၂၀၂၆ ခုနှစ် ကြာသပတေးသားသမီးများအတွက် ကံကြမ္မာ အဟော

ကြာသပတေး သားသမီးများအတွက် မိမိတို့ရဲ့ အသက်အပိုင်းအခြား ၁၄၊ ၂၂၊ ၃၀၊ ၃၈ ၄၆ ၅၄ ၆၂ ၇၀ ၇၈ ၈၆ ၉၄။ ထိုနှစ်တွေမှာ ကြုံတွေ့ရစေမယ့် မိမိတို့ရဲ့ ကံကြမ္မာ အစိတ်အပိုင်းများ။
စီးပွားရေး ၊အလုပ်အကိုင် ။ ။ ကြာသပတေး သားသမီးတွေရဲ့ ယခုနှစ်အတွက် အလုပ်အကိုင် စီးပွားရေးမှာဆိုရင် လုပ်ငန်းတွေ အဆင်ပြေတာတွေရှိသလို မပြေတာလေးတွေလည်း ရှိနေတတ်ပါတယ်။ နာမည်ကောင်းတော့ရလာမယ်။ အသိပညာကောင်းတွေရမယ်။ အကြံအစည်ကောင်းတွေလည်း ပေါ်လာတတ်တယ်။ ရင်းနှီးမြှုတ်နှံမှုတွေ မလုပ်ပါနဲ့။ လက်ရှိလုပ်ငန်းတွေကိုပဲ တိုးတက်အောင် လုပ်ဆောင်ပါ။ တခါတရံ လုပ်ငန်းထစ်ငေါ့တာ ခက်ခဲတာ လွဲချော်တာတွေ ဖြစ်လာစေတတ်တယ်။ တခါတလေ အရှုံးပေါ်တာမျိုးတွေ လည်း ဖြစ်လာတတ်ပါတယ်။ အားမရှော့ပဲ ဆက်ကြိုးစားပါ။ မကြာခင်အဆင်ပြေလာပါလိမ့်မယ်။ စီးပွားတက်မလိုလိုနဲ့ အဆင်မပြေမှုတွေ ရှိလာတတ်ပါတယ်။ ဖြတ်လမ်းစီးပွားရေး မလုပ်ပါနဲ့။ မိမိဒုက္ခရောက်စေမယ်။ စီးပွားပျက်တတ်ပါတယ်။ အရောင်းအဝယ်လုပ်နေသူတွေလည်း အရောင်းအဝယ် ပါးနေတာ ပြိုင်ဆိုင်မှုတွေများတာ အမြတ်နည်းစေတတ်တယ်။ စီးပွားရေး အနည်းငယ် ခက်ခဲစေတတ်တယ်။ မျှော်မှန်းထားသလို မဖြစ်နေပဲ လွဲချောင်နေစေတတ်ပါတယ်။ စီးပွားမတက်နေပဲ ထစ်ငေါ့ခက်ခဲတာတွေ ကြုံလာရတတ်တယ်။ မိမိကနာမည်ကြီး ထမင်းငတ်ဆိုသလို ဖြစ်နေမည်။ လူမျိုးခြား ဘာသာခြားတွေ ကူညီမှု ရစေမယ်။ မိတ်ဆွေ အပေါင်းအသင်းများထံမှ အကူအညီများရရှိမည်။ ဝန်ထမ်းများ အလုပ်နေရာ ပြောင်းရွှေ့ချင်စိတ်တွေ ပေါ်လာတတ်ပါတယ်။ မကောင်းသေးပါ။ ပြောင်းရင် လက်ရှိထက်ပို ဆိုးစေတတ်ပါတယ်။ သည်းခံပြီးလုပ်ပါ။ တစ်ပိုင်တစ်နိုင် ကိုယ်ပိုင်လုပ်ငန်းလေးတွေ လုပ်ပါတွဲလုပ်ပါ။ အလုပ်ထဲတွင် စိတ်မဝင်စားဘဲဖြစ်နေမည်။ အလုပ်နှင့်ပတ်သက်ပြီး စိတ်ညစ်စရာပေါ်မယ်။ အလုပ်ပြောင်းချင် ထွက်ချင်စိတ်တွေ ဖြစ်စေမယ်။ အတိုက်အခံတွေ ပြိုင်ဆိုင်တာတွေ များနေမယ်။ အကြီးအကဲပိုင်း ဖိအားတွေများနေမယ်။ ကိုယ်ပိုင်အလုပ်လေးတွေ နည်းနည်းချင်း အရင်းအနှီးနည်းနည်းနဲ့ စလုပ်မည်ဆိုပါက အကျိုးပေးစေတတ် ခရီးသွားရတတ်သည်။ သွားလျှင်ကောင်းသည်။ အဆက်အသွယ် ကောင်းများရရှိခြင်း လုပ်ငန်းနေရာ တိုးချဲ့ရခြင်းများကြုံမည်။ အလုပ်နှင့်ပတ်သက်ပြီး အကြီးအကဲ အထက်လူကြီးနှင့် အဆင်မပြေတာ အလုပ်မှာ လူပင်ပန်းစိတ်ပင်ပန်းမှုတွေ ရှိနေတတ်ပါတယ်။ အလုပ်ကိစ္စတွေနှင့် ပတ်သက်ပြီး လူမော စိတ်မောရှိစေတတ်ပါတယ်။ ခရီးကိစ္စတွေ ပေါ်လာတတ်ပါတယ်။ ကိုယ်တိုင်မဟုတ်တောင် အဖော်အပေါင်းနဲ့ လိုက်သွားရစေတတ်ပါတယ်။ နိုင်ငံရပ်ခြားနှင့်ပတ်သက်သော ကိစ္စများအဆင်ပြေမည်။
ယခုနှစ်မှာ အတတ်ပညာ ဉာဏ်ပညာပိုင်း နဲ့ပတ်သက်တဲ့အလုပ် ငွေအရင်းအနှီးမပါပဲ ပြုလုပ်ရသောအလုပ် ပညာရေးနဲ့ပတ်သက်တဲ့လုပ်ငန်း ပွဲရုံ ပွဲစားလုပ်ငန်းတွေ မြေယာလုပ်ငန်း၊ ပဲလုပ်ငန်း၊ မွေးမြူရေးလုပ်ငန်းများ လုပ်ကိုင်ပါကအဆင်ပြေမည်။ မြေဝင်ကိန်းလည်းရှိသည်။ သွပ်၊သံ၊သစ် ရောင်းဝယ်ရေးလုပ်ငန်းများ၊ ဟိုတယ်နှင့် ခရီးသွားလာရေးလုပ်ငန်းများ အထည်အလိပ် ဓာတ်ဆီ ဒီဇယ် ထမင်းဆိုင် ထီဆိုင် လုပ်ငန်းတွေ အကျိုးပေးနေမယ်။ အရောင်းအဝယ်လုပ်နေသူတွေ အခက်အခဲတွေ ရှိနေမယ်။ ထင်သလောက် အကျိုးမဖြစ်စေပဲ ရှိနေမယ်။ ရင်နှီးမြုတ်နှံတာတွေ ရှော့ပါ။ ပုံမှန်လေးပဲ သွားနေပါ။ စနေနံ ကြာသပတေးနံတွေနဲ့ အရောင်းအဝယ်လုပ်ပါ။ အကျိုးအမြတ်များရရှိမယ်။ နိုင်ငံခြားခရီး အဆင်ပြေမည်။ စပ်တူလုပ်ငန်း ရှယ်ရာလုပ်ငန်းများ သတိနဲ့ ပြုလုပ်ပါ။ လူလိမ်ခံရတတ်သည်။
အချစ်ရေး အိမ်ထောင်ရေး မတည်ငြိမ် ဗျာများရတဲ့ အချိန်ဖြစ်မည်။ အဆင်မပြေ ပဋိပက္ခများ ကြုံတွေ့ ရတတ်မည်။ လူမူရေးပြဿနာများ ငွေအတွက် ချစ်သူခြင်းအဆင်မပြေမူ့ အိမ်ထောင်ဘက်၏ ရန်လိုမူ သူတပါးနှင့်ခိုက်ရန်ပြဿနာ ကြုံတွေ့ရခြင်းများ မတော်တဆသွေးထွက်သံယိုဖြစ်ခြင်း အချုပ်အနှောင်သင့်တတ်ခြင်း လက်အောက်ငယ်သား တော်လှန်ခြင်း မိန်းကလေးအတွက်နှင့် ပြဿနာများဖြေရှင်းရခြင်း စက်ပစ္စည်း ထွက်တတ် ပျက်တတ်ခြင်း ရန်ငြိုးရန်စရှာတတ်ခြင်းများ ကြုံတွေ့တတ်ပါမည်။ ခရီးတစ်ဆစ်ချိုး သွားရတတ်ပါမည်။
မြောက်အရပ် အရှေ့တောင်အရပ်တွေကို ခရီးသွားတာရှောင်ပါ။ စီးပွားရှာတာရှောင်ပါ။ ရွှေအဝင်အထွက်ရှိနေမယ်။ မိမိအိမ်မှာ လူဝင်လူထွက်တွေ များနေတတ်ပါတယ်။ ကိုယ့်အားကိုယ် ကိုးပြီးစီးပွားရှာပါ။ သူတပါးအားမကိုးပါနှင့် အားကိုးမိက မိမိပဲပြန်ဒုက္ခရောက်စေတတ်တယ်။ စက်ပစ္စည်းပျက်တာပြင်တာတွေ ရှိနေမယ်။ သတိထားပါ မိတ်ဆွေကောင်းရမယ်။ ဆရာကောင်းတွေ့မယ်။ အသိပညာသစ်တွေရမယ်။ သင်တန်းတက်ရတာ စာအုပ်စာပေဖတ်ရစေတတ် ယခုနှစ်မှာ စီးပွားရေး အလုပ်အကိုင်ကို ကံ၊ ဉာဏ် ၊ ဝီရိယအားစိုက်ထုတ် ကြိုးစားမှသာ အောင်မြင်မှုရစေမည်။ စီးပွားရေးနဲ့အတူ ဘာသာရေး ကုသိုလ်ရေး ယှဉ်တွဲလုပ်ပါ။ ကောင်းမှုတစ်ခု နေ့စဉ်ပြုပါ။ ခိုစာ ခွေးစာ ငှက်စာကျွေးပါ။ လပြည့်လကွယ် သက်သတ်လွတ်စား ဘုရားခန်း နေအိမ်အမြဲသန့်ရှင်းအောင်ထားပါ။ ဒိဝါတပတိဂါထာ သမ္ဗုဒ္ဓေဂါထာ သက်စေ့ရွတ်ပါ။ ကံတရားရဲ့ထောက်အပံ့ကောင်းတွေ ရရှိလာမှာဖြစ်ပါတယ်။
ငွေကြေး ။ ။ ငွေကြေးကံအနေနှင့် ငွေ ရလွယ် ကုန်လွယ် ဖြစ်နေတတ်ပါတယ်။ ငွေရှာရတာလွယ်ကူပြီး လက်ထဲမှာ ငွေမမြဲပေ ငွေကုန်စရာတွေလည်း ပေါ်လာတတ်ပါတယ်။ ဆီလိုအပေါက်ရှာပြီး ငွေထွက်နေတတ်ပါတယ်။ တခါတရံ ငွေအတွက်ပူပင်ရတာတွေ ရှိလာတတ်ပါတယ်။ ရစရာရှိတာတွေကော ပေးစရာရှိတာတွေကော ခက်ခဲစေတတ်ပါတယ်။ ငွေကိုချွေတာပြီး သုံးရန် လိုစေတတ် ငွေချေးတာ အာမခံတာ အထူးရှောင်ပါ။ ငွေလူလိမ်ခံရတတ်ပါတယ်။ ငွေကြေးက မမြဲတတ်သောကြောင့် ငွေနဲ့ရင်တဲ့အလုပ်တွေ ဖြတ်လမ်းစီးပွားရေးတွေ ရှောင်ပါ။ ငွေက ဝင်လမ်းတစ်ခုထဲဆို ခက်ခဲစေမည်။ ငွေဝင်လမ်းကို အဖက်ဖက်က ရှာနိုင်မှသာ ငွေကြေး အဆင်ပြေစေမည်။ ထီကံကောင်းမယ် ထီပေါက်ကိန်း ရှိပါတယ်။ အကျိုးပေးဂဏန်း ၇ ၅ ၄ ဖြစ်ပါတယ်။ ငွေကံကောင်းစေရန်လာဘ်နှိုး လာဘ်ပွင့်ဂါထာရွတ် အနက်ရောင်အိပ်ကိုဆောင် ဒေါ်လာတစ်ရွက် အမြဲဆောင် ခိုစာ ခွေးစာ ငှက်စာကျွေးပါ။ ငွေကံကောင်းစေမည်။
လူမှုရေး ။ ။ လူမှုရေး အနည်းငယ် စိတ်ညစ်စရာတွေ ရှိနေတတ်ပါတယ်။ သူတပါးမကောင်းပြောဆိုတာ ခံရစေတတ်တယ်။ လုပ်ငန်းမှာ အကြီးအကဲအထက်လူကြီးပိုင်းနဲ့ အဆင်မပြေတာတွေ အထက်လူကြီးကြောင့် စိတ်ညစ်ရစေတတ် အောက်လက်ငယ်သား နဲ့အဆင်မပြေမှုတွေ အိမ်တွင်းရေး ပိုင်းတွေ စိတ်ညစ်ရတတ်တယ်။ အားနာမှုကြောင့် ဒုက္ခရောက်စေတတ်ပါတယ်။ လက်အောက်ငယ်သား မိမိညီအကို မောင်နှမတွေကြောင့်လည်း စကားအခြေအတင် ပြောရစေတတ်ပါတယ်။ ကိုယ့်ကိုကိုယ်ပဲ အားကိုးပါ။ သူတပါးအားမကိုးပါနှင့် စိတ်လိုက်မာန်ပါ ပြုမူပြောဆိုတာတွေ ရှောင်ပါ။ စေတနာကောင်း စိတ်ကောင်းထားပါ။ ဘာသာရေး ပိုလုပ်ပါ။ သူများပြဿနာ ဝင်ဖြေရှင်းတာတွေ မပြုလုပ်ရ စေတနာအမှား ဖြစ်တတ်သောကြောင့် သတိထားရှောင်ပါ။ သောကြာနံပါတဲ့နေ့သားတွေ အင်္ဂါနံပါတဲ့နေ့သားတွေနဲ့ စကားပြောဆိုတာ သတိထားပါ။ အိမ်တွင်းရေး ပြဿနာတွေလည်း ပေါ်လာတတ်တယ်။ စိတ်ကိုအေးအေးထားပြီး ဖြေရှင်းပါ။ အမြဲလို လူသွားလမ်း ဘုရားခန်း သန့်ရှင်းပါ။ တံမျက်စည်း ခြေသုတ်ဝတ် တံခိုးကြီး ဘုရားတွေမှာလှူပါ။ သမ္ဗုဒ္ဓေဂါထာ အဌာနမေတံဂါထာ သက့်စေ့ရွတ်ပြီး ရှင်သန်နေထိုင်ပါ။ ကံကောင်းစေအံ့။
ကျန်းမာရေး ။ ။ ကျန်းမာရေးမှာဆိုရင် အာရုံကြောအားနည်းတာ ဦးခေါင်းမကြည်တာ ဆီး မျက်စိ အစာအိမ်လေအောင့်တာ သွေးအားနည်းပြီး မူးမောတာ ခြေလက် ထိခိုက်ဒါဏ်ရာ ရတာတွေ ချောင်းဆိုး ရင်ကျပ်တာ ဖြစ်ပေါ်နေတတ်ပါတယ်။ ဖြစ်ပြီးသားရောဂါ ပြန်ဖြစ်လာတာမျိုးလည်း ကြုံရတတ်ပါတယ်။ အကုန်ဖြစ်မယ်လို့တော့ မဆိုလိုပေ တစ်ခုမဟုတ်တစ်ခု ဖြစ်ပေါ်လာတတ်ပါတယ်။ အသက်ကြီးပိုင်းတွေ အစာအိမ် သွေးတိုးရောဂါ ရုတ်တစ်ရက် ရောဂါဖြစ်စေတာမျိုး ဖြစ်စေမည်။ သတိထားပါ။ မွေးနံထောင့်မှာ ရောင်းစုံယပ် ၆ချောင်းလှူပြီး ညောင်ထောက်ပါ။ ငါးလွှတ်ပါ။ ငှက်လွှတ်ပြီးဆုတောင်းပါ။ ဘာသာရေးပိုလုပ်ပါ။
အိမ်ထောင်ရေး ။ ။ ယခုနှစ် အိမ်ထောင်ရေးမှာဆိုရင် မအေးချမ်းပဲ ပူပင်နေရတတ်တယ်။ မိမိအိမ်ထောင်ဘက်နှင့် မကြာခဏ စကားများရတတ်သည်။ ဂတောက်ဂဆတွေ ဖြစ်ပေါ်နေတတ်ပါတယ်။ တစ်ယောက်နှင့်တစ်ယောက် အကြည်ဓာတ်တွေ လျှော့နည်းစေမည်။ စိတ်တိုင်းမကျတာ နားလည်မှုတွေလွဲနေတာ အလိုမကျတာတွေ မကြာခဏဖြစ်ပေါ်နေပါမယ်။ လက်အောက်ငယ်သား သားသမီးရှိက သားသမီး ကြောင့်စိတ်ညစ်ရတတ်သည်။ မိမိအိမ်ထောင်ဖက်ကြောင့် သောကရောက်နေမည်။ မာန်မာနတွေကြောင့် အခန့်မသင့်ရင် အိမ်ထောင်ကွဲကိန်း ပျက်ကိန်းပေါ်လာတတ်ပါတယ်။ အိမ်ထောင်ရေးမှာ ကြားလူဝင်နှောင့်ယှက်တာတွေ အိမ်ထောင်ရေးအပျက်အစီး အနှောင့်အယှက်တွေကြုံလာပါမယ်။ စီးပွားရေးအဆင် မပြေနေတဲ့အချိန်တွေမှာ အိမ်ထောင်ရေး ဇယားရှုပ်တာ အပျော်အပါးလိုက်စားပါက နာမည်ဂုဏ်သိက္ခာ ကျဆင်းတတ်သလို တတ်လာမယ့်အညွန့်ပြန်ကျိုးမယ်။ အမျိုးသမီးအပျက် အဆီးတွေ အမျိုးသားတွေ ကြုံတွေ့ရတတ်ပါတယ်။ အသောက်အစား ရှိပါက အိမ်ထောင်ရေး ရန်ပေါ်တတ်ပါတယ်။ အိမ်ထောင်ရေး ဇယားရှုပ်တာ အထူးရှောင်ပါ။ ရှုပ်ထွေးမှုတွေဖြစ်ပေါ်တတ်ပါတယ်။ ထိုသို့ပြုလုပ်မိပါက မမျှော်လင့်ထားတဲ့ ပြဿနာတွေဖြစ်လာတတ်ပါတယ်။ စီးပွားပျက်တတ်တယ်။ ဂုဏ်သိက္ခာ ကျဆင်းတတ်သောကြောင့် သတိထားဆင်ခြင်ရန်လိုအပ်ပါမည်။ အိမ်ထောင်ရေးမှာ ဆိုးတူကောင်းဖက်တိုင်ပင်ပြီး လက်တွဲမှသာ အဆင်ပြေစေတတ်ပါတယ်။ ကုသိုလ်ရေးအတူလုပ် ဘာသာရေး အတူလုပ် စီးပွားရေး တိုင်ပင်ပြီး လက်တွဲပါ။ အပျော်အပါး အသောက်အစားတွေ ရှောင်ပါ။ အဆင်ပြေလာပါလိမ့်မည်။ နှစ်ဦးဓာတ်ပုံပေါ် အနှိပ်ဘုတင် အနှိပ်ဘုပေါ်မီးထွန်းပြီး နှစ်ဦးကြားမှာရှိတဲ့ အဆင်မပြေမှုတွေ အဖုအထစ်တွေ ပြေပါစေဆုတောင်း နှစ်ဦးမွေးနံပန်းတွေလှူ နှစ်ဦးဓာတ်ပုံကို မျက်နှာြခင်းဆိုင် ကော်နဲ့ကပ်ပြီး မိမိအိပ်ယာအောက်ထားအိပ် မေတ္တာသုတ်ရွတ်ဆုတောင်း။
အချစ်ရေး ။ ။ ယခုနှစ်အတွင်း အချစ်ရေး အနည်းငယ် စိတ်ညစ်စေရတတ်ပါတယ်။ စန်းကျနေတတ်တယ်။ ငယ်ရွယ်သူတွေ အချစ်ရေး အထင်နဲ့အမြင်လွဲမှားစေတာ အဆင် မပြေတာတွေလည်း ရှိနေတတ်ပါတယ်။ အချစ်ရေး အလိမ်အညာခံရတတ်တယ်။ သတိထားပါ။ စိတ်နှစ်မိပါက မိမိသာဒုက္ခရောက်စေမည်။ အချစ်ရေး ကံမကောင်းသေးပါ။ လက်ရှိ ချစ်သူရှိပါက ချစ်သူနှင့် မကြာခဏ စိတ်ဆိုးစိတ်ကောက် စကားများနေရတာတွေ ရှိနေတတ်ပါတယ်။ ရန်ဖြစ်လိုက် ပြန်ချစ်လိုက်ရှိနေမယ်။ တခါတရံ အထင်အမြင်လွဲမှားတာတွေ နားလည်မှုလွဲမှားတာတွေ ရှိနေတတ်ပါတယ်။ စိတ်တိုင်းမကျ အလိုမကျတာတွေလည်း ရှိနေတတ်ပါတယ်။ တခါတလေ ရှေ့တိုးရအခက် နောက်ဆုတ်ရအခက် တွေဝေနေတတ်တယ်။ သံယောဇဉ်တော့ မပြတ်ပါ။ မိမိဘဝတသက်တာမှာ အချစ်ရေးက ကံခေတတ်သူ ဖြစ်တတ်ပါတယ်။ အချစ်ရေးမတည်မြဲနိုင်ပါ။ ရည်းစားဦးပြိုကွဲခြင်း အိမ်ထောင်ဦးပြိုကွဲခြင်းများ ကြုံရတတ်ပါတယ်။ ချစ်သူကြောင့်စိတ်ပင်ပမ်းရမည်။ အထီးကျန်ဆန်နေမည်။ ဂရုစိုက်မှုတွေ အလေးထားမှုတွေ အားနည်းနေမည်။ အခန့်မသင့်ရင် ကွဲစေပြတ်စေတတ်တယ်။ ဒီနှစ်မှာ အိမ်ထောင်ပြုရန် မသင့်တော်သေးပါ။ ငယ်ရွယ်စဉ် အိမ်ထောင်ကျပါက ပြန်ကွဲတတ်ပါတယ်။ အိမ်ထောင်မတည်မြဲနိုင်ပါ။ ယခုနှစ်အချစ်ရေးက စိတ်ညစ်စရာ ပူပင်မှုလေးတွေနှင့် ဖြတ်သန်းရတတ်ပါတယ်။ ချစ်သူနှစ်ဦးကြားမှာ အဖျက်အစီးတွေ ဝင်လာစေတတ်ပါတယ်။ အချစ်ရေး ဇယားရှုပ်တာ အပျော်အပါး လိုက်စားပါက မတည်မြဲနိုင်ပါ။ အချစ်ရေးကံကောင်းစေရန် ချစ်သူနှစ်ဦးရဲ့ ဓာတ်ပုံကို မျက်နှာချင်းဆိုင်ကော်နှင့်ကပ်ပြီး၊ အပ်ချဉ်ကြိုးနှင့် ၁၀ ပတ်ရစ်ပြီး ဓာတ်ဗူးထဲကိုထည့်ပါ။ မေတ္တာသုတ် ၁၀ခေါက်ရွတ်ပြီးဆုတောင်းပါ။
ပညာရေး ။ ။ ယခုနှစ်မှာပညာရေးနှင့် ပတ်သက်ပြီး ကောင်းမွန်ပါမည်။ အသိပညာသစ် အတတ်ပညာသစ်တွေရမယ်။ ဆရာကောင်း သမားကောင်းတွေရမယ်။ လတ်တလော ပညာရေးထစ်ငေါ့တာ လွဲချော်တာတွေလည်း ရှိနေပေမယ့် မကြာခင်ပြန်လည် ကောင်းမွန်လာပါမည်။ ပညာတတ်လေ ဘဝလမ်းခရီး အောင်မြင်လေဖြစ်ပါမယ်။ ပညာဖြင့် အသက်မွေးဝမ်းကြောင်း ပြုရင်လည်း အကျိုးပေးပါမည်။ ပညာရေးကို အားစိုက်ထုတ်ကြိုးစားပါ။ ဘဝမှာ ပညာတတ်လေ ဘဝလမ်းခရီးအောင်မြင်တိုးတက်လေဖြစ်စေမည်။ ပညာရေးကို အဖျက်တွေ ဝင်လာစေတတ်ပါတယ်။ အချစ်ရေးကြောင့် ပညာရေး ထိခိုက်တတ်သလို အပေါင်းအသင်းမှားတာ အပျော်အပါး မက်မှုတွေကြောင့် ပညာရေး ထိခိုက်တတ်စေတယ်။ ပညာရေးနှင့် ပတ်သက်ပြီး ကံ ဉာဏ် ဝီရိယ အားစိုက်ထုတ်ရမယ့် သူမျိုးဖြစ်တယ်။ အတန်းပညာပြီးဆုံးရင်လည်း အတတ်ပညာ ဘာသာစကားဆိုင်ရာ ကွန်ပျူတာနဲ့ဆိုင်တဲ့ ပညာမျိုးတွေ လေ့လာပါ။ သင်ယူပါ။ ဘဝအတွက် အထောက်အကူဖြစ်စေလိမ့်မည်။
ဒီနှစ်အတွင်း အကျိုးပေးဂဏန်းအနေနဲ့ ။ ။ ၅၊ ၇၊ ၄ ထိုဂဏန်းတွေက တစ်နှစ်ပတ်လုံး အကျိုးပြုစေပြီး ထီထိုးတာမျိုး တစ်ခြားသောကိစ္စတွေမှာ အသုံးပြုခြင်းဖြင့် ကံကောင်းစေပါလိမ့်မည်။
အကျိုးပေးအရောင် ။ ။ ဒီနှစ်အတွင်းမှာ ကံဇာတွေပွင့်ပြီး အကျိုးပေးအရောင်အနေနဲ့က အနက်ရောင် နက်ပြာရောင် အဝါရောင် အဝါပွင့် ကာလာအရင့်ရောင်တွေ ဖြစ်ပါတယ်။ အရေးကြီးသော စကား အရေးကြီးသော လုပ်ငန်းကိစ္စတွေ ခရီးကိစ္စတွေ အကြောင်းအရာတွေမှာ ဝတ်ဆင်ပြီး ပြုလုပ်ပြောဆို ဆောင်ရွက်ခြင်းဖြင့် ကံပွင့်စေမည်။
အင်္ဂါသက်ရောက်ရှောင်ရန် ။ ။ ဒီတစ်နှစ်ပတ်လုံး သံပုရာရည် ၊ သခွါးသီး ၊ အာလူးကြော် ၊ အနီရောင် အပြာရောင် နီညိုရောင် ဝတ်ဆင်ခြင်း လောင်းကစားပြုလုပ်ခြင်း ဖြတ်လမ်းနည်း စီးပွားရှာခြင်း ထိုအရာတွေ အထူးရှောင်ရပါမည်။
**ဒီနှစ်အတွက် မိမိတို့အနေနဲ့ အရေးကြီးသော အကြောင်းကိစ္စ အဝဝ ပြုလုပ်ပြောဆိုရာမှာ** အောင်မြင်ဖို့အတွက် အကောင်းဆုံး အကျိုးပေးနေ့တွေမှာ ကြာသပတေးနေ့နဲ့ စနေနေ့ နေ့တွေဖြစ်ပါတယ်။ ထိုနေ့အတွင်းမှာ အကောင်းဆုံးအချိန်ဖြစ်တဲ့ မုဆိုးရွှေအိုးရကိန်း အချိန် ကြာသပတေးနေ့ မနက်၈း၂၅မှ ၁၀:၄၈ နဲ့ စနေနေ့အတွက် နေ့လည် ၁း၁၃မှ ၃း၃၆အတွင်းနဲ့ ပုဏ္ဏား နတ်သမီး ရကိန်းအချိန်ဖြစ်တဲ့ ကြာသပတေးနေ့၃း၃၇မှ၆း၀၀နာရီ နဲ့ စနေနေ့ မနက်၈း၂၅မှ ၁၀:၄၈ထို အချိန်တွေမှာ အရေးကြီးသော အလုပ်ကိစ္စ အကြောင်းအရာရာ ကိစ္စအဝဝ ပြုလုပ်ပြောဆိုရာမှာ သော်လည်းကောင်း ခရီးကိစ္စတွေ သွားလာတာ မျိုးတွေမှာသော်လည်းကောင်း ထိုအချိန်တွေမှာ ပြုလုပ်ပြောဆို လုပ်ကိုင်ဆောင်ရွက်ခြင်းဖြင့် အောင်မြင်မှုတွေ ရရှိစေပါမည်။
ဘဝတစ်သက်တာမှာ ။ ။ ဘုမ္မိအရပ်က အရှေ့မြောက်အရပ်ဖြစ်ပါတယ်။ ထိုအရပ်မှာ စီးပွားရှာတာ ခရီးထွက်တာ အိမ်ဆောက်တာ အိမ်မျက်နှာလှည့်ပြီး ဆောက်လုပ်တာ လှေကားထားတာ အထူးရှောင်ပါ။
ဘဝတစ်သက်တာအတွက် အကျိုးပေး ရတနာ ။ ။ စိန် ဂါးနက်ကျောက် အဖြူရောင် ကျောက်တို့က မိမိတို့ရဲ့ အကျိုးပေး ရတနာတွေပဲ ဖြစ်ပါတယ်။ အမြဲလို ဝတ်ဆင် အသုံးပြုခြင်းဖြင့် ကံဇာတာ ပွင့်လန်းစေတတ်ပါတယ်။
ယတြာ ။ ။ ဒီနှစ် တစ်နှစ်လုံးမှာ မိမိတို့အနေနဲ့ ကံဇာတာပွင့်လန်းစေရန် ကံကောင်းမှုတွေ ရရှိစေရန် ပြုလုပ်ရမည့် ကောင်းမှုကံ ယတြာ အနေနဲ့က စနေနေ့မနက် (၉း၄၅) တွင် ထောပတ်ထမင်း နို့တခွက်ကို မိမိအိမ်ဘုရားတွင်လှူပါ။ တစ်လတခါ စနေထောင့်မှာ ထီးဖြူအသေး၁၂ လက် လှူပါ။ မိမိလိုရာဆုတောင်းပါ။ ဘာသာတရား အထူးကိုင်းရှိုင်းပါ။ ငါးပါးသီလမြဲအောင်ထိန်းပြီး ပြုမူပြောဆို နေထိုင်ရန် လိုအပ်ပါလိမ့်မည်။
အညံ့ပပျောက်ရန် ။ ။ စနေနေ့ညနေပိုင်းတွင် သခွားသီးတစ်လုံးမှာ မိမိနာမည်ရေးပြီး ငါ့ဒါဏ်နင်ခံ ငါ့မှာရှိတဲ့မကောင်းတဲ့ အညံ့အားလုံးပါသွားစေဟုပြောပြီး ရေရှင်မှာ မျှောပါ။ သို့မဟုတ် မိမိအိမ်နောက်ဘက်တွင်ပြုလုပ်ပါ။ တစ်လတစ်ကြိမ်ပြုလုပ်ပါ။ ဘာသာရေး အထူးပြုလုပ်ပေးပါ။ လူသွားလမ်းတွေရှင်း ပုတီးစိပ်ပါ။ ကောင်းမှုတွေနဲ့ ဖြတ်သန်းပါ။ ကံအညံ့ပျောက်စေပြီး ကံကောင်းစေပါလိမ့်မည်။