၂၀၂၆ ခုနှစ် ကြာသပတေးသားသမီးများအတွက် ကံကြမ္မာ အဟော

ကြာသပတေး သားသမီးများအတွက် မိမိတို့ရဲ့ အသက်အပိုင်းအခြား ၉ ၁၇ ၂၅ ၃၃ ၄၁ ၄၉ ၅၇ ၆၅ ၇၃ ၈၁ ၈၉။ ထိုနှစ်တွေမှာ ကြုံတွေ့ရစေမယ့် မိမိတိုးရဲ့ ကံကြမ္မာ အစိတ်အပိုင်းများ။
စီးပွားရေး အလုပ်အကိုင် ။ ။ ယခုနှစ်မှာ ကြာသပတေး သားသမီးများ အနေဖြင့် အလုပ်အကိုင် စီးပွားရေးနဲ့ ပတ်သတ်ပြီး ကံ၊ ဉာဏ်၊ ဝီရိယအားထုတ်ရမည့် နှစ်ဖြစ်တယ်။ စီးပွားရေး အနည်းငယ် ခက်ခဲမှုတွေလည်း ဖြစ်လာတတ်ပါတယ်။ လုပ်သမျှအရာမထင်ပဲ ရှိနေမယ်။ ဟိုလိုလို ဒီလိုလိုနဲ့ အချိန်တွေ ကုန်နေတတ်ပါတယ်။ ဟိုဟာလုပ်ရကောင်းနိုး ဒီဟာလုပ်ရကောင်းနိုး ဖြစ်နေတတ်ပါတယ်။ စိတ်နဲ့လူလည်း မကပ်သလိုတွေ ဖြစ်နေတတ်ပါတယ်။ မကြာခင်လုပ်ငန်းသစ်တွေလည်း ပေါ်လာစေတတ်ပါတယ်။ အကြံအစည်သစ်တွေ ပေါ်လာစေမယ်။ စပ်တူလုပ်ငန်းတွေ လုပ်လို့ရစေတတ်ပါတယ်။ လုပ်ငန်းတွေမှာ အပြိုင်အဆိုင်လေးတွေတော့ ရှိနေတတ်ပါတယ်။ ခက်ခဲထစ်ငေါ့မှုတွေ ကြုံတွေ့ပြီးမှ အဆင်ပြေစေတတ်ပါတယ်။ တစ်ခါတစ်လေ ဘာလုပ်လို့ ဘာကိုင်ရမှန်းမသိ ဖြစ်စေမည်။ ဝန်ထမ်းဆို ရာထူးလစာတိုးစေတတ်ပါတယ်။ အလုပ်မှာ စိတ်မပါသလိုတွေလည်း ဖြစ်ပေါ်နေတတ်ပါတယ်။ အလုပ်မှာ မပျော်စေပဲ တခါတရံ အလုပ်ပြောင်းချင် ထွက်ချင်စိတ်တွေ ပေါ်နေတတ်ပါတယ်။ တစ်ဖက်မှရမှ တစ်ဖက်ကိုပြောင်းလုပ် အလုပ်ထွက်ပြီးရှာပါက ကြန့်ကြာစေမည်။ အကြီးအကဲ အထက်လူကြီးတွေနဲ့ ပတ်သက်ပြီး အကူအညီကို ရရှိလာတတ်ပါတယ်။ အနောက်တောင်အရပ်ကနေ လာဘ်ဝင်လာစေတတ်ပါတယ်။ လုပ်ငန်းပိုင်းတွေမှာတော့ အပြိုင်အဆိုင်တွေ များနေစေတတ်ပါတယ်။ လူမှုရေးအတိုက်အခံတွေ ပေါ်လာစေတတ်ပါတယ်။ အရောင်းအဝယ် လုပ်ငန်း လုပ်နေတဲ့သူတွေအတွက် အဆင်ပြေစေမယ်။ ရောင်းအား အတက်အကျတွေနဲ့ ရှိနေမည်။ တိုးချဲ့လုပ်ကိုင်ရမယ်။ လုပ်ငန်းတွေကို ငွေရင်းနှီးမြှုတ်နှံရသော အလုပ်တွေ ရှောင်ပါ။ ငွေရှာရတာလွယ်သလောက် ငွေကုန်စရာတွေလည်းပေါ်မည်။ ကျန်ဖန်ပြီး ငွေထွက်နေမယ်။ အလုပ်မှာအပြိုင် အဆိုင်အတိုက်အခိုက်တွေပေါ်မည်။ လုပ်သမျှလည်း မထင်ပေါ်တာ အရာမရောက်တာတွေလည်း ကြုံတွေ့ရတတ်ပါတယ်။ အကြီးအကဲကူညီမစမယ်။ စပ်တူရှယ်ယာလုပ်ငန်းတွေအကျိုးပြုမယ်။ အဆိုးအကောင်း ဒွန်တွဲနေတဲ့နှစ် ဖြစ်တယ်။ စားသောက်ကုန် စက်ပစ္စည်းတွေဝင်မယ်။ အရောင်းအဝယ်သမားတွေ ငွေရွှင်မယ်။ ခရီး ထွက်ရကိန်းတွေကြုံရမယ် လူမျိုးဘာသာမတူသူတွေ ကူညီပေးတတ်တယ်။ စက်ပစ္စည်းတွေ ဝင်လာတတ်ပါတယ်။ ဘာသာရေး သာသနာရေးလုပ်ငန်းများလည်း လုပ်ကိုင်ရတတ်တယ်။ အိုးအိမ် အသစ်ဆောက်ရတာတွေ အိမ်ပြင်ရတတ်ပါတယ်။
အိမ်ပြောင်း အလုပ်ပြောင်း ရတာတွေလည်း ဖြစ်ပေါ်တတ်ပါတယ်။ ဝန်ထမ်းဆိုအပြိုင်အဆိုင်များမယ်။ စီးပွားဖြစ်နှေးတတ်ပါတယ်။ လူမျိုးခြား ဘာသာခြားတွေရဲ့ ကူညီမစမှုတွေရရှိနေမယ်။ မိတ်ဆွေကောင်း အပေါင်းအသင်းကောင်းတွေတွေ့မယ်။ မြေကိစ္စ အမွေကိစ္စ မိသားစုကိစ္စ စိတ်ညစ်နေရတတ်ပါတယ်။ မြေအထွက်ရှိနေမယ်။ ကိုယ့်အားကိုယ် ကိုးပါ သူများအားကိုးရင် မိမိပြန်ပြီးဒုက္ခရောက်တတ်ပါတယ်။ ယခုနှစ်မှာ အနည်းငယ်လူပင်ပန်း စိတ်ပင်ပန်းမှုတွေရှိနေတတ်ပါတယ်။ လုပ်ငန်းထစ်ငေါ့တာ ခက်ခဲတာတွေရှိနေပါမယ်။ လာဘ်ပိတ်စေမယ်။ သတိထားပါ။ အလုပ်မှာ အကြီးအကဲ အထက်လူကြီးတွေရဲ့ ကူညီမစမှုတွေကိုရမယ်။
တပေါင်း တန်ခူး ကဆုန်လတွင် ငွေကြေးလာဘ်ရွှင်စေပါမည်။ အလုပ်အကိုင်များ မဆင်ပြေစီးပွားရေးတိုးတတ် အကျိုးခံစားခွင့်များ ရရှိနိုင်မည့်နှစ်ဖြစ်သည်။ လူပျိုအပျိုဖြစ်လျှင် အချစ်ရေးစန်းပွင့်တဲ့နှစ်ဖြစ်ပြီး အနောက်အရပ်ကချစ်သူတွေ့တတ်ပါမည်။ အချစ်ရေးအဆင်ပြေ အိမ်ထောင်ရေးအဆင်ပြေတဲ့နှစ်ဖြစ်မည်။ တစ်ခုသတိထားရမှာက အချစ်ကိုမယုံလွယ်ပါနဲ။ သူတစ်ပါးကြောင့် သားသမီးကြောင့် မျက်နှာပျက် အရှက်ရတတ်ခြင်း စွပ်စွဲပြောဆိုခံရခြင်းများ ခံရတတ်ပါသည်။ ကွဲကွာခဲ့သော အိမ်ထောင်ဘက် ချစ်သူနှင့် ပြန်လည်အဆင်ပြေပေါင်းဖက်ရတတ်ပါသည်။
ထီး ဖိနပ် အထည်သစ်တွေဝင်မယ် ရွှေအထွက် ရှိနေတတ်ပါတယ်။ ဘဝတသက်တာမှာ ကိုယ့်ဒူးကိုယ်ချွန်ရပ်တည် ကြိုးစားရပါမယ်။ မိသားစု ညီအကိုမောင်နှမ အားကိုးလို့မရပါ။ လက်အောက်ငယ်သားတွေတော့ အကူအညီတွေ ရရှိလာစေတတ်ပါတယ်။ စက်ပစ္စည်းတွေ ဝင်လာစေတတ်ပါတယ်။ လူမျိုးခြားအကူအညီတွေ ရရှိလာစေတတ်ပါတယ်။ ယခုနှစ်မှာ စီးပွားရေး စတင်လုပ်ဆောင်မည်ဆိုပါက အကျိုးပေးမယ့် လုပ်ငန်းတွေ မှာ အင်္ဂါ၊ တနင်္ဂနွေနံ လုပ်ငန်းများ လုပ်ကိုင်ပါက အကျိုးပေးပါတယ်။ ဆန်၊ ဆီ၊ ဆား၊ ဆေး၊ စားသောက်ကုန် စက်မူလုပ်ငန်းများ၊ အိုး၊ အိမ်နှင့်ပတ်သက်သောလုပ်ငန်း၊ ဥယျာဉ်၊ ခြံမြေလုပ်ငန်းများ အီလက်ထရောနစ်ပစ္စည်းအရောင်း အဝယ် အထည်အလိပ် ဓာတ်ဆီဒီဇယ်လုပ်ငန်း ထမင်းဆိုင် နိုင်ငံခြားနဲ့ ဖက်စပ်လုပ်ငန်းတွေက အကျိုးများစေတတ်ပါတယ်။ အကျိုးအမြတ်ရမယ် အောင်မြင်ပါလိမ့်မယ်။ စီးပွားရေး အလုပ်အကိုင်ကို အားစိုက်ရှာဖွေနိုင်မှ အဆင်ပြေစေမည်။ ယခုနှစ်မှာဆိုရင် စီးပွားရေးနဲ့အတူ ဘာသာရေး ကုသိုလ်ရေး ကောင်းမှုတစ်ခုနေ့စဉ်ပြုနေပါ။ ဘာသာရေးအားနည်းလေ မိမိကံတရားညှိုးနွမ်းလေ ဖြစ်လာစေတတ်ပါတယ်။ ထို့ကြောင့်ဘာသာရေး ပိုအလေးထားပါ။ ဆန်ဆီဆေးလှူတာ ခိုစာ ခွေးစာ ငှက်စာကျွေးတာတွေ အမြဲပြုလုပ်ပါ။
ငွေကြေး ။ ။ ငွေကြေးကံအနေနှင့် ငွေဝင်ပြီး လက်ထဲမှာ ငွေမမြဲပဲ ဖြစ်စေတတ်ပါတယ်။ ငွေရှာရလွယ်နေတတ်ပါတယ်။ ငွေကုန်စရာတွေလည်း ပေါ်လာတတ်ပါတယ်။ ငွေအဝင်အထွက်တွေ များနေတတ်ပါတယ်။ တစ်ခါတစ်ရန် ငွေဝင်ပြီး ကျွေးတင်နေတာမျိုးတွေ ရှိနေမည်။ ငွေကုန်ပေါက်တွေများနေမည်။ ငွေက ဝင်လမ်းတစ်ခုထဲဆို ခက်ခဲစေပြီး အဖက်ဖက်က ငွေရှာနိုင်မှ မြဲစေမည်။ ငွေစုပါ ငွေဝင်လာရင် လုပ်ငန်းတိုးချဲ့ပါ ဒါနကောင်းမှုပြုပါ။ ငွေကိုချွေတာပြီး သုံးရန် လိုစေတတ် ငွေယိုပေါက်တွေထိန်းပါ။ ငွေချေးတာ အာမခံတာ အထူးရှောင်ပါ။ ငွေလူလိမ်ခံရတတ်ပါတယ်။ ငွေကြေးက မမြဲတတ်သောကြောင့် ငွေနဲ့ရင်းတဲ့အလုပ်တွေ ဖြတ်လမ်းစီးပွားရေးတွေ ရှောင်ပါ။ ငွေကံကောင်းစေရန် လာဘ်နှိုးလာဘ်ပွင့်ဂါထာကို မနက်ည သက်စေ့ရွတ်ပါ။ အနည်းဆုံး ၁၀ ခေါက်ရွတ်ပါ။ ခိုစာ ခွေးစာ ငှက်စာကျွေးပြီး ဆုတောင်း။
လူမှုရေး ။ ။ လူမှုရေး အနည်းငယ် ပြဿနာလေးတွေ ရှိနေတတ်ပါတယ်။ အတိုက်အခံအခြေအတင်လေးတွေ စကားပြောရတတ်ပါတယ်။ သူတပါး မကောင်းပြောဆိုတာ စွတ်စွဲတာတွေ ခံရတတ်ပါတယ်။ လူယုံထားလို့မရပါ။ မိသားစုကိစ္စ မြေကိစ္စ အမွေကိစ္စလိုမျိုးတွေ စကားများရတတ်ပါတယ်။ အမျိုးသမီးတစ်ဦးနဲ့လည်း စကားများရတာတွေ ဖြစ်ပေါ်လာတတ်ပါတယ်။ အားနာမှုကြောင့် ဒုက္ခရောက်စေတတ်ပါတယ်။ လူမုန်းများနေတာ မိမိကောင်းသလောက် ပြန်မကောင်းစေတာ အပြစ်မြင်တာမျိုးတွေ ကြုံလာရစေမည်။ ကိုယ့်ကိုကိုယ်ပဲ အားကိုးပါ သူတပါးအားမကိုးပါနှင့် စိတ်လိုက်မာန်ပါ ပြုမူပြောဆိုတာတွေ ရှောင်ပါ။ အမှုအခင်း ပြဿနာလေးတွေ ဖြစ်လာတတ်ပါတယ်။ အမှုမဖြစ်အောင်နေပါ။ ဖြစ်လျှင် အရှုံးများစေတတ်ပါတယ်။ စေတနာကောင်း စိတ်ကောင်းထားပါ။ ဘာသာရေး ပိုလုပ်ပါ။ သူများပြဿနာ ဝင်ဖြေရှင်းတာတွေ မပြုလုပ်ရ စေတနာအမှား ဖြစ်တတ်သောကြောင့် သတိထားရှောင်ပါ။ တနင်္လာနံပါတဲ့နေ့သားတွေ သောကြာနံ နံပါတဲ့နေ့သားတွေနဲ့ စကားပြောဆိုတာ သတိထားပါ။ အမြဲလို လူသွားလမ်းတွေ သန့်ရှင်းပါ။ နေအိမ်ဘုရားခန်း သန့်အောင်ထားပါ။ သွားတိုက်ဆေး သွားတိုက်တံ တံမျက်စည်း အမြဲလှူ အန္တရာယ်ကင်းဂါထာအမြဲရွတ် မေတ္တာများပို့ ကံကောင်းစေမည်။
ကျန်းမာရေး ။ ။ ကျန်းမာရေးမှာဆိုရင် မကြာခဏ ချူချာနေတတ်ပါတယ်။ ဆေးထိုးဆေးသောက်ရတာ ဆေးခန်းပြရတာတွေလည်း ဖြစ်ပေါ်လာတတ်ပါတယ်။ အကြောတက်တာ ဦးခေါင်းမကြည်တာ ညောင်းညာကိုက်ခဲတာ သွားနာတာ သွေးပေါင်အတက်အကျတွေ ဖြစ်ပြီးမူးမောတာ ချောင်းဆိုး ရင်ကျပ်တာ ရာသီအကူးအပြောင်း ဖျားနာတာတွေ နှလုံးအားနည်းပြီး ရင်တုန်တာ အစာအိမ်လေအောင့်တာ ဖြစ်ပေါ်နေတတ်ပါတယ်။ အကုန်ဖြစ်မယ်လို့တော့ မဆိုလိုပေ။ တစ်ခုမဟုတ်တစ်ခု ဖြစ်ပေါ်လာတတ်ပါတယ်။ သတိထားရန်တော့ လိုစေတတ် ရေလှူတာ ဆေးလှူတာ ငါးလွှတ်ပါ။ ငှက်လွှတ်ပြီးဆုတောင်းပါ။ ဘာသာရေးပိုလုပ်ပါ။
အိမ်ထောင်ရေး ။ ။ ယခုနှစ် အိမ်ထောင်ရေးမှာဆိုရင် ကြီးကြီးမားမား ပြဿနာတော့ မရှိနေစေတတ်ပါ။ မိသားစု ညီအကိုမောင်နှမ အတွက်ကြောင့်စိတ်ညစ်ရတတ်သည်။ မိမိအိမ်ထောင်ဖက်ရဲ့ အကျိုးပြုမှုကိုလည်း ရရှိစေတတ်ပါတယ်။ တခါတရံတော့ဂတောက်ဂဆတွေ ဖြစ်ပေါ်နေတတ်ပါတယ်။ တစ်ယောက်နှင့်တစ်ယောက် စိတ်တိုင်းမကျတာ နားလည်မှုတွေလွဲနေတာ အလိုမကျတာတွေ ဖစ်ပေါ်နေပါမယ်။ အိမ်ထောင်ရေးမှာ ကြားလူဝင်နှောင့်ယှက်တာတွေ အိမ်ထောင်ရေးအပျက်အစီး အနှောင့်အယှက်တွေကြုံလာပါမယ်။ စီးပွားရေး အဆင်မပြေနေတဲ့အချိန်တွေမှာ အိမ်ထောင်ရေးဇယားရှုပ်တာ အပျော်အပါးလိုက်စားပါက နာမည်ဂုဏ်သိက္ခာ ကျဆင်းတတ်သလို တတ်လာမယ့်အညွန့်ပြန်ကျိုးမယ်။ မိမိအိမ်ထောင်ဖက်ကို သဝန်တို စိတ်မချမှုတွေ တစ်ခါတစ်ရန် သံသယ ဝင်စေတာမျိုးတွေ ဖြစ်စေမည်။ အမျိုးသမီး အဖျက်အဆီးတွေ ကြုံတွေ့ရတတ်ပါတယ်။ အသောက်အစား ရှိပါက အိမ်ထောင်ရေး ရန်ပေါ်တတ်ပါတယ်။ အိမ်ထောင်ရေး ဇယားရှုပ်တာ အထူးရှောင်ပါ။ ရှုပ်ထွေးမှုတွေ ဖြစ်ပေါ်တတ်ပါတယ်။ ထိုသို့ပြုလုပ်မိပါက မမျှော်လင့်ထားတဲ့ ပြဿနာတွေဖြစ်လာတတ်ပါတယ်။ စီးပွားပျက်တတ်တယ်။ ဂုဏ်သိက္ခာ ကျဆင်းတတ်သောကြောင့် သတိထားဆင်ခြင်ရန်လိုအပ်ပါမည် အိမ်ထောင်ရေးမှာ ဆိုးတူကောင်းဖက်တိုင်ပင်ပြီး လက်တွဲမှသာ အဆင်ပြေစေတတ်ပါတယ် ကုသိုလ်ရေးအတူလုပ် ဘာသာရေး အတူလုပ် စီးပွားရေး တိုင်ပင်ပြီး လက်တွဲပါ အပျော်အပါး အသောက်အစားတွေ ရှောင်ပါ အဆင်ပြေလာပါလိမ့်မည်။
အချစ်ရေး ။ ။ ယခုနှစ်အတွင်း အချစ်ရေး အဆင်ပြေတာတွေရှိသလို မပြေတာတွေလည်း ရှိနေတတ်ပါတယ်။ ငယ်ရွယ်သူတွေ အချစ်ရေး စန်းပွင့်နေတတ်ပါတယ်။ ချစ်သူရတတ်ပါတယ်။ သစ္စာအမှန် ‌မေတ္တာအမှန်နဲ့ ဆုံတွေ့ရစေမည်။ ယခုကာလတွေမှာ ငွေကြေးချမ်းသာတာ ရုပ်လှတာထက် သစ္စာတရား ရိုးသားမှုကို အခြေခံပြီး ရွေးချယ်ဖို့တော့ လိုစေမည်။ လက်ရှိချစ်သူ ရှိနေသူတွေကတော့ အချစ်ရေးဂတောက်ဂဆတွေ အချစ်ရေး ပြဿနာတွေ အနည်းငယ်ရှိနေတတ်ပါတယ်။ မကြာခဏ စိတ်ဆိုးစိတ်ကောက် စကားများနေရတာတွေ ရှိနေတတ်ပါတယ်။ ရန်ဖြစ်လိုက် ပြန်ချစ်လိုက်ရှိနေမယ်။ တခါတရံ သဝန်တို စိတ်မချတာ အထင်အမြင်လွဲမှားတာတွေ နားလည်မှုလွဲမှားတာတွေ ရှိနေတတ်ပါတယ်။ စိတ်တိုင်းမကျ အလိုမကျတာတွေလည်း ရှိနေတတ်ပါတယ်။ တခါတလေ ရှေ့တိုးရအခက် နောက်ဆုတ်ရအခက် တွေဝေနေတတ်တယ်။ သံယောဇဉ်တော့ မပြတ်ပါ။ ယခုနှစ် တွင်အိမ်ထောင်ကျကိန်း ရှိနေပါတယ်။ ယူမယ်ဆို ယူလို့ရပါတယ်။ ယခုနှစ်အချစ်ရေးက ဂတောက်ဂဆလေးတွေနဲ့ ဖြတ်သန်းရတတ်ပါတယ်။ ချစ်သူနှစ်ဦးကြားမှာ အဖျက်အစီးတွေ ဝင်လာစေတတ်ပါတယ်။ အချစ်ရေး ဇယားရှုပ်တာ အပျော်အပါး လိုက်စားပါက မတည်မြဲနိုင်ပါ။
ပညာရေး ။ ။ ယခုနှစ်မှာပညာရေးနှင့် ပတ်သက်ပြီး ရပ်တန့်နေတတ်ပါတယ်။ တွေဝေနေတာမျိုးတွေလည်း ရှိနေတတ်ပါတယ်။ ပညာရေးကို ရပ်တန့်မနေသင့်ပါ။ လတ်တလော ပညာရေးထစ်ငေါ့တာ ပညာရေး တစ်ပိုင်းတစ်စတွေ လွဲချော်တာတွေလည်း ရှိနေမည်။ တစ်ခြားသော အကြောင်းအရာတွေ စိတ်နှစ်နေမှုတို့ကြောင့် ပညာရေး စိတ်မပါဘူးဖြစ်နေမည်။ ထောက်ပံ့ပေးမှုတွေလည်း အားနည်းနေမည်။ ပညာတတ်လေ ဘဝလမ်းခရီး အောင်မြင်လေဖြစ်ပါမယ်။ ပညာဖြင့် အသက်မွေးဝမ်းကြောင်း ပြုရင်လည်း အကျိုးပေးပါမည်။ ပညာရေးကို ဝီရိယ အားစိုက်ထုတ်ကြိုးစားပါ။ ဘဝမှာ ပညာရေးကနံပါတ်၁ စီးပွားရေးက နံပါတ်၂၊ အချစ်ရေးက နံပါတ်၃ နေရာမှာထားပြီး ဘဝအတွက် ကြိုးစားအားထုတ်ပါက အောင်မြင်တိုးတက်လာပါလိမ့်မည်။ ပညာရေးကို အဖျက်တွေ ဝင်လာစေတတ်ပါတယ်။ အချစ်ရေးကြောင့် ပညာရေး ထိခိုက်တတ်သလို အပေါင်းအသင်းမှားတာ အပျော်အပါး မက်မှုတွေကြောင့် ပညာရေး ထိခိုက်တတ်စေတယ်။ ပညာရေးနှင့် ပတ်သက်ပြီး ကံ ဉာဏ် ဝရိယ အားစိုက်ထုတ်ရမယ့် သူမျိုးဖြစ်တယ်။ အတန်းပညာပြီးဆုံးရင်လည်း အတတ်ပညာ ဘာသာစကားဆိုင်ရာ ကွန်ပျူတာနဲ့ဆိုင်တဲ့ ပညာမျိုးတွေ လေ့လာပါ။ သင်ယူပါ။ ဘဝအတွက် အထောက်အကူဖြစ်စေလိမ့်မည်။
ဒီနှစ်အတွင်း အကျိုးပေးဂဏန်း ။ ။ ၃၊ ၅၊ ၇၊ ၁ ထိုဂဏန်းတွေက တစ်နှစ်ပတ်လုံး အကျိုးပြုစေပြီး ထီထိုးတာမျိုး တစ်ခြားသောကိစ္စတွေမှာ အသုံးပြုခြင်းဖြင့် ကံကောင်းစေပါလိမ့်မည်။
အကျိုးပေးအရောင် ။ ။ ဒီနှစ်အတွင်းမှာ ကံဇာတွေပွင့်ပြီး အကျိုးပေးအရောင်အနေနဲ့က နီညိုရောင်၊ အညိုပွင့် အညိုရောင် ပန်းရောင် အနီပွင့် အနီရောင် အနက်ပွင့် ခရမ်းရောင်တွေဖြစ်ပါတယ်။ အရေးကြီးသော စကား အရေးကြီးသော လုပ်ငန်းကိစ္စတွေ ခရီးကိစ္စတွေ အကြောင်းအရာတွေမှာ ဝတ်ဆင်ပြီး ပြုလုပ်ပြောဆို ဆောင်ရွက်ခြင်းဖြင့် ကံပွင့်စေမည်။
ကြာသပတေးသက်ရောက်ရှောင်ရန် ။ ။ ဒီတစ်နှစ်ပတ်လုံး အာလူးကြော် လိမ္မော်သီး ငှက်ပျော်သီး ချိစ့် အဖြူရောင် အပြာရောင် ရှောင်ပါ။ အပျော်အပါးလိုက်စားတာ လောင်းကစားပြုလုပ်တာ ရှောင်ပါ။ ထိုအရာတွေ ဝတ်ဆင် စားသောက်ခြင်း အထူးရှောင်ရပါမည်။
**ဒီနှစ်အတွက် မိမိတို့အနေနဲ့ အရေးကြီးသော အကြောင်းကိစ္စ အဝဝ ပြုလုပ်ပြောဆိုရာမှာ** အောင်မြင်ဖို့အတွက် အကောင်းဆုံး အကျိုးပေးနေ့တွေမှာ အင်္ဂါနေ့ တနင်္ဂနွေနေ့နဲ့ နေ့တွေဖြစ်ပါတယ် အင်္ဂါနေ့ အတွင်းမှာ အကောင်းဆုံးအချိန်ဖြစ်တဲ့ မုဆိုးရွှေအိုးရကိန်း အချိန်ဖြစ်တဲ့ ညနေ၃း၀၀မှ ၆း၀၀အတွင်းနဲ့ ပုဏ္ဏား နတ်သမီး ရကိန်းအချိန်ဖြစ်တဲ့ မနက် ၁၀း၄၉မှ ၁း၁၂အတွင်း နဲ့ တနင်္ဂနွေနေ့ အကောင်းဆုံးအချိန်ဖြစ်တဲ့ မုဆိုးရွှေအိုးရကိန်း အချိန်ဖြစ်တဲ့ ၁၀း၄၉မှ ၁း၁၂အတွင်း ပုဏ္ဏား နတ်သမီး ရကိန်းအချိန်ဖြစ်တဲ့ မနက်၆း၁၀မှ ၈း၂၄ထို အချိန်တွေမှာ အရေးကြီးသော အလုပ်ကိစ္စ အကြောင်းအရာရာ ကိစ္စအဝဝ ပြုလုပ်ပြောဆိုရာမှာ သော်လည်းကောင်း ခရီးကိစ္စတွေ သွားလာတာ မျိုးတွေမှာသော်လည်းကောင်း ထိုအချိန်တွေမှာ ပြုလုပ်ပြောဆို လုပ်ကိုင်ဆောင်ရွက်ခြင်းဖြင့် အောင်မြင်မှုတွေ ရရှိစေပါမည်။
ဘဝတစ်သက်တာမှာ ဘုမ္မိအရပ်က အရှေ့မြောက် အရပ်ဖြစ်ပါတယ်။ ထိုအရပ်မှာ စီးပွားရှာတာ ခရီးထွက်တာ အိမ်ဆောက်တာ အိမ်မျက်နှာလှည့်ပြီး ဆောက်လုပ်တာ လှေကားထားတာ အထူးရှောင်ပါ။
ဘဝတစ်သက်တာအတွက် အကျိုးပေး ရတနာ။ ။ ဥဿဖရားကျောက်တို့က မိမိတို့ရဲ့ အကျိုးပေး ရတနာတွေပဲ ဖြစ်ပါတယ်။
ယတြာ ။ ။ ဒီနှစ် တစ်နှစ်လုံးမှာ မိမိတို့အနေနဲ့ ကံဇာတာပွင့်လန်းစေရန် ကံကောင်းမှုတွေ ရရှိစေရန် ပြုလုပ်ရမည့် ကောင်းမှုကံ ယတြာ အင်္ဂါနေ့မနက် (၉း၄၅) တွင် သြဇာသီး အာရုံဆွမ်း အုန်းထမင်း မိမိအိမ်ဘုရားတွင်လှူပါ။ အမြဲလိုလှူပြီး မိမိလိုရာဆုတောင်းပါ။ ကန်စွန်းရွက်ကျော်နဲ့ဆွမ်းကပ် တစ်ပတ်တခါလှူပါ။ လာဘ်ပွင့်လာဘ်နှိုးဂါထာ အန္တရာယ်ကင်းဂါထာတွေ အမြဲရွတ် ဘုရားရင်ပြင် ဘုရားစောင်းတန်း အမြဲသန့်ရှင်းပါ။ သရဏဂုံပုတီးစိပ်ပါ။ ကံကောင်းစေမည်။
အညံ့ပပျောက်ရန် ။ ။ ဒီနှစ် တစ်နှစ်လုံးမှာ မိမိတို့အနေနဲ့ ကံအညံ့တွေ ပပျောက်စေရန်အတွက် မည်သည့်နေ့ မဆို ကိတ်မုန့် ၇ချပ်ကို လမ်းဘေးခွေးကျွေးပြီး ငါ့မှာရှိတဲ့မကောင်းတဲ့ အညံ့အားလုံးပါသွားစေဟုပြောပြီး ကျွေးပါ။ တစ်လတစ်ခါ နှစ်ခါ ညနေပိုင်းမှာကျွေးပါ။ ဘာသာရေးအထူးပြုလုပ်ပေးပါ၊ လာဘ်မပိတ်အောင်နေထိုင်ပါ။ မေတ္တာပွားပါ။ ငှက်လွှတ် ငါးလွှတ်ပြီးဆုတောင်း။