၂၀၂၆ ခုနှစ် အင်္ဂါသားသမီးများအတွက် ကံကြမ္မာ အဟော

တနင်္ဂနွေသက်ရောက်။
မိမိတို့အသက်အပိုင်းအခြား ၁၅၊ ၂၃၊ ၃၁၊ ၃၉၊ ၄၇၊ ၅၅၊ ၆၃၊ ၇၁၊ ၇၉၊ ၈၇ ထိုနှစ်တွေမှာ ကြုံတွေ့ရမယ့်
မိမိတို့ရဲ့ ကံကြမ္မာ အစိတ်အပိုင်းများ။

စီးပွားရေး အလုပ်အကိုင် ။ ။ ဒီနှစ်အလုပ်အကိုင် စီးပွားရေးအနေနှင့် လုပ်ငန်းသစ် အလုပ်ကိုင်သစ်များ
တိုးချဲ့လုပ်ကိုင်ရကိန်းရှိသည်။ အလုပ်အပြောင်းအလဲ အိမ်နေရာအပြောင်း ရှိစေမည်။ အိမ်သစ်ရစေတာ အိမ်ဆောက်ရတာ
နေရာသစ် ပေါ်လာမယ်။ ဝန်ထမ်းဆို ဌာနအသစ်ပြောင်းရတာ ဖြစ်ပေါ်လာစေတတ်ပါတယ်။ လုပ်ငန်းသစ်
ပြောင်းရတာမျိုးတွေ ရှိမယ်။ လုပ်ငန်းသစ် စလုပ်မည်ဆိုပါကလည်း အကျိုးပြုစေမည်။ အရောင်းအဝယ်
လုပ်ငန်းလုပ်နေသူတွေ အဆင်ပြေနေမယ်။ အမြတ်အစွန်းတွေ ရနေတတ်ပါတယ်။ ထိုသို့လုပ်ကိုင်နေစဉ် ကာလအတွင်း
လုပ်ငန်းထဲတွင် အပြိုင်အဆိုင် အတိုက်အခံပေါ်တတ်သည်။ လက်အောက်ငယ်သား အပေါင်းအသင်းများထံမှ
အကူအညီများရရှိမည်။ ဝန်ထမ်းများ ရာထူးလစာကောင်းတွေ ရရှိပြီး လုပ်ငန်းအဆင့် တိုးတက်တာတွေ ရှိစေမည်။
လူပင်ပန်းတာနဲ့ စိတ်ဖိစီးမှုတွေ များနေတတ်ပါတယ်။ ယခုနှစ်မှာ စီးပွားရေးအလုပ်အကိုင်နှင့် ပတ်သက်ပြီး တခါတလေ
တချို့လတွေမှာဆိုရင် အခက်အခဲတွေ၊ အဆင်မပြေမှုတွေနဲ့ ကြုံတွေ့နေရတတ်တယ်။ အနည်း အားစိုက်ထုတ်ကြိုးစားနိုင်မှ ရမည်။

အင်္ဂါသားသမီးတွေက ဒီနှစ်မှာ ကံ ဉာဏ် ဝီရိယအားစိုက်ထုတ်ပြီး ကျိုးစားမှသာ အဆင်ပြေပါမယ်။ တခါတရံ
အလုပ်အကိုင်လေးတွေလွဲချော်တာ၊ ထစ်ငေါ့နေတာတွေ၊ ငွေကုန်စရာတွေ ရှိနေတတ်ပါတယ်။ မကြာခင် အဆင်ပြေလာမည်။
လုပ်ငန်းသစ် အလုပ်ကိုင်သစ်များ တိုးချဲ့လုပ်ကိုင်ရကိန်းရှိသည်။ အလုပ်ထဲတွင် အောင်မြင်မှုတွေ ရနေမယ်။
အလုပ်နှင့်ပတ်သက်ပြီး ခရီးသွားရတတ်သည်။ လုပ်ငန်းမှာ အကြီးအကဲ အထက်လူကြီးတွေနှင့် အဆင်မပြေတာတွေ
ရှိနေစေတတ်ပါတယ်။ အလုပ်ပြောင်းချင်စိတ်တွေ ပေါ်လာတတ်တယ်။ ကိုယ်ပိုင် တပိုင်တနိုင်လုပ်ငန်းတွေ လုပ်ပါ။ အဆက်အသွယ်
ကောင်းများရရှိခြင်း လုပ်ငန်းနေရာ တိုးချဲ့ရခြင်းများကြုံမည်။

ရပ်ဝေးနှင့်ပတ်သက်သော ကိစ္စများအဆင်ပြေမည်။ အထူးသဖြင့် ရေကြောင်းခရီးနှင့် ပတ်သက်သော ကိစ္စများ
အဆင်ပြေမည်။ သွပ် သံ သစ်တွေဝင်မယ်။ အိမ်သစ်ဝင်မယ်၊ ရွှေဝင်မယ်၊ ရတနာပစ္စည်းတွေ ဝင်လာမယ်။
ရေတွင်းရေကန်တူးရတတ်တယ်။ စက်ပစ္စည်းတွေအဝင် အထွက် ရှိလာမယ်။ လက်အောက်ငယ်သား အကျိုးပြုစေမယ်။ မင်္ဂလာ
အလှူဒါနပြုရတတ်ပါတယ်။ ဘာသာရေး ဆိုင်ရာပစ္စည်းတွေ ဝင်လာမယ်။ ဝင်လျှင် ကံကောင်းမယ် လာဘ်ဝင်စေမည်။

ယခုနှစ်မှာ ရေလုပ်ငန်း၊ ရွှေ၊ ရတနာလုပ်ငန်း၊ လျှပ်စစ်ပစ္စည်း၊ ဝပ်ရှော့၊ လ္ဘက်ရည်ဆိုင် အလှပြင်ပစ္စည်း
ဟော်တယ်နဲ့ ခရီးသွားလာရေးလုပ်ငန်းများ သစ်လုပ်ငန်းတွေ စတိုးဆိုင် စားသောက်ကုန် ဈေးရောင်းတာ
စက်ပစ္စည်းနဲ့ပတ်သက်တဲ့ အလုပ်တွေ လုပ်ကိုင်ပါကအဆင်ပြေမည်။ စပ်တူလုပ်ငန်း ရှယ်ရာလုပ်ငန်းများ
လည်းပြုလုပ်ရတတ်တယ်။ ဆန်၊ဆီ၊ဆေး၊ဆား ရောင်းဝယ်ရေးလုပ်ငန်းများ၊ စက်ပစ္စည်းနှင့်ပတ်သက်သော
လုပ်ငန်းများ လုပ်ကိုင်ပါက အဆင်ပြေနိုင်ပါသည်။ စက်ပစ္စည်းအသစ်တွေဝင်ပါမည်။ ယခုနှစ်တွင် အလုပ်တွေပြန်လည်
ကောင်းမွန်လာပါမည်။ လုပ်ငန်းစတင်လုပ်ကိုင်မည့်သူများ မိမိလုပ်ငန်း အောင်မြင်မှုရရှိမည့် အချိန်ကာလဖြစ်သည်။
အနောက်အရပ် အရှေ့အရပ်တွေမှာ ခရီးသွားလာတာ စီးပွားရှာတာတွေ ရှောင်ပါ။

အကူအညီတောင်းမည်ဆိုပါကလည်း သောကြာသားသမီး ဗုဒ္ဓဟူးနေ့နံ သားသမီးတွေကို အကူအညီတောင်းပါ။ ထိုနေ့တွေမှာ
လုပ်ငန်းစီးပွား စတင်ပြုလုပ်တာမျိုးတွေ အောင်မြင် အဆင်ပြေစေမည်။ ခရီးကိစ္စတွေပေါ်မယ်။ ပြည်တွင်း
ပြည်ပခရီး ဖြစ်စေမည်။ ကောင်းမှုတွေပြုရတတ်တယ်။ စိတ်ဖိစီးမှုတွေတော့ များနေတတ်ပါတယ်။ စီးပွားရေးမှာ
ဘာပဲလုပ်လုပ် ပြိုင်ဆိုင်မှုတွေတော့ ရှိနေမယ်။ စိတ်ကိုအေးချမ်းစွာထားပြီး လုပ်ကိုင်ပါ။ စီးပွားရေးနဲ့အတူ ယခုနှစ်မှာ
ကောင်းမှုတစ်ခု နေ့စဉ်ပြုပါ။ စီးပွားရေးနဲ့အတူ ဘာသာရေး ကုသိုလ်ရေး ယှဉ်တွဲလုပ်ပါ။ သကြားတစ်ပွဲ၊ ရေသန့်၊
ထန်းလျှက်တစ်ပွဲ၊ မိမိအိမ်ဘုရား အမြဲလိုလှူပါလမ်းခင်း လမ်းပြင်တာ မိဘကို ကျွေးမွေးပြုစုတာတွေ
မကြာမကြာပြုလုပ်ပါ။ ကံတရားရဲ့ အထောက်အပံ့ကောင်းတွေကို ရရှိလာပါမည်။

ငွေကြေး။ ။ဒီနှစ်မှာ ငွေကြေးပိုင်း အနေနှင့် ငွေဝင်မယ်။ ငွေရှာရတာ လွယ်နေစေတတ်တယ်။ ငွေဝင်ပြီး
တခါတရံလက်ထဲမှာ ငွေမမြဲတာတွေ ရှိစေတတ်တယ်။ ငွေကုန်စရာတွေလည်း ပေါ်လာတတ်ပါတယ်။ ငွေကို ချွေတာသုံးရန်
လိုစေတတ် ငွေချေးတာ အာမခံတာ အထူးရှောင်ပါ။ ဖြတ်လမ်းစီးပွားရေး မလုပ်သင့်။ အိမ်တွင်းရေး အတွက်လည်း
ငွေကုန်စေတတ်ပြီး သူတပါးအတွက် ကူညီထောက်ပံ့ပေးရတာတွေ ရှိမယ်။ မိမိငွေသုံးများမှုကြောင့် ငွေဝင်ပြီး
ကျွေးတင်နေတတ်တယ်။ ငွေစုပါ ငွေကိုချွေတာသုံးပါ။ ငွေယိုပေါက်တွေ ထိန်းနိုင်မှ ငွေမြဲစေမည်။
အဖက်ဖက်ကနေငွေရှာနိုင်မှ ငွေကြေးအဆင်ပြေနေမည်။ ထီကံကောင်းနေမည် ထီထိုးပါ အကျိုးပေးဂဏန်း ၆.၄.၃
ဖြစ်ပါတယ် ငွေကံကောင်းစေရန် တနင်္လာနေ့တိုင် ရေနွေးကြမ်းနဲ့ လ္ဘက်သုတ်ကပ်လှူပြီး ငွေအတွက် ဆုတောင်းပါ။

**လူမှုရေး။ ။လူမှုရေး အနည်းငယ် အတိုက်အခံလေးတွေ ရှိနေတတ်ပါတယ်။ မိတ်ဆွေတွေ ဆရာသမားတွေနဲ့
အဆင်မပြေဖြစ်ပြီး လမ်းခွဲရတတ်ပါတယ်။ လူယုံ ဒုက္ခပေးနေတတ်ပါတယ်။ သတိရှိပါ။ အကြီးအကဲ
အထက်လူကြီးပိုင်းကြောင့် စိတ်ညစ်ရတတ်ပါတယ်။ အိမ်တွင်းရေး ရန်ပေါ်တာတွေ ရှိစေတတ်ပါတယ်။ အမျိုးသမီး
တစ်ဦးနဲ့သော်လည်းကောင်း၊ မိသားစုကိစ္စသော်လည်းကောင်း စကားများရတာတွေ ရှိတတ်ပါတယ်။ အလုပ်မှာလည်း
စိတ်ညစ်ရတတ်ပါတယ်။ မိသားစုရေးအတွက် ပူပင်စရာတွေ ရှိနေမယ်။ ကြာသပတေးနံ ပါတဲ့နေ့သားတွေ
တနင်္လာနံပါတဲ့နေ့သားတွေနဲ့ စကားပြောဆိုတာ လုပ်ငန်းလုပ်တာ အထူးသတိရှိရန်လိုစေတတ် စိတ်လိုက်မာန်ပါ ပြုမူပြောဆို
လုပ်ကိုင်တာတွေ ရှောင်ပါ။ စေတနာကောင်းကောင်းထား စိတ်ကောင်းကောင်းမွေးပါ။ လိုအပ်သော
အကျိုးပေးလာပါမယ်။ ဘာသာရေးပိုလုပ်ပါ အဌာနမေတံဂါထာ သမ္ဗုဒ္ဓေကို တနေ့ သက့်စေ့ရွတ် အနည်းဆုံး ၁၀
ခေါက်ရွတ်ပါ။ သွားတိုက်ဆေး သွားတိုက်တံလှူ ခြေသုတ်ဝတ်လှူ ပြီး ဆုတောင်း။

အိမ်ထောင်ရေး။ ။ ယခုနှစ် အိမ်ထောင်ရေးမှာဆိုရင် အနည်းငယ် ရန်ပေါ်နေစေတတ်ပါတယ်။ အဆင်ပြေတဲ့အခါလည်း
ရှိသလို မပြေတာလေးတွေလည်း ရှိနေတတ်ပါတယ်။ မိမိအိမ်ထောင်ဘက်နှင့် မကြာခဏ စကားများရတတ်သည်။
ဂတောက်ဂဆတွေ ဖြစ်ပေါ်နေတတ်ပါတယ်။ တစ်ယောက်နှင့်တစ်ယောက် စိတ်တိုင်းမကျတာ နားလည်မှုတွေလွဲနေတာ
အလိုမကျတာတွေ မကြာခဏဖြစ်ပေါ်နေပါမယ်။ အိမ်တွင်းရေးမှာ အကြီးအကဲပိုင်းတွေကြောင့် လင်မယား
စကားများရစေတတ်ပါတယ်။ အိမ်ထောင်ရေးမှာ ကြားလူဝင်နှောင့်ယှက်တာတွေ အိမ်ထောင်ရေးအပျက်အစီး
အနှောင့်အယှက်တွေ ကြုံလာပါမယ်။ သတိထားရှောင်ပါ။ သိပ်မကြာခင် ပြန်လည်အဆင်ပြေသွားပါလိမ့်မည်။

စီးပွားရေး အဆင်ပြေနေတဲ့အချိန်တွေမှာ အိမ်ထောင်ရေးဇယားရှုပ်တာ အပျော်အပါးလိုက်စားပါက
နာမည်ဂုဏ်သိက္ခာ ကျဆင်းတတ်သလို တတ်လာမယ့်အညွန့်ပြန်ကျိုးမယ်။ အသောက်အစား များတဲ့အတွက်လည်း
အိမ်ထောင်ရေးရန်ပေါ်တတ်ပါတယ်။ အိမ်ထောင်ရေးမှာ ယခုနှစ်အတွင်း အဆင်မပြေမှုတွေ များနေတတ်ပါတယ်။
မိမိမှာအိမ်ထောင်ရှိပါကလည်း စန်းပွင့်နေတဲ့ ကာလဖြစ်တဲ့အတွက် အိမ်ထောင်ရေး ရှုပ်ထွေးမှုတွေဖြစ်ပေါ်တတ်ပါတယ်။
ထိုသို့ပြုလုပ်မိပါက မမျှော်လင့်ထားတဲ့ ပြဿနာတွေဖြစ်လာတတ်ပါတယ်။ စီးပွားပျက်တတ်တယ်။ ဂုဏ်သိက္ခာ
ကျဆင်းတတ်သောကြောင့် သတိထားဆင်ခြင်ရန်လိုအပ်ပါမည်။ အိမ်ထောင်ရေးမှာ ဆိုးတူကောင်းဖက်တိုင်ပင်ပြီး
လက်တွဲမှသာ အဆင်ပြေစေတတ်ပါတယ်။ အေးချမ်းစေဖို့က အရှော့ပေးအရှုံးပေးပြီး သစ္စာရှိစွာ နားလည်မှုနဲ့
လက်တွဲနိုင်မှ အပျော်အပါး အသောက်အစားရှောင်မှ အေးချမ်းစေမည်။

အချစ်ရေး။ ယခုနှစ်အတွင်း အချစ်ရေးမှာ ငယ်ရွယ်သူတွေအနေနှင့် စိတ်မတည်ငြိမ်မှုတွေ ဖြစ်နေတတ်တယ်။
အချစ်ရေးစမ်းပွင့်မယ် မိမိအား စိတ်ဝင်စားနေသူတွေလည်း ရှိနေတတ်ပါတယ်။ အလိမ်အညာတွေနဲ့ ကြုံရတတ်တဲ့အတွက်
သတိထားပြီး ‌ရွေးချယ်ပါ။ စိတ်မနှစ်ပဲ နေပါမှ အချစ်ရေး အေးချမ်းစေမည်။ ချစ်သူရှိပါက
အဆင်မပြေမှုတွေကြုံရပါလိမ့်မယ်။ လက်ထပ်ရန်အတွက်တော့ တွေဝေနေတာမျိုး ဖြစ်နေတတ်တယ်။ အရမ်းတွေဝေမနေပါနဲ့
အဆင်ပြေသွားပါလိမ့်မယ်။ အိမ်ထောင်ပြုမည်ဆိုလည်း ပြုလို့ရစေပါမယ်။ လက်ရှိ ချစ်သူရှိပါက ချစ်သူနှင့် မကြာခဏ
စိတ်ဆိုးစိတ်ကောက် စကားများနေရတာတွေ ရှိနေတတ်ပါတယ်။ ရန်ဖြစ်လိုက် ပြန်ချစ်လိုက်ရှိနေမယ်။ တခါတရံ
အထင်အမြင်လွဲမှားတာတွေ နားလည်မှုလွဲမှားတာတွေ ရှိနေတတ်ပါတယ် စိတ်တိုင်း မကျအလိုမကျတာတွေလည်း
ရှိနေတတ်ပါတယ်။ သဝန်တိုမှု စိတ်မချမှုတွေလည်း ချစ်သူနှင့် မကြာခဏတော့ ပြဿနာလေးတွေ ရှိနေပေမယ့် စိတ်နှစ်တဲ့သူက
ပိုပင်ပန်းစေမည် ယခုနှစ် တွင်အိမ်ထောင်ကျကိန်းရှိနေပါတယ် သင့်တော်တဲ့နှစ်တွေဖြစ်တဲ့အတွက် အိမ်ထောင်ပြုလို့ရပါတယ်
ယခုနှစ်အချစ်ရေးက အစဉ်ပြေတာတွေရှိသလို မပြေတာတွေလည်းရှိနေတတ်ပါတယ်။ အချစ်ရေးဇယားရှုပ်ပါက
ကွဲစေတတ်ပါတယ်။

ကျန်းမာရေး။ ။ ကျန်းမာရေးပိုင်းမှာ အနည်းငယ် ချူချာနေစေတတ်ပါတယ်။ ဦးခေါင်းမကြည်တာ
အစားမှားတာ အစာအိမ်လေအောင့်တာ အကြောတက်တာ အာရုံကြောအားနည်းစေတာ သွေးအားနည်းတာ
နှလုံးအားနည်းပြီး မူးမောရင်တုန်တာ ရာသီအကူးအပြောင်းဖျားနာတာတွေ ဖြစ်လာတတ်ပါတယ်။ အသေးစား
အက်စီးဒန့်လို ခြေလက်ထိခိုက်တတ်တာ ဖြစ်ပေါ်တတ် သတိထားရန်လိုစေတတ်တယ်။ အသက်ကြီးပိုင်းတွေမှာ
အကြောအားနည်းရောဂါ ညောင်းညာကိုက်ခဲ သွေးတိုးနှလုံး မူးမောတာမျိုးတွေ ဖြစ်စေမည်။
ဆေးထိုးဆေးသောက်လုပ်ရတာ ဆေးခန်းပြရတာတွေ ရှိလာတတ်ပါတယ်။ စိုးရိမ်စရာမရှိပါ။ ကျန်းမာရေးအတွက်
ဆေးလှူ လမ်းတံတားခင်း ရေစစ်လှူ ရေလှူပြီးဆုတောင်းပါ။

ပညာရေး။ ။ ယခုနှစ်မှာပညာရေးနှင့် ပတ်သက်ပြီးကောင်းမွန်ပါမည်။ အသိပညာသစ် တတ်ပညာသစ်တွေရမယ်။
ဆရာကောင်းသမား ကောင်းတွေရမယ်။ လတ်တလောပညာရေး ထစ်ငေါ့တာ လွဲချော်တာတွေလည်း ရှိလာတတ်ပါတယ်။
ပညာရေးမှာ တစ်ခြားသော အကြောင်းအရာတွေကို စိတ်နှစ်နေမှုကြောင့် ပညာရေး ထိခိုက်စေတတ်ပါတယ်။ သင်တန်း
တက်ရကိန်းတွေလည်း ပေါ်လာတတ်ပါတယ်။ သို့ပေမယ့် တက်ဖို့အတွက် ကြန့်ကြာနေမယ်။ နည်းပညာပိုင်းတွေ
ဘာသာစကားဆိုင်ရာ သင်တန်းတွေလည်း အကျိုးပြုမယ်။ ပညာရေးမှာ အဖျက်အဆီး အတားအဆီးတွေလည်း
ဖြတ်ကျော်ရတတ်ပါတယ်။ ပညာရေး ဆုံးခန်းတိုင်အောင် သင်ကြားရန်တော့ လိုစေမည် ပညာတတ်မှသာ ဘဝအတွက်
အထောက်အကူပြုပိုပြုသည်။ ကံ ဉာဏ် ဝီရိယအားစိုက်ထုတ် ကြိုးစားရန်လိုပါလိမ့်မည်။

***ဒီနှစ်အတွက် မိမိတို့အနေနဲ့ အရေးကြီးသော အကြောင်းကိစ္စ အဝဝ ပြုလုပ်ပြောဆိုရာမှာ အောင်မြင်ဖို့အတွက်
အကောင်းဆုံး အကျိုးပေးနေ့တွေမှာ သောကြာနေ့ ဗုဒ္ဓဟူးနေ့တွေဖြစ်ပါတယ် ထိုနေ့အတွင်းမှာ
အကောင်းဆုံးအချိန်ဖြစ်တဲ့ မုဆိုးရွှေအိုးရကိန်း အချိန်ဖြစ်တဲ့ သောကြာနေ့ မနက် ၁၀:၄၉ မှ နေ့လည် ၁း၁၂
အတွင်းနဲ့ ဗုဒ္ဓဟူးနေ့အတွက် မနက် ၆း၁၀မှ ၈း၂၄ နေ့လည် ၁း၁၃မှ ၃း၃၆ အတွင်းမှာ အရေးကြီးသော အလုပ်ကိစ္စ
အကြောင်းအရာရာ ကိစ္စအဝဝ ပြုလုပ်ပြောဆိုရာမှာသော်လည်းကောင်း ခရီးကိစ္စတွေ သွားလာတာ
မျိုးတွေမှာသော်လည်းကောင်း ထိုအချိန်တွေမှာ ပြုလုပ်ပြောဆို လုပ်ကိုင်ဆောင်ရွက်ခြင်းဖြင့် အောင်မြင်မှုတွေ
ရရှိစေပါမည်။

အကျိုးပေးအရောင် ။ ။ ဒီနှစ်အတွင်းမှာ မိမိရဲ့ ကံဇာတာကို ပွင့်လန်းစေမည့် အကျိုးပေးအရောင်မှာတော့ အပြာပွင့်
အပြာရောင်၊ ခဲပွင့်ခဲရောင်၊ ရွှေဝါရောင် အစိမ်းပွင့် အစိမ်းရောင်တွေ အကျိုးပေးပါမည်။ အရေးကြီးသော
အကြောင်းအရာတွေမှာ ဝတ်ဆင်ပြီး ပြုလုပ်ပြောဆို ဆောင်ရွက်ခြင်းဖြင့် ကံပွင့်စေမည်။

ဒီနှစ်အတွင်းမှာ ထီဂဏန်း အကျိုးပေးဂဏန်းအနေနဲ့က ၄ ၆ ၃ ၂ ဖြစ်စေပြီး မိမိလိုသောနေရာတွေမှာ
အသုံးပြုလို့ရစေပါမည်။ အကျိုးပြုဂဏန်းတွေဖြစ်စေမည်။

ဘဝတစ်သက်တာမှာ။ ။ ဘုမ္မိအရပ်က အနောက်အရပ်ဖြစ်ပါတယ်။ ထိုအရပ်မှာ စီးပွားရှာတာ ခရီးထွက်တာ အိမ်ဆောက်တာ
အိမ်မျက်နှာလှည့်ပြီး ဆောက်လုပ်တာ လှေကားထားတာ အထူးရှောင်ပါ။

ဘဝတစ်သက်တာအတွက် အကျိုးပေး ရတနာ။ ။ စိန် အဖြူရောင်ကျောက်တို့က မိမိတို့ရဲ့ အကျိုးပေး ရတနာတွေပဲ
ဖြစ်ပါတယ်။ တစ်သက်တာအတွက် ဝတ်ဆင် ထားခြင်းဖြင့် ကံပွင့်စေမည်။

ရှောင်ရန်။ ။ ဘဲဥ၊ အမဲသား၊ အဆီများတဲ့အစားအစာ၊ အနက်ရောင်၊ အဖြူရောင်၊အနီရောင်၊
ဝတ်စားဆင်ရင်အသုံးပြုခြင်း ရှောင်ပါ။

ဒီနှစ် တစ်နှစ်လုံးမှာ မိမိတို့အနေနဲ့ ကံဇာတာပွင့်လန်းစေရန် ကံကောင်းမှုတွေ ရရှိစေရန် ပြုလုပ်ရမည့် ကောင်းမှုကံ
ယတြာ အနေနဲ့က သောကြာနေ့နဲ့ ဗုဒ္ဓဟူးနေ့မနက် (၉း၄၅)တွင် လ္ဘက်သုပ်နှင့် သစ်သီးတစ်ပွဲ မိမိအိမ်ဘုရား သို့
လိုအပ်သော နေရာတွေမှာလှူပါ။ မရှိဆင်းရဲသော သက်ကြီးပိုင်းတွေ လှူဒါန်းပေးကမ်းခြင်းပြုပါ။ မိမိအိမ်အဝင်ဝ
အခန်းဝမှာ သစ်သားဆွဲလည်း ချိတ်ဆွဲထားခြင်း အမြဲပြုပါက ကံကောင်းခြင်းတွေ ပိုင်ဆိုင်လာမည်။

အညံ့ချေရန်အတွက် မကောင်းသော ကံ နိမိတ်အကြောင်းအရာတွေ ပျောက်စေရန်အတွက် မည်သည့်နေ့မဆို ညနေပိုင်းမှာ
ဘဲဥကျော်ပြီး ထမင်းနှင့်နယ်ကာ လမ်းဘေးခွေးကျွေးပြီး မိမိမှာရှိတဲ့ မကောင်းတဲ့အညံ့တွေ ပပျောက်ပါစေဟု
ပြောပြီးကျွေးပါ။ တစ်လတစ်ခါ ပုံမှန်ကျွေးပါ။