၂၀၂၆ ခုနှစ် တနင်္ဂနွေ သားသမီးများအတွက် ကံကြမ္မာ အဟော

မိမိတို့အသက်အပိုင်းအခြား။ ။ ၁၁၊ ၁၉၊ ၂၇၊ ၃၅၊ ၄၃၊ ၅၁၊ ၅၉၊ ၆၇၊ fတနင်္လာသက်ရောက်
၇၅၊ ၈၃။ ထိုနှစ်တွေမှာ ကြုံတွေ့ရမယ့် ကံကြမ္မာ အစိတ်အပိုင်းများ။
စီးပွားရေး။ ။တနင်္ဂနွေသားသမီးတွေရဲ့ ယခုနှစ်အတွက် အလုပ်အကိုင် စီးပွားရေးမှာဆိုရင် လုပ်ငန်းတွေ ရှေ့မတိုးပဲ ရပ်တန့်နေစေတတ် လုပ်ငန်းထစ်ငေါ့တာ ခက်ခဲတာ လွဲချော်တာတွေ ဖြစ်လာစေတတ်တယ် စီးပွားတက်မလိုနဲ့ မတက်ပဲ ရှိနေမယ် ဟိုဟာလုပ်ရကောင်းနိုး ဒီဟာလုပ်ရကောင်းနိုးနဲ့ တွေဝေမှုတွေ ရှိနေတတ်တယ်။ အရောင်းအဝယ်လုပ်နေသူတွေလည်း အရောင်းအဝယ် ပါးနေတာ အမြတ်နည်းစေတတ်တယ် စီးပွားရေး အနည်းငယ် ခက်ခဲစေတတ် မိတ်ဆွေ အပေါင်းအသင်းများထံမှ အကူအညီများရရှိမည်။ ဆရာကောင်းတွေ့စေမည် ကောင်းမှုလေးတွေ ပြုရတတ်တယ် ရွှေ ရတနာပစ္စည်းတွေ အဝင်အထွက်ရှိနေမည် မိမိအိမ်မှာ လူဝင်လူထွက် ဧည့်များနေမည်။ အိုးအိမ်ကိစ္စတွေ ပျက်စီးစေတတ်တယ် စက်ပစ္စည်းတွေ ထွက်တတ်တယ် အတိုက်အခိုက်ရှိမယ် သတိထားရန်လိုနေမည်။ ဝန်ထမ်းများ အလုပ်နေရာ ပြောင်းရွှေ့လိုနေမည် မကောင်းသေးပါ ပြောင်းရင် လက်ရှိထက်ပို ဆိုးစေတတ်ပါတယ် သည်းခံပြီးလုပ်ပါ စိတ်ထင်ရာတဇွတ်ထိုးပြုလုပ်လျှင် အလုပ်ကပြုတ်စေတတ်တယ်။ တပိုင်တနိုင် ကိုယ်ပိုင်လုပ်ငန်းလေးတွေ လုပ်ပါတွဲလုပ်ပါ အလုပ်ထဲတွင် စိတ်မဝင်စားဘဲဖြစ်နေမည်။ အလုပ်နှင့်ပတ်သက်ပြီး စိတ်ညစ်စရာပေါ်မယ် အလုပ်ပြောင်းချင် ထွက်ချင်စိတ်တွေ ဖြစ်စေမယ် အတိုက်အခံတွေ ပြိုင်ဆိုင်တာတွေ များနေမယ် အကြီးအကဲ အထက်လူကြီး ဖိအားပေးခံရတတ်တယ် ကိုယ်ပိုင်အလုပ် စလုပ်မည်ဆိုပါက အကျိုးပေးစေတတ် ငွေအရင်းအနှီးနည်းသော လုပ်ငန်းတွေကိုသာ ပြုလုပ်သင့်တယ်။ အရင်းအနှီးများပါက အရှုံးပေါ်စေတာ မျိုးတွေ ဖြစ်စေတတ်ပါတယ် ခရီးသွားရတတ်သည် အဖော်အပေါင်းတွေနဲ့ သွားရတာမျိုး ဖြစ်နေမည်။ သွားလျှင်ကောင်းသည် အဆက်အသွယ် ကောင်းများရရှိခြင်း စပ်တူရှယ်ယာ လုပ်ငန်းတွေတော့ အကျိုးပြုနေမည်။
စနေသားသမီး ကြာသပတေး သားသမီးတွေ နဲ့စပ်တူရှယ်ယာလုပ်ငန်း အကူအညီတောင်းတာမျိုး တိုင်ပင်တာမျိုးတွေ ပြုလုပ်ခြင်းဖြင့် အဆင်ပြေစေပါလိမ့်မည်။
ယခုလတ်တလော အကြီးအကဲ အထက်လူကြီးနှင့် အဆင်မပြေတာ အလုပ်မှာ လူပင်ပန်းစိတ်ပင်ပန်းမှုတွေ ရှိနေတတ်ပါတယ် နိုင်ငံရပ်ခြားနှင့်ပတ်သက်သော ကိစ္စများအဆင်ပြေမည်။ အထူးသဖြင့် ရေကြောင်းခရီးနှင့် ပတ်သက်သော ကိစ္စများအဆင်ပြေမည် အောင်မြင်စေတတ်ပါတယ်။
အမျိုးသမီးတစ်ဦးရဲ့ အထောက်အပံ့ကောင်းတွေ အကူအညီတွေ ရရှိစေမည်။ အတတ်ပညာပိုင်းတွေ ပညာရပ်နဲ့ ပတ်သက်တဲ့လုပ်ငန်း မြေယာလုပ်ငန်း၊ ပဲလုပ်ငန်း၊ မွေးမြူရေးလုပ်ငန်းများ လုပ်ကိုင်ပါကအဆင်ပြေမည်။ မြေဝင်ကိန်းလည်းရှိသည်။ သွပ်သံသစ် ရောင်းဝယ်ရေးလုပ်ငန်းများ၊ ဟိုတယ်နှင့် ခရီးသွားလာရေးလုပ်ငန်းများ အထည်အလိပ် ဓာတ်ဆီ ဒီဇယ် ထမင်းဆိုင် ထီလုပ်ငန်း နိုင်ငံခြားနဲ့ ဖက်စပ်တဲ့ လုပ်ငန်းပိုင်းတွေ အောင်မြင်မှုတွေ ရရှိနေမည်။ လုပ်ငန်းတွေ အကျိုးပေးနေမယ်။ အရောင်းအဝယ်လုပ်နေသူတွေ အခက်အခဲတွေ ရှိနေမယ်။ ထင်သလောက် အကျိုးမဖြစ်စေပဲ ရှိနေမယ်။ ရင်နှီးမြှုတ်နှံတာတွေ မလုပ်သင့်ပါ။ ပုံမှန်လေးပဲ သွားနေပါ စနေနံ ကြာသာပတေးနံတွေနဲ့ အရောင်းအဝယ်လုပ်ပါက အကျိုးပေးပါသည်။ မိမိကိုယ်သာ အားကိုးပါ သူတစ်ပါး အားမကိုးသင့် သူတစ်ပါး အားကိုးမိပါက မိမိသာ ဒုက္ခရောက်စေမည် လူလိမ်ခံရတတ်သည့်အတွက် သတိရှိပါ။
ယခုနှစ်မှာ စီးပွားရေး အလုပ်အကိုင်ကို ကံဉာဏ် ဝီရိယအားစိုက်ထုတ်ကြိုးစားမှသာ အောင်မြင်မှုရစေမည်။ စီးပွားရေးနဲ့အတူ ဘာသာရေး ကုသိုလ်ရေး ယှဉ်တွဲလုပ်ပါ ကောင်းမှုတခု နေ့စဉ်ပြုပါ ခိုစာ ခွေးစာ ငှက်စာကျွေးပါ လပြည့်လကွယ် သက်သတ်လွတ်စား ဘုရာခန်း နေအိမ်အမြဲသန့်ရှင်းအောင်ထားပါ။ ပုတီးများများစိပ်ပါ ဒိဝါတပတိဂါထာ သမ္ဗုဒ္ဓေဂါထာ သက်စေ့ရွတ်ပါ ကံတရားရဲ့ထောက်အပံ့ကောင်းတွေ ရရှိလာမှာဖြစ်ပါတယ်။
ငွေကြေး။ ငွေကြေးကံအနေနှင့် ငွေအဝင်ရော အထွက်ပါ များနေမည် ရလွယ်ကုန်လွယ် ဖြစ်နေတတ်ပါတယ် ငွေဝင်ပြီး လက်ထဲမှာ ငွေမမြဲပေ ငွေကုန်စရာတွေလည်း ပေါ်လာတတ်ပါတယ် ဆီလိုအပေါက်ရှာပြီး ငွေထွက်နေတတ်ပါတယ် ငွေရှာရတာ ခက်ခဲစေတာ ငွေဝင်ပြီး ကျွေးတင်တာမျိုးတွေ ရှိနေမယ် သူတစ်ပါးအတွက် ငွေကုန်စေတာ မိသားစုအပေါ် အထောက်အပံ့ ပေးနေရစေတတ်ပါတယ်။ ရစရာရှိတာတွေရော ပေးစရာရှိတာတွေပါ ခက်ခဲနေတတ်တယ် ဖြတ်လမ်းနည်းနဲ့ ငွေရှာနေသူတွေ လောင်ကစားပြုလုပ်သူတွေ ဘဝပျက်စေတတ်တယ် အထူးရှောင်ပါ။ ဒီနှစ်ပိုင်းတွေမှာ ငွေကရှာနိုင် စုစောင်းနိုင်မှ ငွေကိုချွေတာပြီး သုံးနိုင်မှ ငွေမြဲစေမည်။ ငွေချေးတာ အာမခံတာ အထူးရှောင်ပါ ငွေလူလိမ်ခံရတတ်ပါတယ် ငွေကြေးက မမြဲတတ်သောကြောင့် ငွေနဲ့ရင်တဲ့အလုပ်တွေ ရှောင်ပါ ငွေကံကောင်းစေရန် လဘ်ပွင့်ဂါထာ များများရွတ် မနက်ပိုင်းတွေ အာရုံတက်ချိန် တွေ နေ့စဉ်ရွတ်ပွားပါ ငွေကံကောင်းစေအံ့။
လူမှုရေး။ ။လူမှုရေးပိုင်း အညံ့ပေါ်နေစေတတ် သူတပါးမကောင်းပြောဆိုတာ ခံရစေတတ် အကြီးအကဲ အထက်လူကြီးပိုင်းနဲ့ အဆင်မပြေတာတွေ အထက်လူကြီးကြောင့် စိတ်ညစ်ရတာတွေပေါ်မယ်။ လက်အောက်ငယ်သား မိမိညီအကို မောင်နှမတွေနဲ့လည်း စကားအခြေအတင် ပြောရစေတတ်ပါတယ် ပြဿနာပေါ်တာ အမှုအခင်းဖြစ်တာတွေ ကြုံလာရတတ် မဖြစ်အောင်နေပါ ပြဿနာ အမှုဖြစ်မိပါက မိမိရှုံးစေတတ်ပါတယ်။ ငွေအတွက်ဖြစ်ရင်လည်း ဆုံးရှုံးစေတတ်ပါတယ် အလွန်ခင်မင်ရသူတွေနဲ့ လမ်းခွဲရတတ်တယ် ကိုယ့်ကိုကိုယ်ပဲ အားကိုးပါ သူတပါးအားမကိုးပါနှင့် စိတ်လိုက်မာန်ပါ ပြုမူပြောဆိုတာတွေ ရှောင်ပါ စေတနာကောင်း စိတ်ကောင်းထားပါ ဘာသာရေး ပိုလုပ်ပါ သူများပြဿနာ ဝင်ဖြေရှင်းတာတွေ မပြုလုပ်ရ စေတနာအမှား ဖြစ်တတ်သောကြောင့် သတိထားရှောင်ပါ။ အိမ်တွင်းရေး ပြဿနာတွေလည်း ပေါ်လာတတ်တယ် စိတ်ကိုအေးအေးထားပြီး ဖြေရှင်းပါ။ အမြဲလို လူသွားလမ်းတွေ အမှိုက်ရှင်းပြီးဆုတောင်းပါ။
ကျန်းမာရေး။ ။ဒီနှစ်ပိုင်းတွေမှာဆိုရင် ကျန်းမာရေးမှာ ဦးခေါင်းမကြည်တာ အကြောတက်တာ ဆီး မျက်စိ အစာအိမ်လေအောင့်တာ သွေးအားနည်းပြီး မူးမောတာ ခြေလက် ထိခိုက်ဒါဏ်ရာ ရတာတွေ ချောင်းဆိုး ရင်ကျပ်တာ ဖြစ်ပေါ်နေတတ်ပါတယ် အသေးစား အက်စီးဒန့်လို ဖြစ်စေမည် သတိထားပါ ထိုရောဂါတွေက အကုန်ဖြစ်မယ်လို့တော့ မဆိုလိုပေ တခုမဟုတ်တခု ဖြစ်ပေါ်လာတတ်ပါတယ် သတိထားရန်တော့ လိုစေတတ် ဆေးရုံဆေးခန်း ပြရတာ ဆေးထိုးဆေးသောက် ပြုရစေမည်။ သူ့အသက်သတ်ခြင်းအထူးရှောင် ရေလှူဆေးလှူပါ။
အိမ်ထောင်ရေး။ ။ယခုနှစ် အိမ်ထောင်ရေးမှာဆိုရင် မိမိအိမ်ထောင်ဘက်နှင့် မကြာခဏ စကားများရတတ်သည်။ ဂတောက်ဂဆတွေ ဖြစ်ပေါ်နေတတ်ပါတယ် တယောက်နှင့်တယောက် အကြည်ဓာတ်တွေ လျှော့နည်းနေမယ် စိတ်တိုင်းမကျတာ နားလည်မှုတွေလွဲနေတာ အလိုမကျတာတွေ မကြာခဏဖြစ်ပေါ်နေပါမယ်။ အိမ်ထောင်ရေးမှာ ကြားလူဝင် နှောင့်ယှက်တာတွေ အိမ်ထောင်ရေးအပျက်အစီး အနှောင့်အယှက်တွေကြုံလာပါမယ်။
စီးပွားရေး အဆင်မပြေနေတဲ့ အချိန်တွေမှာ အိမ်ထောင်ရေး ဇယားရှုပ်တာ အပျော်အပါးလိုက်စားပါက နာမည်ဂုဏ်သိက္ခာ ကျဆင်းတတ်သလို တတ်လာမယ့်အညွန့်ပြန်ကျိုးမယ်။ အမျိုးသမီးအဖျက်အဆီးတွေ အမျိုးသားအဖျက် ကြုံတွေ့ရတတ်ပါတယ်။ အသောက်အစား ရှိပါက အိမ်ထောင်ရေးရန်ပေါ်တတ်ပါတယ် အိမ်ထောင်ရေး ဇယားရှုပ်တာ အထူးရှောင်ပါ ရှုပ်ထွေးမှုတွေ ဖြစ်ပေါ်တတ်ပါတယ် ထိုသို့ပြုလုပ်မိပါက မမျှော်လင့်ထားတဲ့ ပြဿနာတွေဖြစ်လာတတ်ပါတယ်၊ စီးပွားပျက်တတ်တယ်၊ ဂုဏ်သိက္ခာ ကျဆင်းတတ်သောကြောင့် သတိထားဆင်ခြင်ရန်လိုအပ်ပါမည် အခန့်မသင့်ရင် ကွဲကိန်း ပျက်ကိန်း ကြုံရတတ်တယ်။ အိမ်ထောင်ရေးမှာ ဆိုးတူကောင်းဖက်တိုင်ပင်ပြီး လက်တွဲမှသာ အဆင်ပြေစေတတ်ပါတယ် ကုသိုလ်ရေးအတူလုပ် ဘာသာရေး အတူလုပ် စီးပွားရေး တိုင်ပင်ပြီး လက်တွဲပါ အပျော်အပါး အသောက်အစားတွေ ရှောင်ပါ အဆင်ပြေလာပါလိမ့်မည်။
အချစ်ရေး။ ။ယခုနှစ်အတွင်း အချစ်ရေး အနည်းငယ် စိတ်ညစ်စေရတတ်ပါတယ် ငယ်သူတွေ အချစ်ရေး စန်းကျနေမယ် အထင်နဲ့အမြင် ကွဲလွဲနေမယ် အလိမ်အညာခံရတတ်တယ် စိတ်အလိုမလိုက်မိရန် သတိရှိသင့်ပါတယ်။ အချစ်ရေး ဗျာများနေတတ်တယ် အချစ်ရေးဂတောက်ဂဆတွေ များနေမယ် မိမိထက် အသက်အနည်းငယ်ကြီးသူဖြစ်ပါက အဆင်ပြေမှုတွေ ကြုံရပါလိမ့်မယ်။ ငယ်သူဖြစ်ပါက စိတ်ညစ်ရစေတတ် အမျိုးသားတွေ မိန်မကိစ္စနဲ့ ပြဿနာပေါ်မယ် လက်ရှိချစ်သူနှင့် မကြာခဏ စိတ်ဆိုးစိတ်ကောက် စကားများနေရတာတွေ ရှိနေတတ်ပါတယ် ရန်ဖြစ်လိုက် ပြန်ချစ်လိုက်ရှိနေမယ်၊ တခါတရံအထင်အမြင် လွဲမှားတာတွေ နားလည်မှုလွဲမှားတာတွေ ရှိနေတတ်ပါတယ် စိတ်တိုင်းမကျ အလိုမကျတာတွေလည်း ရှိနေတတ်ပါတယ်။ တခါတလေ ရှေ့တိုးရအခက် နောက်ဆုတ်ရအခက် တွေဝေနေတတ်တယ် အခန့်မသင့်ရင် ကွဲစေ ပြတ်စေတတ်ပါတယ်။ ယခုနှစ်အချစ်ရေးက စိတ်ညစ်စရာ ပူပင်မှုလေးတွေနှင့် ဖြတ်သန်းရတတ်ပါတယ် အချစ်ရေးကို စိတ်နှစ်သူဖြစ်ပါက အပူသောကများနေတတ်တယ်။ ချစ်သူနှစ်ဦးကြားမှာ အဖျက်အစီးတွေ ဝင်လာစေတတ်ပါတယ် အချစ်ရေး ဇယားရှုပ်တာ အပျော်အပါး လိုက်စားပါက မတည်မြဲနိုင်ပါ ထိုအရာတွေ ‌ရှောင်နိုင်မှ မြဲစေမည်။ အချစ်ရေးကံကောင်းစေရန် ချစ်သူနှစ်ဦးရဲ့ ဓာတ်ပုံကို မျက်နှာချင်းဆိုင်ကော်နှင့်ကပ်ပြီး၊ အပ်ချဉ်ကြိုးနှင့် ၁၀ပတ်ရစ်ပြီး ဓာတ်ဗူးထဲကိုထည့်ပါ။ မေတ္တာသုတ်၁၀ခေါက်ရွတ်ပြီးဆုတောင်းပါ။
ပညာရေး။ ။ယခုနှစ်မှာပညာရေးနှင့် ပတ်သက်ပြီး ကောင်းမွန်ပါမည် အသိပညာသစ် အတတ်ပညာသစ်တွေရမယ် ဆရာကောင်း သမားကောင်းတွေရမယ် ၊လတ်တလော ပညာရေးထစ်ငေါ့တာ လွဲချော်တာတွေလည်း ရှိနေပေမယ့် မကြာခင်ပြန်လည် ကောင်းမွန်လာပါမည်။ ပညာတတ်လေ ဘဝလမ်းခရီး အောင်မြင်လေဖြစ်ပါမယ် ပညာဖြင့်အသက်မွေးဝမ်းကြောင်းပြုရင်လည်း အကျိုးပေးပါမည်။ ပညာရေးကိုဝီရိယ အားစိုက်ထုတ်ကြိုးစားပါ ဘဝမှာ ပညာရေးကနံပါတ်၁ စီးပွားရေးက နံပါတ်၂။ အချစ်ရေးက နံပါတ်၃နေရာမှာထားပြီး။ ဘဝအတွက်ကြိုးစားအားထုတ်ပါက။ အောင်မြင်တိုးတက်လာပါလိမ့်မည်။ ပညာရေးကို အဖျက်တွေ ဝင်လာစေတတ်ပါတယ် အချစ်ရေးကြောင့် ပညာရေး ထိခိုက်တတ်သလို အပေါင်းအသင်မှားတာ အပျော်အပါး မက်မှုတွေကြောင့် ပညာရေး ထိခိုက်တတ်စေတယ် ပညာရေးနှင့် ပတ်သက်ပြီး ကံ ဉာဏ် ဝီရိယ အားစိုက်ထုတ်ရမယ့် သူမျိုးဖြစ်တယ် အတန်းပညာပြီးဆုံးရင်လည်း အတတ်ပညာ ဘာသာစကားဆိုင်ရာ ကွန်ပျူတာနဲ့ဆိုင်တဲ့ ပညာမျိုးတွေ လေ့လာပါ သင်ယူပါ ဘဝအတွက် အထောက်အကူဖြစ်စေလိမ့်မည်။
ဒီနှစ်အတွင်း အကျိုးပေး ဂဏန်း ။ ။ ၅၊၇၊ ၄ ထိုဂဏန်းတွေက တစ်နှစ်ပတ်လုံး အကျိုးပြုစေပြီး ထီထိုးတာမျိုး တစ်ခြားသောကိစ္စတွေမှာ အသုူံးပြုခြင်းဖြင့် ကံကောင်းစေပါလိမ့်မည်။
အကျိုးပေးအရောင် ။ ။ ဒီနှစ်အတွင်းမှာ ကံဇာတာတွေပွင့်ပြီး အကျိုးပေးအရောင်အနေနဲ့က အနက်ရောင် နက်ပြာရောင် အဝါရောင် အဝါပွင့် ကာလာအရင့်ရောင်တွေ ဖြစ်ပါတယ်။ အရေးကြီးသော အရေးကြီးသော စကား အရေးကြီးသော လုပ်ငန်းကိစ္စတွေ ခရီးကိစ္စတွေ အကြောင်းအရာတွေမှာ ဝတ်ဆင်ပြီး ပြုလုပ်ပြောဆို ဆောင်ရွက်ခြင်းဖြင့် ကံပွင့်စေမည်။
ရှောင်ရန်။ ။ဒီတစ်နှစ်ပတ်လုံး သခွားသီး သကြား အမဲသား သူ့အသက်သတ်ခြင်း၊ အနီရောင် အပြာရောင် ဝတ်ဆင်ခြင်း ထိုအရာတွေ အထူးရှောင်ရပါမည်။
**ဒီနှစ်အတွက် မိမိတို့အနေနဲ့ အရေးကြီးသော အကြောင်းကိစ္စ အဝဝ ပြုလုပ်ပြောဆိုရာမှာ** အောင်မြင်ဖို့အတွက် အကောင်းဆုံး အကျိုးပေးနေ့တွေမှာ ကြာသပတေးနေ့နဲ့ စနေနေ့ နေ့တွေဖြစ်ပါတယ် ထိုနေ့အတွင်းမှာ အကောင်းဆုံးအချိန်ဖြစ်တဲ့ မုဆိုးရွှေအိုးရကိန်း အချိန် ကြာသပတေးနေ့ မနက်၈း၂၅မှ ၁၀း၄၈ နဲ့ စနေနေ့အတွက် နေ့လည် ၁း၁၃မှ ၃း၃၆အတွင်းနဲ့ ပုဏ္ဏား နတ်သမီး ရကိန်းအချိန်ဖြစ်တဲ့ ကြာသပတေးနေ့၃း၃၇မှ၆း၀၀နာရီ နဲ့ စနေနေ့ မနက်၈း၂၅မှ ၁၀:၄၈ထို အချိန်တွေမှာ အရေးကြီးသော အလုပ်ကိစ္စ အကြောင်းအရာ ကိစ္စအဝဝ ပြုလုပ်ပြောဆိုရာမှာ သော်လည်းကောင်း ခရီးကိစ္စတွေ သွားလာတာ မျိုးတွေမှာသော်လည်းကောင်း ထိုအချိန်တွေမှာ ပြုလုပ်ပြောဆို လုပ်ကိုင်ဆောင်ရွက်ခြင်းဖြင့် အောင်မြင်မှုတွေ ရရှိစေပါမည်။
ဘဝတစ်သက်တာမှာ။ ။ဘုမ္မိအရပ်က တောင်အရပ်ဖြစ်ပါတယ်။ ထိုအရပ်မှာ စီးပွားရှာတာ ခရီးထွက်တာ အိမ်ဆောက်တာ အိမ်မျက်နှာလှည့်ပြီး ဆောက်လုပ်တာ လှေကားထားတာ အထူးရှောင်ပါ။
ဘဝတစ်သက်တာအတွက် အကျိုးပေး ရတနာ ။ ။ ပတ္တမြား ဥဿဖရား ကျောက်တို့က မိမိတို့ရဲ့ အကျိုးပေး ရတနာတွေပဲ ဖြစ်ပါတယ်။ အမြဲလို ဝတ်ဆင် အသုံးပြုခြင်းဖြင့် ကံဇာတာ ပွင့်လန်းစေတတ်ပါတယ်။
ယတြာ။ ။ ဒီနှစ် တစ်နှစ်လုံးမှာ မိမိတို့အနေနဲ့ ကံဇာတာပွင့်လန်းစေရန် ကံကောင်းမှုတွေ ရရှိစေရန် ပြုလုပ်ရမည့် ကောင်းမှုကံ ယတြာ အနေနဲ့က စနေနေ့မနက် (၉း၄၅) တွင် ထောပတ်ထမင်း နို့တခွက်ကို မိမိအိမ်ဘုရားတွင်လှူပါ။ တစ်လတခါ စနေထောင့်မှာ ထီးဖြူအသေး ၁၂လက် လှူပါ မိမိလိုရာဆုတောင်းပါ။ ဘာသာတရား အထူးကိုင်းရှိုင်းပါ ငါးပါးသီလမြဲအောင်ထိန်းပြီး ပြုမူပြောဆို နေထိုင်ရန် လိုအပ်ပါလိမ့်မည်။
အညံ့ပပျောက်ရန် ။ ။စနေနေ့ညနေပိုင်းတွင် သခွားသီးတလုံးမှာ သွားကြားထိုးတံ ၈ချောင်းစိုက်ပြီး ငါ့ဒါဏ်နင်ခံ ငါ့မှာရှိတဲ့မကောင်းတဲ့ အညံ့အားလုံးပါသွားစေဟုပြောပြီး ရေရှင်မှာ မျှောပါ မိမိအိမ်အပြင်ဘက်တွင်ပြုလုပ်ပါ။ တစ်လနှစ်ကြိမ်ပြုလုပ်ပါ။ ဘာသာရေး အထူးပြုလုပ်ပေးပါ။ ပုတီးစိပ်ပါ ကောင်းမှုတွေနဲ့ ဖြတ်သန်းပါ ကံအညံ့ပျောက်စေပြီး ကံကောင်းစေပါလိမ့်မည်။