၂၀၂၆ ခုနှစ် တနင်္ဂနွေ သားသမီးများအတွက် ကံကြမ္မာ အဟော

တနင်္ဂနွေ နေ့ဖွား ဂဠုန်

တနင်္လာသက်ရောက်

တနင်္လာသားသမီးများ မိမိတို့ရဲ့ အသက်အပိုင်းအခြား ၉၊ ၁၇၊ ၂၅၊ ၃၃၊ ၄၁၊ ၄၉၊ ၅၇၊ ၆၅၊ ၇၃၊ ၈၁၊ ၈၉။ ထိုနှစ် အပိုင်းအခြားတွေမှာ ကြုံတွေ့ရစေမည့် မိမိတို့ရဲ့ ကံကြမ္မာ အစိတ်အပိုင်းများ။
အလုပ်အကိုင် စီးပွားရေး။ ။ ယခုနှစ်အတွက် တနင်္လာ သားသမီးတွေရဲ့ အလုပ်အကိုင် စီးပွားရေးမှာဆိုရင် လုပ်ငန်းစီးပွား တိုးတက်လာစေမည်။ လုပ်ငန်းသစ်တစ်ခု လုပ်ကိုင်ရကိန်းရှိသည်။ နာမည်ကောင်းတွေ ရလာမယ်။ တိုးတက်အောင်မြင်မယ်။ လူအထင်ကြီးလည်း ခံရစေပြီး စိတ်ချမ်းသာရတတ်ပါတယ်။ လုပ်ငန်းသစ်တွေတိုးချဲ့ လုပ်ကိုင်ရမည်။ အကြံအစီသစ်တွေပေါ်မယ်။ လုပ်ငန်းက ရပ်ဝေးသို့ သွားရောက်လုပ်ကိုင်ရသော လုပ်ငန်းလည်း ဖြစ်တတ်သည်။ ကဆုန် ဝါခေါင် တန်ဆောင်မုန်းလများတွင် ကြာသပတေး တနင်္လာနေ့သားများကြောင့် အလုပ်စီးပွား တိုးတတ်အဆင်ပြေနိုင်ပါမည်။ အလုပ်ကိစ္စနှင့် ပတ်သက်ပြီး စိတ်ဖိစီးမှုတွေတော့ ရှိနေတတ်ပါတယ်။ အလုပ်တွေမှာ ပြိုင်ဆိုင်မှုတွေ ရှိနေမယ်။ မိမိပတ်ဝန်းကျင်တွင် မိမိအား မကောင်းကြံသူများ ရှိနေတတ်သည်။ သတိထားပါ။ အလှူအတန်းပြုလုပ်ရခြင်း ငွေအစုလိုက်အပုံလိုက် ဝင်ချင်း မသင့်မြတ်သူတွေနဲ့လည်း ပြန်လည်သင့်မြတ်ခြင်း အိမ်ပြင်ရခြင်း အိမ်သစ်ဝင်ခြင်းများ ပြုလုပ်ရတတ်ပါတယ်။ ဝန်ထမ်းဆို ရာထူးလစာတိုးပါမည်။ အဆင့်အတန်း ရှိသူတွေရဲ့ ကူညီမှု ရရှိနေတတ်ပါတယ်။ မိမိရဲ့မိသားစု အသိုင်းအဝိုင်းကိုရော အကူအညီပေးနေရတတ်ပါတယ်။ အပြိုင်အဆိုင်အတိုက်အခံ အလွန်များသောကာလဖြစ်သည်။ ဝန်ထမ်းဆို အလုပ်ထွက်ချင် အလုပ်ပြောင်းချင်စိတ်တွေ ပေါ်နေမယ်။ လုပ်ငန်းတွေ ထစ်ငေါ့တာခက်ခဲတာတွေရှိနေမယ်။ အလုပ်မှာလူပင်ပန်း စိတ်ပင်ပန်းမှုတွေ ဖြစ်ပေါ်နေတတ်ပါတယ်။ ရန်များ စကားများပြောရတတ်သည်။
အောက်လူဒုက္ခပေးတတ်တယ်။ ရာထူးတွေ လစာတွေတော့ တိုးလာမည်။ သူတစ်ပါးအတွက် သက်သေ လိုက်ပေးရတတ်သည်။ လူမျိုးခြား ဘာသာခြားတွေ အကူအညီပေးမယ်။ စပ်တူရှယ်ရာလုပ်ငန်းများ လုပ်ကိုင်ရတတ်သည်။ စပ်တူရှယ်ရာလုပ်ငန်းများ လုပ်ကိုင်ရတတ်သည်။ အကူအညီတောင်းမည်ဆိုပါက တနင်္လာ သားသမီးတွေကို အကူအညီတောင်းပါ။ ပြောဆိုတိုင်ပင်ခြင်းဖြင့် အဆင်ပြေစေပါလိမ့်မည်။
မကြာမီကာလအတွင်း စီးပွားတက်ခြင်းကြုံမည်။ စီးပွားရေးလုပ်ငန်း လုပ်မည်ဆိုပါက စနေနံ တနင်္လာနံ သောကြာနံ လုပ်ငန်းများအကျိုးပေးသည်။ အထည်၊ ထီး၊ ဖိနပ်နာရီ ရောင်းဝယ်ရေးလုပ်ငန်းများ၊ ကား၊ ခြံ၊ ကျောက်၊ ရောင်းဝယ်ရေးလုပ်ငန်း၊ ကုန်စုံ၊ ကုန်ခြောက်လုပ်ငန်းများ အကျိုးပေးသည်။ စနေသားသမီး တနင်္လာသားသမီးများနှင့် လုပ်ငန်းလုပ်ကိုင်ပါက အဆင်ပြေမည်။ ထီး ဖိနပ် နာရီ အထည်အလိပ်တွေဝင်မယ်။ အိမ်ပြင်ရတတ်ပါတယ်။ ခရီးမကြာခဏ ထွက်ကိန်းပေါ်နေမယ်။ ခြေနှစ်ချောင်းဝင်မယ်။ ခြံ ကား ကျောက်ဝင်မယ်။ လူမျိုးခြားဘာသာခြားတွေရဲ့ ကူညီမစမှုကိုရရှိပါမယ်။ သွပ် သံ သစ်တွေဝင်မယ်။ အိမ်ပိုင် ကားပိုင်ဖြစ်စေတတ်ပါတယ်။ ထီပေါက်စေမည်။ ခရီးကိစ္စတွေပေါ်လာမယ်။ ကောင်းမည်။ ပြည်တွင်းပြည်ပခရီးတွေ ထွက်ရစေတတ်ပါတယ်။ လူချစ်လူခင် ပေါနေတတ်ပါတယ်။
ဘဝတစ်သက်တာတွင် စီးပွားရေးလုပ်ငန်းလုပ်မည်ဆိုပါက အင်္ဂါနံ၊ တနင်္လာနံ၊ ကြာသပတေးနံနဲ့ ပတ်သက်တဲ့လုပ်ငန်းတွေ လုပ်ကိုင်ပါကအကျိုးပေးပါမယ်။ အရောင်းအဝယ်လုပ်ငန်း လုပ်ကိုင်နေသူတွေ အဆင်ပြေနေမယ်။ ရင်းနှီးပြီးလုပ်တဲ့အရာတွေ အမြတ်ရမယ်။ သိုလှောင်ထားတဲ့အရာတွေ အမြတ်ရစေတတ်ပါတယ်။ စနေနံ တနင်္လာနံလုပ်ငန်းတွေနဲ့ အရောင်းအဝယ်တွဲလုပ်ပါ။ အောင်မြင်စေမယ်။ အကျိုးအမြတ်လည်း ရလာစေတတ်ပါတယ်။ စက်ပစ္စည်းထွက်မယ်။ ပျက်မယ် ပျောက်တတ်ပါတယ်။ ရွှေ ရတနာပစ္စည်း ထွက်မည်။ လူမှုရေး အတိုက်အခံတွေများစေတတ်ပါတယ်။ အရှေ့မြောက်အရပ် အနောက်အရပ်တွေကို ခရီးသွားခြင်း စီးပွားရှာခြင်းရှောင်ပါ။ ကိုယ်ပိုင် လုပ်ငန်းတွေကို တစ်ပိုင်တစ်နိုင်လုပ်ငန်းတွေ ဦးစားပေးလုပ်ပါ။ ဘာသာရေးပိုလုပ်ပါ။ ကောင်းမှုတစ်ခု နေ့စဉ်ပြုပါ။ စီးပွားရေးတွေ ကောင်းမွန်လာပါမည်။ ဘုရားခန်း သန့်ရှင်းအောင်ထားပါ။ ပန်း၊ ရေချမ်း၊ ဆီမီး မပြတ်စေနှင့် သတ္တဝါတိုင်းကို အစာကျွေးပါ။ အဓိဌာန်ဝင် ပုတီးစိပ်ပါ။ ကံတရားရဲ့ အထောက်အပံ့တွေကြောင့် ကံကောင်းမှုတွေ ရရှိလာစေတတ်ပါတယ်။
ငွေကြေး။ ။ငွေကြေးကံအနေနှင့် ငွေဝင်လမ်းတွေ ပွင့်လန်းလာပါမည်။ အဖက်ဖက်ကနေ ငွေတွေဝင်လာစေမည်။ ငွေကံကောင်းနေတတ်ပါတယ်။ ငွေအစုလိုက် အပုံလိုက်လည်း ဝင်လာတတ်ပါတယ်။ ထီကံကောင်းမယ်။ ငွေရလွယ်ကူနေတတ်ပါတယ်။ ငွေရှာရလွယ်နေတတ်ပါတယ်။ ငွေကုန်စရာတွေလည်း ပေါ်လာတတ်ပါတယ်။ တခါတရံ ငွေအဝင်အထွက်တွေ များနေတတ်ပါတယ်။ ငွေစုပါ ငွေဝင်လာရင် လုပ်ငန်းတိုးချဲ့ပါ။ ဒါနကောင်းမှုပြုပါ။ ငွေကိုချွေတာပြီး သုံးရန် လိုစေတတ် ငွေချေးတာ အာမခံတာ အထူးရှောင်ပါ။ ငွေလူလိမ်ခံရတတ်ပါတယ်။ ဖြတ်လမ်းစီးပွားရေးတွေ ရှောင်ပါ။ ထီကံကောင်းမယ်။ ထီပေါက်ကိန်း ရှိပါတယ်။ အကျိုးပေးဂဏန်း ၇ ၂ ၄ ဖြစ်ပါတယ်။ ငွေကံကောင်းစေရန် လာဘ်နှိုးဂါထာကို မနက်ည ၁၀ခေါက်ရွတ်ပါ ခိုစာ ခွေးစာ ငှက်စာကျွေးပါ။
လူမှုရေး ။ ။ လူမှုရေး အနည်းငယ် ပြဿနာလေးတွေ ရှိနေတတ်ပါတယ်။ အတိုက်အခံ အခြေအတင်လေးတွေ စကားပြောရတတ်ပါတယ်။ သူတပါး မကောင်းပြောဆိုတာ စွတ်စွဲတာတွေ ခံရတတ်ပါတယ်။ လူယုံထားလို့မရပါ။ လက်အောက်ငယ်သား ညီအကိုမောင်နှမတွေနဲ့ စကားများရတာတွေ မိသားစုကိစ္စ မြေကိစ္စ အမွေကိစ္စလိုမျိုးတွေ စကားများရတတ်ပါတယ်။ အမျိုးသမီးတစ်ဦးနဲ့လည်း စကားများရတာတွေ ဖြစ်ပေါ်လာတတ်ပါတယ်။ အားနာမှုကြောင့် ဒုက္ခရောက်စေတတ်ပါတယ်။ အကြီးအကဲပိုင်းတွေနဲ့လည်း စကားအခြေအတင် ပြောရစေတတ်ပါတယ်။ ကိုယ့်ကိုကိုယ်ပဲ အားကိုးပါ။ သူတပါးအားမကိုးပါနဲ့။ စိတ်လိုက်မာန်ပါ ပြုမူပြောဆိုတာတွေ ရှောင်ပါ။ အမှုအခင်း ပြဿနာလေးတွေ ဖြစ်လာတတ်ပါတယ်။ အမှုမဖြစ်အောင်နေပါ။ ဖြစ်လျှင်အချိန်ကုန် ငွေကုန်စေမည်။ စေတနာကောင်း စိတ်ကောင်းထားပါ။ စိတ်လိုက်မာန်ပါ။ ပြုမူပြောဆိုတာ ရှောင်ပါ။ ဘာသာရေး ပိုလုပ်ပါ။ သူများပြဿနာ ဝင်ဖြေရှင်းတာတွေ မပြုလုပ်ရ။ စေတနာအမှား ဖြစ်တတ်သောကြောင့် သတိထားရှောင်ပါ။ တနင်္ဂနွေနံပါတဲ့နေ့သားတွေ ကြာသပတေး နံပါတဲ့နေ့သားတွေနဲ့ စကားပြောဆိုတာ သတိထားပါ။ အိမ်တွင်းရေး ပြဿနာတွေလည်း ပေါ်လာတတ်တယ်။ စိတ်ကိုအေးအေးထားပြီး ဖြေရှင်းပါ။
ကျန်းမာရေး ။ ။ ကျန်းမာရေးမှာဆိုရင် အစာအိမ်လေအောင့်တာ ဦးခေါင်းမကြည်တာ အာရုံကြောတက်တာ ညောင်းညာကိုက်ခဲတာ သွေးအားနည်းတာ သွေးပေါင်အတက်အကျတွေ ဖြစ်ပြီးမူးမောတာ ချောင်းဆိုး ရင်ကျပ်တာ ရာသီအကူးအပြောင်း ဖျားနာတာတွေ အစားမှားတာတွေ ဖြစ်စေတတ်တယ်။ အကုန်ဖြစ်မယ်လို့တော့ မဆိုလိုပေ။ တစ်ခုမဟုတ်တစ်ခု ဖြစ်ပေါ်လာတတ်ပါတယ်။ သတိထားပါ။ တစ်ခါတစ်ရံ ဆေးထိုး ဆေးသောက် ပြုရစေတတ်ပါတယ်။ ရေလှူတာ ဆေးလှူတာတွေလုပ်ပြီး ဆုတောင်းပါ။ ဘာသာရေးပိုလုပ်ပါ။
အိမ်ထောင်ရေး ။ ။ ယခုနှစ် အိမ်ထောင်ရေးမှာဆိုရင် မကြာခဏတော့ စကားများနေရတတ်တယ်။ အိမ်ထောင်ရေး ကြီးကြီးမားမား ပြဿနာမရှိပါ။ မိသားစု ညီအကိုမောင်နှမအတွက် သော်လည်းကောင်း သားသမီးရှိက သားသမီး ကြောင့်စိတ်ညစ်ရတတ်သည်။ မိမိအိမ်ထောင်ဖက်ရဲ့ အကျိုးပြုမှုကိုလည်း ရရှိပါလိမ့်မယ်။ အဆင်ပြေတဲ့အခါလည်း ရှိသလို မပြေတာတွေလည်း ရှိနေတတ်ပါတယ်။ တခါတရံတော့ ဂတောက်ဂဆတွေ ဖြစ်ပေါ်နေတတ်ပါတယ်။ တယောက်နှင့်တယောက် စိတ်တိုင်းမကျတာ နားလည်မှုတွေလွဲနေတာ အလိုမကျတာတွေ ဖြစ်ပေါ်နေပါမယ်။ အိမ်ထောင်ရေးမှာ ကြားလူဝင်နှောင့်ယှက်တာတွေ အိမ်ထောင်ရေးအပျက်အစီး အနှောင့်အယှက်တွေကြုံလာပါမယ်။ စီးပွားရေး အဆင်ပြေနေတဲ့အချိန်တွေမှာ အိမ်ထောင်ရေးဇယားရှုပ်တာ အပျော်အပါးလိုက်စားပါက နာမည်ဂုဏ်သိက္ခာ ကျဆင်းတတ်သလို ဘဝပျက်စေမည်။ အိမ်ထောင်ရေး အနှောက်အယှက်တွေ ကြုံတွေ့ရတတ်ပါတယ်။ အသောက်အစား ရှိပါက အိမ်ထောင်ရေးရန်ပေါ်တတ်ပါတယ်။ အိမ်ထောင်ရေး ဇယားရှုပ်တာ အထူးရှောင်ပါ။ ရှုပ်ထွေးမှုတွေ ဖြစ်ပေါ်တတ်ပါတယ်။ ထိုသို့ပြုလုပ်မိပါက မမျှော်လင့်ထားတဲ့ ပြဿနာတွေ ဖြစ်လာတတ်ပါတယ်။ သတိထား ဆင်ခြင်ရန်လိုအပ်ပါမည်။ အိမ်ထောင်ရေးမှာ ဆိုးတူကောင်းဖက်တိုင်ပင်ပြီး လက်တွဲမှသာ အဆင်ပြေစေတတ်ပါတယ်။ ကုသိုလ်ရေးအတူလုပ် ဘာသာရေး အတူလုပ် စီးပွားရေး တိုင်ပင်ပြီး လက်တွဲပါ။ အပျော်အပါး အသောက်အစားတွေ ရှောင်ပါ။ အဆင်ပြေလာပါလိမ့်မည်။
**အချစ်ရေး ။ ။ ယခုနှစ်အတွင်း အချစ်ရေးမှာဆိုရင် ငယ်ရွယ်သူတွေ အချစ်ရေး စန်းပွင့်နေတတ်ပါတယ်။ ကံကောင်းနေပါမည်။ ချစ်သူမရှိပါက ချစ်သူရတတ်ပါတယ်။ လူချစ်လူခင်တွေလည်း ပေါများနေတတ်ပါတယ်။ ငယ်ရွယ်သူတွေ မိမိကို စိတ်ဝင်စားနေသူတွေ ပေါများနေမယ်။ ရွေးချယ်ရ ခက်ခဲစေတာမျိုးတွေ ရှိနေမည်။ ဘဝပေးရတတ်တယ်။ အိမ်ထောင်ကျစေတတ်တယ်။ လက်ရှိချစ်သူ ရှိနေသူတွေကတော့ အချစ်ရေးဂတောက်ဂဆတွေ အချစ်ရေး ပြဿနာတွေ အနည်းငယ်ရှိနေတတ်ပါတယ်။ မကြာခဏ စိတ်ဆိုးစိတ်ကောက် စကားများနေရတာတွေ ရှိနေတတ်ပါတယ်။ ရန်ဖြစ်လိုက် ပြန်ချစ်လိုက်ရှိနေမယ်။ တခါတရံ သဝန်တို စိတ်မချတာ အထင်အမြင်လွဲမှားတာတွေ နားလည်မှုလွဲမှားတာတွေ ရှိနေတတ်ပါတယ်။ စိတ်တိုင်းမကျ အလိုမကျတာတွေလည်း ရှိနေတတ်ပါတယ်။ ချစ်သူကြောင့် ပျော်ရွှင်စရာအချိန်တွေလည်း ရှိလာတတ်ပါတယ်။ ချစ်သူထံမှ လက်ဆောင်ပစ္စည်းတွေ ရတတ်ပါတယ်။ ယခုနှစ် တွင်အိမ်ထောင်ကျကိန်း ရှိနေပါတယ်။ ယူမယ်ဆို ယူလို့ရပါတယ်။ ချစ်သူနှစ်ဦးကြားမှာ အဖျက်အဆီးတွေ ဝင်လာစေတတ်ပါတယ်။ အချစ်ရေး ဇယားရှုပ်တာ အပျော်အပါး လိုက်စားပါက မတည်မြဲနိုင်ပါ။ အမြဲလို မွှေးသောပန်းတွေလှူပါ။ ဘုရားခန်း နေအိမ် ဘုရားရင်ပြင် သန့်ရှင်းရေးအမြဲလုပ် မေတ္တာများပို့ပြီး ဆုတောင်း ကံကောင်းစေမည်။
ပညာရေး ။ ။ ယခုနှစ်မှာပညာရေးနှင့် ပတ်သက်ပြီး ရပ်တန့်နေတတ်ပါတယ်။ တွေဝေနေတာမျိုးတွေလည်း ရှိနေတတ်ပါတယ်။ ပညာရေးပိုင်းမှာ အနှောက်အယှက်တွေ ရှိနေမယ်။ ပညာရေးကို ရပ်တန့်မနေသင့်ပါ။ လတ်တလော ပညာရေးထစ်ငေါ့တာ ပညာရေး တစ်ပိုင်းတစတွေ လွဲချော်တာတွေလည်း ရှိနေပေမယ့် မကြာခင်ပြန်လည် ကောင်းမွန်လာပါမည်။ ပညာတတ်လေ ဘဝလမ်းခရီး အောင်မြင်လေဖြစ်ပါမယ်။ ပညာရေးကို ဝီရိယ အားစိုက်ထုတ်ကြိုးစားပါ။ ဘဝမှာ ပညာရေးကနံပါတ်၁ စီးပွားရေးက နံပါတ်၂ အချစ်ရေးက နံပါတ်၃ နေရာမှာထားပြီး ဘဝအတွက်ကြိုးစားအားထုတ်ပါက အောင်မြင်တိုးတက်လာပါလိမ့်မည်။ ပညာရေးကို အဖျက်တွေ ဝင်လာစေတတ်ပါတယ်။ အချစ်ရေးကြောင့် ပညာရေး ထိခိုက်တတ်သလို အပေါင်းအသင်းမှားတာ အပျော်အပါး မက်မှုတွေကြောင့် ပညာရေး ထိခိုက်တတ်စေတယ်။ ပညာရေးနှင့် ပတ်သက်ပြီး ကံ ဉာဏ် ဝီရိယ အားစိုက်ထုတ်ရမယ့် သူမျိုးဖြစ်တယ်။ အတန်းပညာပြီးဆုံးရင်လည်း အတတ်ပညာ ဘာသာစကားဆိုင်ရာ နည်းပညာနဲ့ဆိုင်တဲ့ ပညာမျိုးတွေ လေ့လာပါ။ သင်ယူပါ။ ဘဝအတွက် အထောက်အကူဖြစ်စေလိမ့်မည်။
ရှောင်ရန် ။ ။ အမဲ၊ ဝက်သား၊ အာလူး၊ အရက်၊ အုန်းရေ၊ အနီရောင်၊ အဝါရောင် ရှောင်ပါ။ ထိုအရာတွေကို ဝတ်ဆင်အသုံးပြုခြင်းဖြင့် ကံဇာတာ မှေးမှိန်စေပြီး ပူပင်မှုတွေ ကြုံတွေ့ရစေတတ်တယ်။
အကျိုးပေးအရောင် ။ ။ အဖြူရောင်၊ အနက်ရောင် နက်ပြာ ခဲရောင် အပြာရောင်တွေဖြစ်ပါတယ်။ အရေးကြီးသော လုပ်ငန်းကိစ္စ အရေးကြီးသောစကား ခရီးကိစ္စတွေ သွားလာရာမှာ ဝတ်ဆင်အသုံးပြုခြင်းဖြင့် ကံဇာတာပွင့်လန်းစေပါလိမ့်မည်။
အကျိုးပေးဂဏန်း ။ ။ ၂ ၇ ၆ ၁ ထိုဂဏန်းတွေကို ဒီနှစ်အတွင်းမှာ အသုံးပြုခြင်းဖြင့် အကျိုးများစေပါလိမ့်မည်။
ဘဝတစ်သက်တာအတွက် အကျိုးပေး ရတနာ ။ ။ ပုလဲ ၊ ပယင်း၊ အဖြူရောင် ကျောက်တို့က မိမိတို့ရဲ့ အကျိုးပေး ရတနာတွေပဲ ဖြစ်ပါတယ်။ တစ်သက်တာအတွက် ဝတ်ဆင် ထားခြင်းဖြင့် ကံပွင့်စေမည်။
ဒီနှစ်အတွက် မိမိတို့အနေနဲ့ အရေးကြီးသော အကြောင်းကိစ္စ အဝဝ ပြုလုပ်ပြောဆိုရာမှာ အောင်မြင်ဖို့အတွက် အကောင်းဆုံး အကျိုးပေးနေ့တွေမှာ တနင်္လာနေ့နဲ့ စနေနေ့ နေ့တွေဖြစ်ပါတယ်။ ထိုနေ့အတွင်းမှာ အကောင်းဆုံးအချိန်ဖြစ်တဲ့ မုဆိုးရွှေအိုးရကိန်း အချိန်ဖြစ်တဲ့ တနင်္လာနေ့ နေ့လည် ၁း၁၃ မှ ညနေ ၃း၃၆ အတွင်းနဲ့ စနေနေ့အတွက် နေ့လည် ၁း၁၃ မှ ၃း၃၆ အတွင်းနဲ့ ပုဏ္ဏား နတ်သမီး ရကိန်းအချိန်ဖြစ်တဲ့ တနင်္လာနေ့နဲ့ စနေနေ့ မနက် ၈း၂၅ မှ ၁၀:၄၈ ထို အချိန်တွေမှာ အရေးကြီးသော အလုပ်ကိစ္စ အကြောင်းအရာရာ ကိစ္စအဝဝ ပြုလုပ်ပြောဆိုရာမှာ သော်လည်းကောင်း ခရီးကိစ္စတွေ သွားလာတာ မျိုးတွေမှာသော်လည်းကောင်း ထိုအချိန်တွေမှာ ပြုလုပ်ပြောဆို လုပ်ကိုင်ဆောင်ရွက်ခြင်းဖြင့် အောင်မြင်မှုတွေ ရရှိစေပါမည်။
ဘဝတစ်သက်တာမှာ ။ ။ ဘုမ္မိအရပ်က အနောက်တောင်အရပ်ဖြစ်ပါတယ်။ ထိုအရပ်မှာ စီးပွားရှာတာ ခရီးထွက်တာ အိမ်ဆောက်တာ အိမ်မျက်နှာလှည့်ပြီး ဆောက်လုပ်တာ လှေကားထားတာ အထူးရှောင်ပါ။
ယတြာ ဒီနှစ် တစ်နှစ်လုံးမှာ မိမိတို့အနေနဲ့ ကံဇာတာ ပွင့်လန်းစေရန် ကံကောင်းမှုတွေ ရရှိစေရန် ပြုလုပ်ရမည့် ကောင်းမှုကံ ယတြာ အနေနဲ့က တနင်္လာနေ့နဲ့ စနေနေ့နေ့မနက် (၉း၄၅) တွင် ချောကလက် ကြံရည်တစ်ခွက် မိမိအိမ်ဘုရား သို့မဟုတ် လိုအပ်သောနေရာတွေမှာလှူပါ။ လမ်းဘေးတောင်းရမ်းသူကို လှူဒါန်းပေးကမ်းခြင်းပြုပါ။ မိမိအိမ်အဝင်ဝ အခန်းဝမှာ ကြယ်လေးတွေ ကြံပင်စိုက်ထားခြင်း အမြဲပြုပါက ကံကောင်းခြင်းတွေ ပိုင်ဆိုင်လာမည်။
အညံ့ပပျောက်ရန် ။ ။ ဒီတစ်နှစ်ပတ်လုံး မိမိတို့ကံ အညံ့တွေ ပျောက်စေရန်အတွက် မည်သည့်နေ့ မဆို အာလူးဟင်းနဲ့ ထမင်းနှင့်နယ်ပြီး လမ်းဘေးခွေးကျွေးပြီး ငါ့မှာရှိတဲ့မကောင်းတဲ့ အညံ့အားလုံးပါသွားစေဟုပြောပြီး ကျွေးပါ။ တစ်လတစ်ခါနှစ်ခါ ကျွေးပါ။ လမ်းပြင်ပါ ဘာသာရေးအထူး ပြုလုပ်ပေးပါက အညံ့ပျောက်စေမည်။