၂၀၂၆ ခုနှစ် တနင်္ဂနွေ သားသမီးများအတွက် ကံကြမ္မာ အဟော

တနင်္လာ သားသမီးများ မိမိတို့ရဲ့ အသက်အပိုင်းအခြား ၁၂၊ ၂၀၊ ၂၈၊ ၃၆၊ ၄၄၊ ၅၂၊ ၆၀၊ ၆၈၊ ၇၆၊
၈၄။ ထိုနှစ်တွေမှာ ကြုံတွေ့ရစေမယ့် မိမိတို့ရဲ့ ကံကြမ္မာ အစိတ်အပိုင်းမျာ။

စီးပွားရေး အလုပ်အကိုင် ။ ။ ယခုနှစ်မှာ တနင်္လာ သားသမီးတွေရဲ့ စီးပွားရေးအလုပ်အကိုင်နှင့် ပတ်သတ်ပြီး
မကြာခင်အတွင်းမှာ လုပ်ငန်းသစ်ပေါ်မယ်။ အလုပ်အိမ်နေရာ အပြောင်းအလဲတွေ ဖြစ်စေတတ်ပါတယ်။
လုပ်ငန်းတိုးတက်ခြင်းတော့ ကြုံစေတတ်ပါတယ်။ လုပ်ငန်းသစ် စလုပ်မည်ဆိုလည်း အကျိုးပေးစေမည် လုပ်ငန်းပိုင်းတွေမှာ
တချို့လတွေမှာတော့ အခက်အခဲတွေ၊ အဆင်မပြေမှုတွေနဲ့ ကြုံတွေ့နေရတတ်တယ်။ အလုပ်အကိုင်လေးတွေလွဲချော်တာ၊
ထစ်ငေါ့နေတာတွေ၊ ငွေကုန်စရာတွေ များနေပါလိမ့်မယ်။ အရှုံးပေါ်တာတွေလည်း ကြုံတွေ့ရတတ်ပါတယ်။
အတိုက်အခံတွေလည်း များနေတတ်ပါတယ်။ အလုပ်အကိုင်အတွက် စိတ်ဖိစီးမှုတွေ များနေတတ်ပါတယ်။ ငွေဝင်သလောက်
ပြန်ထွက်နေတတ်ပါတယ်။ အရောင်းအဝယ်သမားတွေ လက်ထဲငွေမမြဲပါ အိမ်သစ်နေရာသစ် ရောက်တတ်ပါတယ်။
ခရီးသွားရတတ်ပါတယ်။ သွားရင် ကောင်းတယ် အဆင်ပြေစေတတ်ပါတယ်။ မိတ်ဆွေကောင်းတွေရမယ်။
ဆရာကောင်းသမားကောင်း တွေ့စေတတ်ပါတယ်။ အကြီးအကဲ အထက်လူကြီးပိုင်းတွေ အကူအညီကို ရစေတတ်ပါတယ်။
ဝန်ထမ်းဆို ရာထူးလစာတွေ တိုးလာစေတတ်ပါတယ်။ အပြောင်းအရွှေ့တွေလည်း ကြုံလာတတ်ပါတယ်။ အဆင်မပြေမှုတွေတော့
တစ်ခုပြီးတစ်ခု ကြုံနေတတ်ပါတယ်။ စိတ်ရှုပ်စရာတွေ ရန်အတိုက်အခိုက်တွေ များနေတတ်တယ်။ ဒါပေမယ့် မိမိရဲ့ကံဇာတာ
အပြောင်းအလဲလေးကတော့ လစဉ်နဲ့အပြောင်းအလဲတွေ ဖြစ်လာတတ်ပါ။ အဆိုးလ အကောင်းလတွေနဲ့ ဒွန်တွဲနေတတ်ပါ။
အလုပ်အကိုင်တွေ ကံဉာဏ် ဝီရိယအားစိုက်ထုတ် ကြိုးစားရန်လိုနေပါမည်။

မြေ၊ အမွေ ပရိဘောဂပစ္စည်းဝင်မယ်။ အသိပညာသစ်ရမယ်၊ သင်တန်း၊ စာမေးပွဲကိစ္စတွေ အောင်မြင်မယ်။
ခရီးစဉ်တွေပေါ်လာမယ်။ ဖြတ်လမ်းစီးပွားရေး ရှောင်ပါ။ လုပ်ငန်းသစ်တွေပေါ်လာမယ်။ အပြောင်းအရွှေ့တွေ
ကြုံတွေ့ရတတ်ပါတယ်။ အရောင်းအဝယ် သမားတွေ အမြတ်နည်းနေမယ်။ ရှုံးမယ့်လတွေလည်း ရှိနေတတ်ပါတယ်။
အရောင်းအဝယ်လုပ်ပါက တနင်္ဂနွေနံ ကြာသပတေးနံ သောကြာနံ လုပ်ငန်းတွေနဲ့ တွဲလုပ်ပါ။ အကူအညီတောင်းရင်လည်း
ထိုနေ့နံသားတွေကို အကူအညီတောင်းပါ။ ဆရာသမား၊ အကြီးအကဲ မစမယ်။ ယခုလက်ရှိအလုပ်မှာ အဆင်မပြေလည်း ထွက်လို့
ပြောင်းလို့ရတယ်။ လုပ်ငန်းသစ် စလုပ်ရင်လည်း ငွေအရင်းအနှီးနည်းတဲ့ လုပ်ငန်းတွေ ပြုလုပ်ပါ။
အလှူဒါနများလုပ်ပါ။ ငွေဝင်လာလျှင် အိမ်ပြင် အိမ်သာပြင်တာ ပြုလုပ်ပေးရတတ်တယ်။ ဝန်ထမ်းဆို
ကိုယ်ပိုင်လုပ်ငန်းတွေနဲ့ တပိုင်တနိုင်ပြုလုပ်ပါ။ ပိုပြီး စီးပွားဖြစ်မြန်နေမည်။ ကိုယ်ပိုင်အလုပ်က
ပိုအကျိုးဖြစ်စေပါလိမ့်မည်။ လူမှုရေး အတိုက်အခံတွေ ပြိုင်ဆိုင်မှုတွေ များစေတတ် အထူးသတိပြုရန်လိုစေပါမည်။
ဘာပဲလုပ်လုပ် နှုတ်ဆိတ်နေရန် အရေးကြီးနေမည်။ မိမိအိမ်ကို သက်ကြီးရွယ်အိုတွေ ညအိပ်ညနေ လက်မခံပါနှင့် မိမိအိမ်မှာ
ဒုက္ခရောက်စေတတ်တယ်။ အရက်ပုလင်းတွေ အဝင်မခံပါနှင့် လာဘ်ပိတ်စေတတ်ပါတယ်။ စီးပွားရေးနဲ့အတူ ဘာသာရေး
ကုသိုလ်ရေး ယှဉ်တွဲလုပ်ပါ။ ကောင်းမှုတစ်ခု နေ့စဉ်ပြုပါ။ ဒါနကောင်းမှုတွေလုပ်ပါ။ စိတ်ကိုအေးချမ်းစွာထားပြီး
လုပ်ငန်းစီးပွားရှာပါ။ ရန်လိုမှု ပြိုင်ဆိုင်မှု မနာလိုမှုတွေနဲ့ ကြုံတွေ့ရတတ်ခြင်း ကြုံလာရင်လည်း ကိုယ်လုပ်ရမှာကို
ပဲဆက်လုပ်ပါ။ စိတ်အေးအေးထားပြီးလုပ်ပါ။ ကံ ဉာဏ် ဝီရိယအား စိုက်ထုတ်ကြိုးစားရန် လိုအပ်စေတတ်ပါတယ်။
ဘာသာရေးပိုလုပ် ကောင်းမှုကုသိုလ်တွေ အမြဲပြုလုပ်ပြီး ရှင်သန်ဖြတ်သန်းပါမှ ကံအညံ့တွေ လွတ်မြောက်စေအံ့။

ငွေကြေး ။ ။ ငွေကြေးကံအနေနှင့် ငွေရှာရခက်ခဲနေမယ်။ ငွေအတွက် ပူပင်ရစေတတ်တယ်။ ဘယ်လောက်ဝင်ဝင်
လက်ထဲငွေမမြဲပဲ ရှိနေတတ်ပါတယ်။ ငွေကုန်စရာတွေလည်း ပေါ်လာတတ်ပါတယ်။ ငွေအဝင်အထွက်တွေ များနေတတ်ပါတယ်။
ငွေကရှာနိုင် စုဆောင်းနိုင် ချွေတာသုံးနိုင်မှ မြဲစေမယ်။ ဖြတ်လမ်းနည်းနဲ့ လောင်းကစားပြုလုပ်တာ
အထူးရှောင်ပါ။ ငွေစုပါ ငွေဝင်လာရင် လုပ်ငန်းတိုးချဲ့ပါ။ ဒါနကောင်းမှုပြုပါ။ ငွေချေးတာ အာမခံတာ
အထူးရှောင်ပါ။ ငွေလူလိမ်ခံရတတ်ပါတယ်။ ငွေကြေးက မမြဲတတ်သောကြောင့် ငွေနဲ့ရင်းတဲ့အလုပ်တွေ
ဖြတ်လမ်းစီးပွားရေးတွေ ရှောင်ပါ။ ခိုးကိန်း မီးကိန်းပေါ်မယ်။ ခါးပိုက်နှိုက်ခံရတာ ပျောက်ဆုံးမှုတွေ
ကြုံလာရတတ်တယ်။ သတိရှိပါ။ ငွေကအဖက်ဖက်ကနေ ရှာဖွေနိုင်မှ ငွေအဆင်ပြေစေမည်။ ထို့အတွက် ယခုနှစ်မှာ ငွေကအရာရာ
သတိထားသုံး စွဲရန်လိုမည်။ ငွေကံကောင်းစေရန် လာဘ်ပွင့်ဂါထာ လာဘ်နှိုးဂါထာတွေကို မနက်ညရွတ်ပါ။ ခိုစာ ခွေးစာ
ငှက်စာကျွေးပြီး ငွေကံကောင်းရန်ဆုတောင်းပါ။

လူမှုရေး ။ ။ လူမှုရေး အနည်းငယ် ပြဿနာလေးတွေ ရှိနေတတ်ပါတယ်။ အတိုက်အခံ အခြေအတင်လေးတွေ
စကားပြောရတတ်ပါတယ်။ သူတပါး မကောင်းပြောဆိုတာ စွတ်စွဲတာတွေ ခံရတတ်ပါတယ်။ လူယုံထားလို့မရပါ။
အမျိုးသမီးတစ်ဦးနဲ့လည်း စကားများရတာတွေ ဖြစ်ပေါ်လာတတ်ပါတယ်။ အားနာမှုကြောင့်
ဒုက္ခရောက်စေတတ်ပါတယ်။ လက်အောက်ငယ်သား မိမိညီအကို မောင်နှမတွေကြောင့်လည်း စကားအခြေအတင်
ပြောရစေတတ်ပါတယ်။ ကိုယ့်ကိုကိုယ်ပဲ အားကိုးပါ သူတပါးအားမကိုးပါနှင့် စိတ်လိုက်မာန်ပါ ပြုမူပြောဆိုတာတွေ
ရှောင်ပါ။ အစိုးရနဲ့ ပတ်သက်တဲ့ အမှုအခင်း ပြဿနာလေးတွေ ဖြစ်လာတတ်ပါတယ်။ အစစ်ဆေး အမေးမြန်းခံရတာ
သက်သေလိုက်ရစေတတ်တယ်။ အမှုမဖြစ်အောင်နေပါ။ ဖြစ်လျှင် အရှုံးများစေတတ်ပါတယ်။ စေတနာကောင်း
စိတ်ကောင်းထားပါ။ ဘာသာရေး ပိုလုပ်ပါ။ သူများပြဿနာ ဝင်ဖြေရှင်းတာတွေ မပြုလုပ်ရ။ စေတနာအမှား
ဖြစ်တတ်သောကြောင့် သတိထားရှောင်ပါ။ အင်္ဂါနံပါတဲ့နေ့သားတွေ စနေနံပါတဲ့နေ့သားတွေနဲ့ စကားပြောဆိုတာ
သတိထားပါ။ အတိုက်အခံအားပြင်းသောနှစ် လူမှုရေး ညံ့တဲ့နှစ် စန်းကျသောနှစ်ဖြစ်တဲ့အတွက် အရာရာသတိထားပြီး
နေထိုင်ပြောဆိုပါ။ ခြေသုတ်ဝတ် တံမျက်စည်း လက်သုတ်ဝတ် တန်ခိုးကြီးဘုရား ဘုန်းကြီးကျောင်း
သီလရှင်ကျောင်းတွေမှာ လှူပါ။

ကျန်းမာရေး ။ ။ ကျန်းမာရေးမှာဆိုရင် ချူချာနေတတ်ပါတယ်။ အသေးစား အက်စီးဒန့်လို ဖြစ်ပေါ်တတ်တယ်။
အကြောတက်တာ ခြေလက် ထိခိုက်ဒါဏ်ရာ ရစေတတ်တယ်။ သွေးထွက်သံယို ဖြစ်ပေါ်စေတတ်ပါတယ်။
စက်ပစ္စည်းနဲ့ပတ်သက်ပြီး ထိခိုက်ဒဏ်ရာရတတ်ပါတယ်။ သတိရှိပါ မီး လျှပ်စစ်မီး ကိုင်တွယ်တာတွေ သတိရှိပါ။
ဦးခေါင်းမကြည်တာ ညောင်းညာကိုက်ခဲတာ အစာအိမ်လေအောင့်တာ ချောင်းဆိုး ရင်ကျပ်တာ ရာသီအကူးအပြောင်း
ဖျားနာတာတွေ နှလုံးအားနည်းပြီး ရင်တုန်တာတွေ ဖြစ်ပေါ်နေတတ်ပါတယ်။ အနာနဲ့ဆေး မတွေ့ပဲ
ရောဂါရှည်နေတတ်ပါတယ်။ အကုန်ဖြစ်မယ်လို့တော့ မဆိုလိုပေ တစ်ခုမဟုတ်တစ်ခု ဖြစ်ပေါ်လာတတ်ပါတယ်။ သတိထားရန်တော့
လိုစေတတ် သက်ကြီးပိုင်းတွေ ကျန်းမာရေးညံ့စေပြီး ဆေးရုံဆေးခန်းပြရတတ်တယ်။ စိုးရိမ်စရာ ရောဂါတွေ
ဖြစ်စေမည်။ ရေလှူ၊ ဆေးလှူ၊ ငါးလွှတ်၊ ငှက်လွှတ်ပြီးဆုတောင်းပါ။ ဘာသာရေးပိုလုပ်ပါ
ပုတီးများများစိပ်ပြီး ဆုတောင်း။

အိမ်ထောင်ရေး ။ ။ ယခုနှစ် အိမ်ထောင်ရေးမှာဆိုရင် အိမ်ထောင်ရေး ရန်ပေါ်နေတတ်ပါတယ်။ ကြီးကြီးမားမား
ပြဿနာ မရှိစေတတ်ပါ။ မိသားစု ညီအကိုမောင်နှမ အတွက်သော်လည်းကောင်း သားသမီးရှိက သားသမီး
ကြောင့်စိတ်ညစ်ရတတ်သည်။ မိမိအိမ်ထောင်ဖက်ရဲ့ အကျိုးပြုမှုကိုလည်း ရရှိစေတတ်ပါတယ်။ တခါတရံတော့ ဂတောက်ဂဆတွေ
ဖြစ်ပေါ်နေတတ်ပါတယ်။ တစ်ယောက်နှင့်တစ်ယောက် စိတ်တိုင်းမကျတာ နားလည်မှုတွေလွဲနေတာ အလိုမကျတာတွေ
ဖြစ်ပေါ်နေပါမယ်။ အိမ်ထောင်ရေးမှာ ကြားလူဝင်နှောင့်ယှက်တာတွေ အိမ်ထောင်ရေးဇယားရှုပ်တာ
အပျော်အပါးလိုက်စားပါက နာမည်ဂုဏ်သိက္ခာ ကျဆင်းတတ်သလို တတ်လာမယ့်အညွန့်ပြန်ကျိုးမယ်။ အမျိုးသမီး
အဖျက်အဆီးတွေ အမျိုးသားတွေ ကြုံတွေ့ရတတ်ပါတယ်။ အသောက်အစား ရှိပါက အိမ်ထောင်ရေး ရန်ပေါ်တတ်ပါတယ်။
အိမ်ထောင်ရေး ဇယားရှုပ်တာ အထူးရှောင်ပါ။ ရှုပ်ထွေးမှုတွေ ဖြစ်ပေါ်တတ်ပါတယ်။ ထိုသို့ပြုလုပ်မိပါက
မမျှော်လင့်ထားတဲ့ ပြဿနာတွေဖြစ်လာတတ်ပါတယ်။ စီးပွားပျက်တတ်တယ်။ ဂုဏ်သိက္ခာ ကျဆင်းတတ်သောကြောင့်
သတိထားဆင်ခြင်ရန်လိုအပ်ပါမည်။ အိမ်ထောင်ရေးမှာ ဆိုးတူကောင်းဖက်တိုင်ပင်ပြီး လက်တွဲမှသာ
အဆင်ပြေစေတတ်ပါတယ်။ ကုသိုလ်ရေးအတူလုပ် ဘာသာရေး အတူလုပ် စီးပွားရေး တိုင်ပင်ပြီး လက်တွဲပါ အပျော်အပါး
အသောက်အစားတွေ ရှောင်ပါ အဆင်ပြေလာပါလိမ့်မည်။

အချစ်ရေး။ ။ယခုနှစ်အတွင်း အချစ်ရေး အဆင်ပြေတာတွေရှိသလို မပြေတာတွေလည်း ရှိနေတတ်ပါတယ်။ ငယ်ရွယ်သူတွေ
အချစ်ရေး စန်းကျနေမည်။ အဖျက်တွေ ဝင်လာတတ်ပါတယ်။ အဆင်ပြေမှုအားနည်း စေတတ်ပါတယ်။ စိတ်ကူးနဲ့ လက်တွေ့
လွဲချော်နေမည်။ လက်ရှိချစ်သူ ရှိနေသူတွေကတော့ အချစ်ရေး ဂတောက်ဂဆတွေ အချစ်ရေး ပြဿနာတွေ
အနည်းငယ်ရှိနေတတ်ပါတယ်။ အခန့်မသင့်ရင် ကွဲကိန်း ပြတ်ကိန်း ပေါ်လာတတ်ပါတယ်။ မကြာခဏ စိတ်ဆိုးစိတ်ကောက်
စကားများနေရတာတွေ ရှိနေတတ်ပါတယ်။ ရန်ဖြစ်လိုက် ပြန်ချစ်လိုက်ရှိနေမယ်။ တခါတရံ သဝန်တို စိတ်မချတာ
အထင်အမြင်လွဲမှားတာတွေ နားလည်မှုလွဲမှားတာတွေ ရှိနေတတ်ပါတယ်။ စိတ်တိုင်းမကျ အလိုမကျတာတွေလည်း
ရှိနေတတ်ပါတယ်။ တခါတလေ ရှေ့တိုးရအခက် နောက်ဆုတ်ရအခက် တွေဝေနေတတ်တယ်။ သံယောဇဉ်တော့ မပြတ်ပါ။
စိတ်ညစ်စရာတွေ များနေတတ်ပါတယ်။ ဇာတာရှင်သည် ယခုနှစ် တွင်အိမ်ထောင်ကျကိန်း ရှိနေပါတယ်။ ယူမယ်ဆို
ယူလို့ရပါတယ်။ ခက်ခဲမှုတွေ မပြည့်စုံမှုတွေကြောင့်တော့ စိတ်ညစ်ရတတ်တယ်။ အချစ်ရေး ဇယားရှုပ်တာ အပျော်အပါး
လိုက်စားပါက မတည်မြဲနိုင်ပါ။

ပညာရေး။ ။ယခုနှစ်မှာပညာရေးနှင့် ပတ်သက်ပြီး အနည်းငယ် ခက်ခဲမှုတွေ ရှိနေတတ်ပါတယ်။
တွေဝေနေတာမျိုးတွေလည်း ရှိနေတတ်ပါတယ်။ သင်တန်းတက်ရကိန်းတေလည်း ပေါ်လာတတ်ပါတယ်။ တက်ပါ မိမိအတွက်
အကျိုးပြုစေတတ်ပါတယ်။ ပညာရေးကို ရပ်တန့်မနေသင့်ပါ ၊လဒ်တလော ပညာရေးထစ်ငေါ့တာ ပညာရေး
တပိုင်းတစတွေ လွဲချော်တာတွေလည်း ရှိနေပေမယ့် မကြာခင်ပြန်လည် ကောင်းမွန်လာပါမည်။ ပညာတတ်လေ
ဘဝလမ်းခရီး အောင်မြင်လေဖြစ်ပါမယ် ပညာရေးကိုဝီရိယ အားစိုက်ထုတ်ကြိုးစားပါ ပညာရေးကို အဖျက်တွေ
ဝင်လာစေတတ်ပါတယ်။ အချစ်ရေးကြောင့် ပညာရေး ထိခိုက်တတ်သလို အပေါင်းအသင်းမှားတာ အပျော်အပါး
မက်မှုတွေကြောင့် ပညာရေး ထိခိုက်တတ်စေတယ် ပညာရေးနှင့် ပတ်သက်ပြီး မိမိကကြိုးစားချင်ပေမယ် ထောက်ပံ့ပေးမှု
အားနည်းနေမယ် ထို့အတွက် ခက်ခဲတတ်တယ်။ အခက်အခဲကြားကနေ ကြိုးစားမှုကြောင့် အောင်မြင်ပါလိမ့်မည်။

ဒီနှစ်အတွင်း အကျိုးပေးဂဏန်းအနေနဲ့။ ။ ၆၊၅၊ ၁ ထိုဂဏန်တွေက တစ်နှစ်ပတ်လုံး အကျိုးပြုစေပြီး ထီထိုးတာမျိုး
တစ်ခြားသောကိစ္စတွေမှာ အသုံးပြုခြင်းဖြင့် ကံကောင်းစေပါလိမ့်မည်။

အကျိုးပေးအရောင်။ ။ဒီနှစ်အတွင်းမှာ ကံဇာတွင့်ပွင့်ပြီး အကျိုးပေးအရောင်အနေနဲ့က အနီရောင်၊ အဝါရောင်
အပြာရောင် ခဲရောင်တွေဖြစ်ပါတယ်။ အရေးကြီးသော စကား အရေးကြီးသော လုပ်ငန်းကိစ္စတွေ ခရီးကိစ္စတွေ
အကြောင်းအရာတွေမှာ ဝတ်ဆင်ပြီး ပြုလုပ်ပြောဆို ဆောင်ရွက်ခြင်းဖြင့် ကံဇာတာပွင့်လန်းစေမည်။

ရှောင်ရန်။ ။ဒီတစ်နှစ်ပတ်လုံး အမဲ ဝက်သား နို့ဆီး ထန်းလျှက် အရက် သောက်စားခြင်း လောင်းကစားပြုလုပ်ခြင်း
နီညိုရောင် အနက်ရောင် ဝတ်ဆင်ခြင်း ရှောင်ပါ။ ထိုအရာတွေ ဝတ်ဆင် စားသောက်ခြင်း အထူးရှောင်ရပါမည်။

**ဒီနှစ်အတွက် မိမိတို့အနေနဲ့ အရေးကြီးသော အကြောင်းကိစ္စ အဝဝ ပြုလုပ်ပြောဆိုရာမှာ** အောင်မြင်ဖို့အတွက်
အကောင်းဆုံး အကျိုးပေးနေ့တွေမှာ တနင်္ဂနွေနေ့နဲ့ သောကြာနေ့ နေ့တွေဖြစ်ပါတယ်။ ထိုနေ့အတွင်းမှာ
အကောင်းဆုံးအချိန်ဖြစ်တဲ့ မုဆိုးရွှေအိုးရကိန်း အချိန်ဖြစ်တဲ့ နေ့လည် ၁း၁၃မှ ၃း၃၆အတွင်းနဲ့ ပုဏ္ဏား နတ်သမီး
ရကိန်းအချိန်ဖြစ်တဲ့ တနင်္ဂနွေနေ့နဲ့ သောကြာနေ့ နေ့ မနက် ၆း၁၀နာရီ မှ၈း၂၄ထို အချိန်တွေမှာ
အရေးကြီးသော အလုပ်ကိစ္စ အကြောင်းအရာရာ ကိစ္စအဝဝ ပြုလုပ်ပြောဆိုရာမှာ သော်လည်းကောင်း ခရီးကိစ္စတွေ
သွားလာတာ မျိုးတွေမှာသော်လည်းကောင်း ထိုအချိန်တွေမှာ ပြုလုပ်ပြောဆို လုပ်ကိုင်ဆောင်ရွက်ခြင်းဖြင့်
အောင်မြင်မှုတွေ ရရှိစေပါမည်။

ဘဝတစ်သက်တာမှာ ဘုမ္မိအရပ်က အနောက်တောင်အရပ်ဖြစ်ပါတယ်။ ထိုအရပ်မှာ စီးပွားရှာတာ ခရီးထွက်တာ
အိမ်ဆောက်တာ အိမ်မျက်နှာလှည့်ပြီး ဆောက်လုပ်တာ လှေကားထားတာ အထူးရှောင်ပါ။

ဘဝတစ်သက်တာအတွက် အကျိုးပေး ရတနာ။ ။ပုလဲ အဖြူရောင်ကျောက်တို့က မိမိတို့ရဲ့ အကျိုးပေး ရတနာတွေပဲ
ဖြစ်ပါတယ်။

ယတြာ။ ။ဒီနှစ် တစ်နှစ်လုံးမှာ မိမိတို့အနေနဲ့ ကံဇာတာပွင့်လန်းစေရန် ကံကောင်းမှုတွေ ရရှိစေရန် ပြုလုပ်ရမည့်
ကောင်းမှုကံ ယတြာ တနင်္ဂနွေနေ့မနက် (၉း၄၅) တွင်အုန်း၆ညွန့် အာရုံဆွမ်းသစ်သီးဆွမ်းကို မိမိအိမ်ဘုရားတွင်လှူပါ။
တပတ်တခါလှူပြီး မိမိလိုရာဆုတောင်းပါ။ ထီးနီအကြီး၁လက် စနေထောင့်မှာ တစ်လတစ်ခါလှူပြီး ဆုတောင်း
လူဝတ်လည်းတာ အဓိဌာန်ဝင် ပုတီးစိပ်တာ တရားစခန်းဝင်တာမျိုးတွေ ပြုလုပ်ပါ ကံကောင်းမှုတွေ ရရှိစေမည်။

အညံ့ပပျောက်ရန် ။ ။ဒီနှစ်အတွင်းမှာ မိမိတို့ ခက်ခဲမှု အဆင်မပြေမှုတွေ လွတ်မြောက်စေရန်အတွက်
မည်သည့်နေ့ညနေပိုင်းတွင် မဆို နို့ဆီ၃ဗူး လမ်းဘေး တောင်းရမ်း စားသောက်သူကိုပေးပြီး ငါ့မှာရှိတဲ့မကောင်းတဲ့
အညံ့အားလုံးပါသွားစေဟု ပြောပြီးပေးပါ။ တလတခါပေးပါ လူသွားလမ်းတွေ အမှိုက်ရှင်း
မိဘအဝတ်အစားလျှော်ပါ ဘာသာရေး အထူးပြုလုပ်ပေးပါ၊ ပုတီးစိပ်ပါ ကံအညံ့တွေ ပျောက်စေမည်။