၂၀၂၆ ခုနှစ် ကြာသပတေးသားသမီးများအတွက် ကံကြမ္မာ အဟော

ကြာသပတေး သားသမီးများအတွက်
ကြာသပတေး သားသမီးများအတွက် မိမိတို့ရဲ့ အသက်အပိုင်းအခြား ထိုအသက်အပိုင်းအခြားတွင် ကြုံတွေ့ရစေမယ့် ကံကြမ္မာအစိတ်အပိုင်းများ။
စီးပွားရေး အလုပ်အကိုင် ။ ။ ယခုနှစ်အတွင်း ကြာသပတေး သားသမီးတွေရဲ့ စီးပွားရေး အလုပ်အကိုင်တွေမှာဆိုရင် အကောင်းအဆိုး ဒွန်တွဲနေတတ်ပါတယ်။ အဆင်ပြေတာတွေရှိသလို မပြေတာတွေလည်း ရှိနေတတ်ပါတယ်။ လုပ်ငန်းသစ် အလုပ်ကိုင်သစ်များ တိုးချဲ့လုပ်ကိုင်ရကိန်းရှိသည်။ အကြံအစည်သစ်တွေပေါ်မယ်။ လုပ်ငန်းတွေ တိုးတက်ကောင်းမွန်လာမယ်။ လုပ်ငန်းပိုင်းတိုးချဲ့ရမယ် အိမ်ပြင်ရတာ အိမ်ပြောင်းရတာမျိုး သို့ အိမ်သစ်ဝင်တာတွေ ရှိလာတတ်ပါတယ်။ တနင်္ဂနွေနံနှင့် ပတ်သက်ပြီး အပြောင်းအလည်းတွေ ဖြစ်ပေါ်လာတတ်ပါတယ်။ လုပ်ငန်းထဲတွင် အပြိုင်အဆိုင် အတိုက်အခံပေါ်တတ်သည်။ လူပင်ပန်းတာနဲ့ စိတ်ပင်ပန်းမှုတွေ များနေတတ်ပါတယ်။ စိတ်နဲ့လူမကပ်ပဲရှိနေမည်။ လုပ်ငန်းစီးပွားတော့ တစ်ခါတစ်ရန် အားနည်းစေတာ ထင်သလောက် စီးပွား အလုပ်မဖြစ်တာတွေလည်း ကြုံလာရစေမည်။ အကြီးအကဲများထံမှ အကူအညီများရရှိမည်။ ဝန်ထမ်းများ အလုပ်နေရာ ပြောင်းရွှေ့ရတတ်သည်။ ရာထူးလစာတွေ တိုးတက်လာစေမည် အလုပ်တွေမှာ စိတ်မပါသလို ဖြစ်ပေါ်နေတတ်ပါတယ်။ အစိုးရဝန်ထမ်းဆို သင်တန်းတွေတက်ရစေမည်။ အောက်လူတော်လှန်တတ်တယ်။ လူရောစိတ်ပါပင်ပန်းနေမည်။ လုပ်ငန်းသစ် စတင်ပြီးလုပ်မည်ဆိုပါကလည်း အောင်မြင်နိုင်ပါတယ်။ အကျိုးပေးပါမည်။ အလုပ်နှင့်ပတ်သက်ပြီး ခရီးသွားရတတ်သည်။ သွားလျှင်ကောင်းသည် အဆက်အသွယ် ကောင်းများရရှိခြင်း လုပ်ငန်းနေရာ တိုးချဲ့ရခြင်းများကြုံမည်။ နိုင်ငံရပ်ခြားနှင့်ပတ်သက်သော ကိစ္စများအဆင်ပြေမည်။ အထူးသဖြင့် ဘုရားဖူးခရီးနှင့် ပတ်သက်သော ကိစ္စများအဆင်ပြေမည် လုပ်ချင်တာကို ရဲရဲသာလုပ်ပါ။ အနည်းငယ်ခက်ခဲမှုတွေ ကြုံတွေ့ပြီးမှ အောင်မြင်ဖို့ အနေအထား ကောင်းတွေဖြစ်လာ စေမည်။
ရွှေဝင်မယ် ရေတွင်းရေကန်တူးရတတ်တယ်။ ဝန်ထမ်းဆို ရာထူးလစာတိုးမယ်။ မင်္ဂလာပြုရတာ အလှူဒါနပြုရတာတွေ ရှိလာတတ်ပါတယ်။ ခြံ ကား ကျောက် ခြေနှစ်ချောင်းဝင်မယ်။ အကြီးအကဲ အထက်လူကြီးပိုင်းတွေရဲ့ ကူညီမစမှုကို ရရှိစေတတ်ပါတယ်။ အိမ်ပြင် အိမ်ပြောင်း အလုပ်ပြောင်း ပြုရတတ်ပါတယ်။ ယခုနှစ် စီးပွားရေး လုပ်မည်ဆိုပါကအလှအပရေးရာ လူသုံးကုန် အွန်လိုင်းရှော့လုပ်ငန်းတွေ၊ ရွှေလုပ်ငန်း ရေ ဝပ်ရှော့ လျှက်စစ်ပစ္စည်း အရောင်းအဝယ် လ္ဘက်ရည်ဆိုင် ကား ကျောက် ကုန်ရောင်းကုန်ဝယ် ကုန်စုံဆိုင် ငါး ကွမ်းယာ အရောင်းအဝယ် လုပ်ငန်းတွေ လုပ်ကိုင်ပါက အဆင်ပြေမည်။ စပ်တူလုပ်ငန်း ရှယ်ရာလုပ်ငန်းများသတိထားလုပ်ပါ။ လူလိမ်ခံရတတ်သည်။ အရောင်းအဝယ်လုပ်ငန်းတွေ ‌ရောင်းအား အတက်အကြရှိနေမည်။ လုပ်ငန်းစတင်လုပ်ကိုင်မည့်သူများ ပြုလုပ်သင့်သော အချိန်ကာလဖြစ်သည်။ ကိုယ်ပိုင်လုပ်ငန်းတွေ တစ်ပိုင်တစ်နိုင်လုပ်ငန်းတွေ လုပ်ပါ။ ကိုယ်ပိုင်လုပ်ငန်းကသာ စီးပွားဖြစ်မြန် ချမ်းသာလွယ်စေတတ်ပါတယ်။ မြောက်အရပ် အရှေ့တောင်အရပ်မျာ စီးပွားယခုနှစ်မှာ မရှာသင့် ရှောင်ရပါမည်။ တစ်ချို့သောလတွေမှာ လာဘ်ပိတ်သောအခါမှာ မိမိမှာ မထင်မှတ်ထာသော အကြောင်းကိစ္စတွေ ပေါ်လာတတ်တယ်။ ဘာဘဲလုပ်လုပ် အဆင်မပြေနိုင် အဝင်မရှိဘဲ အထွက်သာများနေတတ်ပါမည်။ ဥစ္စာပစ္စည်းများ ကျပျောက်ခြင်း အခိုးခံရခြင်း အပြိင်အဆိုင်အတိုက်အခံများပေါခြင်း။ ကျန်းမာရေးညံ့ခြင်း လေနာ ရင်နာ ဝမ်းနာ မတော်တဆထိခိုက်နာ မျက်စိရောဂါ လေဖြတ်ခြင်း။ အသက်အန္တရာယ် စိုးရိမ်ရခြင်းများ ကြုံတွေ့တတ်ပါသည်။ လူမျိုးကွဲများနှင့် ပြဿနာခိုက်ရန်ကြုံခြင်း လူမျိုးကွဲကြောင့်ဘဲ အလုပ်အကိုင် အခွင့်အလမ်းများ တိုးတတ်အဆင်ပြေစေပါမည်။ အိမ်ထောင်ရေး မတည်ငြိမ်နိုင် လင်မယားခြင်း ကွာရှင်းလမ်းခွဲရတတ်ပါသည်။ အထက်လူကြီး ငြိုငြင်အထင်လွဲ မိတ်ဆွေကောင်းများ ပျက်စီး မိန်းမကြောင့် ရန်ငြိုးထား အန္တရာယ်ပေးနိုင်ပါသည်။ အနေအထိုင် အသွားအလာဆင်ခြင်ရမည့်နှစ်ဖြစ်သည်။ မြေကိစ္စ အမွေကိစ္စ မိသားစုရေးကိစ္စတွေ ပြဿနာပေါ်စေမည်။ စီးပွားရေးနဲ့အတူ ဘာသာရေး ကုသိုလ်ရေး ယှဉ်တွဲလုပ်ပါ။ ကောင်းမှုတစ်ခု နေ့စဉ်ပြုပါ။ ခိုစာ ခွေးစာ ငှက်စာကျွေးပါ။ လပြည့်လကွယ် သက်သတ်လွတ်စား ဘုရားခန်း နေအိမ်အမြဲသန့်ရှင်းအောင်ထားပါ။ ကံတရားရဲ့ထောက်အပံ့ကောင်းတွေ ရရှိလာမှာဖြစ်ပါတယ်။
ငွေကြေး ။ ။ ငွေကြေးကံအနေနှင့် ငွေရှာရလွယ်နေတတ်ပါတယ်။ ငွေကအဝင်ရော အထွက်ပါများနေမည်။ ဝင်သလောက်ကို ပြန်ထွက်နေမည်။ တခါတရံ ငွေဝင်ပြီး ကျွေးတင်နေပါမည်။ လက်ထဲမမြဲပဲ ရှိနေတတ်ပါတယ်။ ငွေကအဖက်ဖက်ကရှာဖွေနိုင် ငွေယိုပေါက်တွေထိန်းနိုင် ငွေကိုချွေတာသုံးနိုင်မှသာ မြဲစေမည်။ ငွေအတွက်ပူပင်ရတဲ့ လတွေလည်းကြုံရစေမည်။ ထို့အတွက် ငွေစုပါ။ ငွေဝင်လာရင် ရွှေစုပါ။ လုပ်ငန်းတိုးချဲ့ပါ ဒါနကောင်းမှုပြုပါ။ ငွေချေးတာ အာမခံတာ အထူးရှောင်ပါ ငွေလူလိမ်ခံရတတ်ပါတယ်။ ငွေကြေးက မမြဲတတ်သောကြောင့် ငွေနဲ့ရင်းတဲ့အလုပ်တွေ ဖြတ်လမ်းစီးပွားရေးတွေ ရှောင်ပါ။ ထီကံကောင်းမယ်။ ထီပေါက်ကိန်း ရှိပါတယ်။ အကျိုးပေးဂဏန်း ၂ ၁ ၄ ဖြစ်ပါတယ်။ ငွေကံကောင်းစေရန် လာဘ်ပွင့်ဂါထာတွေ အမြဲရွတ်ပါ။ မနက်ည ရွတ်ပါ။ ခိုစာ ခွေးစာ ငှက်စာကျွေးပါ။ မိမိပိုက်ဆံအိတ်ထဲမှာ ရွှေရောင် ငွေရောင်တွယ်ချိတ်၂ခု ချိတ်ပြီးဆောင်ပါ အနက်ရောင်အိပ်ကို အသုံပြုပါ ငွေမြဲစေ ငွေကံကောင်းစေမည်။
လူမှုရေး ။ ။ လူမှုရေး အနည်းငယ် စိတ်ညစ်စရာတွေ ရှိနေတတ်ပါတယ်။ အတိုက်အခံ အခြေအတင်လေးတွေ စကားပြောရတတ်ပါတယ်။ လူယုံထားလို့မရပါ အမှုအခင်း ပြဿနာတွေ ဖြစ်လာတတ်တယ် သတိထားပါ။ မြေကိစ္စ အမွေကိစ္စ မိသားစု ကိစ္စကြောင့် အတိုက်အခံစကားပြောရတာ ပေါ်လာတတ်တယ်။ အမျိုးသမီးတဦးနဲ့လည်း စကားများရတာတွေ ဖြစ်ပေါ်လာတတ်ပါတယ်။ အားနာမှုကြောင့် ဒုက္ခရောက်စေတတ်ပါတယ်။ လက်အောက်ငယ်သား မိမိညီအကို မောင်နှမတွေကြောင့်လည်း စကားအခြေအတင် ပြောရစေတတ်ပါတယ်။ ကိုယ့်ကိုကိုယ်ပဲ အားကိုးပါ။ သူတပါးအားမကိုးပါနဲ့။ စိတ်လိုက်မာန်ပါ ပြုမူပြောဆိုတာတွေ ရှောင်ပါ။ အမှုအခင်း ပြဿနာလေးတွေ ဖြစ်လာတတ်ပါတယ်။ အမှုမဖြစ်အောင်နေပါ ဖြစ်လျှင် အရှုံးများစေတတ်ပါတယ်။ စေတနာကောင်း စိတ်ကောင်းထားပါ။ ဘာသာရေး ပိုလုပ်ပါ။ သူများပြဿနာ ဝင်ဖြေရှင်းတာတွေ မပြုလုပ်ရ။ စေတနာအမှား ဖြစ်တတ်သောကြောင့် သတိထားရှောင်ပါ။ အင်္ဂါနံပါတဲ့နေ့သားတွေ စနေနံပါတဲ့နေ့သားတွေနဲ့ စကားပြောဆိုတာ သတိထားပါ။ အိမ်တွင်းရေး ပြဿနာတွေလည်း ပေါ်လာတတ်တယ်။ စိတ်ကိုအေးအေးထားပြီး ဖြေရှင်းပါ။
ကျန်းမာရေး ။ ။ ကျန်းမာရေးမှာဆိုရင် နှလုံးအားနည်းပြီး ရင်တုန်တာ ဦးခေါင်းမကြည်တာ ညောင်းညာကိုက်ခဲတာ သွေးအားနည်းပြီး မူးမောတာ သွေးသားမမှန်တာ သွားနာတာ အစာအိမ်လေအောင့်တာ ချောင်းဆိုး ရင်ကျပ်တာ ရာသီအကူးအပြောင်း ဖျားနာတာတွေ ဖြစ်ပေါ်နေတတ်ပါတယ်။ ဖြစ်ပြီးသားရောဂါ ပြန်ဖြစ်လာတာမျိုးလည်း ကြုံရတတ်ပါတယ်။ အကုန်ဖြစ်မယ်လို့တော့ မဆိုလိုပေ။ တစ်ခုမဟုတ်တစ်ခု ဖြစ်ပေါ်လာတတ်ပါတယ်။ အသောက်စားအက်စီးဒန့်လို ဖြစ်စေတာ ရုတ်တစ်ရက် ရောဂါထဖြစ်တာတွေကြောင့် အသက်အန္တရာယ် စိုးရိမ်းစရာတွေ ပေါ်လာစေတတ်တယ် အထူးသတိရှိပါ။ အသက်ကြီးပိုင်းတွေ နှလုံး‌ရောဂါ သွေးပေါင်အတက်အကြရောဂါ ဝမ်းဗိုက်နဲ့ ပတ်သက်တဲ့ရောဂါတွေဖြစ်စေမည်။ သတိထားရန်တော့ လိုစေတတ် ငါးလွှတ်ပါ ငှက်လွှတ်ပြီးဆုတောင်းပါ ဘာသာရေးပိုလုပ်ပါ။
***အိမ်ထောင်ရေး ။ ။ ယခုနှစ် အိမ်ထောင်ရေးမှာဆိုရင် အိမ်ထောင်ရေး ရန်ပေါ်နေတတ်ပါတယ်။ မိမိအိမ်ထောင်ဘက်နှင့် အဆင်ပြေတဲ့အခါရှိသလို မပြေတာတွေလည်း ရှိနေတတ်ပါတယ်။ ဂတောက်ဂဆတွေ ဖြစ်ပေါ်နေတတ်ပါတယ်။ သဝန်တို စိတ်မချတာတွေ တစ်ယောက်နှင့်တစ်ယောက် စိတ်တိုင်းမကျတာ နားလည်မှုတွေလွဲနေတာ အလိုမကျတာတွေ မကြာခဏဖြစ်ပေါ်နေပါမယ်။ မိသားစု ညီအကိုမောင်နှမ အတွက်သော်လည်းကောင်း သားသမီးရှိက သားသမီး ကြောင့်စိတ်ညစ်ရတတ်သည်။ တစ်ယောက်နဲ့တယောက် အရှော့မပေး အရှုံးမပေးပဲ ရှိနေမည်။ အိမ်ထောင်ရေးမှာ ကြားလူဝင်နှောင့်ယှက်တာတွေ အိမ်ထောင်ရေးအပျက်အစီး အနှောင့်အယှက်တွေကြုံလာပါမယ်။ အိမ်ထောင်ရေး ဖောက်ပြန်မှုတွေ ပေါ်လာစေတတ်တယ်။ အထူးသတိထားသင့်တဲ့ ကာလဖြစ်တယ်။
အိမ်ထောင်ရေးဇယားရှုပ်တာ အပျော်အပါးလိုက်စားပါက နာမည်ဂုဏ်သိက္ခာ ကျဆင်းတတ်သလို တတ်လာမယ့်အညွန့်ပြန်ကျိုးမယ်။ အသောက်အစား ရှိပါက အိမ်ထောင်ရေး ရန်ပေါ်တတ်ပါတယ်။ အိမ်ထောင်ရေးမှာ မမျှော်လင့်ထားတဲ့ ပြဿနာတွေဖြစ်လာတတ်ပါတယ်။ စီးပွားပျက်တတ်တယ်။ ဂုဏ်သိက္ခာ ကျဆင်းတတ်သောကြောင့် သတိထားဆင်ခြင်ရန်လိုအပ်ပါမည်။ အိမ်ထောင်ရေးမှာ ဆိုးတူကောင်းဖက်တိုင်ပင်ပြီး သစ္စာရှိစွာ လက်တွဲမှသာ အဆင်ပြေစေတတ်ပါတယ်။ ကုသိုလ်ရေးအတူလုပ် ဘာသာရေး အတူလုပ် စီးပွားရေး တိုင်ပင်ပြီး လက်တွဲပါ။ အပျော်အပါး အသောက်အစားတွေ ရှောင်ပါ အဆင်ပြေလာပါလိမ့်မည်။ ထိုအရာတွေမရှောင်နိုင်ပါက အိမ်ထောင်ရေး မအေးချမ်းစေပဲ ကွဲစေပြတ်စေတတ်တယ်။
အချစ်ရေး ။ ။ ယခုနှစ်အတွင်း အချစ်ရေး စန်းပွင့်နေတတ်ပါတယ်။ ငယ်ရွယ်သူတွေ အချစ်ရေး ကံကောင်းလာပါမယ်။ ချစ်သူမရှိသေးသူများ ချစ်သူရစေတတ်တယ်။ အချစ်ရေးက စိတ်မနှစ်ပဲ နေနိုင်မှသာရစေပြီး စိတ်နှစ်မိပါက မိမိသာပင်ပန်းစေအံ့။ လက်ရှိချစ်သူ ရှိနေသူတွေကတော့ အိမ်ထောင်ကျတတ်ပါတယ်။ တခါတလေ အချစ်ရေးဂတောက်ဂဆတွေ အချစ်ရေး ပြဿနာတွေ အနည်းငယ်ရှိနေတတ်ပါတယ်။ မကြာခဏ စိတ်ဆိုးစိတ်ကောက် စကားများနေရတာတွေ ရှိနေတတ်ပါတယ် ရန်ဖြစ်လိုက် ပြန်ချစ်လိုက်ရှိနေမယ်။ တခါတရံ သဝန်တို စိတ်မချတာ အထင်အမြင်လွဲမှားတာတွေ နားလည်မှုလွဲမှားတာတွေ ရှိနေတတ်ပါတယ်။ စိတ်တိုင်းမကျ အလိုမကျတာတွေလည်း ရှိနေတတ်ပါတယ်။ တခါတလေ ရှေ့တိုးရအခက် နောက်ဆုတ်ရအခက် တွေဝေနေတတ်တယ် သံယောဇဉ်တော့ မပြတ်ပါ။ မိမိချစ်သူကြောင့်တော့စိတ်ညစ်ရစေမည်။ စိတ်ပင်ပန်းရစေမည်။ ယခုနှစ် တွင်အိမ်ထောင်ကျကိန်း ရှိနေပါတယ်။ ယူမယ်ဆို ယူလို့ရပါတယ်။ ယခုနှစ်အချစ်ရေးက ဂတောက်ဂဆလေးတွေနဲ့ ဖြတ်သန်းရတတ်ပါတယ်။ ချစ်သူနှစ်ဦးကြားမှာ အဖျက်အစီးတွေ ဝင်လာစေတတ်ပါတယ်။ အချစ်ရေး ဇယားရှုပ်တာ အပျော်အပါး လိုက်စားပါက မတည်မြဲနိုင်ပါ။ ထို့အတွက် အချစ်ရေးက နားလည်မှုတွေ သစ္စာရှိမှုတွေနဲ့ ဖြတ်သန်းနိုင်မှသာ အဆင်ပြေစေအံ့။
ပညာရေး။ ။ ယခုနှစ်မှာပညာရေးနှင့် ပတ်သက်ပြီး ရပ်တန့်နေတတ်ပါတယ်။ တွေဝေနေတာမျိုးတွေလည်း ရှိနေတတ်ပါတယ်။ ပညာရေးကို ရပ်တန့်မနေသင့်ပါ။ လတ်တလော ပညာရေးထစ်ငေါ့တာ ပညာရေး တစ်ပိုင်းတစ်စတွေ လွဲချော်တာတွေလည်း ရှိနေမည်။ ပညာရေးကို ဝီရိယ အားစိုက်ထုတ်ကြိုးစားပါ။ စိတ်ပါဝင်စားမှုတွေ အားနည်းနေမည်။ ဘဝမှာ ပညာရေးကနံပါတ်၁ စီးပွားရေးက နံပါတ်၂ အချစ်ရေးက နံပါတ်၃ နေရာမှာထားပြီး ဘဝအတွက်ကြိုးစားအားထုတ်ပါက အောင်မြင်တိုးတက်လာပါလိမ့်မည်။ ပညာရေးကို အဖျက်တွေ ဝင်လာစေတတ်ပါတယ် အချစ်ရေးကြောင့် ကျန်းမာရေးကြောင့် ပညာရေး ထိခိုက်တတ်သလို အပေါင်းအသင်းမှားတာ အပျော်အပါး မက်မှုတွေကြောင့် ပညာရေး ထိခိုက်တတ်စေတယ်။ ပညာရေးနှင့် ပတ်သက်ပြီး ကံ ဉာဏ် ဝရိယ အားစိုက်ထုတ်ရမယ့် သူမျိုးဖြစ်တယ်။ အတန်းပညာပြီးဆုံးရင်လည်း အတတ်ပညာ ဘာသာစကားဆိုင်ရာ နည်းပညာပိုင်း ကွန်ပျူတာနဲ့ဆိုင်တဲ့ ပညာမျိုးတွေ လေ့လာပါ။ သင်ယူပါ။ ဘဝအတွက် အထောက်အကူဖြစ်စေလိမ့်မည်။
ဒီနှစ်အတွင်း အကျိုးပေးဂဏန်းအနေနဲ့ ။ ။ ၂၊ ၄၊ ၁ ထိုဂဏန်းတွေက တစ်နှစ်ပတ်လုံး အကျိုးပြုစေပြီး ထီထိုးတာမျိုး တစ်ခြားသောကိစ္စတွေမှာ အသုံးပြုခြင်းဖြင့် ကံကောင်းစေပါလိမ့်မည်။
အကျိုးပေးအရောင် ။ ။ ဒီနှစ်အတွင်းမှာ ပွင့်ပြီး အကျိုးပေးအရောင်အနေနဲ့က အဖြူရောင်၊ အစိမ်းပွင့် အစိမ်းရောင် ခဲပွင့် ခဲရောင် ငွေရောင် ရွှေဝါရောင်တွေဖြစ်ပါတယ်။ အရေးကြီးသော စကား အရေးကြီးသော လုပ်ငန်းကိစ္စတွေ ခရီးကိစ္စတွေ အကြောင်းအရာတွေမှာ ဝတ်ဆင်ပြီး ပြုလုပ်ပြောဆို ဆောင်ရွက်ခြင်းဖြင့် ကံပွင့်စေမည်။
ရှောင်ရန် ။ ။ ဒီတစ်နှစ်ပတ်လုံး အမဲ ဆိတ်သား ဇီးသီး အဝါရောင် နီညိုရောင် ရှောင်ပါ။ အိမ်ထောင်ရေးဇယားရှုပ်တာ လောင်းကစား သူ့အသက်သတ်ခြင်း ရှောင်ပါ။ ထိုအရာတွေ ဝတ်ဆင် စားသောက်ခြင်း ပြုလုပ်ခြင်း အထူးရှောင်ရပါမည်။
**ဒီနှစ်အတွက် မိမိတို့အနေနဲ့ အရေးကြီးသော အကြောင်းကိစ္စ အဝဝ ပြုလုပ်ပြောဆိုရာမှာ** အောင်မြင်ဖို့အတွက် အကောင်းဆုံး အကျိုးပေးနေ့တွေမှာ တနင်္လာနေ့နဲ့ ဗုဒ္ဓဟူးနေ့ နံတွေဖြစ်ပါတယ်။ တနင်္လာနေ့ အတွင်းမှာ အကောင်းဆုံးအချိန်ဖြစ်တဲ့ မုဆိုးရွှေအိုးရကိန်း အချိန်ဖြစ်တဲ့ နေ့လည် ၁း၁၃မှ ၃း၃၆အတွင်းနဲ့ ပုဏ္ဏား နတ်သမီး ရကိန်းအချိန်ဖြစ်တဲ့ ဗုဒ္ဓဟူးနေ့ မုဆိုးရွှေအိုးရကိန်း အချိန်ဖြစ်တဲ့ မနက် ၆း၁၀မှ ၈း၂၄နာရီ နဲ့ ပုဏ္ဏား နတ်သမီး ရကိန်းအချိန်ဖြစ်တဲ့ ညနေ၃း၃၇မှ ၆း၀၀အတွင်း ထိုအချိန်တွေမှာ အရေးကြီးသော အလုပ်ကိစ္စ အကြောင်းအရာရာ ကိစ္စအဝဝ ပြုလုပ်ပြောဆိုရာမှာ သော်လည်းကောင်း ခရီးကိစ္စတွေ သွားလာတာ မျိုးတွေမှာသော်လည်းကောင်း ထိုအချိန်တွေမှာ ပြုလုပ်ပြောဆို လုပ်ကိုင်ဆောင်ရွက်ခြင်းဖြင့် အောင်မြင်မှုတွေ ရရှိစေပါမည်။
ဘဝတစ်သက်တာမှာ ဘုမ္မိအရပ်က အရှေ့မြောက်အရပ်ဖြစ်ပါတယ်။ ထိုအရပ်မှာ စီးပွားရှာတာ ခရီးထွက်တာ အိမ်ဆောက်တာ အိမ်မျက်နှာလှည့်ပြီး ဆောက်လုပ်တာ လှေကားထားတာ အထူးရှောင်ပါ။
ဘဝတစ်သက်တာအတွက် အကျိုးပေး ရတနာ။ ။ဥဿဖရား ကျောက်က မိမိတို့ရဲ့ အကျိုးပေး ရတနာတွေပဲ ဖြစ်ပါတယ်။ ထိုရတနာတွေကို ဝတ်ဆင် ထားခြင်းဖြင့် ကံဇာတာပွင့်လန်းစေပါမည်။
ယတြာ။ ။ ။ ဒီနှစ် တစ်နှစ်လုံးမှာ မိမိတို့အနေနဲ့ ကံဇာတာပွင့်လန်းစေရန် ကံကောင်းမှုတွေ ရရှိစေရန် ပြုလုပ်ရမည့် ကောင်းမှုကံ ယတြာ တနင်္လာနေ့နဲ့ ဗုဒ္ဓဟူးနေ့မနက် (၉း၄၅) တွင် ရွှေပန်း ကံ့ကော်ပန်းတို့ကို လှူပါ။ ယို ၄ မျိုး ကြက်သွန်ကျော် မိမိအိမ်ဘုရားတွင်လှူပါ။ တစ်ပတ်တစ်ခါလှူပြီး မိမိလိုရာဆုတောင်းပါ။ ကောင်းမှု့တစ်ခု နေ့စဉ်ပြု စားအသောက်ရှားပါးသူ အဝတ်အထည်ရှားပါးသူ ပေးလှူပါ။ နာမကျန်းသူကို ဆေးဝါးလှူပါ။
အညံ့ပပျောက်ရန် ။ ။ ဒီနှစ် တစ်နှစ်လုံးမှာ မိမိတို့အနေနဲ့ ကံအဆိုးအညံ့တွေ ပပျောက်စေရန်အတွက် မည်သည့်နေ့ မဆို ညနေပိုင်းတွင် ဆိတ်သားဟင်းကို ထမင်းကြမ်းနှင့်နယ်ပြီး လမ်းဘေးခွေးကျွေးပါ။ ငါ့မှာရှိတဲ့မကောင်းတဲ့ အညံ့အားလုံးပါသွားစေဟုပြောပြီး ကျွေးပါ။ ဘာသာရေးအထူးပြုလုပ်ပေးပါ။ ကောင်းမှုတွေနဲ့ ဖြတ်သန်းပါ။ ပုတီးစိပ်ပါ ကံအညံ့ပျောက်စေမည်။