၂၀၂၆ ခုနှစ် စနေသားသမီးများအတွက် ကံကြမ္မာ အဟော

စနေသားသမီးများအတွက် မိမိတို့ရဲ့အသက်အပိုင်းအခြား ၁၀ ၁၈ ၂၆ ၃၄ ၄၂ ၅၀ ၅၈ ၆၆ ၇၄ ၈၂ ၉၀။ ထိုနှစ်တွေမျာကြုံတွေ့ရစေမယ့် မိမိတို့ရဲ့ ကံကြမ္မာ တစိတ်တပိုင်းများ။
စီးပွားရေး အလုပ်အကိုင် ။ ။ ယခုနှစ်မှာ စနေ သားသမီးများ အနေဖြင့် အလုပ်အကိုင် စီးပွားရေးနဲ့ ပတ်သတ်ပြီး ကံ၊ ဉာဏ်၊ ဝီရိယအားထုတ်ရမည့် နှစ်ဖြစ်တယ်။ စီးပွားရေး အနည်းငယ် ခက်ခဲမှုတွေလည်း ဖြစ်လာတတ်ပါတယ်။ လုပ်သမျှအရာမထင်ပဲ ရှိနေမယ်။ ဟိုလိုလို ဒီလိုလိုနဲ့ အချိန်တွေ ကုန်နေတတ်ပါတယ်။ ဟိုဟာလုပ်ရကောင်းနိုး ဒီဟာလုပ်ရကောင်းနိုး ဖြစ်နေတတ်ပါတယ်။ စီးပွားရေးက ထင်သလောက်မဖြစ် မကောင်းစေပဲ ရှိနေမည်။ မကြာခင်လုပ်ငန်းသစ်တွေလည်း ပေါ်လာစေတတ်ပါတယ်။ အကြံအစည်သစ်တွေ ပေါ်လာစေမယ်။ စပ်တူလုပ်ငန်းတွေ လုပ်လို့ရစေတတ်ပါတယ်။ လုပ်ငန်းတွေမှာ အပြိုင်အဆိုင်လေးတွေတော့ ရှိနေတတ်ပါတယ်။ အကြီးအကဲ အထက်လူကြီးတွေနဲ့ ပတ်သက်ပြီး အကူအညီကို ရရှိလာတတ်ပါတယ်။ ဝန်ထမ်းဆို အလုပ်မှာ စိတ်ဖိစီးမှုတွေ ရှိနေတတ်ပါတယ်။ တခါတရံ အလုပ်ပြောင်းချင် ထွက်ချင်စိတ်တွေ ပေါ်လာတတ်ပါတယ်။ ကိုယ်ပိုင် တစ်ပိုင်တစ်နိုင်လုပ်ငန်းတွေ စလုပ်ပါကလည်း အဆင်ပြေစေတတ်ပါတယ်။ အနောက်တောင်အရပ်ကနေ လာဘ်ဝင်လာစေတတ်ပါတယ်။ လုပ်ငန်းပိုင်းတွေမှာတော့ အပြိုင်အဆိုင်တွေ များနေစေတတ်ပါတယ်။ လူမှုရေးအတိုက်အခံတွေ ပေါ်လာစေတတ်ပါတယ်။ အရောင်းအဝယ် လုပ်ငန်း လုပ်နေတဲ့သူတွေ ထင်သလောက် အမြတ်မကျန်ပဲ ပြိုင်ဆိုင်မှုတွေ များနေမည်။ လုပ်ငန်းတွေကို ငွေရင်းနှီးမြှုတ်နှံရသော အလုပ်တွေ ရှောင်ပါ။ ငွေရှာရတာလွယ်သလောက် ငွေကုန်စရာ တွေလည်းပေါ်မည်။ ကျန်ဖန်ပြီး ငွေထွက်နေမယ်။ စက်ပစ္စည်းတွေဝင်မယ်။ အရောင်းအဝယ်သမားတွေ ငွေရွှင်မယ်။ ခရီး ထွက်ရကိန်းတွေကြုံရမယ်။ လူမျိုးဘာသာမတူသူတွေ ကူညီပေးတတ်တယ်။ ဘာသာရေး သာသနာရေးလုပ်ငန်းများလည်း လုပ်ကိုင်ရတတ်တယ်။ အိုးအိမ် အသစ်ဆောက်ရတာတွေ အိမ်ပြင်ရတတ်ပါတယ်။
အိမ်ပြောင်း အလုပ်ပြောင်း ရတာတွေလည်း ဖြစ်ပေါ်တတ်ပါတယ်။ ဝန်ထမ်းဆိုအပြိုင်အဆိုင်များမယ် စီးပွားဖြစ်နှေးတတ်ပါတယ်။ လူမျိုးခြား ဘာသာခြားတွေရဲ့ ကူညီမစမှုတွေရရှိနေမယ်။ မြေကိစ္စ အမွေကိစ္စ မိသားစုးကိစ္စ စိတ်ညစ်နေရတတ်ပါတယ်။ ကိုယ့်အားကိုယ် ကိုးပါ သူများအားကိုးရင် မိမိပြန်ပြီးဒုက္ခရောက်တတ်ပါတယ်။ ယခုနှစ်မှာ အနည်းငယ်လူပင်ပန်း စိတ်ပင်ပန်းမှုတွေရှိနေတတ်ပါတယ်။ လုပ်ငန်းထစ်ငေါ့တာ ခက်ခဲတာတွေရှိနေပါမယ်။ လာဘ်ပိတ်စေမယ်။ သတိထားပါ။ အလုပ်မှာ အကြီးအကဲ အထက်လူကြီးတွေရဲ့ ကူညီမစမှုတွေကိုရမယ်။
ထီး ဖိနပ် အထည်သစ်တွေဝင်မယ်။ ရတနာပစ္စည်း ရွှေအထွက် ရှိနေတတ်ပါတယ်။ ဘဝတသက်တာမှာ ကိုယ့်ဒူးကိုယ်ချွန်ရပ်တည် ကြိုးစားရပါမယ်။ မိသားစု ညီအကိုမောင်နှမ အားကိုးလို့မရပါ။ လက်အောက်ငယ်သားတွေတော့ အကူအညီတွေ ရရှိလာစေတတ်ပါတယ်။ စက်ပစ္စည်းတွေ ဝင်လာစေတတ်ပါတယ်။ လူမျိုးခြားအကူအညီတွေ ရရှိလာစေတတ်ပါတယ်။ ယခုနှစ်မှာ စီးပွားရေး စတင်လုပ်ဆောင်မည်ဆိုပါက အကျိုးပေးမယ့် လုပ်ငန်းတွေ မှာ အင်္ဂါ၊ တနင်္ဂနွေနံ လုပ်ငန်းများ လုပ်ကိုင်ပါက အကျိုးပေးပါတယ်။ ဆန်၊ ဆီ၊ ဆား၊ ဆေး၊ စားသောက်ကုန် စက်မူလုပ်ငန်းများ၊ အိုး၊ အိမ်နှင့်ပတ်သက်သောလုပ်ငန်း၊ ဥယျာဉ်၊ ခြံမြေလုပ်ငန်းများ အီလက်ထရောနစ်ပစ္စည်းအရောင်း အဝယ် အထည်အလိပ် ဓာတ်ဆီဒီဇယ်လုပ်ငန်း ထမင်းဆိုင် နိုင်ငံခြားနဲ့ ဖက်စပ်လုပ်ငန်းတွေက အကျိုးများစေတတ်ပါတယ်။ အကျိုးအမြတ်ရမယ်။ အောင်မြင်ပါလိမ့်မယ်။ ယခုနှစ်မှာဆိုရင် စီးပွားရေးနဲ့အတူ ဘာသာရေး ကုသိုလ်ရေး ကောင်းမှုတစ်ခုနေ့စဉ်ပြုနေပါ။ ဘာသာရေးအားနည်းလေ မိမိကံတရားညှိုးနွမ်းလေ ဖြစ်လာစေတတ်ပါတယ်။ ထို့ကြောင့်ဘာသာရေး ပိုအလေးထားပါ။ ဆန်ဆီဆေးလှူတာ ခိုစာ ခွေးစာ ငှက်စာကျွေးတာတွေ အမြဲပြုလုပ်ပါ။ မတ် ဧပြီ မေလတွင် ငွေကြေးလာဘ်ရွှင်စေပါမည်။ အလုပ်အကိုင်များ မဆင်ပြေစီးပွားရေးတိုးတတ် အကျိုးခံစားခွင့်များ ရရှိနိုင်မည့်နှစ်ဖြစ်သည်။ လူပျိုအပျိုဖြစ်လျှင် အချစ်ရေးစန်းပွင့်တဲ့နှစ်ဖြစ်ပြီး အနောက်အရပ်က ချစ်သူတွေ့တတ်ပါမည်။ အချစ်ရေးအဆင်ပြေ အိမ်ထောင်ရေးအဆင်ပြေတဲ့နှစ်ဖြစ်မည်။ တစ်ခု သတိထားရမှာက အချစ်ကိုမယုံလွယ်ပါနှင့်။ သူတစ်ပါးကြောင့် သားသမီးကြောင့် မျက်နှာပျက် အရှက်ရတတ်ခြင်း စွပ်စွဲပြောဆိုခံရခြင်းများ ခံရတတ်ပါသည်။ ကွဲကွာခဲ့သော အိမ်ထောင်ဘက် ချစ်သူနှင့် ပြန်လည်အဆင်ပြေ ပေါင်းဖက်ရတတ်ပါသည်။
ငွေကြေး ။ ။ ငွေကြေးကံအနေနှင့် ငွေဝင်ပြီး လက်ထဲမှာ ငွေမမြဲပဲ ဖြစ်စေတတ်ပါတယ်။ ငွေရှာရတာ မလွယ်ကူနေပဲ ခက်ခဲမှုတွေ ရှိနေတတ်ပါတယ်။ ငွေကုန်စရာတွေလည်း ပေါ်လာတတ်ပါတယ်။ ငွေအဝင်အထွက်တွေ များနေတတ်ပါတယ်။ တစ်ခါတစ်ရံ ငွေအတွက်ပူရတာ ငွေဝင်ပြီး ကျွေးတင်နေစေတတ်ပါတယ်။ ငွေကိုချွေတာသုံးပါ။ ငွေကို အဖက်ဖက်ကနေ ငွေဝင်လမ်းတွေ ရှာနိုင်မှသာ ငွေကအဆင်ပြေပါမယ်။ ငွေစုပါ ငွေဝင်လာရင် လုပ်ငန်းတိုးချဲ့ပါ။ ဒါနကောင်းမှုပြုပါ။ ငွေကိုချွေတာပြီး သုံးရန် လိုစေမည်။ ငွေချေးတာ အာမခံတာ အထူးရှောင်ပါ။ ငွေလူလိမ်ခံရတတ်ပါတယ်။ ငွေကြေးက မမြဲတတ်သောကြောင့် ငွေနဲ့ရင်းတဲ့အလုပ်တွေ ဖြတ်လမ်းစီးပွားရေးတွေ ရှောင်ပါ။ ငွေကံကောင်းစေရန် မနက်မိုးလင်းတာနဲ့ လာဘ်ပွင့် လာဘ်နှိုးဂါထာတွေရွတ် မိမိအိမ်ဘုရားမှာ ကန်စွန်းရွက်ကျော်နဲ့ဆွမ်းကပ် ခွေးစာ ငှက်စာကျွေးပြီး ဆုတောင်းပါ။
လူမှုရေး ။ ။ လူမှုရေး အညံ့ဖြစ်နေမည် ပြဿနာလေးတွေ ရှိနေတတ်ပါတယ်။ အတိုက်အခံအခြေအတင်လေးတွေ စကားပြောရတတ်ပါတယ်။ လူမုန်းများစေတာမျိုး မိမိကို အကောင်းမမြင်စေတာ ရန်လိုစေတာမျိုးတွေ ဖြစ်စေမည်။ သူတပါး မကောင်းပြောဆိုတာ စွတ်စွဲတာတွေ ခံရတတ်ပါတယ်။ လူယုံထားလို့မရပါ မိသားစုကိစ္စ မြေကိစ္စ အမွေကိစ္စလိုမျိုးတွေ စကားများရတတ်ပါတယ်။ အမျိုးသမီးတဦးနဲ့လည်း စကားများရတာတွေ ဖြစ်ပေါ်လာတတ်ပါတယ် အားနာမှုကြောင့် ဒုက္ခရောက်စေတတ်ပါတယ်။ ကိုယ့်ကိုကိုယ်ပဲ အားကိုးပါ သူတပါးအားမကိုးပါနှင့် စိတ်လိုက်မာန်ပါ ပြုမူပြောဆိုတာတွေ ရှောင်ပါ အမှုအခင်း ပြဿနာလေးတွေ ဖြစ်လာတတ်ပါတယ် အမှုမဖြစ်အောင်နေပါ ဖြစ်လျှင် အရှုံးများစေတတ်ပါတယ်။ စေတနာကောင်း စိတ်ကောင်းထားပါ ဘာသာရေး ပိုလုပ်ပါ။ သူများပြဿနာ ဝင်ဖြေရှင်းတာတွေ မပြုလုပ်ရ စေတနာအမှား ဖြစ်တတ်သောကြောင့် သတိထားရှောင်ပါ။ တနင်္လာနံပါတဲ့နေ့သားတွေ သောကြာနံ နံပါတဲ့နေ့သားတွေနဲ့ စကားပြောဆိုတာ သတိထားပါ။ လူသွားလမ်းတွေ အမြဲလိုသန့်ရှင်းရေး ပြုလုပ်ပါ။ ဆူး ခလုတ်တွေဖယ်ပါ။ လမ်းပြင်တာ ဘုရားခန်းသန့်ရှင်းတာတွေ အမြဲပြုလုပ်ပြီးဆုတောင်း မေတ္တာများများပို့ မေတ္တာသုတ်ရွတ်ပါ အညံ့ပျောက်စေမည်။
ကျန်းမာရေး ။ ။ ကျန်းမာရေးမှာဆိုရင် မကြာခဏ ချူချာနေတတ်ပါတယ်။ ဆေးထိုးဆေးသောက်ရတာ ဆေးခန်းပြရတာတွေလည်း ဖြစ်ပေါ်လာတတ်ပါတယ်။ ဦးခေါင်းမကြည်တာ ညောင်းညာကိုက်ခဲတာ သွားနာတာ သွေးပေါင်းအတက်အကျတွေ ဖြစ်ပြီးမူးမောတာမျိုး၊ ချောင်းဆိုး ရင်ကြပ်တာ ရာသီအကူးအပြောင်း ဖျားနာတာတွေ နှလုံးအား နည်းပြီး ရင်တုန်တာ ဖြစ်ပေါ်နေတတ်ပါတယ်။ အသေးစားအက်စီးဒန့်လို ရုတ်တရက် ရောဂါထဖြစ်တာတွေ ဖြစ်လာစေမည်။ အကုန်ဖြစ်မယ်လို့တော့ မဆိုလိုပေ တစ်ခုမဟုတ်တစ်ခု ဖြစ်ပေါ်လာတတ်ပါတယ်။ သတိထားရန်တော့ လိုစေမည်။ အသက်ကြီးပိုင်းတွေ ကျန်းမာရေး အညံ့ရှိနေမည်။ သွေးပေါင်အတက်အကြတွေ ရှိနေပြီး မူးမောရင်တုန်တာ ချော်လည်းတာ ဖျားနာစေတာတွေ ဖြစ်ပေါ်စေမည်။ အသက်အန္တရာယ် စိုးရိမ်စရာတွေ ဖြစ်လာစေမည်။ မိမိမွေးနံထောင့်မှာ အခင်းလှူတာမျိုး ရေလှူတာ ဆေးလှူတာ ငါးလွှတ် ငှက်လွှတ်ပြီး ဆုတောင်းပါ။ ဘာသာရေးပိုလုပ်ပါ။
အိမ်ထောင်ရေး ။ ။ ယခုနှစ် အိမ်ထောင်ရေးမှာဆိုရင် မကြာခဏတော့စိတ်ညစ်စရာတွေ ရှိနေတတ်ပါတယ်။ ပြဿနာလေးတွေ ဖြစ်ပေါ်နေတတ်ပါတယ်။ ရန်ပေါ်စေတာ ရန်များစေတာမျိုးတွေ ဖြစ်ပေါ်နေစေတတ်ပါတယ်။ မိမိအိမ်ထောင်ဖက်ရဲ့ အကျိုးပြုမှုကိုလည်း တခါတရံတော့ ရရှိစေတတ်ပါတယ်။ တစ်ယောက်နှင့်တစ်ယောက် စိတ်တိုင်းမကျတာ နားလည်မှုတွေလွဲနေတာ အလိုမကျတာတွေ ဖြစ်ပေါ်နေပါမယ်။ အိမ်ထောင်ရေးမှာ ကြားလူဝင်နှောင့်ယှက်တာတွေ အိမ်ထောင်ရေးအပျက်အစီး အနှောင့်အယှက်တွေကြုံလာပါမယ်။ စီးပွားရေး အဆင်ပြေနေတဲ့အချိန်တွေမှာ အိမ်ထောင်ရေးဇယားရှုပ်တာ အပျော်အပါးလိုက်စားပါက နာမည်ဂုဏ်သိက္ခာ ကျဆင်းတတ်သလို တတ်လာမယ့် အညွန့်ပြန်ကျိုးမယ်။ အိမ်ထောင်ရေး ဇယားရှုပ်တာ အထူးရှောင်ပါ။ ရှုပ်ထွေးမှုတွေ ဖြစ်ပေါ်တတ်ပါတယ်။ ထိုသို့ပြုလုပ်မိပါက မမျှော်လင့်ထားတဲ့ ပြဿနာတွေဖြစ်လာတတ်ပါတယ်။ စီးပွားပျက်တတ်တယ် ဂုဏ်သိက္ခာ ကျဆင်းတတ်သောကြောင့် သတိထားဆင်ခြင်ရန်လိုအပ်ပါမည်။ အိမ်ထောင်ရေးမှာ ဆိုးတူကောင်းဖက်တိုင်ပင်ပြီး နားလည်မှုတွေနဲ့ လက်တွဲမှသာ အဆင်ပြေစေတတ်ပါတယ်။ ကုသိုလ်ရေးအတူလုပ် ဘာသာရေး အတူလုပ် စီးပွားရေး တိုင်ပင်ပြီး လက်တွဲပါ။ အပျော်အပါး အသောက်အစားတွေ ရှောင်ပါ။ အဆင်ပြေလာပါလိမ့်မည်။
အချစ်ရေး ။ ။ ယခုနှစ်အတွင်း အချစ်ရေး ငယ်ရွယ်သူတွေအတွက် အချစ်ရေး စန်းပွင့်နေပြီး ချစ်သူရတတ်ပါတယ်။ သို့ပေမယ့် အချစ်ရေးပိုင်းမှာ လိမ်ညာလှည့်စားခြင်း ခံရစေတတ်ပါတယ်။ သတိထားပါ။ မိမိချစ်သူကြောင့် စိတ်ပင်ပန်းရစေတတ်ပါတယ်။ အချစ်ရေး ဖောက်ပြန်ခံရစေတတ်တယ်။ သတိထားရွေးချယ်ရန်လိုစေမည်။ ယုံလွယ်မှုကြောင့် ဘဝပျက်တတ်တယ်။ သတိရှိပါ။ လက်ရှိချစ်သူ ရှိနေသူတွေကတော့ အချစ်ရေး ဂတောက်ဂဆတွေ အချစ်ရေး ပြဿနာတွေ အနည်းငယ်ရှိနေတတ်ပါတယ်။ မကြာခဏ စိတ်ဆိုးစိတ်ကောက် စကားများနေရတာတွေ ရှိနေတတ်ပါတယ် ရန်ဖြစ်လိုက် ပြန်ချစ်လိုက်ရှိနေမယ်။ တခါတရံ သဝန်တို စိတ်မချတာ အထင်အမြင်လွဲမှားတာတွေ နားလည်မှုလွဲမှားတာတွေ ရှိနေတတ်ပါတယ်။ စိတ်တိုင်းမကျ အလိုမကျတာတွေလည်း ရှိနေတတ်ပါတယ်။ တခါတလေ ရှေ့တိုးရအခက် နောက်ဆုတ်ရအခက် တွေဝေနေတတ်တယ်။ အခန့်မသင့်ရင် ကွဲစေပြတ်စေတတ်ပါတယ် ယခုနှစ် တွင်အိမ်ထောင်ကျကိန်း ရှိနေပါတယ် ယူမယ်ဆို ယူလို့ရပါတယ် မပြည့်စုံတာမျိုးတော့ရှိနေမည်။ ချစ်သူနှစ်ဦးကြားမှာ အဖျက်အဆီးတွေ ဝင်လာစေတတ်ပါတယ် အချစ်ရေး ဇယားရှုပ်တာ အပျော်အပါး လိုက်စားပါက မတည်မြဲနိုင်ပါ။ ထို့အတွက် အချစ်ရေးပိုင်းတွေမှာ နားလည်မှုတွေ သစ္စာ ရှိမှုတွေနဲ့ ဖြတ်သန်းပါမှ အေးချမ်းစေမည်။
ပညာရေး။ ။ယခုနှစ်မှာပညာရေးနှင့် ပတ်သက်ပြီးခက်ခဲထစ်ငေါ့နေမည် ခက်ခဲမှုတွေ ထစ်ငေါ့မှုတွေ တွေဝေနေတာမျိုးတွေလည်း ရှိနေတတ်ပါတယ်။ ပညာရေးထောက်ပံ့မှုတွေလည်း အားနည်းနေမည် မိမိကိုယ်တိုင် စိတ်ပါဝင်စားမှု အားနည်းနေမည်။ ပညာတတ်လေ ဘဝလမ်းခရီး အောင်မြင်လေဖြစ်ပါမယ် ပညာရေးကိုဝီရိယ အားစိုက်ထုတ်ကြိုးစားပါ မှအောင်မြင်စေမည်။ သင်တန်းကိစ္စတွေ စာမေးပွဲဖြေရတာတွေ ရှိလာမည် ကြိုးစားနိုင်မှသာ အောင်မြင်ပြီး မကြိုးစားပါက ကျရှုံးစေမည်။ ပညာရေးကို အဖျက်တွေ ဝင်လာစေတတ်ပါတယ် အချစ်ရေးကြောင့် ကျန်းမာရေး ပညာရေး ထိခိုက်တတ်သလို အပေါင်းအသင်မှားတာ အပျော်အပါး မက်မှုတွေကြောင့် ပညာရေး ထိခိုက်တတ်စေတယ်။ မိမိကိုယ်တိုင် ကြိုးစားရုန်ကန်မှုကြောင့် အောင်မြင်စေမည်။ ပညာရေးနှင့် ပတ်သက်ပြီး ကံ ဉာဏ် ဝီရိယ အားစိုက်ထုတ်ရမယ့် သူမျိုးဖြစ်တယ် အတန်းပညာပြီးဆုံးရင်လည်း အတတ်ပညာ ဘာသာစကားဆိုင်ရာ ကွန်ပျူတာ နည်းပညာရပ်နဲ့ဆိုင်တဲ့ ပညာမျိုးတွေ လေ့လာပါ သင်ယူပါ ဘဝအတွက် အထောက်အကူဖြစ်စေလိမ့်မည်။
ဒီနှစ်အတွင်း အကျိုးပေးဂဏန်းအနေနဲ့။ ။ ၃၊ ၅၊ ၇၊ ၁ ထိုဂဏန်းတွေက တစ်နှစ်ပတ်လုံး အကျိုးပြုစေပြီး ထီထိုးတာမျိုး တစ်ခြားသောကိစ္စတွေမှာ အသုံးပြုခြင်းဖြင့် ကံကောင်းစေပါလိမ့်မည်။
အကျိုးပေးအရောင်။ ။ဒီနှစ်အတွင်းမှာ ကံဇာတွေပွင့်ပြီး အကျိုးပေးအရောင်အနေနဲ့က နီညိုရောင်၊ အညိုပွင့် အညိုရောင် အနီပွင့် အနီရောင် အနက်ရောင် ခရမ်းရောင်တွေဖြစ်ပါတယ်။ အရေးကြီးသော အရေးကြီးသော စကား အရေးကြီးသော လုပ်ငန်းကိစ္စတွေ ခရီးကိစ္စတွေ အကြောင်းအရာတွေမှာ ဝတ်ဆင်ပြီး ပြုလုပ်ပြောဆို ဆောင်ရွက်ခြင်းဖြင့် ကံပွင့်စေမည်။
ရှောင်ရန် ။ ။ ခေါင်းအုံးစွပ် အလှမီးလုံး ကြည့်မှန်များကို အဖြူရောင် အပြာရောင် ဝတ်ဆင် အသုံးပြုခြင်းရှောင်ပါ။ နွားနို့ကိတ်မုန့်၊ နို့ခဲ၊ ပဲနို့၊ နှမ်းဆီ စားသုံးခြင်းရှောင်ပါ။
**ဒီနှစ်အတွက် မိမိတို့အနေနဲ့ အရေးကြီးသော အကြောင်းကိစ္စ အဝဝ ပြုလုပ်ပြောဆိုရာမှာ** အောင်မြင်ဖို့အတွက် အကောင်းဆုံး အကျိုးပေးနေ့တွေမှာ အင်္ဂါနေ့ တနင်္ဂနွေနေ့နဲ့ နေ့တွေဖြစ်ပါတယ် အင်္ဂါနေ့ အတွင်းမှာ အကောင်းဆုံးအချိန်ဖြစ်တဲ့ မုဆိုးရွှေအိုးရကိန်း အချိန်ဖြစ်တဲ့ ညနေ၃း၀၀မှ ၆း၀၀အတွင်းနဲ့ ပုဏ္ဏား နတ်သမီး ရကိန်းအချိန်ဖြစ်တဲ့ မနက် ၁၀း၄၉မှ ၁း၁၂အတွင်း နဲ့ တနင်္ဂနွေနေ့ အကောင်းဆုံးအချိန်ဖြစ်တဲ့ မုဆိုးရွှေအိုးရကိန်း အချိန်ဖြစ်တဲ့ ၁၀း၄၉မှ ၁း၁၂အတွင်း ပုဏ္ဏား နတ်သမီး ရကိန်းအချိန်ဖြစ်တဲ့ မနက်၆း၁၀မှ ၈း၂၄ထို အချိန်တွေမှာ အရေးကြီးသော အလုပ်ကိစ္စ အကြောင်းအရာရာ ကိစ္စအဝဝ ပြုလုပ်ပြောဆိုရာမှာ သော်လည်းကောင်း ခရီးကိစ္စတွေ သွားလာတာ မျိုးတွေမှာသော်လည်းကောင်း ထိုအချိန်တွေမှာ ပြုလုပ်ပြောဆို လုပ်ကိုင်ဆောင်ရွက်ခြင်းဖြင့် အောင်မြင်မှုတွေ ရရှိစေပါမည်။
ဘဝတစ်သက်တာမှာ ဘုမ္မိအရပ်က မြောက် အရပ်ဖြစ်ပါတယ် ထိုအရပ်မှာ စီးပွားရှာတာ ခရီးထွက်တာ အိမ်ဆောက်တာ အိမ်မျက်နှာလှည့်ပြီး ဆောက်လုပ်တာ လှေကားထားတာ အထူးရှောင်ပါ။
ဘဝတစ်သက်တာအတွက် အကျိုးပေး ရတနာ။ ။ နီလာကျောက်တို့က မိမိတို့ရဲ့ အကျိုးပေး ရတနာတွေပဲ ဖြစ်ပါတယ်။
ယတြာ။ ။ ဒီနှစ် တစ်နှစ်လုံးမှာ မိမိတို့အနေနဲ့ ကံဇာတာပွင့်လန်းစေရန် ကံကောင်းမှုတွေ ရရှိစေရန် ပြုလုပ်ရမည့် ကောင်းမှုကံ ယတြာ အင်္ဂါနေ့မနက်တွင် စပျစ်သီး အာရုံဆွမ်း အလင်းတိုင် ၅တိုင်ကို မိမိအိမ်ဘုရားတွင်လှူပါ။ အမြဲလိုလှူပြီး မိမိလိုရာဆုတောင်းပါ။ ကန်စွန်းရွက်ကျော်နဲ့ဆွမ်းကပ် တပတ်တခါလှူပါ။ လာဘ်ပွင့်လာဘ်နှိုးဂါထာ အန္တရာယ်ကင်းဂါထာတွေ အမြဲရွတ် ဘုရားရင်ပြင် ဘုရားစောင်းတန်း အမြဲသန့်ရှင်းပါ သရဏဂုံပုတီးစိပ်ပါ ကံကောင်းစေမည်။
အညံ့ပပျောက်ရန် ။ ။ ဒီနှစ် တစ်နှစ်လုံးမှာ မိမိတို့အနေနဲ့ ကံအညံ့တွေ ပပျောက်စေရန်အတွက် မည်သည့်နေ့ မဆို ကိတ်မုန့်ကော်ဖီကို မရှိဆင်းရဲသော သက်ကြီးတွေကို ပေးပြီး ငါ့မှာရှိတဲ့မကောင်းတဲ့ အညံ့အားလုံးပါသွားစေဟုပြောပြီး ပေးပါ။ တစ်လတစ်ခါ နှစ်ခါ ညနေပိုင်းမှာပေးပါ ဘာသာရေးအထူးပြုလုပ်ပေးပါ။ လာဘ်မပိတ်အောင်နေထိုင်ပါ မေတ္တာပွားပါ ငှက်လွှတ် ငါးလွှတ်ပြီးဆုတောင်းပါ။