၂၀၂၆ ခုနှစ် စနေသားသမီးများအတွက် ကံကြမ္မာ အဟော

စနေသားသမီးများ မိမိတို့ရဲ့ အသက်အပိုင်းအခြား ၁၂ ၂၀ ၂၈ ၃၆ ၄၄ ၅၂ ၆၀ ၆၈ ၇၆ ၈၄ ၉၂။ ထိုနှစ်တွေမှာ ကြုံတွေ့ရစေမယ့် မိမိတို့ရဲ့ ကံကြမ္မာ အစိတ်အပိုင်းများ။
စီးပွားရေး အလုပ်အကိုင်။ ။ယခုနှစ်အတွက် စနေ သားသမီးတွေရဲ့ အလုပ်အကိုင် စီးပွားရေးတွေမှာဆိုရင်တော့ လုပ်ငန်းသစ် အလုပ်ကိုင်သစ်များ တိုးချဲ့လုပ်ကိုင်ရကိန်းရှိသည်။ ပြောင်းလည်းမှုတွေ ဖြစ်ပေါ်လာစေတတ်တယ်။ လုပ်ငန်းပိုင်းတွေမှာ စိတ်ပင်ပန်း လူပင်ပန်းတာတွေလည်း ဖြစ်ပေါ်လာတတ်ပါတယ်။ လုပ်ငန်းစီးပွားတွေမှာ အနည်းငယ် ခက်ခဲထစ်ငေါ့ မှုတွေကြုံတွေ့ပြီးမှသာ အောင်မြင်စေတတ်ပါတယ်။ လုပ်ငန်းအပြောင်း အလည်းတွေလည်း ဖြစ်ပေါ်လာစေတတ်ပါတယ်။ ကောင်းသော ပြောင်းလည်းခြင်မျိုးတွေ ဖြစ်စေတတ်ပါတယ် လုပ်ငန်းသစ်စတင်ပြီး လုပ်မည်ဆိုပါကလည်း အကျိုးပြုစေပါလိမ့်မည်။ လုပ်ငန်းပိုင်းတွေမှာဆို အဆင်ပြေတဲ့လတွေ ရှိသလို မပြေတဲ့လတွေလည်း ရှိနေတတ်ပါတယ် အစိုးရဝန်ထမ်းဆို သင်တန်းတက်ရတာတွေ ရှိစေတတ်ပါတယ်။ ဝန်ထမ်းတွေဆို ရာထူးလစာတွေ တိုးလာစေတတ်ပါတယ် အလုပ်ပြောင်းရတာတွေ ဖြစ်လာတတ်တယ်။ လုပ်ငန်းစတင်ရင် ကောင်းတဲ့အချိန်အခါ ဖြစ်စေတတ်ပါတယ် ထိုသို့လုပ်ကိုင်နေစဉ် ကာလအတွင်း လုပ်ငန်းထဲတွင် အပြိုင်အဆိုင် အတိုက်အခံပေါ်တတ်သည်။ စိုးရိမ်စရာမရှိပါ မကြာခင်ကာလတွင် ပြန်လည် အဆင်ပြေသွားပါလိမ့်မည်။ အတိုက်အခံများကြားတွင် အောင်မြင်နေမည်။ လုပ်ငန်း တိုးတက်မှုတွေလည်း ဖြစ်လာတတ်ပါတယ် ကိုယ်ပိုင်လုပ်ငန်းတွေ တစ်ပိုင်တစ်နိုင် တွဲလုပ်ပါ မိတ်ဆွေအပေါင်းအသင်းများထံမှ အကူအညီများရရှိမည်။ လက်အောက်ငယ်သားတွေရဲ့ ကူညီမစတာ ညီအကိုမောင်နှမတွေရဲ့ အကူအညီတွေ ရလာစေတတ်ပါတယ်။ အချစ်ရေး စန်းပွင့်သော နှစ်ဖြစ်၍ အိမ်ထောင်ကျတတ်ပါမည်။ အလုပ်အကိုင်ရာထူး တိုးမြှင့်ခံရခြင်း အိုးသစ်အိမ်သစ် နေရာသစ်သို့ရွေ့ပြောင်းရခြင်း မင်းစိုးရာဇာများမှ ချီးမြှင့်မြှောက်စားခံရခြင်း။ ရပ်ရွာအုပ်ချုပ်လူကြီးဖြစ်ရခြင်း ရပ်ရေးရွာရေး နိုင်ငံရေးနှင့် ဌာနဆိုင်ရာများတွင် ဦးစီးဦးဆောင်ပြုလုပ်ရခြင်း။ အကြီးအကဲဖြစ်ရတတ်ခြင်း အလုပ်အကိုင်စီးပွားတိုးတတ် ရတနာရွှေငွေလာဘ်လာဘကောင်းများ တိုးပွားစေခြင်း မင်္ဂလာရှိသောအမူကိစ္စများ ဆောင်ရွက်ပေးရခြင်းများ။ ဆန်ရေ စပါး ရွှေငွေပြည့်စုံစွာ ရမည့်နှစ်ဖြစ်ပါသည် ရဟန်းဖြစ်လျှင်လဲ ကျောင်းဆောင် အလှူရှင်ပေါ်လာပါမည်။
အလုပ်နှင့်ပတ်သက်ပြီး ခရီးသွားရတတ်သည်။ သွားလျှင်ကောင်းသည် အဆက်အသွယ် ကောင်းများရရှိခြင်း လုပ်ငန်းနေရာ တိုးချဲ့ရခြင်းများကြုံမည်။ နိုင်ငံရပ်ခြားနှင့်ပတ်သက်သော ကိစ္စများအဆင်ပြေမည်။ ပြည်တွင်း ပြည်ပခရီးတွေလည်း သွားရတတ်ပါတယ်။ အထူးသဖြင့်ပြည်ပခရီးခရီးနှင့် ပတ်သက်သောကိစ္စများ အဆင်ပြေမည် ဘုရားဘူးခရီးတွေလည်း သွားရတတ်ပါတယ်။ မိတ်ဆွေကောင်းရတာ အသိပညာသစ် အတတ်ပညာသစ်တွေလည်း ရလာစေတတ်ပါတယ် ရွှေဝင်မယ် ရေတွင်းရေကန်တူးရတတ်တယ် အလှူဒါနပြုရတတ်ပါတယ်။ မြေဝင်ကိန်းလည်းရှိသည် အမွေအနစ်တွေလည်း ရလာတတ်တယ် အမျိုးသမီးတဦး တယောက်ရဲ့ ကူညီမစမှုတွေကိုလည်း ရရှိလာစေတတ်ပါတယ် စက်ပစ္စည်းတွေဝင်လာပါမယ်။
ဒီနှစ်မှာ လုပ်ငန်း လုပ်ချင်တယ်ဆိုရင် အကျိုးပြုစေတဲ့လုပ်ငန်းတွေမှာ ဆိုရင်တော့ ပွဲရုံ ပွဲစား ပညာရေး မွေးမြူရေး ပရိဘာဂလုပ်ငန်း ပန်း မုန့်လုပ်ငန်း ဆန် ဆီ ဆေး စားသောက်ကုန် စတိုးဆိုင် စားသောက်ဆိုင် ကုန်ရောင်းကုန်ဝယ် ခြံ ကားကျောက်လုပ်ငန်းများ အဆင်ပြေမည် စပ်တူလုပ်ငန်း ရှယ်ရာလုပ်ငန်းများ လည်း အဆင်ပြေစေတတ်ပါတယ်။ ခိုးကိန်း မီးကိန်းပေါ်မယ် အထူးသတိရှိပါ။
တောင်အရပ် အရှေ့မြောက်အရပ်မှာ စီးပွားရှာတာ ခရီးသွားတာတွေ ရှောင်ကြည်ပါ ယခုနှစ်တွင် အလုပ်တွေပြန်လည် ကောင်းမွန်လာပါမည်၊ လုပ်ငန်းစတင်လုပ်ကိုင်မည့်သူများ မိမိလုပ်ငန်း အောင်မြင်မှုရရှိမည့် အချိန်ကာလဖြစ်သည်။ မိမိအနေနှင့် စီးပွားရေး အလုပ်အကိုင်နှင့်အတူ ဘာသာရေးပိုင်း ကုသိုလ်ရေးလေးတွေနဲ့ ယှဉ်တွဲလုပ်ပါ ကောင်းမှုတခု နေ့စဉ်ပြုပါ ဆန် ဆီဆေးလှူတာ သက်ကြီးပူဇော်တာ ခိုစာ ခွေးစာ ငှက်စာကျွေးတာတွေ အမြဲမပြတ် ပြုလုပ်ပေးပါ ကံတရားရဲ့ အထောက်အပံ့တွေကြောင့် ဆက်တိုက် ကံကောင်းလာပါလိမ့်မည်။
ငွေကြေး ။ ။ ငွေကြေးကံအနေနှင့် ငွေရှာရလွယ်နေတတ်ပါတယ်။ ငွေကံကောင်းလာပါမယ်။ လာဘ်လာဘတွေလည်း ဝင်လာတတ်ပါတယ်။ ငွေကဝင်ပြီး ငွေကုန်စရာတွေလည်း အကြောင်းအမျိုးမျိုးနဲ့ ပေါ်လာတတ်ပါတယ်။ ငွေအဝင်အထွက်တွေ များနေတတ်ပါတယ်။ ငွေစုပါ။ ငွေဝင်လာရင် လုပ်ငန်းတိုးချဲ့ပါ။ ဒါနကောင်းမှုပြုပါ။ ငွေကိုချွေတာပြီး သုံးရန် လိုစေမည်။ ငွေကိုချွေတာသုံးပါ။ ငွေယိုပေါက်တွေ ထိန်းပြီးစုစောင်းပါ။ ငွေချေးတာ အာမခံတာ အထူးရှောင်ပါ။ ငွေလူလိမ်ခံရတတ်ပါတယ်။ လောင်းကစားမပြုလုပ်သင့်ပါ။ ထီကံကောင်းမယ်။ ထီပေါက်ကိန်း ရှိပါတယ်။ အကျိုးပေးဂဏန်း ၅ ၂ ၃ဖြစ်ပါတယ်။
လူမှုရေး။ ။လူမှုရေး အနည်းငယ် ပြဿနာလေးတွေ ရှိနေတတ်ပါတယ်။ အကြီးအကဲ အထက်လူကြီးပိုင်းတွေနဲ့ အတိုက်အခံအခြေအတင်လေးတွေ စကားပြောရတတ်ပါတယ်။ သူတပါး မကောင်းပြောဆိုတာ စွတ်စွဲတာတွေ ခံရတတ်ပါတယ်။ လူမျိုးခြား သတိထားပါ။ အိမ်တွင်းရေး စိတ်ညစ်ရတာမျိုးတွေလည်း ရှိလာတတ်ပါတယ်။ မိမိကိုမနာလို ရန်လိုသူတွေလည်း ပေါ်လာတတ်ပါတယ်။ သတိထားပါ။ လူယုံထားလို့မရပါ။ အားနာမှုကြောင့် ဒုက္ခရောက်စေတတ်ပါတယ်။ ကိုယ့်ကိုကိုယ်ပဲ အားကိုးပါ။ သူတပါးအားမကိုးပါနှင့် စိတ်လိုက်မာန်ပါ ပြုမူပြောဆိုတာတွေ ရှောင်ပါ။ စေတနာကောင်း စိတ်ကောင်းထားပါ။ ဘာသာရေး ပိုလုပ်ပါ။ သူများပြဿနာ ဝင်ဖြေရှင်းတာတွေ မပြုလုပ်ရ စေတနာအမှား ဖြစ်တတ်သောကြောင့် သတိထားရှောင်ပါ။ အိမ်တွင်းရေး ပြဿနာတွေလည်း ပေါ်လာတတ်တယ်။ စိတ်ကိုအေးအေးထားပြီး ဖြေရှင်းပါ။
ကျန်းမာရေး။ ။ ကျန်းမာရေးမှာဆိုရင် မကြာခဏ ချူချာနေတတ်ပါတယ်။ အကြီးအမားတော့ မဖြစ်စေပါ။ အနာဟောင်းပြန်ပေါ်မယ်။ ဖြစ်ပြီးသား ရောဂါအခံရှိရင် ပြန်ဖြစ်လာတတ်ပါတယ်။ ဦးနှောက်နဲ့ အာရုံကြောအားနည်းစေတာ ဦးခေါင်းမကြည်တာ အစာအိမ်လေအောင့်တာမျိုး ချောင်းဆိုး ရင်ကျပ်တာ ရာသီအကူးအပြောင်း ဖျားနာတာတွေ နှလုံးအားနည်းပြီး ရင်တုန်တာ ဖြစ်ပေါ်နေတတ်ပါတယ်။ အကုန်ဖြစ်မယ်လို့တော့ မဆိုလိုပေ တခုမဟုတ်တခု ဖြစ်ပေါ်တတ်ပါတယ်။ အသက်ကြီးပိုင်းတွေ နှလုံးအားနည်းတာ လေအောင့်တာ ဦးခေါင်းပိုင်း မူးမောစေတာ သွေးပေါင်အတက်အကြရှိစေမည်။ သတိထားရန်တော့ လိုစေတတ် ဆေးထိုးဆေးသောက်ရတာ ဆေးခန်းပြရတာတွေလည်း ဖြစ်ပေါ်လာတတ်ပါတယ်။ ရေလှူတာ ဆေးလှူတာ ငါးလွှတ်ပါ ငှက်လွှတ်ပြီးဆုတောင်းပါ။ ဘာသာရေးပိုလုပ်ပါ။
အိမ်ထောင်ရေး ။ ။ ယခုနှစ် အိမ်ထောင်ရေးမှာဆိုရင် အဆင်ပြေတာတွေ ရှိသလို မပြေတာတွေလည်း ရှိနေတတ်ပါတယ်။ တခါတရံ ရန်ပေါ်နေတတ်ပါတယ်။ ဂတောက်ဂဆတွေ ဖြစ်ပေါ်နေတတ်ပါတယ်။ တစ်ယောက်နှင့်တစ်ယောက် စိတ်တိုင်းမကျတာ နားလည်မှုတွေလွဲနေတာ အလိုမကျတာတွေ ဖြစ်ပေါ်နေပါမယ်။ သဝန်တို စိတ်မချတာတွေလည်း ဖြစ်လာတတ်ပါတယ်။ အိမ်ထောင်ရေးမှာ ကြားလူဝင်နှောင့်ယှက်တာတွေ အိမ်ထောင်ရေးအဖျက်အဆီး အနှောင့်အယှက်တွေကြုံလာပါမယ်။
အိမ်ထောင်ရေး ဇယားရှုပ်တာ အပျော်အပါးလိုက်စားပါက နာမည်ဂုဏ်သိက္ခာ ကျဆင်းတတ်သလို တတ်လာမယ့်အညွန့်ပြန်ကျိုးမယ်။ ရှုပ်ထွေးမှုတွေ ဖြစ်ပေါ်တတ်ပါတယ်။ ထိုသို့ပြုလုပ်မိပါက မမျှော်လင့်ထားတဲ့ ပြဿနာတွေဖြစ်လာတတ်ပါတယ်။ စီးပွားပျက်တတ်တယ်။ ဂုဏ်သိက္ခာ ကျဆင်းတတ်သောကြောင့် သတိထားဆင်ခြင်ရန်လိုအပ်ပါမည်။ အိမ်ထောင်ရေးမှာ ဆိုးတူကောင်ဖက်တိုင်ပင်ပြီး လက်တွဲမှသာ အဆင်ပြေစေတတ်ပါတယ်။
အချစ်ရေး ။ ။ ယခုနှစ်အတွင်း အချစ်ရေး ငယ်ရွယ်သူတွေ အချစ်ရေး စန်းပွင့်နေတတ်ပါတယ်။ ချစ်သူရတတ်ပါတယ်။ မိမိကိုစိတ်ဝင်စာသူတွေ ရှိနေမယ်။ ရွေးချယ်ရ ခက်ခဲစေတာမျိုးတွေ ရှိနေစေတတ်ပါတယ်။ အချစ်ဟောင်းကို စွန့်ပြီး အချစ်သစ် ပေါ်လာစေမည်။ လက်ရှိချစ်သူ ရှိနေသူတွေကတော့ အချစ်ရေးဂတောက်ဂဆတွေ မကြာခဏ စိတ်ဆိုးစိတ်ကောက် စကားများနေရတာတွေ ရှိနေတတ်ပါတယ်။ ရန်ဖြစ်လိုက် ပြန်ချစ်လိုက်ရှိနေမယ်။ တခါတရံ သဝန်တို စိတ်မချတာ အထင်အမြင်လွဲမှားတာတွေ နားလည်မှုလွဲမှားတာတွေ ရှိနေတတ်ပါတယ်။ စိတ်တိုင်းမကျ အလိုမကျတာတွေလည်း ရှိနေတတ်ပါတယ်။ တခါတလေ ရှေ့တိုးရအခက် နောက်ဆုတ်ရအခက် တွေဝေနေတတ်တယ်။ သံယောဇဉ်တော့ မပြတ်ပါ။ ဘဝမှာ ရည်းစားဦးပြိုကွဲခြင်း အိမ်ထောင်ဦးပြိုကွဲခြင်းများ ကြုံရတတ်ပါတယ်။ မိမိအတွက် အကျိုးပေးနေ့နံကိုသာ ရွေးချယ်ရန်လိုအပ်ပါတယ်။ မိမိအိမ်ထောင်ဖက်က အကျိုးပေးနေ့နံဆိုရင် အိမ်ထောင်ရေး သာယာပြီးအကျိုးမပေးနေ့နံဆိုရင် အိမ်ထောင်ရေး ပူပင်ရတတ်ပါတယ်။ ဇာတာရှင်သည် အချစ်ရေးနှင့်ပတ်သက်ပြီး မကြာခဏတော့ ပြဿနာလေးတွေရှိနေပေမယ့် ရန်ဖြစ်လိုက် ပြန်ချစ်လိုက်ရှိနေတတ်ပါတယ်။ ယခုနှစ် တွင်အိမ်ထောင်ကျကိန်း ရှိနေပါတယ်။ ယူမယ်ဆို ယူလို့ရပါတယ်။ ယခုနှစ်အချစ်ရေးက ဂတောက်ဂဆလေးတွေနဲ့ ဖြတ်သန်းရတတ်ပါတယ်။ ချစ်သူနှစ်ဦးကြားမှာ အဖျက်အဆီးတွေ ဝင်လာစေတတ်ပါတယ်။ အချစ်ရေး ဇယားရှုပ်တာ အပျော်အပါး လိုက်စားပါက မတည်မြဲနိုင်ပါ။ အချစ်ရေးကံကောင်းစေရန် စွယ်တော်ရွက် ၁၀ရွက်မှာ တဖက်မှာ ချစ်သူနာမည်ရေး ကျန်တစ်ဖက်မှာ မိမိနာမည်ရေးပြီး နှစ်လွှာပေါင်းပါ။ နာမည်တထပ်တည်းကျရန်လိုပါမည်။ ထို့နောက် မိမိခေါင်းအုန်းအောက်မှာ ထားပြီး အိပ်ပါ မေတ္တာသုတ် ၁၀ခေါက်ရွတ်ပြီးဆုတောင်းပါ။
ပညာရေး။ ။ယခုနှစ်မှာပညာရေးနှင့် ပတ်သက်ပြီး အောင်မြင်မှုတွေ ရှိနေတတ်ပါတယ် သင်တန်းတက်ရကိန်းတွေလည်း ပေါ်လာတတ်ပါတယ် တက်ပါ မိမိအတွက် အကျိုးပြုစေမည်။ အသိပညာသစ် အတတ်ပညာသစ်တွေ ရလာမယ် ဆရာကောင်း သမားကောင်းတွေလည်း တွေ့လာတတ်ပါတယ်။ ဗဟုသုတတွေ တိုးပွားစေမည် ရပ်ဝေးမှ ပညာရပ်တွေ လေ့လာသင်ယူရစေမည်။ စာမေးပွဲတွေ ရှိနေမည် ကြိုးစားမှုကြောင့် အောင်မြင်စေပါမည်။ ပညာရေးကို ရပ်တန့်မနေသင့်ပါ ၊လတ်တလော ပညာရေးထစ်ငေါ့တာ ပညာရေး တပိုင်းတစတွေ လွဲချော်တာတွေလည်း ရှိနေပေမယ့် မကြာခင်ပြန်လည် ကောင်းမွန်လာပါမည်။ ပညာတတ်လေ ဘဝလမ်းခရီး အောင်မြင်လေဖြစ်ပါမည်။ ပညာဖြင့်အသက်မွေဝမ်းကြောင်းပြုရင်လည်း အကျိုးပေးပါမည်။ ပညာရေးကိုဝီရိယ အားစိုက်ထုတ်ကြိုးစားပါ ဘဝမှာ ပညာရေးကနံပါတ်၁ စီးပွားရေးက နံပါတ်၂ အချစ်ရေးက နံပါတ်၃နေရာမှာထားပြီး ဘဝအတွက်ကြိုးစားအားထုတ်ပါက အောင်မြင်တိုးတက်လာပါလိမ့်မည်။ ပညာရေးကို အဖျက်တွေ ဝင်လာစေတတ်ပါတယ်။ အချစ်ရေးကြောင့် ပညာရေး ထိခိုက်တတ်သလို အပေါင်းအသင်းမှားတာ အပျော်အပါး မက်မှုတွေကြောင့် ပညာရေး ထိခိုက်တတ်စေတယ်။ ပညာရေးနှင့် ပတ်သက်ပြီး ကံ ဉာဏ် ဝီရိယ အားစိုက်ထုတ်ရမယ့် သူမျိုးဖြစ်တယ်။ အတန်းပညာပြီးဆုံးရင်လည်း အတတ်ပညာ ဘာသာစကားဆိုင်ရာ နည်းပညာရပ်တွေ ကွန်ပျူတာနဲ့ဆိုင်တဲ့ ပညာမျိုးတွေ လေ့လာပါ။ သင်ယူပါ။ ဘဝအတွက် အထောက်အကူဖြစ်စေလိမ့်မည်။
ဒီနှစ်အတွင်း အကျိုးပေးဂဏန်းအနေနဲ့။ ။ ၃။ ၅၊ ၂၊ ထိုဂဏန်းတွေက တစ်နှစ်ပတ်လုံး အကျိုးပြုစေပြီး ထီထိုးတာမျိုး တစ်ခြားသောကိစ္စတွေမှာ အသုံးပြုခြင်းဖြင့် ကံကောင်းစေပါလိမ့်မည်။
အကျိုးပေးအရောင်။ ။ဒီနှစ်အတွင်းမှာ ကံဇာတွေပွင့်ပြီး အကျိုးပေးအရောင်အနေနဲ့က နီညိုရောင်၊ အဝါရောင် အဝါပွင့် ပန်းရောင် အညိုရောင် အညိုပွင့် အဖြူပွင့် အဖြူရောင်တွေဖြစ်ပါတယ်။ ဖြစ်ပါတယ်။ အရေးကြီးသော စကား အရေးကြီးသော လုပ်ငန်းကိစ္စတွေ ခရီးကိစ္စတွေ အကြောင်းအရာတွေမှာ ဝတ်ဆင်ပြီး ပြုလုပ်ပြောဆို ဆောင်ရွက်ခြင်းဖြင့် ကံပွင့်စေမည်။
ရှောင်ရန် ။ ။ ပန်းစိုက်ပန်းအိုး မီးခံသေတ္တာ ထမင်းစားစားပွဲ ရှူးဖိနပ်များကို အစိမ်းရောင် အနီရောင် ဝတ်ဆင် အသုံးပြုခြင်း အထူးရှောင်ရပါမည်။ သရက်သီး၊ ရွဲယိုသီး၊ လက်ဖက် စားသုံးခြင်းရှောင်ပါ။
**ဒီနှစ်အတွက် မိမိတို့အနေနဲ့ အရေးကြီးသော အကြောင်းကိစ္စ အဝဝ ပြုလုပ်ပြောဆိုရာမှာ** အောင်မြင်ဖို့အတွက် အကောင်းဆုံး အကျိုးပေးနေ့တွေမှာ ကြာသပတေးနေ့နဲ့ အင်္ဂါ နေ့တွေဖြစ်ပါတယ် အင်္ဂါနေ့ အတွင်းမှာ အကောင်းဆုံးအချိန်ဖြစ်တဲ့ မုဆိုးရွှေအိုးရကိန်း အချိန်ဖြစ်တဲ့ ညနေ၃း၀၀မှ ၆း၀၀အတွင်းနဲ့ ပုဏ္ဏား နတ်သမီး ရကိန်းအချိန်ဖြစ်တဲ့ မနက် ၁၀း၄၉မှ ၁း၁၂အတွင်း နဲ့ ကြာသပတေးနေ့ အကောင်းဆုံးအချိန်ဖြစ်တဲ့ မုဆိုးရွှေအိုးရကိန်း အချိန် မနက်၈း၂၅မှ ၁၀း၄၈အတွင်းနဲ့ ပုဏ္ဏား နတ်သမီး ရကိန်းအချိန်ဖြစ်တဲ့ ညနေ၃း၃၇မှ ၆း၀၀ထို အချိန်တွေမှာ အရေးကြီးသော အလုပ်ကိစ္စ အကြောင်းအရာ ကိစ္စအဝဝ ပြုလုပ်ပြောဆိုရာမှာ သော်လည်းကောင်း ခရီးကိစ္စတွေ သွားလာတာ မျိုးတွေမှာသော်လည်းကောင်း ထိုအချိန်တွေမှာ ပြုလုပ်ပြောဆို လုပ်ကိုင်ဆောင်ရွက်ခြင်းဖြင့် အောင်မြင်မှုတွေ ရရှိစေပါမည်။
ဘဝတစ်သက်တာမှာ ဘုမ္မိအရပ်က မြောက် အရပ်ဖြစ်ပါတယ်။ ထိုအရပ်မှာ စီးပွားရှာတာ ခရီးထွက်တာ အိမ်ဆောက်တာ အိမ်မျက်နှာလှည့်ပြီး ဆောက်လုပ်တာ လှေကားထားတာ အထူးရှောင်ပါ။
ဘဝတစ်သက်တာအတွက် အကျိုးပေး ရတနာ ။ ။ နီလာ ကျောက်တို့က မိမိတို့ရဲ့ အကျိုးပေး ရတနာတွေပဲ ဖြစ်ပါတယ်။ ထိုရတနာတွေကို ဝတ်ဆင် ထားခြင်းဖြင့် ကံဇာတာပွင့်လန်းစေပါမည်။
ယတြာ ။ ။ ဒီနှစ် တစ်နှစ်လုံးမှာ မိမိတို့အနေနဲ့ ကံဇာတာပွင့်လန်းစေရန် ကံကောင်းမှုတွေ ရရှိစေရန် ပြုလုပ်ရမည့် ကောင်းမှုကံ အနေနဲ့ ကြာသပတေးနေ့မနက်တွင် စပါယ်ပန်း မွှေးသောပန်း မုန့်လုံးရေပေါ် ၉ လုံး စမူဆာတစ်ပွဲကို မိမိအိမ်ဘုရားတွင်လှူပါ။ အမြဲလိုလှူပြီး မိမိလိုရာဆုတောင်းပါ။ ဘာသာတရား ကိုင်းရှိုင်းပါ ဒါနကောင်းမှုပြုပါ။ မရှိဆင်းရဲသူကို လှူဒါန်း ပေးကမ်း မိခင် ဖခင် ဆရာသမားကို ပူဇော်ခြင်းတွေ ပြုလုပ်ပြီး ဖြတ်သန်းပါ။ ကံကောင်းမှုတွေ ရရှိနေမည်။
အညံ့ပပျောက်ရန် ။ ။ ဒီနှစ် တစ်နှစ်လုံးမှာ မိမိတို့အနေနဲ့ ကံဇာတာ အညံ့အခိုက်တွေ ပျောက်စေရန်အတွက် မည်သည့်နေ့မဆို ထန်းလျှက် ၁၁ ခဲကို လမ်းဘေးခွေးကျွေးပြီး ငါ့မှာရှိတဲ့မကောင်းတဲ့ အညံ့အားလုံးပါသွားစေဟုပြောပြီး ကျွေးပါ။ တစ်လတစ်ခါ ပြုလုပ်ပါ။ မကြာမကြာငှက်လွှတ် ငါးလွှတ် ဆုတောင်း လမ်းပြင် လမ်းခင်း လမ်းသန့်ရှင်းတာမျိုး မိဘအဝတ်အစားလျှော်ပါ။ အန္တရာယ်ကင်းဂါထာရွတ် ပုတီးစိပ်ပါ။ ကံအညံ့တွေ ပြေပျောက်စေပါလိမ့်မည်။