၂၀၂၆ ခုနှစ် တနင်္ဂနွေ သားသမီးများအတွက် ကံကြမ္မာ အဟော

တနင်္လာ သားသမီးများ မိမိတို့ရဲ့ အသက်အပိုင်းအခြား ၁၃၊ ၂၁၊ ၂၉၊ ၃၇၊ ၄၅၊ ၅၃၊ ၆၁၊ ၆၉၊ ၇၇၊
၈၅၊ ထိုနှစ်အပိုင်းအခြားတွေမှာ ကြုံတွေ့ရစေမယ့် မိမိတို့ရဲ့ ကံကြမ္မာ အစိတ်အပိုင်းများ။

စီးပွားရေး အလုပ်အကိုင် ။ ။ ယခုနှစ်မှာ တနင်္လာ သားသမီးများ အနေဖြင့် အလုပ်အကိုင် စီးပွားရေးနဲ့
ပတ်သတ်ပြီး ကံ၊ ဉာဏ်၊ ဝီရိယအားထုပ်ရမည့် နှစ်ဖြစ်တယ်။ ယခုနှစ်မှာဆိုရင် ဘာပဲဖြစ်ဖြစ် နှစ်ကြိမ်နှစ်ခါ
ဖြစ်လာတတ်တယ် ဘာပဲဝင်ဝင် နှစ်ကြိမ်နှစ်ခါဝင်မယ် ဘာပဲလုပ်လုပ် နှစ်ကြိမ်နှစ်ခါလုပ်မှသာ အောင်မြင်စေတတ်ပါတယ်။
တကြိမ်တခါတည်းနဲ့ မပြီးပြတ်ပဲ ဖြစ်နေမယ် လုပ်ငန်းသစ်တွေလည်း ပေါ်လာစေတတ်ပါတယ်။ စီးပွားရေး ပိုင်းတွေကို
ဟိုဟာလုပ်ရကောင်းနိုး ဒီဟာလုပ်ရကောင်းနိုးနဲ့ တွေဝေနေတတ်ပါတယ်။ စပ်တူလုပ်ငန်းတွေ လုပ်လို့ရစေတတ်ပါတယ်။
လုပ်ငန်းတွေမှာ အပြိုင်အဆိုင်လေးတွေတော့ ရှိနေတတ်ပါတယ်။ အကြီးအကဲ အထက်လူကြီးတွေနဲ့ ပတ်သက်ပြီး အကူအညီကို
ရရှိလာတတ်ပါတယ်။ အနောက်တောင်အရပ်ကနေ လာဘ်ဝင်လာစေတတ်ပါတယ်။ လုပ်ငန်းပိုင်းတွေမှာတော့ အပြိုင်အဆိုင်တွေ
များနေစေတတ်ပါတယ် လူမှုရေးအတိုက်အခံတွေ ပေါ်လာစေတတ်ပါတယ်။ အရောင်းအဝယ် လုပ်ငန်း လုပ်နေတဲ့သူတွေအတွက်
အဆင်ပြေစေမယ် တိုးချဲ့လုပ်ကိုင်ရစေတတ်ပါတယ်။ လုပ်ငန်းတွေကို ငွေရင်နှီးမြှုတ်နှံရသော အလုပ်တွေ ရှောင်ပါ။

ငွေရှာရတာလွယ်သလောက် ငွေကုန်စရာတွေလည်းပေါ်မည်။ တပေါင်း တန်ခူး ကဆုန်လတွင် ငွေကြေးလာဘ်ရွှင်စေပါမည်။
အလုပ်မှာအပြိုင် အဆိုင်အတိုက်အခိုက်တွေပေါ်မည်။ လုပ်သမျှလည်း မထင်ပေါ်တာ အရာမရောက်တာတွေလည်း
ကြုံတွေ့ရတတ်ပါတယ်။ အကြီးအကဲကူညီမစမယ်၊ စပ်တူရှယ်ယာလုပ်ငန်းတွေအကျိုးပြုမယ်၊ အဆိုးအကောင်း ဒွန်တွဲနေတဲ့နှစ်
ဖြစ်တယ်။ စက်ပစ္စည်းတွေဝင်မယ် အရောင်းအဝယ်သမားတွေ ငွေရွှင်မယ်။ ခရီး ထွက်ရကိန်းတွေကြုံရမယ်။
လူမျိုးဘာသာမတူသူတွေ ကူညီပေးတတ်တယ်။ အဖိုးတန်ပစ္စည်းတွေ ဝင်လာတတ်ပါတယ်။ ဘာသာရေး
သာသနာရေးလုပ်ငန်းများလည်း လုပ်ကိုင်ရတတ်တယ်။ အိုးအိမ် အသစ်ဆောက်ရမယ်။ အိမ်ပြင်ရတတ်ပါတယ်။ အိမ်ပြောင်း
အလုပ်ပြောင်း ရတာတွေလည်း ဖြစ်ပေါ်တတ်ပါတယ်။ ဝန်ထမ်းဆိုအပြိုင်အဆိုင်များမယ် စီးပွားဖြစ်နှေးတတ်ပါတယ်။
စိတ်ပင်ပန်းနေမယ် အလုပ်ပြောင်းချင်စိတ်တွေ ပေါ်နေမယ် ရာထူးလစာတိုးရန် ခက်ခဲစေမည်။ လူမျိုးခြား
ဘာသာခြားတွေရဲ့ ကူညီမစမှုတွေရရှိနေမယ် မိတ်ဆွေတွေနဲ့ သဘောထားကွဲလွဲမှုတွေ ရှိမယ် မြေကိစ္စ အမွေကိစ္စ
မိသားစုးကိစ္စ စိတ်ညစ်နေရတတ်ပါတယ်။ ကိုယ့်အားကိုယ် ကိုးပါ သူများအားကိုးရင်
မိမိပြန်ပြီးဒုက္ခရောက်တတ်ပါတယ်။ ယခုနှစ်မှာ အနည်းငယ်လူပင်ပန်း စိတ်ပင်ပန်းမှုတွေရှိနေတတ်ပါတယ်။
လုပ်ငန်းထစ်ငေါ့တာ ခက်ခဲတာတွေရှိနေပါမယ်။ လာဘ်ပိတ်စေမယ်။ သတိထားပါ။ အလုပ်မှာ အကြီးအကဲ အထက်လူကြီးတွေရဲ့
ကူညီမစမှုတွေကိုရမယ်။

ထီး ဖိနပ် အထည်သစ်တွေဝင်မယ် ဘဝတသက်တာမှာ ကိုယ့်ဒူးကိုယ်ချွန်ရပ်တည် ကြိုးစားရပါမယ်။ မိသားစု ညီအကိုမောင်နှမ
အားကိုးလို့မရပါ။ လက်အောက်ငယ်သားတွေတော့ အကူအညီတွေ ရရှိလာစေတတ်ပါတယ်။ စက်ပစ္စည်းတွေ
ဝင်လာစေတတ်ပါတယ်။ ယခုနှစ်မှာ စီးပွားရေး စတင်လုပ်ဆောင်မည်ဆိုပါက အကျိုးပေးမယ့် လုပ်ငန်းတွေ မှာ အင်္ဂါ၊
တနင်္ဂနွေနံ စနေနံနဲ့ ပတ်သက်တဲ့ လုပ်ငန်းများ လုပ်ကိုင်ပါက အကျိုးပေးပါတယ်။ ဆန်၊ ဆီ၊ ဆား၊ ဆေး၊
စားသောက်ကုန် စက်မူလုပ်ငန်းများ၊ အိုး၊ အိမ်နှင့်ပတ်သက်သောလုပ်ငန်း၊ ဥယျာဉ်၊ ခြံမြေလုပ်ငန်းများ
အီလက်ထရောနစ်ပစ္စည်းအရောင်း အဝယ် အထည်အလိပ် ဓာတ်ဆီဒီဇယ်လုပ်ငန်း ထမင်းဆိုင် နိုင်ငံခြားနဲ့
ဖက်စပ်လုပ်ငန်းတွေက အကျိုးများစေတတ်ပါတယ်။ အကျိုးအမြတ်ရမယ်။ အောင်မြင်ပါလိမ့်မယ်။ သောကနဲ့ယှဉ်တဲ့
ခရီးသွားရစေမည်။ ယခုနှစ်မှာဆိုရင် စီးပွားရေးနဲ့အတူ ဘာသာရေး ကုသိုလ်ရေး ကောင်းမှုတစ်ခုနေ့စဉ်ပြုနေပါ။
ဘာသာရေးအားနည်းလေ မိမိကံတရားညှိုးနွမ်းလေ ဖြစ်လာစေတတ်ပါတယ်။ ထို့ကြောင့်ဘာသာရေး ပိုအလေးထားပါ
ဆန် ဆီ ဆေးလှူတာ ခိုစာ ခွေးစာ ငှက်စာကျွေးတာတွေ အမြဲပြုလုပ်ပါ။

ငွေကြေး ။ ။ ငွေကြေးကံအနေနှင့် ငွေဝင်ပြီး လက်ထဲမှာ ငွေမမြဲပဲ ဖြစ်စေတတ်ပါတယ်။ ငွေဝင်ပြီး
ကုန်စရာတွေလည်း ပေါ်လာတတ်ပါတယ်။ ငွေအဝင်အထွက်တွေ များနေတတ်ပါတယ်။ ငွေစုပါ ငွေဝင်လာရင်
လုပ်ငန်းတိုးချဲ့ပါ။ ဒါနကောင်းမှုပြုပါ။ ငွေကိုချွေတာပြီး သုံးပါ။ ငွေချေးတာ အာမခံတာ အထူးရှောင်ပါ။
ငွေလူလိမ်ခံရတတ်ပါတယ်။ လောင်းကစား ပြုလုပ်တာ အာမခံတာ ရှောင်ပါ။ ငွေကြေးက မမြဲတတ်သောကြောင့်
ငွေနဲ့ရင်းတဲ့အလုပ်တွေ ဖြတ်လမ်းစီးပွားရေးတွေ ရှောင်ပါ။ ၂လပိုင်း ၅လပိုင်းနဲ့ ၆လပိုင်းတွေမှာ
ငွေအားကောင်းမည် ငွေဝင်မည်။ ငွေကံကောင်းစေရန် ဒိဝါတပတိဂါထာကို မနက်ည ၁၀ခေါက်ရွတ်ပါ သတ္တဝါလေးတွေ
အစာကျွေး လက်ဖက်တစ်ပွဲ ရေနွေကြမ်းမိမိအိမ်ဘုရားမှာ အမြဲလှူပြီး ဆုတောင်းပါ။

လူမှုရေး။ ။ လူမှုရေး အနည်းငယ် ပြဿနာလေးတွေ ရှိနေတတ်ပါတယ်။ သူတပါး မကောင်းပြောဆိုတာ စွတ်စွဲတာတွေ
ခံရတတ်ပါတယ်။ လူယုံထားလို့မရပါ။ အမျိုးသမီးတစ်ဦးနဲ့လည်း စကားများရတာတွေ ဖြစ်ပေါ်လာတတ်ပါတယ်။
အားနာမှုကြောင့် ဒုက္ခရောက်စေတတ်ပါတယ်။ အတိုက်အခံအခြေအတင်လေးတွေ စကားပြောရတတ်ပါတယ်။ ကိုယ့်ကိုကိုယ်ပဲ
အားကိုးပါ။ သူတပါးအားမကိုးပါနဲ့။ စိတ်လိုက်မာန်ပါ ပြုမူပြောဆိုတာတွေ ရှောင်ပါ။ ရန်ပြဿနာလေးတွေ
ဖြစ်လာတတ်ပါတယ်။ အမှုမဖြစ်အောင်နေပါ။ ဖြစ်လျှင် အရှုံးများစေတတ်ပါတယ်။ စေတနာကောင်း
စိတ်ကောင်းထားပါ။ ဘာသာရေး ပိုလုပ်ပါ။ သူများပြဿနာ ဝင်ဖြေရှင်းတာတွေ မပြုလုပ်ရ။ စေတနာအမှား
ဖြစ်တတ်သောကြောင့် သတိထားရှောင်ပါ။ ခင်မင်သူတွေ ချစ်တဲ့သူတွေကြောင့် စိတ်ညစ်ရစေတတ်ပါတယ်။
လူမုန်းများစေတတ်သောကြောင့် စကားပြောတဲ့နေရာမှာ ချိုသာယဉ်ကျေးစွာ ပြောဆိုဆက်ဆံရန်လိုအပ်ပါမည်။

ကျန်းမာရေး ။ ။ ကျန်းမာရေးမှာဆိုရင် အနည်းငယ် ညံ့နေပါမည်။ အကြောတက်တာ အစာအိမ်လေအောင့်တာ
ဦးခေါင်းမကြည်တာ ညောင်းညာကိုက်ခဲတာ သွားနာတာ သွေးပေါင်အတက်အကျတွေ ဖြစ်ပြီးမူးမောတာ
ချောင်းဆိုး ရင်ကျပ်တာ ရာသီအကူးအပြောင်း ဖျားနာတာတွေ ဖြစ်ပေါ်နေတတ်ပါတယ်။ အသက်ကြီးပိုင်းတွေ
သွေပေါင်းအတက်အကြရှိမယ် မူးမောရင်တုန်စေတာ ခေါင်းမကြည်တာတွေ များသောအားဖြင့် ဖြစ်စေမည်။
အကုန်ဖြစ်မယ်လို့တော့ မဆိုလိုပေ တခုမဟုတ်တခု ဖြစ်ပေါ်လာတတ်ပါတယ်။ သတိထားရန်တော့ လိုစေမည်။ ရေလှူတာ
ဆေးလှူတာ ငါးလွှတ်ပါ ငှက်လွှတ်ပြီးဆုတောင်းပါ ဘာသာရေးပိုလုပ်ပါ။

အိမ်ထောင်ရေး။ ။ယခုနှစ် အိမ်ထောင်ရေးမှာဆိုရင် အိမ်ထောင်ရေး ပြဿနာလေးတွေ ရှိနေတတ်ပါတယ်။
အိမ်ထောင်ရေးမှာ မိမိအိမ်ထောင်ဖက်က အပျော်အပါး အသောက်အစားရှိပါက ရန်များနေမည်။ မိမိအိမ်ထောင်ဖက်ရဲ့
အကျိုးပြုမှုကိုလည်း ရရှိစေတတ်ပါတယ်။ တခါတရံတော့ဂတောက်ဂဆတွေ ဖြစ်ပေါ်နေတတ်ပါတယ်။ တယောက်နှင့်တယောက်
စိတ်တိုင်းမကျတာ နားလည်မှုတွေလွဲနေတာ အလိုမကျတာတွေ ဖြစ်ပေါ်နေပါမယ်။ အိမ်ထောင်ရေးမှာ
ကြားလူဝင်နှောင့်ယှက်တာတွေ အိမ်ထောင်ရေးအပျက်အစီး အနှောင့်အယှက်တွေကြုံလာပါမယ်။ အိမ်ထောင်ရေးဇယားရှုပ်တာ
အပျော်အပါးလိုက်စားပါက နာမည်ဂုဏ်သိက္ခာ ကျဆင်းတတ်သလို တတ်လာမယ့်အညွန့်ပြန်ကျိုးမယ်။ အမျိုးသမီး
အပျက်အဆီးတွေ အမျိုးသား အဖျက်တွေ ကြုံတွေ့ရတတ်ပါတယ်။ စီးပွားပျက်တတ်တယ်၊ ဂုဏ်သိက္ခာ
ကျဆင်းတတ်သောကြောင့် သတိထားဆင်ခြင်ရန်လိုအပ်ပါမည် အိမ်ထောင်ရေးမှာ ဆိုးတူကောင်ဖက်တိုင်ပင်ပြီး လက်တွဲမှသာ
အဆင်ပြေစေတတ်ပါတယ်။ ကုသိုလ်ရေးအတူလုပ် ဘာသာရေး အတူလုပ် စီးပွားရေး တိုင်ပင်ပြီး လက်တွဲပါ အပျော်အပါး
အသောက်အစားတွေ ရှောင်ပါ အဆင်ပြေလာပါလိမ့်မည်။

အချစ်ရေး။ ။ယခုနှစ်အတွင်း အချစ်ရေး ငယ်ရွယ်သူတွေ အချစ်ရေး စန်းပွင့်နေတတ်ပါတယ်။ ချစ်သူရတတ်ပါတယ်။
မိမိကို စိတ်ဝင်စားနေသူတွေ များပြားနေတတ်တယ် အချိန်တစ်ခုယူပြီး လေ့လာပြီးမှ လက်ခံပါ။ လက်ရှိချစ်သူ
ရှိနေသူတွေကတော့ အချစ်ရေးဂတောက်ဂဆတွေ အချစ်ရေး ပြဿနာတွေ အနည်းငယ်ရှိနေတတ်ပါတယ်။ မကြာခဏ
စိတ်ဆိုးစိတ်ကောက် စကားများနေရတာတွေ ရှိနေတတ်ပါတယ်။ ရန်ဖြစ်လိုက် ပြန်ချစ်လိုက်ရှိနေမယ်၊ တခါတရံ သဝန်တို
စိတ်မချတာ အထင်အမြင်လွဲမှားတာတွေ နားလည်မှုလွဲမှားတာတွေ ရှိနေတတ်ပါတယ်။ စိတ်တိုင်းမကျ အလိုမကျတာတွေလည်း
ရှိနေတတ်ပါတယ်။ အချစ်ရေးအဆင်ပြေ အိမ်ထောင်ရေး အဆင်ပြေတဲ့နှစ်ဖြစ်မည်။ တစ်ခုသတိထားရမှာက
အချစ်ကိုမယုံလွယ်ပါနှင့် သူတစ်ပါးကြောင့် သားသမီးကြောင့် မျက်နှာပျက် အရှက်ရတတ်ခြင်း
စွပ်စွဲပြောဆိုခံရခြင်းများ ခံရတတ်ပါသည်။ တခါတလေ ရှေ့တိုးရအခက် နောက်ဆုတ်ရအခက် တွေဝေနေတတ်တယ်
သံယောဇဉ်တော့ မပြတ်ပါ ဇာတာရှင်သည် အချစ်ရေးနှင့်ပတ်သက်ပြီး မကြာခဏတော့ ပြဿနာလေးတွေရှိနေပေမယ့်
ရန်ဖြစ်လိုက် ပြန်ချစ်လိုက်ရှိနေတတ်ပါတယ်။ ယခုနှစ် တွင်အိမ်ထောင်ကျကိန်း ရှိနေပါတယ်။ ယူမယ်ဆို ယူလို့ရပါတယ်။
ယခုနှစ်အချစ်ရေးက ဂတောက်ဂဆလေးတွေနဲ့ ဖြတ်သန်းရတတ်ပါတယ်။ ချစ်သူနှစ်ဦးကြားမှာ အဖျက်အစီးတွေ
ဝင်လာစေတတ်ပါတယ်။ အချစ်ရေး ဇယားရှုပ်တာ အပျော်အပါး လိုက်စားပါက မတည်မြဲနိုင်ပါ။
အချစ်ရေးကံကောင်းစေရန် မေတ္တာများများပို့ ငှက်စာကျွေးပြီး ဆုတောင်း နှစ်ဦးဓာတ်ပုံကို
မျက်နှာချင်းဆိုင် ကော်နဲ့ကပ် ထို့နောက် မိမိ အိပ်ယာအောက် ခေါင်းအုန်းအောက်မှာ ထားပြီး အိပ်ပါ
မေတ္တာသုပ်၁၀ခေါက်ရွတ်ပြီး ဆုတောင်းပါ။

ပညာရေး။ ။ယခုနှစ်မှာပညာရေးနှင့် ပတ်သက်ပြီး ရပ်တန့်နေတတ်ပါတယ်။ တွေဝေနေတာမျိုးတွေလည်း
ရှိနေတတ်ပါတယ်။ ပညာရေးကို ရပ်တန့်မနေသင့်ပါ ပညာရေးပိုင်းမှာ စိတ်ပါဝင်စားမှုတွေ အားနည်းနေပြီး
စိတ်ဓာတ်ကျနေတာမျိုး ရှိမယ်။ သင်တန်းတက်မလိုနဲ့ မတက်ဖြစ်ပဲ ရှိနေပါမည်။ ပညာရေးကို ဝီရိယ
အားစိုက်ထုတ်ကြိုးစားပါ။ ပညာရေးကို အဖျက်တွေ ဝင်လာစေတတ်ပါတယ်။ အချစ်ရေးကြောင့် ပညာရေး
ထိခိုက်တတ်သလို အပေါင်းအသင်းမှားတာ အပျော်အပါး မက်မှုတွေကြောင့် ပညာရေး ထိခိုက်တတ်စေတတ်တယ်။
ပညာရေးနှင့် ပတ်သက်ပြီး ကံ ဉာဏ် ဝီရိယ အားစိုက်ထုတ်ရမယ့် သူမျိုးဖြစ်တယ်။ အတန်းပညာပြီးဆုံးရင်လည်း
အတတ်ပညာ ဘာသာစကားဆိုင်ရာ ကွန်ပျူတာနဲ့ဆိုင်တဲ့ ပညာမျိုးတွေ လေ့လာပါ။ သင်ယူပါ။ ဘဝအတွက်
အထောက်အကူဖြစ်စေလိမ့်မည်။

ဒီနှစ်အတွင်း အကျိုးပေးဂဏန်းအနေနဲ့။ ။ ၃၊ ၅၊ ၇၊ ၁ ထိုဂဏန်းတွေက တစ်နှစ်ပတ်လုံး အကျိုးပြုစေပြီး
ထီထိုးတာမျိုး တစ်ခြားသောကိစ္စတွေမှာ အသုံးပြုခြင်းဖြင့် ကံကောင်းစေပါလိမ့်မည်။

အကျိုးပေးအရောင်။ ။ဒီနှစ်အတွင်းမှာ ကံဇာတွင့်ပွင့်ပြီး အကျိုးပေးအရောင်အနေနဲ့က နီညိုရောင်၊ အညို ပန်းရောင်
အနီပွင့် အနီရောင် အနက်ရောင် တွေဖြစ်ပါတယ်။ အရေးကြီးသော အရေးကြီးသော စကား အရေးကြီးသော
လုပ်ငန်းကိစ္စတွေ ခရီးကိစ္စတွေ အကြောင်းအရာတွေမှာ ဝတ်ဆင်ပြီး ပြုလုပ်ပြောဆို ဆောင်ရွက်ခြင်းဖြင့်
ကံပွင့်စေမည်။

ရှောင်ရန်။ ။ဒီတစ်နှစ်ပတ်လုံး အမဲ ဝက်သား ကိတ်မုန့် ကော်ဖီ အဖြူရောင် အပြာရောင် ရှောင်ပါ။
အပျော်အပါးလိုက်စားတာ လောင်းကစားပြုလုပ်တာ အိမ်ထောင်ရေးဇယားရှုပ်တာ ရှောင်ပါ။ ထိုအရာတွေ ဝတ်ဆင်
စားသောက်ခြင်း အထူးရှောင်ရပါမည်။

**ဒီနှစ်အတွက် မိမိတို့အနေနဲ့ အရေးကြီးသော အကြောင်းကိစ္စ အဝဝ ပြုလုပ်ပြောဆိုရာမှာ** အောင်မြင်ဖို့အတွက်
အကောင်းဆုံး အကျိုးပေးနေ့တွေမှာ အင်္ဂါနေ့ တနင်္ဂနွေနေ့နဲ့ နေ့တွေဖြစ်ပါတယ် အင်္ဂါနေ့ အတွင်းမှာ
အကောင်းဆုံးအချိန်ဖြစ်တဲ့ မုဆိုးရွှေအိုးရကိန်း အချိန်ဖြစ်တဲ့ ညနေ၃း၀၀မှ ၆း၀၀အတွင်းနဲ့ ပုဏ္ဏား နတ်သမီး
ရကိန်းအချိန်ဖြစ်တဲ့ မနက် ၁၀း၄၉မှ ၁း၁၂အတွင်း နဲ့ တနင်္ဂနွေနေ့ အကောင်းဆုံးအချိန်ဖြစ်တဲ့ မုဆိုးရွှေအိုးရကိန်း
အချိန်ဖြစ်တဲ့ ၁၀း၄၉မှ ၁း၁၂အတွင်းနဲ့ ပုဏ္ဏား နတ်သမီး ရကိန်းအချိန်ဖြစ်တဲ့ မနက်၆း၁၀မှ ၈း၂၄ထို
အချိန်တွေမှာ အရေးကြီးသော အလုပ်ကိစ္စ အကြောင်းအရာရာ ကိစ္စအဝဝ ပြုလုပ်ပြောဆိုရာမှာ သော်လည်းကောင်း
ခရီးကိစ္စတွေ သွားလာတာ မျိုးတွေမှာသော်လည်းကောင်း ထိုအချိန်တွေမှာ ပြုလုပ်ပြောဆို
လုပ်ကိုင်ဆောင်ရွက်ခြင်းဖြင့် အောင်မြင်မှုတွေ ရရှိစေပါမည်။

ဘဝတစ်သက်တာမှာ ဘုမ္မိအရပ်က အနောက်တောင်အရပ်ဖြစ်ပါတယ်။ ထိုအရပ်မှာ စီးပွားရှာတာ ခရီးထွက်တာ
အိမ်ဆောက်တာ အိမ်မျက်နှာလှည့်ပြီး ဆောက်လုပ်တာ လှေကားထားတာ အထူးရှောင်ပါ။

ဘဝတစ်သက်တာအတွက် အကျိုးပေး ရတနာ။ ။ပုလဲ၊ အဖြူရောင် ကျောက်တို့က မိမိတို့ရဲ့ အကျိုးပေး ရတနာတွေပဲ
ဖြစ်ပါတယ်။

ယတြာ။ ။ ။ဒီနှစ် တစ်နှစ်လုံးမှာ မိမိတို့အနေနဲ့ ကံဇာတာပွင့်လန်းစေရန် ကံကောင်းမှုတွေ ရရှိစေရန် ပြုလုပ်ရမည့်
ကောင်းမှုကံ ယတြာ အင်္ဂါနေ့မနက် (၉း၄၅) တွင် စပါယ်၃ကုံး အုန်း၁ညွန့် သြဇာသီး အာရုံဆွမ်း အုန်းသီးစိပ်ကို
မိမိအိမ်ဘုရားတွင်လှူပါ။ တစ်ပတ်တစ်ခါလှူပြီး မိမိလိုရာဆုတောင်းပါ။ လာဘ်ပွင့်ဂါထာ အန္တရာယ်ကင်းဂါထာတွေ
အမြဲရွတ် လူသွားလမ်းတွေ အမြဲရှင်းပြီး ထိုကုသိုလ် ပြုလုပ်ပါ ကံကောင်းစေမည်။

အညံ့ပပျောက်ရန် ။ ။ ဒီနှစ် တစ်နှစ်လုံးမှာ မိမိတို့အနေနဲ့ ကံအညံ့တွေ ပပျောက်စေရန်အတွက် မည်သည့်နေ့ မဆို
ကိတ်မုန့်ဆွမ်းလောင်းပြီး ငါ့မှာရှိတဲ့မကောင်းတဲ့ အညံ့အားလုံးပါသွားစေဟုပြောပြီး လောင်းပါ။ တစ်လတစ်ခါ
နှစ်ခါ လောင်းပါ။ ဘာသာရေးအထူးပြုလုပ်ပေးပါ။ ပုတီးစိပ်ပါ။