၂၀၂၆ ခုနှစ် တနင်္ဂနွေ သားသမီးများအတွက် ကံကြမ္မာ အဟော

မိမိတို့အသက်အပိုင်းအခြား။ ။ ၁၅၊ ၂၃၊ ၃၁၊ ၃၉၊ ၄၇၊ ၅၅၊ ၆၃၊ ၇၁၊ ၇၉၊ ၈၇။ ထိုနှစ်ပိုင်းတွေမှာ ကြုံတွေ့ရမယ့် မိမိတို့ရဲ့ ကံဇာတာ အစိတ်အပိုင်းများ။
စီးပွားရေး အလုပ်အကိုင်။ ။ ယခုနှစ်အတွင်း တနင်္ဂနွေသားသမီးတွေရဲ့ စီးပွားရေး အလုပ်အကိုင်တွေမှာဆိုရင် လုပ်ငန်းသစ် အလုပ်ကိုင်သစ်များ တိုးချဲ့လုပ်ကိုင်ရကိန်းရှိသည်။ အကြံအစည်သစ်တွေပေါ်မယ်။ လုပ်ငန်းပိုင်းတိုးချဲ့ရမယ်။ ထိုသို့လုပ်ကိုင်နေစဉ် ကာလအတွင်း လုပ်ငန်းထဲတွင် အပြိုင်အဆိုင် အတိုက်အခံပေါ်တတ်သည်။ စိုးရိမ်စရာမရှိပါ အတိုက်အခံများကြားတွင် အောင်မြင်နေမည်။ ခက်ခဲထစ်ငေါ့မှုတွေ ကြုံတွေ့ပြီးမှ အဆင်ပြေမည် အရာရာအလွယ်တစ်ကူ မဖြစ်စေပါ။ သမာအာဇီဝကျကျနဲ့ ပြုလုပ်ပါ ကိုယ်ကျင့်တရား ထိန်းပြီး လုပ်ငန်းစီးပွား ပြုလုပ်ပါ။ ကိုယ်ကျင့်တရား ပျက်စီးပါက မိမိဒုက္ခကြီးစွာ ရောက်စေတတ်တယ်။ အလုပ်နှင့်ပတ်သက်ပြီး ခရီးသွားရတတ်သည်။ သွားလျှင်ကောင်းသည် အဆက်အသွယ် ကောင်းများရရှိခြင်း လုပ်ငန်းနေရာ တိုးချဲ့ရခြင်းများကြုံမည်။ နိုင်ငံရပ်ခြားနှင့်ပတ်သက်သော ကိစ္စများအဆင်ပြေမည်။ အထူးသဖြင့် ရေကြောင်းခရီးနှင့် ပတ်သက်သော ကိစ္စများအဆင်ပြေမည်။ လုပ်ချင်တာကို ရဲရဲသာလုပ်ပါ။ အောင်မြင်ဖို့ အနေအထား ကောင်းတွေဖြစ်လာ စေမည်။ ဝန်ထမ်းများ အလုပ် အိမ်နေရာ ပြောင်းရွှေ့ရတတ်သည်။ ရာထူးလစာတွေ တိုးတက်လာစေမည် လုပ်ငန်းသစ် စတင်ပြီးလုပ်မည်ဆိုပါက လည်းအောင်မြင်နိုင်ပါတယ်။ အကျိုးပေးပါမယ်။ စပ်တူရှယ်ယာလုပ်ငန်း အရေးကြီးသော ကိစ္စတွေ ပြောဆို တိုင်ပင်တဲ့နေရာမှာ တနင်္လာနေ့ ဗုဒ္ဓဟူးနေ့ သားသမီးတွေနဲ့ ပြုလုပ်ပြောဆို တိုင်ပင်ခြင်းဖြင့် အစစအရာရာ အဆင်ပြေစေနိုင်ပါလိမ့်မည်။
ရွှေဝင်မယ် ရေတွင်းရေကန်တူးရတတ်တယ်။ အိမ်ထောင်သယ်တွေ သားသမီး ရတနာ ရစေတတ်တယ်။ မင်္ဂလာပြုရတာ အလှူဒါနပြုရတာတွေ ရှိလာတတ်ပါတယ်။ ခြံ ကား ကျောက် ခြေနှစ်ချောင်းဝင်မယ် အကြီးအကဲ အထက်လူကြီးပိုင်းတွေရဲ့ ကူညီမစမှုကို ရရှိစေတတ်ပါတယ်။ အိမ်ပြင် အိမ်ပြောင်းအလုပ်ပြောင်း ပြုရတတ်ပါတယ်။ မိမိအိမ်သို့ ဘာသာရေးဆိုင်ရာပစ္စည်းတွေ အဆောင်လို လက်ဖွဲ့လို ရောက်လာခဲ့ရင် ကောင်းမည်။ တစ်စုံတစ်ဦး ကလေးမွေးသော အသံကြားပါက ထီထိုးတာတွေ ပြုလုပ်ပါ။ ရုတ်တစ်ရက် စီးပွားတက်စေမည်။ ယခုနှစ် စီးပွားရေး လုပ်မည်ဆိုပါက ရွှေလုပ်ငန်း ရေ ဝပ်ရှော့ လျှပ်စစ်ပစ္စည်း အရောင်းအဝယ် လ္ဘက်ရည်ဆိုင် ကား ကျောက် ကုန်ရောင်းကုန်ဝယ် ကုန်စုံဆိုင် ငါး အိမ်ခြံ မြေ အရောင်းအဝယ်လုပ်ငန်းတွေ လုပ်ကိုင်ပါကအဆင်ပြေမည်။ မြေဝင်ကိန်းလည်းရှိသည်။ သွပ်သံသစ် ရောင်းဝယ်ရေးလုပ်ငန်းများ၊ ဟိုတယ်နှင့် ခရီးသွားလာရေးလုပ်ငန်းများ အဆင်ပြေမည်။ စပ်တူလုပ်ငန်း ရှယ်ရာလုပ်ငန်းများ ပြုလုပ်လို့ရစေမည်
ယခုနှစ်တွင် အလုပ်တွေ အနည်းငယ် ပြန်လည်ကောင်းမွန်လာပါမည်။ လုပ်ငန်းစတင်လုပ်ကိုင်မည့်သူများ မိမိလုပ်ငန်း အဆင်ပြေမည့် အချိန်ကာလဖြစ်သည်။ ကိုယ်ပိုင်လုပ်ငန်းတွေ တပိုင်တနိုင်လုပ်ငန်းတွေ လုပ်ပါ။ ကိုယ်ပိုင်လုပ်ငန်းကသာ စီးပွားဖြစ်မြန်ပြီး ချမ်းသာလွယ်မယ်။ မြောက်အရပ် အရှေ့တောင်အရပ် ယခုနှစ်မှာ စီးပွားမရှာသင့် ရှောင်ရပါမည်။ ပစ္စည်းပျောက်တတ်တယ်။ ခိုးကိန်း မီးကိန်း ပေါ်စေတတ်တယ် သတိထားပါ။ စီးပွားရေးနဲ့အတူ ဘာသာရေး ကုသိုလ်ရေး ယှဉ်တွဲလုပ်ပါ ကောင်းမှုတခု နေ့စဉ်ပြုပါ။ ခိုစာ ခွေးစာ ငှက်စာကျွေးပါ လပြည့်လကွယ် သက်သတ်လွတ်စား ဘုရာခန်း နေအိမ်အမြဲသန့်ရှင်းအောင်ထားပါ။ ကံတရားရဲ့ထောက်အပံ့ကောင်းတွေ ရရှိလာမှာဖြစ်ပါတယ်။
ငွေကြေး။ ။ငွေကြေးကံအနေနှင့် ငွေ ရှာရလွယ်နေတတ်ပါတယ်။ ငွေဝင်လမ်းတွေ ပေါ်လာမယ်။ ခက်ခဲနေမှုတွေ ပြန်လည် အဆင်ပြေလာမယ်။ လာဘ်ဝင်လာမယ် သို့သော် ငွေက အဝင်လည်းရှိသလို ငွေကုန်စရာတွေလည်း ပေါ်လာတတ်ပါတယ်။ ငွေကအကြောင်းအမျိုးမျိုးနဲ့ ကုန်စရာတွေ ပေါ်လာစေမယ်။ ငွေစုပါ ငွေဝင်လာရင် ရွှေစုပါ လုပ်ငန်းတိုးချဲ့ပါ။ ဒါနကောင်းမှုပြုပါ ငွေကိုချွေတာပြီး သုံးပါ ငွေချေးတာ အာမခံတာ အထူးရှောင်ပါ။ ငွေလူလိမ်ခံရတတ်ပါတယ်။ ငွေကြေးက မမြဲတတ်သောကြောင့် ဖြတ်လမ်းစီးပွားရေးတွေ ရှောင်ပါ။ ထီကံကောင်းမယ် ထီပေါက်ကိန်း ရှိပါတယ်။ အကျိုးပေးဂဏန်း ၂ ၁ ၄ဖြစ်ပါတယ်။ ငွေကံကောင်းစေရန် လာဘ်နှိုးဂါထာ ဒိဝါတပတိဂါထာကို မနက်ည ၁၀ခေါက်ရွတ်ပါ ခိုစာ ခွေးစာ ငှက်စာကျွေးပါ။
လူမှုရေး။ ။ လူမှုရေး အနည်းငယ် ပြဿနာလေးတွေ ရှိနေတတ်ပါတယ်။ အတိုက်အခံအခြေအတင်လေးတွေ စကားပြောရတတ်ပါတယ်။ လူမျိုးခြား ဘာသားခြားတွေနဲ့ အဆင်မပြေမှုတွေ ရှိနေတတ်ပါတယ်။ လူယုံထားလို့မရပါ သူတစ်ပါးရန်ညှိုးထားတတ်ပါတယ်။ မြေကိစ္စ အမွေကိစ္စ မိသားစု ကိစ္စကြောင့် အတိုက်အခံ စကားပြောရတာ ပေါ်လာတတ်တယ်။ အမျိုးသမီးတစ်ဦးနဲ့လည်း စကားများရတာတွေ ဖြစ်ပေါ်လာတတ်ပါတယ်။ အားနာမှုကြောင့် ဒုက္ခရောက်စေတတ်ပါတယ်။ လက်အောက်ငယ်သား မိမိညီအကို မောင်နှမတွေကြောင့်လည်း စကားအခြေအတင် ပြောရတတ်ပါတယ်။ ကိုယ့်ကိုကိုယ်ပဲ အားကိုးပါ သူတပါးအားမကိုးပါနှင့် စိတ်လိုက်မာန်ပါ ပြုမူပြောဆိုတာတွေ ရှောင်ပါ။ အမှုအခင်း ပြဿနာလေးတွေ ဖြစ်လာတတ်ပါတယ်။ အမှုမဖြစ်အောင်နေပါ ဖြစ်လျှင် အရှုံးများစေတတ်ပါတယ်။ အရာရာသည်းခံပြီး ပြုမူပြောဆို နေထိုင်ပါ ဘာသာရေး ပိုလုပ်ပါ။ သူများပြဿနာ ဝင်ဖြေရှင်းတာတွေ မပြုလုပ်ရ၊ စေတနာအမှား ဖြစ်တတ်သောကြောင့် သတိထားရှောင်ပါ။ အင်္ဂါနံပါတဲ့နေ့သားတွေ စနေနံပါတဲ့နေ့သားတွေနဲ့ စကားပြောဆိုတာ သတိထားပါ။
ကျန်းမာရေး ။ ။ ကျန်းမာရေးမှာဆိုရင် နှလုံးအားနည်းပြီး ရင်တုန်တာ ဦးခေါင်းမကြည်တာ ညောင်းညာကိုက်ခဲတာ သွေးအားနည်းပြီး မူးမောတာ သွေးသားမမှန်တာ သွားနာတာ အစာအိမ်လေအောင့်တာ နှာစေးချောင်းဆိုး ရာသီအကူးအပြောင်း ဖျားနာတာတွေ ဖြစ်ပေါ်နေတတ်ပါတယ်။ ရုတ်တစ်ရက်ဆိုသလို ရောဂါဖြစ်စေတာ အက်စီးဒန့်လို ပေါ်စေဖြစ်စေမည် သတိထားပါ။ ဖြစ်ပြီးသားရောဂါ ပြန်ဖြစ်လာတာမျိုးလည်း ကြုံရတတ်ပါတယ်။ ဆိုင်ကယ် ကား သတိထား တောင်တက်ခြင်းရှောင် အန္တရာယ်ရှိနိုင်သည်။ အကုန်ဖြစ်မယ်လို့တော့ မဆိုလိုပေ တစ်ခုမဟုတ်တစ်ခု ဖြစ်ပေါ်လာတတ်ပါတယ်။ သတိထားရန်တော့ လိုစေတတ် ငါးလွှတ်ပါ ငှက်လွှတ်ပြီးဆုတောင်းပါ ဘာသာရေးပိုလုပ်ပါ။
အိမ်ထောင်ရေး ။ ။ ယခုနှစ် အိမ်ထောင်ရေးမှာဆိုရင် အိမ်ထောင်ရေး ရန်ပေါ်နေတတ်ပါတယ်။ မိမိအိမ်ထောင်ဘက်နှင့် မကြာခဏ ပြဿနာတွေ ဂတောက်ဂဆတွေ ဖြစ်ပေါ်နေတတ်ပါတယ်။ တယောက်နှင့်တယောက် စိတ်တိုင်းမကျတာ နားလည်မှုတွေလွဲနေတာ အလိုမကျတာတွေ မကြာခဏဖြစ်ပေါ်နေပါမယ်။ အိမ်ထောင်ရေးမှာ ဖောက်ပြန်တာ အနှောက်အယှက်တွေ များနေမယ်။ အိမ်ထောင်ရေးမှာ ကြားလူဝင်နှောင့်ယှက်တာတွေ အိမ်ထောင်ရေးအပျက်အစီး အနှောင့်အယှက်တွေကြုံလာပါမယ်။ အိမ်ထောင်ရေးပိုင်း အားနည်းစေပြီး ပူပင်မှုလေးတွေ ရှိနေမယ်။ တစ်ယောက်နဲ့တစ်ယောက် အရှော့ပေး အရှုံးပေးပြီး နေထိုင် ပြောဆိုတာ အိမ်ထောင်ဖက်‌ကောင်း ပီသစွာ နေထိုင်ပြုလုပ်နိုင်မှ အေးချမ်းစေမည်။ အပျော်အပါး အသောက်အစာရှိပါက ရန်များနေမည်။
စီးပွားရေး အဆင်ပြေလာနေတဲ့ အချိန်တွေမှာ အိမ်ထောင်ရေးဇယားရှုပ်တာ အပျော်အပါးလိုက်စားပါက နာမည်ဂုဏ်သိက္ခာ ကျဆင်းတတ်သလို တတ်လာမယ့်အညွန့်ပြန်ကျိုးမယ်။ အမျိုးသမီး အဖျက်အဆီးတွေ အမျိုးသားတွေ ကြုံတွေ့ရတတ်ပါတယ်။ အိမ်ထောင်ရေး ဇယားရှုပ်တာ အထူးရှောင်ပါ။ ရှုပ်ထွေးမှုတွေ ဖြစ်ပေါ်တတ်ပါတယ်။ ထိုသို့ပြုလုပ်မိပါက မမျှော်လင့်ထားတဲ့ ပြဿနာတွေဖြစ်လာတတ်ပါတယ်။ ကွဲကိန်းပေါ်မယ် စီးပွားပျက်တတ်တယ်။ ဂုဏ်သိက္ခာ ကျဆင်းတတ်သောကြောင့် သတိထားဆင်ခြင်ရန်လိုအပ်ပါမည်။ အိမ်ထောင်ရေးပိုင်းတွေမှာ တစ်ယောက်နဲ့တစ်ယောက် အ‌ရှော့ပေး အရှုံးပေးပြီး ကောင်းမှုကုသိုလ် ဘာသာရေး အတူပြုလုပ် ဖြတ်သန်းမှသာ အေးချမ်းစေမည်။
အချစ်ရေး။ ။ယခုနှစ်အတွင်း အချစ်ရေး စန်းပွင့်နေတတ်ပါတယ်။ ငယ်ရွယ်သူတွေ အချစ်ရေး ကံကောင်းလာပါမယ်။ ချစ်သူမရှိသေးသူများ ချစ်သူရစေတတ်တယ်။ မင်္ဂလာပြုရတတ်တယ်။ လက်ရှိချစ်သူ ရှိနေသူတွေကတော့ အချစ်ရေးဂတောက်ဂဆတွေ အချစ်ရေး ပြဿနာတွေ အနည်းငယ်ရှိနေတတ်ပါတယ်။ မကြာခဏ စိတ်ဆိုးစိတ်ကောက် စကားများနေရတာတွေ ရှိနေတတ်ပါတယ်။ ရန်ဖြစ်လိုက် ပြန်ချစ်လိုက်ရှိနေမယ်၊ တခါတရံ သဝန်တို စိတ်မချတာ အထင်အမြင်လွဲမှားတာတွေ နားလည်မှုလွဲမှားတာတွေ ရှိနေတတ်ပါတယ်။ စိတ်တိုင်းမကျ အလိုမကျတာတွေလည်း ရှိနေတတ်ပါတယ်။ ဇာတာရှင်သည် အချစ်ရေးနှင့်ပတ်သက်ပြီး မကြာခဏတော့ ပြဿနာလေးတွေရှိနေပေမယ့် ရန်ဖြစ်လိုက် ပြန်ချစ်လိုက်ရှိနေတတ်ပါတယ်။ ယခုနှစ် တွင်အိမ်ထောင်ကျကိန်း ရှိနေပါတယ်။ ယူမယ်ဆို ယူလို့ရပါတယ် ယခုနှစ်အချစ်ရေးက ဂတောက်ဂဆလေးတွေနဲ့ ဖြတ်သန်းရတတ်ပါတယ် ချစ်သူနှစ်ဦးကြားမှာ အဖျက်အစီးတွေ ဝင်လာစေတတ်ပါတယ် အချစ်ရေး ဇယားရှုပ်တာ အပျော်အပါး လိုက်စားပါက မတည်မြဲနိုင်ပါ။ အချစ်ရေးကံကောင်းစေရန် စွယ်တော်ရွက် ၁၀ရွက်မှာ တဖက်မှာ ချစ်သူနာမည်ရေး ကျန်တဖက်မှာ မိမိနာမည်ရေးပြီး နှစ်လွှာပေါင်းပါ နာမည်တထပ်တည်းကျရန်လိုပါမည် ထို့နောက် မိမိခေါင်းအုန်းအောက်မှာ ထားပြီး အိပ်ပါ မေတ္တာသုတ်၁၀ခေါက်ရွတ်ပြီးဆုတောင်းပါ။
ပညာရေး။ ။ယခုနှစ်မှာပညာရေးနှင့် ပတ်သက်ပြီး ရပ်တန့်နေတတ်ပါတယ်။ တွေဝေနေတာမျိုးတွေလည်း ရှိနေတတ်ပါတယ်။ စိတ်မပါသလိုဖြစ်နေမယ်။ ပညာရေးကို ရပ်တန့်မနေသင့်ပါ။ လတ်တလော ပညာရေးထစ်ငေါ့တာ ပညာရေး တပိုင်းတစတွေ လွဲချော်တာတွေလည်း ရှိနေပေမယ့် ပညာတတ်လေ ဘဝလမ်းခရီး အောင်မြင်လေဖြစ်ပါမယ်။ ပညာရေးကို ဝီရိယ အားစိုက်ထုတ်ကြိုးစားပါ။ ဘဝမှာ ပညာရေးကနံပါတ်၁ စီးပွားရေးက နံပါတ်၂ အချစ်ရေးက နံပါတ်၃နေရာမှာထားပြီး။ ဘဝအတွက်ကြိုးစားအားထုတ်ပါက။ အောင်မြင်တိုးတက်လာပါလိမ့်မည်။ ပညာရေးကို အဖျက်တွေ ဝင်လာစေတတ်ပါတယ်။ အချစ်ရေးကြောင့် ပညာရေး ထိခိုက်တတ်သလို အပေါင်းအသင်းမှားတာ အပျော်အပါး မက်မှုတွေကြောင့် ပညာရေး ထိခိုက်တတ်စေတယ်။ ပညာရေးနှင့် ပတ်သက်ပြီး ကံ ဉာဏ် ဝီရိယ အားစိုက်ထုတ်ရမယ့် သူမျိုးဖြစ်တယ်။ အတန်းပညာပြီးဆုံးရင်လည်း အတတ်ပညာ ဘာသာစကားဆိုင်ရာ ကွန်ပျူတာနဲ့ဆိုင်တဲ့ ပညာမျိုးတွေ လေ့လာပါ သင်ယူပါ ဘဝအတွက် အထောက်အကူဖြစ်စေလိမ့်မည်။
ဒီနှစ်အတွင်း အကျိုးပေးဂဏန်းအနေနဲ့။ ။ ၂၊ ၄၊ ၁ ထိုဂဏန်းတွေက တစ်နှစ်ပတ်လုံး အကျိုးပြုစေပြီး ထီထိုးတာမျိုး တစ်ခြားသောကိစ္စတွေမှာ အသုူံးပြုခြင်းဖြင့် ကံကောင်းစေပါလိမ့်မည်။
အကျိုးပေးအရောင်။ ။ဒီနှစ်အတွင်းမှာ ကံဇာတာတွေပွင့်ပြီး အကျိုးပေးအရောင်အနေနဲ့က အဖြူရောင်၊ အစိမ်းရောင် တွေဖြစ်ပါတယ်။ ဖြစ်ပါတယ်။ အရေးကြီးသော အရေးကြီးသော စကား အရေးကြီးသော လုပ်ငန်းကိစ္စတွေ ခရီးကိစ္စတွေ အကြောင်းအရာတွေမှာ ဝတ်ဆင်ပြီး ပြုလုပ်ပြောဆို ဆောင်ရွက်ခြင်းဖြင့် ကံပွင့်စေမည်။
ရှောင်ရန်။ ။ဒီတစ်နှစ်ပတ်လုံး ။ အမဲ ဆိတ်သား ဇီးသီး အဝါရောင် နီညိုရောင် ရှောင်ပါ။ ထိုအရာတွေ ဝတ်ဆင် စားသောက်ခြင်း အထူးရှောင်ရပါမည်။
**ဒီနှစ်အတွက် မိမိတို့အနေနဲ့ အရေးကြီးသော အကြောင်းကိစ္စ အဝဝ ပြုလုပ်ပြောဆိုရာမှာ** အောင်မြင်ဖို့အတွက် အကောင်းဆုံး အကျိုးပေးနေ့တွေမှာ တနင်္လာနေ့နဲ့ ဗုဒ္ဓဟူးနေ့ နတွေဖြစ်ပါတယ် တနင်္လာနေ့ အတွင်းမှာ အကောင်းဆုံးအချိန်ဖြစ်တဲ့ မုဆိုးရွှေအိုးရကိန်း အချိန်ဖြစ်တဲ့ နေ့လည် ၁း၁၃မှ ၃း၃၆အတွင်းနဲ့ ပုဏ္ဏား နတ်သမီး ရကိန်းအချိန်ဖြစ်တဲ့ ဗုဒ္ဓဟူးနေ့ မုဆိုးရွှေအိုးရကိန်း အချိန်ဖြစ်တဲ့ မနက် ၆း၁၀မှ ၈း၂၄နာရီ နဲ့ ပုဏ္ဏား နတ်သမီး ရကိန်းအချိန်ဖြစ်တဲ့ ညနေ၃း၃၇မှ ၆း၀၀အတွင်း ထိုအချိန်တွေမှာ အရေးကြီးသော အလုပ်ကိစ္စ အကြောင်းအရာ ကိစ္စအဝဝ ပြုလုပ်ပြောဆိုရာမှာ သော်လည်းကောင်း ခရီးကိစ္စတွေ သွားလာတာ မျိုးတွေမှာသော်လည်းကောင်း ထိုအချိန်တွေမှာ ပြုလုပ်ပြောဆို လုပ်ကိုင်ဆောင်ရွက်ခြင်းဖြင့် အောင်မြင်မှုတွေ ရရှိစေပါမည်။
ဘဝတစ်သက်တာမှာ ဘုမ္မိအရပ်က တောင်အရပ်ဖြစ်ပါတယ်။ ထိုအရပ်မှာ စီးပွားရှာတာ ခရီးထွက်တာ အိမ်ဆောက်တာ အိမ်မျက်နှာလှည့်ပြီး ဆောက်လုပ်တာ လှေကားထားတာ အထူးရှောင်ပါ။
ဘဝတစ်သက်တာအတွက် အကျိုးပေး ရတနာ။ ။ပတ္တမြား ဥဿဖရား ကျောက်တို့က မိမိတို့ရဲ့ အကျိုးပေး ရတနာတွေပဲ ဖြစ်ပါတယ်။ ထိုရတနာတွေကို ဝတ်ဆင် ထားခြင်းဖြင့် ကံဇာတာပွင့်လန်းစေပါမည်။

ယတြာ။ ။ ။ဒီနှစ် တစ်နှစ်လုံးမှာ မိမိတို့အနေနဲ့ ကံဇာတာပွင့်လန်းစေရန် ကံကောင်းမှုတွေ ရရှိစေရန် ပြုလုပ်ရမည့် ကောင်းမှုကံ ယတြာ တနင်္လာနေ့နဲ့ ဗုဒ္ဓဟူးနေ့မနက် (၉း၄၅) တွင် ရွက်လှ ၄ညွန့် ကံ့ကော်၂ညွန့်ယို၄မျိုး ကိတ်မုန့် ကော်ဖီကို မိမိအိမ်ဘုရားတွင်လှူပါ။ တပတ်တခါလှူပြီး မိမိလိုရာဆုတောင်းပါ။
အညံ့ပပျောက်ရန် ။ ။ ဒီနှစ် တစ်နှစ်လုံးမှာ မိမိတို့အနေနဲ့ ကံအဆိုးအညံ့တွေ ပပျောက်စေရန်အတွက် မည်သည့်နေ့ညနေပိုင်းတွင် မဆို ဆိတ်သားဟင်းကို ထမင်းကြမ်းနှင့်နယ်ပြီး လမ်းဘေးခွေးကျွေးပါ။ ငါ့မှာရှိတဲ့မကောင်းတဲ့ အညံ့အားလုံးပါသွားစေဟုပြောပြီး ကျွေးပါ ဘာသာရေးအထူးပြုလုပ်ပေးပါ၊ ပုတီးစိပ်ပါ။