၂၀၂၆ ခုနှစ် တနင်္ဂနွေ သားသမီးများအတွက် ကံကြမ္မာ အဟော

မိမိတို့အသက်အပိုင်းအခြား။ ။ ၁၃၊ ၂၁၊ ၂၉၊ ၃၇၊ ၄၅၊ ၅၃၊ ၆၁၊ ၆၉၊ ၇၇၊ ၈၅။ ထိုနှစ်တွေမှာ ကြုံတွေ့ရမယ့် ကံကြမ္မာ အစိတ်အပိုင်းများ။
စီးပွားရေး အလုပ်အကိုင်။ ။ ယခုနှစ်မှာ တနင်္ဂနွေ သားသမီးတွေရဲ့ စီးပွားရေးအလုပ်အကိုင်နှင့် ပတ်သတ်ပြီး ယခုအချိန်ခါမှာ လုပ်ငန်းသစ်ပေါ်မယ်။ အလုပ်အိမ်နေရာ အပြောင်းအလဲတွေ ဖြစ်စေတတ်ပါတယ်။ လုပ်ငန်းသစ် စလုပ်မည်ဆိုလည်း အကျိုးပေးစေမည်။ တချို့လတွေမှာတော့ အခက်အခဲတွေ၊ အဆင်မပြေမှုတွေနဲ့ ကြုံတွေ့နေရတတ်တယ်။ အလုပ်အကိုင်လေးတွေလွဲချော်တာ၊ ထစ်ငေါ့နေတာတွေ၊ ငွေကုန်စရာတွေ များနေပါလိမ့်မယ်။ ငွေဝင်သလောက် ပြန်ထွက်နေတတ်ပါတယ်။ အရောင်းအဝယ်သမားတွေ လက်ထဲငွေမမြဲပါ။ သိုလှောင်ထားတာတွေ အရှုံးပေါ်တတ်တယ်။ လောဘကြီးလို့ မရပဲ အရင်းအနှီးနည်းနည်းသာ ပြုလုပ်သင့်တဲ့ နှစ်ဖြစ်တယ်။ လုပ်ငန်းပိုင်းတွေမှာ ယှဉ်ပြိုင်မှုတွေ များနေမည်။ အိုးအိမ်သစ် နေရာသစ် ရောက်တတ်ပါတယ်။ ခရီးသွားရတတ်ပါတယ်။ မိတ်ဆွေကောင်းတွေရမယ်။ ဆရာကောင်းသမားကောင်း တွေ့စေတတ်ပါတယ်။ အကြီးအကဲ အထက်လူကြီးပိုင်းတွေ အကူအညီကို ရစေတတ်ပါတယ်။ ဝန်ထမ်းဆို ရာထူးလစာတွေ တိုးလာစေတတ်ပါတယ်။ အပြောင်းအရွှေ့တွေလည်း ကြုံလာတတ်ပါတယ်။ လုပ်ငန်းပိုင်းတွေမှာတော့ အတိုက်အခံလေးတွေများမယ်။ အဆင်မပြေမှုတွေတော့ တခုပြီးတခုကြုံနေတတ်ပါတယ်။ ဒါပေမယ့် မိမိရဲ့ကံဇာတာ အပြောင်းအလဲလေးကတော့ လစဉ်နဲ့အပြောင်းအလဲတွေ ဖြစ်လာတတ်ပါတယ်။ အဆိုးလ အကောင်းလတွေနဲ့ ဒွန်တွဲနေတတ်ပါတယ်။ အလုပ်အကိုင်တွေ ကံဉာဏ် ဝီရိယအားစိုက်ထုတ်ကြိုးစားရန်လိုနေပါမည်။ စပ်တူရှယ်ယာလုပ်ငန်း အရေးကြီးသော ကိစ္စတွေ ပြောဆို တိုင်ပင်တဲ့နေရာမှာ တနင်္ဂနွေနေ့ သောကြာနေ့ သားသမီးတွေနဲ့ ပြုလုပ်ပြောဆို တိုင်ပင်ခြင်းဖြင့် အစစအရာရာ အဆင်ပြေစေနိုင်ပါလိမ့်မည်။
မြေ၊ အမွေ ပရိဘောဂပစ္စည်းဝင်မယ်။ အသိပညာသစ်ရမယ်၊ သင်တန်း၊ စာမေးပွဲကိစ္စတွေ အောင်မြင်မယ်။ ခရီးကိစ္စတွေပေါ်လာမယ်။ ဖြတ်လမ်းစီးပွားရေး ရှောင်ပါ။ လုပ်ငန်းသစ်တွေပေါ်လာမယ်။ အပြောင်းအရွှေ့တွေ ကြုံတွေ့ရတတ်ပါတယ်။ အရောင်းအဝယ်သမားတွေ အမြတ်အားနည်းနေမယ်။ အရောင်းအဝယ်လုပ်ပါက တနင်္ဂနွေနံ သောကြာနံ ကြာသပတေးနံ လုပ်ငန်းတွေနဲ့ ပြုလုပ်ပါ ပွဲရုံပွဲစား ပညာရေး မွေးမြူရေး မုန့်လုပ်ငန်း ပဲလုပ်ငန်း အွန်လိုင်းရှော့ ဥယျာဉ်ခြံလုပ်ငန်း အအေးဆိုင် ဟော်တယ်နဲ့ ခရီးသွားလုပ်ငန်း သံထည် အမိုးအကာလုပ်ငန်းတွေ အကျိုးပြုစေမည်။ လူသုံးကုန်ပစ္စည်းတွေနဲ့ တွဲလုပ်ပါ။ ယခုလက်ရှိအလုပ်မှာ လုပ်ငန်းသစ် စလုပ်ရင်လည်း ငွေအရင်းအနှီး အနည်းငယ်နဲ့ စလုပ်ပါ။ ဝန်ထမ်းဆို ကိုယ်ပိုင်လုပ်ငန်းတွေနဲ့ တပိုင်တနိုင်ပြုလုပ်ပါက ပိုပြီး စီးပွားဖြစ်မြန်နေမည်။ ကိုယ်ပိုင်အလုပ်က ပိုအကျိုးဖြစ်စေပါလိမ့်မည်။ ဒီနှစ်ပိုင်းမှာ ခိုးကိန်း မီးကိန်းပေါ်မယ်။ စက်ပစ္စည်းအပျက်ပေါ်မယ် အကျိုးမပေးဘူး။ လူမှုရေး အတိုက်အခံတွေ ပြိုင်ဆိုင်မှုတွေ များစေတတ် အထူးသတိပြုရန်လိုပါမည်။ ဘာပဲလုပ်လုပ် နှုတ်ဆိတ်နေရန် အရေးကြီးနေမည်။ မိမိအိမ်ကို သက်ကြီးရွယ်အိုတွေ ညအိပ်ညနေ လက်မခံပါနှင့် မိမိအိမ်မှာ ဒုက္ခရောက်စေတတ်တယ်။ အရက်ပုလင်းတွေ အဝင်မခံပါနှင့် လာဘ်ပိတ်စေတတ်ပါတယ်။ စီးပွားရေးနဲ့အတူ ဘာသာရေး ကုသိုလ်ရေး ယှဉ်တွဲလုပ်ပါ ကောင်းမှုတခု နေ့စဉ်ပြုပါ။ ဒါနကောင်းမှုတွေလုပ်ပါ စိတ်ကိုအေးချမ်းစွာထားပြီး လုပ်ငန်းစီးပွားရှာပါ။ ရန်လိုမှု ပြိုင်ဆိုင်မှု မနာလိုမှုတွေနဲ့ ကြုံတွေ့ရတတ်ပါတယ်။ ကြုံလာရင်လည်း ကိုယ်လုပ်ရမှာကိုပဲ ဆက်လုပ်ပါ စိတ်အေးအေးထာပြီးလုပ်ပါ။ ကံဉာဏ် ဝီရိယအား စိုက်ထုတ်ကြိုးစားရန် လိုအပ်စေတတ်ပါတယ်။
ငွေကြေး။ ။ငွေကြေးကံအနေနှင့် ငွေအထွက်များနေမယ်။ ငွေရှာရခက်ခဲစေမယ် ငွေက ရလွယ် ကုန်လွယ် ဖြစ်နေတတ်ပါတယ်။ ငွေကုန်စရာတွေလည်း ပေါ်လာတတ်ပါတယ်။ ငွေအဝင်အထွက်တွေ များနေတတ်ပါတယ်။ ငွေနဲ့ရင်းတဲ့အလုပ်တွေ မလုပ်သင့်သေး ငွေကအဖက်ဖက်က ရှာနိုင် ငွေဝင်လမ်းတွေ ရှိနေမှ အဆင်ပြေစေမည်။ ငွေစုပါ ငွေဝင်လာရင် လုပ်ငန်းတိုးချဲ့ပါ ဒါနကောင်းမှုပြုပါ ငွေကိုချွေတာပြီး သုံးရန် လိုစေတတ် ငွေချေးတာ အာမခံတာ အထူးရှောင်ပါ ငွေလူလိမ်ခံရတတ်ပါတယ် ဖြတ်လမ်းစီးပွားရေးတွေ နှစ်ကုန်ပိုင်းမှ ငွေအားကောင်းလာစေမည် ငွေကံကောင်းစေရန် ဖန်ခွက်၂ခွက်ထဲကို တစ်ခွက်ကဆန်ကိုထည့် ဆန်ထဲ ပိုက်ဆံ တစ်ထောင် သို့ တစ်သောင်း ကန်တော့ချိုးပြီးထည့် နောက်တစ်ခွက်ကို ဆားထည့်ပါ။ ဆားပေါ်ဆီမီးခွက်ခံပြီး မီးထွန်း လာဘ်ပွင့်ဂါထာ မနက်ည ၁၀ခေါက်ရွတ်ပါ။ မနက်တိုင်းရွတ် ငွေများလာရင် ထိုငွေကို လှူပါ ခိုစာ ခွေးစာ ငှက်စာကျွေးပါ။
လူမှုရေး။ ။ လူမှုရေး အနည်းငယ် ပြဿနာလေးတွေ ရှိနေတတ်ပါတယ်။ အတိုက်အခံ အခြေအတင်လေးတွေ စကားပြောရတတ်ပါတယ်။ သူတပါး မကောင်းပြောဆိုတာ စွတ်စွဲတာတွေ ခံရတတ်ပါတယ်။ လူယုံထားလို့မရပါ အမျိုးသမီးတစ်ဦးနဲ့လည်း စကားများရတာတွေ ဖြစ်ပေါ်လာတတ်ပါတယ်။ အားနာမှုကြောင့် ဒုက္ခရောက်စေတတ်ပါတယ်။ လက်အောက်ငယ်သား မိမိညီအကို မောင်နှမတွေကြောင့်လည်း စကားအခြေအတင် ပြောရစေတတ်ပါတယ်။ အောက်လူဒုက္ခပေးစေတတ်တယ်။ ကိုယ့်ကိုကိုယ်ပဲ အားကိုးပါ သူတပါးအားမကိုးပါနှင့် စိတ်လိုက်မာန်ပါ ပြုမူပြောဆိုတာတွေ ရှောင်ပါ။ အစိုးရနဲ့ ပတ်သက်တဲ့ အမှုအခင်း ပြဿနာလေးတွေ ဖြစ်လာတတ်ပါတယ်။ အမှုမဖြစ်အောင်နေပါ ဖြစ်လျှင် အရှုံးများစေတတ်ပါတယ်။ စေတနာကောင်း စိတ်ကောင်းထားပါ။ ဘာသာရေး ပိုလုပ်ပါ သူများပြဿနာ ဝင်ဖြေရှင်းတာတွေ မပြုလုပ်ရ စေတနာအမှား ဖြစ်တတ်သောကြောင့် သတိထားရှောင်ပါ။ အင်္ဂါနံပါတဲ့နေ့သားတွေ စနေနံပါတဲ့နေ့သားတွေနဲ့ စကားပြောဆိုတာ သတိထားပါလူမျိုးခြားနဲ့ ပြဿနာတွေလည်း ပေါ်လာတတ်တယ်။ စိတ်ကိုအေးအေးထားပြီး ဖြေရှင်းပါ။ စာကလေးတွေ မကြာမကြာလွှတ် အမြဲလို ခြေသုတ်ဝတ် လက်သုတ်ဝတ်လှူပြီး ဆုတောင်း အန္တရယ်ကင်းဂါထာတွေ နေ့စဉ်ရွတ်ပြီး ဆုတောင်း။
ကျန်းမာရေး ။ ။ ဒီနှစ်ပိုင်းတွေမှာ ကျန်းမာရေးနဲ့ ပတ်သက်ပြီး ချူချာနေမည်။ တစ်ခုပြီး တစ်ခု ဖြစ်စေတတ်တယ်။ ကျန်းမာရေးမှာဆိုရင် အစာအိမ်လေအောင့်တာ မျက်စိ အားနည်းတာ ဆီးရောဂါ အကြောတက်တာ ခြေလက် ထိခိုက်ဒါဏ်ရာ ရတတ်သည်။ စက်ပစ္စည်းနဲ့ပတ်သက်ပြီး ထိခိုက်မှုဖြစ်တတ်သည်။ သတိရှိပါ။ မီး လျှပ်စစ်မီး ကိုင်တွယ်တာတွေ သတိရှိပါ။ ဦးခေါင်းမကြည်တာ ညောင်းညာကိုက်ခဲတာ နှလုံးအားနည်းပြီး ရင်တုန်တာ မူးမောတာ ချောင်းဆိုး ရင်ကျပ်တာ ရာသီအကူးအပြောင်း ဖျားနာတာတွေ ဖြစ်ပေါ်နေတတ်ပါတယ်။ ဖြစ်ပြီးသားရောဂါ ပြန်ဖြစ်လာတာမျိုးလည်း ကြုံရတတ်ပါတယ်။ အကုန်ဖြစ်မယ်လို့တော့ မဆိုလိုပေ တခုမဟုတ်တခု ဖြစ်ပေါ်လာတတ်ပါတယ်။ သတိထားရန်တော့ လိုစေတတ် ငါးလွှတ်ပါ ငှက်လွှတ်ပြီးဆုတောင်းပါ ဘာသာရေးပိုလုပ်ပါ။
အိမ်ထောင်ရေး ။ ။ ယခုနှစ် အိမ်ထောင်ရေးမှာဆိုရင် ပြဿနာလေးတွေ ရှိနေမယ်။ အနှာက်အယှက် အဖျက်အစီးတွေ ပေါများနေမယ်။ မိသားစု ညီအကိုမောင်နှမ အတွက်သော်လည်းကောင်း သားသမီးရှိက သားသမီး ကြောင့်စိတ်ညစ်ရတတ်သည်။ တစ်ယောက်နှင့်တစ်ယောက် စိတ်တိုင်းမကျတာ နားလည်မှုတွေလွဲနေတာ အလိုမကျတာတွေ ဖြစ်ပေါ်နေပါမယ်။ အိမ်ထောင်ရေးမှာ ရန်ပေါ်နေတာမျိုးတွေ ရှိနေတတ်တယ်။ အပျော်အပါး အသောက်အစားရှောင်ပါ။ အိမ်ထောင်ရေးဖောက်ပြန်မှုတွေ ရှိပါက နာမည်ဂုဏ်သိက္ခာ ကျဆင်းစေတတ်တယ်။ ထိုအရာတွေ အထူးရှောင်ရန်လိုအပ်ပါမည်။
ထိုသို့ပြုလုပ်မိပါက မမျှော်လင့်ထားတဲ့ ပြဿနာတွေဖြစ်လာတတ်ပါတယ်။ စီးပွားပျက်တတ်တယ်။ ဂုဏ်သိက္ခာ ကျဆင်းတတ်သောကြောင့် သတိထားဆင်ခြင်ရန်လိုအပ်ပါမည်။ အိမ်ထောင်ရေးမှာ ဆိုးတူကောင်းဖက်တိုင်ပင်ပြီး လက်တွဲမှသာ အဆင်ပြေစေတတ်ပါတယ်။ ကုသိုလ်ရေးအတူလုပ် ဘာသာရေး အတူလုပ် စီးပွားရေး တိုင်ပင်ပြီး လက်တွဲပါ။ အပျော်အပါး အသောက်အစားတွေ ရှောင်ပါ အဆင်ပြေလာပါလိမ့်မည်။
အချစ်ရေး ။ ။ ယခုနှစ်အတွင်း အချစ်ရေး ကံအနေနဲ့က စမ်း အတက်အကျနဲ့ ရှိနေမယ်။ ငယ်ရွယ်သူတွေ အချစ်ရေး အဖျက်တွေ ဝင်လာတတ်ပါတယ်။ အထင်နဲ့အမြင်လွဲမှားနေမယ်။ အဆင်ပြေမှုအားနည်း စေတတ်ပါတယ်။ အလိမ်အညာခံရတတ်တယ်။ ဘဝပေးရတတ်တယ်။ ငယ်ရွယ်သူတွေ သတိထားသင့်ပါတယ်။ လက်ရှိချစ်သူ ရှိနေသူတွေကတော့ အချစ်ရေး ဂတောက်ဂဆတွေ၊ အချစ်ရေး ပြဿနာတွေ အနည်းငယ်ရှိနေတတ်ပါတယ်။ မကြာခဏ စိတ်ဆိုးစိတ်ကောက် စကားများနေရတာတွေ ရှိနေတတ်ပါတယ်။ ရန်ဖြစ်လိုက် ပြန်ချစ်လိုက်ရှိနေမယ်။ တခါတရံ သဝန်တို စိတ်မချတာ အထင်အမြင်လွဲမှားတာတွေ နားလည်မှုလွဲမှားတာတွေ ရှိနေတတ်ပါတယ်။ စိတ်တိုင်းမကျ အလိုမကျတာတွေလည်း ရှိနေတတ်ပါတယ်။ သံယောဇဉ်တော့ မပြတ်ပါ။ ဇာတာရှင်သည် အချစ်ရေးနှင့်ပတ်သက်ပြီး မကြာခဏတော့ ပြဿနာလေးတွေရှိနေပေမယ့် ရန်ဖြစ်လိုက် ပြန်ချစ်လိုက်ရှိနေတတ်ပါတယ်။ ယခုနှစ် တွင်အိမ်ထောင်ကျကိန်း ရှိနေပါတယ်။ ယူမယ်ဆို ယူလို့ရပါတယ်။ ချစ်သူနှစ်ဦးကြားမှာ အဖျက်အဆီးတွေ ဝင်လာစေတတ်ပါတယ်။ အချစ်ရေး ဇယားရှုပ်တာ အပျော်အပါး လိုက်စားပါက မတည်မြဲနိုင်ပါ။ အချစ်ရေးကံကောင်းစေရန် မေတ္တာများပို့ မေတ္တာသုတ်ရွတ် ငှက်စာ ငါးစာအတူကျွေး ပြီးဆုတောင်းပါ။
ပညာရေး ။ ။ ယခုနှစ်မှာပညာရေးနှင့် ပတ်သက်ပြီး ခက်ခဲမှုတွေ ရှိနေမယ်။ ခက်ခက် ခဲခဲကြိုးစား ရတတ်တယ်။ တွေဝေနေတာမျိုးတွေလည်း ရှိနေတတ်ပါတယ်။ သင်တန်းတက်ရကိန်းတွေလည်း ပေါ်လာတတ်ပါတယ်။ မိမိအတွက် အကျိုးပြုစေတတ်ပါတယ်။ ပညာရေးကို ရပ်တန့်မနေသင့်ပါ။ ပညာတတ်လေ ဘဝလမ်းခရီး အောင်မြင်လေဖြစ်ပါမယ်။ ပညာဖြင့် အသက်မွေးဝမ်းကြောင်း ပြုရင်လည်း အကျိုးပေးပါမည်။ ပညာရေးကို ဝီရိယ အားစိုက်ထုတ်ကြိုးစားပါ။ အောင်မြင်တိုးတက်လာပါလိမ့်မည်။ ပညာရေးကို အဖျက်တွေ ဝင်လာစေတတ်ပါတယ်။ အချစ်ရေးကြောင့် ပညာရေး ထိခိုက်တတ်သလို အပေါင်းအသင်းမှားတာ အပျော်အပါး မက်မှုတွေကြောင့် ပညာရေး ထိခိုက်တတ်စေတယ် ပညာရေးနှင့် ပတ်သက်ပြီး ကံ ဉာဏ် ဝီရိယ အားစိုက်ထုတ်ရမယ့် သူမျိုးဖြစ်တယ် အတန်းပညာပြီးဆုံးရင်လည်း အတတ်ပညာ ဘာသာစကားဆိုင်ရာ ကွန်ပျူတာနဲ့ဆိုင်တဲ့ ပညာမျိုးတွေ လေ့လာပါ သင်ယူပါ ဘဝအတွက် အထောက်အကူဖြစ်စေလိမ့်မည်။
ဒီနှစ်အတွင်း အကျိုးပေးဂဏန်းအနေနဲ့။ ။ ၅၊၇၊ ၄ ထိုဂဏန်းတွေက တစ်နှစ်ပတ်လုံး အကျိုးပြုစေပြီး ထီထိုးတာမျိုး တစ်ခြားသောကိစ္စတွေမှာ အသုူံးပြုခြင်းဖြင့် ကံကောင်းစေပါလိမ့်မည်။
အကျိုးပေးအရောင် ။ ။ ဒီနှစ်အတွင်းမှာ ကံဇာတာတွေပွင့်ပြီး အကျိုးပေးအရောင်အနေနဲ့က အနီရောင်၊ အဝါရောင် အပြာရောင် ခဲရောင်တွေဖြစ်ပါတယ်။ အရေးကြီးသော စကား အရေးကြီးသော လုပ်ငန်းကိစ္စတွေ ခရီးကိစ္စတွေ အကြောင်းအရာတွေမှာ ဝတ်ဆင်ပြီး ပြုလုပ်ပြောဆို ဆောင်ရွက်ခြင်းဖြင့် ကံပွင့်စေမည်။
ရှောင်ရန် ။ ။ ဒီတစ်နှစ်ပတ်လုံး အမဲ ဝက်သား နို့ဆီ ၊ ထန်းလျှက် အရက် သောက်စားခြင်း နီညိုရောင် အနက်ရောင် ရှောင်ပါ။ ထိုအရာတွေ ဝတ်ဆင် စားသောက်ခြင်း အထူးရှောင်ရပါမည်။
**ဒီနှစ်အတွက် မိမိတို့အနေနဲ့ အရေးကြီးသော အကြောင်းကိစ္စ အဝဝ ပြုလုပ်ပြောဆိုရာမှာ** အောင်မြင်ဖို့အတွက် အကောင်းဆုံး အကျိုးပေးနေ့တွေမှာ တနင်္ဂနွေနေ့နဲ့ သောကြာနေ့ နေ့တွေဖြစ်ပါတယ်။ ထိုနေ့အတွင်းမှာ အကောင်းဆုံးအချိန်ဖြစ်တဲ့ မုဆိုးရွှေအိုးရကိန်း အချိန်ဖြစ်တဲ့ နေ့လည် ၁း၁၃မှ ၃း၃၆အတွင်းနဲ့ ပုဏ္ဏား နတ်သမီး ရကိန်းအချိန်ဖြစ်တဲ့ တနင်္ဂနွေနေ့နဲ့ သောကြာနေ့ မနက် ၆း၁၀ နာရီ မှ ၈း၂၄ ထိုအချိန်တွေမှာ အရေးကြီးသော အလုပ်ကိစ္စ အကြောင်းအရာ ကိစ္စအဝဝ ပြုလုပ်ပြောဆိုရာမှာ သော်လည်းကောင်း ခရီးကိစ္စတွေ သွားလာတာ မျိုးတွေမှာ သော်လည်းကောင်း ထိုအချိန်တွေမှာ ပြုလုပ်ပြောဆို လုပ်ကိုင်ဆောင်ရွက်ခြင်းဖြင့် အောင်မြင်မှုတွေ ရရှိစေပါမည်။
ဘဝတစ်သက်တာမှာ ဘုမ္မိအရပ်က တောင်အရပ်ဖြစ်ပါတယ်။ ထိုအရပ်မှာ စီးပွားရှာတာ ခရီးထွက်တာ အိမ်ဆောက်တာ အိမ်မျက်နှာလှည့်ပြီး ဆောက်လုပ်တာ လှေကားထားတာ အထူးရှောင်ပါ။
ဘဝတစ်သက်တာအတွက် အကျိုးပေး ရတနာ။ ။ပတ္တမြား ဥဿဖရား ကျောက်တို့က မိမိတို့ရဲ့ အကျိုးပေး ရတနာတွေပဲ ဖြစ်ပါတယ်။
ယတြာ ။ ။ ဒီနှစ် တစ်နှစ်လုံးမှာ မိမိတို့အနေနဲ့ ကံဇာတာပွင့်လန်းစေရန် ကံကောင်းမှုတွေ ရရှိစေရန် ပြုလုပ်ရမည့် ကောင်းမှုကံ ယတြာ တနင်္ဂနွေနေ့မနက် ( ၉း၄၅ ) တွင် အုန်း၆ညွန့် အာရုံဆွမ်း သစ်သီးဆွမ်းကို မိမိအိမ်ဘုရားတွင်လှူပါ။ တစ်ပတ်တခါလှူပြီး မိမိလိုရာဆုတောင်းပါ။ ထီးနီအကြီး၁လက် စနေထောင့်မှာ တစ်လတစ်ခါလှူပြီး ဆုတောင်း ကံကောင်းမှုတွေ ရရှိစေမည်။
အညံ့ပပျောက်ရန် ။ ။ ဒီနှစ်အတွင်းမှာ မိမိတို့ ခက်ခဲမှု အဆင်မပြေမှုတွေ လွတ်မြောက်စေရန်အတွက် မည်သည့်နေ့ညနေပိုင်းတွင် မဆို နို့ဆီ ၃ဗူး ဘုန်းကြီးကျောင်းကို ပို့ပေးပြီး ငါ့မှာရှိတဲ့မကောင်းတဲ့ အညံ့အားလုံးပါသွားစေဟုပြောပြီး ပို့ပါ။ တစ်လတစ်ခါပို့ပါ ဘာသာရေး အထူးပြုလုပ်ပေးပါ၊ ပုတီးစိပ်ပါ ကံအညံ့တွေ ပျောက်စေမည်။