၂၀၂၆ ခုနှစ် ကြာသပတေးသားသမီးများအတွက် ကံကြမ္မာ အဟော

ကြာသပတေး သားသမီးများ မိမိတို့ရဲ့ အသက်အပိုင်းအခြား ၁၁ ၁၉ ၂၇ ၃၅ ၄၃ ၅၁ ၅၉ ၆၇ ၇၅ ၈၃ ၉၁။ ထိုနှစ်တွေမှာ ကြုံတွေ့ရစေမယ့် မိမိတို့ရဲ့ ကံကြမ္မာ အစိတ်အပိုင်းများ။
စီးပွားရေး အလုပ်အကိုင် ။ ။ ယခုနှစ်အတွက် ကြာသပတေး သားသမီးတွေရဲ့ အလုပ်အကိုင် စီးပွားရေးတွေမှာဆိုရင်တော့ လုပ်ငန်းသစ် အလုပ်ကိုင်သစ်များ တိုးချဲ့လုပ်ကိုင်ရကိန်းရှိသည်။ နာမည်ဂုဏ်သတင်းတွေ ကျော်ဇောလာမယ်။ လူအထင်ကြီးခြင်းလည်း ခံရတတ်တယ်။ တိုးတက်အောင်မြင်လာတတ်ပါတယ်။ ဘုန်းကံတွေလည်း မြင့်မားလာစေပြီး စိတ်ချမ်းသာစရာတွေ ရရှိလာတတ်ပါတယ်။ လုပ်ငန်းအပြောင်း အလည်းတွေလည်း ဖြစ်ပေါ်လာစေတတ်ပါတယ်။ ကောင်းသော ပြောင်းလည်းခြင်မျိုးတွေ ဖြစ်စေတတ်ပါတယ်။ လုပ်ငန်းသစ်စတင်ပြီး လုပ်မည်ဆိုပါကလည်း အကျိုးပြုစေပါလိမ့်မည်။ လုပ်ငန်းပိုင်းတွေမှာဆို အဆင်ပြေတဲ့လတွေ ရှိသလို မပြေတဲ့လတွေလည်း ရှိနေတတ်ပါတယ်။ အချစ်ရေး စန်းပွင့်သော နှစ်ဖြစ်၍ အိမ်ထောင်ကျတတ်ပါမည်။ ရှောင်လွဲ၍မရအောင် အိမ်ထောင်ကျကိန်း ရှိစေတတ်တယ်။ အလုပ်အကိုင်ရာထူး တိုးမြှင့်ခံရခြင်း အိုးသစ်အိမ်သစ် နေရာသစ်သို့ရွေ့ပြောင်းရခြင်း။ မင်းစိုးရာဇာများမှ ချီးမြှင့်မြှောက်စားခံရခြင်း ရပ်ရွာအုပ်ချုပ်လူကြီးဖြစ်ရခြင်း ရပ်ရေးရွာရေး နိုင်ငံရေးနှင့် ဌာနဆိုင်ရာများတွင် ဦးစီးဦးဆောင်ပြုလုပ်ရခြင်း။ အကြီးအကဲဖြစ်ရတတ်ခြင်း အလုပ်အကိုင်စီးပွားတိုးတတ် ရတနာရွှေငွေ လာဘ်လာဘကောင်းများ တိုးပွားစေခြင်း မင်္ဂလာရှိသောအမူကိစ္စများ ဆောင်ရွက်ပေးရခြင်းများရှိနေမည်။ ဆန်ရေ စပါး ရွှေငွေပြည့်စုံစွာ ရမည့်နှစ်ဖြစ်ပါသည် ရဟန်းဖြစ်လျှင်လဲ ကျောင်းဆောင် အလှူရှင်ပေါ်လာပါမည်။
အစိုးရဝန်ထမ်းဆို သင်တန်းတက်ရတာတွေ ရှိစေတတ်ပါတယ်။ ဝန်ထမ်းတွေဆို ရာထူးလစာတွေ တိုးလာစေတတ်ပါတယ်။ အလုပ်ပြောင်းရတာတွေ ဖြစ်လာတတ်တယ်။ လုပ်ငန်းစတင်ရင် ကောင်းတဲ့အချိန်အခါ ဖြစ်စေတတ်ပါတယ်။ ထိုသို့လုပ်ကိုင်နေစဉ် ကာလအတွင်း လုပ်ငန်းထဲတွင် အပြိုင်အဆိုင် အတိုက်အခံပေါ်တတ်သည်။ စိုးရိမ်စရာမရှိပါ မကြာခင်ကာလတွင် ပြန်လည် အဆင်ပြေသွားပါလိမ့်မည်။ အတိုက်အခံများကြားတွင် အောင်မြင်နေမည်။ မိတ်ဆွေအပေါင်းအသင်းများထံမှ အကူအညီများရရှိမည်။ ဝန်ထမ်းများ အလုပ်နေရာ ပြောင်းရွှေ့ရတတ်သည် ရာထူးလစာတိုးကိန်းပေါ်မယ်။ လုပ်ငန်းသစ် အကြံအစည်သစ်တွေကို တင်ပြီးလုပ်မည်ဆိုပါက အောင်မြင်နိုင်ပါတယ်။ အကျိုးပေးပါမည်။ အလုပ်ထဲတွင် တခါတရံ စိတ်မဝင်စားဘဲဖြစ်နေမည်။ လုပ်ငန်းပြောင်းမည်ဆိုပါကလည်း ပြောင်းလို့ရပါတယ်။ လက်အောက်ငယ်သားတွေရဲ့ ကူညီမစတာ ညီအကိုမောင်နှမတွေရဲ့ အကူအညီတွေ ရလာစေတတ်ပါတယ်။
အလုပ်နှင့်ပတ်သက်ပြီး ခရီးသွားရတတ်သည်။ သွားလျှင်ကောင်းသည် အဆက်အသွယ် ကောင်းများရရှိခြင်း လုပ်ငန်းနေရာ တိုးချဲ့ရခြင်းများကြုံမည်။ နိုင်ငံရပ်ခြားနှင့်ပတ်သက်သော ကိစ္စများအဆင်ပြေမည်။ ပြည်တွင်း ပြည်ပခရီးတွေလည်း သွားရတတ်ပါတယ်။ အထူးသဖြင့် ဘုရားဖူးခရီးနှင့် ပတ်သက်သောကိစ္စများ အဆင်ပြေမည်။ ဘုရားဘူးခရီးတွေလည်း သွားရတတ်ပါတယ်။ သင်တန်းတက်ရတာ မိတ်ဆွေကောင်းရတာ အသိပညာသစ် အတတ်ပညာသစ်တွေလည်း ရလာစေတတ်ပါတယ်။ စက်ပစ္စည်းတွေ ဝင်စေမည်။ အလှူဒါနပြုရတတ်ပါတယ်။ မြေဝင်ကိန်းလည်းရှိသည်။ အမွေအနစ်တွေလည်း ရလာတတ်တယ်။ အမျိုးသမီးတစ်ဦး တစ်ယောက်ရဲ့ ကူညီမစမှုတွေကိုလည်း ရရှိလာစေတတ်ပါတယ်။ ခြေနှစ်ချောင်း ကား ဖုန်း ကျောက် ခြံမြေတွေဝင်လာပါမယ်။ ငွေရှာရတာ လွယ်ကူစေတတ်ပါတယ်။ ငွေရလွယ်နေတတ်ပါတယ်။
ဒီနှစ်မှာ လုပ်ငန်း လုပ်ချင်တယ်ဆိုရင် အကျိုးပြုစေတဲ့လုပ်ငန်းတွေမှာ ဆိုရင်တော့ ပွဲရုံ ပွဲစား ပညာရေး ပရိဘာဂလုပ်ငန်း မွေးမြူရေး ပန်း မုန့်လုပ်ငန်းများ ဆန် ဆီ ဆေး စားသောက်ကုန် စတိုးဆိုင် စားသောက်ဆိုင် ကုန်ရောင်းကုန်ဝယ် ခြံ ကားကျောက်လုပ်ငန်းများ၊ အဆင်ပြေမည် စပ်တူလုပ်ငန်း ရှယ်ရာလုပ်ငန်းများ လည်း အဆင်ပြေစေတတ်ပါတယ်။
လူလိမ်ခံရတတ်သည် လူမျိုးခြားတွေ သတိထားပါ။ တောင်အရပ် အရှေ့မြောက်အရပ်မှာ စီးပွားရှာတာ ခရီးသွားတာတွေ ရှောင်ကြည်ပါ။ ယခုနှစ်တွင် အလုပ်တွေပြန်လည် ကောင်းမွန်လာပါမည်၊ လုပ်ငန်းစတင်လုပ်ကိုင်မည့်သူများ မိမိလုပ်ငန်း အောင်မြင်မှုရရှိမည့် အချိန်ကာလဖြစ်သည်။ ယခုနှစ်တွင် ဆရာကောင်းတွေနှင့် တွေ့မယ်။ နိုင်ငံခြားခရီး သွားရောက်ရတတ်ပါတယ်။ ယခုနှစ်စီးပွားရေး အတိုင်းအတာမှာ ကောင်းမွန်လာပါမည်။ အကြီးအကဲ အထက်လူကြီးပိုင်းတွေနဲ့ စကားပြောတာ သတိထားပါ။ စိတ်ညစ်ရစေတတ်ပါတယ်။ အိမ်တွင်းရေး ဂတောက်ဂဆတွေ များနေစေတတ်ပါတယ်။ မိမိအနေနှင့် စီးပွားရေး အလုပ်အကိုင်နှင့်အတူ ဘာသာရေးပိုင်း ကုသိုလ်ရေးလေးတွေနဲ့ ယှဉ်တွဲလုပ်ပါ။ ကောင်းမှုတခု နေ့စဉ်ပြုပါ။ ဆန် ဆီဆေးလှူတာ သက်ကြီးပူဇော်တာ ခိုစာ ခွေးစာ ငှက်စာကျွေးတာတွေ အမြဲမပြတ် ပြုလုပ်ပေးပါ။ ကံတရားရဲ့အထောက်အပံ့တွေကြောင့် ဆက်တိုက် ကံကောင်းလာပါလိမ့်မည်။
ငွေကြေး ။ ။ ငွေကြေးကံအနေနှင့် ငွေရှာရလွယ်နေတတ်ပါတယ်။ ထီကံ ငွေကံကောင်းလာပါမယ်။ လာဘ်ဝင်မယ်။ ငွေဝင်လမ်းတွေလည်း ပေါ်လာစေတတ်ပါတယ်။ ငွေကုန်စရာတွေလည်း ပေါ်လာတတ်ပါတယ်။ ငွေအဝင်အထွက်တွေ များနေတတ်ပါတယ်။ ငွေစုပါ ငွေဝင်လာရင် လုပ်ငန်းတိုးချဲ့ပါ။ ဒါနကောင်းမှုပြုပါ။ ငွေကိုချွေတာပြီး သုံးရန် လိုစေတတ်။ ငွေကဒီနှစ်တွေမှာ အဖက်ဖက်ကနေရှာနိုင်မှရစေမည်။ မိမိအသုံးများနေတာ ငွေယိုပေါက်တွေများမှုကြောင့် ငွေကုန်စရာတွေပေါ်လာစေမည်။ ငွေချေးတာ အာမခံတာ အထူးရှောင်ပါ။ ငွေလူလိမ်ခံရတတ်ပါတယ်။ ငွေကြေးက မမြဲတတ်သောကြောင့် ငွေနဲ့ရင်တဲ့အလုပ်တွေ ဖြတ်လမ်းစီးပွားရေးတွေ ရှောင်ပါ။ ထီကံကောင်းမယ် ထီပေါက်ကိန်း ရှိပါတယ်။ အကျိုးပေးဂဏန်း ၅ ၂ ၃ဖြစ်ပါတယ်။ ငွေကံကောင်းစေရန် လာဘ်နှိုးဂါထာကို မနက်ည ၁၀ခေါက်ရွတ်ပါ။ ခိုစာ ခွေးစာ ငှက်စာကျွေးပါ။ အနက်ရောင်အိပ်ကို အသုံးပြုပါ။ ငွေကံကောင်းလာစေမည်။
လူမှုရေး ။ ။ လူမှုရေး အနည်းငယ် ပြဿနာလေးတွေ ရှိနေတတ်ပါတယ်။ အကြီးအကဲ အထက်လူကြီးပိုင်းတွေနဲ့ အတိုက်အခံအခြေအတင်လေးတွေ စကားပြောရတတ်ပါတယ်။ သူတပါး မကောင်းပြောဆိုတာ စွတ်စွဲတာတွေ ခံရတတ်ပါတယ်။ လူမျိုးခြား သတိထားပါ။ အိမ်တွင်းရေး စိတ်ညစ်ရတာမျိုးတွေလည်း ရှိလာတတ်ပါယ်။ မိမိကိုမနာလို ရန်လိုသူတွေလည်း ပေါ်လာတတ်ပါတယ်။ သတိထားပါ။ လူယုံထားလို့မရပါ။ အားနာမှုကြောင့် ဒုက္ခရောက်စေတတ်ပါတယ်။ ကိုယ့်ကိုကိုယ်ပဲ အားကိုးပါ။ သူတပါးအားမကိုးပါနှင့် စိတ်လိုက်မာန်ပါ ပြုမူပြောဆိုတာတွေ ရှောင်ပါ။ အမှုအခင်း ပြဿနာလေးတွေ ဖြစ်လာတတ်ပါတယ်။ စေတနာကောင်း စိတ်ကောင်းထားပါ။ ဘာသာရေး ပိုလုပ်ပါ။ သူများပြဿနာ ဝင်ဖြေရှင်းတာတွေ မပြုလုပ်ရ စေတနာအမှား ဖြစ်တတ်သောကြောင့် သတိထားရှောင်ပါ။ အင်္ဂါနံပါတဲ့နေ့သားတွေ သောကြာနံ နံပါတဲ့နေ့သားတွေနဲ့ စကားပြောဆိုတာ သတိထားပါ။ အိမ်တွင်းရေး ပြဿနာတွေလည်း ပေါ်လာတတ်တယ်။ စိတ်ကိုအေးအေးထားပြီး ဖြေရှင်းပါ။ သမ္ဗုဒ္ဓေကို တနေ့၃၇ခေါက်ရွတ်ပါ။
ကျန်းမာရေး ။ ။ ကျန်းမာရေးမှာဆိုရင် မကြာခဏ ချူချာနေတတ်ပါတယ်။ အကြီးအမားတော့ မဖြစ်စေပါ။ အာရုံကြောအားနည်းတာ ဦးခေါင်းမကြည်တာ အစာအိမ်လေအောင့်တာ ညောင်းညာကိုက်ခဲတာ သွားနာတာ သွေးသားမမှန်တာ သွေးပေါင်အတက်အကျတွေ ဖြစ်ပြီးမူးမောတာ ချောင်းဆိုး ရင်ကျပ်တာ ရာသီအကူးအပြောင်း ဖျားနာတာတွေ ရှိလာစေတတ်ပါတယ်။ တစ်ခါတစ်ရံလည်း နှလုံးအားနည်းပြီး ရင်တုန်တာ ဖြစ်ပေါ်နေတတ်ပါတယ်။ အကုန်ဖြစ်မယ်လို့တော့ မဆိုလိုပေ တခုမဟုတ်တခု ဖြစ်စေတတ်ပါတယ်။ အသက်ကြီးပိုင်းတွေ နှလုံးရောဂါ ဝမ်းဗိုက်နဲ့ပတ်သက်တာ ခေါင်းမူး ဒူနာနားလေးတာတွေ ဖြစ်စေမည်။ သတိထားရန်တော့ လိုစေမည် ဆေးထိုးဆေးသောက်ရတာ ဆေးခန်းပြရတာတွေလည်း ရှိလာစေမည်။ ရေလှူတာ ဆေးလှူတာ ငါးလွှတ်ပါ ငှက်လွှတ်ပြီးဆုတောင်းပါ ဘာသာရေးပိုလုပ်ပါ။
အိမ်ထောင်ရေး။ ။ယခုနှစ် အိမ်ထောင်ရေးမှာဆိုရင် အဆင်ပြေတာတွေ ရှိသလို မပြေတာတွေလည်း ရှိနေတတ်ပါတယ် တခါတရံ ရန်ပေါ်နေတတ်ပါတယ်။ စကားအခြေအတင်လေးတွေ ပြောရတာမျိုး တယောက်နဲ့တယောက် အရှော့မပေး အရှုံးမပေးတာမျိုးတွေ ဖြစ်ပေါ်လာစေမည်။ မိမိအိမ်ထောင်ဖက်ရဲ့ အကျိုးပြုမှုကိုလည်း ရရှိစေတတ်ပါတယ်။ မကြာခဏတော့ ဂတောက်ဂဆတွေ ဖြစ်ပေါ်နေတတ်ပါတယ် တစ်ယောက်နှင့်တစ်ယောက် စိတ်တိုင်းမကျတာ နားလည်မှုတွေလွဲနေတာ အလိုမကျတာတွေ ဖြစ်ပေါ်နေပါမယ်။ သဝန်တို စိတ်မချတာတွေလည်း ဖြစ်လာတတ်ပါတယ် အိမ်ထောင်ရေးမှာ ကြားလူဝင်နှောင့်ယှက်တာတွေ အိမ်ထောင်ရေးအဖျက်အစီး အနှောင့်အယှက်တွေကြုံလာပါမယ်။
စီးပွားရေး အဆင်ပြေနေတဲ့အချိန်တွေမှာ အိမ်ထောင်ရေးဇယားရှုပ်တာ အပျော်အပါးလိုက်စားပါက နာမည်ဂုဏ်သိက္ခာ ကျဆင်းတတ်သလို တတ်လာမယ့်အညွန့်ပြန်ကျိုးမယ်။ အိမ်ထောင်ရေး ဇယားရှုပ်တာ အထူးရှောင်ပါ။ ရှုပ်ထွေးမှုတွေ ဖြစ်ပေါ်တတ်ပါတယ်။ ထိုသို့ပြုလုပ်မိပါက မမျှော်လင့်ထားတဲ့ ပြဿနာတွေဖြစ်လာတတ်ပါတယ်။ စီးပွားပျက်တတ်တယ်။ ဂုဏ်သိက္ခာ ကျဆင်းတတ်သောကြောင့် သတိထားဆင်ခြင်ရန်လိုအပ်ပါမည်။ အိမ်ထောင်ရေးမှာ ဆိုးတူကောင်းဖက်တိုင်ပင်ပြီး လက်တွဲမှသာ အဆင်ပြေစေတတ်ပါတယ်။ ကုသိုလ်ရေးအတူလုပ် ဘာသာရေး အတူလုပ် စီးပွားရေး တိုင်ပင်ပြီး လက်တွဲပါ အပျော်အပါး အသောက်အစားတွေ ရှောင်ပါ အဆင်ပြေလာပါလိမ့်မည်။
အချစ်ရေး။ ။ယခုနှစ်အတွင်း အချစ်ရေး ငယ်ရွယ်သူတွေ အချစ်ရေး စန်းပွင့်နေတတ်ပါတယ် ချစ်သူရတတ်ပါတယ်။ မိမိကို စိတ်ဝင်စားနေသူတွေ များပြားနေပါလိမ့်မည် အထီးကျန်နေသူတွေ အချစ်သစ်တွေ့မည်။ မေတ္တာအမှန်နဲ့ ဆုံဆည်းရစေတတ်တယ် အိမ်ထောင်လည်း ကျစေတတ်တယ်။ လက်ရှိချစ်သူ ရှိနေသူတွေကတော့ အချစ်ရေးဂတောက်ဂဆတွေ အချစ်ရေး ပြဿနာတွေ အနည်းငယ်ရှိနေတတ်ပါတယ် မကြာခဏ စိတ်ဆိုးစိတ်ကောက် စကားများနေရတာတွေ ရှိနေတတ်ပါတယ်။ ရန်ဖြစ်လိုက် ပြန်ချစ်လိုက်ရှိနေမယ်၊ တခါတရံ သဝန်တို စိတ်မချတာ အထင်အမြင်လွဲမှားတာတွေ နားလည်မှုလွဲမှားတာတွေ ရှိနေတတ်ပါတယ်။ စိတ်တိုင်းမကျ အလိုမကျတာတွေလည်း ရှိနေတတ်ပါတယ်။ ဇာတာရှင်သည် အချစ်ရေးနှင့်ပတ်သက်ပြီး မကြာခဏတော့ ပြဿနာလေးတွေရှိနေပေမယ့် ရန်ဖြစ်လိုက် ပြန်ချစ်လိုက်ရှိနေတတ်ပါတယ်။ ယခုနှစ် တွင်အိမ်ထောင်ကျကိန်း ရှိနေပါတယ် ယူမယ်ဆို ယူလို့ရပါတယ် ချစ်သူနှစ်ဦးကြားမှာ အဖျက်အစီးတွေ ဝင်လာစေတတ်ပါတယ် အချစ်ရေး ဇယားရှုပ်တာ အပျော်အပါး လိုက်စားပါက မတည်မြဲနိုင်ပါ။ အချစ်ရေးပိုင်းမှာ နာလည်မှုတွေ သစ္စာရှိမှုတွေ စိတ်တူကိုယ်တူ လက်တွဲနိုင်မှသာ အေးချမ်းစေမည်။
ပညာရေး ။ ။ ယခုနှစ်မှာပညာရေးနှင့် ပတ်သက်ပြီး အောင်မြင်မှုတွေ ရရှိနေတတ်ပါတယ်။ အသိပညာကောင်းတွေ ဗဟုသုတတွေ တိုးပွားလာစေမည်။ သင်တန်းတက်ရကိန်းတွေလည်း ပေါ်လာတတ်ပါတယ်။ တက်ပါ။ မိမိအတွက် အကျိုးပြုစေတတ်ပါတယ်။ အသိပညာသစ် အတတ်ပညာသစ်တွေ ရလာမယ်။ ဆရာကောင်း သမားကောင်းတွေလည်း တွေ့လာတတ်ပါတယ်။ ပညာရေးကို ရပ်တန့်မနေသင့်ပါ။ လတ်တလော ပညာရေးထစ်ငေါ့တာ ပညာရေး တစ်ပိုင်းတစ်စတွေ လွဲချော်တာတွေလည်း ရှိနေပေမယ့် မကြာခင်ပြန်လည် ကောင်းမွန်လာပါမည်။ ပညာတတ်လေ ဘဝလမ်းခရီး အောင်မြင်လေဖြစ်ပါမယ်။ ပညာဖြင့် အသက်မွေးဝမ်းကြောင်းပြုရင်လည်း အကျိုးပေးပါမည်။ ပညာရေးကို ဝရိယ အားစိုက်ထုတ်ကြိုးစားပါ။ ဘဝမှာ ပညာရေးကနံပါတ်၁ စီးပွားရေးက နံပါတ်၂ အချစ်ရေးက နံပါတ်၃နေရာမှာထားပြီး ဘဝအတွက်ကြိုးစားအားထုတ်ပါက အောင်မြင်တိုးတက်လာပါလိမ့်မည်။ ပညာရေးကို အဖျက်တွေ ဝင်လာစေတတ်ပါတယ်။ အချစ်ရေးကြောင့် ပညာရေး ထိခိုက်တတ်သလို အပေါင်းအသင်းမှားတာ အပျော်အပါး မက်မှုတွေကြောင့် ပညာရေး ထိခိုက်တတ်စေတယ်။ ပညာရေးနှင့် ပတ်သက်ပြီး ကံ ဉာဏ် ဝီရိယ အားစိုက်ထုတ်ရမယ့် သူမျိုးဖြစ်တယ်။ အတန်းပညာပြီးဆုံးရင်လည်း အတတ်ပညာ ဘာသာစကားဆိုင်ရာ နည်းပညာ ကွန်ပျူတာနဲ့ဆိုင်တဲ့ ပညာမျိုးတွေ လေ့လာပါ။ သင်ယူပါ ဘဝအတွက် အထောက်အကူဖြစ်စေလိမ့်မည်။
ဒီနှစ်အတွင်း အကျိုးပေး ဂဏန်း ။ ။ ၃၊ ၅၊ ၂၊ ထိုဂဏန်းတွေက တစ်နှစ်ပတ်လုံး အကျိုးပြုစေပြီး ထီထိုးတာမျိုး တစ်ခြားသောကိစ္စတွေမှာ အသုံးပြုခြင်းဖြင့် ကံကောင်းစေပါလိမ့်မည်။
အကျိုးပေးအရောင် ။ ။ ဒီနှစ်အတွင်းမှာ ကံဇာတွေပွင့်ပြီး အကျိုးပေးအရောင်အနေနဲ့က နီညိုရောင်၊ အဝါရောင် အဝါပွင့် ပန်းရောင် အညိုရောင်အညိုပွင့် အဖြူပွင့် အဖြူရောင်တွေဖြစ်ပါတယ်။ အရေးကြီးသော စကား အရေးကြီးသော လုပ်ငန်းကိစ္စတွေ ခရီးကိစ္စတွေ အကြောင်းအရာတွေမှာ ဝတ်ဆင်ပြီး ပြုလုပ်ပြောဆို ဆောင်ရွက်ခြင်းဖြင့် ကံပွင့်စေမည်။
သောကြာသက်ရောက်ရှောင်ရန် ။ ။ ဒီတစ်နှစ်
ပတ်လုံး ပန်းသီး လိမ္မော်ရည် ဒူးရင်းသီး အစိမ်းရောင် အနီရောင် ရှောင်ပါ။ အပျော်အပါးလိုက်စားတာ ဖြတ်လမ်းနည်းနဲ့ ငွေရှာတာရှောင်ပါ။ ထိုအရာတွေ ဝတ်ဆင် စားသောက်ခြင်း အထူးရှောင်ရပါမည်။
**ဒီနှစ်အတွက် မိမိတို့အနေနဲ့ အရေးကြီးသော အကြောင်းကိစ္စ အဝဝ ပြုလုပ်ပြောဆိုရာမှာ** အောင်မြင်ဖို့အတွက် အကောင်းဆုံး အကျိုးပေးနေ့တွေမှာ ကြာသပတေးနေ့နဲ့ အင်္ဂါ နေ့တွေဖြစ်ပါတယ် အင်္ဂါနေ့ အတွင်းမှာ အကောင်းဆုံးအချိန်ဖြစ်တဲ့ မုဆိုးရွှေအိုးရကိန်း အချိန်ဖြစ်တဲ့ ညနေ၃း၀၀မှ ၆း၀၀အတွင်းနဲ့ ပုဏ္ဏား နတ်သမီး ရကိန်းအချိန်ဖြစ်တဲ့ မနက် ၁၀း၄၉မှ ၁း၁၂အတွင်း နဲ့ ကြာသပတေးနေ့ အကောင်းဆုံးအချိန်ဖြစ်တဲ့ မုဆိုးရွှေအိုးရကိန်း အချိန် မနက်၈း၂၅မှ ၁၀း၄၈အတွင်းနဲ့ ပုဏ္ဏား နတ်သမီး ရကိန်းအချိန်ဖြစ်တဲ့ ညနေ၃း၃၇မှ ၆း၀၀ထို အချိန်တွေမှာ အရေးကြီးသော အလုပ်ကိစ္စ အကြောင်းအရာ ကိစ္စအဝဝ ပြုလုပ်ပြောဆိုရာမှာ သော်လည်းကောင်း ခရီးကိစ္စတွေ သွားလာတာ မျိုးတွေမှာသော်လည်းကောင်း ထိုအချိန်တွေမှာ ပြုလုပ်ပြောဆို လုပ်ကိုင်ဆောင်ရွက်ခြင်းဖြင့် အောင်မြင်မှုတွေ ရရှိစေပါမည်။
ဘဝတစ်သက်တာမှာ ဘုမ္မိအရပ်က အရှေ့မြောက်အရပ်ဖြစ်ပါတယ်။ ထိုအရပ်မှာ စီးပွားရှာတာ ခရီးထွက်တာ အိမ်ဆောက်တာ အိမ်မျက်နှာလှည့်ပြီး ဆောက်လုပ်တာ လှေကားထားတာ အထူးရှောင်ပါ။
ဘဝတစ်သက်တာအတွက် အကျိုးပေး ရတနာ ။ ။ ဥဿဖရား ကျောက်တို့က မိမိတို့ရဲ့ အကျိုးပေး ရတနာတွေပဲ ဖြစ်ပါတယ်။ ထိုရတနာတွေကို ဝတ်ဆင် ထားခြင်းဖြင့် ကံဇာတာပွင့်လန်းစေပါမည်။
ယတြာ ။ ။ ဒီနှစ် တစ်နှစ်လုံးမှာ မိမိတို့အနေနဲ့ ကံဇာတာပွင့်လန်းစေရန် ကံကောင်းမှုတွေ ရရှိစေရန် ပြုလုပ်ရမည့် ကောင်းမှုကံ ယတြာ ကြာသပတေးနေ့မနက် (၉း၄၅) တွင် စပါယ်ပန်း မွှေးသောပန်း ပေါင်မုန့်ထောပတ်သုတ် တစ်ပွဲ စပျစ်သီး စမူဆာကို မိမိအိမ်ဘုရားတွင်လှူပါ။ အမြဲလိုလှူပြီး မိမိလိုရာဆုတောင်းပါ။ ဘာသာတရား ကိုင်းရှိုင်းပါ။ ဒါနကောင်းမှုပြုပါ မရှိဆင်းရဲသူကို လှူဒါန်း ပေးကမ်း မိခင် ဖခင် ဆရာသမားကို ပူဇော်ခြင်းတွေ ပြုလုပ်ပြီး ဖြတ်သန်းပါ ကံကောင်းမှုတွေ ရရှိနေမည်။
အညံ့ပပျောက်ရန် ။ ။ ဒီနှစ် တစ်နှစ်လုံးမှာ မိမိတို့အနေနဲ့ ကံဇာတာ အညံ့အခိုက်တွေ ပျောက်စေရန်အတွက် မည်သည့်နေ့ မဆို ထန်းလျှက် ၅၀ သား ဘုန်းကြီးကျောင်းပို့ပြီး ငါ့မှာရှိတဲ့မကောင်းတဲ့ အညံ့အားလုံးပါသွားစေဟုပြောပြီး ပို့ပါ။ တစ်လတစ်ခါ ပြုလုပ်ပါ။ ထန်းလျှက်ခဲ မကြာမကြာခွေးကျွေးပြီး ဆုတောင်း ဘာသာရေးအထူးပြုလုပ်ပေးပါ၊ လမ်းသန့်ရှင်း မိဘအဝတ်အစားလျှော်ပါ။ အန္တရာယ်ကင်းဂါထာရွတ် ပုတီးစိပ်ပါ။ ကံအညံ့တွေ ပြေပျောက်စေပါလိမ့်မည်။