၂၀၂၆ ခုနှစ် စနေသားသမီးများအတွက် ကံကြမ္မာ အဟော

စနေသားသမီးများအတွက် မိမိတို့ရဲ့ အသက်အပိုင်းအခြား ၁၁ ၁၉ ၂၇ ၃၅ ၄၃ ၅၁ ၅၉ ၆၇ ၇၅ ၈၃ ၉၁။ ထိုနှစ်တွေမှာ ကြုံတွေ့ရစေမယ့် မိမိတို့ရဲ့ ကံကြမ္မာ အစိတ်အပိုင်းများ။
စီးပွားရေး အလုပ်အကိုင်။ ။ယခုနှစ်အတွင်းသောကြာ သားသမီးတွေရဲ့ စီးပွားရေး အလုပ်အကိုင်တွေမှာဆိုရင် လုပ်ငန်းပိုင်းတွေ တိုးတက်လာပါမယ်။ လက်ရှိအနေအထားထက် တိုးတက်လာစေတတ်ပါတယ်။ လုပ်ငန်းသစ် အလုပ်ကိုင်သစ်များ တိုးချဲ့လုပ်ကိုင်ရကိန်းရှိသည်။ အကြံအစည်သစ်တွေပေါ်မယ် လုပ်ငန်းတွေ တိုးတက်ကောင်းမွန်လာမယ် လုပ်ငန်းပိုင်းတိုးချဲ့ရမယ် အိမ်ပြင်ရတာ အိမ်ပြောင်းတာ အိမ်သစ်ဝင်တာတွေ ရှိလာတတ်ပါတယ်။ အလုပ်အကိုင်တွေနှင့် ပတ်သက်ပြီး အပြောင်းအလည်းတွေ ဖြစ်ပေါ်လာတတ်ပါတယ်။ လုပ်ငန်းထဲတွင် အပြိုင်အဆိုင် အတိုက်အခံပေါ်တတ်သည်။ စိုးရိမ်စရာမရှိပါ အတိုက်အခံများကြားတွင် အောင်မြင်နေမည်။ လူပင်ပန်းတာနဲ့ စိတ်ပင်ပန်းမှုတွေ များနေတတ်ပါတယ်။ ဝန်ထမ်းများ အလုပ်နေရာ ပြောင်းရွှေ့ရတတ်သည်။ ရာထူးလစာတွေ တိုးတက်လာစေမည် အလုပ်တွေမှာ စိတ်မပါသလို ဖြစ်ပေါ်နေတတ်ပါတယ်။ လူမျိုးခြားနဲ့ ပတ်သက်တဲ့လုပ်ငန်းပိုင်းတွေ အဆင်မပြေဖြစ်စေမည်။ တစ်ပိုင်တစ်နိုင်လုပ်ငန်းသစ် စတင်ပြီးလုပ်မည်ဆိုပါက လည်းအောင်မြင်နိုင်ပါတယ် အကျိုးပေးပါမည်။ အလုပ်နှင့်ပတ်သက်ပြီး ခရီးသွားရတတ်သည်။ သွားလျှင်ကောင်းသည် အဆက်အသွယ် ကောင်းများရရှိခြင်း လုပ်ငန်းနေရာ တိုးချဲ့ရခြင်းများကြုံမည်။ အထူးသဖြင့် ရေကြောင်းခရီးနှင့် ပတ်သက်သော ကိစ္စများအဆင်ပြေမည်။ လုပ်ချင်တာကို ရဲရဲသာလုပ်ပါ ခက်ခဲမှုတော့ အနည်းငယ် ကြုံတွေ့ရစေပြီး အဆုံးမှာ အောင်မြင်ဖို့ အနေအထား ကောင်းတွေဖြစ်လာ စေမည်။
ရွှေ ငွေ ရတနာပစ္စည်းဝင်မယ်။ ရေတွင်းရေကန် တူးရတတ်တယ်။ မင်္ဂလာပြုရတာ အလှူဒါနပြုရတာတွေ ရှိလာတတ်ပါတယ်။ ခြံ ကား ကျောက် ခြေနှစ်ချောင်းဝင်မယ်။ အကြီးအကဲ အထက်လူကြီးပိုင်းတွေရဲ့ ကူညီမစမှုကို ရရှိစေတတ်ပါတယ်။ အိမ်ပြင် အိမ်ပြောင်း အလုပ်ပြောင်း ပြုရတတ်ပါတယ်။ ယခုနှစ် စီးပွားရေး လုပ်မည်ဆိုပါက ရွှေလုပ်ငန်း ရေ ဝပ်ရှော့ လျှပ်စစ်ပစ္စည်း အရောင်းအဝယ် လ္ဘက်ရည်ဆိုင် ကား ကျောက် ကုန်ရောင်းကုန်ဝယ် ကုန်စုံဆိုင် ငါးလုပ်ငန်း အရောင်းအဝယ်လုပ်ငန်းတွေ လုပ်ကိုင်ပါကအဆင်ပြေမည်။ စပ်တူလုပ်ငန်း ရှယ်ရာလုပ်ငန်းများ သတိနှင့် ပြုလုပ်ပါ။ လူလိမ်ခံရတတ်သည်။ ခိုးကိန်း မီးကိန်းပေါ်မယ်။ အထူးသတိရှိပါ။ တန်ဖိုးရှိတဲ့ပစ္စည်းတွေ ပျောက်ဆုံးစေတတ်တယ်။
ယခုနှစ်တွင်အလုပ်တွေ ပြန်လည်ကောင်းမွန်လာပါမည်။ လုပ်ငန်းစတင်လုပ်ကိုင်မည့်သူများ မိမိလုပ်ငန်း အောင်မြင်မှုရရှိမည့် အချိန်ကာလဖြစ်သည်။ ကိုယ်ပိုင်လုပ်ငန်းတွေ တစ်ပိုင်တစ်နိုင်လုပ်ငန်းတွေ လုပ်ပါ။ ကိုယ်ပိုင်လုပ်ငန်းကသာ စီးပွားဖြစ်မြန် ချမ်းသာလွယ်စေတတ်ပါတယ်။ မြောက်အရပ် အရှေ့တောင်အရပ်များ ယခုနှစ်မှာ စီးပွား မရှာသင့် ရှောင်ရပါမည်။ စီးပွားရေးနဲ့အတူ ဘာသာရေး ကုသိုလ်ရေး ယှဉ်တွဲလုပ်ပါ။ ကောင်းမှုတစ်ခု နေ့စဉ်ပြုပါ။ ခိုစာ ခွေးစာ ငှက်စာကျွေးပါ လပြည့်လကွယ် သတ်သတ်လွတ်စား ဘုရာခန်း နေအိမ်အမြဲသန့်ရှင်းအောင်ထားပါ။ ကံတရားရဲ့ထောက်အပံ့ကောင်းတွေ ရရှိလာမှာဖြစ်ပါတယ်။
ငွေကြေး။ ။ငွေကြေးကံအနေနှင့် ငွေ ရှာရလွယ်နေတတ်ပါတယ်။ လာဘ်ဝင်လာမယ်။ ရစရာရှိတာတွေလည်း ပြန်ရမယ်။ ပေးစရာရှိတာတွေလည်း အကုန်အဆင်ပြေသွားပါလိမ့်မည်။ ငွေရှာရတာ လွယ်ကူနေစေတတ်ပါတယ်။ ငွေဝင်လမ်းကြောင်းတေ ပေါ်လာစေတတ်ပါတယ်။ ငွေကိုရှာဖွေနိုင် စုစောင်းနိုင်မှသာ ငွေမြဲစေမည်။ တခါတရံ ငွေအဝင်အထွက်တွေ များနေတတ်ပါတယ်။ ငွေဝင်ပြီး လက်ထဲမမြဲပဲ ရှိနေတတ်ပါတယ် ငွေစုပါ ငွေဝင်လာရင် ရွှေစုပါ လုပ်ငန်းတိုးချဲ့ပါ ဒါနကောင်းမှုပြုပါ။ ငွေကုန်စရာတွေလည်း ပေါ်လာတတ်ပါတယ် ငွေကိုချွေတာပြီး သုံးရန် လိုစေတတ်တယ်။ ငွေချေးတာ အာမခံတာ အထူးရှောင်ပါ ငွေလူလိမ်ခံရတတ်ပါတယ် ငွေကြေးက မမြဲတတ်သောကြောင့် ငွေနဲ့ရင်တဲ့အလုပ်တွေ ဖြတ်လမ်းစီးပွားရေးတွေ ရှောင်ပါ။ ထီကံကောင်းမယ် ထီပေါက်ကိန်း ရှိပါတယ် အကျိုးပေးဂဏန်း ၂ ၁ ၄ဖြစ်ပါတယ် ငွေကံကောင်းစေရန် ရေနွေးကြမ်း လက်ဖက် တနင်္လာနေ့တိုင်း အမြဲလှူ ခွေးစာ ငှက်စာကျွေးပါ။
လူမှုရေး။ ။လူမှုရေး အနည်းငယ် စိတ်ညစ်စရာတွေ ရှိနေတတ်ပါတယ် အတိုက်အခံ အခြေအတင်လေးတွေ စကားပြောရတတ်ပါတယ်။ လူမျိုးခြား အကျိုးမပြုစေ ဒုက္ခပေးစေတတ်ပါတယ်။ လူယုံထားလို့မရပါအမှုအခင်း ပြဿနာတွေ ဖြစ်လာတတ်တယ် သတိထားပါ မြေကိစ္စ အမွေကိစ္စ မိသားစု ကိစ္စကြောင့် အတိုက်အခံစကားပြောရတာ ပေါ်လာတတ်တယ်။ အမျိုးသမီးတဦးနဲ့လည်း စကားများရတာတွေ ဖြစ်ပေါ်လာတတ်ပါတယ်။ အားနာမှုကြောင့် ဒုက္ခရောက်စေတတ်ပါတယ် လက်အောက်ငယ်သား မိမိညီအကို မောင်နှမတွေကြောင့်လည်း စကားအခြေအတင် ပြောရစေတတ်ပါတယ်။ ကိုယ့်ကိုကိုယ်ပဲ အားကိုးပါ သူတပါးအားမကိုးပါနှင့် စိတ်လိုက်မာန်ပါ ပြုမူပြောဆိုတာတွေ ရှောင်ပါ။ စေတနာကောင်း စိတ်ကောင်းထားပါ ဘာသာရေး ပိုလုပ်ပါ သူများပြဿနာ ဝင်ဖြေရှင်းတာတွေ မပြုလုပ်ရ စေတနာအမှား ဖြစ်တတ်သောကြောင့် သတိထားရှောင်ပါ။ အင်္ဂါနံပါတဲ့နေ့သားတွေ စနေနံပါတဲ့နေ့သားတွေနဲ့ စကားပြောဆိုတာ သတိထားပါ အိမ်တွင်းရေး ပြဿနာတွေလည်း ပေါ်လာတတ်တယ် စိတ်ကိုအေးအေးထားပြီး ဖြေရှင်းပါ။
ကျန်းမာရေး။ ။ကျန်းမာရေးမှာဆိုရင် နှလုံးရောဂါ နှလုံးအားနည်းပြီး ရင်တုန်တာ ဦးခေါင်းမကြည်တာ ညောင်ညာကိုက်ခဲတာမျိုး။ သွေးပေါင် အတက်အကြဖြစ်စေပြီး မူးမောတာ သွေးသားမမှန်တာ သွားနာတာ အစာအိမ်လေအောင့်တာမျိုး။ ချောင်းဆိုး ရင်ကျပ်တာ ရာသီအကူးအပြောင်း ဖျားနာတာတွေ ဖြစ်ပေါ်နေတတ်ပါတယ်။ အနာဟောင်းပေါ်စေတာ ဖြစ်ပြီးသားရောဂါ ပြန်ဖြစ်လာတာမျိုးလည်း ကြုံရတတ်ပါတယ်။ မီးပူလောင်စေတာ လျှပ်စစ်ရှော့ဖြစ်စေတာတွေ ဖြစ်ပေါ်တတ်တဘ် သတိရှိပါ။ အကုန်ဖြစ်မယ်လို့တော့ မဆိုလိုပေ တခုမဟုတ်တခု ဖြစ်ပေါ်လာတတ်ပါတယ် သတိထားရန်တော့ လိုစေမည်။ရေလှူ ဆေးလှူ နာမကျန်းဖြစ်သူကို ဆေးဝါးဓာတ်စာလှူတာမျိုး တွေပြုလုပ်ပြီးဆုတောင်း ငါးလွှတ်ပါ ငှက်လွှတ်ပြီးဆုတောင်းပါ ဘာသာရေးပိုလုပ်ပါ။
အိမ်ထောင်ရေး။ ။ယခုနှစ် အိမ်ထောင်ရေးမှာဆိုရင် အိမ်ထောင်ရေး ရန်ပေါ်နေတတ်ပါတယ် မိမိအိမ်ထောင်ဘက်နှင့် အဆင်ပြေတဲ့အခါရှိသလို မပြေတာတွေလည်း ရှိနေတတ်ပါတယ်။ ဂတောက်ဂဆတွေ ဖြစ်ပေါ်နေတတ်ပါတယ် သဝန်တို စိတ်မချတာတွေ တစ်ယောက်နှင့်တစ်ယောက် စိတ်တိုင်းမကျတာ နားလည်မှုတွေလွဲနေတာ အလိုမကျတာတွေ မကြာခဏဖြစ်ပေါ်နေပါမယ်။ မိသားစု ညီအကိုမောင်နှမ အတွက်သော်လည်းကောင်း သားသမီးရှိက သားသမီး ကြောင့်စိတ်ညစ်ရတတ်သည်။ အိမ်ထောင်ရေးမှာ ကြားလူဝင်နှောင့်ယှက်တာတွေ အိမ်ထောင်ရေးအပျက်အစီး အနှောင့်အယှက်တွေကြုံလာပါမယ်။
စီးပွားရေး အဆင်ပြေနေတဲ့အချိန်တွေမှာ အိမ်ထောင်ရေးဇယားရှုပ်တာ အပျော်အပါးလိုက်စားပါက နာမည်ဂုဏ်သိက္ခာ ကျဆင်းတတ်သလို တတ်လာမယ့်အညွန့်ပြန်ကျိုးမယ်။ အမျိုးသမီး အဖျက်အဆီးတွေ အမျိုးသားတွေ ကြုံတွေ့ရတတ်ပါတယ်။ အပျော်အပါး အသောက်အစား ရှိပါက အိမ်ထောင်ရေးရန်ပေါ်တတ်ပါတယ်။ အိမ်ထောင်ရေး ဇယားရှုပ်တာ အထူးရှောင်ပါ ရှုပ်ထွေးမှုတွေ ဖြစ်ပေါ်တတ်ပါတယ် ထိုသို့ပြုလုပ်မိပါက မမျှော်လင့်ထားတဲ့ ပြဿနာတွေဖြစ်လာတတ်ပါတယ်။ စီးပွားပျက်တတ်တယ်၊ ဂုဏ်သိက္ခာ ကျဆင်းတတ်သောကြောင့် သတိထားဆင်ခြင်ရန်လိုအပ်ပါမည်။ ယခုနှစ်အိမ်ထောင်ရေးက အခန့်မသင့်ရင် ကွဲစေတတ်သောကြောင့် အထူးသတိထားရန်လိုနေမည်။ အိမ်ထောင်ရေးမှာ ဆိုးတူကောင်ဖက်တိုင်ပင်ပြီး လက်တွဲမှသာ အဆင်ပြေစေတတ်ပါတယ်။ ကုသိုလ်ရေးအတူလုပ် ဘာသာရေး အတူလုပ် စီးပွားရေး တိုင်ပင်ပြီး လက်တွဲပါ အပျော်အပါး အသောက်အစားတွေ ဖောက်ပြန်ရှုပ်ထွေးတာတွေ ရှောင်ပါ အဆင်ပြေလာပါလိမ့်မည်။
အချစ်ရေး။ ။ယခုနှစ်အတွင်း အချစ်ရေး စန်းပွင့်နေတတ်ပါတယ် ငယ်ရွယ်သူတွေ အချစ်ရေး ကံကောင်းလာပါမယ် ချစ်သူမရှိသေးသူများ ချစ်သူရစေတတ်တယ်။ မိမိကို စိတ်ဝင်စားနေသူတွေ များပြားစေတတ်ပါတယ်။ အထီးကျန်နေသူတွေ ချစ်သူရစေတတ်ပါတယ်။ လက်ရှိချစ်သူ ရှိနေသူတွေကတော့ အိမ်ထောင်ကျတတ်ပါတယ်။ တခါတလေ အချစ်ရေးဂတောက်ဂဆတွေ အချစ်ရေး ပြဿနာတွေ အနည်းငယ်ရှိနေတတ်ပါတယ်။ မကြာခဏ စိတ်ဆိုးစိတ်ကောက် စကားများနေရတာတွေ ရှိနေတတ်ပါတယ် ရန်ဖြစ်လိုက် ပြန်ချစ်လိုက်ရှိနေမယ်။ တခါတရံ သဝန်တို စိတ်မချတာ အထင်အမြင်လွဲမှားတာတွေ နားလည်မှုလွဲမှားတာတွေ ရှိနေတတ်ပါတယ် စိတ်တိုင်းမကျ အလိုမကျတာတွေလည်း ရှိနေတတ်ပါတယ်။ ယခုနှစ် တွင်အိမ်ထောင်ကျကိန်း ရှိနေပါတယ် ယူမယ်ဆို ယူလို့ရပါတယ် ယခုနှစ်အချစ်ရေးက ဂတောက်ဂဆလေးတွေနဲ့ ဖြတ်သန်းရတတ်ပါတယ် ချစ်သူနှစ်ဦးကြားမှာ အဖျက်အဆီးတွေ ဝင်လာစေတတ်ပါတယ်။ အချစ်ရေး ဇယားရှုပ်တာ အပျော်အပါး လိုက်စားပါက မတည်မြဲနိုင်ပါ။
ပညာရေး။ ။ယခုနှစ်မှာပညာရေးနှင့် ပတ်သက်ပြီး ရပ်တန့်နေတတ်ပါတယ် တွေဝေနေတာ မျိုးတွေလည်း ရှိနေတတ်ပါတယ်။ ပညာရေးကို ရပ်တန့်မနေသင့်ပါ ၊လတ်တလော ပညာရေးထစ်ငေါ့တာ ပညာရေး တပိုင်းတစတွေ လွဲချော်တာတွေလည်း ရှိနေပေမယ့် မကြာခင်ပြန်လည် ကောင်းမွန်လာပါမည်။ ပညာတတ်လေ ဘဝလမ်းခရီး အောင်မြင်လေဖြစ်ပါမယ် ပညာဖြင့် အသက်မွေဝမ်းကြောင်း ပြုရင်လည်း အကျိုးပေးပါမည်။ ပညာရေးကို ယခုနှစ်ပိုင်းမှာ ဝီရိယ အားစိုက်ထုတ်ကြိုးစားပါ မှအောင်မြင်နိုင်ပါမည်။ ပညာရေးကို အဖျက်တွေ ဝင်လာစေတတ်ပါတယ် အချစ်ရေးကြောင့် ပညာရေး ထိခိုက်တတ်သလို အပေါင်းအသင်မှားတာ အပျော်အပါး မက်မှုတွေကြောင့် ပညာရေး ထိခိုက်တတ်စေတယ် ပညာရေးနှင့် ပတ်သက်ပြီး ကံ ဉာဏ် ဝီရိယ အားစိုက်ထုတ်ရမယ့် သူမျိုးဖြစ်တယ် အတန်းပညာပြီးဆုံးရင်လည်း အတတ်ပညာ ဘာသာစကားဆိုင်ရာ ကွန်ပျူတာနဲ့ဆိုင်တဲ့ ပညာမျိုးတွေ လေ့လာပါ သင်ယူပါ ဘဝအတွက် အထောက်အကူဖြစ်စေလိမ့်မည်။
ဒီနှစ်အတွင်း အကျိုးပေးဂဏန်းအနေနဲ့။ ။ ၂၊ ၄၊ ၁ ထိုဂဏန်တွေက တစ်နှစ်ပတ်လုံး အကျိုးပြုစေပြီး ထီထိုးတာမျိုး တစ်ခြားသောကိစ္စတွေမှာ အသုံးပြုခြင်းဖြင့် ကံကောင်းစေပါလိမ့်မည်။
အကျိုးပေးအရောင်။ ။ဒီနှစ်အတွင်းမှာ ကံဇာတွေပွင့်ပြီး အကျိုးပေးအရောင်အနေနဲ့က အဖြူပွင့် အဖြူရောင်၊ အစိမ်းပွင့် အစိမ်းရောင် ခဲပွင့် ခဲရောင် ငွေရောင် ရွှေဝါရောင်တွေဖြစ်ပါတယ်။ အရေးကြီးသော အရေးကြီးသော စကား အရေးကြီးသော လုပ်ငန်းကိစ္စတွေ ခရီးကိစ္စတွေ အကြောင်းအရာတွေမှာ ဝတ်ဆင်ပြီး ပြုလုပ်ပြောဆို ဆောင်ရွက်ခြင်းဖြင့် ကံပွင့်စေမည်။
ရှောင်ရန်။ ။ ပဝါ ခေါင်းပေါင်း ထမင်းဘူး စာရေးကိရိယာများကို အဝါရောင် နီညိုရောင် ဝတ်ဆင် အသုံးပြုခြင်း အထူးရှောင်ရပါမည်။ ဆီးသီး၊ ဆီကြော်မုန့်၊ စပျစ်သီး ဆိတ်သား စားခြင်းရှောင်ပါ။
**ဒီနှစ်အတွက် မိမိတို့အနေနဲ့ အရေးကြီးသော အကြောင်းကိစ္စ အဝဝ ပြုလုပ်ပြောဆိုရာမှာ** အောင်မြင်ဖို့အတွက် အကောင်းဆုံး အကျိုးပေးနေ့တွေမှာ တနင်္လာနေ့နဲ့ ဗုဒ္ဓဟူးနေ့ နတွေဖြစ်ပါတယ် တနင်္လာနေ့ အတွင်းမှာ အကောင်းဆုံးအချိန်ဖြစ်တဲ့ မုဆိုးရွှေအိုးရကိန်း အချိန်ဖြစ်တဲ့ နေ့လည် ၁း၁၃မှ ၃း၃၆အတွင်းနဲ့ ပုဏ္ဏား နတ်သမီး ရကိန်းအချိန်ဖြစ်တဲ့ ဗုဒ္ဓဟူးနေ့ မုဆိုးရွှေအိုးရကိန်း အချိန်ဖြစ်တဲ့ မနက် ၆း၁၀မှ ၈း၂၄နာရီ နဲ့ ပုဏ္ဏား နတ်သမီး ရကိန်းအချိန်ဖြစ်တဲ့ ညနေ၃း၃၇မှ ၆း၀၀အတွင်း ထိုအချိန်တွေမှာ အရေးကြီးသော အလုပ်ကိစ္စ အကြောင်းအရာရာ ကိစ္စအဝဝ ပြုလုပ်ပြောဆိုရာမှာ သော်လည်းကောင်း ခရီးကိစ္စတွေ သွားလာတာ မျိုးတွေမှာသော်လည်းကောင်း ထိုအချိန်တွေမှာ ပြုလုပ်ပြောဆို လုပ်ကိုင်ဆောင်ရွက်ခြင်းဖြင့် အောင်မြင်မှုတွေ ရရှိစေပါမည်။
ဘဝတစ်သက်တာမှာ ဘုမ္မိအရပ်က မြောက် အရပ်ဖြစ်ပါတယ် ထိုအရပ်မှာ စီးပွားရှာတာ ခရီးထွက်တာ အိမ်ဆောက်တာ အိမ်မျက်နှာလှည့်ပြီး ဆောက်လုပ်တာ လှေကားထားတာ အထူးရှောင်ပါ။
ဘဝတစ်သက်တာအတွက် အကျိုးပေး ရတနာ။ ။ နီလာ ကျောက်က မိမိတို့ရဲ့ အကျိုးပေး ရတနာတွေပဲ ဖြစ်ပါတယ်။ ထိုရတနာတွေကို ဝတ်ဆင် ထားခြင်းဖြင့် ကံဇာတာပွင့်လန်းစေပါမည်။
ယတြာ။ ။ ။ဒီနှစ် တစ်နှစ်လုံးမှာ မိမိတို့အနေနဲ့ ကံဇာတာပွင့်လန်းစေရန် ကံကောင်းမှုတွေ ရရှိစေရန် ပြုလုပ်ရမည့် ကောင်းမှုကံ ယတြာ တနင်္လာနေ့နဲ့ ဗုဒ္ဓဟူးနေ့မနက် (၉း၄၅) တွင် ရွှေပန်း ကံ့ကော်ပန်းတို့ကို လှူပါ ယို ၃မျိုး ကြာဇံကျော်တပွဲ မိမိအိမ်ဘုရားတွင်လှူပါ။ တပတ်တခါလှူပြီး မိမိလိုရာဆုတောင်းပါ။ ကောင်းမှု့တစ်ခု နေ့စဉ်ပြု စားအသောက်ရှားပါးသူ အဝတ်အထည်ရှားပါးသူ ပေးလှူ နာမကျန်းသူကို ဆေးဝါးလှူပြီး ဖြတ်သန်းပါ ကံကောင်းမှုတွေ ရရှိစေမည်။
အညံ့ပပျောက်ရန် ။ ။ဒီနှစ် တစ်နှစ်လုံးမှာ မိမိတို့အနေနဲ့ ကံအဆိုးအညံ့တွေ ပပျောက်စေရန်အတွက် မည်သည့်နေ့ မဆို ညနေပိုင်းတွင် ဆိတ်သားဟင်းကို ထမင်းကြမ်းနှင့်နယ်ပြီး လမ်းဘေးခွေးကျွေးပါ ငါ့မှာရှိတဲ့မကောင်းတဲ့ အညံ့အားလုံးပါသွားစေဟုပြောပြီး ကျွေးပါ ဘာသာရေးအထူးပြုလုပ်ပေးပါ၊ ကောင်းမှုတွေနဲ့ ဖြတ်သန်းပါ ပုတီးစိပ်ပါ ကံအညံ့ပျောက်စေမည်။