၂၀၂၆ ခုနှစ် တနင်္ဂနွေ သားသမီးများအတွက် ကံကြမ္မာ အဟော

မိမိတို့အသက်အပိုင်းအခြား။ ။၁၂၊ ၂၀၊ ၂၈၊ ၃၆၊ ၄၄၊ ၅၂၊ ၆၀၊ ၆၈၊ ၇၆၊ ၈၄။ ထိုနစ်တွေမှာ ကြုံတွေ့ရမယ့် မိမိတို့ရဲ့ ကံကြမ္မာ အစိတ်အပိုင်းများ။
စီးပွားရေး၊ အလုပ်အကိုင်။ ။ယခုနှစ်မှာ ဇာတာရှင်အနေဖြင့် အလုပ်အကိုင် စီးပွားရေးနဲ့ ပတ်သတ်ပြီး ကံ၊ ဉာဏ်၊ ဝီရိယအားထုတ်ရမည့် နှစ်ဖြစ်တယ်။ ထင်သလောက် စီးပွားမဖြစ် စေပဲ အနည်းငယ် ခက်ခဲမှုတွေ ကြုံတွေ့ရစေမည်။ ငွေရှာရတာလွယ်သလောက် ငွေကုန်စရာတွေလည်းပေါ်မည်။ စီးပွားရေးပိုင်းမှာ လုပ်သလောက် မဖြစ်ထွန်းပဲ ရှိနေမယ် လောဘ ဒေါသ မောဟနဲ့ လုပ်ငန်းစီးပွားလုပ်ကိုင်သူများ ပျက်စီးဆုံးရှုံးစေတတ်ပါတယ်။ ဝန်ထမ်းဆို ရာထူး၊ လစာတိုးမယ်။ အလုပ်မှာအပြိုင် အဆိုင်အတိုက်အခိုက်တွေပေါ်မည်။ အလုပ်နေရာ အပြောင်းအလဲတွေ ဖြစ်ပေါ်မယ်။ အိုးအိမ်သစ်တွေ ရရှိစေမည်။ လုပ်သမျှလည်း မထင်ပေါ်တာ အရာမရောက်တာတွေလည်း ကြုံတွေ့ရတတ်ပါတယ်။ လုပ်ငန်းထစ်ငေါ့တာ လွဲချော်တာတွေရှိနေမယ်။ တခါတလေ အလုပ်ပြောင်းချင် ထွက်ချင်စိတ် ပေါ်လာစေတတ်တယ်။ အစိုးရ ဝန်ထမ်းဆို သင်တန်းတွေ တက်ရစေတတ်ပါတယ်။ အောက်လက်ငယ်သား ပိုင်းတွေနဲ့ အဆင်မပြေ ဖြစ်စေတတ်ပါတယ်။ အဆိုးအကောင်း ဒွန်တွဲနေတဲ့နှစ်ဖြစ်တယ်။ လုပ်ငန်းသစ် စလုပ်မည်ဆိုပါက အကျိုးပေးမယ်။ ကိုယ်ပိုင်လုပ်ငန်းတွဲလုပ်ပါ။ ဝန်ထမ်းဆို စီးပွားဖြစ် နှေးစေတတ်ပါတယ်။ လုပ်ငန်းသစ် အကြံအစည်သစ်တွေလည်း ပေါ်လာစေတတ်ပါတယ်။ လုပ်ငန်းပိုင်းတွေမှာ ရန်အတိုက်အခံတွေ ပေါ်လာစေတတ်ပါတယ်။ သတိထားပြီး လုပ်ကိုင်ရန်လိုပေမည်။ သူတပါးကို အားမကိုးပဲ ကိုယ်တိုင်လုပ်ကိုင် ဆောင်ရွတ်မှသာ ပြီးမြောက်အောင်မြင်စေပါမည်။
ဧပြီ မေလ ဇွန်လတွေမှာ လုပ်ငန်းတွေ ပိုမိုတိုးတက်လာစေမယ်။ စနေနံပစ္စည်း ကြာသပတေးနံပစ္စည်းတွေ အဝင်ရှိလာပါမယ်။ ဝင်ဖို့ရှိတာတွေကတော့ ထီး ဖိနပ် နာရီ အထည်အလိပ်တွေဝင်မယ်။ လူမျိုးခြား ဘာသာခြားတွေရဲ့ ကူညီမှုတွေရမယ်။ မြေ အမွေရတတ်ပါတယ်။ ပရိဘောဂပစ္စည်းတွေ ဝင်ပါမယ်။ အသိပညာသစ် အတတ်ပညာသစ်တွေရပါမည်။ ရေတွင်းရေကန် တူးရစေတတ်ပါတယ်။ အလှူအတန်းလေးတွေ ပြုရစေတတ်တယ်။ ရွှေ ရတနာပစ္စည်း အဝင်ရော အထွက်ပါရှိနေမယ်။ ဝင်ပြီးရင်လည်း ပြန်ထွက်စေတတ်တယ်။ လူဝင်လူထွက်တွေလည်း မိမိအိမ်မှာ များနေတတ်တယ်။ ကိုယ့်အားကို ကိုးပြီးစီးပွားရှာပါ။ အရောင်းအဝယ်သမားတွေ ကုန်ရောင်း၊ ကုန်ဝယ်လုပ်ငန်း၊ ပွဲရုံ၊ ပွဲစားလုပ်ငန်းတွေ အမြတ်အစွန်းရမယ်။ ခရီး ထွက်ရကိန်းတွေကြုံရမယ်။ နိုင်ငံခြားခရီးစဉ်တွေ အကျိုးပေးစေတတ်ပါတယ် အဖော်အပေါင်းနဲ့ သွားရခြင်းမျိုး ဖြစ်လာစေတတ်ပါတယ်။ လူမျိုးဘာသာမတူသူတွေ အကူအညီပေးတတ်တယ်။ လာဘ်လာဘတွေ ဝင်စေတာ လက်ဆောင်ပစ္စည်းတွေ ရရှိစေမည်။ ဘာသာရေးဆိုင်ရာပစ္စည်းတွေ ဘုရားဆင်းတုတော် ဘုရားဓာတ်ပုံတွေ ဝင်လာလျှင် ကံကောင်းမယ်။ လာဘ်ဝင်မယ် ထီထိုးပါ။ အကူအညီတောင်းတာမျိုး စပ်တူရှယ်ယာ လုပ်ငန်းတွေ ပြုလုပ်တာမျိုး အရေးကြီးသော ကိစ္စတွေ တိုင်ပင်တာမျိုးတွေကဆိုရင် စနေသားသမီး ကြာသပတေး သားသမီးတွေနဲ့ ပြုလုပ်ပြောဆိုပါ အစစအရာရာ အဆင်ပြေစေတတ်ပါတယ်။
ဘာသာရေး သာသနာရေးလုပ်ငန်းများလည်း လုပ်ကိုင်ရတတ်တယ်။ ဝန်ထမ်းဆိုရင် အပြောင်းအလဲကိစ္စတွေ မကောင်းသေးပါ အလုပ်မှာ လူပင်ပန်း စိတ်ပင်ပန်းမှုတွေ ရှိစေတတ်ပါတယ်။ အလုပ်မှာ စိတ်မပါသလို ဖြစ်စေတတ်ပါတယ်။ ပြောင်းချင်ရင် မွေးလကျော်မှပြောင်းပါ။ ကိုယ်ပိုင်လုပ်ငန်းကို တပိုင်တနိုင်စလုပ်ရင် လုပ်လို့ရစေတတ်ပါတယ်။ အရှေ့တောင်အရပ် အနောက်အရပ်ကနေ လာဘ်လာဘတွေ ဝင်စေတတ်ပါတယ်။ ယခုနှစ်မှာ စီးပွားရေး စတင်လုပ်ဆောင်မည်ဆိုပါက အကျိုးပေးမယ့်လုပ်ငန်းတွေ မှာ စနေနံနဲ့ ကြာသပတေးနံ ဗုဒ္ဓဟူးနံ လုပ်ငန်းများ လုပ်ကိုင်ပါက အကျိုးပေးပါတယ်။ အထည်၊ ဓာတ်ဆီ၊ ဒီဇယ်၊ ထီ၊ ထမင်းဆိုင်လုပ်ငန်း၊ ပွဲရုံ၊ ပွဲစား၊ မွေးမြူရေး၊ ပရိဘောဂလုပ်ငန်းတွေ လူသုံးကုန် ရေလုပ်ငန်း ဝပ်ရှော့ လက်ဖက်ရည်ဆိုင် အလှအပရေးရာ လုပ်ငန်းတွေက အကျိုးအမြတ်ရမယ် အောင်မြင်ပါလိမ့်မယ်။ ခရီးကိစ္စတွေပေါ်မယ်။ ဘုရားဖူးခရီး သွားရတတ်တယ်။ သူခိုးခိုးခံရတတ်တယ်။ စက်ပစ္စည်း ပျက်တာပြင်တာ ပျောက်တာဖြစ်စေတတ်တယ်။ အမျိုးသမီး တစ်ဦးတယောက်ရဲ့ ကူညီမစမှုတွေကို ရရှိလာစေတတ်ပါတယ်။ အိမ်တွင်းရေး အိမ်ထောင်ရေးတို့မှာ အဆင်မပြေတာတွေ ဖြစ်စေတတ်တယ်။ သတိထားပြောဆို နေထိုင်ရန် လိုစေတတ်ပါတယ်။ စီးပွားရေးနဲ့အတူ ဘာသာရေး ကုသိုလ်ရေး ယှဉ်တွဲလုပ်ပါ။ ကောင်းမှုတစ်ခု နေ့စဉ်ပြုပါ။ ခိုစာ ခွေးစာ ငှက်စာကျွေးပါ။ လပြည့်လကွယ် သက်သတ်လွတ်စား ဘုရားခန်း နေအိမ်အမြဲ သန့်ရှင်းအောင်ထားပါ။ ကံတရားရဲ့ ထောက်အပံ့ကောင်းတွေ ရရှိလာမှာဖြစ်ပါတယ်။
ငွေကြေး။ ။ ငွေကြေးကံအနေနှင့် ငွေ ရှာရလွယ်နေတတ်ပါတယ်။ သို့ပေမယ့် လက်ထဲမှာ ငွေမမြဲပေ။ ငွေကုန်စရာတွေလည်း ပေါ်လာတတ်ပါတယ်။ ငွေအဝင်အထွက်တွေ များနေတတ်ပါတယ်။ ဆီလိုအပေါက်ရှာပြီး ငွေထွက်နေတတ်ပါတယ်။ တခါတရံ ငွေအတွက်ပူပင်ရတာတွေ ရှိလာတတ်ပါတယ်။ ရစရာရှိတာတွေကော ပေးစရာရှိတာတွေကော ခက်ခဲစေတတ်ပါတယ်။ ငွေကြေးပိုင်းက ဝင်ငွေတစ်ခုထဲ မရပ်တည်ပဲ အဖက်ဖက်မှ ငွေဝင်လမ်းတွေ ရှာနိုင်မှ ငွေကံကောင်းစေမည်။ ငွေကိုချွေတာပြီး သုံးရန် လိုမယ် ငွေချေးတာ အာမခံတာ အထူးရှောင်ပါ။ ငွေလူလိမ်ခံရတတ်ပါတယ်။ ငွေကြေးက မမြဲတတ်သောကြောင့် ငွေနဲ့ရင်းတဲ့အလုပ်တွေ ဖြတ်လမ်းစီးပွားရေးတွေ ရှောင်ပါ ထီကံကောင်းမယ်။ ထီပေါက်ကိန်း ရှိပါတယ်။ အကျိုးပေးဂဏန်း ၇ ၅ ၄ ဖြစ်ပါတယ်။ ငွေကံကောင်းစေရန် ခိုစာ ခွေးစာ ငှက်စာကျွေးပါ။
လူမှုရေး။ လူမှုရေး အနည်းငယ် ပြဿနာလေးတွေ ရှိနေတတ်ပါတယ်။ သူတပါးမကောင်းပြောဆိုတာ ခံရတတ်ပါတယ်။ အတိုက်အခံအခြေ အတင်လေးတွေ စကားပြောရတတ်ပါတယ်။ အကြီးအကဲ အထက်လူကြီးပိုင်းနဲ့ အဆင်မပြေတာတွေ အထက်လူကြီးကြောင့် စိတ်ညစ်ရစေတတ် အားနာမှုကြောင့် ဒုက္ခရောက်စေတတ်ပါတယ်။ လက်အောက်ငယ်သား မိမိညီအကို မောင်နှမတွေကြောင့်လည်း စကားအခြေအတင် ပြောရစေတတ်ပါတယ်။ ကိုယ့်ကိုကိုယ်ပဲ အားကိုးပါ သူတပါးအားမကိုးပါနှင့် စိတ်လိုက်မာန်ပါ ပြုမူပြောဆိုတာတွေ ရှောင်ပါ။ အမှုအခင်း ပြဿနာလေးတွေ ဖြစ်လာတတ်ပါတယ်။ မဖြစ်အောင်နေပါ ဖြစ်လျှင် အချိန်ကုန် ငွေကုန်စေပြီး ကြန့်ကြစေမည်။ စေတနာကောင်း စိတ်ကောင်းထားပါ ဘာသာရေး ပိုလုပ်ပါ သူများပြဿနာ ဝင်ဖြေရှင်းတာတွေ မပြုလုပ်ရ စေတနာအမှား ဖြစ်တတ်သောကြောင့် သတိထားရှောင်ပါ။ သောကြာနံပါတဲ့နေ့သားတွေ အင်္ဂါနံပါတဲ့နေ့သားတွေနဲ့ စကားပြောဆိုတာ သတိထားပါ အိမ်တွင်းရေး ပြဿနာတွေလည်း ပေါ်လာတတ်တယ် စိတ်ကိုအေးအေးထားပြီး ဖြေရှင်းပါ။
ကျန်းမာရေး ။ ။ ကျန်းမာရေးမှာဆိုရင် အာရုံကြောအားနည်းတာ ဦးခေါင်းမကြည်တာ ဆီး မျက်စိ အစာအိမ်လေအောင့်တာ သွေးအားနည်းပြီး မူးမောတာ ခြေလက် ထိခိုက်ဒါဏ်ရာ ရတာတွေ ချောင်းဆိုး ရင်ကျပ်တာ ရာသီအကူးအပြောင်း ဖျားနာတာတွေ ဖြစ်ပေါ်နေတတ်ပါတယ်။ ဖြစ်ပေါ်နေတတ်ပါတယ်။ ဖြစ်ပြီးသားရောဂါ ပြန်ဖြစ်လာတာမျိုးလည်း ကြုံရတတ်ပါတယ်။ ရုတ်တစ်ရက် အက်စီးဒန့်လို ဖြစ်စေတာ သွေးထွက်သံယို ဖြစ်စေတာလည်း ကြုံရတတ်တယ်။ အကုန်ဖြစ်မယ်လို့တော့ မဆိုလိုပေ။ တခုမဟုတ်တခု ဖြစ်ပေါ်လာတတ်ပါတယ်။ သတိထားရန်တော့ လိုစေတတ် တံတားခင်းပါ လမ်းပြင်ပါ။ ငှက်လွှတ်ပြီး ဆုတောင်းပါ ဘာသာရေးပိုလုပ်ပါ။
အိမ်ထောင်ရေး ။ ။ ယခုနှစ် အိမ်ထောင်ရေးမှာဆိုရင် အေးချမ်းမှုအားနည်းနေမယ်။ မိမိအိမ်ထောင်ဘက်နှင့် အဆင်မပြေတာတွေလည်း ရှိနေတတ်ပါတယ်။ ဂတောက်ဂဆတွေ ဖြစ်ပေါ်နေတတ်ပါတယ်။ တယောက်နှင့်တယောက် စိတ်တိုင်းမကျတာ နားလည်မှုတွေလွဲနေတာ အလိုမကျတာတွေ မကြာခဏဖြစ်ပေါ်နေပါမယ်။ လက်အောက်ငယ်သား ညီအကိုမောင်နှမ အတွက်သော်လည်းကောင်း သားသမီးရှိက သားသမီး ကြောင့်စိတ်ညစ်ရတတ်သည်။ အိမ်ထောင်ရေးမှာ ကြားလူဝင်နှောင့်ယှက်တာတွေ အိမ်ထောင်ရေးအပျက်အစီး အနှောင့်အယှက်တွေကြုံလာပါမယ်။
ဒီနှစ်တွေမှာ အိမ်ထောင်ရေး ဇယားရှုပ်တာ အပျော်အပါးလိုက်စားပါက နာမည်ဂုဏ်သိက္ခာ ကျဆင်းတတ်သလို တတ်လာမယ့် အညွန့်ပြန်ကျိုးမယ်။ အမျိုးသမီး အဖျက်အဆီးတွေ ကြုံတွေ့ရတတ်ပါတယ်။ အသောက်အစား ရှိပါက အိမ်ထောင်ရေး ရန်ပေါ်တတ်ပါတယ်။ အိမ်ထောင်ရေး ဇယားရှုပ်တာ အထူးရှောင်ပါ။ ရှုပ်ထွေးမှုတွေ ဖြစ်ပေါ်တတ်ပါတယ်။ ထိုသို့ပြုလုပ်မိပါက မမျှော်လင့်ထားတဲ့ ပြဿနာတွေဖြစ်လာတတ်ပါတယ်။ သတိထားဆင်ခြင်ရန်လိုအပ်ပါမည်။ အိမ်ထောင်ရေးမှာ စိတ်တူကိုယ်တူ ကုသိုလ်ရေးအတူလုပ် ဘာသာရေး အတူလုပ် စီးပွားရေး အတူတိုင်ပင်ပြီး လက်တွဲပါ အပျော်အပါး အသောက်အစားတွေ ရှောင်ပါ အဆင်ပြေလာပါလိမ့်မည်။
အချစ်ရေး ။ ။ ယခုနှစ်အတွင်း ငယ်ရွယ်သူတွေအတွက် မေတ္တာရေးပိုင်းတွေမှာဆိုရင် စန်းပွင့်သောနှစ်ဖြစ်တယ်။ ချစ်သူရစေမယ် အထီးကျန်သူတွေ အချစ်သစ်တွေ့စေမည် ချစ်သူစုံတွဲတွေ အနေနဲ့က အချစ်ရေး အနည်းငယ်တော့ စိတ်ညစ်စရာတွေလည်း ပေါ်လာစေတတ်ပါတယ်။ အချစ်ရေးဂတောက်ဂဆတွေ များနေမယ်။ လက်ရှိချစ်သူနှင့် မကြာခဏ စိတ်ဆိုးစိတ်ကောက် စကားများနေရတာတွေ ရှိနေတတ်ပါတယ်။ ရန်ဖြစ်လိုက် ပြန်ချစ်လိုက်ရှိနေမယ်၊ လူငယ်လူရွယ်တွေ အိမ်ထောင်ကျစေတတ်ပါတယ်။ တခါတရံ အထင်အမြင်လွဲမှားတာတွေ နားလည်မှုလွဲမှားတာတွေ ရှိနေတတ်ပါတယ်။ စိတ်တိုင်းမကျ အလိုမကျတာတွေလည်း ရှိနေတတ်ပါတယ်။ တခါတလေ ရှေ့တိုးရအခက် နောက်ဆုတ်ရအခက် တွေဝေနေတတ်တယ်။ သံယောစဉ်တော့ မပြတ်ပါ။ ဘဝမှာ ရည်းစားဦးပြိုကွဲခြင်း အိမ်ထောင်ဦးပြိုကွဲခြင်းများ ကြုံရတတ်ပါတယ်။ ဇာတာရှင်သည် အချစ်ရေးနှင့်ပတ်သက်ပြီး မကြာခဏတော့ ပြဿနာလေးတွေရှိနေပေမယ့် ရန်ဖြစ်လိုက် ပြန်ချစ်လိုက်ရှိနေတတ်ပါတယ်။ ယခုနှစ် တွင်အိမ်ထောင်ကျကိန်း ရှိနေပါတယ် ယူမယ်ဆို ယူလို့ရပါတယ်။ ချစ်သူနှစ်ဦးကြားမှာ အဖျက်အစီးတွေ ဝင်လာစေတတ်ပါတယ်။ အချစ်ရေး ဇယားရှုပ်တာ အပျော်အပါး လိုက်စားပါက မတည်မြဲနိုင်ပါ။ အချစ်ရေးကံကောင်းစေရန် ချစ်သူနှစ်ဦး ဓာတ်ပုံကို မျက်နှာချင်းဆိုင် ကော်နဲ့ကပ် ဟိုဘက်ဒီဘက် သံလိုက်တုန်းကပ် ထို့နောက် မိမိခေါင်းအုန်းအောက်မှာ ထားပြီး အိပ်ပါ အမျိုးသမီးပုံကို အောက်ကထား မေတ္တာသုတ် ၁၀ခေါက်ရွတ်ပြီးဆုတောင်းပါ။
ပညာရေး ။ ။ ယခုနှစ်မှာပညာရေးနှင့် ပတ်သက်ပြီး တိုးတက်ကောင်းမွန်ပါမည်။ အသိပညာသစ် အတတ်ပညာသစ်တွေရမယ်။ ဆရာကောင်း သမားကောင်းတွေရမယ်။ ပညာတတ်လေ ဘဝလမ်းခရီး အောင်မြင်လေဖြစ်ပါမယ်။ ပညာဖြင့် အသက်မွေးဝမ်းကြောင်းပြုရင်လည်း အကျိုးပေးပါမည်။ ပညာရေးကို ဝီရိယ အားစိုက်ထုတ်ကြိုးစားပါ။ ဘဝမှာ ပညာရေးကနံပါတ်၁ စီးပွားရေးက နံပါတ်၂ အချစ်ရေးက နံပါတ်၃နေရာမှာထားပြီး ဘဝအတွက်ကြိုးစားအားထုတ်ပါက အောင်မြင်တိုးတက် လာပါလိမ့်မည်။ ပညာရေးကို အဖျက်တွေ ဝင်လာစေတတ်ပါတယ်။ အချစ်ရေးကြောင့် ပညာရေး ထိခိုက်တတ်သလို အပေါင်းအသင်းမှားတာ အပျော်အပါး မက်မှုတွေကြောင့် ပညာရေး ထိခိုက်တတ်စေတယ် ပညာရေးနှင့် ပတ်သက်ပြီး ကံ ဉာဏ် ဝီရိယ အားစိုက်ထုတ်ရမယ့် သူမျိုးဖြစ်တယ် ပညာရေးကို ရပ်တည့်မနေပဲ ဆုံးအောင်သင်ကြားနိုင်မှ ဘဝလမ်း တိုးတက်စေမည်။
အကျိုးပေးအရောင်။ ။ ပန်းရောင် အဝါရောင်၊ အနက်ရောင် အစိမ်းပွင့်ရောင် ရွှေဝါရောင်တွေဖြစ်ပါတယ် အရေးကြီးသော လုပ်ငန်းကိစ္စ အရေးကြီးသောစကား ခရီးကိစ္စတွေ သွားလာရာမှာ ဝတ်ဆင်အသုံးပြုခြင်းဖြင့် ကံဇာတာပွင့်လန်းစေပါလိမ့်မည်။
အကျိုးပေးဂဏန်း။ ။၅ ၇ ၆ ၂ ထိုဂဏန်းတွေကို ဒီနှစ်အတွင်းမှာ အသုံးပြုခြင်းဖြင့် အကျိုးများစေပါလိမ့်မည်။
**ဒီနှစ်အတွက် မိမိတို့အနေနဲ့ အရေးကြီးသော အကြောင်းကိစ္စ အဝဝ ပြုလုပ်ပြောဆိုရာမှာ** အောင်မြင်ဖို့အတွက် အကောင်းဆုံး အကျိုးပေးနေ့တွေမှာ ကြာသပတေးနေ့နဲ့ စနေနေ့ နေ့တွေဖြစ်ပါတယ် ထိုနေ့အတွင်းမှာ အကောင်းဆုံးအချိန်ဖြစ်တဲ့ မုဆိုးရွှေအိုးရကိန်း အချိန်ဖြစ်တဲ့ ကြာသပတေးနေ့ မနက် ၈း၂၅မှ ၁၀:၄၈ နဲ့ စနေနေ့အတွက် နေ့လည် ၁း၁၃မှ ၃း၃၆အတွင်းနဲ့ ပုဏ္ဏား နတ်သမီး ရကိန်းအချိန်ဖြစ်တဲ့ ကြာသပတေးနေ့ ၃း၃၇မှ ၆း၀၀ နာရီ နဲ့ စနေနေ့ မနက်၈း၂၅မှ ၁၀:၄၈ထို အချိန်တွေမှာ အရေးကြီးသော အလုပ်ကိစ္စ အကြောင်းအရာ ကိစ္စအဝဝ ပြုလုပ်ပြောဆိုရာမှာ သော်လည်းကောင်း ခရီးကိစ္စတွေ သွားလာတာ မျိုးတွေမှာသော်လည်းကောင်း ထိုအချိန်တွေမှာ ပြုလုပ်ပြောဆို လုပ်ကိုင်ဆောင်ရွက်ခြင်းဖြင့် အောင်မြင်မှုတွေ ရရှိစေပါမည်။
ရှောင်ရန် ။ ။ သခွားသီး သကြား အမဲသား ငွေရောင် နီညိုရောင် ဝတ်စားဆင်ရင် အသုံးပြုခြင်းရှောင်ပါ။
ဘဝတစ်သက်တာမှာ ဘုမ္မိအရပ်က တောင်အရပ်ဖြစ်ပါတယ်။ ထိုအရပ်မှာ စီးပွားရှာတာ ခရီးထွက်တာ အိမ်ဆောက်တာ အိမ်မျက်နှာလှည့်ပြီး ဆောက်လုပ်တာ လှေကားထားတာ အထူးရှောင်ပါ။
ဘဝတစ်သက်တာအတွက် အကျိုးပေး ရတနာ။ ။ပတ္တမြား ဥဿဖရား ကျောက်တို့က မိမိတို့ရဲ့ အကျိုးပေး ရတနာတွေပဲ ဖြစ်ပါတယ်။
ယတြာ။ ။ဒီနှစ် တစ်နှစ်လုံးမှာ မိမိတို့အနေနဲ့ ကံဇာတာပွင့်လန်းစေရန် ကံကောင်းမှုတွေ ရရှိစေရန် ပြုလုပ်ရမည့် ကောင်းမှုကံ ယတြာ အနေနဲ့က စနေနေ့မနက် (၉း၄၅) တွင် ပေါင်မုန့်ထောပတ်သုတ်တစ်ပွဲ မွှေးသောပန်း မိမိအိမ်ဘုရားတွင်လှူပါ တပတ်တခါလှူပါ။ စနေထောင့်မှာ ထီးဖြူအကြီး၁လက် လှူပါ မိမိလိုရာဆုတောင်းပါ တစ်လတခါပြုလုပ်ပါ။
အညံ့ပပျောက်ရန် ။ ။ဒီနှစ်အတွင်းမှာ မိမိတို့ကံအညံ့တွေ ပြေပျောက်စေရန်အတွက် စနေနေ့ညနေပိုင်းတွင် သခွားသီးတစ်လုံးမှာမိမိနာမည်ရေးပါ။ ငါ့ဒါဏ်နင်ခံ ငါ့မှာရှိတဲ့မကောင်းတဲ့ အညံ့အားလုံးပါသွားစေ ဟုပြောပြီး နင်းချေပါ။ မိမိအိမ်နောက်ဘက်တွင်ပြုလုပ်ပါ။ တစ်လနှစ်ကြိမ်ပြုလုပ်ပါ။ သကြားကို ဘုန်းကြီးကျောင်းမကြာခဏပို့ပြီး အညံ့ပျောက်ပါစေဟု ဆုတောင်းပါ ဘာသာရေးအထူးပြုလုပ်ပေးပါ၊ မိဘအဝတ်အစားလျှော် ကံ၅ပါးလုံအောင်နေပါ ခက်ခဲမှုတွေ လွတ်မြောက်စေ အညံ့ပျောက်စေမည်။