၂၀၂၆ ခုနှစ် တနင်္ဂနွေ သားသမီးများအတွက် ကံကြမ္မာ အဟော

တနင်္လာသားသမီးများ မိမိတို့ရဲ့ အသက်အပိုင်းအခြား ၁၁၊ ၁၉၊ ၂၇၊ ၃၅၊ ၄၃၊ ၅၁၊ ၅၉၊ ၆၇၊ ၇၅၊
၈၃၊ ၉၁။ ထိုနှစ်အပိုင်း အခြားမှာ ကြုံတွေ့ရမယ့် မိမိတို့ရဲ့ ကံကြမ္မာ အစိတ်အပိုင်းများ။

စီးပွားရေး၊အလုပ်အကိုင်။ ။ယခုနှစ်မှာ ဇာတာရှင်အနေဖြင့် အလုပ်အကိုင် စီးပွားရေးနဲ့ ပတ်သတ်ပြီး ကံ၊ ဉာဏ်၊
ဝီရိယအားစိုက်ထုတ်ရမည့် နှစ်ဖြစ်တယ်။ လုပ်သလောက် အကျိုးမဖြစ်စေပဲ ရှိနေမည်။ ခက်ခဲမှုတွေ ထစ်ငေါ့မှုတွေ
အကြောင်းအမျိုးမျိုးတွေကြောင့် လုပ်ငန်းစီးပွား အနည်းငယ် ကျဆင်းနေမည် လူမော စိတ်မောဖြစ်နေမည်။
လုပ်ငန်းတိုးချဲ့ရတာတွေ ပေါ်လာတတ်ပါတယ် ရင်းနှီးမြှုတ်နှံတာတွေ မလုပ်သင့်ပေ ဖြတ်လမ်း စီးပွားရေး ရှောင်ပါ
မိတ်ဆွေကောင်း တွေထံမှ အကူအညီတွေ ရလာတတ်ပါတယ်။ အမျိုးသမီး တစ်ဦးထံမှ အထောက်အပံ့ကောင်းတွေ
ရလာစေတတ်ပါတယ်။ ဝန်ထမ်းဆို အလုပ်မှာအပြိုင် အဆိုင်အတိုက်အခိုက်တွေပေါ်မည်။ လုပ်သမျှလည်း မထင်ပေါ်တာ
အရာမရောက်တာတွေလည်း ကြုံတွေ့ရတတ်ပါတယ်။ အကြီးအကဲ အထက်လူကြိးပိုင်းတွေနဲ့ အဆင်မပြေဖြစ်စေမည်
စိတ်ညစ်ရတတ်တယ်။ လုပ်ငန်းထစ်ငေါ့တာ လွဲချော်တာတွေရှိနေမယ်။ တခါတလေ အလုပ်ပြောင်းချင် ထွက်ချင်စိတ်
ပေါ်လာစေတတ်တယ် ရာထူး၊ လစာတိုးမယ်။ အစိုးရ ဝန်ထမ်းဆို သင်တန်းတွေ တက်ရစေတတ်ပါတယ် အဆိုးအကောင်း
ဒွန်တွဲနေတဲ့နှစ်ဖြစ်တယ် လုပ်ငန်းသစ် စလုပ်မည်ဆိုပါက အကျိုးပေးမယ် ကိုယ်ပိုင်လုပ်ငန်း တပိုင်တနိုင် တွဲလုပ်ပါ ဝန်ထမ်းဆို
စီးပွားဖြစ်နှေးစေတတ်ပါတယ် လုပ်ငန်းသစ် အကြံအစည်သစ်တွေလည်း ပေါ်လာစေတတ်ပါတယ် လုပ်ငန်းပိုင်းတွေမှာ
ရန်အတိုက်အခံတွေ ပေါ်လာစေတတ်ပါတယ် သတိထားပြီး လုပ်ကိုင်ရန်လိုပေမည်။ သူတပါးကို အားမကိုးပဲ
ကိုယ်တိုင်လုပ်ကိုင်ဆောင်ရွတ်မှသာ ပြီးမြောက်အောင်မြင်စေပါမည်။

စနေနံတွေ ဝင်ဖို့ရှိတယ် ထီး ဖိနပ် နာရီ အထည်အလိပ်တွေဝင်မယ် လူမျိုးခြား ဘာသာခြား အဆင့်အတန်းမြင့်သူတွေရဲ့
ကူညီမှုတွေရမယ် မြေ အမွေရတတ်ပါတယ် ပရိဘောဂ ပစ္စည်းတွေဝင်ပါမယ် အသိပညာသစ် အတတ်ပညာသစ်တွေရပါမည်။
ရွှေဝင်မယ် ရေတွင်းရေကန် တူးရစေတတ်ပါတယ် အလှူဒါနလေးတွေ ပြုရတတ်တယ်။ ကိုယ်အားကို ကိုးပြီးစီးပွားရှာပါ
သူတပါးကို အားမကိုးမိပါစေနှင့် မိမိပဲဒုက္ခရောက်စေတတ်ပါတယ် မိမိအိမ်မှာ လူဝင်လူထွက်တွေ များစေတတ်ပါတယ်။
အရောင်းအဝယ်သမားတွေ ထင်သလောက်အမြတ်မကျန်ပဲ ရှိနေမယ် သိုလှောင်ထားတဲ့ပစ္စည်းတွေ အမြတ်နည်းမည်
ကုန်ရောင်း၊ ကုန်ဝယ်လုပ်ငန်း၊ ပွဲရုံ ၊ ပွဲစားလုပ်ငန်းတွေ အမြတ်အစွန်းရမယ်။ ခရီး ထွက်ရကိန်းတွေကြုံရမယ်။
နိုင်ငံခြားခရီးစဉ်တွေ အကျိုးပေးစေတတ်ပါတယ် အဖော်အပေါင်းနဲ့ သွားရခြင်မျိုး ဖြစ်လာစေတတ်ပါတယ်
လူမျိုးဘာသာမတူသူတွေ အကူအညီပေးတတ်တယ်။ ထီကံကောင်းတယ် ဘာသာရေးဆိုင်ရာပစ္စည်းတွေ ဘုရားဆင်းတုတော်
ဘုရားဓာတ်ပုံတွေ ဝင်လာလျှင် ကံကောင်းမယ် လာဘ်ဝင်မယ် ထီထိုးပါ။

ဘာသာရေး သာသနာရေးလုပ်ငန်းများလည်း လုပ်ကိုင်ရတတ်တယ်။ ဝန်ထမ်းဆိုရင် အပြောင်းအလဲကိစ္စတွေ
မကောင်းသေးပါ အလုပ်မှာ လူပင်ပန်း စိတ်ပင်ပန်းမှုတွေ ရှိစေတတ်ပါတယ် အလုပ်မှာ စိတ်မပါသလို ဖြစ်စေတတ်ပါတယ်
ပြောင်းချင်ရင် မွေးလကျော်မှပြောင်းပါ ကိုယ်ပိုင်လုပ်ငန်းကို တပိုင်တနိုင်စလုပ်ရင် လုပ်လို့ရစေတတ်ပါတယ်
မြောက်အရပ် အရှေ့တောင်အရပ်တွေ ခရီးသွားတာ စီးပွားရှာတာရှောင်ပါ ယခုနှစ်မှာ စီးပွားရေး
စတင်လုပ်ဆောင်မည်ဆိုပါက အကျိုးပေးမယ့်လုပ်ငန်းတွေမှာ စနေနံနဲ့ ကြာသပတေးနံ လုပ်ငန်းများ ဗုဒ္ဓဟူးနံနဲ့
လုပ်ကိုင်ပါက အကျိုးပေးပါတယ်။ အထည်၊ ဓာတ်ဆီ၊ ဒီဇယ်၊ ထီ၊ ထမင်းဆိုင်လုပ်ငန်း၊ ပွဲရုံ၊ ပွဲစား၊ မွေးမြူရေး၊
ပရိဘောဂလုပ်ငန်းတွေ လူသုံးကုန် လက်မှုပညာလုပ်ငန်း တပ်ရှော့ ရေလုပ်ငန်း အလှအပရေးရာလုပ်ငန်းတွေ
အကျိုးအမြတ်ရမယ် အောင်မြင်ပါလိမ့်မယ်။

သူခိုးခိုးခံရတတ်တယ် စက်ပစ္စည်း ပျက်တာပြင်တာ ပျောက်တာဖြစ်စေတတ်တယ် အိမ်တွင်းရေး အိမ်ထောင်ရေးတို့မှာ
အဆင်မပြေတာတွေ ဖြစ်စေတတ်တယ် သတိထားပြောဆို နေထိုင်ရန် လိုစေတတ်ပါတယ် စီးပွားရေးနဲ့အတူ ဘာသာရေး
ကုသိုလ်ရေး ယှဉ်တွဲလုပ်ပါ ကောင်းမှုတခု နေ့စဉ်ပြုပါ။ ခိုစာ ခွေးစာ ငှက်စာကျွေးပါ။ လပြည့်လကွယ်
သက်သတ်လွတ်စား ဘုရားခန်း နေအိမ်အမြဲ သန့်ရှင်းအောင်ထားပါ။ မိဘအဝတ်အစားလျှော် ဒါနကောင်းမှု
နေ့စဉ်ပြုပြီး ဖြတ်သန်းပါ။ ကံတရားရဲ့ ထောက်အပံ့ကောင်းတွေ ရရှိလာမှာဖြစ်ပါတယ်။

ငွေကြေး ။ ။ ငွေကြေးကံအနေနှင့် ငွေ ရှာရလွယ်နေတတ်ပါတယ်။ သို့ပေမယ့် လက်ထဲမှာ ငွေမမြဲပေ
ငွေကုန်စရာတွေလည်း ပေါ်လာတတ်ပါတယ်။ ငွေအဝင်အထွက်တွေ များနေတတ်ပါတယ်။ ငွေယိုပေါက်တွေ များနေပြီး
ငွေထွက်နေတတ်ပါတယ်။ ကျောက်နီ ပတ္တမြား ရတနာ ရွှေငွေ ရရှိစေမဲ့နှစ်ဖြစ်သည်။ ဒီနှစ်ထဲတွင် ရသလောက်
ပြန်ထွက်တတ် မမြဲတတ်၍ သတိရှိဖို့ လိုပါမည်။ ရစရာရှိတာတွေကော ပေးစရာရှိတာတွေကော ခက်ခဲစေတတ်ပါတယ်။
ငွေကိုချွေတာပြီး သုံးရန် လိုစေတတ် ငွေချေးတာ အာမခံတာ အထူးရှောင်ပါ။ ငွေလူလိမ်ခံရတတ်ပါတယ်။ ငွေကြေးက
မမြဲတတ်သောကြောင့် ငွေနဲ့ရင်းတဲ့အလုပ်တွေ ဖြတ်လမ်းစီးပွားရေးတွေ ရှောင်ပါ။ ထီကံကောင်းမယ်။ ထီပေါက်ကိန်း
ရှိပါတယ်။ အကျိုးပေးဂဏန်း ၇ ၅ ၄ ဖြစ်ပါတယ်။ ငွေက အဖက်ဖက်ကရှာဖွေနိုင်မှ မြဲစေမည် ငွေဝင်လမ်းတစ်ခုထဲဆို
ငွေကြေးခက်ခဲစေပြီး ပူပင်ရစေမည်။ ငွေကံကောင်းစေရန် လာဘ်ပွင့်ဂါထာကို မနက်ည ၁၀ ခေါက်ရွတ်ပါ။ ပံ့သကူ
မကြာမကြာပြစ်ပြီး ဆုတောင်း ခွေးစာ ငှက်စာကျွေးပါ ငွေကံကောင်းစေမည်။

လူမှုရေး ။ ။ လူမှုရေး အနည်းငယ် ပြဿနာလေးတွေ ရှိနေတတ်ပါတယ်။ သူတပါးမကောင်းပြောဆိုတာ
ခံရတတ်ပါတယ်။ အတိုက်အခံ အခြေအတင်လေးတွေ စကားပြောရတတ်ပါတယ်။ အကြီးအကဲ အထက်လူကြီးပိုင်းနဲ့
အဆင်မပြေတာတွေ အထက်လူကြီးကြောင့် စိတ်ညစ်ရတတ်ပါတယ်။ အားနာမှုကြောင့် ဒုက္ခရောက်တတ်ပါတယ်။
နာရေးသတင်းတွေ ပေါ်မယ်။ ဆွေမျိုးထဲမှ ဖြစ်ပေါ်လာတတ်တယ်။ လက်အောက်ငယ်သား မိမိညီအကို
မောင်နှမတွေကြောင့်လည်း စကားအခြေအတင် ပြောရစေတတ်ပါတယ်။ ကိုယ့်ကိုကိုယ်ပဲ အားကိုးပါ။
သူတပါးအားမကိုးပါနှင့် စိတ်လိုက်မာန်ပါ ပြုမူပြောဆိုတာတွေ ရှောင်ပါ။ ပြဿနာလေးတွေ ဖြစ်လာတတ်ပါတယ်။
စေတနာကောင်း စိတ်ကောင်းထားပါ။ ဘာသာရေး ပိုလုပ်ပါ။ သူများပြဿနာ ဝင်ဖြေရှင်းတာတွေ မပြုလုပ်ရ။
စေတနာအမှား ဖြစ်တတ်သောကြောင့် သတိထားရှောင်ပါ။ သောကြာနံပါတဲ့နေ့သားတွေ အင်္ဂါနံပါတဲ့နေ့သားတွေနဲ့
စကားပြောဆိုတာ သတိထားပါ။ အိမ်တွင်းရေး ပြဿနာတွေလည်း ပေါ်လာတတ်တယ်။ အရာရာကို သတိနဲ့ ပြောဆို
ဆက်ဆံပါ။ ခန္ဓီတရား လက်ကိုင်ထားပြီး ပြုမူနေထိုင်ပါက အဆင်ပြေမည်။

ကျန်းမာရေး ။ ။ ကျန်းမာရေးမှာဆိုရင် ဆီး မျက်စိ အစာအိမ်လေအောင့်တာ သွေးအား အတက်အကြတွေကြောင့်
မူးမောတာ ခြေလက် ထိခိုက်ဒါဏ်ရာ ရတာတွေ ချောင်းဆိုး၊ ရာသီအကူးအပြောင်း ဖျားနာတာတွေ၊
ခေါင်းမူးတာ အသေးစား အက်စီးဒန့်လို ဖြစ်ပေါ်နေတတ်ပါတယ်။ အထူးသတိထားပါ။ ဖြစ်ပြီးသားရောဂါ
ပြန်ဖြစ်လာတာမျိုးလည်း ကြုံရတတ်ပါတယ်။ အကုန်ဖြစ်မယ်လို့တော့ မဆိုလိုပေ။ တစ်ခုမဟုတ်တစ်ခု
ဖြစ်ပေါ်လာတတ်ပါတယ်။ သတိထားရန်တော့ လိုတတ် သက်ကြီးရွယ်အိုကို ဆေးဝါးဓာတ်စာလှူ သူ့အသက်သတ်ခြင်းရှောင်
လှောင်အိမ်ထဲက ချုပ်နှောင်ထားသော သတ္တဝါတွေ လွှတ်ပြီးဆုတောင်းပါ ဘာသာရေးပိုလုပ်ပါ။

အိမ်ထောင်ရေး ။ ။ ယခုနှစ် အိမ်ထောင်ရေးမှာဆိုရင် အဆင်မပြေမှုလေးတွေ ရှိနေတတ်ပါတယ်။ ဂတောက်ဂဆတွေ
ဖြစ်ပေါ်နေတတ်ပါတယ်။ တစ်ယောက်နှင့်တစ်ယောက် စိတ်တိုင်းမကျတာ နားလည်မှုတွေလွဲနေတာ အလိုမကျတာတွေ
မကြာခဏဖြစ်ပေါ်နေပါမယ်။ ရန်များနေတာ အရှော့မပေး အရှုံးမပေးပဲ စကားအခြေအတင်တွေ
ပြောနေရတတ်တယ်။ လက်အောက်ငယ်သား ညီအကိုမောင်နှမ အတွက်သော်လည်းကောင်း သားသမီးရှိက သားသမီး
ကြောင့်စိတ်ညစ်ရတတ်သည်။ အိမ်ထောင်ရေးမှာ ကြားလူဝင်နှောင့်ယှက်တာတွေ ကြုံလာပါမယ်။

ဒီနှစ်ပိုင်းမှာ အိမ်ထောင်ရေးဇယားရှုပ်တာ အပျော်အပါး လိုက်စားပါက နာမည်ဂုဏ်သိက္ခာ ကျဆင်းတတ်သလို
တတ်လာမယ့်အညွန့်ပြန်ကျိုးမယ်။ အသောက်အစား ရှိပါက အိမ်ထောင်ရေး ရန်ပေါ်တတ်ပါတယ်။ ထိုသို့ပြုလုပ်မိပါက
မမျှော်လင့်ထားတဲ့ ပြဿနာတွေဖြစ်လာတတ်ပါတယ်။ စီးပွားပျက်တတ်တယ်။ ဂုဏ်သိက္ခာ ကျဆင်းတတ်သောကြောင့်
သတိထား ဆင်ခြင်ရန်လိုအပ်ပါမည်။ အိမ်ထောင်ရေးမှာ ဆိုးတူကောင်းဖက်တိုင်ပင်ပြီး လက်တွဲမှသာ
အဆင်ပြေစေတတ်ပါတယ်။ ကုသိုလ်ရေးအတူလုပ် ဘာသာရေး အတူလုပ် စီးပွားရေး တိုင်ပင်ပြီး လက်တွဲပါ။
အပျော်အပါး အသောက်အစားတွေ ရှောင်ပါ။ အဆင်ပြေလာပါလိမ့်မည်။

အချစ်ရေး ။ ။ ယခုနှစ်အတွင်း အချစ်ရေး အဆိုးအကောင်းတွေနဲ့ ဒွန်တွဲနေပါမည်။ ငယ်ရွယ်သူတွေ အချစ်ရေး
ကံကောင်းလာပါမယ်။ စန်းပွင့်လာတတ်ပါတယ်။ ချစ်သူမရှိပါက ချစ်သူရလာစေမယ်။ လူငယ်လူရွယ်တွေ
အိမ်ထောင်ကျစေတတ်ပါတယ်။ အထီးကျန်နေသူတွေ အချစ်သစ်တွေ့စေမည်။ လက်ရှိချစ်သူရှိသူဖြစ်ပါက မကြာခဏ
စိတ်ဆိုးစိတ်ကောက် စကားများနေရတာတွေ ရှိနေတတ်ပါတယ်။ ရန်ဖြစ်လိုက် ပြန်ချစ်လိုက်ရှိနေမယ်။ တခါတရံ သဝန်တို
စိတ်မချတာ အထင်အမြင်လွဲမှားတာတွေ နားလည်မှုလွဲမှားတာတွေ ရှိနေတတ်ပါတယ်။ စိတ်တိုင်းမကျ အလိုမကျတာတွေလည်း
ရှိနေတတ်ပါတယ်။ ဇာတာရှင်သည် အချစ်ရေးနှင့်ပတ်သက်ပြီး မကြာခဏတော့ ပြဿနာလေးတွေရှိနေပေမယ့် ပြတ်ကိန်း
ကွဲကိန်း မရှိပါ။ သို့သော် အချစ်ရေးဇယားရှုပ်ပါက ကွဲစေတတ်တယ်။ နှစ်ဦးကြားမှာ အဖျက်ဝင်လာမယ်။
သတိထားရှောင်ပါ။ ယခုနှစ်တွင် အိမ်ထောင်ကျကိန်း ရှိနေပါတယ်။ ယူမယ်ဆို ယူလို့ရပါတယ်။ ငယ်ရွယ်စဉ်
အိမ်ထောင်ကျပါက ပြန်ကွဲတတ်ပါတယ်။ အိမ်ထောင်မတည်မြဲနိုင်ပါ။ အချစ်ရေး ဇယားရှုပ်တာ အပျော်အပါး
လိုက်စားပါက မတည်မြဲနိုင်ပါ။ အချစ်ရေးကံကောင်းစေရန် နှစ်ဦးဓာတ်ပုံပေါ်မှာ သံလိုက်တုံး တင်ထားပါ။ ထို့နောက်
နှစ်ဦး မွေးနံထောင့်တွေမှာ မွှေးသောပန်းတွေလှူ ပြီးဆုတောင်းပါ။

ပညာရေး ။ ။ ယခုနှစ်မှာပညာရေးနှင့် ပတ်သက်ပြီး ကောင်းမွန်ပါမည်။ အသိပညာသစ် အတတ်ပညာသစ်တွေရမယ်။
ဆရာကောင်း သမားကောင်းတွေ့ရမယ်။ ပြည်တွင်းရော ပြည်ပ အတတ်ပညာတွေ တတ်မြောက် သင်ကြားရစေမည်။
ပညာတတ်လေ ဘဝလမ်းခရီး အောင်မြင်လေဖြစ်ပါမယ်။ ပညာဖြင့်အသက်မွေးဝမ်းကြောင်းပြုရင်လည်း
အကျိုးပေးပါမည်။ ပညာရေးကို ဝီရိယ အားစိုက်ထုတ်ကြိုးစားပါ။ ဘဝမှာ ပညာရေးက နံပါတ်၁ စီးပွားရေးက
နံပါတ် ၂ အချစ်ရေးက နံပါတ် ၃ နေရာမှာထားပြီး ဘဝအတွက် ကြိုးစားအားထုတ်ပါ။
အောင်မြင်တိုးတက်လာပါလိမ့်မည်။ ပညာရေးကို အဖျက်တွေ ဝင်လာစေတတ်ပါတယ်။ အချစ်ရေးကြောင့် ပညာရေး
ထိခိုက်တတ်သလို အပေါင်းအသင်းမှားတာ အပျော်အပါး မက်မှုတွေကြောင့် ပညာရေး ထိခိုက်တတ်စေပါတယ်။
အတန်းပညာပြီးဆုံးရင်လည်း အတတ်ပညာ ဘာသာစကားဆိုင်ရာ နည်းပညာပိုင်းတွေ ထိုပညာမျိုးတွေ လေ့လာပါ။
သင်ယူပါ။ ဘဝအတွက် အထောက်အကူဖြစ်စေလိမ့်မည်။

ဒီနှစ်အတွင်း အကျိုးပေးဂဏန်းအနေနဲ့။ ။ ၅၊၇၊ ၄ ထိုဂဏန်းတွေက တစ်နှစ်ပတ်လုံး အကျိုးပြုစေပြီး ထီထိုးတာမျိုး
တစ်ခြားသောကိစ္စတွေမှာ အသုံးပြုခြင်းဖြင့် ကံကောင်းစေပါလိမ့်မည်။

အကျိုးပေးအရောင်။ ။ ဒီနှစ်အတွင်းမှာ ကံဇာတွေပွင့်ပြီး အကျိုးပေးအရောင်အနေနဲ့က အနက်ရောင် နက်ပြာရောင်
အဝါရောင် အဝါပွင့် ပန်းရောင် အဖြူပွင့်ရောင် ခဲရောင် ရွှေဝါရောင် ကာလာအရင့်ရောင်တွေ ဖြစ်ပါတယ်။
အရေးကြီးသော အရေးကြီးသော စကား အရေးကြီးသော လုပ်ငန်းကိစ္စတွေ ခရီးကိစ္စတွေ အကြောင်းအရာတွေမှာ
ဝတ်ဆင်ပြီး ပြုလုပ်ပြောဆို ဆောင်ရွက်ခြင်းဖြင့် ကံပွင့်စေမည်။

ရှောင်ရန် ။ ။ ဒီတစ်နှစ်ပတ်လုံး သခွားသီး သကြား အမဲသား သူ့အသက်သတ်ခြင်း၊ အနီရောင် အပြာရောင်
ဝတ်ဆင်ခြင်း ထိုအရာတွေ အထူးရှောင်ရပါမည်။

**ဒီနှစ်အတွက် မိမိတို့အနေနဲ့ အရေးကြီးသော အကြောင်းကိစ္စ အဝဝ ပြုလုပ်ပြောဆိုရာမှာ** အောင်မြင်ဖို့အတွက်
အကောင်းဆုံး အကျိုးပေးနေ့တွေမှာ ကြာသပတေးနေ့နဲ့ စနေနေ့ နေ့တွေဖြစ်ပါတယ်။ ထိုနေ့အတွင်းမှာ
အကောင်းဆုံးအချိန်ဖြစ်တဲ့ မုဆိုးရွှေအိုးရကိန်း အချိန် ကြာသပတေးနေ့ မနက် ၈း၂၅ မှ ၁၀:၄၈ နဲ့ စနေနေ့အတွက်
နေ့လည် ၁း၁၃ မှ ၃း၃၆ အတွင်းနဲ့ ပုဏ္ဏား နတ်သမီး ရကိန်းအချိန်ဖြစ်တဲ့ ကြာသပတေးနေ့ ၃း၃၇ မှ ၆း၀၀
နာရီ နဲ့ စနေနေ့ မနက်၈း၂၅မှ ၁၀:၄၈ထို အချိန်တွေမှာ အရေးကြီးသော အလုပ်ကိစ္စ အကြောင်းအရာရာ
ကိစ္စအဝဝ ပြုလုပ်ပြောဆိုရာမှာ သော်လည်းကောင်း ခရီးကိစ္စတွေ သွားလာတာ မျိုးတွေမှာသော်လည်းကောင်း
ထိုအချိန်တွေမှာ ပြုလုပ်ပြောဆို လုပ်ကိုင်ဆောင်ရွက်ခြင်းဖြင့် အောင်မြင်မှုတွေ ရရှိစေပါမည်။

ဘဝတစ်သက်တာမှာ။ ။ ဘုမ္မိအရပ်က အနောက်တောင်အရပ်ဖြစ်ပါတယ်။ ထိုအရပ်မှာ စီးပွားရှာတာ ခရီးထွက်တာ
အိမ်ဆောက်တာ အိမ်မျက်နှာလှည့်ပြီး ဆောက်လုပ်တာ လှေကားထားတာ အထူးရှောင်ပါ။

ဘဝတစ်သက်တာအတွက် အကျိုးပေး ရတနာ ။ ။ ပုလဲ အဖြူရောင်ကျောက်တို့က မိမိတို့ရဲ့ အကျိုးပေး ရတနာတွေပဲ
ဖြစ်ပါတယ်။ အမြဲလို ဝတ်ဆင် အသုံးပြုခြင်းဖြင့် ကံဇာတာ ပွင့်လန်းစေတတ်ပါတယ်။

ယတြာ ။ ။ စနေနေ့မနက် (၉း၄၅) တွင် နှင်းဆီနီ ၈ ပွင့် ထောပတ်ထမင်း သို့ ပေါင်မုန့်တစ်ပွဲကို
မိမိအိမ်ဘုရားတွင်လှူပါ။ တစ်ပတ်တခါလှူပါ။ လုပ်ငန်းထစ်ငေါ့နေရင် မုန့်လုံးရေပေါ် ၉ လုံး လှူပါ။ စနေထောင့်မှာ
ထီးဖြူအကြီး ၁ လက် လှူပါ။ မိမိလိုရာဆုတောင်းပါ။ တစ်လတစ်ခါပြုလုပ်ပါ။

အညံ့ပပျောက်ရန် ။ ။ ညနေပိုင်းတွေမှာ မရှိ ဆင်းရဲသော သက်ကြီးရွယ်အိုတွေကို ဆန် ဆီ ဆေး ပေးပြီး
ငါ့မှာရှိတဲ့မကောင်းတဲ့ အညံ့အားလုံးပါသွားစေဟုပြောပြီး ပေးပါ။ တစ်လနှစ်ကြိမ်ပြုလုပ်ပါ။ သကြားကို
ဘုန်းကြီးကျောင်း မကြာခဏပို့ပြီး အညံ့ပျောက်ပါစေဟု ဆုတောင်းပါ။ ကောင်းမှုတွေ အမြဲပြုပါ။
ဘာသာတရား လိုက်စားပါ။ သီလမြဲပါ။ ခက်ခဲမှုတွေ လွတ်မြောက်စေမည်။