၂၀၂၆ ခုနှစ် တနင်္ဂနွေ သားသမီးများအတွက် ကံကြမ္မာ အဟော

မိမိတို့အသက်အပိုင်းအခြား ။ ။ ၉၊ ၁၇၊ ၂၅၊ ၃၃၊ ၄၁၊ ၄၉၊ ၅၇၊ ၆၅ ၊၇၃၊ ၈၁၊ ၈၉ ထိုနှစ်အတွင်းမှာ ကြုံတွေ့ရမယ့် မိမိရဲ့ ကံကြမ္မာ အစိတ်အပိုင်းများ။
စီးပွားရေး အလုပ်အကိုင် ။ ။ ဒီနှစ်ပိုင်းတွေမှာ အလုပ်အကိုင် စီးပွားရေးပိုင်းနှင့်ပတ်သက်ပြီး တိုးတက်လာစေမယ့်နှစ်ဖြစ်တယ်။ လုပ်ငန်းသစ် အလုပ်ကိုင်သစ်များ တိုးချဲ့လုပ်ကိုင်ရကိန်းရှိသည်။ အလုပ်အပြောင်းအလဲ ပေါ်မယ်။ စိတ်ကူးသစ် အကြံအစည်သစ်တွေ ပေါ်လာစေမယ်။ လုပ်ငန်းပိုင်းတွေမှာတော့ စိတ်ရောလူပါ ပင်ပန်းနေစေမည်။ သင်သည်ဝန်ထမ်းဖြစ်ပါက အလုပ် နေရာဌာန အသစ်ပြောင်းရတာမျိုး၊ ရာထူးလစာတိုးတာမျိုးကြုံမည်။ ဒီနှစ်ပိုင်းတွေမှာ သင့်အနေနဲ့ စီးပွားရေး စလုပ်မည်ဆိုပါကလည်း အကျိုးပြုစေမည်။ ထိုသို့လုပ်ကိုင်နေစဉ် ကာလအတွင်း လုပ်ငန်းထဲတွင် အပြိုင်အဆိုင် အတိုက်အခံပေါ်တတ်သည်။ စိုးရိမ်စရာမရှိပါ။ မကြာခင်ကာလတွင် ပြန်လည် အဆင်ပြေသွားပါလိမ့်မည်။ တစ်ခါတစ်ရံ တစ်ချို့လတွေမှာဆိုရင် လုပ်ငန်းစီးပွား အခက်အခဲတွေ ဖြစ်လာစေမည်။ စိတ်ဓာတ်မကျပဲ ကြိုးစားပြီး ဆက်လုပ်ပါ။ မိမိရဲ့ ကြိုးစားမှုဖြင့် အရာရာကျော်ဖြတ်နိုင်ပါလိမ့်မည်။ ယခုနှစ်မှာ တနင်္ဂနွေသားသမီးတွေက ဒီနှစ်မှာ ကံ၊ ဉာဏ် ဝီရိယအားစိုက်ထုတ်ပြီး ကြိုးစားမှသာ အဆင်ပြေမယ်။ တစ်ခါတစ်ရံ အလုပ်အကိုင်လေးတွေလွဲချော်တာ၊ ထစ်ငေါ့နေတာတွေ၊ ငွေကုန်စရာတွေ ရှိနေတတ်ပါတယ်။ သင့်အနေနဲ့ အကူအညီတောင်းမည်ဆို့ပါက သောကြာနေ့နံ သားသမီးတွေကို အကူအညီတောင်းပါ တိုင်ပင်ပါ။ အထောက်အပံ့ကောင်းတွေ ရရှိစေပါလိမ့်မည်။
ဧပြီလနောက်ပိုင်း လုပ်ငန်းသစ် အလုပ်ကိုင်သစ်များ တိုးချဲ့လုပ်ကိုင်ရကိန်းရှိသည်။ အလုပ်နှင့်ပတ်သက်ပြီး ခရီးသွားရတတ်သည်။ ဝန်ထမ်းဆို လုပ်ငန်းမှာ အကြီးအကဲ အထက်လူကြီးတွေနှင့် အဆင်မပြေတာတွေ ရှိနေစေတတ်ပါတယ်။ အလုပ်ထွက်ချင်စိတ်တွေ ပေါ်လာတတ်တယ်။ ကိုယ်ပိုင် စီးပွားရေးတွေနဲ့ တစ်ပိုင်တနိုင် တွဲလုပ်ပါ။ အဆက်အသွယ် ကောင်းများရရှိခြင်း၊ ကူညီမစသူတွေ ပေါ်လာခြင်းတွေ ရှိနေမည်။ နိုင်ငံရပ်ခြားနှင့်ပတ်သက်သော ကိစ္စများခက်ခဲမှုတွေ ရှိနေပါမည်။ သွပ်၊ သံ၊ သစ်တွေဝင်မယ်၊ အိမ်ပြင်ရမယ်၊ အိမ်သစ်ရစေမည် ရွှေဝင်မယ်၊ လူဝင်မယ်၊ ရေတွင်းရေကန် တူးရစေတာ အလှူဒါနသို့ မင်္ဂလာပြုရတတ်ပါတယ်။ စက်ပစ္စည်းတွေ အလဲအထပ်ပြုရစေတာ အဝင်အထွက်ရှိနေပါလိမ့်မယ်။ စက်ပစ္စည်း အဝင်အထွက်ရှိမယ် ပျက်တာပြင်ရတာတွေ ပေါ်လာတတ်တယ် အဟောင်းဝင်ရင် မကောင်းပါ အသစ်ဝယ်မှ ကောင်းပါမည်။ လက်အောက်ငယ်သား အကျိုးပြုစေမယ်။ ဘာသာရေး ဆိုင်ရာပစ္စည်းတွေ အဆောင်လို လက်ဖွဲ့လို ပစ္စည်းတွေဝင်လာမယ်။ လက်ဆောင်ပစ္စည်းတွေလည်း ရစေတတ်ပါတယ်။ ယခုနှစ်မှာ ရေလုပ်ငန်း ရွှေ ဝပ်ရှော့၊ လယ်ယာလုပ်ငန်း၊ ဟော်တယ်နဲ့ ခရီးသွားလုပ်ငန်း စားသောက်ကုန် စက်ပစ္စည်း စတိုးဆိုင် စပ်တူလုပ်ငန်း ရှယ်ရာလုပ်ငန်းများ အဆင်ပြေစေမည် ယခုနှစ်တွင် အလုပ်တွေပြန်လည် ကောင်းမွန်လာပါမည်။ စီးပွားရေး စတင်လုပ်ကိုင်မည့်သူများ မိမိလုပ်ငန်း အောင်မြင်မှုရရှိမည့် အချိန်ကာလဖြစ်သည်။ ဒီကာလ ဒီနှစ်ပိုင်းတွေမှာအနောက်အရပ် အရှေ့အရပ်တွေမှာ ခရီးသွားလာတာ စီးပွားရှာတာတွေ ရှောင်ပါ။ ညီအကိုမောင်နှစ်မတွေရဲ့ အကျိုးပြုမှုရရှိမယ် ခရီးကိစ္စတွေပေါ်မယ်။ စိတ်ဖိစီးမှုတွေတော့ များနေတတ်ပါတယ်။ စီးပွားရေးမှာ ဘာပဲလုပ်လုပ် ပြိုင်ဆိုင်မှုတွေတော့ ရှိနေမယ်။ စိတ်ကိုအေးချမ်းစွာထားပြီး လုပ်ကိုင်ပါ။ စီးပွားရေးနဲ့အတူ ယခုနှစ်မှာ ကောင်းမှုတစ်ခု နေ့စဉ်ပြုပါ။ စီးပွားရေးနဲ့အတူ ဘာသာရေး ကုသိုလ်ရေး ယှဉ်တွဲလုပ်ပါ။ ကံတရားရဲ့ အထောက်အပံ့ကောင်းတွေကို ရရှိလာပါမည်။
ဒီနှစ်အတွင်းမှာ ငွေကြေးပိုင်း အနေနှင့် ငွေအဝင်အထွက် များနေမယ် ငွေရှာရတာတော့ လွယ်မယ်။ ငွေဝင်ပြီး တစ်ခါတစ်ရံလက်ထဲမှာ ငွေမမြဲတာတွေ ရှိနေတတ်ပါတယ်။ ငွေကုန်စရာတွေလည်း များနေတတ်ပါတယ်။ မိမိကိုယ်တိုင်းလည်း ငွေသုံးများနေတတ်သလို မိမိရဲ့ မိသားစု အသိုင်းအဝိုင်းကိုလည်း အကူအညီပေးနေရစေတတ်ပါတယ်။ ငွေကို ချွေတာသုံးရန်လိုမယ်။ ငွေနဲ့ရင်းနှီးမြှုတ်နှံမှု အလုပ်တွေ သတိထားသင့်တယ်။ ငွေဝင်ရင် ရွှေစုပါ လက်ထဲထားရင် ပြန်ကုန်စေပါလိမ့်မည်။ ငွေချးတာ အာမခံတာ အထူးရှောင်ပါ။ ဖြတ်လမ်းစီးပွားရေး မလုပ်သင့်ပါ။
ဧပြီ မေ ဇွန် ဇူလိုင် ထို၄လအတွင်းမှာ ငွေကုန်ကြေးကြတွေ ပိုများစေမည်။ အိမ်တွင်းရေး အတွက်လည်း ငွေကုန်စေတတ်တယ်။ သူတပါးအတွက် ကူညီထောက်ပံ့ပေးရတာတွေ ရှိလာမယ်။ ငွေကံကောင်းစေရန် လာဘ်နှိုးဂါထာရွတ် တနင်္လာနေ့တိုင်း ရေနွေးကြမ်းနဲ့ လ္ဘက်သုတ်ကပ်လှူပြီး ငွေအတွက် ဆုတောင်းပါ။
လူမှုရေး ပိုင်းတွေမှာ အတိုက်အခံလေးတွေ ရှိနေတတ်ပါတယ်။ အကြီးအကဲ အထက်လူကြီးပိုင်း တွေနဲ့ စိတ်သဘောထား ကွဲလွဲမှုတွေ ရှိနေမယ် စိတ်ညစ်ရတတ်တယ်။ အလုပ်မှာလည်း စိတ်ညစ်ရတတ်တယ်။ အထက်လူကြီး ဖိအားပေးခြင်း ခံရစေတတ်တယ်။ အိမ်တွင်းရေးအတွက် ပူပင်စရာတွေ ရှိနေတတ်တယ်။ စိတ်အလိုမကျမှုလေးတွေ ရှိနေတတ်ပါတယ်။ ကြာသပတေးနံ ပါတဲ့နေ့သားတွေ၊ တနင်္လာနံပါတဲ့နေ့သားတွေနဲ့ စကားပြောဆိုတာ၊ လုပ်ငန်းလုပ်တာ အထူးသတိထားပါ အဆင်မပြေဖြစ်မည်။ စိတ်လိုက်မာန်ပါ ပြုမူပြောဆို လုပ်ကိုင်တာတွေ ရှောင်ပါ စေတနာကောင်းကောင်းထား စိတ်ကောင်းကောင်းမွေးပါ။ အကျိုးပေးလာပါမယ်။ ဘာသာရေးပိုလုပ်ပါ သမ္ဗုဒ္ဓေကို တနေ့ ၁၀ ခေါက်ရွတ်ပါ။
ယခုနှစ် အိမ်ထောင်ရေးမှာဆိုရင် မိမိအိမ်ထောင်ဘက်နှင့် မကြာခဏ စကားများရတတ်သည်။ ဂတောက်ဂဆတွေ ဖြစ်ပေါ်နေတတ်ပါတယ်။ တစ်ယာက်နှင့်တစ်ယောက် စိတ်တိုင်းမကျတာ နားလည်မှုတွေလွဲနေတာ အလိုမကျတာတွေ မကြာခဏဖြစ်ပေါ်နေပါမယ်။ အိမ်ထောင်ရေးမှာ ကြားလူဝင်နှောင့်ယှက်တာတွေ ကြုံလာပါလိမ့်မယ် သတိထားရှောင်ပါ။ သိပ်မကြာခင် ပြန်လည်အဆင်ပြေသွားပါလိမ့်မည်။ စီးပွားရေး အဆင်မပြေနေတဲ့အချိန်တွေမှာ အိမ်ထောင်ရေး ဇယားရှုပ်တာ၊ အပျော်အပါးလိုက်စားပါက နာမည်ဂုဏ်သိက္ခာ ကျဆင်းတတ်သလို တက်မယ့်အညွန့်ပြန်ကျိုးမယ်။ အမျိုးသမီးအဖျက်အဆီးများ အမျိုးသားတွေ ကြုံတွေ့ရတတ်ပါတယ်။ အသောက်အစား များတဲ့အတွက်လည်း အိမ်ထောင်ရေး ရန်ပေါ်တတ်ပါတယ်။ အိမ်ထောင်ရေးမှာ ယခုနှစ်အတွင်းအဆင်မပြေမှုတွေ အနည်းငယ် နေတတ်ပါတယ်။ မိမိမှာအိမ်ထောင်ရှိပါကလည်း စန်းပွင့်နေတဲ့ ကာလဖြစ်တဲ့အတွက် အိမ်ထောင်ရေး ရှုပ်ထွေးမှုတွေဖြစ်ပေါ်တတ်ပါတယ်။ ထိုသို့ပြုလုပ်မိပါက မမျှော်လင့်ထားတဲ့ ပြဿနာတွေ ဖြစ်လာတတ်ပါတယ်။ စီးပွားပျက်တတ်တယ်၊ ဂုဏ်သိက္ခာ ကျဆင်းတတ်သောကြောင့် သတိထားဆင်ခြင်ရန် လိုအပ်ပါမည်။ အိမ်ထောင်ရေးမှာ ဆိုးတူကောင်းဖက်တိုင်ပင်ပြီး လက်တွဲမှသာ အဆင်ပြေစေတတ်ပါတယ်။ ကုသိုလ်ရေးအတူလုပ် ဘာသာရေး အတူလုပ် စီးပွားရေး တိုင်ပင်ပြီး လက်တွဲပါ။ အပျော်အပါး အသောက်အစားတွေ ရှောင်ပါ အဆင်ပြေလာပါလိမ့်မည်။
ယခုနှစ်အတွင်း ငယ်ရွယ်သူတွေအတွက် အချစ်ရေး မေတ္တာရေးပိုင်းတွေမှာ စန်းတော့ပွင့်နေမယ် စိတ်မတည်ငြိမ်မှုတွေ ဖြစ်နေတတ်တယ်။ မိမိအား စိတ်ဝင်စားနေသူတွေလည်း ရှိနေတတ်ပါတယ်။ ချစ်သူရှိပါက မမျှော်လင့်ပဲ အိမ်ထောင်ကျစေမည်။ မကြာခဏတော့ ဂတောက်ဂဆလေးတွေ ရှိနေမယ် ရန်ဖြစ်လိုက် ပြန်ချစ်လိုက် ရှိနေတတ်ပါတယ်။ မကြာခဏ စိတ်ဆိုးစိတ်ကောက် စကားများနေရတာတွေ ရှိနေတတ်ပါတယ်။ တစ်ခါတစ်ရံ အထင်အမြင်လွဲမှားတာတွေ နားလည်မှုလွဲမှားတာတွေ ရှိနေတတ်ပါတယ်။ စိတ်တိုင်း မကျအလိုမကျတာတွေလည်း ရှိနေတတ်ပါတယ်။ ဇာတာရှင်သည် အချစ်ရေးနှင့်ပတ်သက်ပြီး ကံကောင်းစေ တတ်သူဖြစ်ပါတယ်။ ယခုနှစ်တွင် အိမ်ထောင်ကျကိန်းရှိနေပါတယ်။ သင့်တော်တဲ့နှစ်တွေဖြစ်တဲ့အတွက် အိမ်ထောင်ပြုလို့ရပါတယ်။ ယခုနှစ် အချစ်ရေးက အဆင်ပြေတာတွေရှိသလို မပြေတာတွေလည်းရှိနေတတ်ပါတယ်။
ကျန်းမာရေးပိုင်းမှာ အနည်းငယ် ညံ့စေတတ်ပါတယ်။ ရောဂါ အကြီးအမားတော့ မဖြစ်စေတတ်ပါ။ အကြောတက် ခေါင်းမကြည်စေတာ အာရုံကြောအားနည်းစေတာမျိုး နှလုံးအားနည်းပြီး ရင်တုန်တာ မူးမောစေတာမျိုးတွေ တစ်ခါတစ်ရန် အစားမှားတာ အစာအိမ်လေအောင့်တာ ရာသီအကူးအပြောင်း ဖျားနာတာတွေ ဖြစ်လာတတ်ပါတယ်။ ခြေလက်ထိခိုက်တတ်တာ ဖြစ်ပေါ်တတ် သတိထားရန်လိုစေတတ် ဆေးထိုးဆေးသောက်လုပ်ရတာ ဆေးခန်းပြရတာတွေ ရှိလာတတ်ပါတယ် စိုးရိမ်စရာတော့ မရှိပါ။ အအေးခံခြင်း နောက်ကြမှအိပ်ခြင်း အချိန်မှန်မစားခြင်း ပြုလုပ်တာ အထူးရှောင်ပါ။
ယခုနှစ်မှာပညာရေးနှင့် ပတ်သက်ပြီး ကောင်းမွန်နေပါမည် အသိပညာသစ် အတတ်ပညာသစ်တွေရမယ်။ သို့သော် ပညာရေးပိုင်းတွေမှာ တစ်ခါတစ်ရန် စိတ်ပါဝင်စားမှုတွေ အားနည်းနေတတ်တယ် ပညာရေး ထစ်ငေါ့တာ လွဲချော်တာတွေလည်း ရှိလာတတ်တယ်။ ပညာတတ်လေ ဘဝလမ်းခရီး အောင်မြင်လေဖြစ်ပါမယ်။ ပညာဖြင့် အသက်မွေး ဝမ်းကြောင်းပြုရင်လည်း အကျိုးပေးပါမည်။ သင်တန်း တက်ရကိန်းတွေလည်း ပေါ်လာတတ်ပါတယ်။ နည်းပညာပိုင်းတွေ ဘာသာစကားဆိုင်ရာ သင်တန်းတွေလည်း အကျိုးပြုစေတတ်ပါတယ်။ ပညာရေးမှာ အဖျက်အဆီး အတားအဆီးတွေလည်း ပေါ်လာစေတတ်တယ်။ ပညာရေး ဆုံးခန်းတိုင်အောင် သင်ကြားရန်တော့ လိုမည်။ ပညာတတ်မှသာ ဘဝအတွက် အထောက်အကူပြုစေမည် မိမိအနေနဲ့က စိတ်နှစ်ပြီး ကြိုးစားရန် လိုနေမည်။
***ဒီနှစ်အတွက် မိမိတို့အနေနဲ့ အရေးကြီးသော အကြောင်းကိစ္စ အဝဝ ပြုလုပ်ပြောဆိုရာမှာ အောင်မြင်ဖို့အတွက် အကောင်းဆုံး အကျိုးပေးနေ့တွေမှာ သောကြာနေ့ ဗုဒ္ဓဟူးနေ့တွေဖြစ်ပါတယ် ထိုနေ့အတွင်းမှာ အကောင်းဆုံးအချိန်ဖြစ်တဲ့ မုဆိုးရွှေအိုးရကိန်း အချိန်ဖြစ်တဲ့ သောကြာနေ့ မနက် ၁၀:၄၉မှ နေ့လည် ၁း၁၂ အတွင်းနဲ့ ဗုဒ္ဓဟူးနေ့အတွက် မနက် ၆း၁၀မှ ၈း၂၄ နေ့လည် ၁း၁၃မှ ၃း၃၆အတွင်းမှာ အရေးကြီးသော အလုပ်ကိစ္စ အကြောင်းအရာ ကိစ္စအဝဝ ပြုလုပ်ပြောဆိုရာမှာသော်လည်းကောင်း ခရီးကိစ္စတွေ သွားလာတာ မျိုးတွေမှာသော်လည်းကောင်း ထိုအချိန်တွေမှာ ပြုလုပ်ပြောဆို လုပ်ကိုင်ဆောင်ရွက်ခြင်းဖြင့် အောင်မြင်မှုတွေ ရရှိစေပါမည်။
အကျိုးပေးအရောင်။ ။ ဒီနှစ်အတွင်းမှာ မိမိရဲ့ ကံဇာတာကို ပွင့်လန်းစေမည့် အကျိုးပေးအရောင်မှာတော့ အပြာပွင့် အပြာရောင်၊ ခဲပွင့်ခဲရောင်၊ ရွှေဝါရောင် အစိမ်းပွင့် အစိမ်းရောင်တွေ အကျိုးပေးပါမည်။ အရေးကြီးသော အကြောင်းအရာတွေမှာ ဝတ်ဆင်ပြီး ပြုလုပ်ပြောဆို ဆောင်ရွက်ခြင်းဖြင့် ကံပွင့်စေမည်။
ဒီနှစ်အတွင်းမှာ ထီဂဏန်း အကျိုးပေးဂဏန်းအနေနဲ့က ၄ ၆ ၃ ၅ ဖြစ်စေပြီး မိမိလိုသောနေရာတွေမှာ အသုံးပြုလို့ရစေပါမည် အကျိုးပြုဂဏန်းတွေဖြစ်စေမည်။
ဘဝတစ်သက်တာမှာ။ ။ဘုမ္မိအရပ်က တောင်အရပ်ဖြစ်ပါတယ် ထိုအရပ်မှာ စီးပွားရှာတာ ခရီးထွက်တာ အိမ်ဆောက်တာ အိမ်မျက်နှာလှည့်ပြီး ဆောက်လုပ်တာ လှေကားထားတာ အထူးရှောင်ပါ။
ဘဝတစ်သက်တာအတွက် အကျိုးပေး ရတနာ။ ။ပတ္တမြား ဥဿဖရား ကျောက်တို့က မိမိတို့ရဲ့ အကျိုးပေး ရတနာတွေပဲ ဖြစ်ပါတယ်။ တစ်သက်တာအတွက် ဝတ်ဆင် ထားခြင်းဖြင့် ကံပွင့်စေမည်။

ဒီနှစ် တစ်နှစ်လုံးမှာ မိမိတို့အနေနဲ့ ကံဇာတာပွင့်လန်းစေရန် ကံကောင်းမှုတွေ ရရှိစေရန် ပြုလုပ်ရမည့် ကောင်းမှုကံ ယတြာ အနေနဲ့က သောကြာနေ့နဲ့ ဗုဒ္ဓဟူးနေ့မနက် (၉း၄၅)တွင် လ္ဘက်သုပ်နှင့် ရေသန့် မိမိအိမ်ဘုရား သို့ လိုအပ်သောနေရာတွေမှာလှူပါ။ မရှိဆင်းရဲသော သက်ကြီးပိုင်းတွေ လှူဒါန်းပေးကမ်းခြင်းပြုပါ မိမိအိမ်အဝင်ဝ အခန်းဝမှာ သစ်သားဆွဲလည်း ချိတ်ဆွဲထားခြင်း အမြပြုပါက ကံကောင်းခြင်းတွေ ပိုင်ဆိုင်လာမည်။
အညံ့ချေရန်အတွက် မကောင်းသော ကံ နမိတ်အကြောင်းအရာတွေ ပျောက်စေရန်အတွက်။ မည်သည့်နေ့မဆို ညနေပိုင်းမှာ ဘဲဥကျော်ပြီး ထမင်းနှင့်နယ်ကာ လမ်းဘေးခွေးကျွေးပြီး မိမိမှာရှိတဲ့ မကောင်းတဲ့အညံတွေ ပပျောက်ပါစေဟု ပြောပြီးကျွေးပါ တစ်လတစ်ခါ ပုံမှန်ကျွေးပါ။
ရှောင်ရန်။ ။ ဘဲဥ၊ အမဲသား၊ အဆီများတဲ့အစားအစာ၊ အနက်ရောင်၊ အဖြူရောင်၊အနီရောင်၊ ဝတ်စားဆင်ရင်အသုံးပြုခြင်း ရှောင်ပါ။