၂၀၂၆ ခုနှစ် အင်္ဂါသားသမီးများအတွက် ကံကြမ္မာ အဟော

မိမိတို့အသက်အပိုင်းအခြား ၁၄၊ ၂၂၊ ၃၀၊ ၃၈၊ ၄၆၊ ၅၄၊ ၆၂၊ ၇၀၊ ၇၈၊ ၈၆၊ ၉၄ ထိုနှစ်တွေမှာ ကြုံတွေ့ရစေမယ့် ကံကြမ္မာ အစိတ်အပိုင်းများ။
စီးပွားရေး အလုပ်အကိုင် ။ ။ ယခုနှစ်အတွက် အင်္ဂါ သားသမီးတွေရဲ့ အလုပ်အကိုင် စီးပွားရေးတွေမှာဆိုရင်တော့ လုပ်ငန်းသစ် အလုပ်ကိုင်သစ်များ တိုးချဲ့လုပ်ကိုင်ရကိန်းရှိသည်။ နာမည်ကောင်းရလာမယ်။ တိုးတက်အောင်မြင်လာတတ်ပါတယ်။ စိတ်ချမ်းသာစရာတွေ ရရှိလာတတ်ပါတယ်။ လုပ်ငန်းအပြောင်း အလည်းတွေလည်း ဖြစ်ပေါ်လာစေတတ်ပါတယ်။ ကောင်းသော ပြောင်းလည်းခြင်းမျိုးတွေ ဖြစ်စေတတ်ပါတယ်။ လုပ်ငန်းသစ်စတင်ပြီး လုပ်မည်ဆိုပါကလည်း အကျိုးပြုစေပါလိမ့်မည် လုပ်ငန်းပိုင်းတွေမှာဆို အဆင်ပြေတဲ့လတွေ ရှိသလို မပြေတဲ့လတွေလည်း ရှိနေတတ်ပါတယ်။ အစိုးရဝန်ထမ်းဆို သင်တန်းတက်ရတာတွေ ရှိစေတတ်ပါတယ်။ ဝန်ထမ်းတွေဆို ရာထူးလစာတွေ တိုးလာစေတတ်ပါတယ်။ အလုပ်ပြောင်းရတာတွေ ဌာနပြောင်းရတာတွေ ဖြစ်လာတတ်တယ်။ လုပ်ငန်းစတင်ရင် ကောင်းတဲ့အချိန်အခါ ဖြစ်စေတတ်ပါတယ်။ ထိုသို့လုပ်ကိုင်နေစဉ် ကာလအတွင်း လုပ်ငန်းထဲတွင် အပြိုင်အဆိုင် အတိုက်အခံပေါ်တတ်သည်။ စိုးရိမ်စရာမရှိပါ။ မကြာခင်ကာလတွင် ပြန်လည် အဆင်ပြေသွားပါလိမ့်မည်။ အတိုက်အခံများကြားတွင် အောင်မြင်နေမည်။ မိတ်ဆွေ အပေါင်းအသင်းများထံမှ အကူအညီများရရှိမည်။ ပုဂ္ဂလိက ဝန်ထမ်းများ အလုပ်နေရာ ပြောင်းရွှေ့ရတတ်သည်။ ရာထူးလစာတိုးကိန်းပေါ်မယ်။ လုပ်ငန်းသစ် အကြံအစည်သစ်တွေကို တင်ပြီးလုပ်မည်ဆိုပါက အောင်မြင်နိုင်ပါတယ်။ အကျိုးပေးပါမည်။ အလုပ်ထဲတွင် တခါတရံ စိတ်မဝင်စားဘဲဖြစ်နေမည်။ လုပ်ငန်းပြောင်းမည်ဆိုပါကလည်း ပြောင်းလို့ရပါတယ်။ လက်အောက်ငယ်သားတွေရဲ့ ကူညီမစတာ ညီအကိုမောင်နှမတွေရဲ့ အကူအညီတွေ ရလာစေတတ်ပါတယ်။ ဒီနှစ်ပိုင်းတွေမှာ လုပ်ငန်းစီးပွား ကြိုးစားသလောက် အောင်မြင်နေမည်။ ဝန်ထမ်းဆို ကိုယ်ပိုင် တစ်ပိုင်တစ်နိုင် လုပ်ငန်းတွေ တွဲလုပ်ပါ ပိုပြီး အဆင်ပြေစေတတ်ပါတယ်။
အလုပ်နှင့်ပတ်သက်ပြီး ခရီးသွားရတတ်သည်။ သွားလျှင်ကောင်းသည်။ အဆက်အသွယ် ကောင်းများရရှိခြင်း လုပ်ငန်းနေရာ တိုးချဲ့ရခြင်းများကြုံမည်။ နိုင်ငံရပ်ခြားနှင့်ပတ်သက်သော ကိစ္စများအဆင်ပြေမည်။ ပြည်တွင်း ပြည်ပခရီးတွေလည်း သွားရတတ်ပါတယ်။ အထူးသဖြင့် နိုင်ငံခြားခရီးနှင့် ပတ်သက်သောကိစ္စများ အဆင်ပြေမည်။ ဘုရားဖူးခရီးတွေလည်း သွားရတတ်ပါတယ်။ သင်တန်းတက်ရတာ မိတ်ဆွေကောင်းရတာ အသိပညာသစ် အတတ်ပညာသစ်တွေလည်း ရလာစေတတ်ပါတယ်။ ရွှေအဝင် အထွက်ရှိလာမယ်။ ရေတွင်းရေကန်ပျက်ရတတ်တယ်။ ရာထူးလစာတိုးမယ်။ အလှူဒါနပြုရတတ်ပါတယ်။ မြေဝင်ကိန်းလည်းရှိသည်။ အမွေအနှစ်တွေလည်း ရလာတတ်တယ်။ အမျိုးသမီးတစ်ဦး တစ်ယောက်ရဲ့ ကူညီမစမှုတွေကိုလည်း ရရှိလာစေတတ်ပါတယ်။ စက်ပစ္စည်းတွေဝင်လာပါမယ်။ ငွေရှာရတာ လွယ်ကူစေတတ်ပါတယ်။ ငွေရလွယ်နေတတ်ပါတယ်။
ဒီနှစ်မှာ လုပ်ငန်းသစ် လုပ်ချင်တယ်ဆိုရင် အကျိုးပြုစေတဲ့လုပ်ငန်းတွေမှာ ဆိုရင်တော့ ပွဲရုံ ပွဲစား ပညာရေး မွေးမြူရေး ပရိဘာဂလုပ်ငန်း ပန်း မုန့်လုပ်ငန်း ဆန် ဆီ ဆေး စားသောက်ကုန် စတိုးဆိုင် စားသောက်ဆိုင် ကုန်ရောင်းကုန်ဝယ် ကုန်စုံဆိုင် ခြံ ကား ကျောက်လုပ်ငန်းများ အဆင်ပြေမည်။ စပ်တူလုပ်ငန်း ရှယ်ရာလုပ်ငန်းများလည်း အဆင်ပြေစေတတ်ပါတယ်။ ဒီနှစ်အတွင်းမှာ ကြာသပတေးနံ အင်္ဂါနေ့နံ သားသမီးတွေနဲ့ စပ်တူရှယ်ယာလုပ်တာ ဆွေးနွေးတိုင်ပင်တာမျိုးတွေ ပြုလုပ်လျှင် အောင်မြင်စေမည်။
လူလိမ်ခံရတတ်သည်။ လူမျိုးခြားတွေ သတိထားပါ။ တောင်အရပ် အရှေ့မြောက်အရပ်မှာ စီးပွားရှာတာ ခရီးသွားတာတွေ ရှောင်ကြည်ပါ။ ယခုနှစ်တွင် အလုပ်တွေပြန်လည် ကောင်းမွန်လာပါမည်။ လုပ်ငန်းစတင်လုပ်ကိုင်မည့်သူများ မိမိလုပ်ငန်း အောင်မြင်မှုရရှိမည့် အချိန်ကာလဖြစ်သည်။ ယခုနှစ်တွင် ဆရာကောင်းတွေနှင့် တွေ့မယ်။ နိုင်ငံခြားခရီး သွားရောက်ရတတ်ပါတယ်။ ယခုနှစ် စီးပွားရေး အတိုင်းအတာမှာ ကောင်းမွန်လာပါမည်။ အကြီးအကဲ အထက်လူကြီးပိုင်းတွေနဲ့ စကားပြောတာ သတိထားပါ။ စိတ်ညစ်ရစေတတ်ပါတယ်။ အိမ်တွင်းရေး ဂတောက်ဂဆတွေ များနေစေတတ်ပါတယ်။ မိမိအနေနှင့် စီးပွားရေး အလုပ်အကိုင်နှင့်အတူ ဘာသာရေးပိုင်း ကုသိုလ်ရေးလေးတွေနဲ့ ယှဉ်တွဲလုပ်ပါ။ ကောင်းမှုတစ်ခု နေ့စဉ်ပြုပါ။ ဆန် ဆီ ဆေးလှူတာ သက်ကြီးပူဇော်တာ ခိုစာ ခွေးစာ ငှက်စာကျွေးတာတွေ အမြဲမပြတ် ပြုလုပ်ပေးပါ။ ကံတရားရဲ့အထောက်အပံ့တွေကြောင့် ဆက်တိုက် ကံကောင်းလာပါလိမ့်မည်။
ငွေကြေး ။ ။ ငွေကြေးကံအနေနှင့် ငွေရှာရလွယ်နေတတ်ပါတယ်။ ထီကံ ငွေကံကောင်းလာပါမယ်။ ငွေအဝင်တွေရှိနေမည်။ သို့သော် ငွေကုန်စရာတွေလည်း ပေါ်လာတတ်ပါတယ်။ ငွေအဝင်အထွက်တွေ များနေတတ်ပါတယ်။ ငွေစုပါ ငွေဝင်လာရင် လုပ်ငန်းတိုးချဲ့ပါ။ ဒါနကောင်းမှုပြုပါ။ ငွေကိုချွေတာပြီး သုံးရန်လိုပါမယ်။ ငွေချေးတာ အာမခံတာ အထူးရှောင်ပါ။ ငွေလူလိမ်ခံရတတ်ပါတယ်။ ငွေကြေးက မမြဲတတ်သောကြောင့် ဖြတ်လမ်းစီးပွားရေးတွေ ရှောင်ပါ။ ငွေကအဖက်ဖက်ကနေရှာနိုင်မှ ငွေအားကောင်းစေမည်။ မိမိအသုံးအစားမတတ်တာ အသုံးများမှုကြောင့် ငွေလက်ထဲ မမြဲစေပဲ ရှိနေတတ်ပါတယ်။ ထီကံကောင်းမယ်။ ထီပေါက်ကိန်း ရှိပါတယ်။ အကျိုးပေးဂဏန်း ၅ ၂ ၃ ဖြစ်ပါတယ်။ ငွေကံကောင်းစေရန် စာကလေးတွေ မကြာမကြာ အစာကျွေး ပံ့သကူ မကြာမကြာပြစ်ပေးပါ။ မိဘ ဆရာသမားကို မကြာမကြာ ပေးလှူပြီး ဆုတောင်း ငွေကံကောင်းစေမည်။
လူမှုရေး ။ ။ လူမှုရေး အနည်းငယ် ပြဿနာလေးတွေ ရှိနေတတ်ပါတယ်။ အကြီးအကဲ အထက်လူကြီးပိုင်းတွေနဲ့ အတိုက်အခံအခြေအတင်လေးတွေ စကားပြောရတတ်ပါတယ်။ သူတပါး မကောင်းပြောဆိုတာ စွတ်စွဲတာတွေ ခံရတတ်ပါတယ်။ လူမျိုးခြား သတိထားပါ။ အိမ်တွင်းရေး စိတ်ညစ်ရတာမျိုးတွေလည်း ရှိလာတတ်ပါတယ်။ မိမိကိုမနာလို ရန်လိုသူတွေလည်း ပေါ်လာတတ်ပါတယ်။ သတိထားပါ။ လူယုံထားလို့မရပါ။ အားနာမှုကြောင့် ဒုက္ခရောက်စေတတ်ပါတယ်။ ကိုယ့်ကိုကိုယ်ပဲ အားကိုးပါ။ သူတပါးအားမကိုးပါနဲ့။ စိတ်လိုက်မာန်ပါ ပြုမူပြောဆိုတာတွေ ရှောင်ပါ။ စေတနာကောင်း စိတ်ကောင်းထားပါ။ ဘာသာရေး ပိုလုပ်ပါ။ သူများပြဿနာ ဝင်ဖြေရှင်းတာတွေ မပြုလုပ်ရ။ စေတနာအမှား ဖြစ်တတ်သောကြောင့် သတိထားရှောင်ပါ။ ဗုဒ္ဓဟူးနံပါတဲ့နေ့သားတွေ တနင်္ဂနွေနံ နံပါတဲ့နေ့သားတွေနဲ့ စကားပြောဆိုတာ သတိထားပါ။ အိမ်တွင်းရေး ပြဿနာတွေလည်း ပေါ်လာတတ်တယ်။ စိတ်ကိုအေးအေးထားပြီး ဖြေရှင်းပါ သမ္ဗုဒ္ဓေကို တနေ့ ၃၇ ခေါက်ရွတ်ပါ။
ကျန်းမာရေး ။ ။ ကျန်းမာရေးမှာဆိုရင် မကြာခဏ ချူချာနေတတ်ပါတယ်။ အာရုံကြောအားနည်းတာ ဦးခေါင်းမကြည်တာ အစာအိမ်လေအောင့်တာ ခေါင်းမူးတာ ညောင်ညာကိုက်ခဲတာ နှလုံးအားနည်းစေပြီး ဖြစ်ပြီးမူးမောတာ ချောင်းဆိုး ရင်ကျပ်တာ ရာသီအကူးအပြောင်း ဖျားနာတာတွေ နှလုံးအားနည်းပြီး ရင်တုန်တာ မီးပူလောင်တာမျိုးတွေ ဖြစ်စေမည်။ သတိထားပါ။ အကုန်ဖြစ်မယ်လို့တော့ မဆိုလိုပေ။ တစ်ခုမဟုတ်တစ်ခု ဖြစ်ပေါ်လာတတ်ပါတယ်။ သတိထားရန်တော့ လိုပါမယ်။ ဆေးထိုးဆေးသောက်ရတာ ဆေးခန်းပြရတာတွေလည်း ဖြစ်ပေါ်လာတတ်ပါတယ်။ ရေလှူတာ ဆေးလှူတာ ငါးလွှတ်ပါ။ ငှက်လွှတ်ပြီးဆုတောင်းပါ။ ဘာသာရေးပိုလုပ်ပါ။
အိမ်ထောင်ရေး ။ ။ ယခုနှစ် အိမ်ထောင်ရေးမှာဆိုရင် အဆင်ပြေတာတွေ ရှိသလို မပြေတာတွေလည်း ရှိနေတတ်ပါတယ်။ တခါတရံ ရန်ပေါ်နေတတ်ပါတယ်။ တစ်ခါတစ်ရံလည်း မိမိအိမ်ထောင်ဖက်ရဲ့ အကျိုးပြုမှုကိုလည်း ရရှိစေတတ်ပါတယ်။ မကြာခဏတော့ ဂတောက်ဂဆတွေ ဖြစ်ပေါ်နေတတ်ပါတယ်။ တစ်ယောက်နှင့်တစ်ယောက် စိတ်တိုင်းမကျတာ နားလည်မှုတွေလွဲနေတာ အလိုမကျတာတွေ ဖြစ်ပေါ်နေပါမယ်။ မိမိအိမ်ထောင်ဖက်အပေါ် စိတ်မချတာ သဝန်တိုတာမျိုးတွေ အိမ်ထောင်ရေးမှာ ကြားလူဝင်နှောင့်ယှက်တာတွေ အိမ်ထောင်ရေး အပျက်အစီး အနှောင့်အယှက်တွေကြုံလာပါမယ်။ အိမ်ထောင်ရေးပိုင်းမှ စိတ်မတည်ငြိမ်မှုတွေ ဖြစ်ပေါ်လာစေမယ်။ စီးပွားရေး အဆင်ပြေနေတဲ့အချိန်တွေမှာ အိမ်ထောင်ရေးဇယားရှုပ်တာ အပျော်အပါးလိုက်စားပါက နာမည်ဂုဏ်သိက္ခာ ကျဆင်းတတ်သလို တတ်လာမယ့်အညွန့် ပြန်ကျိုးမယ်။ အသောက်အစား ရှိပါက အိမ်ထောင်ရေး ရန်ပေါ်တတ်ပါတယ်။ အိမ်ထောင်ရေး ဇယားရှုပ်တာ အထူးရှောင်ပါ။ ရှုပ်ထွေးမှုတွေ ဖြစ်ပေါ်တတ်ပါတယ်။ ထိုသို့ပြုလုပ်မိပါက မမျှော်လင့်ထားတဲ့ ပြဿနာတွေ ဖြစ်လာတတ်ပါတယ်။ စီးပွားပျက်တတ်တယ်။ ဂုဏ်သိက္ခာ ကျဆင်းတတ်သောကြောင့် သတိထားဆင်ခြင်ရန်လိုအပ်ပါမည်။ အိမ်ထောင်ရေးမှာ ဆိုးတူကောင်းဖက်တိုင်ပင်ပြီး လက်တွဲမှသာ အဆင်ပြေပါမယ်။ ကုသိုလ်ရေးအတူလုပ် ဘာသာရေး အတူလုပ် စီးပွားရေး တိုင်ပင်ပြီး လက်တွဲပါ။ အပျော်အပါး အသောက်အစားတွေ ရှောင်ပါက အဆင်ပြေလာပါလိမ့်မည်။
အချစ်ရေး ။ ။ ယခုနှစ်အတွင်း အချစ်ရေး စန်းအလွန်ပွင့်နေမည်။ ချစ်သူရစေမည်။ ငယ်ရွယ်သူတွေ အချစ်ရေး ရွေးချယ်ရခက်ခဲနေမည်။ အချစ်ဟောင်းကိုစွန့်ပြီး အချစ်သစ်ပေါ်လာစေမည်။ စိတ်နှခွ ဖြစ်စေမည်။ လက်ရှိချစ်သူ ရှိနေသူတွေကတော့ အချစ်ရေးဂတောက်ဂဆတွေ အချစ်ရေး ပဋိပက္ခလေးတွေ အနည်းငယ်ရှိနေတတ်ပါတယ်။ မကြာခဏ စိတ်ဆိုးစိတ်ကောက် စကားများနေရတာတွေ ရှိနေတတ်ပါတယ်။ ရန်ဖြစ်လိုက် ပြန်ချစ်လိုက်ရှိနေမယ်။ တခါတရံ သဝန်တို စိတ်မချတာ အထင်အမြင်လွဲမှားတာတွေ နားလည်မှုလွဲမှားတာတွေ ရှိနေတတ်ပါတယ်။ သံယောဇဉ်တော့ မပြတ်ပါ။ ဘဝမှာ ပြိုကွဲခြင်း အိမ်ထောင်ဦးပြိုကွဲခြင်းများ ကြုံရတတ်ပါတယ်။ ယခုနှစ် တွင်အိမ်ထောင်ကျကိန်း ရှိနေပါတယ်။ ယူမယ်ဆို ယူလို့ရပါတယ်။ ချစ်သူနှစ်ဦးကြားမှာ အဖျက်အဆီးတွေ ဝင်လာစေတတ်ပါတယ်။ အချစ်ရေး ဇယားရှုပ်တာ အပျော်အပါး လိုက်စားပါက မတည်မြဲနိုင်ပါ။ အချစ်ရေးပိုင်းတွေမှာ နားလည်မှု သစ္စာရှိမှုတွေနဲ့ ဖြတ်သန်းနိုင်မှသာ အေးချမ်းစေပါမည်။ အဆက်အသွယ်ပြတ်နေသူတွေ ပြန်ရစေမည်။
ပညာရေး ။ ။ ယခုနှစ်မှာ ပညာရေးနှင့် ပတ်သက်ပြီး တိုးတက်အောင်မြင်လာမည်။ ဆရာကောင်းတွေ့စေမည်။ ထူးခြားစွာ တိုးတက်လာမည်။ ရပ်ဝေးမှ အတတ်ပညာရပ်တွေ သင်ကြားရစေပြီး ဗဟုသုတ တိုးပွားစေမည်။ သင်တန်းတက်ရကိန်းတွေလည်း ပေါ်လာတတ်ပါတယ်။ မိမိအတွက် အကျိုးပြုစေတတ်ပါတယ်။ အသိပညာသစ် အတတ်ပညာသစ်တွေ ရလာမယ်။ ပညာရေးကို ရပ်တန့်မနေသင့်ပါ။ ကြိုးစားသလောက် ထွန်းပေါက်လာမည်။ ကောင်းမွန်လာပါမည်။ ပညာတတ်လေ ဘဝလမ်းခရီး အောင်မြင်လေဖြစ်ပါမယ်။ ပညာဖြင့်အသက်မွေး ဝမ်းကြောင်းပြုရင်လည်း အကျိုးပေးပါမည်။ ဘဝမှာ ပညာရေးကနံပါတ်၁ စီးပွားရေးက နံပါတ်၂ အချစ်ရေးက နံပါတ် ၃ နေရာမှာထားပြီး ဘဝအတွက် ကြိုးစားအားထုတ်ပါက အောင်မြင်တိုးတက်လာပါလိမ့်မည်။ ပညာရေးကို အဖျက်တွေ ဝင်လာစေတတ်ပါတယ်။ အချစ်ရေးကြောင့် ကျန်းမာရေးကြောင့် ပညာရေး ထိခိုက်တတ်သလို အပေါင်းအသင်းမှားတာ အပျော်အပါး မက်မှုတွေကြောင့် ပညာရေး ထိခိုက်တတ်စေတယ်။ ပညာရေးနှင့် ပတ်သက်ပြီး အတန်းပညာပြီးဆုံးရင်လည်း အတတ်ပညာ နည်းပညာ ဘာသာစကားဆိုင်ရာ ကွန်ပျူတာနဲ့ဆိုင်တဲ့ ပညာမျိုးတွေ လေ့လာပါ။ သင်ယူပါ။ ဘဝအတွက် အထောက်အကူဖြစ်စေလိမ့်မည်။
ဒီနှစ်အတွင်း အကျိုးပေးဂဏန်း ။ ။ ၃၊ ၅၊ ၂၊ ထိုဂဏန်းတွေက တစ်နှစ်ပတ်လုံး အကျိုးပြုစေပြီး ထီထိုးတာမျိုး တစ်ခြားသောကိစ္စတွေမှာ အသုံးပြုခြင်းဖြင့် ကံကောင်းစေပါလိမ့်မည်။
အကျိုးပေးအရောင်။ ။ ဒီနှစ်အတွင်းမှာ ကံဇာတာပွင့်ပြီး အကျိုးပေးအရောင်အနေနဲ့က နီညိုရောင်၊ အဝါရောင် ပန်းရောင် အညိုရောင် အဖြူရောင်တွေဖြစ်ပါတယ်။ အရေးကြီးသော စကား အရေးကြီးသော လုပ်ငန်းကိစ္စတွေ ခရီးကိစ္စတွေ အကြောင်းအရာတွေမှာ ဝတ်ဆင်ပြီး ပြုလုပ်ပြောဆို ဆောင်ရွက်ခြင်းဖြင့် ကံပွင့်စေမည်။
ရှောင်ရန် ။ ။ ဒီတစ်နှစ်ပတ်လုံး အမဲ ဝက်သား ထန်းလျှက် အစိမ်းရောင် အနီရောင် ရှောင်ပါ။ အပျော်အပါးလိုက်စားတာ ဖြတ်လမ်းနည်းနဲ့ ငွေရှာတာရှောင်ပါ။ ထိုအရာတွေ ဝတ်ဆင် စားသောက်ခြင်း အထူးရှောင်ရပါမည်။
**ဒီနှစ်အတွက် မိမိတို့အနေနဲ့ အရေးကြီးသော အကြောင်းကိစ္စ အဝဝ ပြုလုပ်ပြောဆိုရာမှာ** အောင်မြင်ဖို့အတွက် အကောင်းဆုံး အကျိုးပေးနေ့တွေမှာ ကြာသပတေးနေ့နဲ့ အင်္ဂါ နေ့တွေဖြစ်ပါတယ်။ အင်္ဂါနေ့ အတွင်းမှာ အကောင်းဆုံးအချိန်ဖြစ်တဲ့ မုဆိုးရွှေအိုးရကိန်း အချိန်ဖြစ်တဲ့ ညနေ၃း၀၀မှ ၆း၀၀အတွင်းနဲ့ ပုဏ္ဏား နတ်သမီး ရကိန်းအချိန်ဖြစ်တဲ့ မနက် ၁၀း၄၉မှ ၁း၁၂ အတွင်း နဲ့ ကြာသပတေးနေ့ အကောင်းဆုံးအချိန်ဖြစ်တဲ့ မုဆိုးရွှေအိုးရကိန်း အချိန် မနက်၈း၂၅မှ ၁၀း၄၈ အတွင်းနဲ့ ပုဏ္ဏား နတ်သမီး ရကိန်းအချိန်ဖြစ်တဲ့ ညနေ၃း၃၇မှ ၆း၀၀ထို အချိန်တွေမှာ အရေးကြီးသော အလုပ်ကိစ္စ အကြောင်းအရာ ကိစ္စအဝဝ ပြုလုပ်ပြောဆိုရာမှာ သော်လည်းကောင်း ခရီးကိစ္စတွေ သွားလာတာ မျိုးတွေမှာသော်လည်းကောင်း ထိုအချိန်တွေမှာ ပြုလုပ်ပြောဆို လုပ်ကိုင်ဆောင်ရွက်ခြင်းဖြင့် အောင်မြင်မှုတွေ ရရှိစေပါမည်။
ဘဝတစ်သက်တာမှာ ဘုမ္မိအရပ်က အနောက်အရပ်ဖြစ်ပါတယ်။ ထိုအရပ်မှာ စီးပွားရှာတာ ခရီးထွက်တာ အိမ်ဆောက်တာ အိမ်မျက်နှာလှည့်ပြီး ဆောက်လုပ်တာ လှေကားထားတာ အထူးရှောင်ပါ။
ဘဝတစ်သက်တာအတွက် အကျိုးပေး ရတနာ ။ ။ စိန် ဂါးနက် ကျောက် အဖြူရောင် ကျောက်တို့က မိမိတို့ရဲ့ အကျိုးပေး ရတနာတွေပဲ ဖြစ်ပါတယ်။ ထိုရတနာတွေကို ဝတ်ဆင် ထားခြင်းဖြင့် ကံဇာတာပွင့်လန်းစေပါမည်။
ယတြာ ။ ။ ဒီနှစ် တစ်နှစ်လုံးမှာ မိမိတို့အနေနဲ့ ကံဇာတာပွင့်လန်းစေရန် ကံကောင်းမှုတွေ ရရှိစေရန် ပြုလုပ်ရမည့် ကောင်းမှုကံ ယတြာ ကြာသပတေးနေ့မနက် (၉း၄၅) တွင် မွှေးသောပန်း ပေါက်ဆီသို့ စမူဆာ တစ်ပွဲကို မိမိအိမ်ဘုရားတွင်လှူပါ။ အမြဲလိုလှူပြီး မိမိလိုရာဆုတောင်းပါ။ ဘာသာတရား ကိုင်းရှိုင်းပါ။ ဒါနကောင်းမှုပြုပါ။ မရှိဆင်းရဲသူကို လှူဒါန်း ပေးကမ်းပါ။ မိခင် ဖခင် ဆရာသမားကို ပူဇော်ခြင်းတွေ ပြုလုပ်ပြီး ဖြတ်သန်းပါ။ ကံကောင်းမှုတွေ ရရှိနေမည်။
အညံ့ပပျောက်ရန် ။ ။ ဒီနှစ် တစ်နှစ်လုံးမှာ မိမိတို့အနေနဲ့ ကံဇာတာ အညံ့အခိုက်တွေ ပျောက်စေရန်အတွက် မည်သည့်နေ့ မဆို ထန်းလျှက် ၅၀ သား ဘုန်းကြီးကျောင်းပို့ပြီး ငါ့မှာရှိတဲ့မကောင်းတဲ့ အညံ့အားလုံးပါသွားစေဟု ပြောပြီး ပို့ပါ။ တစ်လတစ်ခါ နှစ်ခါ ပြုလုပ်ပါ။ ဘာသာရေးအထူးပြုလုပ်ပေးပါ။ ပုတီးစိပ်ပါ ကံအညံ့တွေ ပြေပျောက်စေပါလိမ့်မည်။