၂၀၂၆ ခုနှစ် စနေသားသမီးများအတွက် ကံကြမ္မာ အဟော

စနေသားသမီးများ မိမိတို့ရဲ့ အသက်အပိုင်းအခြား ၉ ၁၇ ၂၅ ၃၃ ၄၁ ၄၉ ၅၇ ၆၅ ၇၃ ၈၁ ၈၉။ ထိုနှစ်တွေမှာ ကြုံတွေ့ရစေမယ့် မိမိတို့ရဲ့ ကံကြမ္မာ အစိတ်အပိုင်းများ။
စီးပွားရေး အလုပ်အကိုင်။ ။ ယခုနှစ်မှာ စနေ သားသမီးတွေရဲ့ စီးပွားရေး အလုပ်အကိုင်နှင့် ပတ်သတ်ပြီး ဒီနှစ်မှာဆိုရင် ဘာပဲဖြစ်ဖြစ် နှစ်ကြိမ်နှစ်ခါဖြစ်မယ်။ ဘာပဲလုပ်ရလုပ်ရ နှစ်ကြိမ်နှစ်ခါ လုပ်မှ အောင်မြင်မယ်။ ဘာပဲဝင်ဝင် နှစ်ကြိမ်နှစ်ခါဝင်လာတတ်တယ်။ တစ်ကြိမ်တစ်ခါတည်းနဲ့မပြီးပြတ်ပဲ ရှိနေတတ်ပါတယ်။ လုပ်ငန်းသစ်ပေါ်မယ်။ အထက်လူကြီးတွေရဲ့ ကူညီမှုတွေကို ရရှိလာတတ်ပါတယ်။ အိမ်ပြင်တာ အိမ်သစ်ဝင်တာတွေ အလုပ်အိမ်နေရာ အပြောင်းအလည်းတွေ ဖြစ်စေတတ်ပါတယ်။ လုပ်ငန်းတိုးတက်ခြင်းတော့ ကြုံစေတတ်ပါတယ်။ အလုပ်မှာ စိတ်ဖိစီးမှုတွေ များနေတတ်ပါတယ်။ လုပ်ငန်းပိုင်းတွေမှာ ပြိုင်ဆိုင်မှုတွေ မနာလိုမှုတွေ များနေမယ်။ မိမိကိုယ်ပဲအားကိုးပြီး လုပ်ငန်းစီးပွားရှာပါ။ သူတစ်ပါးအားကိုးလို့မရစေ။ မိသားစု လက်အောက်ငယ်သားတွေအတွက် စိတ်ညစ်ရတာ အကူအညီပေးရတာတွေ ရှိနေတတ်ပါတယ်။ လုပ်ငန်သစ် စလုပ်မည်ဆိုလည်း အကျိုးပေးစေမည် လုပ်ငန်းပိုင်းတွေမှာ တချို့လတွေမှာတော့ အခက်အခဲတွေ၊ အဆင်မပြေမှုတွေနဲ့ ကြုံတွေ့နေရတတ်တယ်။ အလုပ်အကိုင်လေးတွေလွဲချော်တာ၊ ထစ်ငေါ့နေတာတွေ၊ ငွေကုန်စရာတွေ များနေပါလိမ့်မယ်။ ငွေဝင်သလောက် ပြန်ထွက်နေတတ်ပါတယ်။ အရောင်းအဝယ်သမားတွေ လက်ထဲငွေမမြဲပါ။ ခိုးကိန်း မီးကိန်းပေါ်မည်။ အထူးသတိရှိပါ။ တန်ဖိုးရှိတဲ့အရာတွေ ပျောက်ဆုံးတာ ဆုံးရှုူံးစေတတ်ပါတယ်။ မိတ်ဆွေကောင်းတွေရမယ်။ ဆရာကောင်းသမားကောင်း တွေ့စေတတ်ပါတယ်။ အကြီးအကဲ အထက်လူကြီးပိုင်းတွေ အကူအညီကို ရစေတတ်ပါတယ်။ ဝန်ထမ်းဆို ရာထူးလစာတွေ တိုးလာစေတတ်ပါတယ်။ အပြောင်းအရွှေ့တွေလည်း ကြုံလာတတ်ပါတယ်။ အလုပ်မှာ အဆင်မပြေမှုတွေတော့ တစ်ခုပြီးတစ်ခုကြုံနေတတ်ပါတယ်။ အတိုက်အခံတွေပေါများနေမည်။ ယှဉ်ပြိုင်မှု မနာလိုမှုတွေ ရှိနေမည်။ စိတ်ရောလူပါ ပင်ပန်းနေစေတတ်ပါတယ်။ ဒါပေမယ့် မိမိရဲ့ကံဇာတာ အပြောင်းအလဲလေးကတော့ လစဉ်နဲ့အမျှ အပြောင်းအလည်းတွေ ဖြစ်လာတတ်ပါတယ်။ အဆိုးလ အကောင်းလတွေနဲ့ ဒွန်တွဲနေတတ်ပါတယ်။ အလုပ်အကိုင်တွေနဲ့ပတ်သက်ပြီး ကံ ဉာဏ် ဝီရိယအားစိုက်ထုတ် ကြိုးစားရန်လိုနေပါမည်။
မြေ၊ အမွေ ‌သော်လည်းကောင်း ပရိဘောဂ ပစ္စည်းသော်လည်းကောင်း ဝင်မယ်။ အသိပညာသစ်ရမယ်။ သင်တန်း၊ စာမေးပွဲကိစ္စတွေ အောင်မြင်မယ်။ ခရီးစဉ်တွေပေါ်လာမယ်။ ဖြတ်လမ်းစီးပွားရေး ရှောင်ပါ။ လုပ်ငန်းသစ်တွေပေါ်လာမယ်။ အပြောင်းအရွှေ့တွေ ကြုံတွေ့ရတတ်ပါတယ်။ အရောင်းအဝယ်သမားတွေ အမြတ်နည်းနေမယ်။ ရှုံးမယ့်လတွေလည်း ရှိနေတတ်ပြန်ပါတယ်။ စီးပွားရေးကို ဒီနှစ်အတွင်းမှာ အရောင်းအဝယ်လုပ်ငန်း အွန်လိုင်းရှော့ အီလက်ထရောနစ်ပစ္စည်း အအေးဆိုင်၊ ဟော်တယ်နဲ့ခရီးသွားလာရေး လုပ်ငန်းများ သွပ် သံ သစ်လုပ်ငန်းတွေ ပွဲရုံ ပွဲစား ပရိဘောဂ ပညာရေး မွေးမြူရေးလုပ်ငန်း ထိုလုပ်ငန်းတွေနဲ့ တွဲလုပ်ပါ။ အဆင်ပြေစေမည်။ လုပ်ငန်းသစ် စလုပ်ရင်လည်း အောင်မြင်မယ်။ ငွေဝင်လာလျှင် အိမ်ပြင် အိမ်သာပြင်တာ ပြုလုပ်ပေးရတက်တယ်။ ဝန်ထမ်းဆို ကိုယ်ပိုင်လုပ်ငန်းတွေနဲ့ တစ်ပိုင်တစ်နိုင်ပြုလုပ်ပါ။ ပိုပြီး စီးပွားဖြစ်မြန်နေမည်။ ကိုယ်ပိုင်အလုပ်က ပိုအကျိုးဖြစ်စေပါလိမ့်မည်။ လူမှုရေး အတိုက်အခံတွေ ပြိုင်ဆိုင်မှုတွေ များစေတတ် အထူးသတိပြုရန်လိုစေပါမည်။ ဘာပဲလုပ်လုပ် နှုတ်ဆိတ်နေရန် အရေးကြီးနေမည်။ မိမိအိမ်ကို သက်ကြီးရွယ်အိုတွေ ညအိပ်ညနေ လက်မခံပါနှင့် မိမိအိမ်မှာ ဒုက္ခရောက်စေတတ်တယ်။ အရက်ပုလင်းတွေ အဝင်မခံပါနှင့် လာဘ်ပိတ်စေတတ်ပါတယ်။ စီးပွားရေးနဲ့အတူ ဘာသာရေး ကုသိုလ်ရေး ယှဉ်တွဲလုပ်ပါ။ ကောင်းမှုတစ်ခု နေ့စဉ်ပြုပါ။ ဒါနကောင်းမှုတွေလုပ်ပါ။ စိတ်ကိုအေးချမ်းစွာထားပြီး လုပ်ငန်းစီးပွားရှာပါ။ ရန်လိုမှု ပြိုင်ဆိုင်မှု မနာလိုမှုတွေနဲ့ ကြုံတွေ့ရတတ်ပါတယ်။ ကြုံလာရင်လည်း ကိုယ်လုပ်ရမှာကိုပဲဆက်လုပ်ပါ။ စိတ်အေးအေးထားပြီးလုပ်ပါ။ လုပ်ငန်းစီးပွားနဲ့အတူ ဘာသာရေး ကောင်းမှု ဒါနသီလတွေနဲ့ ဖြတ်သန်းပါ။ ကုသိုလ်ရေး ဘာသာရေး အားနည်းလေ ကံညံ့လေ စန်းကျလေဖြစ်စေအံ့။
ငွေကြေး ။ ။ ငွေကြေးကံအနေနှင့် ငွေရလွယ် ကုန်လွယ် ဖြစ်နေတတ်ပါတယ် ငွေ လက်ထဲငွေမမြဲပဲ ရှိနေတတ်ပါတယ်။ အကြောင်းအမျိုးမျိုးနဲ့ ငွေထွက်နေစေတတ်ပါတယ်။ ငွေကိုအကြောင်းပြုပြီး စိတ်ညစ်ရတတ်ပါတယ်။ မိမိအိမ်မှာရှိတဲ့ ထီးစုတ် ဖိနပ်စုတ် နာရီစုတ်တွေ ရှိရင် ပြစ်ပါ။ ဝင်မယ့်လာဘ်တွေ ပိတ်စေတတ်ပါတယ်။ တစ်ခါတစ်ရံငွေအတွက်ပူပင်ရတာ ငွေဝင်ပြီး ကျွေးပါတင်နေစေတတ်တယ်။ ဝင်ငွေနဲ့ထွက်ငွေက မမျှတပဲ ရှိနေမည်။ ငွေအဝင်အထွက်တွေ များနေတတ်ပါတယ်။ ငွေကဝင်လမ်းတစ်ခုထဲဆို ခက်ခဲစေပြိး အဖက်ဖက်ကနေ ငွေရှာနိုင်မှ ငွေတင်လမ်းတွေ ရှိနေမှ ငွေမြဲစေမည်။ ငွေကိုချွေတာသုံးနိုင် ငွေယိုပေါက်တွေထိန်းနိုင်မှသာ ငွေမြဲစေမည်။ ငွေချေးတာ အာမခံတာ အထူးရှောင်ပါ။ ငွေလူလိမ်ခံရတတ်ပါတယ်။ ငွေကြေးက မမြဲတတ်သောကြောင့် ငွေနဲ့ရင်းတဲ့အလုပ်တွေ ဖြတ်လမ်းစီးပွားရေးတွေ ရှောင်ပါ။ ထီကံကောင်းမယ်။ ထီပေါက်ကိန်း ရှိပါတယ်။ အကျိုးပေးဂဏန်း ၁ ၆ ၃ ဖြစ်ပါတယ်။ ငွေကံကောင်းစေရန် လာဘ်ပွင့်လာဘ်နှိုးဂါထာကို မနက်ည ၁၀ခေါက်ရွတ်ပါ။ သတ္တဝါလေးတွေ အစာကျွေးပြီးဆုတောင်းပါ။ မရှိဆင်းရဲသူကို ပေးလှူတာတွေ ပြုလုပ်ခြင်းဖြင့် ငွေကံကောင်းစေမည်။
လူမှုရေး ။ ။ လူမှုရေး အနည်းငယ် ပြဿနာလေးတွေ ရှိနေတတ်ပါတယ်။ အတိုက်အခံအခြေအတင်လေးတွေ စကားပြောရတတ်ပါတယ်။ လက်အောက်ငယ်သားတွေ မိမိအပေါ် ညိုငြင်နေမယ်။ အညှိုးအတေး ထားတတ်တယ်။ စကားပြောသတိထားပါ။ သူတပါး မကောင်းပြောဆိုတာ စွတ်စွဲတာတွေ ခံရတတ်ပါတယ်။ လူယုံထားလို့မရပါ။ အားနာမှုကြောင့် ဒုက္ခရောက်စေတတ်ပါတယ်။ လက်အောက်ငယ်သား မိမိညီအကို မောင်နှမတွေကြောင့်လည်း စကားအခြေအတင် ပြောရစေတတ်ပါတယ်။ ကိုယ့်ကိုကိုယ်ပဲ အားကိုးပါ။ သူတပါးအားမကိုးပါနဲ့။ စိတ်လိုက်မာန်ပါ ပြုမူပြောဆိုတာတွေ ရှောင်ပါ။ အမှုအခင်း ပြဿနာလေးတွေ ဖြစ်လာတတ်ပါတယ်။ အစိုးရနဲ့ ပတ်သက်တဲ့အမှုအခင်းတွေ ဖြစ်လာစေတတ်တယ်။ သက်သေလိုက်ရတာမျိုးတွေ ဖြစ်လာစေတတ်တယ်။ အမှုမဖြစ်အောင်နေပါ။ ဖြစ်လျှင် အရှုံးများစေတတ်ပါတယ်။ စေတနာကောင်း စိတ်ကောင်းထားပါ။ စိတ်လိုက်မာန်ပါ ပြုလုပ်ပြောဆိုတာရှောင်ပါ။ ဘာသာရေး ပိုလုပ်ပါ။ သူများပြဿနာ ဝင်ဖြေရှင်းတာတွေ မပြုလုပ်ရ စေတနာအမှား ဖြစ်တတ်သောကြောင့် သတိထားရှောင်ပါ။ အင်္ဂါနံပါတဲ့နေ့သားတွေ စနေနံပါတဲ့နေ့သားတွေနဲ့ စကားပြောဆိုတာ သတိထားပါ။ ထိုအညံ့တွေ ပပျောက်စေရန်အတွက် အမြဲလို လူသွားလမ်းတွေအမှိုက်ရှင်း တံမျက်စည်း ခြေသုတ်ဝတ် သွားတိုက်ဆေး သွားတိုက်တံတွေ လှူပြီးဆုတောင်း အန္တရာယ်ကင်းဂါထာတွေ နေ့စဉ်ရွတ်ပြီးဆုတောင်း။
***ကျန်းမာရေး။ ။ ကျန်းမာရေးမှာဆိုရင် အနည်းငယ် ညံ့နေမယ် ဝမ်းဗိုက်နဲ့ပတ်သက်တာ လေ‌ရောဂါ အစာအိမ် လေအောင့်တာ ခေါင်းမကြည်တာ အကြောတက်တာမျိုးတွေ။ နှလုံးအားနည်းစေပြီး မူးမောရင်တုန်စေတာမျိုး၊ ခြေလက် ထိခိုက်ဒါဏ်ရာ ရစေတတ် သွေးထွက်သံယို ဖြစ်ပေါ်စေတတ်ပါတယ်၊ စက်ပစ္စည်းနဲ့ပတ်သက်ပြီး ထိခိုက်စေတတ် သတိရှိပါ။ မီး လျှပ်စစ်မီး ကိုင်တွယ်တာတွေ သတိရှိပါ။ ချောင်းဆိုး ရင်ကျပ်တာ ရာသီအကူးအပြောင်း ဖျားနာတာတွေ ဖြစ်ပေါ်နေတတ်ပါတယ်။ ဖြစ်ပြီးသားရောဂါ ပြန်ဖြစ်လာတာမျိုးလည်း ကြုံရတတ်ပါတယ်။ အကုန်ဖြစ်မယ်လို့တော့ မဆိုလိုပေ။ တစ်ခုမဟုတ်တစ်ခု ဖြစ်ပေါ်လာတတ်ပါတယ်။ အသက်ကြီးပိုင်းတွေ ကျန်းမာရေးချူချာနေပြီး တစ်ခုပြီးတစ်ခု ဖြစ်ပေါ်နေမယ်။ ‌ရေချိုးမှား အစားမှားတာတွေ လေဖျန်းတာမျိုး ဖြစ်စေမည်။ သတိထားပါ။ ဆေးရုံဆေးခန်းပြရတာ ဆေးထိုးဆေးသောက် ပြုရစေမည်။ သတိထားရန်တော့ လိုစေတတ် ဆေးလှူ ရေလှူ လမ်းပြင် လမ်းခင်းပြီး ဆုတောင်း ဘာသာရေးပိုလုပ်ပါ။
အိမ်ထောင်ရေး ။ ။ ယခုနှစ် အိမ်ထောင်ရေးမှာဆိုရင် အိမ်ထောင်ရေး ဂတောက်ဂဆလေးတွေတော့ ရှိနေတတ်ပါတယ်။ ကြီးကြီးမားမား ပြဿနာမရှိစေတတ်ပါ။ မိသားစု ညီအကိုမောင်နှမ အတွက်သော်လည်းကောင်း သားသမီးရှိက သားသမီး ကြောင့်စိတ်ညစ်ရတတ်သည်။ မိမိအိမ်ထောင်ဖက်ရဲ့ အကျိုးပြုမှုကိုလည်း ရရှိစေတတ်ပါတယ်။ တခါတရံတော့ ဂတောက်ဂဆတွေ ဖြစ်ပေါ်နေတတ်ပါတယ်။ တစ်ယောက်နှင့်တစ်ယောက် စိတ်တိုင်းမကျတာ နားလည်မှုတွေလွဲနေတာ အလိုမကျတာတွေ ဖြစ်ပေါ်နေပါမယ်။ အိမ်ထောင်ရေးမှာ ကြားလူဝင်နှောင့်ယှက်တာတွေ အိမ်ထောင်ရေးအပျက်အစီး အနှောင့်အယှက်တွေကြုံလာပါမယ်။ အသောက်အစား ရှိပါက အိမ်ထောင်ရေး ရန်ပေါ်တတ်ပါတယ်။ အိမ်ထောင်ရေး ဇယားရှုပ်တာ အထူးရှောင်ပါ။ ရှုပ်ထွေးမှုတွေ ဖြစ်ပေါ်တတ်ပါတယ်။ ထိုသို့ပြုလုပ်မိပါက မမျှော်လင့်ထားတဲ့ ပြဿနာတွေဖြစ်လာတတ်ပါတယ်။ စီးပွားပျက်တတ်တယ်။ ဂုဏ်သိက္ခာ ကျဆင်းတတ်သောကြောင့် သတိထားဆင်ခြင်ရန် လိုအပ်ပါမည်။ အိမ်ထောင်ရေးမှာ ဆိုးတူကောင်းဖက်တိုင်ပင်ပြီး လက်တွဲမှသာ အဆင်ပြေစေတတ်ပါတယ်။ ကုသိုလ်ရေးအတူလုပ် ဘာသာရေး အတူလုပ် စီးပွားရေး တိုင်ပင်ပြီး လက်တွဲပြီး ဘဝတသက်တာမှာ ဖြတ်သန်းပါ။ အပျော်အပါး အသောက်အစားတွေ ရှောင်ပါ။ အဆင်ပြေလာပါလိမ့်မည်။
အချစ်ရေး ။ ။ ယခုနှစ်အတွင်း အချစ်ရေး ညံ့နေမည် အဆင်ပြေတာတွေရှိသလို မပြေတာတွေလည်း ရှိနေတတ်ပါတယ်။ ငယ်ရွယ်သူတွေ အချစ်ရေး အဆင်ပြေမှုအားနည်း စေတတ်ပါတယ်။ ချစ်သူရဲ့ လိမ်ညာလှည့်စားခြင်းတွေ ခံရစေမည်။ အချစ်ရေး ဖောက်ပြန်ခံရတာမျိုး ဥပက္ခာပြု ခံရတာမျိုးတွေ ဖြစ်ပေါ်လာစေတတ်တယ်။ မိမိချစ်သူကြောင့် စိတ်ပင်ပန်းရစေတတ်ပါတယ်။ လက်ရှိချစ်သူ ရှိနေသူတွေကတော့ အချစ်ရေးဂတောက်ဂဆတွေ အချစ်ရေး ပြဿနာတွေ အနည်းငယ်ရှိနေတတ်ပါတယ်။ မကြာခဏ စိတ်ဆိုးစိတ်ကောက် စကားများနေရတာတွေ ရှိနေတတ်ပါတယ်။ ရန်ဖြစ်လိုက် ပြန်ချစ်လိုက်ရှိနေမယ်။ တခါတရံ သဝန်တို စိတ်မချတာ အထင်အမြင်လွဲမှားတာတွေ နားလည်မှုလွဲမှားတာတွေ ရှိနေတတ်ပါတယ်။ စိတ်တိုင်းမကျ အလိုမကျတာတွေလည်း ရှိနေတတ်ပါတယ်။ တခါတလေ ရှေ့တိုးရအခက် နောက်ဆုတ်ရအခက် တွေဝေနေတတ်တယ်။ သံယောဇဉ်တော့ မပြတ်ပါ။ ဘဝမှာ ရည်းစားဦးပြိုကွဲခြင်း အိမ်ထောင်ဦးပြိုကွဲခြင်းများ ကြုံရတတ်ပါတယ်။ ချစ်သူနှစ်ဦးကြားမှာ အဖျက်အဆီးတွေ ဝင်လာစေတတ်ပါတယ် အချစ်ရေး ဇယားရှုပ်တာ အပျော်အပါး လိုက်စားပါက မတည်မြဲနိုင်ပါ။ အချစ်ရေးက နားလည်မှုနဲ့ သစ္စာရှိစွာ ဖြတ်သန်းရန်လိုစေမည် အချစ်ရေးကံကောင်းစေရန်အတွက် အမြဲလို လှသောပန်း မွှေးသောပန်းတွေလှူပါ။ လူ နတ် သတ္တဝါတွေ မေတ္တာပို့ပါ။ နှင်းဆီနီ ၁၀ ပွင့်ကို ပွင့်ဖတ်ချွေပြီး ဘုရားဆင်းတုတော်အောက်မှာ ပန်းမွေ့ယာခင်းပြီးဆုတောင်း။
ပညာရေး ။ ။ ယခုနှစ်မှာပညာရေးနှင့် ပတ်သက်ပြီး ခက်ခဲမှုလေးတွေ ရှိနေတတ်ပါတယ်။ တွေဝေနေတာမျိုးတွေလည်း ရှိနေတတ်ပါတယ်။ သင်တန်းတက်ရကိန်းတွေလည်း ပေါ်လာတတ်ပါတယ်။ တက်ပါ။ မိမိအတွက် အကျိုးပြုစေတတ်ပါတယ်။ ပညာရေးကို ရပ်တန့်မနေသင့်ပါ။ လတ်တလော ပညာရေးထစ်ငေါ့တာ ပညာရေး တစ်ပိုင်းတစ်စတွေ လွဲချော်တာတွေလည်း ရှိနေပေမယ့် မကြာခင်ပြန်လည် ကောင်းမွန်လာပါမည်။ ပညာတတ်လေ ဘဝလမ်းခရီး အောင်မြင်လေဖြစ်ပါမယ်။ ပညာဖြင့် အသက်မွေးဝမ်းကြောင်း ပြုရင်လည်း အကျိုးပေးပါမည်။ ပညာရေးကို ဝီရိယ အားစိုက်ထုတ်ကြိုးစားပါ။ ပညာရေးကို အဖျက်တွေ ဝင်လာစေတတ်ပါတယ်။ အချစ်ရေးကြောင့် ပညာရေး ထိခိုက်တတ်သလို အပေါင်းအသင်းမှားတာ အပျော်အပါး မက်မှုတွေကြောင့် ပညာရေး ထိခိုက်တတ်စေတယ်။ ပညာရေးနှင့် ပတ်သက်ပြီး အားစိုက်ထုတ်ရမယ့် သူမျိုးဖြစ်တယ်။ အတန်းပညာပြီးဆုံးရင်လည်း အတတ်ပညာ ဘာသာစကားဆိုင်ရာ နည်းပညာနဲ့ဆိုင်တဲ့ ပညာမျိုးတွေ လေ့လာပါ။ သင်ယူပါ။ ဘဝအတွက် အထောက်အကူဖြစ်စေလိမ့်မည်။
ဒီနှစ်အတွင်း အကျိုးပေးဂဏန်းအနေနဲ့ ။ ။ ၆၊၅၊ ၁ ထိုဂဏန်းတွေက တစ်နှစ်ပတ်လုံး အကျိုးပြုစေပြီး ထီထိုးတာမျိုး တစ်ခြားသောကိစ္စတွေမှာ အသုံးပြုခြင်းဖြင့် ကံကောင်းစေပါလိမ့်မည်။
အကျိုးပေးအရောင် ။ ။ ဒီနှစ်အတွင်းမှာ ကံဇာတွေပွင့်ပြီး အကျိုးပေးအရောင်အနေနဲ့က အနီရောင်၊ အနီပွင့်၊ အဝါရောင် အဝါပွင့် အပြာရောင် အပြာပွင့် ခဲရောင်တွေဖြစ်ပါတယ်။ ဖြစ်ပါတယ်။ အရေးကြီးသော အရေးကြီးသော စကား အရေးကြီးသော လုပ်ငန်းကိစ္စတွေ ခရီးကိစ္စတွေ အကြောင်းအရာတွေမှာ ဝတ်ဆင်ပြီး ပြုလုပ်ပြောဆို ဆောင်ရွက်ခြင်းဖြင့် ကံပွင့်စေမည်။
ရှောင်ရန် ။ ။ အိမ်တွင်အသုံးပြုသော ဖန်အိုး ဖန်ခွက် ရေခွက် ရေကရား များကို နီညိုရောင် အနက်ရောင် ရွှေအိုရောင် ဝတ်ဆင်အသုံးပြုခြင်းရှောင်ပါ။ မာလကာသီး၊ ပဲလမုန့်၊ ဖရုံယို စားသုံးခြင်းရှောင်ပါ။
**ဒီနှစ်အတွက် မိမိတို့အနေနဲ့ အရေးကြီးသော အကြောင်းကိစ္စ အဝဝ ပြုလုပ်ပြောဆိုရာမှာ** အောင်မြင်ဖို့အတွက် အကောင်းဆုံး အကျိုးပေးနေ့တွေမှာ တနင်္ဂနွေနေ့နဲ့ သောကြာနေ့ နေ့တွေဖြစ်ပါတယ် ထိုနေ့အတွင်းမှာ အကောင်းဆုံးအချိန်ဖြစ်တဲ့ မုဆိုးရွှေအိုးရကိန်း အချိန်ဖြစ်တဲ့ နေ့လည် ၁း၁၃မှ ၃း၃၆အတွင်းနဲ့ ပုဏ္ဏား နတ်သမီး ရကိန်းအချိန်ဖြစ်တဲ့ တနင်္ဂနွေနေ့နဲ့ သောကြာနေ့ နေ့ မနက် ၆း၁၀နာရီ မှ၈း၂၄ ထို အချိန်တွေမှာ အရေးကြီးသော အလုပ်ကိစ္စ အကြောင်းအရာရာ ကိစ္စအဝဝ ပြုလုပ်ပြောဆိုရာမှာ သော်လည်းကောင်း ခရီးကိစ္စတွေ သွားလာတာ မျိုးတွေမှာသော်လည်းကောင်း ထိုအချိန်တွေမှာ ပြုလုပ်ပြောဆို လုပ်ကိုင်ဆောင်ရွက်ခြင်းဖြင့် အောင်မြင်မှုတွေ ရရှိစေပါမည်။
ဘဝတစ်သက်တာမှာ ဘုမ္မိအရပ်က မြောက်အရပ်ဖြစ်ပါတယ်။ ထိုအရပ်မှာ စီးပွားရှာတာ ခရီးထွက်တာ အိမ်ဆောက်တာ အိမ်မျက်နှာလှည့်ပြီး ဆောက်လုပ်တာ လှေကားထားတာ အထူးရှောင်ပါ။
ဘဝတစ်သက်တာအတွက် အကျိုးပေး ရတနာ။ ။ နီလာ ကျောက်တို့က မိမိတို့ရဲ့ အကျိုးပေး ရတနာတွေပဲ ဖြစ်ပါတယ်။

ယတြာ ။ ။ ဒီနှစ် တစ်နှစ်လုံးမှာ မိမိတို့အနေနဲ့ ကံဇာတာပွင့်လန်းစေရန် ကံကောင်းမှုတွေ ရရှိစေရန် ပြုလုပ်ရမည့် ကောင်းမှုကံ ယတြာ တနင်္ဂနွေနေ့မနက် အာရုံဆွမ်းသစ်သီးဆွမ်းကို မိမိအိမ်ဘုရားတွင်လှူပါ။ တစ်ပတ်တစ်ခါလှူပြီး မိမိလိုရာဆုတောင်းပါ။ ထီးနီအကြီး၁လက် စနေထောင့်မှာ တစ်လတစ်ခါလှူပြီး ဆုတောင်း ကံကောင်းမှုတွေ ရရှိစေမည်။ အန္တရာယ်ကင်းဂါထာ တွေရွတ်ပါ။ ဘုန်းကြီးဝတ်တာမျိုး တရားစခန်းဝင်တာမျိုးတွေ ပြုလုပ်ပါ။ ဘာသာရေး ကုသိုလ်ရေး အထူးပြုလုပ် မကောင်းတာ မကောင်းသောစကား မကောင်းသောအလုပ်တွေ ရှောင်ပြီး စိတ်ကိုအေးစွာထားပြီး နေထိုင် ပြုလုပ်ပါ ကံကောင်းစေမည်။
အညံ့ပပျောက်ရန် ။ ။ ဒီနှစ်အတွင်းမှာ မိမိတို့ ခက်ခဲမှု အဆင်မပြေမှုတွေ လွတ်မြောက်စေရန်အတွက် မည်သည့်နေ့ညနေပိုင်းတွင် မဆို နို့ဆီ ၃ ဗူးကို ဘုန်းကြီးကျောင်းပို့ပြီး ငါ့မှာရှိတဲ့မကောင်းတဲ့ အညံ့အားလုံးပါသွားစေဟု ပြောပြီး ပို့ပါ။ ညနေဘက်မှာ တစ်လတစ်ခါ နှစ်ခါပို့ပါ။ ဘာသာရေး အထူးပြုလုပ်ပေးပါ။ ပုတီးစိပ်ပါ။ အန္တရာယ်ကင်း ဂါထာတွေရွတ် တန်ခိုးကြီးဘုရား ဘုန်းကြီးကျောင်းတွေမှာ ခြေသုတ်ဝတ် တံမျက်စည်းတွေလှူပါ ငှက်လေးတွေလွှတ်ပါ။ ကံအညံ့တွေ ပျောက်စေမည်။