၂၀၂၆ ခုနှစ် ကြာသပတေးသားသမီးများအတွက် ကံကြမ္မာ အဟော

ကြာသပတေး သားသမီးများအတွက် မိမိတို့ရဲ့ အသက်အပိုင်းအခြား ၁၅၊ ၂၃၊ ၃၁၊ ၃၉၊ ၄၇၊ ၅၅၊ ၆၃၊ ၇၁၊ ၇၉၊ ၈၇၊ ၉၅။ ထိုနှစ်တွေမှာ ကြုံတွေ့ရစေမယ် မိမိတို့ရဲ့ ကံကြမ္မာ အစိတ်အပိုင်းများ။
စီးပွားရေး၊အလုပ်အကိုင် ။ ။ ယခုနှစ်မှာ ကြာသပတေး သားသမီးတွေရဲ့ အလုပ်အကိုင် စီးပွားရေးနဲ့ ပတ်သတ်ပြီး လုပ်ငန်းပိုင်းတွေမှာ တည်ငြိမ်မှုမရှိနေပဲ အတက်အကျလေးတွေ ဖြစ်ပေါ်နေတတ်ပါတယ်။ လုပ်ငန်းတိုးချဲ့ရတတ်တယ်။ နာမည်ကောင်းရလာမယ်။ လူအထင်ကြီးခြင်း ခံရတတ်ပါတယ်။ ကူညီမစမည့်သူတွေ ပေါ်လာတတ်ပါတယ်။ လုပ်ငန်းသစ် လုပ်ချင်နေမယ်။ ငွေရင်းရသော အလုပ် ရှောင်ပါ။ တခါတရံ လုပ်ငန်းထစ်ငေါ့တာ ခက်ခဲတာ လွဲချော်တာတွေရှိနေမယ်။ ရင်းနှီးမြှုတ်နှံတာတွေ မလုပ်သင့်ပေ။ ဖြတ်လမ်း စီးပွားရေး ရှောင်ပါ။ ငွေရှာရတာလွယ်သလောက် ငွေကုန်စရာတွေလည်းပေါ်မည်။ မိတ်ဆွေကောင်း တွေရဲ့ အကူအညီ အထောက်အပံ့တွေ ရရှိနေမည်။ အမျိုးသမီးတစ်ဦးထံမှ အထောက်အပံ့တွေ ရရှိနေမည်။ ဝန်ထမ်းဆို ရာထူး၊ လစာတိုးမယ်။ အလုပ်မှာအပြိုင် အဆိုင်အတိုက်အခိုက်တွေပေါ်မည်။ လုပ်သမျှလည်း မထင်ပေါ်တာ အရာမရောက်တာတွေလည်း ကြုံတွေ့ရတတ်ပါတယ်။ တခါတလေ အလုပ်ပြောင်းချင် ထွက်ချင်စိတ် ပေါ်လာစေတတ်တယ်။ အစိုးရ ဝန်ထမ်းဆို သင်တန်းတွေ တက်ရစေတတ်ပါတယ်။ အဆိုးအကောင်း ဒွန်တွဲနေတဲ့နှစ်ဖြစ်တယ်။ လုပ်ငန်းသစ် စလုပ်မည်ဆိုပါက အကျိုးပေးမယ်။ ကိုယ်ပိုင်လုပ်ငန်း တစ်ပိုင်တစ်နိုင် တွဲလုပ်ပါ။ ဝန်ထမ်းဆို စီးပွားဖြစ်နှေးစေတတ်ပါတယ်။ လုပ်ငန်းသစ် အကြံအစည်သစ်တွေလည်း ပေါ်လာစေတတ်ပါတယ်။ လုပ်ငန်းပိုင်းတွေမှာ ရန်အတိုက်အခံတွေ ပေါ်လာစေတတ်ပါတယ်။ သတိထားပြီး လုပ်ကိုင်ရန်လိုပေမည်။ သူတပါးကို အားမကိုးပဲ ကိုယ်တိုင်လုပ်ကိုင်ဆောင်ရွတ်မှသာ ပြီးမြောက်အောင်မြင်စေပါမည်။ အတတ်ပညာ ဉာဏ်ပညာနဲ့ ပတ်သက်တဲ့အလုပ်တွေ အရင်းအနှီးမပါသောအလုပ်တွေ ပြုလုပ်နိုင်ရင်ပိုပြီး အဆင်ပြေစေမည်။
စနေနံ ကြာသပတေးနံတွေ ဝင်ဖို့ရှိတယ်။ ထီး ဖိနပ် နာရီ အထည်အလိပ်တွေဝင်မယ်။ လူမျိုးခြား ဘာသာခြားတွေရဲ့ ကူညီမှုတွေရမယ်။ မိတ်ဆွေကောင်းရမယ်။ မြေ အမွေရတတ်ပါတယ်။ ပရိဘောဂပစ္စည်းတွေဝင်ပါမယ်။ အသိပညာသစ် အတတ်ပညာသစ်တွေရပါမည်။ ရွှေဝင်မယ် ရေတွင်းရေကန် တူးရစေတတ်ပါတယ်။ ကိုယ့်အားကိုယ် ကိုးပြီးစီးပွားရှာပါ။ သူတပါးကို အားမကိုးမိပါစေနှင့် မိမိပဲဒုက္ခရောက်စေတတ်ပါတယ်။ မိမိအိမ်မှာ လူဝင်လူထွက်တွေ များစေတတ်ပါတယ်။ အလှူအတန်းတွေလည်း ပြုရစေတတ်ပါတယ်။ အရောင်းအဝယ်သမားတွေ ငွေရွှင်မယ်။ ရောင်းအားအတက်အကျနဲ့ရှိနေမည်။ ကုန်ရောင်း၊ ကုန်ဝယ်လုပ်ငန်း၊ ပွဲရုံ၊ ပွဲစားလုပ်ငန်းတွေ အမြတ်အစွန်းရမယ်။ ခရီး ထွက်ရကိန်းတွေကြုံရမယ်။ နိုင်ငံခြားခရီးစဉ်တွေ အကျိုးပေးစေတတ်ပါတယ်။ အဖော်အပေါင်းနဲ့ သွားရခြင်းမျိုး ဖြစ်လာစေတတ်ပါတယ်။ လူမျိုးဘာသာမတူသူတွေ အကူအညီပေးတတ်တယ်။ ရွှေအဝင် အထွက်ရှိမယ်။ ထီကံကောင်းတယ်။ ဘာသာရေးဆိုင်ရာပစ္စည်းတွေ ဘုရားဆင်းတုတော် ဘုရားဓာတ်ပုံတွေ ဝင်လာလျှင် ကံကောင်းမယ်။ လာဘ်ဝင်မယ်။ ထီထိုးပါ။
ဘာသာရေး သာသနာရေးလုပ်ငန်းများလည်း လုပ်ကိုင်ရတတ်တယ်။ ဝန်ထမ်းဆိုရင် အပြောင်းအလည်းကိစ္စတွေ မကောင်းသေးပါ။ အလုပ်မှာ လူပင်ပန်း စိတ်ပင်ပန်းမှုတွေ ရှိစေတတ်ပါတယ်။ အလုပ်မှာ စိတ်မပါသလို ဖြစ်စေတတ်ပါတယ်။ ပြောင်းချင်ရင် မွေးလကျော်မှပြောင်းပါ။ ကိုယ်ပိုင်လုပ်ငန်းကို တစ်ပိုင်တစ်နိုင်စလုပ်ရင် လုပ်လို့ရစေတတ်ပါတယ်။ မြောက်အရပ် အရှေ့တောင်အရပ်တွေ ခရီးသွားတာ စီးပွားရှာတာရှောင်ပါ။ ယခုနှစ်မှာ စီးပွားရေး စတင်လုပ်ဆောင်မည်ဆိုပါက အကျိုးပေးမယ့်လုပ်ငန်းတွေမှာ စနေနံနဲ့ ကြာသပတေးနံ လုပ်ငန်းများ လုပ်ကိုင်ပါက အကျိုးပေးပါတယ်။ အထည်လုပ်ငန်း ဓာတ်ဆီ၊ ဒီဇယ်၊ ထီ၊ ထမင်းဆိုင်လုပ်ငန်း၊ ပွဲရုံ၊ ပွဲစား၊ မွေးမြူရေး၊ ပရိဘောဂလုပ်ငန်းတွေ ပန်း မုန့် ပညာရေးနဲ့ပတ်သက်တဲ့ လုပ်ငန်းတွေ လူသုံးကုန်ပစ္စည်း အရောင်းအဝယ် လုပ်ငန်းတွေ အကျိုးအမြတ်ရမယ်။ အောင်မြင်ပါလိမ့်မယ်။
အိုးသစ်အိမ်သစ် နေရာသစ် ရွှေ့ပြောင်းရခြင်းများ ရာထူး အလုပ်အကိုင် အဆင်ပြေတိုးတတ် ငွေကြေးရှာဖွေလို့ ကောင်းချိန်ဖြစ်မည်။ အချစ်ရေးတွင် အပြိုင်အဆိုင်များပေါ်ပေါက်တတ်ပြီး ချစ်မူရေးရာကိစ္စများ ဖြေရှင်းရတတ်ပါမည်။ အချစ်အတွက်နဲ့ စကားများ ရန်များ မနာလိုရန်ငြိုးဖွဲ့ခြင်း ခံရတတ်ပါသည်။ အရှေ့တောင်အရပ်က လာဘ်လာဘများ ဝင်လာတတ်ပါသည်။ လူလွတ်ဖြစ်လျှင် အိမ်ထောင်ကျတတ်ပါမည်။ စိတ်ချမ်းသာရသောခရီး ဘုရားဖူးခရီးသွားရတတ်ပါမည်။ ကျောက်နီ ပတ္တမြား ရတနာ ရွှေငွေ ရရှိစေမဲ့နှစ်ဖြစ်သည်။ ဒီနှစ်ထဲတွင် ရသလောက် ပြန်ထွက်တတ် မမြဲတတ်၍ သတိရှိဖို့ လိုပါမည်။ စက်ပစ္စည်း ပျက်တာပြင်တာ ပျောက်တာဖြစ်စေတတ်တယ်။ အိမ်တွင်းရေး အိမ်ထောင်ရေးတို့မှာ အဆင်မပြေတာတွေ ဖြစ်စေတတ်တယ်။ သတိထားပြောဆို နေထိုင်ရန် လိုစေတတ်ပါတယ်။ စီးပွားရေးနဲ့အတူ ဘာသာရေး ကုသိုလ်ရေး ယှဉ်တွဲလုပ်ပါ။ ကောင်းမှုတစ်ခု နေ့စဉ်ပြုပါ။ ခိုစာ ခွေးစာ ငှက်စာကျွေးပါ။ လပြည့်လကွယ် သက်သတ်လွတ်စား ဘုရားခန်း နေအိမ်အမြဲ သန့်ရှင်းအောင်ထားပါ။ ကောင်းမှုတွေနဲ့ ဖြတ်သန်းပါ။ ကံတရားရဲ့ ထောက်အပံ့ကောင်းတွေ ရရှိလာမှာဖြစ်ပါတယ်။
ငွေကြေး။ ။ ငွေကြေးကံအနေနှင့် ငွေ ရှာရလွယ်နေတတ်ပါတယ်။ သို့ပေမယ့် လက်ထဲမှာ ငွေမမြဲပေ ငွေကုန်စရာတွေလည်း ပေါ်လာတတ်ပါတယ်။ ငွေအဝင်အထွက်တွေ များနေတတ်ပါတယ် ငွေစုပါ။ ရစရာရှိတာတွေကော ပေးစရာရှိတာတွေကော ခက်ခဲစေတတ်ပါတယ်။ ငွေကိုချွေတာပြီး သုံးရန် လိုစေတတ် ငွေချေးတာ အာမခံတာ အထူးရှောင်ပါ။ ငွေလူလိမ်ခံရတတ်ပါတယ်။ ငွေယိုပေါက်တွေထိန်းပါ။ ငွေကအဖက်ဖက်ကရှာဖွေနိုင်မှမြဲစေမည်။ ငွေဝင်လမ်းတစ်ခုထဲဆို ခက်ခဲစေတတ်ပါတယ်။ ငွေကြေးက မမြဲတတ်သောကြောင့် ငွေနဲ့ရင်းတဲ့အလုပ်တွေ ဖြတ်လမ်းစီးပွားရေးတွေ ရှောင်ပါ။ ထီကံကောင်းမယ်။ ထီပေါက်ကိန်း ရှိပါတယ်။ အကျိုးပေးဂဏန်း ၇ ၅ ၄ ဖြစ်ပါတယ်။ ငွေကံကောင်းစေရန် လာဘ်ပွင့် လာဘ်နှိုးဂါထာကို မနက်ည သက်စေ့ရွတ်ပါ။ ခိုစာ ခွေးစာ ငှက်စာကျွေးပါ။
လူမှုရေး ။ ။ လူမှုရေး အနည်းငယ် ပြဿနာလေးတွေ ရှိနေတတ်ပါတယ်။ အတိုက်အခံအခြေအတင်လေးတွေ စကားပြောရတတ်ပါတယ်။ အကြီးအကဲ အထက်လူကြီးပိုင်းနဲ့ အဆင်မပြေတာတွေ အထက်လူကြီးကြောင့် စိတ်ညစ်ရစေတတ် အားနာမှုကြောင့် ဒုက္ခရောက်စေတတ်ပါတယ်။ လက်အောက်ငယ်သား မိမိညီအကို မောင်နှမတွေကြောင့်လည်း စကားအခြေအတင် ပြောရစေတတ်ပါတယ်။ သူတပါးမကောင်းပြောဆိုတာ ခံရစေတတ် ကိုယ့်ကိုကိုယ်ပဲ အားကိုးပါ။ သူတပါးအားမကိုးပါနဲ့။ စိတ်လိုက်မာန်ပါ ပြုမူပြောဆိုတာတွေ ရှောင်ပါ။ အမှုအခင်း ပြဿနာလေးတွေ ဖြစ်လာတတ်ပါတယ်။ စေတနာကောင်း စိတ်ကောင်းထားပါ။ ဘာသာရေး ပိုလုပ်ပါ။ သူများပြဿနာ ဝင်ဖြေရှင်းတာတွေ မပြုလုပ်ရ စေတနာအမှား ဖြစ်တတ်သောကြောင့် သတိထားရှောင်ပါ။ သောကြာနံပါတဲ့နေ့သားတွေ အင်္ဂါနံပါတဲ့နေ့သားတွေနဲ့ စကားပြောဆိုတာ သတိထားပါ။ အိမ်တွင်းရေး ပြဿနာတွေလည်း ပေါ်လာတတ်တယ်။ စိတ်ကိုအေးအေးထားပြီး ဖြေရှင်းပါ။ ခန္တီတရားလက်ကိုင်ထားပြီး အရာရာပြုလုပ်ပြောဆိုပါ။
ကျန်းမာရေး ။ ။ ကျန်းမာရေးမှာဆိုရင် အာရုံကြောအားနည်းတာ ဦးခေါင်းမကြည်တာ ဆီး မျက်စိ အစာအိမ်လေအောင့်တာ သွေးသားမမှန်စေတာ မူးမောတာ ခါးနာ ဒူးနာ ချောင်းဆိုး ရင်ကျပ်တာ ရာသီအကူးအပြောင်း ဖျားနာတာတွေ ဖြစ်ပေါ်နေတတ်ပါတယ်။ အသေးစားအက်စီးဒန့်လိုရှိစေ ခြေ လက် ထိခိုက် ဒါဏ်ရာ ရစေတာမျိုး ဖြစ်စေတတ်တယ်။ သတိထားပါ။ ဖြစ်ပြီးသားရောဂါ ပြန်ဖြစ်လာတာမျိုးလည်း ကြုံရတတ်ပါတယ်။ အကုန်ဖြစ်မယ်လို့တော့ မဆိုလိုပေ တစ်ခုမဟုတ်တစ်ခု ဖြစ်ပေါ်လာတတ်ပါတယ်။ အသက်ကြီးပိုင်းတွေ သွေးတိုးရောဂါ အစာအိမ်နဲ့ပတ်သက်တာ အကြောအားနည်းရောဂါတွေ ဖြစ်စေမည်။ သတိထားရန်တော့ လိုစေမည်။ ဆေးထိုးဆေးသောက် ပြုရတာဆေးခန်း ပြရတတ်တယ်။ ကျန်းမာရေးအတွက် ဆေးလှူ ရေလှူ သက်ကြီးပူဇော်ပါ။ ငါးလွှတ်ပါ။ ငှက်လွှတ်ပြီးဆုတောင်းပါ။ ဘာသာရေးပိုလုပ်ပါ။
အိမ်ထောင်ရေး ။ ။ ယခုနှစ် အိမ်ထောင်ရေးမှာဆိုရင် မိမိအိမ်ထောင်ဘက်နှင့် အဆင်ပြေတဲ့အခါရှိသလို မပြေတာတွေလည်း ရှိနေတတ်ပါတယ်။ အိမ်ထောင်ရေး စိတ်ညစ်စရာလေးတွေ ရှိနေမည်။ မကြာခဏဆိုသလို ဂတောက်ဂဆတွေ ဖြစ်ပေါ်နေတတ်ပါတယ်။ တစ်ယောက်နှင့်တစ်ယောက် စိတ်တိုင်းမကျတာ နားလည်မှုတွေလွဲနေတာ အလိုမကျတာတွေ မကြာခဏဖြစ်ပေါ်နေပါမယ်။ အရှော့မပေး အရှုံးမပေးပဲ ရှိနေမည်။ လက်အောက်ငယ်သား ညီအကိုမောင်နှမ အတွက်သော်လည်းကောင်း သားသမီးရှိက သားသမီး ကြောင့်စိတ်ညစ်ရတတ်သည်။ အိမ်ထောင်ရေးမှာ ကြားလူဝင်နှောင့်ယှက်တာတွေ အိမ်ထောင်ရေးအဖျက်အစီး အနှောင့်အယှက်တွေ ကြုံလာပါမယ်။ အိမ်ထောင်ရေးဇယားရှုပ်တာ အပျော်အပါးလိုက်စားပါက နာမည်ဂုဏ်သိက္ခာ ကျဆင်းတတ်သလို တတ်လာမယ့် အညွန့်ပြန်ကျိုးမယ်။ အသောက်အစား ရှိပါက အိမ်ထောင်ရေး ရန်ပေါ်တတ်ပါတယ်။ အိမ်ထောင်ရေး ဇယားရှုပ်တာ အထူးရှောင်ပါ။ ရှုပ်ထွေးမှုတွေ ဖြစ်ပေါ်တတ်ပါတယ်။ ထိုသို့ပြုလုပ်မိပါက မမျှော်လင့်ထားတဲ့ ပြဿနာတွေဖြစ်လာတတ်ပါတယ်။ စီးပွားပျက်တတ်တယ်။ ဂုဏ်သိက္ခာ ကျဆင်းတတ်သောကြောင့် သတိထားဆင်ခြင်ရန်လိုအပ်ပါမည်။ အိမ်ထောင်ရေးမှာ ဆိုးတူကောင်းဖက်တိုင်ပင်ပြီး လက်တွဲမှသာ အဆင်ပြေစေတတ်ပါတယ်။ ကုသိုလ်ရေးအတူလုပ် ဘာသာရေး အတူလုပ် စီးပွားရေး တိုင်ပင်ပြီး လက်တွဲပါ အပျော်အပါး အသောက်အစားတွေ ရှောင်ပါ အဆင်ပြေလာပါလိမ့်မည်။
အချစ်ရေး ။ ။ ယခုနှစ်အတွင်း အချစ်ရေး စန်းပွင့်နေပါမည်။ ငယ်ရွယ်သူတွေ အချစ်ရေး ကံကောင်းလာမည်။ အချိန်တစ်ခုယူပြီး လေ့လာရန်တော့လိုစေမည်။ အချစ်ဟောင်းကိုစွန့်ပြီး အချစ်သစ်ကူးပြောင်း ကာလဖြစ်တယ်။ ချစ်သူစုံတွဲတွေ အနေနဲ့က အနည်းငယ် စိတ်ညစ်စေရတတ်ပါတယ်။ အချစ်ရေးဂတောက်ဂဆတွေ အချစ်ရေး ပြဿနာတွေ များနေမယ်။ မကြာခဏ စိတ်ဆိုးစိတ်ကောက် စကားများနေရတာတွေ ရှိနေတတ်ပါတယ်။ ရန်ဖြစ်လိုက် ပြန်ချစ်လိုက်ရှိနေမယ်။ တခါတရံ သဝန်တို စိတ်မချတာ အထင်အမြင်လွဲမှားတာတွေ နားလည်မှုလွဲမှားတာတွေ ရှိနေတတ်ပါတယ်။ စိတ်တိုင်းမကျ အလိုမကျတာတွေလည်း ရှိနေတတ်ပါတယ်။ တခါတလေ ရှေ့တိုးရအခက် နောက်ဆုတ်ရအခက် တွေဝေနေတတ်တယ်။ သံယောဇဉ်တော့ မပြတ်ပါ။ ဘဝမှာ ရည်းစားဦးပြိုကွဲခြင်း အိမ်ထောင်ဦးပြိုကွဲခြင်းများ ကြုံရတတ်ပါတယ်။ စိတ်နှစ်တတ်သူကတော့ ပိုပြိး ပင်းပန်းနေစေတတ်ပါတယ်။ ယခုနှစ် တွင်အိမ်ထောင်ကျကိန်း ရှိနေပါတယ်။ ယူမယ်ဆို ယူလို့ရပါတယ်။ ငယ်ရွယ်စဉ် အိမ်ထောင်ကျပါက ပြန်ကွဲတတ်ပါတယ်။ အိမ်ထောင်မတည်မြဲနိုင်ပါ။ မိမိအသက် ၂၆နောက်ပိုင်း အိမ်ထောင်ပြုမှ တည်မြဲစေတတ်တယ်။ ယခုနှစ်အချစ်ရေးက ဂတောက်ဂဆလေးတွေနဲ့ ဖြတ်သန်းရတတ်ပါတယ်။ ချစ်သူနှစ်ဦးကြားမှာ အဖျက်အစီးတွေ ဝင်လာစေတတ်ပါတယ်။ အချစ်ရေး ဇယားရှုပ်တာ အပျော်အပါး လိုက်စားပါက မတည်မြဲနိုင်ပါ။
ပညာရေး ။ ။ ယခုနှစ်မှာပညာရေးနှင့် ပတ်သက်ပြီး ကောင်းမွန်ပါမည်။ အသိပညာသစ် အတတ်ပညာသစ်တွေရမယ်။ ဆရာကောင်း သမားကောင်းတွေရမယ်။ ရပ်ဝေးမှ ပညာရပ်တွေ သင်ကြးရတတ်တယ်။ ဗဟုသုတ တိုးပွားမည်။ ကြိုးစားသလောက် ထွန်းပေါက်နိုင်လိမ့်မည်။ ပညာတတ်လေ ဘဝလမ်းခရီး အောင်မြင်လေဖြစ်ပါမယ်။ ပညာဖြင့်အသက်မွေးဝမ်းကြောင်း ပြုရင်လည်း အကျိုးပေးပါမည်။ တစ်ခါတစ်ရံ ပညာရေးကို စိတ်ဝင်စားမှု အားနည်းတတ်တယ်။ ထိုအရာတွေက ပညာရေးကို အဖျက်တွေ ဝင်လာစေတတ်ပါတယ်။ အချစ်ရေးကြောင့် ပညာရေး ထိခိုက်တတ်သလို အပေါင်းအသင်းမှားတာ အပျော်အပါး မက်မှုတွေကြောင့် ပညာရေး ထိခိုက်တတ်စေတယ်။ ပညာရေးနှင့် ပတ်သက်ပြီး အားစိုက်ထုတ်ရမယ့် သူမျိုးဖြစ်တယ်။ အတန်းပညာပြီးဆုံးရင်လည်း အတတ်ပညာ ဘာသာစကားဆိုင်ရာ နည်းပညာ ကွန်ပျူတာနဲ့ဆိုင်တဲ့ ပညာမျိုးတွေ လေ့လာပါ။ သင်ယူပါ။ ဘဝအတွက် အထောက်အကူဖြစ်စေလိမ့်မည်။
ဒီနှစ်အတွက် အကျိုးပေးအရောင် ။ ။ ပန်းရောင် အဝါရောင်၊ နက်ပြာရောင်၊ အနက်ပွင့် အနက်ရောင်၊ အစိမ်းပွင့်ရောင် ရွှေဝါရောင်တွေဖြစ်ပါတယ်။ အရေးကြီးသော လုပ်ငန်းကိစ္စ အရေးကြီးသောစကား ခရီးကိစ္စတွေ သွားလာရာမှာ ဝတ်ဆင်အသုံးပြုခြင်းဖြင့် ကံဇာတာပွင့်လန်းစေပါလိမ့်မည်။
ဒီနှစ်အတွက် အကျိုးပေးဂဏန်း ။ ။ ၅ ၇ ၆ ၂ ထိုဂဏန်းတွေကို ဒီနှစ်အတွင်းမှာ အသုံးပြုခြင်းဖြင့် အကျိုးများစေပါလိမ့်မည်။
**ဒီနှစ်အတွက် မိမိတို့အနေနဲ့ အရေးကြီးသော အကြောင်းကိစ္စ အဝဝ ပြုလုပ်ပြောဆိုရာမှာ** အောင်မြင်ဖို့အတွက် အကောင်းဆုံး အကျိုးပေးနေ့တွေမှာ ကြာသပတေးနေ့နဲ့ စနေနေ့ နေ့တွေဖြစ်ပါတယ် ထိုနေ့အတွင်းမှာ အကောင်းဆုံးအချိန်ဖြစ်တဲ့ မုဆိုးရွှေအိုးရကိန်း အချိန်ဖြစ်တဲ့ ကြာသပတေးနေ့ မနက်၈း၂၅မှ ၁၀:၄၈ နဲ့ စနေနေ့အတွက် နေ့လည် ၁း၁၃မှ ၃း၃၆အတွင်းနဲ့ ပုဏ္ဏား နတ်သမီး ရကိန်းအချိန်ဖြစ်တဲ့ ကြာသပတေးနေ့၃း၃၇မှ၆း၀၀နာရီ နဲ့ စနေနေ့ မနက်၈း၂၅မှ ၁၀:၄၈ထို အချိန်တွေမှာ အရေးကြီးသော အလုပ်ကိစ္စ အကြောင်းအရာရာ ကိစ္စအဝဝ ပြုလုပ်ပြောဆိုရာမှာ သော်လည်းကောင်း ခရီးကိစ္စတွေ သွားလာတာ မျိုးတွေမှာသော်လည်းကောင်း ထိုအချိန်တွေမှာ ပြုလုပ်ပြောဆို လုပ်ကိုင်ဆောင်ရွက်ခြင်းဖြင့် အောင်မြင်မှုတွေ ရရှိစေပါမည်။
ဗုဒ္ဓဟူးသက်ရောက်ရှောင်ရန် ။ ။ ဒီတစ်နှစ်ပတ်လုံးသိုးသား ၊ သရက်သီး ၊ တို့ဖူး ၊ အပြာရောင် အဖြူပွင့်ရောင် အညိုရောင် နီညိုရောင် ဝတ်စား ဆင်ရင် အသုံးပြုခြင်းရှောင်ပါ။ အိမ်ထောင်ရေးဇယားရှုပ်တာ၊ အပျော်အပါး အသောက်အစားရှောင် လောင်းကစားပြုလုပ်တာ ရှောင်ရပါမည်။
ဘဝတစ်သက်တာမှာ ။ ။ ဘုမ္မိအရပ်က အရှေ့မြောက် အရပ်ဖြစ်ပါတယ်။ ထိုအရပ်မှာ စီးပွားရှာတာ ခရီးထွက်တာ အိမ်ဆောက်တာ အိမ်မျက်နှာလှည့်ပြီး ဆောက်လုပ်တာ လှေကားထားတာ အထူးရှောင်ပါ။
ဘဝတစ်သက်တာအတွက် အကျိုးပေး ရတနာ ။ ။ ဥဿဖရား ကျောက်တို့က မိမိတို့ရဲ့ အကျိုးပေး ရတနာတွေပဲ ဖြစ်ပါတယ်။
ယတြာ ။ ။ ဒီနှစ် တစ်နှစ်လုံးမှာ မိမိတို့အနေနဲ့ ကံဇာတာပွင့်လန်းစေရန် ကံကောင်းမှုတွေ ရရှိစေရန် ပြုလုပ်ရမည့် ကောင်းမှုကံ ယတြာ အနေနဲ့က စနေနေ့မနက် (၉း၄၅) တွင် ထောပတ်ထမင်းတစ်ပွဲ မုန့်ဆီကျော် မွှေးသောပန်း မိမိအိမ်ဘုရားတွင်လှူပါ။ တစ်ပတ်တစ်ခါလှူပါ။ စနေထောင့်မှာ ထီးဖြူအကြီး ၁ လက် လှူပါ။ မိမိလိုရာဆုတောင်းပါ။ တစ်လတစ်ခါပြုလုပ်ပါ။ ဘာသာရေး ကုသိုလ်ရေး အမြဲပြုပါ။ လာဘ်ပွင့်ဂါထာ အန္တရာယ်ကင်းဂါထာတွေ အမြဲရွတ်ပြီး အစစအရာရာပြုလုပ်ပါ။ လူသွားလမ်းတွေအမှိုက်ရှင်း မိဘအဝတ်အစားလျှော်ပါ။ ကံကောင်းလာစေမည်။
အညံ့ပပျောက်ရန် ။ ။ ဒီနှစ်အတွင်းမှာ မိမိတို့ကံအညံ့တွေ ပြေပျောက်စေရန်အတွက် စနေနေ့ညနေပိုင်းတွင် သခွားသီးတစ်လုံးမှာမိမိနာမည်ရေးပါ။ ငါ့ဒါဏ်နင်ခံ ငါ့မှာရှိတဲ့မကောင်းတဲ့ အညံ့အားလုံးပါသွားစေ ဟုပြောပြီး နင်းချေပါ။ မိမိအိမ်နောက်ဘက်တွင်ပြုလုပ်ပါ။ တစ်လတစ်ကြိမ်ပြုလုပ်ပါ။ သက်ကြီးပူဇော် ခွေးစာ ငှက်စာကျွေး ကံ၅ပါး လုံအောင်နေပါ ခက်ခဲမှုတွေ လွတ်မြောက်စေ အညံ့ပျောက်စေမည်။