၂၀၂၆ ခုနှစ် တနင်္ဂနွေ သားသမီးများအတွက် ကံကြမ္မာ အဟော

မိမိတို့အသက်အပိုင်းအခြား။ ။ ၁၄၊ ၂၂၊ ၃၀၊ ၃၈၊ ၄၆၊ ၅၄၊ ၆၂၊ ၇၀၊ ၇၈၊ ၈၆။ ထိုနှစ်တွေမှာ ကြုံတွေ့ရစေမယ် မိမိတို့ရဲ့ ကံကြမ္မာ အစိတ်အပိုင်းများ။
စီးပွားရေး အလုပ်အကိုင် ။ ။ ယခုနှစ်မှာ တနင်္ဂနွေ သားသမီးများ အနေဖြင့် မိမိတို့ရဲ့ လုပ်ငန်းစီးပွားရေး ပိုင်းတွေအနေနဲ့က အလုပ်အကိုင် စီးပွားရေးနဲ့ ပတ်သတ်ပြီး ကံ၊ ဉာဏ်၊ ဝီရိယအားထုတ်ရမည့် နှစ်ဖြစ်တယ်။ လုပ်ငန်းသစ်တွေလည်း ပေါ်လာစေတတ်ပါတယ်။ အကြံအစည်သစ်တွေ ပေါ်လာစေမယ်။ စပ်တူလုပ်ငန်းတွေ လုပ်လို့ရစေတတ်ပါတယ်။ လုပ်ငန်းတွေမှာ အပြိုင်အဆိုင်လေးတွေတော့ ရှိနေတတ်ပါတယ်။ အကြီးအကဲ အထက်လူကြီးတွေနဲ့ ပတ်သက်ပြီး အကူအညီကို ရရှိလာတတ်ပါတယ်။ အနောက်တောင်အရပ်ကနေ လာဘ်ဝင်လာစေတတ်ပါတယ်။ လုပ်ငန်းပိုင်းတွေမှာတော့ အပြိုင်အဆိုင်တွေ များနေစေတတ်ပါတယ်။ လူမှုရေးအတိုက်အခံတွေ ပေါ်လာစေတတ်ပါတယ်။ အရောင်းအဝယ် လုပ်ငန်း လုပ်နေတဲ့သူတွေအတွက် အဆင်ပြေစေမယ်။ တိုးချဲ့လုပ်ကိုင်ရစေတတ်ပါတယ်။ လုပ်ငန်းတွေကို အလုပ်မှာအပြိုင် အဆိုင်အတိုက်အခိုက်တွေပေါ်မည်။ လုပ်သမျှလည်း မထင်ပေါ်တာ အရာမရောက်တာတွေလည်း ကြုံတွေ့ရတတ်ပါတယ်။ စက်ပစ္စည်းတွေဝင်မယ်။ အရောင်းအဝယ်သမားတွေ ရောင်းအားကောင်းစေပြီး အမြတ်မကျန်ပဲ ရှိနေမယ်။ ခရီး ထွက်ရကိန်းတွေကြုံရမယ်။ ဘာသာရေး သာသနာရေးလုပ်ငန်းများလည်း လုပ်ကိုင်ရတတ်တယ်။ အိုးအိမ် အသစ်ဆောက်ရမယ်။ အိမ်ပြင်ရတတ်ပါတယ် အိမ်ပြောင်း အလုပ်ပြောင်း ရတာတွေလည်း ဖြစ်ပေါ်တတ်ပါတယ်။ ဝန်ထမ်းဆိုအပြိုင်အဆိုင်များမယ်။ စီးပွားဖြစ်နှေးတတ်ပါတယ်။ လူမျိုးခြား ဘာသာခြားတွေရဲ့ ကူညီမစမှုတွေရရှိနေမယ်။ မိတ်ဆွေကောင်း အပေါင်းအသင်းကောင်းတွေတွေ့မယ်။ မြေကိစ္စ အမွေကိစ္စ မိသားစုကိစ္စ စိတ်ညစ်နေရတတ်ပါတယ်။ ကိုယ့်အားကိုယ် ကိုးပါ သူများအားကိုးရင် မိမိပြန်ပြီးဒုက္ခရောက်တတ်ပါတယ်။ ယခုနှစ်မှာ အနည်းငယ်လူပင်ပန်း စိတ်ပင်ပန်းမှုတွေ ရှိနေတတ်ပါတယ်။ လုပ်ငန်းထစ်ငေါ့တာ ခက်ခဲတာတွေရှိနေပါမယ်။ စပ်တူရှယ်ယာလုပ်ငန်း အရေးကြီးသော ကိစ္စတွေ ပြောဆို တိုင်ပင်တဲ့နေရာမှာ အင်္ဂါနေ့ တနင်္ဂနွေနေ့ သားသမီးတွေနဲ့ ပြုလုပ်ပြောဆို တိုင်ပင်ခြင်းဖြင့် အစစအရာရာ အဆင်ပြေစေနိုင်ပါလိမ့်မည်။
တပေါင်း တန်ခူး ကဆုန်လတွင် ငွေကြေးလာဘ်ရွှင်စေပါမည်။ ထီး ဖိနပ် အထည်သစ်တွေဝင်မယ်။ ဘဝတသက်တာမှာ ကိုယ့်ဒူးကိုယ်ချွန်ရပ်တည် ကြိုးစားရပါမယ်။ မိသားစု ညီအကိုမောင်နှမ လက်အောက်ငယ်သားတွေတော့ အကူအညီတွေ ရရှိလာစေတတ်ပါတယ်။ ယခုနှစ်မှာ စီးပွားရေး စတင်လုပ်ဆောင်မည်ဆိုပါက အကျိုးပေးမယ့် လုပ်ငန်းတွေမှာ အင်္ဂါ၊ တနင်္ဂနွေနံ စနေနံနဲ့ ပတ်သက်တဲ့ လုပ်ငန်းများ လုပ်ကိုင်ပါက အကျိုးပေးပါတယ်။ ဆန်၊ ဆီ၊ ဆား၊ ဆေး၊ စားသောက်ကုန် စက်မူလုပ်ငန်းများ၊ အိုး၊ အိမ်နှင့်ပတ်သက်သောလုပ်ငန်း၊ ဥယျာဉ်ခြံမြေလုပ်ငန်းများ အီလက်ထရောနစ်ပစ္စည်းအရောင်း အဝယ် အွန်လိုင်းရှော့လုပ်ငန်းများ အထည်အလိပ် ဓာတ်ဆီဒီဇယ်လုပ်ငန်း ထမင်းဆိုင် နိုင်ငံခြားနဲ့ ဖက်စပ်လုပ်ငန်းတွေက အကျိုးများစေတတ်ပါတယ်။ ယခုနှစ်မှာဆိုရင် စီးပွားရေးနဲ့အတူ ဘာသာရေး ကုသိုလ်ရေး ကောင်းမှုတခုနေ့စဉ်ပြုနေပါ။ ဘာသာရေးအားနည်းလေ မိမိကံတရားညှိုးနွမ်းလေ လာဘ်ပိတ်စေတာမျိုးတွေ ဖြစ်လာစေတတ်ပါတယ်။ ထို့ကြောင့်ဘာသာရေး ပိုအလေးထားပါ ဆန် ဆီ ဆေးလှူတာ ခိုစာ ခွေးစာကျွေးတာတွေ အမြဲပြုလုပ်ပါ။
ငွေကြေး။ ။ငွေကြေးကံအနေနှင့် ငွေ ရလွယ် ကုန်လွယ် ဖြစ်နေတတ်ပါတယ်။ ငွေရှာရလွယ်နေတတ်ပြီး လက်ထဲငွေမမြဲစေပဲ ရှိနေပါလိမ့်မယ်။ ငွေကုန်စရာတွေလည်း ပေါ်လာတတ်ပါတယ်။ ငွေအဝင်အထွက်တွေ များနေတတ်ပါတယ် ကျန်ဖန်ပြီး ငွေထွက်နေမယ်။ ငွေချေးအာမခံတာတွေ မပြုလုပ်ရ။ ပြန်တောင်းရ ခက်ခဲတာတွေဖြစ်မယ်။ ငွေကို ကြိုးစားရှာဖွေနိုင် မှ ငွေဝင်လမ်းတွေ ရှာဖွေနိုင်မှ ငွေကံကောင်းစေမယ် ငွေကိုချွေတာပြီး သုံးရန် လိုစေတတ် ငွေချေးတာ အာမခံတာ အထူးရှောင်ပါ။ ငွေလူလိမ်ခံရတတ်ပါတယ်။ ငွေကြေးက မမြဲတတ်သောကြောင့် ငွေနဲ့ရင်းတဲ့အလုပ်တွေ ဖြတ်လမ်းစီးပွားရေးတွေ ရှောင်ပါ။ ငွေကံကောင်းစေရန် လာဘ်နှိုးဂါထာကို မနက်ည ၁၀ ခေါက်ရွတ်ပါ ပံ့သကူမကြာမကြာပြစ်ပြီး ဆုတောင်း။
လူမှုရေး ။ ။ လူမှုရေး ပိုင်းတွေမှာ ရန်များနေတတ်တယ်။ အတိုက်အခံအခြေအတင်လေးတွေ စကားပြောရတတ်ပါတယ်။ သူတပါး မကောင်းပြောဆိုတာ စွတ်စွဲတာတွေ အကြောင်းမယ့် သက်သက် ခံရတတ်ပါတယ်။ လူယုံထားလို့မရပါ မိသားစုကိစ္စ မြေကိစ္စ အမွေကိစ္စလိုမျိုးတွေ စကားများရတတ်ပါတယ်။ ကိုယ့်ကိုကိုယ်ပဲ အားကိုးပါ။ သူတပါးအားမကိုးပါနှင့် စိတ်လိုက်မာန်ပါ ပြုမူပြောဆိုတာတွေ ရှောင်ပါ။ အမှုအခင်း ပြဿနာလေးတွေ ဖြစ်လာတတ်ပါတယ်။ ခရီးစဉ်တွေမှာ အဆင်မပြေဖြစ်စေတတ်တယ်။ ပတ်ဝန်းကျင်မှာရော လုပ်ငန်းထဲမှာပါ အတိုက်အခံတွေ ရှိနေမယ်။ မနာလိုသူတွေ ရှိနေမယ်။ သတိထားပြောဆိုရန် လိုမည်။ စေတနာကောင်း စိတ်ကောင်းထားပါ။ ဘာသာရေး ပိုလုပ်ပါ။ သူများပြဿနာ ဝင်ဖြေရှင်းတာတွေ မပြုလုပ်ရ။ စေတနာအမှား ဖြစ်တတ်သောကြောင့် သတိထားရှောင်ပါ။ တနင်္လာနံပါတဲ့နေ့သားတွေ သောကြာနံ နံပါတဲ့နေ့သားတွေနဲ့ စကားပြောဆိုတာ သတိထားပါ အမြဲလို ဘုရားခန်းရှင်း လူသွားလမ်းတွေရှင်း သွားတိုက်ဆေး သွားတိုက်တံ လှူပြီး ဆုတောင်း။
ကျန်းမာရေး။ ။ဒီနှစ်ပိုင်းအတွက် ကျန်းမာရေးမှာဆိုရင် မကြာခဏ ဖြစ်တတ်တဲ့ ရောဂါတွေမှာ အကြောတက်တာ အစာအိမ်လေအောင့်တာ ဦးခေါင်းမကြည်တာ ညောင်းညာကိုက်ခဲတာ သွားနာတာ သွေးပေါင်အတက်အကျတွေ ဖြစ်ပြီးမူးမောတာ အမျိုးသမီးတွေ သွေးသားမမှန်စေတာ အသက်ကြီးသူတွေ သွေးတိုးနှလုံးနဲ့ ပတ်သက်ပြီး မူးမောတာတွေ ဖြစ်စေမည်။ တစ်ခါတစ်ရန် ချောင်းဆိုး ရင်ကျပ်တာ ရာသီအကူးအပြောင်း ဖျားနာတာတွေ အကုန်ဖြစ်မယ်လို့တော့ မဆိုလိုပေ တစ်ခုမဟုတ်တစ်ခု ဖြစ်ပေါ်လာတတ်ပါတယ်။ သတိထားရန်တော့ လိုစေတတ် ရေလှူတာ ဆေးလှူတာ ငါး ၊ ငှက်လွှတ်ပြီး ဆုတောင်းပါ။
အိမ်ထောင်ရေး။ ။ယခုနှစ် အိမ်ထောင်ရေးမှာဆိုရင် ပြဿနာကြီးကြီးမားမား မရှိနေတတ်ပါ။ အနည်းငယ်တော့ အနှောက်အယှကလေးတွေတော့ ရှိလာတတ်တယ်။ စိတ်မတည်ငြိမ်တာမျိုးတွေ ပေါ်လာစေတတ်တယ်။ မိမိအိမ်ထောင်ဖက်ရဲ့ အကျိုးပြုမှုကိုလည်း ရရှိစေတတ်ပါတယ်။ တခါတရံတော့ဂတောက်ဂဆတွေ ဖြစ်ပေါ်နေတတ်ပါတယ်။ တယောက်နှင့်တယောက် စိတ်တိုင်းမကျတာ နားလည်မှုတွေလွဲနေတာ အလိုမကျတာတွေ ဖြစ်ပေါ်နေပါမယ်။ အိမ်ထောင်ရေးမှာ ကြားလူဝင်နှောင့်ယှက်တာတွေ အိမ်ထောင်ရေးအပျက်အစီး အနှောင့်အယှက်တွေကြုံလာပါမယ်။ အိမ်ထောင်ရေးဇယားရှုပ်တာ အိမ်ထောင်ရေး ဖောက်ပြန်တာတွေ ပေါ်လာစေတတ်တယ်။ သတိထားရှောင်ပါ ရှုပ်ထွေးမှုတွေ ဖြစ်ပေါ်တတ်ပါတယ်။ ထိုသို့ပြုလုပ်မိပါက မမျှော်လင့်ထားတဲ့ ပြဿနာတွေဖြစ်လာတတ်ပါတယ်။ စီးပွားပျက်တတ်တယ်။ ဂုဏ်သိက္ခာ ကျဆင်းတတ်သောကြောင့် သတိထားဆင်ခြင်ရန်လိုအပ်ပါမည်။ အိမ်ထောင်ရေးမှာ ဆိုးတူကောင်းဖက်တိုင်ပင်ပြီး လက်တွဲမှသာ အဆင်ပြေစေတတ်ပါတယ်။ ကုသိုလ်ရေးအတူလုပ် ဘာသာရေး အတူလုပ် စီးပွားရေး တိုင်ပင်ပြီး လက်တွဲပါ အပျော်အပါး အသောက်အစားတွေ ရှောင်ပါ အဆင်ပြေလာပါလိမ့်မည်။
အချစ်ရေး။ ။ယခုနှစ်အတွင်း အချစ်ရေး ငယ်ရွယ်သူတွေ အချစ်ရေး စန်းပွင့်နေတတ်ပါတယ်။ ချစ်သူရတတ်ပါတယ်။ အနောက်အရပ်မှ မိမိကို စိတ်ဝင်စားသူ ချစ်တဲ့သူပေါ်လာစေမည်။ လက်ရှိချစ်သူ ရှိနေသူတွေကတော့ အချစ်ရေးဂတောက်ဂဆတွေ အချစ်ရေး ပြဿနာတွေ အနည်းငယ်ရှိနေတတ်ပါတယ်။ မကြာခဏ စိတ်ဆိုးစိတ်ကောက် စကားများနေရတာတွေ ရှိနေတတ်ပါတယ်။ ရန်ဖြစ်လိုက် ပြန်ချစ်လိုက်ရှိနေမယ်။ တခါတရံ သဝန်တို စိတ်မချတာ အထင်အမြင်လွဲမှားတာတွေ နားလည်မှုလွဲမှားတာတွေ ရှိနေတတ်ပါတယ်။ စိတ်တိုင်းမကျ အလိုမကျတာတွေလည်း ရှိနေတတ်ပါတယ်။ ယခုနှစ် တွင်အိမ်ထောင်ကျကိန်း ရှိနေပါတယ် ယူမယ်ဆို ယူလို့ရပါတယ် အချစ်ရေး ဇယားရှုပ်တာ အပျော်အပါး လိုက်စားပါက မတည်မြဲနိုင်ပါ။ အဆက်အသွယ်ပြတ်နေသူတွေ ပြန်ရစေတတ်တယ်။ ဝေးကွာနေသူတွေ ပြန်လည်စုံဆည်းရတတ်တယ်။
ပညာရေး။ ။ ယခုနှစ်မှာပညာရေးနှင့် ပတ်သက်ပြီး ရပ်တန့်နေတတ်ပါတယ်။ တွေဝေနေတာမျိုးတွေလည်း ရှိနေတတ်ပါတယ်။ တစ်ခြားသော အကြောင်းအရာတွေ စိတ်နှစ်နေမှုကြောင့် ပညာရေး ခက်ခဲနေမယ်။ သင်တန်းတက်ရကိန်းတွေလည်း ပေါ်လာတတ်ပါတယ်။ သို့ပေမယ် တက်ဖို့ ကြန့်ကြာနေမယ် တက်ပါ မိမိအတွက် အကျိုးပြုစေတတ်ပါတယ်။ ပညာရေးကို ရပ်တန့်မနေသင့်ပါ လတ်တလော ပညာရေးထစ်ငေါ့တာ ပညာရေး တစ်ပိုင်းတစ်စတွေ လွဲချော်တာတွေလည်း ရှိနေမယ်။ စာမေးပွဲတွေ ကျရှုံးစေမယ်။ ပညာရေးကိုဝီရိယ အားစိုက်ထုတ်ကြိုးစားပါ။ ပညာရေးကို အဖျက်တွေ ဝင်လာစေတတ်ပါတယ်။ အချစ်ရေးကြောင့် ပညာရေး ထိခိုက်တတ်သလို အပေါင်းအသင်းမှားတာ အပျော်အပါး မက်မှုတွေကြောင့် ပညာရေး ထိခိုက်တတ်စေတယ်။ ပညာရေးနှင့် ပတ်သက်ပြီး ကံ ဉာဏ် ဝီရိယ အားစိုက်ထုတ်ရမယ့် သူမျိုးဖြစ်တယ်။ ကြိုးစားအားထုတ်နိုင်မှသာ အောင်မြင်မှုတွေ ရရှိစေမည်။
ဒီနှစ်အတွင်း အကျိုးပေးဂဏန်းအနေနဲ့။ ။ ၃၊ ၅၊ ၇၊ ၁ ထိုဂဏန်းတွေက တစ်နှစ်ပတ်လုံး အကျိုးပြုစေပြီး ထီထိုးတာမျိုး တစ်ခြားသောကိစ္စတွေမှာ အသုံးပြုခြင်းဖြင့် ကံကောင်းစေပါလိမ့်မည်။
အကျိုးပေးအရောင်။ ။ဒီနှစ်အတွင်းမှာ ကံဇာတာတွေပွင့်ပြီး အကျိုးပေးအရောင်အနေနဲ့က နီညိုရောင်၊ အညို ပန်းရောင် အနီပွင့် အနီရောင် တွေဖြစ်ပါတယ်။ အရေးကြီးသော စကား အရေးကြီးသော လုပ်ငန်းကိစ္စတွေ ခရီးကိစ္စတွေ အကြောင်းအရာတွေမှာ ဝတ်ဆင်ပြီး ပြုလုပ်ပြောဆို ဆောင်ရွက်ခြင်းဖြင့် ကံပွင့်စေမည်။
ရှောင်ရန်။ ။ ဒီတစ်နှစ်ပတ်လုံး အမဲ ဝက်သား ကိတ်မုန့် ကော်ဖီ အဖြူရောင် အပြာရောင် ရှောင်ပါ။ အပျော်အပါးလိုက်စားတာ ရှောင်ပါ။ ထိုအရာတွေ ဝတ်ဆင် စားသောက်ခြင်း အထူးရှောင်ရပါမည်။
**ဒီနှစ်အတွက် မိမိတို့အနေနဲ့ အရေးကြီးသော အကြောင်းကိစ္စ အဝဝ ပြုလုပ်ပြောဆိုရာမှာ** အောင်မြင်ဖို့အတွက် အကောင်းဆုံး အကျိုးပေးနေ့တွေမှာ အင်္ဂါနေ့ တနင်္ဂနွေနေ့နဲ့ နေ့တွေဖြစ်ပါတယ်။ အင်္ဂါနေ့ အတွင်းမှာ အကောင်းဆုံးအချိန်ဖြစ်တဲ့ မုဆိုးရွှေအိုးရကိန်း အချိန်ဖြစ်တဲ့ ညနေ၃း၀၀မှ ၆း၀၀အတွင်းနဲ့ ပုဏ္ဏား နတ်သမီး ရကိန်းအချိန်ဖြစ်တဲ့ မနက် ၁၀း၄၉မှ ၁း၁၂အတွင်း နဲ့ တနင်္ဂနွေနေ့ အကောင်းဆုံးအချိန်ဖြစ်တဲ့ မုဆိုးရွှေအိုးရကိန်း အချိန်ဖြစ်တဲ့ ၁၀း၄၉မှ ၁း၁၂အတွင်း ပုဏ္ဏား နတ်သမီး ရကိန်းအချိန်ဖြစ်တဲ့ မနက်၆း၁၀မှ ၈း၂၄ထို အချိန်တွေမှာ အရေးကြီးသော အလုပ်ကိစ္စ အကြောင်းအရာ ကိစ္စအဝဝ ပြုလုပ်ပြောဆိုရာမှာ သော်လည်းကောင်း ခရီးကိစ္စတွေ သွားလာတာမျိုးတွေမှာ သော်လည်းကောင်း ထိုအချိန်တွေမှာ ပြုလုပ်ပြောဆို လုပ်ကိုင်ဆောင်ရွက်ခြင်းဖြင့် အောင်မြင်မှုတွေ ရရှိစေပါမည်။
ဘဝတစ်သက်တာမှာ ဘုမ္မိအရပ်က တောင်အရပ်ဖြစ်ပါတယ်။ ထိုအရပ်မှာ စီးပွားရှာတာ ခရီးထွက်တာ အိမ်ဆောက်တာ အိမ်မျက်နှာလှည့်ပြီး ဆောက်လုပ်တာ လှေကားထားတာ အထူးရှောင်ပါ။
ဘဝတစ်သက်တာအတွက် အကျိုးပေး ရတနာ။ ။ပတ္တမြား ဥဿဖရား ကျောက်တို့က မိမိတို့ရဲ့ အကျိုးပေး ရတနာတွေပဲ ဖြစ်ပါတယ်။
ယတြာ။ ။ ။ဒီနှစ် တစ်နှစ်လုံးမှာ မိမိတို့အနေနဲ့ ကံဇာတာပွင့်လန်းစေရန် ကံကောင်းမှုတွေ ရရှိစေရန် ပြုလုပ်ရမည့် ကောင်းမှုကံ ယတြာ အင်္ဂါနေ့မနက် (၉း၄၅) တွင် စပါယ်၃ကုံး အုန်း၁ညွန့် သြဇာသီး အာရုံဆွမ်း အုန်းသီးစိပ်ကို မိမိအိမ်ဘုရားတွင်လှူပါ။ တစ်ပတ်တခါလှူပြီး မိမိလိုရာဆုတောင်းပါ။
အညံ့ပပျောက်ရန် ။ ။ ဒီနှစ် တစ်နှစ်လုံးမှာ မိမိတို့အနေနဲ့ ကံအညံ့တွေ ပပျောက်စေရန်အတွက် မည်သည့်နေ့ မဆို ကိတ်မုန့်ဆွမ်းလောင်းပြီး ငါ့မှာရှိတဲ့မကောင်းတဲ့ အညံ့အားလုံးပါသွားစေဟုပြောပြီး လောင်းပါ။ တစ်လတခါ နှစ်ခါ လောင်းပါ ဘာသာရေးအထူးပြုလုပ်ပေးပါ၊ ပုတီးစိပ်ပါ။