၂၀၂၆ ခုနှစ် တနင်္ဂနွေ သားသမီးများအတွက် ကံကြမ္မာ အဟော

တနင်္လာ သားသမီးများ မိမိတို့ရဲ့ အသက်အပိုင်းအခြား ၁၀၊ ၁၈၊ ၂၆၊ ၃၄၊ ၄၂၊ ၅၀၊ ၅၂၊ ၆၆၊ ၇၄,
၈၂၊ ၉၀။ ထိုနှစ်အပိုင်းအခြားမှာ ကြုံတွေ့ရစေမယ့် ကံကြမ္မာ အစိတ်အပိုင်းများ။

စီးပွားရေး အလုပ်အကိုင်။ ။ တနင်္လာသားသမီးတွေရဲ့ ယခုနှစ်အတွက် အလုပ်အကိုင် စီးပွားရေးမှာဆိုရင်
အဆင်ပြေတော့မလိုနဲ့ မပြေတာတွေရှိနေတတ်ပါတယ်။ လုပ်ငန်းမှာ အတိုက်အခံတွေ များနေတတ်ပါတယ်။
လုပ်ငန်းထစ်ငေါ့တာ ခက်ခဲတာ လွဲချော်တာတွေ ဖြစ်လာစေတတ်တယ်။ စီးပွားတက်မလိုလိုနဲ့ အဆင်မပြေမှုတွေ
ရှိလာတတ်ပါတယ်။ အရောင်းအဝယ်လုပ်နေသူတွေလည်း အရောင်းအဝယ် ပါးနေတာ အမြတ်နည်းစေတတ်တယ်။ စီးပွားရေး
အနည်းငယ် ခက်ခဲစေတတ် မိတ်ဆွေအပေါင်းအသင်းများထံမှ အကူအညီများရရှိမည်။ ဝန်ထမ်းများ အလုပ်နေရာ
ပြောင်းရွှေ့ချင်စိတ်တွေ ပေါ်လာတတ်ပါတယ်။ မကောင်းသေးပါ။ ပြောင်ရင် ဒီထက်ပို ဆိုးစေတတ်ပါတယ်။
မှေးပြီးလုပ်ပါ။ တစ်ပိုင်တစ်နိုင် ကိုယ်ပိုင်လုပ်ငန်းလေးတွေ လုပ်ပါတွဲလုပ်ပါ။ အလုပ်ထဲတွင် စိတ်မဝင်စားဘဲဖြစ်နေမည်။
အလုပ်နှင့်ပတ်သက်ပြီး စိတ်ညစ်စရာပေါ်မယ်။ အလုပ်ပြောင်းချင် ထွက်ချင်စိတ်တွေ ဖြစ်စေမယ်။ အတိုက်အခံတွေ
ပြိုင်ဆိုင်တာတွေ များနေမယ်။ အပြောင်းအလဲတွေ မကောင်းစေပဲ လက်ရှိထက် ပိုဆိုးစေတတ်ပါတယ်။
အရာရာသည်းခံပြီး လုပ်နိုင်မှ ရစေမည် တစ်ပိုင်တစ်နိုင် ကိုယ်ပိုင်အလုပ် လေးတွေနဲ့ တွဲလုပ်ပါ။ အကျိုးပေးစေတတ်
အရင်းအနှီးများတဲ့အလုပ်တွေ မလုပ်သင့်ပါ။ ရှုံးစေတတ်တယ်။ ခရီးသွားရတတ်သည်။ သွားလျှင်ကောင်းသည်။ အဆက်အသွယ်
ကောင်းများရရှိတတ်တယ်။ လုပ်ငန်းမှာ အကြီးအကဲ အထက်လူကြီးနှင့် အဆင်မပြေတာ အလုပ်မှာ လူပင်ပန်း
စိတ်ပင်ပန်းမှုတွေ ရှိနေတတ်ပါတယ်။ ဝန်ထမ်းဆို အလုပ်ပြောင်းချင်ထွက်ချင်စိတ်တွေ ပေါ်နေတတ်ပါတယ်။
ပြောင်းရင်မကောင်းသေးပါ။ အလုပ်ကိစ္စတွေနှင့် ပတ်သက်ပြီး လူမော စိတ်မောရှိစေတတ်ပါတယ်။
ခရီးကိစ္စတွေပေါ်လာတတ်ပါတယ်။ ကိုယ်တိုင်မဟုတ်တောင် အဖော်အပေါင်းနဲ့ လိုက်သွားရစေတတ်ပါတယ်။
နိုင်ငံရပ်ခြားနှင့်ပတ်သက်သော ကိစ္စများအဆင်ပြေမည်။

ယခုနှစ်မှာ မြေယာလုပ်ငန်း၊ ပဲလုပ်ငန်း၊ မွေးမြူရေးလုပ်ငန်းများ ပညာရပ်ပိုင်းတွေ ငွေအရင်းအနှီးမပါပဲ
အတတ်ပညာ ဉာဏ်ပညာနဲ့ ပတ်သက်တဲ့ အလုပ်တွေ လုပ်ကိုင်ပါကအဆင်ပြေမည်။ မြေဝင်ကိန်းလည်းရှိသည် သွပ်သံသစ်
ရောင်းဝယ်ရေးလုပ်ငန်းများ၊ ဟိုတယ်နှင့် ခရီးသွားလာရေးလုပ်ငန်းများ အထည်အလိပ် ဓာတ်ဆီ ဒီဇယ် ထမင်းဆိုင်
ထီဆိုင် နိုင်ငံခြားနဲ့ ဖက်စပ်လုပ်ငန်းတွေ အကျိုးပေးနေမယ်။ အရောင်းအဝယ်လုပ်နေသူတွေ အခက်အခဲတွေ ရှိနေမယ်။
ထင်သလောက် အကျိုးမဖြစ်စေပဲ ရှိနေမယ်။ ရင်နှီးမြှုပ်နှံတာတွေ ရှော့ပါ။ ပုံမှန်လေးပဲ သွားနေပါ။ စနေနံ
ကြာသပတေးနံတွေနဲ့ အရောင်းအဝယ်လုပ်ပါ။ အကျိုးများစေတတ် နိုင်ငံခြားခရီး အဆင်ပြေမည်။ စပ်တူလုပ်ငန်း
ရှယ်ရာလုပ်ငန်းများ သတိထားပြီးလုပ်ပါ လူလိမ်ခံရတတ်သည် လုပ်ငန်းစတင်လုပ်ကိုင်မည့်သူများ မိမိလုပ်ငန်း
ရင်းနှီးမြှုပ်နှံမှုတွေ များစွာ လုပ်ကိုင်တာမျိုးရှောင်ပြီး အနည်းငယ်သာ ပြုလုပ်သင့်ပါတယ်။

ရွှေအဝင်အထွက်ရှိနေမယ် မိမိအိမ်မှာ လူဝင်လူထွက်တွေ များနေတတ်ပါတယ်။ ကိုယ့်အားကိုယ် ကိုးပြီးစီးပွားရှာပါ။
သူတပါးအားမကိုးပါနှင့် အားကိုးမိက မိမိပဲပြန်ဒုက္ခရောက်စေတတ်တယ်။ စက်ပစ္စည်းပျက်တာပြင်တာတွေ ရှိနေမယ်။
သုံးပြီးသား အဟောင်းတွေ ပြန်ဝယ်ပါက မိမိလက်ထဲရောက်ရင် သုံးမရဖြစ်စေတတ်တယ်။ သတိထားပါ
မိတ်ဆွေကောင်းရမယ်။ ဆရာကောင်းတွေ့မယ်။ အသိပညာသစ်တွေရမယ်။ သင်တန်းတက်ရတာ
စာအုပ်စာပေကောင်းများဖတ်ရမယ်။ ယခုနှစ်မှာ စီးပွားရေး အလုပ်အကိုင်ကို ကံဉာဏ် ဝီရိယ အားစိုက်ထုတ်
ကြိုးစားမှသာ အောင်မြင်မှုရစေမည်။ လောဘ ဒေါသ မောဟနဲ့ စီးပွားမရှာသင့် ပျက်စီးတတ်တယ်။
ဖြတ်လမ်းလိုက်မိပါက ဘဝပျက်စေမည်။ စီးပွားရေးနဲ့အတူ ဘာသာရေး ကုသိုလ်ရေး ယှဉ်တွဲလုပ်ပါ ကောင်းမှုတခု
နေ့စဉ်ပြုပါ။ ခိုစာ ခွေးစာ ငှက်စာကျွေးပါ။ လပြည့်လကွယ် သက်သတ်လွတ်စား ဘုရားခန်း
နေအိမ်အမြဲသန့်ရှင်းအောင်ထားပါ။ ဒိဝါတပတိဂါထာ သမ္ဗုဒ္ဓေဂါထာ အဌာနမေတံဂါထာ သက်စေ့ရွတ်ပါ
မေတ္တာများများပို့ပါ ကံတရားရဲ့ထောက်အပံ့ကောင်းတွေ ရရှိလာမှာဖြစ်ပါတယ်။

ငွေကြေး။ ။ငွေကြေးကံအနေနှင့် ငွေ ရလွယ်ကုန်လွယ် ဖြစ်နေတတ်ပါတယ်။ အကြောင်းအမျိုးမျိုးနဲ့ ငွေထွက်နေမယ်။
ငွေရှာရတာ ခက်ခဲလာမယ်။ အဝင်နဲ့အထွက်တွေ မမျှတပဲ ရှိနေမယ်။ ငွေဝင်ပြီးကျွေးတင်နေတတ်ပါတယ်။
ရစရာရှိတာတွေကော ပေးစရာရှိတာတွေကော ခက်ခဲစေတတ်ပါတယ်။ လက်ထဲမှာ ငွေမမြဲပေ ငွေကုန်စရာတွေလည်း
ပေါ်လာတတ်ပါတယ်။ ဆီလိုအပေါက်ရှာပြီး ငွေထွက်နေတတ်ပါတယ်။ ငွေကိုချွေတာပြီး သုံးရန် လိုစေတတ် ငွေချေးတာ
အာမခံတာ အထူးရှောင်ပါ။ ငွေလူလိမ်ခံရတတ်ပါတယ်။ ငွေကြေးက မမြဲတတ်သောကြောင့် ငွေနဲ့ရင်းတဲ့အလုပ်တွေ
ဖြတ်လမ်းစီးပွားရေးတွေ ရှောင်ပါ။ ငွေကဝင်ငွေတစ်ခုထဲ မရပ်တည်ပဲ အဖက်ဖက်က ငွေရှာနိုင်မှရစေမည်။
ငွေကံကောင်းစေရန် ငွေမြဲစေရန် အနက်ရောင်အိပ်ကိုဆောင် တွယ်ချိတ် ရွှေရောင်ငွေရောင်တွဲချိတ်ပြီး ပိုက်ဆံအိပ်ထဲထည့်
ဒေါ်လာတစ်ရွက် အမြဲဆောင် လာဘ်ပွင့်ဂါထာ အမြဲရွတ် ငွေကံကောင်းစေအံ့။

လူမှုရေး။ ။ လူမှုရေး အနည်းငယ် အညံ့ပေါ်နေစေတတ် သူတပါးမကောင်းပြောဆိုတာ ခံရတတ်ပါတယ်။
အကြီးအကဲအထက်လူကြီးပိုင်းနဲ့ အဆင်မပြေတာတွေ အထက်လူကြီးကြောင့် စိတ်ညစ်ရတာမျိုးတွေကြုံရတတ်ပါတယ်။
အိမ်တွင်းရေး မအေးချမ်းပဲ ရှိနေမယ်။ အလုပ်မှာရော အိမ်မှာပါ လက်အောက်ငယ်သား မိမိညီအကို
မောင်နှမတွေကြောင့်လည်း စကားအခြေအတင် ပြောရတတ်ပါတယ်။ ကိုယ့်ကိုကိုယ်ပဲ အားကိုးပါ သူတပါးအားမကိုးပါနဲ့။
စိတ်လိုက်မာန်ပါ ပြုမူပြောဆိုတာတွေ ရှောင်ပါ။ ပြဿနာအမှုအခင်း ဖြစ်တတ်တယ်။ ရှောင်ပါ။ ဖြစ်လျှင်
မိမိအရှုံးရှိမည်။ စေတနာကောင်း စိတ်ကောင်းထားပါ ဘာသာရေး ပိုလုပ်ပါ။ သူများပြဿနာ ဝင်ဖြေရှင်းတာတွေ
မပြုလုပ်ရ။ စေတနာအမှား ဖြစ်တတ်သောကြောင့် သတိထားရှောင်ပါ။ သောကြာနံပါတဲ့နေ့သားတွေ
အင်္ဂါနံပါတဲ့နေ့သားတွေနဲ့ စကားပြောဆိုတာ သတိထားပါ။ အိမ်တွင်းရေး ပြဿနာတွေလည်း ပေါ်လာတတ်တယ်။
စိတ်ကိုအေးအေးထားပြီး ဖြေရှင်းပါ။ ရန်ရှောင်ပါ အရာရာအေးချမ်းစေမည်။ ပြိုင်ဆိုင်မှု တိုက်ခိုက်မှုတွေကို
ဥ‌ပေက္ခာပြုပြီး နေထိုင်ပြောဆိုပါမှ အေးချမ်းစေမည်။

ကျန်းမာရေး ။ ။ ကျန်းမာရေးမှာဆိုရင် အနည်းငယ် ချူချာ နေစေမည်။ ဦးခေါင်းမကြည်တာ
အကြောတက်တာ ဆီး မျက်စိ အစာအိမ်လေအောင့်တာ သွေးအားနည်းပြီး မူးမောတာ ခြေလက် ထိခိုက်ဒါဏ်ရာ
ရတာတွေ ချောင်းဆိုး ရင်ကျပ်တာ ဖြစ်ပေါ်နေတတ်ပါတယ်။ ဖြစ်ပြီးသားရောဂါ ပြန်ဖြစ်လာတာမျိုးလည်း
ကြုံရတတ်ပါတယ်။ အမျိုးသမီးတွေ သွေးသားမမှန်စေတာမျိုးတွေ ရှိနေမယ်။ အသက်ကြီးပိုင်းတွေ ဆီချို
သွေးတိုးရောဂါ လိုမျိုးဖြစ်စေမည်။ အကုန်ဖြစ်မယ်လို့တော့ မဆိုလိုပေ တစ်ခုမဟုတ် တစ်ခု ဖြစ်ပေါ်လာတတ်ပါတယ်။
သတိထားရန်တော့ လိုမည်။ ကျန်းမာရေးတော့ အထူးဂရုစိုက်ရန်လိုနေမည်။ ကျန်းမာရေးအတွက် ရေလှူပါ။
ငါးလွှတ်ပါ။ ငှက်လွှတ်ပြီးဆုတောင်းပါ။ မွေးနံထောင့်မှာ အခင်းလှူ ဘာသာရေးပိုလုပ်ပါ။

အိမ်ထောင်ရေး ။ ။ ယခုနှစ် အိမ်ထောင်ရေးမှာဆိုရင် မိမိအိမ်ထောင်ဘက်နှင့် မကြာခဏ စကားများရတတ်သည်။
တစ်ယောက်နဲ့တစ်ယောက် အကြည်ဓာတ်လေးတွေ လျှော့နည်းနေမယ်။ ဂတောက်ဂဆတွေ ဖြစ်ပေါ်နေတတ်ပါတယ်။
တစ်ယောက်နှင့်တစ်ယောက် စိတ်တိုင်းမကျတာ နားလည်မှုတွေလွဲနေတာ အလိုမကျတာတွေ မကြာခဏဖြစ်ပေါ်နေပါမယ်။
လက်အောက်ငယ်သား သားသမီးရှိက သားသမီး ကြောင့်စိတ်ညစ်ရတတ်သည်။ အိမ်ထောင်ရေးမှာ
ကြားလူဝင်နှောင့်ယှက်တာတွေ အိမ်ထောင်ရေးအဖျက်အဆီး အနှောင့်အယှက်တွေကြုံလာပါမယ်။

အိမ်ထောင်ရေးဇယားရှုပ်တာ အပျော်အပါးလိုက်စားပါက နာမည်ဂုဏ်သိက္ခာ ဒုက္ခရောက်စေမည်။ အသောက်အစား
ရှိပါက အိမ်ထောင်ရေးရန်ပေါ်တတ်ပါတယ်။ အိမ်ထောင်ရေး ဇယားရှုပ်တာ အထူးရှောင်ပါ။
ရှုပ်ထွေးမှုတွေဖြစ်ပေါ်တတ်ပါတယ် ထိုသို့ပြုလုပ်မိပါက မမျှော်လင့်ထားတဲ့ ပြဿနာတွေဖြစ်လာတတ်ပါတယ်။
စီးပွားပျက်တတ်တယ်။ ဂုဏ်သိက္ခာ ကျဆင်းတတ်သောကြောင့် သတိထားဆင်ခြင်ရန်လိုအပ်ပါမည်။ အိမ်ထောင်ရေးပိုင်းမှာ
အခန့်မသင့်ရင် ကွဲစေ ပြတ်စေတာမျိုးတွေ ရှိလာတတ်တယ်။ သတိထားသင့်ပါတယ်။ အိမ်ထောင်ရေးမှာ
ဆိုးတူကောင်းဖက်တိုင်ပင်ပြီး လက်တွဲမှသာ အဆင်ပြေစေတတ်ပါတယ် ကုသိုလ်ရေးအတူလုပ် ဘာသာရေး အတူလုပ် စီးပွားရေး
တိုင်ပင်ပြီး လက်တွဲပါ။

အချစ်ရေး။ ။ယခုနှစ်အတွင်း အချစ်ရေး အနည်းငယ် စိတ်ညစ်စေရတတ်ပါတယ် အဆင် မပြေတာတွေလည်း
ရှိနေတတ်ပါတယ် မိမိချစ်သူကြောင့် စိတ်ပင်ပန်းစေရတတ်တယ်။ အချစ်ရေးဂတောက်ဂဆတွေ များနေမယ် မိမိထက်
အသက်အနည်းငယ်ကြီးသူဖြစ်ပါက အဆင်ပြေမှုတွေ ကြုံရပါလိမ့်မယ်။ ငယ်သူဖြစ်ပါက စိတ်ညစ်ရစေတတ် လက်ရှိချစ်သူနှင့်
မကြာခဏ စိတ်ဆိုးစိတ်ကောက် စကားများနေရတာတွေ ရှိနေတတ်ပါတယ် ရန်ဖြစ်လိုက် ပြန်ချစ်လိုက်ရှိနေမယ်၊
တခါတရံအထင်အမြင်လွဲမှားတာတွေ နားလည်မှု လွဲမှားတာတွေရှိနေတတ်ပါတယ် စိတ်တိုင်းမကျ အလိုမကျတာတွေလည်း
ရှိနေတတ်ပါတယ်။ တခါတလေ ရှေ့တိုးရအခက် နောက်ဆုတ်ရအခက် တွေဝေနေတတ်တယ်အခန့်မသင့်ပါက ကွဲစေပြတ်စေမည်။
တစ်ယောက်နဲ့တစ်ယောက် မာန်မာနတွေကြောင့် ပြတ်စေတတ်တယ် ဇာတာရှင်သည် အချစ်ရေးနှင့်ပတ်သက်ပြီး ပူပင်မှုတွေ
ကြုံရတတ်တဘ် အချစ်ရေးမှာ ကြားလူအနှောက်အယှက်တွေ ပေါ်လာစေမယ် အချစ်ရေးဇယားရှုပ်ပါက ကွဲစေပြတ်စေမည်။
ယခုနှစ် တွင်အိမ်ထောင်ကျကိန်း ရှိနေပါတယ် မသင့်တော်သေးပါ ငယ်ရွယ်စဉ် အိမ်ထောင်ကျပါက ပြန်ကွဲတတ်ပါတယ်
အိမ်ထောင်မတည်မြဲနိုင်ပါ ယခုနှစ်အချစ်ရေးက စိတ်ညစ်စရာ ပူပင်မှုလေးတွေနှင့် ဖြတ်သန်းရတတ်ပါတယ်
ချစ်သူနှစ်ဦးကြားမှာ အဖျက်အစီးတွေ ဝင်လာစေတတ်ပါတယ် အချစ်ရေး ဇယားရှုပ်တာ အပျော်အပါး
လိုက်စားပါက မတည်မြဲနိုင်ပါ။ အချစ်ရေးကံကောင်းစေရန် ချစ်သူနှစ်ဦးရဲ့ ဓာတ်ပုံကို
မျက်နှာချင်းဆိုင်ကော်နှင့်ကပ်ပြီး၊ အပ်ချဉ်ကြိုးနှင့် ၁၀ပတ်ရစ်ပြီး ဓာတ်ဗူးထဲကိုထည့်ပါ။
မေတ္တာသုပ်၁၀ခေါက်ရွတ်ပြီးဆုတောင်းပါ။

ပညာရေး။ ။ယခုနှစ်မှာပညာရေးနှင့် ပတ်သက်ပြီး ကောင်းမွန်ပါမည် အသိပညာသစ် အတတ်ပညာသစ်တွေရမယ်
ဆရာကောင်း သမားကောင်းတွေရမယ် သင်တန်းတက်ရစေမည် လဒ်တလော ပညာရေးထစ်ငေါ့တာ လွဲချော်တာတွေလည်း
ရှိနေပေမယ့် မကြာခင်ပြန်လည် ကောင်းမွန်လာပါမည်။ ပညာတတ်လေ ဘဝလမ်းခရီး အောင်မြင်လေဖြစ်ပါမယ်
ပညာဖြင့် အသက်မွေဝမ်းကြောင်း ပြုရင်လည်း အကျိုးပေးပါမည်။ ပညာရေးကိုဝီရိယ အားစိုက်ထုတ်ကြိုးစားပါ
ဘဝအတွက်ကြိုးစားအားထုပ်ပါက အောင်မြင်တိုးတက်လာပါလိမ့်မည်။ ပညာရေးကို အဖျက်တွေ ဝင်လာစေတတ်ပါတယ်
အချစ်ရေးကြောင့် ပညာရေး ထိခိုက်တတ်သလို အပေါင်းအသင်းမှားတာ အပျော်အပါး မက်မှုတွေကြောင့် ပညာရေး
ထိခိုက်တတ်စေတယ် ပညာရေးနှင့် ပတ်သက်ပြီး ကံ ဉာဏ် ဝီရိယ အားစိုက်ထုတ်ရမယ့် သူမျိုးဖြစ်တယ်
အတန်းပညာပြီးဆုံးရင်လည်း အတတ်ပညာ ဘာသာစကားဆိုင်ရာ ကွန်ပျူတာနဲ့ဆိုင်တဲ့ ပညာမျိုးတွေ လေ့လာပါ သင်ယူပါ
ဘဝအတွက် အထောက်အကူဖြစ်စေလိမ့်မည်။

ဒီနှစ်အတွင်း အကျိုးပေးဂဏန်းအနေနဲ့။ ။ ၅၊၇၊ ၄ ထိုဂဏန်းတွေက တစ်နှစ်ပတ်လုံး အကျိုးပြုစေပြီး ထီထိုးတာမျိုး
တစ်ခြားသောကိစ္စတွေမှာ အသုံးပြုခြင်းဖြင့် ကံကောင်းစေပါလိမ့်မည်။

အကျိုးပေးအရောင်။ ။ဒီနှစ်အတွင်းမှာ ကံဇာတွင့်ပွင့်ပြီး အကျိုးပေးအရောင်အနေနဲ့က အနက်ရောင် နက်ပြာရောင်
အဝါရောင် အဝါပွင့် ပန်းရောင် ကာလာအရင့်ရောင်တွေ ဖြစ်ပါတယ်။ အရေးကြီးသော အရေးကြီးသော စကား
အရေးကြီးသော လုပ်ငန်းကိစ္စတွေ ခရီးကိစ္စတွေ အကြောင်းအရာတွေမှာ ဝတ်ဆင်ပြီး ပြုလုပ်ပြောဆို
ဆောင်ရွက်ခြင်းဖြင့် ကံပွင့်စေမည်။

ရှောင်ရန်။ ။ဒီတစ်နှစ်ပတ်လုံး သခွားသီး သကြား အမဲသား သူ့အသက်သတ်ခြင်း၊ လောင်းကစားပြုလုပ်ခြင်း
အနီရောင် အပြာရောင် ဝတ်ဆင်ခြင်း ထိုအရာတွေ အထူးရှောင်ရပါမည်။

**ဒီနှစ်အတွက် မိမိတို့အနေနဲ့ အရေးကြီးသော အကြောင်းကိစ္စ အဝဝ ပြုလုပ်ပြောဆိုရာမှာ** အောင်မြင်ဖို့အတွက်
အကောင်းဆုံး အကျိုးပေးနေ့တွေမှာ ကြာသပတေးနေ့နဲ့ စနေနေ့ နေ့တွေဖြစ်ပါတယ် ထိုနေ့အတွင်းမှာ
အကောင်းဆုံးအချိန်ဖြစ်တဲ့ မုဆိုးရွှေအိုးရကိန်း အချိန် ကြာသပတေးနေ့ မနက်၈း၂၅မှ ၁၀:၄၈ နဲ့ စနေနေ့အတွက်
နေ့လည် ၁း၁၃မှ ၃း၃၆အတွင်းနဲ့ ပုဏ္ဏား နတ်သမီး ရကိန်းအချိန်ဖြစ်တဲ့ ကြာသပတေးနေ့၃း၃၇မှ၆း၀၀နာရီ နဲ့
စနေနေ့ မနက်၈း၂၅မှ ၁၀:၄၈ထို အချိန်တွေမှာ အရေးကြီးသော အလုပ်ကိစ္စ အကြောင်းအရာရာ ကိစ္စအဝဝ
ပြုလုပ်ပြောဆိုရာမှာ သော်လည်းကောင်း ခရီးကိစ္စတွေ သွားလာတာ မျိုးတွေမှာသော်လည်းကောင်း ထိုအချိန်တွေမှာ
ပြုလုပ်ပြောဆို လုပ်ကိုင်ဆောင်ရွက်ခြင်းဖြင့် အောင်မြင်မှုတွေ ရရှိစေပါမည်။

ဘဝတစ်သက်တာမှာ။ ။ဘုမ္မိအရပ်က အနောက်တောင်အရပ်ဖြစ်ပါတယ် ထိုအရပ်မှာ စီးပွားရှာတာ ခရီးထွက်တာ
အိမ်ဆောက်တာ အိမ်မျက်နှာလှည့်ပြီး ဆောက်လုပ်တာ လှေကားထားတာ အထူးရှောင်ပါ။

ဘဝတစ်သက်တာအတွက် အကျိုးပေး ရတနာ။ ။ပုလဲ အဖြူရောင် ကျောက်တို့က မိမိတို့ရဲ့ အကျိုးပေး ရတနာတွေပဲ
ဖြစ်ပါတယ်။ အမြဲလို ဝတ်ဆင် အသုံးပြုခြင်းဖြင့် ကံဇာတာ ပွင့်လန်းစေတတ်ပါတယ်။

ယတြာ။ ။ ဒီနှစ် တစ်နှစ်လုံးမှာ မိမိတို့အနေနဲ့ ကံဇာတာပွင့်လန်းစေရန် ကံကောင်းမှုတွေ ရရှိစေရန် ပြုလုပ်ရမည့်
ကောင်းမှုကံ ယတြာ အနေနဲ့က စနေနေ့မနက် (၉း၄၅) တွင် ထောပတ်ထမင်း နို့တခွက်ကို မိမိအိမ်ဘုရားတွင်လှူပါ။
တစ်လတခါ စနေထောင့်မှာ ထီးဖြူအသေး၁၂လက် လှူပါ မိမိလိုရာဆုတောင်းပါ။ ဘာသာတရား အထူးကိုင်းရှိုင်းပါ
ငါးပါးသီလမြဲအောင်ထိန်းပြီး ပြုမူပြောဆို နေထိုင်ရန် လိုအပ်ပါလိမ့်မည်။

အညံ့ပပျောက်ရန် ။ ။စနေနေ့ညနေပိုင်းတွင် သခွားသီးတလုံးမှာ သွားကြားထိုးတံ ၈ချောင်းစိုက်ပြီး ငါ့ဒါဏ်နင်ခံ
ငါ့မှာရှိတဲ့မကောင်းတဲ့ အညံ့အားလုံးပါသွားစေဟုပြောပြီး ရေရှင်မှာ မျှောပါ မိမိအိမ်အပြင်ဘက်တွင်ပြုလုပ်ပါ။
တစ်လနှစ်ကြိမ်ပြုလုပ်ပါ။ ဘာသာရေး အထူးပြုလုပ်ပေးပါ၊ ပုတီးစိပ်ပါ ကောင်းမှုတွေနဲ့ ဖြတ်သန်းပါ
ကံအညံ့ပျောက်စေပြီး ကံကောင်းစေပါလိမ့်မည်။