌ရောင် ရွှေဝါရောင်တွေဖြစ်ပါတယ်။ အရေးကြီးသော စကား အရေးကြီးသော လုပ်ငန်းကိစ္စတွေ ခရီးကိစ္စတွေ အကြောင်းအရာတွေမှာ ဝတ်ဆင်ပြီး ပြုလုပ်ပြောဆို ဆောင်ရွက်ခြင်းဖြင့် ကံပွင့်စေမည်။
ရှောင်ရန်။ ။ဒီတစ်နှစ်ပတ်လုံး ။ အမဲ ဆိတ်သား ဇီးသီး အဝါရောင် နီညိုရောင် ရှောင်ပါ။ အိမ်ထောင်ရေးဇယားရှုပ်တာ လောင်းကစား သူ့အသက်သတ်ခြင်း ရှောင်ပါ။ ထိုအရာတွေ ဝတ်ဆင် စားသောက်ခြင်း ပြုလုပ်ခြင်း အထူးရှောင်ရပါမည်။
**ဒီနှစ်အတွက် မိမိတို့အနေနဲ့ အရေးကြီးသော အကြောင်းကိစ္စ အဝဝ ပြုလုပ်ပြောဆိုရာမှာ** အောင်မြင်ဖို့အတွက် အကောင်းဆုံး အကျိုးပေးနေ့တွေမှာ တနင်္လာနေ့နဲ့ ဗုဒ္ဓဟူးနေ့ နတွေဖြစ်ပါတယ်။ တနင်္လာနေ့ အတွင်းမှာ အကောင်းဆုံးအချိန်ဖြစ်တဲ့ မုဆိုးရွှေအိုးရကိန်း အချိန်ဖြစ်တဲ့ နေ့လည် ၁း၁၃မှ ၃း၃၆အတွင်းနဲ့ ပုဏ္ဏား နတ်သမီး ရကိန်းအချိန်ဖြစ်တဲ့ ဗုဒ္ဓဟူးနေ့ မုဆိုးရွှေအိုးရကိန်း အချိန်ဖြစ်တဲ့ မနက် ၆း၁၀မှ ၈း၂၄နာရီ နဲ့ ပုဏ္ဏား နတ်သမီး ရကိန်းအချိန်ဖြစ်တဲ့ ညနေ၃း၃၇မှ ၆း၀၀အတွင်း ထိုအချိန်တွေမှာ အရေးကြီးသော အလုပ်ကိစ္စ အကြောင်းအရာရာ ကိစ္စအဝဝ ပြုလုပ်ပြောဆိုရာမှာ သော်လည်းကောင်း ခရီးကိစ္စတွေ သွားလာတာ မျိုးတွေမှာသော်လည်းကောင်း ထိုအချိန်တွေမှာ ပြုလုပ်ပြောဆို လုပ်ကိုင်ဆောင်ရွက်ခြင်းဖြင့် အောင်မြင်မှုတွေ ရရှိစေပါမည်။
ဘဝတစ်သက်တာမှာ ဘုမ္မိအရပ်က အနောက် မြောက်အရပ်ဖြစ်ပါတယ် ထိုအရပ်မှာ စီးပွားရှာတာ ခရီးထွက်တာ အိမ်ဆောက်တာ အိမ်မျက်နှာလှည့်ပြီး ဆောက်လုပ်တာ လှေကားထားတာ အထူးရှောင်ပါ။
ဘဝတစ်သက်တာအတွက် အကျိုးပေး ရတနာ။ ။ ရွှေ မြ ကျောက်တို့က မိမိတို့ရဲ့ အကျိုးပေး ရတနာတွေပဲ ဖြစ်ပါတယ်။ ထိုရတနာတွေကို ဝတ်ဆင် ထားခြင်းဖြင့် ကံဇာတာပွင့်လန်းစေပါမည်။

ယတြာ။ ။ ။ဒီနှစ် တစ်နှစ်လုံးမှာ မိမိတို့အနေနဲ့ ကံဇာတာပွင့်လန်းစေရန် ကံကောင်းမှုတွေ ရရှိစေရန် ပြုလုပ်ရမည့် ကောင်းမှုကံ ယတြာ တနင်္လာနေ့နဲ့ ဗုဒ္ဓဟူးနေ့မနက် (၉း၄၅) တွင် ရွှေပန်း ခရေ လက်ဖက်သုတ် ရေနွေးကြမ်းတခွက် မိမိအိမ်ဘုရားတွင်လှူပါ။ တစ်ပတ်တခါလှူပြီး မိမိလိုရာဆုတောင်းပါ။ ကောင်းမှု့တစ်ခု နေ့စဉ်ပြု အစားအသောက်ရှားပါးသူ အဝတ်အထည်ရှားပါးသူ ပေးလှူ နာမကျန်းသူကို ဆေးဝါးလှူ။
အညံ့ပပျောက်ရန် ။ ။ ဒီနှစ် တစ်နှစ်လုံးမှာ မိမိတို့အနေနဲ့ ကံအဆိုးအညံ့တွေ ပပျောက်စေရန်အတွက် မည်သည့်နေ့ မဆို ညနေပိုင်းတွင် ဆိတ်သားဟင်းကို ထမင်းကြမ်းနှင့်နယ်ပြီး လမ်းဘေးခွေးကျွေးပါ။ ငါ့မှာရှိတဲ့မကောင်းတဲ့ အညံ့အားလုံးပါသွားစေဟုပြောပြီး ကျွေးပါ ဘာသာရေးအထူးပြုလုပ်ပေးပါ။ ကောင်းမှုတွေနဲ့ ဖြတ်သန်းပါ။ ပုတီးစိပ်ပါ ကံအညံ့ပျောက်စေမည်။