၂၀၂၆ ခုနှစ် တနင်္ဂနွေ သားသမီးများအတွက် ကံကြမ္မာ အဟော

တနင်္လာ သားသမီးများအတွက် မိမိတို့ရဲ့ အသက် အပိုင်းအခြား ၁၄၊ ၂၂၊ ၃၀၊ ၃၈၊ ၄၆၊ ၅၄၊ ၆၂၊ ၇၀၊
၇၈၊ ၈၆။ ထိုနှစ်တွေမှာ ကြုံတွေ့ရစေမယ့် မိမိတို့ရဲ့ ကံကြမ္မာ အစိတ်အပိုင်းများ။

စီးပွားရေး အလုပ်အကိုင်။ ။ယခုနှစ်အတွင်း တနင်္လာသားသမီးတွေရဲ့ စီးပွားရေး အလုပ်အကိုင်တွေမှာဆိုရင် လုပ်ငန်းသစ်
အလုပ်ကိုင်သစ်များ တိုးချဲ့လုပ်ကိုင်ရကိန်းရှိသည်။ အကြံအစည်သစ်တွေပေါ်မယ်။ လုပ်ငန်းတွေ တိုးတက်ကောင်းမွန်လာမယ်။
နာမည်ကောင်းတွေ ရလာမယ်။ လူအထင်ကြီးခံရစေတတ်ပါတယ်။ လုပ်ငန်းပိုင်းတိုးချဲ့ရမယ် အလုပ်အကိုင်နှင့် ပတ်သက်ပြီး
အပြောင်းအလဲတွေ ဖြစ်ပေါ်လာတတ်ပါတယ်။ လုပ်ငန်းထဲတွင် အပြိုင်အဆိုင် အတိုက်အခံပေါ်တတ်သည်။ စိုးရိမ်စရာမရှိပါ
အတိုက်အခံများကြားတွင် အောင်မြင်နေမည်။ အကြီးအကဲ အထက်လူကြီးများထံမှ အကူအညီများရရှိမည်။
ဝန်ထမ်းများ အလုပ်နေရာ ပြောင်းရွှေ့ရတတ်သည်။ ရာထူးလစာတွေ တိုးတက်လာစေမည်။ လုပ်ငန်းသစ်
စတင်ပြီးလုပ်မည်ဆိုပါက လည်းအောင်မြင်နိုင်ပါတယ်။ အကျိုးပေးပါမည်။ အလုပ်နှင့်ပတ်သက်ပြီး ခရီးသွားရတတ်သည်။
သွားလျှင်ကောင်းသည်။ အဆက်အသွယ် ကောင်းများရရှိခြင်း လုပ်ငန်းနေရာ တိုးချဲ့ရခြင်းများကြုံမည်။
နိုင်ငံရပ်ခြားနှင့်ပတ်သက်သော ကိစ္စများအဆင်ပြေမည်။ အထူးသဖြင့် ရေကြောင်းခရီးနှင့် ပတ်သက်သော
ကိစ္စများအဆင်ပြေမည်။ လုပ်ချင်တာကို ရဲရဲသာလုပ်ပါ။ အောင်မြင်ဖို့ အနေအထား ကောင်းတွေဖြစ်လာ စေမည်။
စီးပွား လုပ်ငန်း လုပ်တဲ့နေရာမှာ အဓိက အရေးကြီးတာက ကိုယ်ကျင့်တရား ထိန်းသိမ်းပြီး ပြုလုပ်ပါ။
မထိန်းနိုင်ပါက ဒုက္ခကြီးစွာ ရောက်စေမည်။

ရွှေဝင်မယ် ရေတွင်းရေကန်တူးရတတ်တယ်၊ ဝန်ထမ်းဆို ရာထူးလစာတိုးမယ်၊ မင်္ဂလာပြုရတာ အလှူဒါနပြုရတာတွေ
ရှိလာတတ်ပါတယ်။ ခြံ ကား ကျောက် ခြေနှစ်ချောင်းဝင်မယ်။ အကြီးအကဲ အိမ်ပြင် အိမ်ပြောင် အလုပ်ပြောင်း
ပြုရတတ်ပါတယ်။ ယခုနှစ် စီးပွားရေး လုပ်မည်ဆိုပါက ရွှေလုပ်ငန်း ရေ ဝပ်ရှော့ လျှက်စစ်ပစ္စည်း
လူသုံးကုန်လုပ်ငန်းတွေ အရောင်းအဝယ် လ္ဘက်ရည်ဆိုင် ကား ကျောက် ကုန်ရောင်ကုန်ဝယ် ကုန်စုံဆိုင် ငါးလုပ်ငန်း
ကုန်ရောင်း ကုန်ဝယ်လုပ်ငန်းတွေ လုပ်ကိုင်ပါကအဆင်ပြေမည်။ သွပ်သံသစ် ရောင်းဝယ်ရေးလုပ်ငန်းများ၊ ဟိုတယ်နှင့်
ခရီးသွားလာရေးလုပ်ငန်းများ အဆင်ပြေမည် စပ်တူလုပ်ငန်း ရှယ်ရာလုပ်ငန်းများ သတိထားပြုလုပ်သင့်ပါတယ်။

ယခုနှစ်တွင်အလုပ်တွေ ပြန်လည်ကောင်းမွန်လာပါမည်။ လုပ်ငန်းစတင်လုပ်ကိုင်မည့်သူများ မိမိလုပ်ငန်း အောင်မြင်မှုရရှိမည့်
အချိန်ကာလဖြစ်သည်။ ကိုယ်ပိုင်လုပ်ငန်းတွေ တစ်ပိုင်တစ်နိုင်လုပ်ငန်းတွေ လုပ်ပါ။ ကိုယ်ပိုင်လုပ်ငန်းကသာ စီးပွားဖြစ်မြန်
ချမ်းသာလွယ်စေတတ်ပါတယ်။ မြောက်အရပ် အရှေ့တောင်အရပ်မျာ ယခုနှစ်မှာ စီးပွား မရှာသင့် ရှောင်ရပါမည်။

မိမိအိမ်ကို ဘာသာရေး ဆိုင်ရာပစ္စည်း ဘုရားပုံတော် ဆင်းတုတော် အဆောင် လက်ဖွဲ့ ရသည် ရောက်လာခဲသည်ရှိသော်
အရာရာအောင်မြင်မည်။ သေချာသိမ်းပြီး ဆောင်ပါ။ ထူးခြားလာပါလိမ့်မည်။ တစ်စုံတစ်ဦး ကလေးမွေးတဲ့
အသံကြားရရင်လည်း စီးပွား တက်လာစေမည်။ မင်္ဂလာ အလှူ ပြုရတတ်ပါတယ်။ စီးပွားရေးနဲ့အတူ ဘာသာရေး
ကုသိုလ်ရေး ယှဉ်တွဲလုပ်ပါ။ ကောင်းမှုတစ်ခု နေ့စဉ်ပြုပါ။ ခိုစာ ခွေးစာ ငှက်စာကျွေးပါ။ လပြည့်လကွယ်
သက်သတ်လွတ်စား ဘုရားခန်း နေအိမ်အမြဲ သန့်ရှင်းအောင်ထားပါ။ ကံတရားရဲ့ အထောက်အပံ့ကောင်းတွေ
ရရှိလာမှာဖြစ်ပါတယ်။ မိမိအိမ်ဘုရားမှာ ယိူ၂မျိုးရေနွေးကြမ်းလှူပါ။ လာဘ်နှိုးဂါထာတွေရွတ်ပါ။

ငွေကြေး။ ။ ငွေကြေးကံအနေနှင့် ငွေ ရှာရလွယ်နေတတ်ပါတယ်။ လာဘ်ဝင်လာမယ်။ ငွေဝင်လာပါမယ်။
ရစရာရှိတာတွေလည်း ပြန်ရမယ်။ ပေးစရာရှိတာတွေလည်း အကုန်အဆင်ပြေသွားပါလိမ့်မည်။ တခါတရံ ငွေအဝင်အထွက်တွေ
များနေတတ်ပါတယ်။ ကုန်စရာတွေ များတဲ့ လတွေရှိမယ်။ အထွက်များမယ် သတိထားသုံးစွဲနိုင်မှ မြဲစေမည်။ ငွေစုပါ။
ငွေဝင်လာရင် ရွှေစုပါ။ လုပ်ငန်းတိုးချဲ့ပါ။ ဒါနကောင်းမှုပြုပါ။ ငွေကိုချွေတာပြီး သုံးရန် လိုစေတတ်
ငွေချေးတာ အာမခံတာ အထူးရှောင်ပါ ငွေလူလိမ်ခံရတတ်ပါတယ်။ ငွေကြေးက မမြဲတတ်သောကြောင့်
ငွေနဲ့ရင်တဲ့အလုပ်တွေ ဖြတ်လမ်းစီးပွားရေးတွေ သတိနဲ့ ပြုလုပ်ပါ။ ထီကံကောင်းမယ်။ ထီပေါက်ကိန်း ရှိပါတယ်။
အကျိုးပေးဂဏန်း ၂ ၁ ၄ ဖြစ်ပါတယ်။ ငွေကံကောင်းစေရန် လာဘ်ပွင့်ဂါထာကို မနက်ည ၁၀ ခေါက်ရွတ်ပါ။
အစာရေစာရှားပါးသူ အဝတ်အထည်ရှားပါးသူကို ပေးလှူပြီးဆုတောင်း။

လူမှုရေး။ ။လူမှုရေး အနည်းငယ် စိတ်ညစ်စရာတွေ အတိုက်အခံတွေတော့ ရှိနေတတ်ပါတယ်။ စကားအခြေအတင်လေးတွေ
စကားပြောရတတ်ပါတယ်။ လူယုံထားလို့မရပါ။ ဆရာသမားလို ပုဂ္ဂိုလ်မျိုးနဲ့ အဆင်မပြေဖြစ်စေမည်။ မြေကိစ္စ
အမွေကိစ္စ မိသားစုအရေး အမျိုးသမီး ကိစ္စကြောင့် အတိုက်အခံစကားပြောရတာ ပေါ်လာတတ်တယ်။
အမျိုးသမီးတဦးနဲ့လည်း စကားများရတာတွေ ဖြစ်ပေါ်လာတတ်ပါတယ်။ အားနာမှုကြောင့်
ဒုက္ခရောက်စေတတ်ပါတယ်။ လက်အောက်ငယ်သား မိမိညီအကို မောင်နှမတွေကြောင့်လည်း စကားအခြေအတင်
ပြောရစေတတ်ပါတယ်။ ကိုယ့်ကိုကိုယ်ပဲ အားကိုးပါ သူတပါးအားမကိုးပါနှင့် စိတ်လိုက်မာန်ပါ ပြုမူပြောဆိုတာတွေ
ရှောင်ပါ။ အမှုအခင်း ပြဿနာလေးတွေ ဖြစ်လာတတ်ပါတယ်။ စေတနာကောင်း စိတ်ကောင်းထားပါ။ ဘာသာရေး
ပိုလုပ်ပါ။ သူများပြဿနာ ဝင်ဖြေရှင်းတာတွေ မပြုလုပ်ရ အင်္ဂါနံပါတဲ့နေ့သားတွေ စနေနံပါတဲ့နေ့သားတွေနဲ့
စကားပြောဆိုတာ သတိထားပါ။ သရဏဂုံ အမြဲရွတ် သမ္ဗုဒ္ဓေဂါထာ သက်စေ့ရွတ် တံမျက်စည်းတွေ
မကြာမကြာလှူပြီးဆုတောင်း။

ကျန်းမာရေး။ ။ကျန်းမာရေးမှာဆိုရင် နှလုံးအားနည်းပြီး ရင်တုန်တာ ဦးခေါင်းမကြည်တာ
ညောင်းညာကိုက်ခဲတာ သွေးအားနည်းပြီး မူးမောတာ သွေးသားမမှန်တာ သွားနှုတ်ရတာ သွားနာသွားကိုက်တာ
အစာအိမ်လေအောင့်တာ မျက်စိအားနည်းတာမျိုး တစ်ခါတစ်ရန် ချောင်းဆိုး ရင်ကျပ်တာ ရာသီအကူးအပြောင်း
ဖျားနာတာတွေ ဖြစ်ပေါ်နေတတ်ပါတယ်။ အကုန်ဖြစ်မယ်လို့တော့ မဆိုလိုပေ တစ်ခုမဟုတ်တစ်ခု ဖြစ်ပေါ်လာတတ်ပါတယ်။
အသက်ကြီးပိုင်းတွေ သွေးတိုးနှလုံး အစာမှားစေတာ သွေးပေါင်အတက်အကြတွေ ဖြစ်စေမည်။ သတိထားရန်တော့
လိုစေတတ် မွေးနံထောင့်မှာ အခင်းလှူပါ ရေလှူပါ ငှက်လွှတ်ပြီးဆုတောင်းပါ။ ဘာသာရေးပိုလုပ်ပါ။

အိမ်ထောင်ရေး။ ။ယခုနှစ် အိမ်ထောင်ရေးမှာဆိုရင် အိမ်ထောင်ရေး ရန်ပေါ်နေတတ်ပါတယ်။ မိမိအိမ်ထောင်ဘက်နှင့်
ဂတောက်ဂဆတွေ ဖြစ်ပေါ်နေတတ်ပါတယ်။ သဝန်တို စိတ်မချတာတွေ တယောက်နှင့်တယောက် စိတ်တိုင်းမကျတာ
နားလည်မှုတွေလွဲနေတာ အလိုမကျတာတွေ မကြာခဏဖြစ်ပေါ်နေပါမယ်။ အိမ်ထောင်ရေးမှာ
ကြားလူဝင်နှောင့်ယှက်တာတွေ အိမ်ထောင်ရေးအပျက်အစီး အနှောင့်အယှက်တွေကြုံလာပါမယ်။ စီးပွားရေး
အဆင်ပြေနေတဲ့အချိန်တွေမှာ အိမ်ထောင်ရေးဇယားရှုပ်တာ အပျော်အပါးလိုက်စားပါက နာမည်ဂုဏ်သိက္ခာ
ကျဆင်းတတ်သလို တတ်လာမယ့်အညွန့်ပြန်ကျိုးမယ်။ အမျိုးသမီး အဖျက်အဆီးတွေ ကြုံတွေ့ရတတ်ပါတယ်။ အသောက်အစား
ရှိပါက အိမ်ထောင်ရေး ရန်ပေါ်တတ်ပါတယ်။ အိမ်ထောင်ရေး ဇယားရှုပ်တာ အထူးရှောင်ပါ။ ရှုပ်ထွေးမှုတွေ
ဖြစ်ပေါ်တတ်ပါတယ်။ ထိုသို့ပြုလုပ်မိပါက မမျှော်လင့်ထားတဲ့ ပြဿနာတွေဖြစ်လာတတ်ပါတယ်၊ စီးပွားပျက်တတ်တယ်။
ဂုဏ်သိက္ခာ ကျဆင်းတတ်သောကြောင့် သတိထားဆင်ခြင်ရန်လိုအပ်ပါမည်။ အိမ်ထောင်ရေးမှာ
ဆိုးတူကောင်းဖက်တိုင်ပင်ပြီး လက်တွဲမှသာ အဆင်ပြေစေတတ်ပါတယ်။ ကုသိုလ်ရေးအတူလုပ် ဘာသာရေး အတူလုပ်
စီးပွားရေး တိုင်ပင်ပြီး လက်တွဲပါ။ အပျော်အပါး အသောက်အစားတွေ ရှောင်ပါ။ အဆင်ပြေလာပါလိမ့်မည်။

အချစ်ရေး။ ။ ယခုနှစ်အတွင်း အချစ်ရေး စန်းပွင့်နေတတ်ပါတယ်။ ငယ်ရွယ်သူတွေ အချစ်ရေး ကံကောင်းလာပါမယ်။
ချစ်သူမရှိသေးသူများ ချစ်သူရစေတတ်တယ်။ အထီးကျန်နေသူတွေ အချစ်သစ်တွေ့စေမည်။ လက်ရှိချစ်သူ ရှိနေသူတွေကတော့
အချစ်ရေးဂတောက်ဂဆတွေ အချစ်ရေး ပြဿနာတွေ အနည်းငယ်ရှိနေတတ်ပါတယ်။ မကြာခဏ စိတ်ဆိုးစိတ်ကောက်
စကားများနေရတာတွေ ရှိနေတတ်ပါတယ်။ ရန်ဖြစ်လိုက် ပြန်ချစ်လိုက်ရှိနေမယ်။ တခါတရံ သဝန်တို စိတ်မချတာ
အထင်အမြင်လွဲမှားတာတွေ နားလည်မှုလွဲမှားတာတွေ ရှိနေတတ်ပါတယ်။ ယခုနှစ်တွင် အိမ်ထောင်ကျကိန်း ရှိနေပါတယ်။
ယူမယ်ဆို ယူလို့ရပါတယ်။ အလှူသို့ မင်္ဂလာပြုရတတ်တယ်။ ချစ်သူနှစ်ဦးကြားမှာ အဖျက်အဆီးတွေ ဝင်လာစေတတ်ပါတယ်။
အချစ်ရေး ဇယားရှုပ်တာ အပျော်အပါး လိုက်စားပါက မတည်မြဲနိုင်ပါ။ အဆက်အသွယ်ပြတ် နေသူတွေ
ပြန်ရစေတတ်ပါတယ်။

ပညာရေး ။ ။ ယခုနှစ်မှာပညာရေးနှင့် ပတ်သက်ပြီး ရပ်တည့်နေတတ်ပါတယ်။ တွေဝေနေတာမျိုးတွေလည်း
ရှိနေတတ်ပါတယ်။ အကြောင်းအမျိုးမျိုးကြောင့် စိတ်မပါတာမျိုး ရှိနေမည်။ ပညာရေး ကျရှုံးမှုတွေလည်း
ဖြစ်တတ်တယ်။ လတ်တလော ပညာရေးထစ်ငေါ့တာ ပညာရေး တစ်ပိုင်းတစ်စတွေ လွဲချော်တာတွေလည်း ရှိနေပေမည်။
ပညာတတ်လေ ဘဝလမ်းခရီး အောင်မြင်လေဖြစ်ပါမယ်။ ပညာဖြင့်အသက်မွေးဝမ်းကြောင်းပြုရင်လည်း
အကျိုးပေးပါမည်။ ပညာရေး ကိုဝီရိယ အားစိုက်ထုတ်ကြိုးစားပါမှ အောင်မြင်ပါလိမ့်မည်။ ပညာရေးကို အဖျက်တွေ
ဝင်လာစေတတ်ပါတယ်။ အချစ်ရေးကြောင့် ပညာရေး ထိခိုက်တတ်သလို အပေါင်းအသင်းမှားတာ အပျော်အပါး
မက်မှုတွေကြောင့် ပညာရေး ထိခိုက်တတ်စေတယ်။ ပညာရေးနှင့် ပတ်သက်ပြီး ကံ ဉာဏ် ဝီရိယ အားစိုက်ထုတ်ရမယ့်
နှစ်ဖြစ်တယ်။

ဒီနှစ်အတွင်း အကျိုးပေးဂဏန်း ။ ။ ၂၊ ၄၊ ၁ ထိုဂဏန်းတွေက တစ်နှစ်ပတ်လုံး အကျိုးပြုစေပြီး ထီထိုးတာမျိုး
တစ်ခြားသော ကိစ္စတွေမှာ အသုံးပြုခြင်းဖြင့် ကံကောင်းစေပါလိမ့်မည်။

အကျိုးပေးအရောင်။ ။ ဒီနှစ်အတွင်းမှာ ကံဇာတွေပွင့်ပြီး အကျိုးပေးအရောင်အနေနဲ့က အဖြူရောင်၊ အစိမ်းရောင်
ခဲရောင် ရွှေဝါရောင် အနီရောင်တွေဖြစ်ပါတယ်။ အရေးကြီးသော စကား အရေးကြီးသော လုပ်ငန်းကိစ္စတွေ
ခရီးကိစ္စတွေ အကြောင်းအရာတွေမှာ ဝတ်ဆင်ပြီး ပြုလုပ်ပြောဆို ဆောင်ရွက်ခြင်းဖြင့် ကံပွင့်စေမည်။

ရှောင်ရန်။ ။ ဒီတစ်နှစ်ပတ်လုံး၊ အမဲ ဆိတ်သား ဇီးသီး အဝါရောင် နီညိုရောင် ရှောင်ပါ။ ထိုအရာတွေ ဝတ်ဆင်
စားသောက်ခြင်း ကိုယ်ကျင့်တရားပျက်ခြင်း အပျော်အပါးလိုက်စားခြင်း အထူးရှောင်ရပါမည်။

**ဒီနှစ်အတွက် မိမိတို့အနေနဲ့ အရေးကြီးသော အကြောင်းကိစ္စ အဝဝ ပြုလုပ်ပြောဆိုရာမှာ** အောင်မြင်ဖို့အတွက်
အကောင်းဆုံး အကျိုးပေးနေ့တွေမှာ တနင်္လာနေ့နဲ့ ဗုဒ္ဓဟူးနေ့ နတွေဖြစ်ပါတယ်။ တနင်္လာနေ့ အတွင်းမှာ
အကောင်းဆုံးအချိန်ဖြစ်တဲ့ မုဆိုးရွှေအိုးရကိန်း အချိန်ဖြစ်တဲ့ နေ့လည် ၁း၁၃ မှ ၃း၃၆ အတွင်းနဲ့ ပုဏ္ဏား နတ်သမီး
ရကိန်းအချိန်ဖြစ်တဲ့ ဗုဒ္ဓဟူးနေ့ မုဆိုးရွှေအိုးရကိန်း အချိန်ဖြစ်တဲ့ မနက် ၆း၁၀မှ ၈း၂၄ နာရီ နဲ့ ပုဏ္ဏား
နတ်သမီး ရကိန်းအချိန်ဖြစ်တဲ့ ညနေ ၃း၃၇ မှ ၆း၀၀ အတွင်း ထိုအချိန်တွေမှာ အရေးကြီးသော အလုပ်ကိစ္စ
အကြောင်းအရာရာ ကိစ္စအဝဝ ပြုလုပ်ပြောဆိုရာမှာ သော်လည်းကောင်း ခရီးကိစ္စတွေ သွားလာတာ
မျိုးတွေမှာသော်လည်းကောင်း ထိုအချိန်တွေမှာ ပြုလုပ်ပြောဆို လုပ်ကိုင်ဆောင်ရွက်ခြင်းဖြင့် အောင်မြင်မှုတွေ
ရရှိစေပါမည်။

ဘဝတစ်သက်တာမှာ ဘုမ္မိအရပ်က အနောက်တောင်အရပ်ဖြစ်ပါတယ်။ ထိုအရပ်မှာ စီးပွားရှာတာ ခရီးထွက်တာ
အိမ်ဆောက်တာ အိမ်မျက်နှာလှည့်ပြီး ဆောက်လုပ်တာ လှေကားထားတာ အထူးရှောင်ပါ။

ဘဝတစ်သက်တာအတွက် အကျိုးပေး ရတနာ ။ ။ ပုလဲ၊ အဖြူရောင်ကျောက်တို့က မိမိတို့ရဲ့ အကျိုးပေး ရတနာတွေပဲ
ဖြစ်ပါတယ်။ ထိုရတနာတွေကို ဝတ်ဆင် ထားခြင်းဖြင့် ကံဇာတာပွင့်လန်းစေပါမည်။

ယတြာ။ ။ ။ ဒီနှစ် တစ်နှစ်လုံးမှာ မိမိတို့အနေနဲ့ ကံဇာတာပွင့်လန်းစေရန် ကံကောင်းမှုတွေ ရရှိစေရန် ပြုလုပ်ရမည့်
ကောင်းမှုကံ ယတြာ တနင်္လာနေ့နဲ့ ဗုဒ္ဓဟူးနေ့မနက် (၉း၄၅) တွင် ရွှေပန်း ငွေပန်းလှူ ယို ၂ မျိုးကို
မိမိအိမ်ဘုရားတွင်လှူပါ။ တစ်ပတ်တခါလှူပြီး မိမိလိုရာဆုတောင်းပါ။ မွေးနံထောင့်မှာ ယပ်လှူရေလှူ လိုရာဆုတောင်း
လာဘ်ပွင့်ဂါထာ အန္တရာယ်ကင်းဂါထာတွေ ရွတ်ပြီး လိုရာဆုတောင်း။

အညံ့ပပျောက်ရန် ။ ။ ဒီနှစ် တစ်နှစ်လုံးမှာ မိမိတို့အနေနဲ့ ကံအဆိုးအညံ့တွေ ပပျောက်စေရန်အတွက်
မည်သည့်နေ့ညနေပိုင်းတွင် မဆို ဆိတ်သားဟင်းကို ထမင်းကြမ်းနှင့်နယ်ပြီး လမ်းဘေးခွေးကျွေးပါ။
ငါ့မှာရှိတဲ့မကောင်းတဲ့ အညံ့အားလုံးပါသွားစေဟုပြောပြီး ကျွေးပါ ဘာသာရေး အထူးပြုလုပ်ပေးပါ။