စိတ်စွဲမြင်မက်သော အိပ်မက်နိမိတ်များ

          လူတိုင်းအိပ်မက်မက်ဖူးကြမှာပါ။ တချို့သော အိပ်မက်တွေက မြင်ခြင်း၊ ကြားခြင်း၊ စားရခြင်း၊ သောက်ရခြင်းတို့အပြင် စိတ်ကိုစွဲပြီးမက်တဲ့ အိပ်မက်တွေလည်းရှိတတ်ပါတယ်။ ​

 

စိတ်စွဲပြီးမက်တဲ့အိပ်မက်တွေထဲမှာ သွေးလေချောက်ချားတာကြောင့်မဟုတ်ဘဲ နိမိတ်ပြတဲ့အိပ်မက်တွေလည်းရှိတတ်ပါတယ်။ ​

 

(၁) ရဟန်း၊ ပုဏ္ဏား၊ ပညာရှိတို့ကိုစိတ်စွဲ၍ မြင်မက်ပါက စည်းစိမ်ဥစ္စာတိုးပွားတတ်ပါတယ်။​

(၂) တစ်စုံတစ်ရာကို စွဲလန်း၍ အိပ်မက်ထဲမှာပင် ဆတ်ခနဲနိုးလာသည်ဟုမြင်မက်ပါက အထက်လူကြီး၏ ချီးမြှင့်မြောက်စားမှု ခံရတတ်ပါတယ်။ ​

(၃) မည်သူ့ကိုမှ စကားပြောဆိုခြင်းမရှိဘဲ တိတ်ဆိတ်ငြိမ်သက်စွာနေသည်ဟု မြင်မက်ပါက အသက်အန္တရာယ်တစ်ခုခုနှင့် ကြုံရတတ်ပါတယ်။​

(၄) ရန်သူအပေါ်စိတ်စွဲ၍ မြင်မက်ခဲ့ပါက ရန်သူ့ထံမှအမျက်ပြေစကားကြားရပြီး စိတ်လက်ချမ်းသာတတ်ပါတယ်။​

(၅) ချစ်သူအပေါ်စိတ်စွဲ၍ မြင်မက်ပါက ချစ်သူနှင့်စိတ်အခန့်မသင့်ဖြစ်တတ်ပါတယ်။ ​

(၆) သူတစ်ပါးပစ္စည်းဥစ္စာအပေါ် တပ်မက်စိတ်စွဲ၍ မြင်မက်ခဲ့ပါက မိမိပိုင်ဆိုင်သော ဥစ္စာပစ္စည်းများ ရန်သူမျိုးငါးပါးအန္တရာယ်ကျရောက်တတ်ပါတယ်။​

(၇) အလုပ်တစ်ခုခုအပေါ် စိတ်စွဲ၍ မြင်မက်ခဲ့ပါက အလုပ်ကိစ္စတစ်ခုခုလွဲချော်ခြင်း၊ အထစ်အငေါ့ဖြစ်ခြင်းတို့ ကြုံရတတ်လို့ ဖော်ပြထားပါတယ်။​

၇ ရက်သားသမီးများအားလုံး အိပ်မက်နိမိတ်ကောင်းများမြင်မက်ပြီး လာဘ်လာဘများတိုးပွားကြပါစေ…။