၂၀၂၆ ခုနှစ် ကြာသပတေးသားသမီးများအတွက် ကံကြမ္မာ အဟော

ကြာသပတေး သားသမီးများအတွက် မိမိတို့ရဲ့ အသက်အပိုင်းအခြား ၈၊၁၆ ၂၄ ၃၂ ၄၀ ၄၈ ၅၆ ၆၄ ၇၂ ၈၀ ၈၈ ၉၆။ ထိုနှစ်တွေမှာ ကြုံတွေ့ရစေမယ့် မိမိတို့ရဲ့ ကံကြမ္မာ အစိတ်အပိုင်းများ။
စီးပွားရေး အလုပ်အကိုင် ။ ။ ယခုနှစ်မှာ ကြာသပတေး သားသမီးတွေရဲ့ စီးပွားရေး အလုပ်အကိုင်နှင့် ပတ်သတ်ပြီး ယခုအချိန်ခါမှာ အကောင်းအဆိုးတေနဲ့ ဒွန်တွဲနေပါမယ်။ လုပ်ငန်းသစ်ပေါ်မယ်။ အထက်လူကြီးတွေရဲ့ ကူညီမှုတွေကို ရရှိလာတတ်ပါတယ်။ အလုပ်အိမ်နေရာ အပြောင်းအလည်းတွေ ဖြစ်စေတတ်ပါတယ်။ လုပ်ငန်းတိုးတက်ခြင်းတော့ ကြုံစေတတ်ပါတယ်။ လုပ်ငန်းသစ် စလုပ်မည်ဆိုလည်း အကျိုးပေးစေမည်။ လုပ်ငန်းပိုင်းတွေမှာ တချို့လတွေမှာတော့ အခက်အခဲတွေ၊ အဆင်မပြေမှုတွေနဲ့ ကြုံတွေ့နေရတတ်တယ်။ အလုပ်အကိုင်လေးတွေလွဲချော်တာ၊ ထစ်ငေါ့နေတာတွေ၊ ငွေကုန်စရာတွေ များနေပါလိမ့်မယ်။ ငွေဝင်သလောက် ပြန်ထွက်နေတတ်ပါတယ်။ အရောင်းအဝယ်သမားတွေ လက်ထဲငွေမမြဲပါ။ အိမ်သစ်နေရာသစ် ရောက်တတ်ပါတယ်။ ခရီးသွားရတတ်ပါတယ်။ အဆင်ပြေစေတတ်ပါတယ်။ မိတ်ဆွေကောင်းတွေရမယ်။ ဆရာကောင်းသမားကောင်း တွေ့စေတတ်ပါတယ်။ အကြီးအကဲ အထက်လူကြီးပိုင်တွေ အကူအညီကို ရစေတတ်ပါတယ်။ လုပ်ငန်းပိုင်းတွေမှာ ယှဉ်ပြိုင်မှု တိုက်ခိုက်မှု မနာလိုမှုတွေ ရှိနေမည်။ အစစအရာရာသတိထားလုပ်ကိုင်ရန်လိုနေမည် လောဘ ဒေါသ မောဟနဲ့ ပြုလုပ်ပါက ပျက်စီးစေမည်။ ဖြတ်လမ်းနည်းနဲ့ စီးပွားရှာပါက ဒုက္ခရောက်စေမည်။ ဝန်ထမ်းဆို ရာထူးလစာတွေ တိုးလာစေတတ်ပါတယ်။ အပြောင်းအရွှေ့တွေလည်း ကြုံလာတတ်ပါတယ်။ လုပ်ငန်းမှာ အတိုက်အခံတွေများနေမယ်။ လူမုန်းများနေမယ်။ အဆင်မပြေမှုတွေတော့ တစ်ခုပြီးတစ်ခုကြုံနေတတ်ပါတယ်။ ဒါပေမယ့် မိမိရဲ့ကံဇာတာ အပြောင်းအလဲလေးကတော့ လစဉ်နဲ့အပြောင်းအလဲတွေ ဖြစ်လာတတ်ပါတယ်။ အဆိုးလ အကောင်းလတွေနဲ့ ဒွန်တွဲနေတတ်ပါတယ်။ အလုပ်အကိုင်တွေ ကံ ဉာဏ် ဝီရိယအားစိုက်ထုတ် ကြိုးစားရန်လိုနေပါမည်။
အိမ်ပြင် အိမ်ရွှေ့ ပြုရတတ်တယ်။ အိမ်ဆောက်ရတတ်တယ်။ သွပ် သံ သစ်ဝင်မယ်။ မြေ၊ အမွေ ပရိဘောဂပစ္စည်းဝင်မယ်။ အသိပညာသစ်ရမယ်။ သင်တန်း၊ စာမေးပွဲကိစ္စတွေ အောင်မြင်မယ်။ ခရီးစဉ်တွေပေါ်လာမယ်။ ဖြတ်လမ်းစီးပွားရေး ရှောင်ပါ။ လုပ်ငန်းသစ်တွေပေါ်လာမယ်။ အပြောင်းအရွှေ့တွေ ကြုံတွေ့ရတတ်ပါတယ်။ အရောင်းအဝယ်သမားတွေ အမြတ်နည်းနေမယ်။ ရှုံးမယ့်လတွေလည်း ရှိနေတတ်ပြန်ပါတယ်။ အရောင်းအဝယ်လုပ်လုပ်ပါက တနင်္ဂနွေနံ ကြာသပတေးနံ သောကြာနံ လုပ်ငန်းတွေနဲ့ တွဲလုပ်ပါ။ ဆရာသမား၊ အကြီးအကဲ မစမယ်။ ယခုလက်ရှိအလုပ်မှာ အဆင်မပြေလည်းထွက်လို့ရတယ်။ ပြောင်းလို့ရတယ်။ လုပ်ငန်းသစ် စလုပ်ရင်လည်း အောင်မြင်မယ်။ ငွေအရင်းအနှီးနည်းနည်းနဲ့ ပြုလုပ်ပါ။ ငွေဝင်လာလျှင် အိမ်ပြင် အိမ်သာပြင်တာ ပြုလုပ်ပေးရတက်တယ်။ ဝန်ထမ်းဆို ကိုယ်ပိုင်လုပ်ငန်းတွေနဲ့ တစ်ပိုင်တစ်နိုင်ပြုလုပ်ပါ။ ပိုပြီး စီးပွားဖြစ်မြန်နေမည်။ ကိုယ်ပိုင်အလုပ်က ပိုအကျိုးဖြစ်စေပါလိမ့်မည်။ လူမှုရေး အတိုက်အခံတွေ ပြိုင်ဆိုင်မှုတွေ များစေတတ် အထူးသတိပြုရန်လိုစေပါမည်။ ဘာပဲလုပ်လုပ် နှုတ်ဆိတ်နေရန် အရေးကြီးနေမည်။ မိမိအိမ်ကို သက်ကြီးရွယ်အိုတွေ ညအိပ်ညနေ လက်မခံပါနှင့် မိမိအိမ်မှာ ဒုက္ခရောက်စေတတ်တယ်။ အရက်ပုလင်းတွေ အဝင်မခံပါနှင့် လာဘ်ပိတ်စေတတ်ပါတယ်။ စီးပွားရေးနဲ့အတူ ဘာသာရေး ကုသိုလ်ရေး ယှဉ်တွဲလုပ်ပါ။ ကောင်းမှုတစ်ခု နေ့စဉ်ပြုပါ။ ဒါနကောင်းမှုတွေလုပ်ပါ။ စိတ်ကိုအေးချမ်းစွာထားပြီး လုပ်ငန်းစီးပွားရှာပါ။ ရန်လိုမှု ပြိုင်ဆိုင်မှု မနာလိုမှုတွေနဲ့ ကြုံတွေ့ရတတ်ပါတယ်။ ကြုံလာရင်လည်း ကိုယ်လုပ်ရမှာကိုပဲဆက်လုပ်ပါ။ စိတ်အေးအေးထားပြီးလုပ်ပါ။ ကံ၊ ဉာဏ်၊ ဝီရိယအား စိုက်ထုတ်ကြိုးစားရန် လိုအပ်စေတတ်ပါတယ်။ အန္တရာယ်ကင်းဂါထာ လာဘ်ပွင့်ဂါထာအမြဲရွတ် ဘာသာရေး ကုသိုလ်ရေးတွေ သေချာပြုလုပ်ပြီး စီးပွားရှာပါ။ ခက်ခဲမှုတွေ လွတ်မြောက်စေမည်။
ငွေကြေး ။ ။ ငွေကြေးကံအနေနှင့် ငွေရလွယ် ကုန်လွယ် ဖြစ်နေတတ်ပါတယ် ငွေ လက်ထဲငွေမမြဲပဲ ရှိနေတတ်ပါတယ် ငွေကုန်စရာတွေလည်း ပေါ်လာတတ်ပါတယ် ငွေကိုအကြောင်းပြုပြီး စိတ်ညစ်ရတတ်ပါတယ်။ ငွေဝင်ပြီး ကျွေးတင်နေစေတတ်ပါတယ်။ ငွေကအဖက်ဖက်ကရှာနိုင်မှ ငွေဝင်လမ်းတွေရှာနိုင်မှ မြဲစေမည်။ ဝင်လမ်းတစ်ခုထဲဆို ငွေအတွက်ပူပင်ရစေမည်။ မိမိအိမ်မှာရှိတဲ့ ထီးစုပ် ဖိနပ်စုတ် နာရီစုတ်တွေ ရှိရင် ပြစ်ပါ။ ဝင်မယ့်လာဘ်တွေ ပိတ်စေတတ်ပါတယ်။ ငွေအဝင်အထွက်တွေ များနေတတ်ပါတယ်။ ငွေစုပါ ငွေဝင်လာရင် လုပ်ငန်းတိုးချဲ့ပါ။ ဒါနကောင်းမှုပြုပါ။ ငွေကိုချွေတာပြီး သုံးရန် လိုစေမည်။ ငွေချေးတာ အာမခံတာ အထူးရှောင်ပါ။ ငွေလူလိမ်ခံရတတ်ပါတယ်။ ငွေအတွက်ပြဿနာဖြစ်စေမည်။ ဖြစ်လျှင်မိမိအရှုံးရှိနေမည်။ ငွေကြေးက မမြဲတတ်သောကြောင့် ငွေနဲ့ရင်းတဲ့အလုပ်တွေ ဖြတ်လမ်းစီးပွားရေးတွေ ရှောင်ပါ။ ထီကံကောင်းမယ်။ ထီပေါက်ကိန်း ရှိပါတယ်။ အကျိုးပေးဂဏန်း ၁ ၆ ၃ ဖြစ်ပါတယ်။ ငွေကံကောင်းစေရန် လာဘ်နှိုးဂါထာကို မနက်ည ၁၀ခေါက်ရွတ်ပါ။ ခိုစာ ခွေးစာ ငှက်စာကျွေးပါ။
လူမှုရေး ။ ။ လူမှုရေး အနည်းငယ် ပြဿနာလေးတွေ ရှိနေတတ်ပါတယ်။ အတိုက်အခံ အခြေအတင်လေးတွေ စကားပြောရတတ်ပါတယ်။ မိန်းမအတွက်နှင့် လူမူရေးပြဿနာများ ဖြေရှင်းရခြင်း လုပ်ငန်းနှင့်ပတ်သပ်၍ တရားရင်ဆိုင်ရခြင်း အချုပ်အနှောင်ကျတတ်ခြင်း၊ မတော်တဆ သွေးထွက်သံယို ထိခိုက်မိတတ်ခြင်း၊ ချေးငှားထားသောငွေကြေး ပြန်မရနိုင်ခြင်းများ။ အိမ်ထောင်ရေး အချစ်ရေးတွင်လဲ အနှောက်အယှက် အဖျက်အစီးများ ကြုံတွေ့နိုင်သောနှစ်ဖြစ်၍ သတိထားသင့်ပါသည်။ လက်အောက်ငယ်သားတွေ မိမိအပေါ် ညိုညင်နေမယ် အညှိုးအတေး ထားတတ်တယ် စကားပြောသတိထားပါ။ သူတပါး မကောင်းပြောဆိုတာ စွတ်စွဲတာတွေ ခံရတတ်ပါတယ် လူယုံထားလို့မရပါ။ အမျိုးသမီးတစ်ဦးနဲ့လည်း စကားများရတာတွေ ဖြစ်ပေါ်လာတတ်ပါတယ်။ အားနာမှုကြောင့် ဒုက္ခရောက်စေတတ်ပါတယ်။ လက်အောက်ငယ်သား မိမိညီအကို မောင်နှမတွေကြောင့်လည်း စကားအခြေအတင် ပြောရစေတတ်ပါတယ်။ ကိုယ့်ကိုကိုယ်ပဲ အားကိုးပါ။ သူတပါးအားမကိုးပါနှင့် စိတ်လိုက်မာန်ပါ။ ပြုမူပြောဆိုတာတွေ ရှောင်ပါ။ အမှုအခင်း ပြဿနာလေးတွေ ဖြစ်လာတတ်ပါတယ်။ အမှုမဖြစ်အောင်နေပါ။ ဖြစ်လျှင် အရှုံးများစေတတ်ပါတယ်။ စေတနာကောင်း စိတ်ကောင်းထားပါ။ ဘာသာရေး ပိုလုပ်ပါ။ သူများပြဿနာ ဝင်ဖြေရှင်းတာတွေ မပြုလုပ်ရ စေတနာအမှား ဖြစ်တတ်သောကြောင့် သတိထားရှောင်ပါ။ အင်္ဂါနံပါတဲ့နေ့သားတွေ စနေနံပါတဲ့နေ့သားတွေနဲ့ စကားပြောဆိုတာ သတိထားပါ။ အိမ်တွင်းရေး ပြဿနာတွေလည်း ပေါ်လာတတ်တယ်။ စိတ်ကိုအေးအေးထားပြီး ဖြေရှင်းပါ။
ကျန်းမာရေး ။ ။ ကျန်းမာရေးမှာဆိုရင် အနည်းငယ် ချူချာနေတတ်ပါတယ်။ တစ်ခုပြီးတစ်ခု အညံ့ပေါ်နေပါမယ်။ ဆေးထိုး ဆေးသောက် ပြုရတာ ဆေးခန်းပြရတာတွေတော့ ရှိလာတတ်ပါတယ်။ အကြောတက်တာ အစာအိမ် လေအောင့်တာ ခေါင်းမကြည်တာ ခြေလက် ထိခိုက်ဒါဏ်ရာ ရစေတတ် သွေးထွက်သံယို ဖြစ်ပေါ်စေတတ်ပါတယ်။ စက်ပစ္စည်းနဲ့ပတ်သက်ပြီး ထိခိုက်စေတတ်ပါတယ်။ သတိရှိပါ ကား ဆိုင်ကယ် မီး လျှပ်စစ်မီး ကိုင်တွယ်တာတွေ သတိရှိပါ။ ဦးခေါင်းမကြည်တာ ညောင်းညာကိုက်ခဲတာ သွေးအားနည်းပြီး မူးမောတာ ချောင်းဆိုး ရင်ကျပ်တာ ရာသီအကူးအပြောင်း ဖျားနာတာတွေ နှလုံးအားနည်းပြီး ရင်တုန်တာ ဖြစ်ပေါ်နေတတ်ပါတယ်။ ရုတ်တရက် ဖြစ်ပေါ်နေတတ်ပါတယ်။ ဖြစ်ပြီးသားရောဂါ ပြန်ဖြစ်လာတာမျိုးလည်း ကြုံရတတ်ပါတယ်။ အကုန်ဖြစ်မယ်လို့တော့ မဆိုလိုပေ တစ်ခုမဟုတ်တစ်ခု ဖြစ်ပေါ်လာတတ်ပါတယ်။ သတိထားရန်တော့ လိုစေမည်။ ကျန်းမာရေးအတွက် လူဝတ်လည်း ညောင်ထောက် တံတားခင်း ရေလှူ ဆေးလှူ ငါးလွှတ်ပါ။ ငှက်လွှတ်ပြီးဆုတောင်းပါ။ ဘာသာရေးပိုလုပ်ပါ။
အိမ်ထောင်ရေး ။ ။ ယခုနှစ် အိမ်ထောင်ရေးမှာဆိုရင် အိမ်ထောင်ရေး ဂတောက်ဂဆလေးတွေတော့ ရှိနေတတ်ပါတယ်။ အနည်းငယ် ရန်ပေါ်နေမည်။ ကြီးကြီးမားမား ပြဿနာမရှိစေတတ်ပါ။ မိသားစု ညီအကိုမောင်နှမ အတွက်သော်လည်းကောင်း သားသမီးရှိက သားသမီး ကြောင့်စိတ်ညစ်ရတတ်သည်။ မိမိအိမ်ထောင်ဖက်ရဲ့ အကျိုးပြုမှုကိုလည်း ရရှိစေတတ်ပါတယ်။ တခါတရံတော့ တစ်ယောက်နှင့်တစ်ယောက် စိတ်တိုင်းမကျတာ နားလည်မှုတွေလွဲနေတာ အလိုမကျတာတွေ ဖြစ်ပေါ်နေပါမယ်။ အိမ်ထောင်ရေးမှာ ကြားလူဝင်နှောင့်ယှက်တာတွေ အိမ်ထောင်ရေးအပျက်အစီး အနှောင့်အယှက်တွေကြုံလာပါမယ်။ အိမ်ထောင်ရေးဇယားရှုပ်တာ အပျော်အပါးလိုက်စားပါက နာမည်ဂုဏ်သိက္ခာ ကျဆင်းတတ်သလို တတ်လာမယ့် အညွန့်ပြန်ကျိုးမယ်။ အသောက်အစား ရှိပါက အိမ်ထောင်ရေးရန်ပေါ်တတ်ပါတယ်။ အိမ်ထောင်ရေး ဇယားရှုပ်တာ အထူးရှောင်ပါ။ ရှုပ်ထွေးမှုတွေ ဖြစ်ပေါ်တတ်ပါတယ်။ ထိုသို့ပြုလုပ်မိပါက မမျှော်လင့်ထားတဲ့ ပြဿနာတွေဖြစ်လာတတ်ပါတယ်။ စီးပွားပျက်တတ်တယ်။ ဂုဏ်သိက္ခာ ကျဆင်းတတ်သောကြောင့် သတိထားဆင်ခြင်ရန်လိုအပ်ပါမည်။ အိမ်ထောင်ရေးမှာ ဆိုးတူကောင်းဖက်တိုင်ပင်ပြီး လက်တွဲမှသာ အဆင်ပြေစေတတ်ပါတယ်။ ကုသိုလ်ရေးအတူလုပ် ဘာသာရေး အတူလုပ် စီးပွားရေး တိုင်ပင်ပြီး လက်တွဲပါ အပျော်အပါး အသောက်အစားတွေ ရှောင်ပါ အဆင်ပြေလာပါလိမ့်မည်။
အချစ်ရေး ။ ။ ယခုနှစ်အတွင်း ငယ်ရွယ်သူတွေ အချစ်ရေး အဆင်ပြေမှုအားနည်း စေတတ်ပါတယ်။ စန်းကျနေစေတတ်ပါတယ်။ အချစ်ရေးအလိမ်အညာတွေ ခံရစေတတ်ပါတယ်။ ပြဿနာလေးတွေ ရှိနေမည်။ မိမိချစ်သူကြောင့်စိတ်ပင်ပန်းရစေမည်။ အချစ်ရေးဂတောက်ဂဆတွေ အချစ်ရေး ပြဿနာတွေ အနည်းငယ်ရှိနေတတ်ပါတယ်။ မကြာခဏ စိတ်ဆိုးစိတ်ကောက် စကားများနေရတာတွေ ရှိနေတတ်ပါတယ်။ ရန်ဖြစ်လိုက် ပြန်ချစ်လိုက်ရှိနေမယ်။ တခါတရံ သဝန်တို စိတ်မချတာ အထင်အမြင်လွဲမှားတာတွေ နားလည်မှုလွဲမှားတာတွေ ရှိနေတတ်ပါတယ်။ စိတ်တိုင်းမကျ အလိုမကျတာတွေလည်း ရှိနေတတ်ပါတယ်။ တခါတလေ ရှေ့တိုးရအခက် နောက်ဆုတ်ရအခက် တွေဝေနေတတ်တယ်။ သံယောဇဉ်တော့ မပြတ်ပါ။ ယခုနှစ် တွင်အိမ်ထောင်ကျကိန်း ရှိနေပါတယ်။ ယူမယ်ဆို ယူလို့ရပါတယ်။ ယခုနှစ်အချစ်ရေးက ဂတောက်ဂဆလေးတွေနဲ့ ဖြတ်သန်းရတတ်ပါတယ်။ ချစ်သူနှစ်ဦးကြားမှာ အဖျက်အစီးတွေ ဝင်လာစေတတ်ပါတယ်။ အချစ်ရေးဇယားရှုပ်ပါက မမြဲနိုင်ပါ။ အခန့်မသင့်ရင် ကွဲစေပြတ်စေမည်။ အချစ်ရေးကံကောင်းစေရန် မွှေးသောပန်းတွေလှူပါ။ လူနတ်ဗြဟ္မာတွေ မေတ္တာပို့ မေတ္တာသုတ်ရွတ် သတ္တဝါလေးတွေ မကြာမကြာအစာကျွေးပါ။ အများသုံလမ်းတွေသန့်ရှင်းရေး ပြုလုပ်ပြီး ဆုတောင်းပါ။
ပညာရေး။ ။ ယခုနှစ်မှာပညာရေးနှင့် ပတ်သက်ပြီး ရပ်တန့်နေတတ်ပါတယ်။ တွေဝေနေတာမျိုးတွေလည်း ရှိနေတတ်ပါတယ် သင်တန်းတက်ရကိန်းတွေလည်း ပေါ်လာတတ်ပါတယ် တက်ပါ မိမိအတွက် အကျိုးပြုစေတတ်ပါတယ်။ ပညာရေးကို ရပ်တန့်မနေသင့်ပါ။ လတ်တလော ပညာရေးထစ်ငေါ့တာ ပညာရေး တစ်ပိုင်းတစ်စတွေ လွဲချော်တာတွေလည်း ရှိနေပေမယ့် မကြာခင်ပြန်လည် ကောင်းမွန်လာပါမည်။ ပညာတတ်လေ ဘဝလမ်းခရီး အောင်မြင်လေဖြစ်ပါမယ်။ ပညာဖြင့် အသက်မွေးဝမ်းကြောင်းပြုရင်လည်း အကျိုးပေးပါမည်။ ပညာရေးကို ဝီရိယ အားစိုက်ထုတ်ကြိုးစားပါ။ ဘဝမှာ ပညာရေးကနံပါတ်၁ စီးပွားရေးက နံပါတ်၂၊ အချစ်ရေးက နံပါတ်၃နေရာမှာထားပြီး ဘဝအတွက် ကြိုးစားအားထုတ်ပါက အောင်မြင်တိုးတက်လာပါလိမ့်မည်။ ပညာရေးကို အဖျက်တွေ ဝင်လာစေတတ်ပါတယ်။ အချစ်ရေးကြောင့် ပညာရေး ထိခိုက်တတ်သလို အပေါင်းအသင်းမှားတာ အပျော်အပါး မက်မှုတွေကြောင့် ပညာရေး ထိခိုက်တတ်စေတယ်။ ပညာရေးနှင့် ပတ်သက်ပြီး ကံ ဉာဏ် ဝရိယ အားစိုက်ထုတ်ရမယ့် သူမျိုးဖြစ်တယ်။ အတန်းပညာပြီးဆုံးရင်လည်း အတတ်ပညာ ဘာသာစကားဆိုင်ရာ ကွန်ပျူတာနဲ့ဆိုင်တဲ့ ပညာမျိုးတွေ လေ့လာပါ။ သင်ယူပါ။ ဘဝအတွက် အထောက်အကူဖြစ်စေလိမ့်မည်။
ဒီနှစ်အတွင်း အကျိုးပေးဂဏန်းအနေနဲ့။ ။ ၆၊၅၊ ၁ ထိုဂဏန်းတွေက တစ်နှစ်ပတ်လုံး အကျိုးပြုစေပြီး ထီထိုးတာမျိုး တစ်ခြားသောကိစ္စတွေမှာ အသုံးပြုခြင်းဖြင့် ကံကောင်းစေပါလိမ့်မည်။
အကျိုးပေးအရောင်။ ။ဒီနှစ်အတွင်းမှာ ကံဇာတွေပွင့်ပြီး အကျိုးပေးအရောင်အနေနဲ့က အနီရောင်၊ အနီပွင့်၊ အဝါရောင် အဝါပွင့် အပြာရောင် အပြာပွင့် ခဲရောင်တွေဖြစ်ပါတယ်။ ဖြစ်ပါတယ်။ အရေးကြီးသော စကား အရေးကြီးသော လုပ်ငန်းကိစ္စတွေ ခရီးကိစ္စတွေ အကြောင်းအရာတွေမှာ ဝတ်ဆင်ပြီး ပြုလုပ်ပြောဆို ဆောင်ရွက်ခြင်းဖြင့် ကံပွင့်စေမည်။
စနေသက်ရောက်ရှောင်ရန်။ ။ ဒီတစ်နှစ်ပတ်လုံး လက်ဖက်သုပ် ၊ လိမ္မော်ရည် ၊ နွားနို့ ၊ အရက် သောက်စားခြင်း နီညိုရောင် အနက်ရောင် ရှောင်ပါ။ လောင်းကစားပြုလုပ်တာ သူ့အသက်သတ်ခြင်း ရန်ဖြစ်ခြင်း ထိုအရာတွေ ဝတ်ဆင် စားသောက်ခြင်း အထူးရှောင်ရပါမည်။
**ဒီနှစ်အတွက် မိမိတို့အနေနဲ့ အရေးကြီးသော အကြောင်းကိစ္စ အဝဝ ပြုလုပ်ပြောဆိုရာမှာ** အောင်မြင်ဖို့အတွက် အကောင်းဆုံး အကျိုးပေးနေ့တွေမှာ တနင်္ဂနွေနေ့နဲ့ သောကြာနေ့ နေ့တွေဖြစ်ပါတယ်။ ထိုနေ့အတွင်းမှာ အကောင်းဆုံးအချိန်ဖြစ်တဲ့ မုဆိုးရွှေအိုးရကိန်း အချိန်ဖြစ်တဲ့ နေ့လည် ၁း၁၃မှ ၃း၃၆အတွင်းနဲ့ ပုဏ္ဏား နတ်သမီး ရကိန်းအချိန်ဖြစ်တဲ့ တနင်္ဂနွေနေ့နဲ့ သောကြာနေ့ နေ့ မနက် ၆း၁၀နာရီ မှ၈း၂၄ထို အချိန်တွေမှာ အရေးကြီးသော အလုပ်ကိစ္စ အကြောင်းအရာရာ ကိစ္စအဝဝ ပြုလုပ်ပြောဆိုရာမှာ သော်လည်းကောင်း ခရီးကိစ္စတွေ သွားလာတာ မျိုးတွေမှာသော်လည်းကောင်း ထိုအချိန်တွေမှာ ပြုလုပ်ပြောဆို လုပ်ကိုင်ဆောင်ရွက်ခြင်းဖြင့် အောင်မြင်မှုတွေ ရရှိစေပါမည်။
ဘဝတစ်သက်တာမှာ ဘုမ္မိအရပ်က အရှေ့မြောက်အရပ်ဖြစ်ပါတယ်။ ထိုအရပ်မှာ စီးပွားရှာတာ ခရီးထွက်တာ အိမ်ဆောက်တာ အိမ်မျက်နှာလှည့်ပြီး ဆောက်လုပ်တာ လှေကားထားတာ အထူးရှောင်ပါ။
ဘဝတစ်သက်တာအတွက် အကျိုးပေး ရတနာ။ ။ဥဿဖရား ကျောက်တို့က မိမိတို့ရဲ့ အကျိုးပေး ရတနာတွေပဲ ဖြစ်ပါတယ်။
ယတြာ ။ ။ ဒီနှစ် တစ်နှစ်လုံးမှာ မိမိတို့အနေနဲ့ ကံဇာတာပွင့်လန်းစေရန် ကံကောင်းမှုတွေ ရရှိစေရန် ပြုလုပ်ရမည့် ကောင်းမှုကံ ယတြာ တနင်္ဂနွေနေ့မနက် (၉း၄၅) တွင်အုန်း၆ညွန့် အာရုံဆွမ်းသစ်သီးဆွမ်းကို မိမိအိမ်ဘုရားတွင်လှူပါ။ တစ်ပတ်တစ်ခါလှူပြီး မိမိလိုရာဆုတောင်းပါ။ ထီးနီအကြီး ၁ လက် စနေထောင့်မှာ တစ်လတစ်ခါလှူပြီး ဆုတောင်း ကံကောင်းမှုတွေ ရရှိစေမည်။ အန္တရာယ်ကင်းဂါထာ တွေရွတ်ပါ ဘုန်းကြီးဝတ်တာမျိုး တရားစခန်းဝင်တာမျိုးတွေ ပြုလုပ်ပါ ဘာသာရေး ကုသိုလ်ရေး အထူးပြုလုပ် မကောင်းတာ မကောင်းသောစကား မကောင်းသောအလုပ်တွေ ရှောင်ပြီး စိတ်ကိုအေးစွာထားပြီး နေထိုင် ပြုလုပ်ပါ ကံကောင်စေမည်။
အညံ့ပပျောက်ရန် ။ ။ ဒီနှစ်အတွင်းမှာ မိမိတို့ ခက်ခဲမှု အဆင်မပြေမှုတွေ လွတ်မြောက်စေရန်အတွက် မည်သည့်နေ့ညနေပိုင်းတွင် မဆို နို့ဆီနဲ့ ထမင်းနဲ့နှယ်ပြီး လမ်းဘေးခွေးတွေ မကြာမကြာကျွေးပြီး ငါ့မှာရှိတဲ့မကောင်းတဲ့ အညံ့အားလုံးပါသွားစေဟုပြောပြီး ကျွေးပါ။ ညနေဘက်မှာ တစ်လတစ်ခါ နှစ်ခါကျွေးပါ။ ဘာသာရေး အထူးပြုလုပ်ပေးပါ။ ပုတီးစိပ်ပါ။ တန်ခိုးကြီးဘုရား ဘုန်းကြီးကျောင်းတွေမှာ ခြေသုတ်ဝတ်တွေလှူပါ။ ကံအညံ့တွေ ပျောက်စေမည်။