၂၀၂၆ ခုနှစ် အင်္ဂါသားသမီးများအတွက် ကံကြမ္မာ အဟော

အင်္ဂါ သားသမီးများ မိမိတို့ရဲ့ အသက်အပိုင်းအခြား ၁၁၊ ၁၉၊ ၂၇၊ ၃၅၊ ၄၃၊ ၅၁၊ ၅၉၊ ၆၇၊ ၇၅၊
၈၃၊ ၉၁။ ထိုနှစ်တွေမှာ ကြုံတွေ့ရစေမည့် ကံကြမ္မာ အစိတ်အပိုင်းများ။

စီးပွားရေး အလုပ်အကိုင်။ ။ ယခုနှစ်မှာ အင်္ဂါ သားသမီးတွေရဲ့ စီးပွားရေးအလုပ်အကိုင်နှင့် ပတ်သက်ပြီး
ယခုအချိန်ခါမှာ လုပ်ငန်းသစ်ပေါ်မယ် အထက်လူကြီးတွေရဲ့ ကူညီမှုတွေကို ရရှိလာတတ်ပါတယ် အလုပ်အိမ်နေရာ
အပြောင်းအလည်းတွေ ဖြစ်စေတတ်ပါတယ်။ လုပ်ငန်းတိုးတက်ခြင်းတော့ ကြုံစေတတ်ပါတယ်။ လုပ်ငန်းသစ်
စလုပ်မည်ဆိုလည်း အကျိုးပေးစေမည် လုပ်ငန်းပိုင်းတွေမှာ တချို့လတွေမှာတော့ အခက်အခဲတွေ၊ အဆင်မပြေမှုတွေနဲ့
ကြုံတွေ့နေရတတ်တယ်။ အလုပ်အကိုင်လေးတွေလွဲချော်တာ၊ ထစ်ငေါ့နေတာတွေ၊ ငွေကုန်စရာတွေ များနေပါလိမ့်မယ်။
ငွေဝင်သလောက် ပြန်ထွက်နေတတ်ပါတယ်။ အရောင်းအဝယ်သမားတွေ လက်ထဲငွေမမြဲပါ။ အိမ်သစ်နေရာသစ်
ရောက်တတ်ပါတယ်။ ခရီးသွားရတတ်ပါတယ်။ အဆင်ပြေစေတတ်ပါတယ်။ မိတ်ဆွေကောင်းတွေရမယ်။
ဆရာကောင်းသမားကောင်း တွေ့စေတတ်ပါတယ်။ အကြီးအကဲ အထက်လူကြီးပိုင်းတွေ အကူအညီကို ရစေတတ်ပါတယ်။
ဝန်ထမ်းဆို ရာထူးလစာတွေ တိုးလာစေတတ်ပါတယ်။ အပြောင်းအရွှေ့တွေလည်း ကြုံလာတတ်ပါတယ်။ အဆင်မပြေမှုတွေတော့
တစ်ခုပြီးတစ်ခုကြုံနေတတ်ပါတယ်။ မိမိလုပ်ငန်းမှာ ရန်ပေါ်တာ အတိုက်အခံတွေ များသောနှစ်ဖြစ်တယ်။
အောက်လက်ငယ်သားမမြဲစေပဲ ရှိနေမည်။ ဒါပေမယ့် မိမိရဲ့ကံဇာတာ အပြောင်းအလဲလေးကတော့
လစဉ်နဲ့အပြောင်းအလဲတွေ ဖြစ်လာတတ်ပါတယ်။ အဆိုးလ အကောင်းလတွေနဲ့ ဒွန်တွဲနေတတ်ပါတယ်။ အလုပ်အကိုင်တွေ ကံဉာဏ်
ဝီရိယအားစိုက်ထုတ် ကြိုးစားရန်လိုနေပါမည်။ လောဘ ဒေါသ မောဟနဲ့ စီးပွားမရှာပါနဲ့ ဖြတ်လမ်း မလိုက်မိစေနဲ့
လောင်းကစားပြုလုပ်တာ အထူးရှောင်။

ဒီနှစ်အတွင်းမှာ မြေ၊ အမွေ ပရိဘောဂပစ္စည်းဝင်မယ်။ အသိပညာသစ်ရမယ်၊ သင်တန်း၊ စာမေးပွဲကိစ္စတွေ
ကြိုးစားနိုင်မှသာ အောင်မြင်စေမည်။ ရတနာပစ္စည်းတွေ အထွက်ရှိမည် ရွှေထွက်မယ် ခရီးစဉ်တွေပေါ်လာမယ်
ဖြတ်လမ်းစီးပွားရေး ရှောင်ပါ လုပ်ငန်းသစ်တွေပေါ်လာမယ်။ အပြောင်းအရွှေ့တွေ ကြုံတွေ့ရတတ်ပါတယ်။
အရောင်းအဝယ်သမားတွေ အမြတ်နည်းနေမယ် ရှုံးမယ့်လတွေလည်း ရှိနေတတ်ပြန်ပါတယ် အရောင်းအဝယ်လုပ်လုပ်ပါက
တနင်္ဂနွေနံ ကြာသပတေးနံ သောကြာနံ လုပ်ငန်းတွေနဲ့ တွဲလုပ်ပါ ဆရာသမား၊ အကြီးအကဲ မစမယ်။
ယခုလက်ရှိအလုပ်မှာ အဆင်မပြေလည်းထွက်လို့ရတယ်။ ပြောင်းလို့ရတယ်။ လုပ်ငန်းသစ် စလုပ်ရင်လည်း အောင်မြင်မယ်။
အလှူဒါနများလုပ်ပါ။ ငွေဝင်လာလျှင် အိမ်ပြင် အိမ်သာပြင်တာ ပြုလုပ်ပေးရတက်တယ် ဝန်ထမ်းဆို
ကိုယ်ပိုင်လုပ်ငန်းတွေနဲ့ တပိုင်တနိုင်ပြုလုပ်ပါ ပိုပြီး စီးပွားဖြစ်မြန်မည် ကိုယ်ပိုင်အလုပ်က ပိုအကျိုးဖြစ်စေပါလိမ့်မည်။
လူမှုရေး အတိုက်အခံတွေ ပြိုင်ဆိုင်မှုတွေ များစေတတ် အထူးသတိပြုရန်လိုစေပါမည် ဘာပဲလုပ်လုပ် နှုတ်ဆိတ်နေရန်
အရေးကြီးနေမည်။ မိမိအိမ်ကို သက်ကြီးရွယ်အိုတွေ ညအိပ်ညနေ လက်မခံပါနှင့် မိမိအိမ်မှာ ဒုက္ခရောက်စေတတ်တယ်
အရက်ပုလင်းတွေ အဝင်မခံပါနှင့် လဒ်ပိတ်စေတတ်ပါတယ် စီးပွားရေးနဲ့အတူ ဘာသာရေး ကုသိုလ်ရေး ယှဉ်တွဲလုပ်ပါ
ကောင်းမှုတခု နေ့စဉ်ပြုပါ ဒါနကောင်းမှုတွေလုပ်ပါ စိတ်ကိုအေးချမ်းစွာထားပြီး လုပ်ငန်းစီးပွားရှာပါ ရန်လိုမှု
ပြိုင်ဆိုင်မှု မနာလိုမှုတွေနဲ့ ကြုံတွေ့ရတတ်ပါတယ် ကြုံလာရင်လည်း ကိုယ်လုပ်ရမှာကိုပဲဆက်လုပ်ပါ စိတ်အေးအေးထာပြီးလုပ်ပါ
ကံဉာဏ် ဝီရိယအား စိုက်ထုပ်ကြိုးစားရန် လိုအပ်စေတတ်ပါတယ်။

ငွေကြေး။ ။ငွေကြေးကံအနေနှင့် ငွေရလွယ် ကုန်လွယ် ဖြစ်နေတတ်ပါတယ် ငွေ လက်ထဲငွေမမြဲပဲ ရှိနေတတ်ပါတယ်
ငွေကုန်စရာတွေလည်း ပေါ်လာတတ်ပါတယ် ငွေအဝင်အထွက်တွေ များနေတတ်ပါတယ် ငွေကို သေချာစုဆောင်းနိုင်
ချွေတာသုံးနိုင် ငွေယိုပေါက်တွေ ထိန်းနိုင်မှ ငွေမြဲစေမည်။ ငွေစုပါ ငွေဝင်လာရင် လုပ်ငန်းတိုးချဲ့ပါ
ဒါနကောင်းမှုပြုပါ ငွေကိုချွေတာပြီး သုံးရန် လိုစေတတ် ငွေချေးတာ အာမခံတာ အထူးရှောင်ပါ
ငွေလူလိမ်ခံရတတ်ပါတယ် ရစရာရှိတာတွေ ပေးစရာရှိတာတွေ ခက်ခဲစေတတ်ပါတယ်။ ငွေအတွက် ရန်ပေါ်တာ
ပြဿနာဖြစ်တာရှောင် မိမိရှုံးစေမည်။ ငွေကြေးက မမြဲတတ်သောကြောင့် ငွေနဲ့ရင်တဲ့အလုပ်တွေ
ဖြတ်လမ်းစီးပွားရေးတွေ ရှောင်ပါ။

လူမှုရေး။ ။လူမှုရေး အနည်းငယ် ပြဿနာလေးတွေ ရှိနေတတ်ပါတယ် အတိုက်အခံအခြေအတင်လေးတွေ
စကားပြောရတတ်ပါတယ် လက်အောက်ငယ်သားတွေ မိမိအပေါ် ညိုညင်နေမယ် အညှိုးအတေး ထားတတ်တယ်
စကားပြောသတိထားပါ သူတပါး မကောင်းပြောဆိုတာ စွတ်စွဲတာတွေ ခံရတတ်ပါတယ် လူယုံထားလို့မရပါ
အမျိုးသမီးတဦးနဲ့လည်း စကားများရတာတွေ ဖြစ်ပေါ်လာတတ်ပါတယ် အားနာမှုကြောင့် ဒုက္ခရောက်စေတတ်ပါတယ်
လက်အောက်ငယ်သား မိမိညီအကို မောင်နှမတွေကြောင့်လည်း စကားအခြေအတင် ပြောရစေတတ်ပါတယ် ကိုယ့်ကိုကိုယ်ပဲ
အားကိုးပါ သူတပါးအားမကိုးပါနှင့် စိတ်လိုက်မာန်ပါ ပြုမူပြောဆိုတာတွေ ရှောင်ပါ အစိုးရနဲ့ ပတ်သက်တဲ့ အမှုအခင်း
ပြဿနာလေးတွေ ဖြစ်လာတတ်ပါတယ် အမှုမဖြစ်အောင်နေပါ ဖြစ်လျှင် အရှုံးများစေတတ်ပါတယ် စေတနာကောင်း
စိတ်ကောင်းထားပါ ဘာသာရေး ပိုလုပ်ပါ သူများပြဿနာ ဝင်ဖြေရှင်းတာတွေ မပြုလုပ်ရ စေတနာအမှား
ဖြစ်တတ်သောကြောင့် သတိထားရှောင်ပါ။ ဗုဒ္ဓဟူးနံပါတဲ့နေ့သားတွေ စနေနံပါတဲ့နေ့သားတွေနဲ့ စကားပြောဆိုတာ
သတိထားပါ အရာရာသတိထားပြီး ပြုလုပ်ပြောဆို နေထိုင်ပါ အမြဲလို လမ်းရှင်း ရေကန်လှယ် တံမျက်စည်း
ခြေသုတ်ဝတ်လှူ အန္တရယ်ကင်း ဂါထာ ဂုဏ်တော်တွေ နေ့စဉ်ပွားများပြီး နေထိုင်ပြောဆိုပါ။

ကျန်းမာရေး။ ။ကျန်းမာရေးမှာဆိုရင် အကြောတက်တာ မျက်စိနဲ့ပတ်သက်တာ ဆီးရောဂါ အစာအိမ် လေအောင့်တာ
ခေါင်းမကြည်တာ ခြေလက် ထိခိုက်ဒါဏ်ရာ ရစေတတ် သွေးထွက်သံယို ဖြစ်ပေါ်စေတတ်ပါတယ် စက်ပစ္စည်းနဲ့ပတ်သက်ပြီး
ထိခိုက်စေတတ် သတိရှိပါ မီး လျှပ်စစ်မီး ကိုင်တွယ်တာတွေ သတိရှိပါ ဦးခေါင်းမကြည်တာ ညောင်ညာကိုက်ခဲတာ
သွေးအားနည်းပြီး မူးမောတာ ချောင်းဆိုး ရင်ကျပ်တာ ရာသီအကူးအပြောင်း ဖျားနာတာတွေ
နှလုံးအားနည်းပြီး ရင်တုန်တာ ဖြစ်ပေါ်နေတတ်ပါတယ်။ အသေးစား အက်စီးဒန့်လို ရှိစေတတ်သောကြောင့် ဆိုင်ကယ်
ကား သတိရှိပါ။ ဖြစ်ပြီးသားရောဂါ ပြန်ဖြစ်လာတာမျိုးလည်း ကြုံရတတ်ပါတယ် အကုန်ဖြစ်မယ်လို့တော့ မဆိုလိုပေ
တခုမဟုတ်တခု ဖြစ်ပေါ်လာတတ်ပါတယ် သတိထားရန်တော့ လိုစေတတ် မိမိမွေးနံထောင့်မှာ ဗျာလှူ အခင်းလှူ
လိုအပ်သောနေရာတွေမှာ ရေစစ်လှူပါ ငါးလွှတ်ပါ ငှက်လွှတ်ပြီးဆုတောင်းပါ ဘာသာရေးပိုလုပ်ပါ။

အိမ်ထောင်ရေး။ ။ယခုနှစ် အိမ်ထောင်ရေးမှာဆိုရင် အိမ်ထောင်ရေး ဂတောက်ဂဆလေးတွေတော့ ရှိနေတတ်ပါတယ်
မိသားစု ညီအကိုမောင်နှမ အတွက်သော်လည်းကောင်း သားသမီးရှိက သားသမီး ကြောင့်စိတ်ညစ်ရတတ်သည်။
မိမိအိမ်ထောင်ဖက်ရဲ့ အကျိုးပြုမှုကိုလည်း ရရှိစေတတ်ပါတယ် တခါတရံတော့ ရန်ပေါ်တတ်တယ်။ တယောက်နှင့်တယောက်
စိတ်တိုင်းမကျတာ နားလည်မှုတွေလွဲနေတာ အလိုမကျတာတွေ ဖြစ်ပေါ်နေပါမယ်။ အိမ်ထောင်ရေးမှာ
ကြားလူဝင်နှောင့်ယှက်တာတွေ အိမ်ထောင်ရေးအပျက်အစီး အနှောင့်အယှက်တွေကြုံလာပါမယ်။

စီးပွားရေး အဆင်မပြေနေတဲ့အချိန်တွေမှာ အိမ်ထောင်ရေးဇယားရှုပ်တာ အပျော်အပါးလိုက်စားပါက
နာမည်ဂုဏ်သိက္ခာ ကျဆင်းတတ်သလို တတ်လာမယ့်အညွန့်ပြန်ကျိုးမယ်။ အိမ်ထောင်ရေးမှာ အဖျက်ပေါ်ပါလိမ့်မယ်
သတိထားရှောင်ပါ။ အသောက်အစား ရှိပါက အိမ်ထောင်ရေး ရန်ပေါ်တတ်ပါတယ် အိမ်ထောင်ရေး ဇယားရှုပ်တာ
အထူးရှောင်ပါ ရှုပ်ထွေးမှုတွေ ဖြစ်ပေါ်တတ်ပါတယ် ထိုသို့ပြုလုပ်မိပါက မမျှော်လင့်ထားတဲ့
ပြဿနာတွေဖြစ်လာတတ်ပါတယ်၊ စီးပွားပျက်တတ်တယ်၊ ဂုဏ်သိက္ခာ ကျဆင်းတတ်သောကြောင့်
သတိထားဆင်ခြင်ရန်လိုအပ်ပါမည် အိမ်ထောင်ရေးမှာ ဆိုးတူကောင်ဖက်တိုင်ပင်ပြီး လက်တွဲမှသာ အဆင်ပြေစေတတ်ပါတယ်
ကုသိုလ်ရေးအတူလုပ် ဘာသာရေး အတူလုပ် စီးပွားရေး တိုင်ပင်ပြီး လက်တွဲပါ အပျော်အပါး အသောက်အစားတွေ
ရှောင်ပါ အဆင်ပြေလာပါလိမ့်မည်။

အချစ်ရေး။ ။ယခုနှစ်အတွင်း အချစ်ရေး စိတ်ညစ်စရာလေးတွေ အနည်းငယ် ရှိနေတတ်ပါတယ် ငယ်ရွယ်သူတွေ အချစ်ရေး
ကံမကောင်းသေးပါ စန်းကျနေတတ်ပါတယ် အဆင်ပြေမှုအားနည်း စေတတ်ပါတယ် အချစ်ရေးမှာ တွေဝေမှုတွေ
ရှိနေမည်။ လက်ရှိချစ်သူ ရှိနေသူတွေကတော့ အချစ်ရေးဂတောက်ဂဆတွေ အချစ်ရေး ပြဿနာတွေ
အနည်းငယ်ရှိနေတတ်ပါတယ် မကြာခဏ စိတ်ဆိုးစိတ်ကောက် စကားများနေရတာတွေ ရှိနေတတ်ပါတယ် ရန်ဖြစ်လိုက်
ပြန်ချစ်လိုက်ရှိနေမယ်၊ တခါတရံ သဝန်တို စိတ်မချတာ အထင်အမြင်လွဲမှားတာတွေ နားလည်မှုလွဲမှားတာတွေ
ရှိနေတတ်ပါတယ် စိတ်တိုင်းမကျ အလိုမကျတာတွေလည်း ရှိနေတတ်ပါတယ်။ တခါတလေ ရှေ့တိုးရအခက် နောက်ဆုတ်ရအခက်
တွေဝေနေတတ်တယ် သံယောစဉ်တော့ မပြတ်ပါ။ ယခုနှစ် တွင်အိမ်ထောင်ကျကိန်း ရှိနေပါတယ် ယူမယ်ဆို ယူလို့ရပါတယ်
ယခုနှစ်အချစ်ရေးက ဂတောက်ဂဆလေးတွေနဲ့ ဖြတ်သန်းရတတ်ပါတယ် ချစ်သူနှစ်ဦးကြားမှာ အဖျက်အဆီးတွေ
ဝင်လာစေတတ်ပါတယ် အချစ်ရေး ဇယားရှုပ်တာ အပျော်အပါး လိုက်စားပါက မတည်မြဲနိုင်ပါ။
အချစ်ရေးကံကောင်းစေရန် မေတ္တာများများပို့ မေတ္တာသုတ်ရွတ် မွှေးသောပန်းတွေလှူ သတ္တာဝါလေးတွေ
အစာကျွေးပြီးဆုတောင်း။

ပညာရေး။ ။ယခုနှစ်မှာပညာရေးနှင့် ပတ်သက်ပြီး ရပ်တန့်နေတတ်ပါတယ် တွေဝေနေတာမျိုးတွေလည်း ရှိနေတတ်ပါတယ်
သင်တန်းတက်ရကိန်းတွေလည်း ပေါ်လာတတ်ပါတယ် တက်ပါ မိမိအတွက် အကျိုးပြုစေတတ်ပါတယ် ပညာရေးကို
ရပ်တန့်မနေသင့်ပါ ၊လတ်တလော ပညာရေးထစ်ငေါ့တာ ပညာရေး တပိုင်းတစတွေ လွဲချော်တာတွေလည်း ရှိနေပေမယ့်
မကြာခင်ပြန်လည် ကောင်းမွန်လာပါမည်။ ပညာတတ်လေ ဘဝလမ်းခရီး အောင်မြင်လေဖြစ်ပါမယ်။
ပညာဖြင့်အသက်မွေးဝမ်းကြောင်းပြုရင်လည်း အကျိုးပေးပါမည်။ ပညာရေးကို ဝီရိယ အားစိုက်ထုတ်ကြိုးစားပါ
ဘဝမှာ ပညာရေးကနံပါတ်၁ စီးပွားရေးက နံပါတ်၂ အချစ်ရေးက နံပါတ် ၃ နေရာမှာထားပြီး
ဘဝအတွက်ကြိုးစားအားထုတ်ပါက အောင်မြင်တိုးတက်လာပါလိမ့်မည်။ ပညာရေးကို အဖျက်တွေ ဝင်လာစေတတ်ပါတယ်
အချစ်ရေးကြောင့် ပညာရေး ထိခိုက်တတ်သလို အပေါင်းအသင်းမှားတာ အပျော်အပါး မက်မှုတွေကြောင့် ပညာရေး
ထိခိုက်တတ်စေတယ်။ ပညာရေးနှင့် ပတ်သက်ပြီး ကံ ဉာဏ် ဝီရိယ အားစိုက်ထုတ်ရမယ့် သူမျိုးဖြစ်တယ်။
အတန်းပညာပြီးဆုံးရင်လည်း အတတ်ပညာ ဘာသာစကားဆိုင်ရာ ကွန်ပျူတာနဲ့ဆိုင်တဲ့ ပညာမျိုးတွေ လေ့လာပါ။ သင်ယူပါ။
ဘဝအတွက် အထောက်အကူဖြစ်စေလိမ့်မည်။

ဒီနှစ်အတွင်း အကျိုးပေးဂဏန်းအနေနဲ့။ ။ ၆၊၅၊ ၁ ထိုဂဏန်းတွေက တစ်နှစ်ပတ်လုံး အကျိုးပြုစေပြီး ထီထိုးတာမျိုး
တစ်ခြားသောကိစ္စတွေမှာ အသုံးပြုခြင်းဖြင့် ကံကောင်းစေပါလိမ့်မည်။

အကျိုးပေးအရောင်။ ။ဒီနှစ်အတွင်းမှာ ကံဇာတွင့်ပွင့်ပြီး အကျိုးပေးအရောင်အနေနဲ့က အနီရောင်၊ အဝါရောင်
အပြာရောင် ခဲရောင်တွေဖြစ်ပါတယ်။ ဖြစ်ပါတယ်။ အရေးကြီးသော အရေးကြီးသော စကား အရေးကြီးသော
လုပ်ငန်းကိစ္စတွေ ခရီးကိစ္စတွေ အကြောင်းအရာတွေမှာ ဝတ်ဆင်ပြီး ပြုလုပ်ပြောဆို ဆောင်ရွက်ခြင်းဖြင့်
ကံပွင့်စေမည်။

ရှောင်ရန်။ ။ဒီတစ်နှစ်ပတ်လုံး အမဲ ဝက်သား နို့ဆီး ထန်းလျှက် အရက် သောက်စားခြင်း နီညိုရောင် အနက်ရောင်
ရှောင်ပါ။ လောင်းကစားပြုလုပ်တာ သူ့အသက်သတ်ခြင်း ရန်ဖြစ်ခြင်း ထိုအရာတွေ ဝတ်ဆင် စားသောက်ခြင်း
အထူးရှောင်ရပါမည်။

**ဒီနှစ်အတွက် မိမိတို့အနေနဲ့ အရေးကြီးသော အကြောင်းကိစ္စ အဝဝ ပြုလုပ်ပြောဆိုရာမှာ** အောင်မြင်ဖို့အတွက်
အကောင်းဆုံး အကျိုးပေးနေ့တွေမှာ တနင်္ဂနွေနေ့နဲ့ သောကြာနေ့ နေ့တွေဖြစ်ပါတယ် ထိုနေ့အတွင်းမှာ
အကောင်းဆုံးအချိန်ဖြစ်တဲ့ မုဆိုးရွှေအိုးရကိန်း အချိန်ဖြစ်တဲ့ နေ့လည် ၁း၁၃မှ ၃း၃၆အတွင်းနဲ့ ပုဏ္ဏား နတ်သမီး
ရကိန်းအချိန်ဖြစ်တဲ့ တနင်္ဂနွေနေ့နဲ့ သောကြာနေ့ နေ့ မနက် ၆း၁၀နာရီ မှ၈း၂၄ထို အချိန်တွေမှာ
အရေးကြီးသော အလုပ်ကိစ္စ အကြောင်းအရာရာ ကိစ္စအဝဝ ပြုလုပ်ပြောဆိုရာမှာ သော်လည်းကောင်း ခရီးကိစ္စတွေ
သွားလာတာ မျိုးတွေမှာသော်လည်းကောင်း ထိုအချိန်တွေမှာ ပြုလုပ်ပြောဆို လုပ်ကိုင်ဆောင်ရွက်ခြင်းဖြင့်
အောင်မြင်မှုတွေ ရရှိစေပါမည်။

ဘဝတစ်သက်တာမှာ ဘုမ္မိအရပ်က အနောက်အရပ်ဖြစ်ပါတယ် ထိုအရပ်မှာ စီးပွားရှာတာ ခရီးထွက်တာ အိမ်ဆောက်တာ
အိမ်မျက်နှာလှည့်ပြီး ဆောက်လုပ်တာ လှေကားထားတာ အထူးရှောင်ပါ။

ဘဝတစ်သက်တာအတွက် အကျိုးပေး ရတနာ။ ။စိန် ဂါးနက်ကျောက် အဖြူရောင် ကျောက်တို့က မိမိတို့ရဲ့ အကျိုးပေး
ရတနာတွေပဲ ဖြစ်ပါတယ်။

ယတြာ။ ။ဒီနှစ် တစ်နှစ်လုံးမှာ မိမိတို့အနေနဲ့ ကံဇာတာပွင့်လန်းစေရန် ကံကောင်းမှုတွေ ရရှိစေရန် ပြုလုပ်ရမည့်
ကောင်းမှုကံ ယတြာ တနင်္ဂနွေနေ့မနက် (၉း၄၅) တွင်အုန်း၆ညွန့် အုန်းထမင်း အာရုံဆွမ်းသစ်သီးဆွမ်းကို
မိမိအိမ်ဘုရားတွင်လှူပါ။ တပတ်တခါလှူပြီး မိမိလိုရာဆုတောင်းပါ။ ထီးနီအကြီး၁လက် စနေထောင့်မှာ
တစ်လတစ်ခါလှူပြီး ဆုတောင်း ကံကောင်းမှုတွေ ရရှိစေမည်။ ဘာသာရေး ကုသိုလ်ရေး အထူးပြုလုပ် မကောင်းတာ
မကောင်းသောစကား မကောင်းသောအလုပ်တွေ ရှောင်ပြီး စိတ်ကိုအေးစွာထားပြီး နေထိုင် ပြုလုပ်ပါ
ကံကောင်စေမည်။

အညံ့ပပျောက်ရန် ။ ။ဒီနှစ်အတွင်းမှာ မိမိတို့ ခက်ခဲမှု အဆင်မပြေမှုတွေ လွတ်မြောက်စေရန်အတွက်
မည်သည့်နေ့ညနေပိုင်းတွင် မဆို နို့ဆီနဲ့ ထမင်းနဲ့နှယ်ပြီး လမ်းဘေးခွေးတွေ မကြာမကြာကျွေးပြီး
ငါ့မှာရှိတဲ့မကောင်းတဲ့ အညံ့အားလုံးပါသွားစေဟုပြောပြီး ကျွေးပါ ညနေဘက်မှာ တလတခါ နှစ်ခါကျွေးပါ
ဘာသာရေး အထူးပြုလုပ်ပေးပါ၊ ပုတီးစိပ်ပါ ကံအညံ့တွေ ပျောက်စေမည်။